رواية حلم الليالي
الفصل الخامس 5 والسادس 6
بقلم هاجر عبد الحليم
ف شقة شهد
استنى عندك!!
عبدالله.في اي ياعمي؟
عبدالهادي..انا لسة مبقتش عمك ثم انت عايز تدخلها بصفتك اي مش فاهم؟
اميرة..لزومه اي ياحاج الكلام دا دلوقت بس؟
عبدالهادي..اسكتي انتي انا عارف كويس اي اللي بقولو مش معني اني شخص كبير ابقى بخرف قولي انت ناوي ع اي مع بنتي؟
عبدالله بلهفة..مستعد اكتب عليها انهردة قبل بكرة
عبدالهادي بتفكير..طب ومراتك؟
عبدالله..مروة!
عبدالهادي.مفكرتش فيها؟
عبدالله..اكيد فكرت وانا متفق معاها ع كل حاجة ومعندهاش اي مشكلة ف جوازي من شهد لو الحتة دي اللي قلقاك عايزك متشيلش هم خالص شهد روحي وحبيتي وهتبقى مراتي وام عيالي
عبدالهادي..انا عندي شرط عشان احط ايدي ف ايدك وابارك الجوازة دي لو من جواك فعلا شايف انه سعادتك مع بنتي قبل م تفكر تكون معاها ف محنتها لازم قبلها تكون مطلق مروة وورق طلاقك منها اشوفه قدام عيني
عبدالله.ولو رفضت؟
عبدالهادي.تخرج برة بيتي ولو ع بنتي انا هعرف المها كويس عشان متتصلش ولا تحاول تتعرض ليك تاني
عبدالله..انت كدا بتحط العقدة ف المنشار طب دخلني اطمن عليها حتى ينفع يتقالي الخبر وامشي ف الشارع ع ملى وشي وانا مخضوض وف الاخر يحصل فيا اللي بتعملو دا؟
عبدالهادي..هتدخل تطمن عليها مع الحاجة وبعد كدا تخرج
ومعاك يوم واحد بس ولو قولت اه هحدد معاك كتب الكتاب ولو عدا اليوم ومفيش معاك خبر انا بنفسي اللي هحط النهاية
اميرة ربتت ع كتف عبدالله
يلا يبني تعالي معايا
دخل عبدالله معها وهو يفكر ف القادم وما الذي سوف يفعله بعد الخروج من هذا المنزل لأول مرة يشعر بذلك العجز والصراع ايهما يختار
الصداقة ام الحب؟
ف اوضة شهد
شهد بفرحة..عبدالله!
عبدالله..متقوميش من مكانك انا جيلك
شهد.مالك ياعبدالله لي وشك مكرمش كدا هو بابا ضايقك ولا اي؟
اميرة..ملكيش انتي دعوة وركزي مع نفسك التوتر دا غلط عشانك
شهد..لو عايزين تفرحوني بصحيح لازم تعرفوني اي اللي بيتم من ورايا؟
عبدالله..شهد انا معاكي ياحبيتي ومش هسيبك ودا وعد مني ليكي
شهد..الفترة دي لو مش هتقدر تلبي وعدك يبقي ارجوك امشي عشان لو اتحطيت معايا ف الدوامة دي انا هتعمد عليك ولو فكرت تخرج من غير م تفكر ف حالي يبقي انت كدا بتظلم وتخيل لو اهلى دعو عليك اي اللي ممكن يحصل ف حياتك ف ارجوك قبل م تلزم نفسك باي اتفاق معايا او مع اهلي فكر كويس
عبدالله زفر بضيق كلامها جعله يفكر قبل ان يتحدث ف وعد الرجل كلمة واتمامها سيف ع عنقه
نظر اليها نظرة اخيرة وقام من مجلسه لمس مقبض الباب سمع همس شهد بأسمه لف وجهه لها بتسأءل حدق بعنيها بصدمة عندما قالت
