رواية حلم الليالي
الفصل السابع 7 والثامن 8
بقلم هاجر عبد الحليم
اغلقت الهاتف ف وجهه بذعر
مروة بصدمة..اي اللي رجعك؟ ليه ترجع دلوقت ليييه؟
عبدالله..مين اللي كانت بيتصل بيكي؟
مروة بتوتر..دا دا هو يعني دا
عبدالله بعصبية..في اي يامروة اخلصي بقولك مين دا؟
مروة بعياط..دا زياد؟
عبدالله بنفاذ صبر..يطلع مين دا تعرفيه اتكلمتي معاه قرب منك شافك فين وامتي م تخلصي اتزفتي قولي متجننيش؟
مروة بعصبية..مش من حقك تسالني فوق ها اي كل التحقيق دا اللي يسمعك يقول غيران عليا
عبدالله..غيران!!
ف غرفة مروة
كانت مروة تطبق الملابس وتضعها ف الدولاب
هرول اليها كالثور وجذبها بعنف
عبدالله..والله يامروة لو م نطقتي لتكوني طالق بالتلاتة وتحرمي عليا ليوم الدين
شهقف مروة بعنف
وقالت..بتحلف عليا ياعبدالله دي اخرتها؟ بس ماشي هقولك زياد دا شخص كان معجب بيا زمان وصارحني بدا بس انا رفضت عرض جوازه مني عشان مكنش عندي اي مشاعر ليه حاول كتير اوي عشان ينول رضايا واخر مرة جالي وقالي انه مسافر وهيرجع عشاني ووعدني انه هيعمل المستحيل عشان ابقى ليه وكل دا حصل من قبل جوازك مني بكتير اوي
عبدالله بصدمة..كل دا يحصل ف حياتك وانا مش دريان ولا عندي خبر؟
مروة..عشان الموضوع نسيته ومخدش من تفكيري معرفش رجع لي دلوقت اصلا
عبدالله بسخرية..ودي عايزة كلام واضحة اوي
مروة..قصدك انه ممكن يجدد عرضه من تاني ويطلب مني الجواز؟
عبدالله بغيرة..وانتي موافقة طبعا مش كدا؟
مروة..يهمك اوي تعرف الأجابة؟
عبدالله..وانا مالي دي حياتك اختاري اللي يعجبك مليش دعوة بيكي
مروة..بالظبط واوعي بقا من قدامي
منعها من الحركة قاءلا
بتحبيه؟
مروة بصدمة..اي الجنان دا ؟
عبدالله..احترمي نفسك انا مش مجنون انا بسالك جاوبي عليا وبس
مروة..وانا بقا مش عايزة اجاوب اي هتفرض عليا اتكلم عافية
عبدالله..انا جوزك ياهانم شكلي اي وفي راجل بيتصل بمراتي وبيقولها كلام حب وهيام عايزاني ارفعهم يعني؟
مروة..عادي م انا رافعاهم من زمان دورك انت بقا شوية ع الاقل تجرب الشعور
عبدالله بصريخ..مرووووووة
مروة..اي هترفع صوتك عليا وتمد ايدك صح مبقتش تفرق انا رميت طوبتك من دلوقت وكلها ايام ونطلق اتجوز زياد او غيرو بقا مش تخصصك تمام
ذهبت مروة وهي تخفي ابتسامتها
نظر لها بغل هذا ليس المتوقع منها ابدا قرر ان يرازيها مرة اخري
ولكن هاتفه رن وكانت شهد
عبدالله بعصبية...مش وقتك خالص
ورفض الأتصال منها
ف غرفة شهد
شهد بصدمة...ايدة! اول مرة يعملها اكيد في حاجة حصلت؟ اي اللي بيتم من ورا ضهري لا انا لازم اتصرف ف اسرع وقت كدا خطر بجد
ف الصالة
مروة..هات الرموت
عبدالله بعند..لا مش هدهولك واوعي بقا خليني اتفرج ع الماتش
مروة..دي رخامة بجد
عبدالله..اذ كان عاجبك
مروة..لا مش عاجبني بقا وهاخد الرموت غصب عنك
عبدالله..جدعة واللي رباكي راجل خديه مني
مروة بغيظ..كدا ياعبدالله ماشي خليك فاكرها
امسكت بالوسادة ولكمته لكمة عنيفة بها ولكنه ضحك بصوت عالي
عبدالله..بذمتك دا مش جنان اهدي كدا
