الفصل السادس 6 والسابع 7
بقلم اميره محمد
قامت خدت دوش و غيرت هدومها لقميص نوم مثير وحطت ميكب وطلعت برااا كان هوة لسه بيفتح الباب اول ماشافها اتصدم بس متصدمش من اللي عملاه قد م اتصدم من علامات الضرب علي جسمها جري عليها بخوف حقيقي
يوسف بخوف : غصون انتي كويسه
غصون بضحك : انت شايف اي امممم علي العموم حبيت اوريك انتصارك عليا ، برافوا عليك قطعت حبل الصله اللي بيني وبين ابويا
سكتت شوي بعدين قالت : طلقني
يوسف بصدمه : انتي بتقولي اييييه النهارده تاني يوم جوازنا
غصون بجديه : مش هتفرق كتير
يوسف بجمود : انا مكنتش اعرف ان باباكي هيعمل كده
غصون بسخريه : والله دا علي اساس اني صعبت عليك ، كتر خيرك بس كفايه عليك كده انت شيلت شيله مش بتاعك
يوسف بضيق : انا مكنتش اتمني اننا نتحط ف وضع زي ده ، خليكي مكاني ، مجبور علي بنت انا مش عايزها و...
غصون بحزن ووجع : انا كمان مجبورة عليك بس الفرق بيني وبينك اني بحترم الشخص اللي معايا
يوسف بضيق : هيه دي طريقتي وانا مش قادر اشوفك مراتي
غصون بوجع : ليه ؟
يوسف : لانك مش البنت اللي انا بتمناها ، انا اسف بس ولادي لما يكبروا ويعرفوا اللي حصل ل امهم ايه هيكون رد فعلهم .
غصون : وانا عمري م هربي ولادي علي طريقة تفكيرك دي
اتنهدت : لو عايز تتجوز معنديش مشكله بس تطلقني كمان تلات شهور مش حابه اعمل لبابا ومصطفي فضايح اكتر من كده
وجات سيباه ودخلت غيرت لبسها تاني ، لمحت البلطو الابيض خدته وقعدت علي السرير وقالت بدموع : كنت حلم بعيد وبعد م وصلتلك اتخليت عنك ب ايدي
نامت مكانها . بقلمي اميرة محمد محمود حميد
جلال مروحش البيت طول الليل قاعد علي البحر
الصبح جه وهوة لسه مرجعش مصطفي خرج يدور عليه
______
جميله راحت علي بيت غصون وخبطت علي الباب وهيه متردده ف فتحتلها خديچه
خديجه بفرحه : جميله وحشتتيني !!!
وحضنتها
جميله بحب : انتي كمان وحشتيني اوي ، طمنيني عليكي عامله ايه اومال فين عمي جلال ومصطفي
خديجه : الحمد لله بخير
مصطفي خرج وعمي ف الشغل تعالي نقعد
دخلو قعدوا بس جميله متردده تتكلم
جميله بتردد : غصون فين ي خديجه عايزة اتكلم معاها شويه
خديجه بتوتر : غصون اتجوزت !!!
جميله بصدمه : اييييييه ؟؟؟
اتجوزت ايمته وازاي محدش قالي
خديجه : اتجوزت من يومين ومعملناش فرح كان كتب كتاب علي الضيق
جميلة بحزن : كنت فاكرة انها بتعتبرني صحبتها بجد.
خديجه مسكت ايديها بحب : انتي عارفه هيه بتحبك قد ايه بس اللي جرالها خلاها مش قادرة تثق ف حد
جميله بحزن : بس ي خديجه غصون لازم ترجع زي الاول
خديجه : الوقت بس هوة اللي بيقدر يداويها
جميله : طيب اتجوزت مين وفين بيتها
خديجه : اتجوزت يوسف اخويا
جميلة بصدمه : يوسف !!!!!!!
بس....!!! بقلمي اميرة محمد محمود
خديجه قاطعتها : يوسف عارف كل حاجه وقابلها زي م هيه وبيحبها
جميله : طيب انا عايزة اشوفها
_ هيه مين دي اللي عايزة تشوفيها !!!!؟؟؟
قالها جلال بعد م دخل وهوة بيفتح الباب
جميله : اذي حضرتك ي عمي عامل ايه
جلال ببرود : مين دي اللي انتي عايزة تشوفيها
جميله بإحراج : احم...غصون !!!!
