رواية حلم الليالي
الفصل الثالث 3 والرابع 4
بقلم هاجر عبد الحليم
عبدالله كان ع وشك الخروج لمس مقبض الباب ولكن سمع همس كعصفور يغرد اسمه بشجن وحزن خفق قلبه بشدة وعيناه لم تستطيع النظر اليها رعشة سرت بكيانه لا يعلم سببها صوت دعس اقدامها يوحي له انها سارت قريبة انفاسها الحادة تشير لمعاناه داخلية يحس بها ولكنه عاجز عن التحرك
مروة بحزن.اي انت مش ناوي تبصلي؟ هتروح كدا من غير م تكلمني ولا حتى تودعني للدرجة دي بقيت قلة ومليش لازمة! انت فاكر اي ها؟ جوازي منك دا شيء غصب واقتدار ولو عليا امشي من هنا ومتعرفش ليا طريق بس حبي لوالدتك مخليني عاجزة وايدي متكتفة هي بردو تعبت وحقها عليا اسكت واسيب الموج يخبط فيا م هي دي الحياه من امتى بتدينا اللي احنا عايزينه واهو ربنا ابتلاك بيا بس صدقني مع اول فرصة هحررك من مسؤليتي عشان تعيش مبسوط من غير اي عبء عن اذنك
عبدالله لم يستطيع الصمت اكثر من ذلك هي بلهاء وتلك الوساوس حتما سوف تأتي بأجلها يوما
لف وجهه لها قبل ان تتحرك لمس يدها
عبدالله بمرح.دراما كوين بأمتياز فعلا هايل هايل يافنانة عايزين شوية بهارات اكتر من كدا خلي الحياه تحلو
مروة بعصبية.انت انسان مهزا بجد
عبدالله رفع حاجبه بدهشة صادمة
اي انا اي!
مروة بعصيية مفرطة لا تعي ما تقولو.انت طول عمرك معايا كدا مش بتراعي مشاعري مهما اتكلم بتفضل لوح تلج مش بتتحرك مش بتفكر غير ف مصلحتك لكن انا اغور ف داهية ولا تفرق صح
عبدالله لمس وجهها بقلق حقيقي هو لاول مرة يراها بتلك الحالة
عبدالله.انت كويسة يامروة سخنة صح؟ عندك حمة طيب؟ حسك مش طبيعية انتي شربتي اي يخربيتك؟
مروة بعياط.بردو ياعبدالله يااخي بقا انت اي جنس ملتك اي غور بقا ف داهية وروح اتجوز وحل عني وطلقني دي مبقتش عيشة بقا فضلت اكبت لحد م هنفجر هو انا مش هفرح ابدا مش من حقي اعيش مرتاحة مع راجل يحبني ويقدرني لي القدر يحكم عليا بيك لاخر عمري كدا خلاص ادبست مع واحد كل يوم خناق معاه شكل انت كل دا بتتكلم معايا عشان هي مش موجودة بالك اول م هتشرف حتى عينك عمرها م هتترفع ف وشي تاني طالما خسارة بخسارة قبل م تكتب عليها تكون مطلقني واه من قبل م تقول انت وقعت معايا ف الجوازة دي عشان الحرمانية لكن خلاص انت هيبقي ليك بيتك وخالتي هتفضل خالتي لكن انت هتكون شخص غريب عني وياريت مراتك تعرف مسؤليتها كويس الست قعيدة عايزة بس كلمة حلوة وهتكسبها ومش هتشيل همها وانا خلاص كدا قررت اني اسافر ومش هرجع تاني خليني ابدا من جديد وحياه جديدة ارسمها بأختياري مش تتفرض عليا
عبدالله بصدمة حقيقية وقلب يأن بمرارة فقدانها.انتي هتسافري فعلا؟
مروة نظرت الي عينه وكانها تودعه.ايوة ياعبدالله رايحة دبي جالي فرصة شغل هناك ولازم اروح
ف شقة شهد
ف صالون المنزل كل العيلة متجمعة كلاهما ينظران للاخر دون النطق بكلمة واحدة
شرارات الغضب والغيرة من شهد تريد ان تفتك بتلك الفتاه وتقتلها وترمي جثتها لحيوانات العالم اجمع
والدتها تعلم انها شرشة ولا احد يستطيع السيطرة عليها ولكن هذا المدعو عبدالله من بدأ شعلل قلبها بوجوده مع ضرتها كما تسميها هي بالأساس لا تريد تلك الزيجة وكما يقال بالمثل الشعبي عصرت ع نفسها لمونة فقط من اجل ابنتها ولكن اقسمت بداخلها اذ لم تحس بمحبة عبدالله لها لن تخضع وتسلمها له ابدا
عبدالله نظر الي شهد ولكنها ظلت صامتة تنظر الي مروة بغل وحقد قبضت ع المنديل وظلت تقطع فيه حتي تحول لفتات صغيرة
مروة تكاد تبكي من منظرها ف هي رقيقة جدا ولن تصمد معها
مروة ف سرها..منك لله ياعبدالله اشوف فيك يوم انا اي اللي جابني بيت الرعب دا
كان عقلها يصيح فاقت فقط ع كسر فنجان القهوة الذي كان بيد عبدالله
ف مروة لم تشعر بنفسها وهي تلمس ذراع عبدالله وتتمسك به بخوف وكأن كيانها كله يعلم انه امانها وحاميها
وكأن الشيطان تلبس بشهد من تلك التي تستطيع ان تلمس حبيبها هذا كثير
والدتها حاولت الامساك بها ولكن هل احد يستطيع المواجهة معها!