مروة..انت عارف انه في مسلسل بتفرج عليه ف المعاد دا وانت ع طول بتسيبني اشمعنا دلوقت انت قاصد تنكد عليا
عبدالله..م انتي اللي حرقتيلي دمي
مروة..هو انا اللي قولتله يتصل بيا
عبدالله..عشان ادفنك مكانك
مروة..ياعم اتنيل بقا هو في اي؟
عبدالله..خدتي عليا اوي ها اتلمي يابت
مروة..انا اسمي مروة مش بت واقولك ع حاجة كمان انت مش هتتجوز شهد؟
عبدالله..مش وقت شهد انا تعبت بقا
مروة..اي اللي حصل بينكم ياعبدالله؟
عبدالله..مش عايز اتكلم ولو سمحت متتضغطيش عليا
مروة..انت مش حلفت عليا بالطلاق عشان اقولك ع حوار زياد انا بقا مش هتكلم معاك تاني ابدا ومش هعتب مكان انت فيه لو مقولتليش
عبدالله بعصبية..قولتلها اني هطلقك بعد شهر ارتحتي بقا
مروة بصدمة ودموع..هتطلقني بعد شهر
ف غرفة مروة
عبدالله..افتحي يامروة
مروة..لا مش هفتح
عبدالله بعصبية..بقولك افتحي
مروة بعند..لا يعني لا
عبدالله..انتي كمان هتعملي معايا كدا؟ مش كفايا انه شهد ضغطاني دا انا م بصدق اجيلك عشان ارتاح لي تحرميني منك؟
مروة..مش هضعف ع فكرة بلاش الاسلوب دا مش هييجي معايا سكة
عبدالله بصدمة..انا هترجاكي ولا اي؟
مروة..محدش طلب منك اصلا سيبني وروح لخالتو كانت بتسال عليك وخلاص من هنا ورايح مفيش بينا كلام وهنطلق ف الوقت اللي انا عايزاه وحياتي مش هتكون انت اللي واصي عليا فيها وخلص الكلام لحد كدا
عبدالله هاجم الباب ولكمه عدة مرات وهو يصرخ
ماشي يامروة ماشي
وذهب لعند والدته لعله يجد عندها الخلاص
مروة بدموع..تستاهل والله ل اعرفك قيمتي ياعبدالله لازم تعرف انت عايز اي عشان لا انا ولا هي تحت رحمتك ابدا
ف غرفة سعاد
سعاد..لي عامل ف نفسك كدا ياابن بطني؟
عبدالله..شهد تعبانة ومش هينفع اسيبها
سعاد..يعني تحرم نفسك من سعادتك عشان مسؤلية محدش طلبها منك ولا لزمك بيها
عبدالله..عايزاكي اكسر قلبها
ياما؟
سعاد..وقلبك وقلب مراتك مفكرتش فيه؟
عبدالله..مروة مش بتحبني هي بس متعلقة بيا في فرق بين الاتنين وشهد انا متاكد اني هلاقي سعادتي معاها بس بنت اختك دماغها ناشفة ومصرة تخسرني واهي مخصماني
سعاد..عايزها تاخدك بالاحضان انت مش قولتلها انك هطلقها وبقولك اي ملهاش لازمة بعد شهر دا وجع ليك وليها في مثل بيقول اقطع عرق وسيح دم وطالما الطلاق هيقع ملهاش لازمة التاخير
عبدالله..انا عايزهم الاتنين ف حياتي ياما في حد يقدر يتخلي عن حبيته وبنته بس؟
سعاد..مروة مش بنتك دي مراتك وحلالك محدش عنده قلبين عشان يحس ب اتنين حريم ف نفس الوقت اه تقدر تعدل بينهم لو بتخاف ربنا لكن القلب بيميل لواحدة اسمع كلامه يبني وانجد نفسك وفوق لحياتك قبل فوات الاوان وساعتها محدش هيعرف يساعدك
ف الشارع
زياد..لو سمحتي ياانسة دا بيت استاذ عبدالله مش كدا؟
شهد..ايوة حضرتك مين
زياد..انا زياد كنت عايز اقابله انا شوفتك طالعة العمارة عشان كدا سالتك قولت يمكن تعرفيه
شهد..ايوة انا طالعاله دلوقت
زياد..كويس يعني معرفة
شهد..انا خطيبته وقريب هبقى مرات
زياد.بجد! اصل كنت جاي اطلب ايد مروة منه بحبها وعايز اتجوزها
شهد بصدمة..بتقول عايز تتقدم لمين؟!!!