جلال بجديه : غصون بالنسبالنا ميته عايزة تشوفيها روحيلها بيتها انما متجيش هنا تسالي عليها تاني
دخل جوة بعد رمي كلامه اللي زي الدبش ف وشهم
خديجه : متزعليش بس الامور هنا مش بخير
جميله : اي الجبروت ده انا عمري م شوفت كدا
خديجه : جميله الوضع صعب
جميله : انا رايحالها هاتي العنوان
_____________
جميله راحت ل غصون البيت ورنت الجرس ويوسف هوة اللي فتحلها
جميله : السلام عليكم
يوسف : وعليكم السلام ورحمة الله وبركاته
جميله : انا جميلة زميلة غصون ف المستشفي
يوسف : اتفضلي
دخلت جميله وهوه دخل لغصون جوة
يوسف : في حد عايزك برة
غصون بإستغراب : مين ؟؟
يوسف : واحده اسمها جميله
غصون بفرحه : جميله
وطلعت تجري اول م شافتها جرت عليها حضنتها وفضلت تعيط ، يوسف كان واقف وشافها بعدين استأذن منهم ومشي عشان يديهم مساحتهم الخاصه وهما دخلوا اوضه النوم
غصون بعياط : وحشتيني اوي ي جميله
جميله بدموع : بجد وحشتك ؟
لو وحشتك كنتي قبلتي تشوفيني طول الشهرين اللي فاتوا دول ولا حتي كنتي رديتي علي مكالماتي
غصون بعياط : انا ..انا !!!
جميله بغضب : انتي اي ي غصون هاا انتي ايييه ، انتي مكنتيش ضعيفه كدا ، ولا بتقبلي الاستسلام ، انا بجد مش عارفاكي هيه دي غصون صحبتي ، تحت عينك اسود من العياط والحزن ، روحتي استخبيتي ف اوضتك وقفلتي علي نفسك ، وبقي اسمك الضعيفه
غصون قامت حطت ايديها علي وشها وصرخت وبتعيط : بس بقااااا...بسسسسسي بقلمي اميرة محمد محمود
انتي فاكرة ان حصل ده سهل ، انا بتعزب عارفه يعني اي
ابوكي بيكرهك وبيتمنالك الموت لمجرد انك جيتي بنت ،
كبرت وانا شايفه كرهو ليا ف عينه ، كنت دايما ببررله
واديلو اسبابه ، يمكن يحبني ، دخلت كلية طب وخدت
اسم الدكتورة لقب بيتمناه اي اب لبنته ، اتشهرت ف مصر
وف امريكا وف معظم مستشفيات البلدان التانيه ومع
ذالك مكنش فخور بيا ، عارفه يعني اي عندك اخ بس
وجوده ملوش لازمه صحيح بيحوش بابا عني ، بس انا
محتاج امان محتاج سند مشاعر عمري م حسيتها ف
حياتي ، عارفه يعني اي صحبتك الانتيم تتخلي عندك لا وف
الاخر تكتشفي انها كانت بتحقد عليكي من الاول اصلا ،
من شهرين بس تم الاعتداء عليا بكل وحشيه ، حاجه
مليش ذنب فيها خلتني بقيت منبوزة من اكتر ناس قريبه
مني ، اتجوزت من شخص مجبور عليا وبيعاملني ب اسوء
طريقه ممكن تتخيليها ، مش بيضربني بس بيوجع قلبي
بالكلام انا حاسه نفسي ميته ، انا ..انا شكلي وحش اوي ،
حاجه مكنتش واخده بالي منها بقالي فتره وكنت قربت
انساها بس بابا ويوسف فكروني بيها ، تعرفي ي جميله ان
عمر م حد قالي بحبك ولو حتي اعجاب ، انا حاسه اني
مراهقه محتاجه تسمع كلام حلو وحد يحن عليها ويفهمها
غصون قعدت وهيه بتعيط : انا ناقصني اي ي جميله
ناقصني اي ، عيوني حلوة ومناخيري صغيره وبوقي لايق
علي ملامحي ، مش مشكلتي اني سمرا ، وعمرها م كانت
بالشكل ، ياما ناس حلوة وقلبها اسود وبتحقد علي غيرها ،
انا دلوقتي مبقتش بنت بقيت بواقي زي باب م بيقول
عليا ، يعني معنديش حاجه مميزة فيا ، خسرت كل حاجة
جميله جرت عليها حضنتها وفضلو يعيطوا مع بعضوا
يوسف كان واقف بالصدفه بعد م جه وسمع كل كلمه قالتها غصون ، صعبت عليه وضميره أنبه فساب البيت تاني ومشي
جميله بقوة : انتي من بكرة ترجعي المستشفى ي غصون
يتبع ...
7
جميله بقوة : انتي من بكرة ترجعي المستشفى ي غصون
غصون بعدت عنها بصدمه : انتي بتقولي اي ؟؟؟
جميله بجديه : بقول لازم ترجعي لنفسك من جديد
غصون بدموع : انتي عارفه دا معناه اي ؟؟
معناه اني هعاني اكتر وجروحي القديمه هتتفتح وكل كلمه هتنزل علي قلبي زي مية النار وتكويه .