قامت من مجلسها كان عبدالله يعلم بما يدور ويستشهد ف سره حدق بها وعينيه كانت ع اخرها حين اقتربت منه وامسكت فنجان القهوة وسكبته ع البدلة الخاصة به ولم تكتفي بذلك ولكن كسرته وكان ع وشك ان يجرح قدم مروة لولا عبدالله الذي تمسك بها من خصرها وابعدها عنه
شهد بعصبية.طلع خطافة الرجالة دي برة والا مش هيحصل كويس جايبها لي ها عايز تثبتلنا انها بقت امر واقع يعني؟ لا ياباشا يانا ياهي انا مش هدخل ع ضرة ومش هي دي اللي تنافسني فيك
انتي اي ها..مش بتخافي ع منظرك مش بتحسي بالعار وانتي جاية مع جوزك وهو بيخطب واحدة تانية غيرك مش بتحسي انك ولا حاجة ومش مليا عينه ومهما تعملي مش هيشوفك مراته ولا هيديكي حقك انتي جبلة اللي جواكي دا اي مفيش دم اللي ببسري ف جسمك اي؟ احسبن عليكي حتى اليوم اللي فضلت احلم بيه سنين كسرتيه وضيعتيه عليا برررررة بقولك وشك البريء دا تخدعي بيه الناس كلها الا انا لازم تعرفي اني وافقت ع عبدالله لما قالي انك مش هتكوني ف حياته اصلا لكن لو اعرف انك هتشرفينا والله م كنت فتحت الباب ولا ضيفتك ف بيتي ياخطافة الرجالة انتي
عبدالله بصريخ.شههههههد كفاااااايا في ايييي احترررمي نفسسسك بقاااا
لم يشعر بنفسه وهو يرفع يده وكاد يصفعها لولا مروة تمسكت بيده نظر الي دموعها بعجز وندم هي بالاساس كانت لا تريد المجيء هو اللي أصر عليها لكي تنسى فكرة السفر لا يستطيع العيش بدونها ف هي اعز الأشخاص ع قلبه
مروة بعياط..اوعي تمد ايدك عليها مش دي حبيتك ازاي هيجيلك قلب تعمل كدا؟ وبعدين هي مغلطتش ف ولا كلمة قالتها وانا مسامحاها وعذراها الموقف اللي هي فيه صعب ومن حق اي واحدة تحتفظ بحبيبها لنفسها واللي يمسه لازم تدافع عنه بكل قوتها ودا اللي شهد بتعملو ارجوك ياعبدالله اقعد واتفقو ع كل حاجة وانا همشي من هنا اللخبطة اللي بتحصل ف حياتك لازم تقف لحد هنا
والد شهد ينظر الي الجميع بغموض رهيب يتابع فقط ولا يظهر اي رد فعل
والدة شهد نظرت اليها بعتاب ف كلامها الجارح هذا لا يوجد امرأة تحتمله ولكن مروة فعلت هذا
هي ليست غبية مروة فتاه شفافة للجميع هي حقا فتاه هادية ونسيمها خفيف ع الجميع
مروة بعياط.ارجوكي ياشهد افهميني وانا مش هعيد كلامي دا تاني انا متجوزة عبدالله مش عشان بحبه ولو ع المعزة اللي قهراكي دي للاسف عشان احنا اتربينا سوا انا فتحت عينه لقيته سندي بعد ربنا هو ابويا وسعادته من سعادتي وانا جيت عشان اقولك متخافيش انا مش عدوتك ولا هدفي اخدو منك ولا اشاركك فيه انا مش برضى بنص راجل
نظرت الي بتمعن وقالت
ياكلو يابلاش
حاولت التخلص من نظراته ف هو كان مركز معها لأبعد حد حقا تلك الفتاه تدهشه يوما بعد يوم
مروة..حياتكم هتمشوها عادي ومش هتشيلو همي ومش هتشوفي مني غير كل خير ولو جوازو مني ممكن بسببها تنهو الموضوع انا اكيد مش هقبل بكدا ومن بكرة هكلم خالتي وهخلي عبدالله يظبط ورق الطلاق وبكدا مش هيكون فيه اي علاقة بتجمعنا ومفيش اي خطر ممكن تحسي بيه بسببي
ثم نظرت الى والد شهد
ارجوك ياعمي تسامحني ع كل اللي حصل
نظر لها ببسمة فخر
تعالي يابنتي
