الفصل الرابع 4
بقلم دانة الحمادى
وفي اخر اليوم محمد : بقولك ايه ياتامر سمعت عن الرحله اللي الجامعه هطلعها
تامر:انا بفكر اروح وانت ياكريم ؟؟
كريم :انا كمان زهقان وعايز اروح اغير جو وانتوا؟؟؟طالعين
محمد:طالع يامان
كريم:قشطه ياشباب سلام اشوفكم بكره
وبعد انتهاء اليوم الدراسي اسيل سلام يابنات انا ماشيه
سلام سلام
شيرين :دينا وراكي حاجه وله فاضيه
دينا : لا فاضيه ليه
شيرين :عايزه اروح كاميرا9 اشتري شويه حاجات محتاجاها انتي عرفاني
دينا :طبعا عرفاكي ياحبيبتي مبتسبيش معاكي جنيهو لازم تصرفي فلوسك فاي حاجه
شيرين :ماشي ياختي مفكيش انتي غير لسان ياله بينا
وصلت اسيل الي المنزل بعد يوم طويل فالجامعه
اسيل:سلام عليكم
مامتها:وعليكم السلا م ورحمه الله ازيك يااسيل عامله ايه
اسيل الحمد لله كان يوم طويل وكله رغي ومواد اد كده
مامتها :هانت يااسيل انتي فسنه تالته هي سنه كمان يوتخلصي من الجامعه وترتاحي بس شدي حيلك كده عايزين تقدير حلو كده عشان اخوكي يبقي مبسوط بيكي
اسيل :ان شاء الله ادعيلي بس صحيح هو عامل ايه مكلمكيش قريب
مامتها :لا يابنتي بقاله 3 اسابيع متصلش بينا ان شاء الله يكون كويس
اسيل:باذن الله ياحبيتي بخير وهو سنتين ويرجع مصر ويعيش وسطنا كفايه غربه بقي
مامتها :ربنا يباركلك ياشريف يابني ويرزقك رزق حلال انت اللي شايلنا كلنا بعد المرحوم ابوك اغرفلك تاكلي ياحبيبتي
اسيل :لا ياماما انا فاصله خالص مش قادره اما اقوم هتغدي
مامتها :يابنتيماتكلي لقمه قبل ماتنامي كده تسندي بيها قلبك انتي طول النهار بره
اسيل :معلش انا مش قادره اما اصحي هاكل علي طول وذهبت الي غرفتها وما ان استلقت علي سريرها ذهبت في نوم عميق
وبعد نصف ساعه دخلت ند :السلام عليكم
مامتها :وعليكم السلام ازيك ياحبيبتي
ندي :انا تمام ازيك انتي يامزه
مامتها: بخير ياحبيبتي هو في حد يقول لامه يامزه
ندي :طبعا واحلي مزه كمان
مامتها :ماشي يابكاشه هاه اغرف لك تاكلي
ندي :اه ياماما لحسن واقعه من الجوع اومال فين اسيل مجتش
مامتها:لاجت بس دخلت نامت اما تصحي هتاكل انا هاكل انا وانتي ثم جلسوا وتناولوا الغداء وعلي الساعه السادسه رن هاتف سناء والده اسيل
سناء:الووو
دينا:ازيك ياطنط انا دينا
سناء فينك ياحبيبتي مش بنشوفك خالص
دينا:معلش بقي ياطنط مذاكره وانشغالات بقي انتي عارفه والله وحشتيني اوي انتي وندي
سناء :وانتي كمان ياحبيبتي ابقي تعالي اتغدي معانا مره ارجعي مع اسيل انتي وشيرين
دينا :باذن الله ياطنط ....انا ليه عند حضرتك طلب ياطنط وخايفه تكسفيني
سناء: خير ياحبيبتي قولي
دينا :اصل احنا طالع عندنا رحله فالجامعه 4 ايام للغردقه وانا طالعه انا وشيرين وعايزين اسيل تبقي معانا
سناء:علي عيني يادينا بس انتي عارفه ياحبيبتي انها صعب تيجي معاكم مش هينفع
دينا :ليه ياطنط ديه اسيل مش بتخرج خالص
سناء:ماانا عارفه ياحبيبتي بس سفر مره واحده ولوحدها اخاف عليها ومش معاها اخوها وله حاجه
دينا :عشان خاطري ياطنط انا اول مره اطلب من حضرتك طلب انا وشيرين نفسنا تكون معانا اوي وهي حتي مطلعتش رحله السنه اللي فاتت ومتخفيش علينا ياطنط احنا كبرنا
ومعانا مشرفين رجاله وستات والدنيا امان
سناء :مش عارفه اقولك ايه بس اصل انا خايفه عليكم
دينا :والله ياطنط ماتخافي بقي واحنا هنبقي نكلمك كل يوم
سناء:طيب ياحبيبتي خلاص ربنا يسهل
دينا :اوك خلاص احنا هنروح ندفع الاشتراك بكره