انا عايزة اشوف مروة بكرة ضروري ياعبدالله هاتها معاك سوا قرارك قبول او رفض ف الحالتين محتاجة نتكلم ونتحاسب مع بعض
ف اوضة مروة
مروة..ينفع كدا يامشمشة اهو حبيبك اللي بقيتي ندلة معايا وخربشتيني عشانه مشي ومسألش فينا ومفكرش حتى يطمنا عليه ولو بالتليفون
حاولت ان تتصل به مرات عديدة ولكن هاتفه مغلق
مروة..ياربي بقا ماشي ياعبدالله والله لما ترجع واشوفك بس محدش هيخلصك مني ومن اللي هتشوفه ع ايدي م هو طبعا لما بيكون معاها بينسي نفسه واللي حواليه كلهم مينفعش اتحط اصلا ف مقارنة قدامها والا فعلا هخسر ف خليني ف نقطة الامان احسن واشوف الدنيا مخبية اي ليا وزي م ترسي هدق بقا
دخل عبدالله المنزل وظل يسير بلا هوادة لا يعلم ما الطريق وكيف يسير
قدماه توجهت لا شعريا ف غرفتها لمحته قادم وينظر لها نظرة الاستغاثة لبت استجابته وقامت من مجلسها بلهفة وكأن عيونه تقول لها عانقيني فهمت
ولكن خجلها كان السد هو شعر ف جذبها داخل احضانه بشده وهجش بالبكاء حدقت بصدمة ع الحاءط ثم عليه ولا تعلم ما هو التصرف الصحيح ف مثل ذلك الوضع؟
ف شقة شهد
شهد بمكر..شكرا يادكتور
دكتور..ع اي ياانسة شهد احنا ف الخدمة بردو بس متنسيش حلاوتي انا مستنى لازم تعرفي كويس اني ضحيت بشرف المهنة عشانك ف حقي عليك تجازيني ولا اي
شهد.فلوسك هجيبهالك بكرة تكون جهزت كل اللي اتفقنا عليه تمام
الدكتور..سيبي كل حاجة عليا وهكون اد ثقتك فيا
شهد.تمام اوي سلام دلوقت
اغلقت الهاتف والقته بعيدا
سكبت ماء لكي تشرب وتحاول بث الأمان لنفسها هي تعلم انها اخطأت وتلك الكذبة سوف تفتك بها اذ احد علم بها ولكن كانت تلك الطريقة الوحيدة التي من خلالها سوف تكسف تعاطف الجميع
وتستطيع ان تفعل ما تريده بدون اي شكوى منهم ولكي تريح ضميرها قليلا سوف تبعد غيرتها الأن وتحاول كسب مروة كصديقة لها من يعلم متى تحتاجها؟
شهد بخوف..يارب سامحني وخليك معايا واستر عليا ف الكدبة دي لحد م اعمل اللي انا عايزاه وبعد كدا هتصرف واقول الدكتور شخصني غلط وخلاص بس قبل م اعمل كدا اكون عرفت اجيب عريس لمروة عشان تحل عن عبدالله وف فرحنا هجيب ناس كتير ممكن حد يشوفها ويعجب بيها ويكلمني عليها لو جدع بقا عبدالله يرفض لانه لو دا حصل هيخليني احس بحاجة متمناش احسها ممكن يحبها فعلا
لا لا يحبها اي م كانت قدامه من زمان بس دا وارد ياشهد لازم تضغطي ع اهلك بسرعة وقبل الاسبوع دا م يخلص تكوني ف بيت عبدالله وتمنعي اي تواصل بينهم
استطاعت بصعوبة ان تنام ولكن ضميرها يعذبها حاولت اخماده وفعلا اخيرا ولكن هل سوف يحدث ما تتمناه ام النصيب له راي اخر؟