ذهبت اليه وهو ملس ع راسها قاءلا بهمس هي فقط التي سمعته .ربنا يحميكي ويحفظك ويهديه ليكي
نظرت اليه بصدمة وحاولت رسم البسمة ع وجهها بمجاملة لذلك الرجل الذي يثير بداخلها الراحة من نظراته فقط
والد شهد.خد يبني مراتك وروحها وخد بالك منها وانا هتصل بيك نحدد معاد تاني بامر الله
وكان هذا طوق النجاه لعبدالله جري بلهفة وامسك بيدها وشدها للباب ينوي الخروج من هذا المنزل نظر الي شهد نظرة اخيرة غاضبة ولكنها ابعدت وجهها عنه تخفي ندمها وغيرتها ايضا هي لن تعترف بذلك ابدا
مروة نظرت الي عبدالله وشبكت يدها بيده وهو ايضا شد يده عليها وقبل راسها قاءلا.يلا بينا يامروة
ف الشارع
كلامهما يمشيان ف الطرقات بصمت يطبق ع نفسهم فقط الأيادي تتشابك تعلن ع وجود رباط مقدس يباركه رب العالمين وكان القدر لا يريد تفريقهم بل يحدث المسببات لتجعلهم اقرب اثنين لبعض ف هو القدر ينسج حكاية نسميها حلم الليالي❤️
عبدالله غمض عينه بوجع هو يريد ان يتحدث ولكن لسانه اتشل ام ماذا؟ لماذا هذا السكوت الذي يطبق ع الأنفاس
عبدالله.انا اسف
مروة.اسفك مقبول
عبدالله.مكنتش اعرف انه دا كلو هيحصل
مروة.واهو حصل
عبدالله.كل دا بسببي
مروة.الغيرة تعمل اكتر من كدا
عبدالله..انتي بتبرري غلطها؟
مروة.غلطك اكبر لما انت فكرت تمد ايدك عليها
عبدالله بندم..ازاي اسمحلها تأذيكي يامروة؟
مروة.تقوم انت اللي تاذيها كدا وقدام مين؟ اهلها ياعبدالله تفتكر بعد اللي انت عملتو دا ممكن يفكرو انهم يوافقو كدا انت بتخسر البنت اللي عملت اللي ميتعمل عشانها
عبدالله بندم.هصالحها بس لازم تعرف انتي مين وعشان تبطل كل م تشوفك تسممك بالكلام كدا
مروة.انت لي مصمم تختاري بيني وبينها كدا؟
عبدالله.انا عايزكم انتو الاتنين ف حياتي
مروة حاولت ان تبعد يديها عنه وظلت تمشي بالطرقات وهو يمشي ويتابع تحركاتها
مروة.الانسان اناني عايز ياخد كل حاجة ف نفس الوقت
ودي دنيا وعشان تتعامل معاها صح لازم تعرف قوانينها واول قانون هقولك عليه
نظرت اليه وابتسمت ابتسامة صافية
لازم تختار بين الصداقة والحب لما تقف قدام الاتنين كل واحد فيهم ليه احساس مختلف عن التاني ولكن هو واحد بس الاقوي واللي بيدوم وبتلاقي فيه سعادتك وراحتك لازم قلبك يعرفه عشان تحس بيه ومتفكرش لحظة انك اخترت غلط
عبدالله بهيام.رغم اني مربيكي بس لسة بعرفك من اول وجديد
مروة.الحياه ياما بتغير وبعدين انا
قطعت حديثها حينما سمعت صوت تأوه قبض قلبها بسببه
عبدالله.في اي بتبصي حواليكي لي؟
مروة.استنى بس ياعبدالله
حاولت ان تعرف من صاحب الصوت ومن اين ياتي قدميها وصلت لشجرة نظرت تحتها وجدت مخلوق لطيف
اجل انها هرة❤️
عبدالله.دي قطة صح
مروة امسكت بالهرة وظلت تلمسها بحنان لفت نظرها جروح غ اليد والانف
مروة بقلق ودموع.عبدالله دي عمرها صغير لازم نوديها للدكتور حالا نطمن عليها انا مش هستحمل امشي واسيبها ارجوك بسرعة الوقت لسة متاخرش اوي ممكن نلاقي اي عيادة بيطرية فاتحة صح
عبدالله نظر الي ساعته قاءلا
اعرف واحد صحبي ليه عيادة قريبة منها هاتي القطة عنك وهنروح دلوقت اطمنك عليها
رفضت مروة ان تعطيه الهرة