يدق الباب بشدة
زفر عبدالله وقبل يد والدته بعد م تحدث معه وبدون شعور منها سلبها النعاس
نهض ليعرف من الطارق فتح الباب ف نفس اللحظة التي مروة فتح بابها ووضعت الغطاء ع راسها
عبدالله خليكي انتي انا هفتح الباب
مروة بهمس..ماشي
عبدالله فتح الباب ولكن حدق بعنييه بصدمة عندما وجدها شهد ومعها رجل لا يعرفه
رفع حاجبيه بتساءل
شهد بخبث..دا زياد ياحبيبي طبعا عارفه؟
مروة عندما سمعت اسمه ذهبت بهلع ووقفت بجانب عبدالله الذي سرق انظاره لمروة والاثنان تبادله النظرات بتوجس من القادم
رواية حلم الليالي الحلقة ٨
عبدالله بغيظ: شوفيهم يامروة يشربه اي؟
مروة..حاضر
زياد بفرحة..طبعا انتي عارفة انا يحب اي مش محتاجة تساليني؟
مروة بتوتر..انا نسيت يازياد انت عارف عدت فترة طويلة اوي اكيد مش هفتكر
زياد..انا بقا مش ناسي اي حاجة تخصك كل تفاصيلك ف دماغي شايفة بقا انا مخلص ازاي مش زيك ندلة لكن معلش سماح كفايا عليا انك قدامي
عبدالله نظر اليها بغيرة وعيون صقر تفترسها يريد منها ان توقفه عند حده ولكن صمتها هذا يعني انها تستمتع بما يردده عليها من غزل
شهد..لا الظاهر كدا انه قصة حبكم طويلة ومليانة حكايات خسارة والله انه كمية المشاعر دي تتأخر اوي بالطريقة دي عموما يامروة زياد كان قايلي انه جاي يتقدملك انتي اي رايك؟
مروة..رايي ف اي مش فاهمة؟
زياد..مروة انا جاي اتقدملك بس من غير م تقولي صدقيني فاهم كويس معزة عبدالله عندك وانك بتعتبريه اخوكي الكبير عشان كدا
نظر الى عبدالله وقال..انا يشرفني يااستاذ عبدالله ويسعدني اني اطلب منك ايد مروة ع سنة الله ورسوله ومش عايز منها اي حاجة هاخدها بس بشنطة هدومها ومتتعبش نفسك ف اي تكاليف انا كل اللي يهمني هي وبس
نظر عبدالله الى مروة ويده نزفت بسبب كاس المياه ف كان يقبض عليها بشدة
شهد لاحظت هذا وكتمت غيرتها ف سوف يحدث ما خططت له ولن تتنازل
مروة حاولت الهروب من المكان لا تريد المواجهة معه الأن
مروة..انا هروح اجيلكم حاجة تشربوها
زياد..مروة استني!!