ف غرفة مروة
ها هو عبدالله ينام ف احضان زوجته وهي تلعب ف شعره بحنان وخجل ف هي لأول مرة تشعر بهذا القرب معه حاولت ان تبعد ولكنه جذبها قاءلا بأحتياج
وصوت ناعس.اوعي تقومي يامروة بقالي كتير منمتش كدا
مروة بخجل..بس
عبدالله..انتي مراتي ياهبلة انتي نامي الله يهديك
مروة نظرت له بسعادة لأول مرة يعترف انها زوجته ليست فقط صديقة يفضفض لها متي يحتاج ويرتاح ف قربها ولكنها اكثر من ذلك بكثير ف هي تؤام وروحه ولن يستطيع ان يشعر بالكمال والتلاحم سوا معها
عادات بذكرياتها ماذا حدث لينتهي بهم المطاف لهذا الوضع؟
فلاش باك
مروة..عبدالله كفايا ياحبيبي حصل اي لدا كلو
عبدالله..محتاجك اوي يامروة ارجوكي خليكي معايا مش عايز اطلع برة الاوضة وانام لوحدي دماغي مش هترحمني من كتر التفكير
مروة بقلق..هي شهد جرالها حاجة؟
عبدالله ابتعد عن حضنها حاولت ان تمسح تلك الدموع ولكنه امسك بيدها ناظرا لها برجاء
مروة.قول اللي انت عايزو واللي يريحك ياحبيبي انا معاك
عبدالله.انا حبيبك صح
مروة..طبعا حبيبي قلبي دا مش شايف غيرك ياعبدالله انا
عبدالله وضع ايده ع شفايفها.اششسش تعالي معايا
اجلسها ع السرير ثم جلس بجانبها
عبدالله..شهد عندها سكر وابوها قالي لو عايزني اكون معاها لازم اطلقك ويشوف ورق الطلاق بعينه وهي عايزة تشوفك وتتكلم معاكي وعايزة كمان تعرف قراري عشان لو وافقت وبعدت عنها دا ظلم ليها وهكون بالشكل دا ظالم واي دعوة هتدعيها عليا هيكون من حقها ودا وعد هتسأل عليه ليوم الدين
مروة بعدت عنه بصدمة وكادت ان تخرج
خذبها بعصبية قاءلا
رايحة فين
مروة..سيبني
عبدالله..كلميني عدل
مروة.انت مش هتطلقني
عبدالله..دا اللي فهمتيه من كلامي
مروة..يعني مستعد تخسر شهد عشاني؟
عبدالله لا انا مقولتش كدا
مروة بحيرة..اومال انت عايز اي؟
عبدالله.هطلقك وبعد كدا هكتب عليكي من اول وجديد بس بعد م اكون اتجوزت شهد وضمنت تبقى ف بيتي ساعتها محدش يقدر يتكلم معايا
مروة بصدمة.يعني مش هتقولها؟
عبدالله..لا انا هبقى متجوزها وعايش معاها
مروة.وانا اي؟
عبدالله هتعيشي مع امي عادي بس قصدي عشان ابقى براحتي معاكي لو اطلقنا انا ممكن معرفش حتى ابصلك عشان عارفك م هتصدقي
مروة بصدمة.انت اناني بجد؟
عبدالله..اناني عشان خايف عليكي
مروة..لا عشان عايز الحب والصداقة وقولتلك لازم تختار بينهم
عبدالله..بس انا مش برتاح غير معاكي
مروة.وشهد؟
عبدالله..بحبها
مروة..مرتاح معاها
عبدالله..لا
مروة..اومال عايز تتجوزها لي بس؟
عبدالله..عشان بحبها
مروة..يووووه