مروة.لا مشمشة هتفضل معايا اتفضل يلا ودينا بسرعة الوقت مش ف صالحنا يلا ارجوك
عبدالله ابتسم بمرح
مشمشة كمان سميتيها اه منك ومن طيبة قلبك دا هتجننيني هاتي ايدك طيب
مروة امسكت يده بخجل واليد الاخري امسكت بالهرة
وعبدالله ينظر لها بحب ظنه حب ابوي ولكنه لا يعلم انه من بعد ذلك المشهد تبدا حكاية القلبين❤️
ف بيت شهد
شهد بعصبية.هي اللي بدات
اميرة.عليكي اي من دا كلو؟
شهد.انا بحبه ياماما
اميرة.بس هو مش لوحده يابنتي
شهد بعياط.مش انا السبب
اميرة.ولا هي كمان دا النصيب يابنت بطني والقدر محدش بيقف قصاده
شهد.يعني مروة هي اللي قدره وانا المفروض اطلع من حياته انتي عايزة تقولي كدا ياماما؟
اميرة.ابوكي شاف فيها قلبها المميز والطيب وانتي عارفة انه بيعرف يحكم ع الناس كويس دي مش حملك وزي م هو عرفها انا مربياكي وعارفة انه بذرتك طيبك بس انتي اللي عصبية غيرتك مش لازم تتحكم فيكي لدرجة انك تدوسي ع بنت اضعف منك بكتير جواكي ندم خفياه ومش عايزة تعترفي بيه حتى بينك وبين نفسك لكن انا اهو بقولك مش عيب نقول غلطنا لكن عيب نستمر وندوس ع مشاعر البشر بدون اي وجه حق انا مربتكيش ع كدا ياشهد
شهد رمت نفسها ع السرير وظلت تبكي وتنحب بصوت يبكي الجبال ل اجله
شهد بعياط.انا انا مش عارفة انا بجد تعبت
اميرة جلست بجانبها وربتت ع كتفها ولكنها تريد اكثر من ذلك
شهد.ممكن تحضنيني ياماما
اميرة.تعاالي يابنتي
شهد ظلت تبكي وقت لا احد يعلم متى انتهي ولكنها احست براحة وقالت.جوازي من عبدالله ليه تمن غالي الله اعلم انا قده ولا لا؟
اميرة.انا يابنتي مش مرتاحة للجوازة دي بلاش منها احسن
شهد بعياط.مقدرش ياامي مقدرش
اميرة بقلة حيلة.ولا هو يقدر يتنازل عن مروة مش عشان بيحبها بس عشان دي مسؤلية يابنتي هو عايز يتحملها مينفعش نقولو سيب امانتك اللي ربنا هيسالو عليها دي مراته بردو وليها حق عليه حتى لو احنا مش عايزين دا ربنا ميرضاش ابدا بالظلم واحنا مش مربينك عشان نخليكي ترمي نفسك لواحد حياته مش ملكه تعبنا فيكي وعايزين ليكي جوازة مريحة وعبدالله مش هيعرف يقدملك دا ياحبيتي
شهد.دليني طيب
اميرة بعجز.صلي استخارة واللي فيه الخير ربنا يقدمه
ف العيادة
عبدالله.اطمنتي ياستي
مروة.شكرا ياعبدالله
عبدالله.عايزة توديها فين؟
مروة.ممكن اجيبها معايا البيت صحبك اهو طعمها وخلاها زي الفل دي احلوت اوي ولونها عجبني شايف بتبصلنا ازاي؟ ياروحي عليكي هاتي بوسة وانتي حلوة كدا
عبدالله بمرح.طب هتعرفي تاخدي بالك منها دي روح ها لو مش هتعرفي نوديها للشيلتر احسن
مروة.اطمن هتبقى ف عيني وبعدين انا من زمان نفسي ف قطة واهي جت من عند ربنا
عبدالله.مروة
مروة بتسرع.اي ياقلب مر
عبدالله نظر لها بمكر يخفي به رجفة قلبه ولكنها حممت بخجل تخفي به توترها
مروة ف سرها..اه ياغبية هتروحي ف داهية بسبب لسانك دا
مروة.ايوة ياعبدالله احم كنت عايز تقول حاجة
عبدالله.ابدا بس انتي لسة زعلانة؟
مروة.انا زعلانة عليك مش عليا خالص عايزا اساعدة انت مش بتحب شهد؟