زياد توجه اليها وركع اليها ومعه خاتم خطوبة وكان يعرض عليها الزواج
زياد..وافقي يلا انا طلع عيني عشان اللحظة دي واخيرا جت
مروة بتوتر..ارجوك يازياد اوم بلاش تعمل كدا
زياد..عشانك اعمل المستحيل بس ريحي قلبي ياحبيتي
مروة..انت بس فجأتني ومش عارفة اخد قرار
زياد..انا صبرت يامروة والله ليه التوتر دا كلو انا مستاهلش قلبك يعني اللي ف قلبي ليكي رخيص لدرجة انك مش عايزة تديني فرصة
مروة..لا يازياد انت شخص كويس وهبقى مبسوطة معاك بس المشكلة اني
كاد ان يلمس يدها ولكن عبدالله هرع اليها كالمسعور لحد هنا وكفا
شد مروة لظهره وهي اخيرا تتفست براحة
عبدالله..انت اتجننت ازاي كنت هتلمسها انت ناسي انها مش تحل ليك؟
زياد بغيرة..وانا ممكن اعرف مين ايداك الحق بلمسها انت كمان
عبدالله بتسرع وكأن قلبه يريد ان يعلن ملكيته لها...عشان هي مرراااتي يااذكي اخواتك انت جاي تتقدم لواحدة متجوزة واحمد ربنا اني بتكلم معاك وبضيفك وانت جوا بيتي بدل م اخرجك ع نقالة
زياد بصدمة..مراتك!!!!
شهد بصريخ..عبداالللللله
بعد مرور حوالي ساعة
زياد..انا اسف
عبدالله...مفيش حاجة حصلت خلاص انت مكنتش تعرف
زياد..احم انا اسف ف سؤالي بس حاسس انه من حقي هو انت هتطلقها صح
شهد..اكيد طبعا دا جواز اصلا ع ورق يعني شرعا مش مراته يعني لو طلقها هتقدر تكتب عليها وقتي هي ملهاش اصلا عدة
عبدالله بعصبية..شهد اسكتي انتي خالص
شهد..واسكت ليه هي مش دي الحقيقة؟
عبدالله..ايوة بس هو مش ممكن يقول لا اصلا ع الوضع انا لو مكانك اخدها من اولها وامشي واشوف علاقة سهلة بدل العك دا كله ولا اي يامروة؟
مروة بهدوء..لو سمحتم انا عايزة ابقى لوحدي
زياد..انا ضغط عليكي صح
مروة..ممكن نتكلم بعدين يازياد
زياد..اي وقت هسمعك يامروة
مروة..شكرا لذوقك عن اذنكم انا هروح اوضة خالتي اريح فيها شوية
عبدالله..روحي يامروة يلا
ف اوضة سعاد
مروة بعياط..اللي حصلي زمان مكنش بأختياري وكل اللي بيجرا دا بردو مش بأختياري
سعاد..ربنا ليه ترتيبات ممكن نفضل نحسبها وف الاخر يحصل خطوة نتضيع كل حاجة ف لحظة بس تأكدي انه خير يابنتي ربنا رحيم هو مش هيسيبك لحيرتك وهمك كدا كل حاجة ليها نهاية
مروة..بس انا مش هبقى تحت رحمة ابنك العمر كلو ياخالتي
سعاد..دلوقت بقا ابنك يامروة مش كان حبيبك ولا كدا خلاص معزته اختفت من قلبك؟
مروة..ازعل منه اه لكن للاسف انا حبيت فيه روحه واللي هو مهما عمل هفضل احبه هو مش قاسي عليا عشان اكرهه هو عمره كلو كان الأمان والسند ليا والمشاعر دي استحالة تحتفي بس انا هتصرف معاه وعارفة ازاي هفوقه
ف الصالة
زياد..عندك استعداد تطلقها دلوقت؟
عبدالله..ايوة هو جنان وحل بقا؟
زياد..انت متمسك بيها ليه هو مش خلاص كدا ولا كنت بتضحك ع شهد وبتنيمها ونيتك تكمل مع مروة حتى لو ع حسابها؟