عبدالله..الحب مش شرط يكون فيه راحة شهد بحبها بس في حاجات كتير فيها مش عجباني وخايف معرفش ارتاح وهي جمبي لكن انتي بكون ع حقيقتي وحاسس اني مسؤول وعايش لهدف سعادتي مش بلاقيها غير ف عينكي وروحي مش بتطمن غير لما ايدك تبقى ف ايدي وكل دا مش بحسه خالص مع شهد
مروة.يبقي انت كدا بتظلمها لانه دا مش حب والجواز مش لعبة اول م تزهق ترميها ودخول بيوت الناس مش بالساهل
عبدالله..يعني انا مش بحب شهد اكون بحبك انتي يعني؟ ازاي؟
مروة بتلعثم..لا انا مقولتش انك بتحبني احنا بنفكر بصوت عالي زي م متعودين مع بعض
عبدالله بحيرة.انا تعبان ودماغي مش قادرة تفكر ممكن نأجل اي حاجة لبعدين
مروة..اه ممكن بس دلوقت
شهقت بعنف عندما حملها وتوجه بها ع الفراش ودثرها جيدا وغرض نفسه بداخل احضانها
القطة نايمة دلوقت متخافيش عليها وسبيني انا كمان انام تصبحي ع خير
باك
ابتسمت مروة بعشق خالص لحبيبها ومعشوق روحها قبلت وجنته ولم تشعر بنفسها عندما سلبها النوم غافلة عن الأيام واحداثها
ف منزل شهد
عبدالهادي..اي يابنتي مش هتفطري
شهد..لا يابابا مش جعانة انا رايحة مشوار كدا ضروري
عبدالهادي..مشوار اي دا؟
شهد..لما اجي من برة هقولك يلا سلام
ف غرفة مروة
استقيظ عبدالله لم يجد مروة بجانبه تذكر احداث اليوم شعر بصداع يفتك براسه مشاعر غموض غيرة افتقاد تملك ولكن اين البداية والنهاية لا يعلم خطوط متشابكة لا يستطيع ان يجلس ويفك شفرات قلبه وجود مروة بجانبه يشتته وعندما يبتعد يشعر بالحماس تجاه شهد ما هذا ياعالم هو جن حتما هذا جنون؟
ف المطبخ
تقوم مروة ب اعداد الفطار بتركيز فاقت ع صوت عبدالله
صباح الفل
مروة..صباح الخير تليفونك كان عمال يرن من الصبح
عبدالله..مين
مروة..مش عارفة شوف انت
عبدالله نظر الي هاتفه وجدها شهد
عبدالله..دي شهد
مروة..طب رد عليها عشان رنت كتير
عبدالله..طب ثواني وراجعلك
مروة..ماشي
ذهب عبدالله تاركا مروة تحاول ان تخفض حرق قلبها ولكن كل مرة يشتغل اكثر من ذي قبل
ع الجانب الاخر
شهد تجلس ف الكافيه نظرت الي الهاتف بفرح عندما علمت من المتصل
شهد..عبدالله الو
عبدالله..ايوة ياشهد خير انتي كويسة؟
شهد..ايوة ياحبيبي بس ممكن تيجي انا ف الكافيه بتاعنا عايزاك ضروري
عبدالله..تمام انا جاي
شهد اغلقت الهاتف ومعها تحاليل مزيفة بأسم فتاه اخرى حتما اذ وضعت التحليل بين ايدي عبدالله وطلبت منه الزواج بأسرع وقت سوف يلبي بدون ذرة تردد
شهد..اتفرجي يامروة اي اللي هعملو فيكي ف الايام الجاية اتقلي عليا
رواية حلم الليالي الحلقة ٦
ف الكافتريا
عبدالله..انتي بتتكلمي جد؟
شهد: هو في حد بيدعي المرض!