عبدالله.بحبها اكيد بس انا زعلان ومصدوم منها اوي بصراحة وصعب اتفاهم معاها دلوقت ولازم اعاقبها وبلاش تكلميني وتحاولي تقنعيني بالعكس عشان انا قررت خلاص
مروة.بس بلاش تزود العيار اوي
عبدالله.انت مصممة ع الطلاق بردو وكمان سفرك؟
مروة بتفكير.سيبني بس لوحدي افكر وهقولك قراري
عبدالله.طب احنا ممكن
قطع حديثه رنين هاتفه كان لا يريد ان يجيب ولكنه زن العديد من المرات جعله يزفر بضيق نظر الي الشاشة وجدها شهد
حاول ان يكنسل ولكن قلبه رق وبعض من الفضول يريد ان يعرف سبب اتصالها
عبدالله.الو
شهد بعياط.ارجوك ياعبدالله اسمعني انا اسفة اوي سامحني مش هعمل كدا تاني واوعدك مش هزعلها بعد كدا واحسن علاقتي بيها عشان خاطرك بس ارجوك تعال اقعد مع بابا واتفقو ع كل حاجة انا بحبك وعايزا اكون جمبك بلاش قلبك يقسى عليا وياسيدي لو عملت اي غلط تاني ابقى حاسبني براحتك ها قولت اي؟
مروة سمعت كل الحوار بحزن شديد ولكنها اخفته ببراعة وحاولت اللهو مع الهرة
شهد بعياط..عبدالله هتيجي تاني؟
لن تستطيع مروة من الا تنظر لعبدالله بنظرة رجاء كأنها تقول له ارجوك لا تفعل ذلك
عبدالله ينظر الي مروة وهناك صوت يقول له حاول ان تحب مروة ولكن صوت شهد يجعل جزء بداخله يرق لها ويريدها ف حياته ايضا
تري متى الخلاص؟
فقط الثلاثة ينظرون لبعض بترقب وخوف شديدن وكأن كلمة عبدالله هي الفيصل ف حياه مروة وشهد
رواية حلم الليالي الحلقة 4
عبدالله.اقفلي دلوقت
شهد بدموع..لا مش هقفل لازم تقولي قرارك عشان اعرف نيتك واشوف هعمل اي ولا انت عجبك وانا بتذلل كدا ليك طبعا م هي دي مش اللي لففتني الكرة الارضية كلها عشان بس انول رضاها وتوافق دلوقت جاية تحت رجلي بتقولي عايزاك لازم استغل الوضع واهينها اكتر اقفل ياعبدالله ومن انهردة مش هتسمع صوتي ولا هتلمح مني طيف حتى سلام
اغلقت هاتف ف وجهه ترى ما الذنب الذي افترقه لكي يسمع تلك الترهات والسخافات اذ كانت تلك الفتاه امامه لكان خنقها حية لتعلم الحقيقة حقا يعشقها ولكن تسرعها ولسانها السام سوف ينهي ذلك العشق
اغمض عينيه بحسرة والم ويهمس ب استغفار يريد فقط السلام لكي يستطيع التعامل مع تلك المندفعة يالله الصبر!
مروة.قفلت السكة؟
عبدالله..مش جديدة عليها يعني هترجع تعيط وتقولي سامحني استنى بس اخرها يوم واقل كمان
مروة..انت بتتكلم بالثقة دي منين؟ لا كرامة الواحدة فوق ع فكرة حتى لو بتحب اللي قدامها وبتموت فيه بس لو فكر يجرحها ويقلل منها قلبها دا بيبقي تحت رجلها ومش بتسمع اهاته عذابها لوحدها اهون بكتير من انه تشوف حبيبها ف صورة غير اللي راسماها
عبدالله.دا كلام روايات وسخافات يامروة فوقي بقا يابنتي واطلعي عيشي معانا احنا ف الدنيا اللي مليانة تعب مش دا كلامك بردو؟
مروة..انا مش بقول غير اللي حساه ولو انت بتحكم عليه بالسخافة يبقي ملوش لازمة الكلام اصلا معاك
عبدالله زفر بتعب ضيق صدره حقا من كثرة التحمل والمزح وان يقول ما ليس ف قلبه هو يريد ان يظهر ف دور غير الذي عليه ولكن معها يصبح شفاف ويظهر شخصيته بوضوح هي حقا فتاه مميزة
عبدالله..انا تعبان يامروة ومحتاجك اوي
مروة.طب تعالي نروح بس دلوقت عشان كلامنا هنا مش هينفع
عبدالله.استني!