جميله حضنتها : ي حبيبتي انتي لازم تتخطي حزنك بقي ، وانا جمبك ومعاكي ومش هسيبك ابدا
غصون بتعيط ومتبته فيها وجميله قالت : هترجعي ي غصون
غصون بعياط : مش هقدر ي جميله ان حاسه اني اتعريت
جميله : طبيعي يكون دا تفكيرك بعد اللي مريتي بيه
سكتت شوي وقالت : احكيلك قصه
غصون هزت راسها ونامت علي رجل جميله
بقلمي اميرة محمد محمود
كان مرة في بنت مش جميله اوي ، ملامحها عاديه ، بس
شكلها مقبول وحلو ، عمر م حد قالها انتي شكلك
وحش ،بس دايما كانت حاسه بالنقص وعدم الثقه ، يمكن
مكنتش حلوه بالشكل اللي هيه عايزاه ، بس قلبها
ميختلفش عليه اتنين ، المهم مكنتش بترضي تبص ف
المرايه ولا بتعرف تحط ميكب زي البنات ، ولا بتقول
ياريتني حلوة زي فلانه وفلانه ، لا كانت بتقول ي سلام لو
كنت جميله شويه كانت حياتي هتبقي اسهل ، مرة تشتري
للبس وشنط وجزم ومره تتعلم تحط ميكب وتتصور ، مرة
علي مرة بقت شيك ف لبسها واحلي بكتير بالميكب
والهيلز ، شاب معاها ف الجامعه قالها بحبك ودي كانت
بداية الكارثه ، شاب جر شاب وبدأت تكلم ده وتصاحب
ده ، ووصلت للمقابلات لحجات تانيه كتير ، وبقت معروفه
ف كل حته عن طريق الشباب ، المغزي ي غصون من القصه
دي ، ان ربنا بيدي كل واحد علي قده ، هيه عملت كل ده
لمجرد بس انها شافت نفسها حلوة بعد انعدام الثقة
خالص ، كلنا حلوين بس محتاجين اللي يخلينا نشوف ده .
غصون بصتلها بدموع وحضنتها جامد اوي : انا بحبك اوي ي جميله
جميله بحب : وانا كمان بحبك ي قلب جميله
غصون : عامله ايه مع مهاب
جميله بمرح : اسكتي دا واحد مشفش ربع ساعه تربيه
غصون بضحك : ليه بس ؟
جميله بضحك : مش طايقلي كلمه
غصون : بس بيحبك
جميله ف سرها : بيحبني ؟
دا بيقبل الكل انا
غصون : جمييييله !!!!
جميله بخضه : اي يبنتي بتجعري كدا لي ؟
غصون بضحك وغمزة : مش انتي اللي سرحتي مني
جميله ضحكت : لسه زي م انتي دماغك شمال
ضحكوا مع بعض
جميله : بقولك ايه ي غصون
ليه مش عايزة تدي ليوسف وعلاقتكم فرصه تانيه
غصون : ي جميله مين اللي المفروض يدي التاني فرصه
جميله : يبنتي اقلعي الطرحه دي وادلعي كدا بدل لبس الفراعنه ده بقلمي اميرة محمد محمود
غصون ببلاهه : اغريه مثلا ؟؟
_ ومالو .....!!!
الاتنين بيبصو لقوا يوسف واقف ومبتسم
جميله بإحراج : طيب ي جماعه انا همشي بقي وانتي فكري تاني ف كلامنا
يوسف : ليه م تخليكي لما تتعشي معانا
جميله : معلش مرة تاني بقي عن اذنكم
جميله مشيت وغصون دخلت عملت اكل وحطته علي السفرة وفرشت ف الصالون ولسه هتنام
يوسف : مش هاكل لوحدي علي فكره
غصون بتلقائيه : شالله عنك م طفحت
يوسف قام وقرب منها : دا انتي قلبك بقي جامد اوي
غصون بضيق : ايوة يعني انت عايز اي دلوقتي ؟
يوسف ببرود : تقومي تطفحي معايا
غصون : مش عايزة اكل عايزه اتخمد
يوسف : تتخمدي اي يبنتي دي الساعه سته المغرب
غصون ف نفسها : هوة ماله ده طبيعي ولا اي ؟
يوسف بزعيق : هااااااااا
غصون قامت قعدت علي الاكل وكلت معاه
يوسف بتوتر : انتي كويسه ؟؟
غصون ببرود : اه
يوسف خلص اكل وقام : ادخلي نامي ف اوضتي
غصون : نعم ؟؟؟؟
يوسف : اقصد نامي جوة وانا هنام هنا
غصون : لا
وقامت نامت مكانها وهوة دخل نام جوة
بقلمي اميرة محمد محمود.