عبدالله: محدش بيفكر كدا ابدا
اي حد صحته متتعوضش بكنوز الدنيا لكن انتي ليه بتوريني التحاليل؟ انا مش عايز اي دليل ولا هحتاجه اصلا ف اي حوار
شهد..انا تعبانة وحاسة بموتي قرب اخر ايامي مش عايزها تضيع ف نكد وحيرة نفسي اعيش بسلام وانا مطمنة انه مفيش وحش هيحصل
عبدالله بحزن..بلاش كلام عبيط ها مش هسمعك ع فكرة وهمشي واسيبك انا مش متعود اشوفك بالضعف دا نفسي الاقي البنت اللي حبيتها جميلة وشرسة وقوية وميهمهاش حد ظروف شديدة وابتلاء صعب بس هو اختبار وبالصبر انا وانتي هنعديه
شهد..لو طلبت منك تتجوزني بسرعة وتطلق مروة هتعمل كدا عشاني صح انا عرفت بطلب بابا هو مش قصده وحش كل اللي فارق معاه يطمن عليا وانا مبسوطة مع جوزي لوحدنا مفيش ضرة تعكنن عليا وجودها معانا بيخليني وحشة اوي وانا لما بشوف نفسي كدا بحس بذنب يرضيك اتوجع وياسيدي انا بنفسي لقيتلها شخص كويس جدا قريب واحدة اعرفها
عبدالله..تعرفيها اوي يعني قريبتك؟
شهد..شوفتها بالصدفة ف مناسبة كدا بس اللي بقولك عليه فعلا يابختها لو خدته مفيش صفة وحشة اوي وكلها اي بنت تتمناها هنروح بعيد ليه انا بنفسي هعزمه يوم فرحنا وتقدر تشوفه وتقيمه ولو لقيت فيه عيب يبقي ليك الكلام
عبدالله بغيرة..بس انا مش حابب مروة تتجوز دلوقت خالص في حاجات مهمة اوي تمنع انه دا يحصل ف الوقت دا ومتزعليش انا فاهم نيتك كويس لكن جواز مرة حاليا دا شيء مرفوض وياريت نتكلم ف اي حوار تاني
شهد..انت كدا بتتخلى عني وانك بتتمسك بيها بالشكل الأوفر دا ملوش عندي غير تفسير واحد انك بتحبها وعايزها ف حياتك لو دا حقيقة يبقي بتخسرني ياعبدالله واسفة اوي انا مش هقبل بنص راجل قاسم قلبه نصين نص معايا ونص مع واحدة غيري عن اذنك
عبدالله نظر اليها يمنعها من الذهاب قاءلا
انتي تعبانة مش حمل توتر
شهد بدموع..ملكش دعوة بيا انت مش عايزها هي روحلها وخليها تنفعك
ابتعدت عنه وكانت ع وشك الذهاب لن تسمح بفشل خطتها ابدا
نظر عبدالله وحدق بها برعب عندما سمع ارتطام قوي ع الارض ف هي كانت تمسك برأسها وكأن هناك صداع هجم عليها وجعلها مغشي عليها وسط صدمة جميع المتواجدين
هرع عبدالله اليها وحاول افاقتها
نظرت له نظرة عتاب
غمض عيونه بعجز وحيرة قبض ع يده بغضب
فتح عيونه وحاول رسم ابتسامة هادية ع عكس نيرانه الداخلية
اللي انتي عايزاه هعملهولك ياحبيتي انا كل اللي يهمني سعادتك وبس
ف منزل عبدالله ومروة
مروة..انت فين ياعبدالله؟
عبدالله..ف الشغل يامروة
مروة..قابلت شهد؟
عبدالله..ايوا خلصت معاها
وحاليا شغال ف كام حاجة ومش فاضي نتكلم وقت تاني ممكن؟
مروة..انا بس قلقت عليكي اصلك ع طول من زمان عمرك م سيبتنى لدماغي انا قولت هتخلص معاها وتتصل بيا ع طول