مروة..نعم!
عبدالله.هاتي ايدك جوة ايدي بحسك معايا وجوة روحي بطمن بيكي
مروة بهمس مخجل من كلماته لها
حاضر يلا بينا بقا وياريت تضحك الدنيا مش مستاهلة واول م نروح اوعدك كل اللي ع صدرك دا هيروح
عبدالله لف ذراعيه حول كتفها وبيده الاخري امسك بيدها بتلاحم واندماج بث بداخلهم مشاعر خاصة تذبذب كيانهم وتزغزهم روحهم بأحساس يذيب الجبال
ف شقة شهد
اميرة..يابنتي حرام عليكي ودني اتخرعت هو قدام الناس صوت عالي وعصبية ولوحدك هاتك ياعياط لحد ف يوم هتلاقي حتى الدموع اللي بتميز طيبتك هتختفي وقلبك هيقسى ع روحي ومشاعرك هتقف ياحبة عيني
شهد.مرنش عليا يصالحني زي م كنت متوقعة
اميرة.ولاهيتصل هو خلاض ضمن مشاعرك ليه وعرف كويس طريقتك ف التمنع دلال ودلع مش رفض لشخصه حقه يهينك كدا خلي بقا عندك كرامة وسيببه لبيته ومراته
شهد بعصبية..انا اللي المفروض ابقى مراته مش هي وقولتلك الكلام دا مليون مرة ليه بتخلي اعيده انتي مش بتزهقي وانا من امتى بتنازل عن حاجة تخصني مش وانا صغيرة دايما كان ع لسانك اوعي تسكتي عن حقك حتى لو نفسك الاخير بيطلع يبقي ع الاقل حاولتي ومظهرتيش ضعفك وقلة حيلتك صح!
اميرة بحزن.اقدار ربنا مفيش قوة تقدر تقف قصادها ولو انتو رايدين بعض بس ربك طالما قال كلمته ممكن ف لحظة اللي كنتو مخططين ليه يتغير ف غمضة عين وسبحانه كلو لحكمة وما يظلم ربك احدا انتو لسة ع البر وكلو ع المكشوف قدامك وانا اهو بقولك ملكيش مكان بينهم ولو دخلتي يبقي بتخسري راحة بالك والاهم منها شرفك ونظرتك لنفسك ولو هي جت وداست ع انوثتها وعزة نفسها ف دا تضحية منها لكن انتي يابنت بطني هتضحي ب اي فكري فيها واعملي اللي انتي عايزاه من صغرك واحنا مش بنغصبك ع حاجة مش هنعملها دلوقت
دق ع باب الباب اوقف حديثهم
والد شهد.اخر الكلام لو اتجوزتي عبدالله رجعتي تعيطي وتشتكي وتصيحي ع حياتك انا اهو بقولهالك قدام امك مش هسمي عليكي ولا ليكي عندي حق شيلتك وتشيليها وانتي وحظك
شهد بهمس..وانا اهو بقولكم عبدالله حقي وهاخدو غصب عن الدنيا كلها
ف شقة عبدالله
عبدالله.امي نامت ولا لسة؟
مروة.نامت اه بس هصحيها عشان معاد الدواء
عبدالله.لا خشي انتي ارتاحي انا هدخلها انتي تعبتي اوي انهردة
مروة..لا انا متعودة اخدمها ومش بحب حد غيري يديها الدوا وانا متاكدة لو دخلت هتخرج تاني وتقولك انا عايزة مروة انت اي اللي جابك خش ياحبيبي نام عشان شغلك تصحالو فايق اصلها بتخاف عليك اوي احم المهم خد مني مشمشة ودخلهاا اوضتي وظبطلها مكان حلو كدا ع ذوقك وارجوك غطيها كويس عشان البرد ها لحد م ادخل المطبخ اعملها اكل عشان هي صغننة وعايزة اكل معين عشان متتعبش
نظر عبدالله لها نظرة بلهاء يسمع ولا يبدى اي رد فعل
مروة بضحك.اي ياعم متنحش كدا م انت عارفني صعب اشوف مخلوق ضعيف ومحاولش اساعده
عبدالله بهيام.ضحكتك جميلة وكلامك جميل وكلك ع بعضك كدا تجنني يابخت اللي تكوني من نصيبه دا يبقي جحش لو ضيعك من بين ايديه
نظرت اليه مروة وقالت بمرح..هو جحش وبغل وحمار كبير كمان مش بيفكر وغبي مش عايز لنفسه الراحة انت فعلا مش بتكدب خالص وصفته بالظبط
عبدالله بعدم فهم.دا مين دا؟
مروة بتهكم..اللي هيبقي من نصيبي ياعم يلا بقا روح
ذهبت مروة وتركته يفكر بتركيز ترى من هذا الشخص التي كانت توصفه بتلك الكلمات هل حقا تحب شخص هو لا يعلم عن مشاعرها
عبدالله بصدمة.معقول! مروة بتحب!