سناء :بالسرعه ديه طب سبيني افكر
دينا :خلاص بقي ياطنط خير البر عاجله
سناء:ههههههه ماشي ياستي انا بس وافقت عشانك انتي وعشان عارفه ان اسيل كنان بقالعا فتره متفسحتش
اسيل وقد استيقظت من نومها
ندي :صباح الخير بالليل
اسيل :نظرت لها بعين نائمه وهزت راسها
مامتها :اغرفلك ياحبيبتي ؟اسيل :اه ياماما اناجوعت تناولت الطعام ثم صلت العشاء ونادت عليها امها اسسييييل
اسيل :نعم ياماما
مامتها :تعالي ياحبيبتي ....دينا كلمتني
اسيل :وقد افاقت تماما وانتظرت لتسمع ماجري بينهما هل ياتري وافقت امي ام ان محاوله دينا باءت بالفشل قاطعت الام شرود ابنتها .....قالتلي عالرحله بس
انا مةافقتش اسيل هزت راسها وارتسم علي وجهها حزن ملحوظ طيب خلاص يماما
والدتهاوقد ضحكت بصوت عالي فنظرت لها اسيل متعجبه فنظرت لها امها نظرت حنان لاياحبيبتي وافقت وهتروحي مع اصحابك ان شاء الله
اسيل وقد قفزت من علي الكرسي من شده الفرحه (بجد بجد ياماما وافقتي ان مش مصدقه ربنا يخليكي ليه يااحلي ام فالدنيا )
سناء وقد امسكت يد ابنتها ربنا يفرحك علي طول يابنتي
ندي:ايه في ايه الفرحه ديه
سناء:اصل اختك طالعه رحله الغردقه كمان اسبوعين فالجامعه
ندي :الله وانا كمان عايزه اروح
مامتها:لا مش هينفع
ندي :ليه اشمعني اسيل مليش دعوه
مامتها:اسيل ياحبيبتي مبتخرجش خالص مش زيك كل يوم نازله مطعم وشويه مول انتي واصحابك من مول لمول وبعدين هي فسنه تالته دلوقتي يعني عارفه المواد والدراسه ماشيه
ازاي وكمان طالعه مع اصحابها اللي انا عرفاهم من ثانوي مش انتي اللي لسه داخله الجامعه بقالك يومين وعايزه تسيبي المذاكره
ندي:بس ياما ما انا من ساعه بابا مامات وشريف سافر وانا مطلعتش مصيف
مامتها :اه بس مش رحمه نفسك هنا خروج وفسح ولف فالمولات مع اصحابك اختك ملهاش فااللف زيك
ندي :يووووه بقي
سناء بحده :نددددي
ندي :خلاص ماشي ياماما
انتهي اليوم واستيقظت اسيل وتوضأت وصلت ثم ذهبت الي الجامعه وما ان رأت اصدقائها جرت علي احضانهم
اسيل :ربنا يخليكوا ليا يااحلي اصحاب ان مبسوطه اوي يادينا انا مش عارفه اقولك ايه من كتر الفرحه عارفين انا بقالي 6 سنين مشوفتش البحر
شيرين :يااه كل ده ياأسو
اسيل :اه من ساعه مابابا الله يرحمه مات وبعديها شريف سافر مبقناش نروح
وعلي الجانب الاخر كان يقف محمد ، كريم ،تامر
محمد :تامر ماتيجي نشوف كده مين من البنات رايح وغمز له بطرف عينه ....تامر مممممم
محمد : هاااه هتيجوا معايا وله اروح لوحدي
كريم :لا ياسيدي رايحين معاك
ذهبوا تجاه الفتيات
محمد :صباح الخير ازيكم عاملين ايه
ردت سريعا شيرين فهي الفتاه الاكثر جرءه فيهم اما اسيل فهي لا تتكلم كثيرا مع الشباب بسبب خجلها الشديد اما دينا فهي متوسطه بينهم
شيرين :يانعممم صباح النور يامحمد ازيك ياكريم ازيك ياتامر
تامر :الحمد لله ازيك يااسيل
اسيل :بصوت هادئ الحمد لله تمام
سلم الجميع علي بعضهم البعض وبدء محمد بالكلام هاااه يابنات احنا طالعين رحله الغردقه مين فيكم طالع معانا
ردت شيرين : احنا التلاته هنطلع عندك اعتراض
محمد وهو ينظر الي تامر ويغمز له غمزه خفيفه لالالا داحنا هنتبسط اوي ......تامر وهو ينظر الي محمد نظره بها شئ من الحده وكأنه يقول له (بس يابني هتفضحنا)
تامر :ان شاء الله تكون رحله سعيده علينا جميعا
الجميع ان شاء الله ........
هل ياتري مالذي سيحدث في هذه الرحله؟؟؟؟ ماهي المفاجاءت التي تنتظر ايبطالنا ؟؟؟؟؟
يتبع .....