عبدالله..اللي يخصنا لحياتنا يامروة وبس بلاش تتعبي نفسك ف التفكير انتي ف غنى عن دا
مروة..انت بتكلمني كدة لي؟
عبدالله..بقولك اي انا مخنوق ومعنديش خلق ولا وقت للخناق والتبرير هخلص شغلك وهكلمك سلام
اغلق عبدالله معها نظر للهاتف بحزن دفين
سامحيني يامروة انا عارف اني الفترة الجاية هتكون صعبة علينا اوي وهكون اناني بس صدقيني مش هاجي عليكي للأسف قدرنا كدا انا بحب شهد اوي دي حب عمري واستحالة اسيبها ف محنتها دي هي دلوقت محتاجاني اكتر منك انا جوايا نار لأني هضيعك من بين ايدي انتي بنتي اللي تعبت فيها صحبتي واختي مش سهل اسلمك بأيدي للغريب واحمله مسؤلية كانت عليا وفرحان بيها بس لو شوفتك مبسوطة معاه يبقي بديهي قلبي هيطمن لازم يعشق التراب اللي بتمشي عليه ويحبك اكتر من حبي ليكي كمان والفترة الجاية لازم تتعودي ع بعدي وانا كمان اتعود واركز ف مستقبلي الجاي لانه شهد هتكون مراتي وحياتي الجاية معاها هي مش انتي ربنا يسعدك يامروة ويريح بالك
ف غرفة سعاد
سعاد..انتي مش بتزهقي يامروة من الموضوع دا؟
مروة..ياخالتي دا مبقاش قراري لوحدي ابو شهد كمان هو عايز كدا
سعاد..ميهمنيش هو مش هييجي يبوظ حياتنا احنا مش عايزين بنته هي اللي فارضة نفسها علينا
مروة..لا ياخالتي غلط متنسيش كمان ابنك بيحبها وعايزها ف الحلال وكفايا انه رضي يتجوزني عشانك ارجوكي متبقيش حمل عليه انتي كمان سبيبه ع راحته واللي عايزو يعملو دي حياته يعمل فيها ما بدالو
سعاد زفرت بتعب وحاولت تغيير الموضوع
.عملتي اي ف شغلك؟
مروة..قولتلهم سيبوني وقت افكر وبعدين ياخالتي صعب جدا اسافر واسيبك انا معرفهاش كوبس ومش هطمن عليكي غير معايا حتى لو حسيت انها كويسة بردو مش هيجيلي قلب
سعاد ربتت ع كتفها بحب امومي
اصيلة يابنت اختي اصيلة والله
مروة قبلت يد خالتها..لو بتعزيني ارجوكي لو وصلنا انا وهو للطلاق سبينا يمكن دا الخير والأصلح لينا واحنا مش عارفين
محدش بيهرب من قدره ونصيبه
سعاد.محدش عارف الخير فين والنصيب مع بعض بيغير الأحوال والأقدار ف لحظة يابنتي
وحاضر مش هدخل وكفايا عليا وجودك جمبي ياحبيتي
ف منزل شهد
اميرة بفرحة..قالك انه هيطلقها بصحيح ياالف نهار ابيض
عبدالهادي..وانتي فرحانة انه بيته هيتخرب من امتي بنفرح لما نشوف ناس ف ازمة ياحاجة؟
اميرة.اعوذ بالله ياحاج بس هو مش المفروض افرح انه بنتي مش هتدخل ع ضرة انت متعرفش اي كان ممكن يحصل لو اتجمعت بنتك مع البت دي ف مكان واحد؟
عبدالهادي..الخوف كان ع البت مش ع بنتك دي تخوف بلد بحالها بس بلاش تحسي بأمل اوي انا مش هطمن غير لما الاقي توقعيهم ع الورق قدام عيني ومش هتراجع عن شرطي
شهد..عبدالله مش هيطلقها غير لما يلاقي عريس كويس وقلبي بيقولي حتى لو اطلقت مش هتسيب بيت خالتها انا مش عبيطة ولا هبلة امه بتحب مروة ومش هتقبلني بسهول