ف اوضة سعاد
سعاد.حلمتلك حلم يابت يامروة يارب يبقي من حظك ونصيبك
مروة بأمل.بحس انه احلامك كلها خير
سعاد.اومال اي يابت دا انا بركة الحمد الله وحاسة انه في فرج كبير هيدخل ع حياتك ينورها وضحكتك الحلوة تنور وشك تاني وساعتها هيبقي بجد مش هيكون بتداري وجعك انا درياكي اكتر من نفسك اضحكي وقولي يارب فرجه قرب والله انتي قلبك داكنز لاي راجل عبدالله هيكون بجد خسران لو مبقتيش انتي مراته وام عياله
مروة بحسرة..عياله!!!
سعاد بحزن..عارفة كويس انه لحد دلوقت مش بينام معاكي ع فرشة واحدة حتى ودي اكتر حاجة تكسر ااست
مروة.اتعودت خلاص تخيلي انتي لو ف يوم بيكون قريب مني ف اوضة واحدة وفي بينا مسافة هكش منه اه برتاح معاه لكن صعب اشوفه جوزي ياخالتي
سعاد بغضب.تفي من بوقك اعوذ بالله لي كدا يابنتي انتي مش بتحبيه
مروة بأصرار.والحب دا لازم يموت قبل م شهد تبقى ع ذمته يكون هو خرج من قلبي للأبد واوعدك انه دا اللي هيتم
نظرت اليها سعاد بتوجس وناقوس خطر ف عقلها يحذرها من القادم ولكنها تشبتت بحسن الظن بالله وقالت.يارب قرب البعيد ويسر كل عسير وفرج كرب كل مهموم واجبر بالقلوب المكسورة يارب
مروة بدموع..يارب💔
ف اوضة مروة
مروة نظرت الي عبدالله وجدته سارح ف نقطة فارغة ويلمس الهرة التي تخرخر وتلمس وجهه بحب وتحسس به تريد ان تشعر بالدفء بداخل احضانه
مروة بهيام..يابختك يامشمشة
فاق عبدالله ونظر اليها وضحك بهدوء ع كلامها ولم يعلق
حمحمت بإحراج واردات ان تخرج من هذا المكان
عبدالله.تعالي يامروة انا خلاص هخرج لو مش عايزاني مفيش مشكلة
كان ع وشك النزول ولكن الهرة شعرت به وركضت وراءه تريد الخروج معه
عبدالله.الحركة الكتير وحشة عليها وهي عايزة تلعب بس ان شاءالله هتتحسن بسرعة
ضحك عندما شعر بالهرة وهي تحاول ان تتسلق لتوصل الى احضانه ولكنه اختصر عليها الطريق حملها وهي ظلت تتشبت به وتحسس عليه بلسانها
مروة.المفروض تعمل معايا كل د مش معاك انت
عبدالله..انتي غيرانة عليها مني ولا اي
مروة..لا خالص هتتعود عليا وتعمل معايا كدا اكتر هي اصلا هتنساك انت مشغول ومش هتعرف تقعد معاها هاتها بعد اذنك واخرج عايزة انام
ولكن الهرة خربشت يدها قبل ان تصل لها
مروةبألم..ااااااي اييييدي
اتتفض عبدالله ونزل الهرة ع السرير ودثرها جيدا بالفراش ونظر لها نظرة عتاب بصمت
ينفع كدا يعني هي تساعدك وانتي تخربيشيها اخس عليكي يامشمشة اخص
نظرت مروة له بصدمة هو حقا مختلف هذه اللحظة يتكلم مع الهرة أيعقل!