عبدالله بعصببة...ميخصكش انت فاهم اعدل نفسك بقا وغور من هنا لازم تعرف انك تحت ضرسي وبكل سهولة اقدر اقولك لا مش موافق ومروة استحالة تقولي لا ولا تعصى اوامري
زياد..دا لي بقا تكون ولي امرها يعني انا جيتلك بالذوق ومن الباب هنا وطالب الحلال وبقولك اي انا بحبها ومش هسمحلك تاخدها مني لو انت عايزها قول دوغري بدل لف التعابين اللي بتعملو دا؟
عبدالله بصريخ..جرا اي يلا احترم نفسك لاااا الظاهر انك عايز تتربي
زياد..دكر ميت ايدك عليا وانا اكسرلك جسمك كلو ومش هخلي فيك حتة سليمة انا كدا فهمت بس ورحمة الغاليين م هخليك تنولها ابدا وعليا وع اعداءي مروة ملكي وتخصني انت فاااااهم
عبدالله تحول كوحش كاسر هجم عليه وشهد تصرخ
مروة اتنفضت وخرجت لتعلم ما يدور
وجدت زياد ع الارض وعبدالله يهجم عليه باللكمات بكل غل وغيرة ووجهه اصبح احمر من ضخ الدم به
وزياد يحاول ان يبعد عنه ولكن عبدالله قوي البنية ولعن غباءه وغيرته التي جعلته يتصدى له
مروة بخوف..عبدالله يالهوي لاااا
شهد..حوشي بسرعة يامروة الله يخليكي
مروة ركضت تجاهه وشدته بعيد
مروة..اوعي بقا كفايا ياعبدالله حرام عليك هيموت ف ايدك حصل اي لدا كلو
شهد..دا الكرسي اتكسر فضل يضرب فيه وخبط راسه ف الحيط وف الاخر رماه ع الارض وزي م انتي شوفتي كدا
عبدالله بصريخ...اطلع برة
يلااااااا اطلع برة والله العظيم لو لمحتك قصادنا تاني همحيك من ع وش الدنيا مجيتك فقر طلعت من اني داهية وديني لندمك واللي جرالك دا ميجيش نقطة ف بحر اللي هعملو فيك لو شوفتك تاني مرة غووووور يلا
مروة بعياط..خلاص بالله عليك ياعبدالله كفايا
عبدالله تنفس بصوت عالي وهو ينظر الى زياد بتحدي
شهد نظرت اليه بغموض وتركت المنزل بهدوء
زياد...عجبك كدا يامروة
عبدالله بصريخ..متكلمهاش قدامي دي مراتي فاهم وربنا كلمة كمان هرفع عليك قضية تلاشى غضبي بقولك.
زياد..هاخدها ياعبدالله
عبدالله كان ان يهجم عليه ولكن مروة مسكت فيه
مروة..امشي يازياد دلوقت الله يخليك انت مش شايف حالته
زياد..هتكلميني صح؟
مروة..ماشي ماشي امشي دلوقت بقاا يخربيتك
زياد نظر اليه بخبث وخرج
عبدالله نظر الي مروة كأسد ذييح
مروة شعرت بالخوف ولكن المهرب الوحيد لها ف ذلك الوضع هو عبدالله نفسه لا بد ان يهدا ويشعر بجوارها معه
عانقته بشدة ولمست ع شعره
مروة..اششش اهداااا انا معاك اهدا
عبدالله حاول ان يبعد عنها ولكنه يشعر بالامان لا يريد الخروج من حضنها ابدا
شد عليها وعانقها بشدة وكأنه خاءف من هروبها والذهاب لرجل غيره عند هذا التخيل لم يشعر بنفسه وهو يرفعها من ع الارض وكاد ضلوعها تنكسر ولكن يكفي انها بين يديه...
لقراءة جميع فصول الرواية من هنا