عبدالهادي..انتي مش واخدة بالك انه حياته فيها عك كتير وانتي مصممة تدخليها بردو حاسس انه مكانك مش مرغوب وعايزا الحق حتى عبدالله ممكن ميكونش متاكد انه بيحبك من اصله
اميرة..اي اللي انت بتقوله دا ياحاج؟
عبدالهادي..بفوق بنتك عشان تعرف حتى لو هو طلقها اللي ف القلب مكتوب ومش بيتمسح غير بأمر ربنا
شهد..عبدالله بيحبني يابابا وهنتجوز وهنعيش مبسوطين ولو ع مروة انا هعرف اتعامل معاها بس المهم ميكونش فيه بينهم علاقة رسمية وهي هتتجوز حتى لو قعدت عند خالتها وجود راجل ف حياتها مض هيخلي حتى ف سلام ما بينهم وياعالم والدته مش هتعيشلو العمر كلو مسيرها تبعد ويكون ليها حياتها بعيد عننا
عبدالهادي بغموض..مظنش مظنش ابدا انه دا يحصل
ف غرفة شهد
شهد بعصبية..يرضيكي اللي ابويا بيقولو دا
اميرة..سيبك منه وقوليلي قالك هيطلقها امتي؟
شهد..مش عارفة ياماما مدانيش اي عقاد نافع معرفتش اخد منه كلمة توحد ربنا بس انتي عارفاه طالما وعد هيوفي كلو الا الوعود عنده
اميرة..هتوافقي تتجوزيه وهي ع ذمته؟
شهد..متسبقيش الأحداث ياماما وخلينا نشوف بكرة مخبي اي وباذن الله خير
ف منزل عبدالله ومروة
دق ع الباب بشكل مستمر
فتحت مروة الباب بعد م وضعت الطرحة ع راسها
عندما نظرت لتعرف من الطارق وجدتها طفلتها ايسل
مروة.ايسل حبيتي ازيك
ايسل..مش تباركيلي ياميس
مروة..نجحتى طبعا؟
ايسل..شهادتي اهي معايا
مروة..طب تعالي نقعد جوة حبيتي
ف غرفة شهد
شهد..اي ياحبيبي انت فين دلوقت؟
عبدالله..مروح اهو طمنيني عليكي ختى دواكي ؟
شهد..اطمن ياحبيبي انا بخير
عبدالله..طب قوليلي معاد استشارتك امتى؟
شهد..هكلم الدكتور ولو في جديد هعرفك
عبدالله..تمام ياحبيتي بقولك اي؟
شهد..اي في جديد؟
عبدالله بكذب..كلمت المحامي قالي مسافر ومش هيعرف ييجي غير بعد شهر معلش حبيتي لازم نصبر شوية مش هعرف انهي اللي بينا غير بعد م الوقت دا يعدي وخصوصا بردو لازم امهد طلاقي لماما انتى فاهمة متعلقة بمروة ازاي وانا بردو مش سهل عليا من يوم وليلة كدا ملاقيش مروة يعني احم اقصد مش هتبقى قريبة مني وانتي اللي هتبقى واخدة وقتي كلو ودا اللي بتمناه شوفي ياحبيتي عايزة نعمل الفرح قبل الشهر او بعدو انا معنديش مانع معاكي ف اللي يريحك
شهد..هتيجي لبابا امتي؟
عبدالله..افهم من كلامك انك مستعدة تبقى مراتي وهي لسة ع ذمتي؟
شهد..لفترة مؤقتة وهي شهر ياعبدالله شهر واحد وهننسي انه في مروة ف حياتنا توعدني
عبدالله بحيرة وتشتت..اوعدك ياحبيتي اوعدك
ذهب عبدالله الى منزله فتح الباب وجد مروة تلعب مع ايسل لعبة الاستغماية
ايسل بضحك.. مش هتعرفي تمسكيني؟
مروة بضحك..اه ياعفريته والله لوريكي بس لما امسكك كفايا فرهدتيني بقالي نص ساعة ع ذا الحال