___________
مصطفي بعصبيه : بتعمل معانا كدا لي ي بابا ، غايب الليل كله براا البيت واول م ترجع متديش حتي مبرر ل الناس اللي عايشه معاك ليييه ي بابا ؟؟
خديجة بتوتر: اهدي ي مصطفي
جلال مردش عليه وكمل اللي بيعمله
مصطفي : يووووووة دي مبقتش عيشه
وساب البيت ومشي
خديجه بقلق : مالك ي عمي حضرتك مكنتش كده
جلال بحيرة : والله منا عارف
خديجه : عمي هوة حضرتك كنت عند غصون
جلال بغضب : هوة انا مش قولت محدش يجيب سيرة زفته تاني
خديجه بحزن : بس
جلال : مفيش بس كلامي يتسمع
خديجه زعلت منه ودخلت اوضتها
_______________________
غصون دخلت المستشفى وهيه لابسه البلطو الابيض ورافعه راسها بشموخ وكلها هيبه ، والكل بقي يتمتم بكلام غير مسموع ، منهم اللي مبسوط عشانها ، واللي شمتان فيها ، واللي حاقد كذا شعور كانوا مختلفين
اتجهت لمكتب المدير ودخلت
غصون بمرح : صباح الخير ي فندم ياتري مكاني موجود زي م هوة ولا استغنيتوا عن خدماتي ؟؟
رفع راسه من علي الورق وبصلها بصدمه : غصون ؟؟!!!!!
غصون بدموع : اذي حضرتك ي فندم
قام من علي المكتب وقرب منها اترمت ف حضنه وفضلت تعيط م هوة ف مقام ابوها وعزيز وغالي عليها
خدها من ايديها قعدها وقعد قصادها وهيه خايفه ومتوترة
المدير : ليه عملتي كده واتخليتي عن حلمك ؟
غصون ؛ كنت محتاجه وقت اراجع فيه حساباتي
المدير : طب ودلوقتي ؟
غصون : رجعت ومش هتنازل عن اي حق من حقوقي تاني ابدا بقلمي اميرة محمد محمود
المدير بفخر : هوا دا الكلام
اتنهد لما شاف ابتسامتها مقرونه بحزن ف عينيها فقال : بصي ي غصون ، الحياه مش بتدينا كل حاجه ، بس لازم ناخد اللي عايزينوا منها بالقوة ، انتي دكتورة جراحه شاطرة للقسم الاطفال ، ومشهورة علي المستوي المحلي والدولي ، ف ليه تضيعي كل ده ف ثانيه ، بعد م بنتيه ف سنين .؟؟
غصون بثقه : اخر مرة اتخلي عن شغلي ودايما هيكون ف اولوياتي ، اي حاجه تاني تيجي بعديه .
المدير بضحكة فرح : براڤو عليكي يلا علي شغلك فريقك مستنيكي
غصون ابتسمتله وخرجت راحت عند مهاب وجميله
جميله هزت مهاب من كتفه بفرحه وتلقائيه : مهاب ...مهاب غصون رجعت
مهاب نفض دراعه منها بعنف وزعق فيها : قولتلك مية مرة ، متتكلميش معايا بالطريقة دي اي مبتفهميش ؟؟
جميله دموعها نزلت غصب عنها بتبص حواليها لقت الكل بيتفرج عليهم ، انسحبت بالسكات ومشيت
غصون : في اي مهاب ؟
مهاب بضيق : مفيش ي غصون
نورتتي المستشفي برجوعك من جديد
مستناش منها رد ومشي
اما هي خدت نفس بعمق وكل شريط ذكرياتها ماشي قدامها شعور حلو لما تكون ناجح بس تحس ان في حاجه نقصاك
خدت جوله ف المستشفي واتعرفت علي دكاترة جديده ، وبدات تتأقلم معاهم ، مهاب وجميله كانو معاها ، بس جميله متجاهله مهاب خالص ومش بتتكلم معاه
غصون خدت جميله وراحوا جنينة المستشفي
غصون : ممكن افهم بقي في ايه ؟؟
جميله : اي ؟؟ بقلمي اميرة محمد محمود
غصون : اي اللي حصل بينك وبين مهاب
جميله : مفيش
غصون : جري اي ي جميله م تردي رد عدل
جميله بدموع : عايزاني اعمل اي مع المتخلف ده وهوة بيعاملني كده
غصون : بتحبيه ؟؟؟
جميله : ايوة بحبه
_ بس انا مش بحبك ولا هحبك
جميله وغصون مع بعض : مهاب !!!!!!!!