عبدالله..وريني ايدك
مروة بألم..اي براحة
عبدالله بمرح .اي السهوكة دي انا جيت جمبك يابنتي بقولك وريني ايدك
مروة.احترم نفسك ياعبدالله لو سمحت ونقى الفاظك عيب كدا وفعلا ايدي وجعاني
عبدالله..طب تعالي يااخرة صبري تعالي
اجلسها ع السرير واتي بالاسعافات الاولوية وذهب اليها يعقم ويخفف الجرح
عبدالله..متخافيش جرح بسيط مش هياخد وقت وهيزول
نظرت مروة له بحب دفين ودموع الحسرة محبوسة تريد الخروج ولكن تمنعها بصعوبة
عبدالله بخوف..مالك يامروة
مروة شاورت براسها ب بلا بدون تعليق
عبدالله..لا عينك فيها حاجة انتي عايزة تعيطي
مروة.لامفيش حاجة والله
عبدالله.من امتي بتخبي عني
مروة.متكبرش الموضوع
عبدالله.قلبي بيقولي انه جواكي كلام كتير وكبير ولازم اعرفه لو مش هتحكيلي انا هتحكي لمين احنا ملناش غير بعض ف الدنيا دي بعد ربنا احنا عزوة لبعض لو خبيتي مشاعرك وهمومك لوحدك يبقي انا دوري اي اتكلمي يامروة
مروة بدموع .في اي بس ياعبدالله انت عايز اي حوار وخلاص انا قايمة
قبض ع يدها بحزم
لا مش هتمشي غير لما افهم مالك
مروة بصراخ حاد.مليش مليش ابعد عني بقا
عبدالله بصدمة.انتي فيكي اي؟
مروة بحسرة..انت الوحيد اللي مينفعش تعرف ولا ليك حق السؤال اصلا من الاخر ملكش حق فيا صداقتنا دي ملهاش قيمة لازم تفوق وتعرف انك هتتجوز وهيكون ليك بيت واطفال وانا مش هترهبن هبقى زوجة وام يبقي الافضل نبعد عن بعض طالما كل يوم بمشكلة وسوء التفاهم دا مش هيخلينا نوصل لحل ابدا
عبدالله بعتاب.انتي كل مرة بتجرحيني وانا بسكت وانا صبري ليه اخر
مروة.هات اخرو وخلصني بقا
عبدالله بندم.انا اذيتك ف اي
مروة ارادت انت تقول له اني انهزمت وقعت صريعة ف محراب عشقك هل المقتول يعود للحياه؟ اذا عاد سوف اتوقف عن عشقك واذ لم يعد ف هيامي ولوعي بك سيظل خالد الى الابد
ف شقة شهد
اميرة..الحقني ياحاج شهد مغمي عليها وبحاول افوقها مش بترد عليا ارجوك ياحاج اتصل بالدكتور بسرعة
ف اوضة مروة
مروة شعرت بوجع ف قلبها
نظر عبدالله لها بقلق حقيقي
بالله عليكي انا مش مستحمل ولا قادر اشوفك كدا ارحميني
مروة نظرت اليه وقالت..انا خايفة
ف شقة شهد
الدكتور..للاسف غيبوبة سكر
هزة عنيفة اثر اصطدام يد اميرة ع صدرها بخضة حقيقة ع وليدتها الوحيدة
اميرة..يالهوووي بنتي عندهاا السكر!
الدكتور.ومن الدرجة التانية انا كتبتلها شوية ادوية لحد متجيلي بكرة العيادة عشان نشوف نظام حياتها بعد كدا ازاي واطمنو ياجماعة باذن الله خير مريض السكر لازم يصاحبه عشان ميحاولش يأذيه لي طريقة تعامل معينة ولو تمت مفيش اي قلق هي خلاص هتفوق دلوقت حمد الله ع سلامتها عن اذنكم
خرج الدكتور مع والد شهد
اميرة نظرت الى بنتها بحسرة
سمعت صوت همهمة ضعيفة صادرة منها
ولجت اليها بلهفة
اي ياضنايا عايزة مياه
شهد بدموع..عايزة عبدالله هاتيلي عبدالله ياماما
ف اوضة مروة
رنين هاتف عبدالله يصدر بصدا عالي نظر عبدالله للهاتف وحدق به ب استغراب هذه اول مرة تطلب والدة اميرة الاتصال به
شعر بقلق حقيقي ولم يفكر ثواني بالرد فتح الهاتف ع دموع تزيب الأحجار
عبدالله بقلق.في اي
اميرة..الحقني ياعبدالله ششهد بنتتتي بنتتتيي ياعبدالله
لم يسمع الباقي نظر الي مروة وقبل كف يدها سريعا وهرع الي الخارج لم يسمع نداءها القلق ابدا
غلق الباب وظل الخوف بداخلها
مروة بقلق .جيب العواقب سليمة يارب💔...