ايسل..معلش ياميس مروة خلاص هبقى لطيفة معاكي وهمسمعك صوتي ع طول عشان يبقي سهل عليكي
نظرت ايسل لعبدالله حاولت ان تتحدث ولكن شاورلها بأصباعه علامة ان تصمت ضحكت وفهمت وقالت ف سرها سوف نتسلى كثيرا اليوم
ذهب عبدالله وهو سارح ف ملامح وجهها وايسل تحاول ان تلهو معها
مروة واخيرا حاصرت ايسل ولكن الهرة عندما لمحت عبدالله هرولت عليه
لم تنبه مروة للهرة ف كانت ع وشك ارتطام قدميها بها
حاولت الا تلمس الهرة ولكن هذا اتي ع حساب التواء قدميها
صرخت بعنف ولكن عبدالله جذبها اليه ووقعت بين احضانه واضعه يديها ع عنقه تحاول مساندة نفسها واليد الاخرى جذبت الغضاء من عليها لترفع عيونها لتسرح بعيون عبدالله
ايسل..هييييه عمو لحقها هييييه عمه لحقها براااافو يابطل برااافو
نظرت الي عبدالله وااعيون تتحدث بلغة القلوب بدلا من الالسنة التي يغلفها الحيرة والعذاب
مشي معي
ع دنيا حب
ما فيها الا الغرام
واحلى الأيام
خدني حبيبي
اكتبلي قصيدة
ما فيها كلمة ملام
كلا غرام
لا تروح بعيد عني
ضلك قريب مني
غيابك بيجنني
بحبك انا
لا تروحي بعيد عني
ضلك قريبة مني
غيابك بيجنني
بحبك انا
انتي القمر
بعيوني راح اشيلك
لأخر ها العمر
يااحلى قدر
مثل السحر
ماشي بدمي
ولشفافي حبك عطر
احلى عطر🌹
مروة بهمس..انت جيت امتي؟
عبدالله بتوهان.انا مجتش لسة هو انا فين؟
مروة..انت ماسكني كدا لي؟
عبدالله..اصلك كنتي هتقعي حاسة ب اي؟
مروة بهيام..مش عارفة
ايسل..عمو رجل ميس مروة كانت هتتلوي شوفها بدل م انت متسبلها قدامي كدا عيييب
فاق عبدالله ونظر الى مروة التي حاولت ان تنهض بخجل من كلمات تلك الصغيرة
عبدالله..مروة انا
مروة..مش عايزاك تعتذر
محصلش حاجة اكيد كنت مضغوط حصل خير
عبدالله..انتي ايش عرفك اني كنت هعتذر يعني؟
مروة..عينك هي اللي قالتلي
عبدالله بحب..وياتري قاالتلك اي كمان
مروة..احم ولا حاجة انا هروح المطبخ
ايسل..انا همشي دلوقت عشان ماما قالتلي متتاخريش هبقى اجيبلك الكتب ياميس عشان الترم التاني
مروة..ماشي ياحبيتي
ايسل..باي ياعمو
عبدالله بحب..باي ياقلب عمو
ذهبت ايسل
وعبدالله حمل الهرة وظل يتلمسها بحب
عبدالله..ممكن تعمليلي قهوة انا هدخل الاوضة هستناكي عشان عايزك ف موضوع مهم
مروة..موضوع اي؟
عبدالله نظر اليها بخوف هي شعرت به وقلبها اتنفض ولكن حاولت اللهو بعيد عن ذلك الشعور
مروة..احم هخش اعملك القهوة عن اذنك
زفر عبدالله بخنقة والهرة شعرت حاولت ان تعانقه بحب وتواسيه بطريقتها
عبدالله بحب ..والله انتي اللي مهونة عليا يامشمشة تعالي نشوف هنهبب اي ف اللي احنا داخلين عليه يارب استر والطف بيا
انهت مروة اعداد القهوة
هاتفها رن
مروة..الو
زياد.ازيك يامروة
مروة..مين معايا؟
زياد بحب..انا زياد يامروة زياد
مروة بصدمة..زياد...