الفصل الثامن 8
بقلم دانة الحمادى
جلسوا باقي اليوم امام البحر يتجاذبون اطراف الحديث وعندما حل الليل صعد الجميع الي غرفهم بعد يوم طويل مرهق وهم جالسين علي السرير
دينا :اسيل انتي لسه زعلانه مننا
سكتت اسيل ولم ترد عليها ثم اصرت دينا ان تعرف هل هي غاضبه عليهم اما لا ....دينا ايه يااسو هو انتي مش بتردي ليه نظرت لها اسيل وهي ترسم علي وجهها حزن مصطنع ثم قالت :انتي ايه رائيك لو انتي مكاني هتزعلي وله لأ ارتبكت دينا وهي تقول لها اه ممكن ازعل بس انا وشيرين صالحناكي ومكنش قصدنا والله
متزعليش بقي عشان خاطري
نظرت اليها اسيل بعمق ثم ضحكت بصوت عالي لالا مش زعلانه خلاص كنت بمثل عليكي وبشوفك هتعملي ايه
جزت دينا علي اسنانها وكانت تاكل شيكولاته فألقتها علي وجه اسيل :ياجزمه كده بتضحكي عليه ماااشي
ضحكت اسيل واخذت الشيكولاته ..الله الاوضه ديه جميله وكمان بتوقع شكولاته علي الواحد وهو قاعد ثم وضعتها علي فمها وظلت تاكل فيها ....
دينا :انتي يابت متكليهاش كلها انا يدوبك دوقتها هتييييييها ... ظلت اسيل تضحك وتاكلها بسرعه ونظرت لها بطرف عين :انتي كمان مزعلاني ومستكتره عليه اكل الشيكولاته ده ايه ده صحاب ايه دول .... نظرت لها دينا باستسلام :امري لله صحبتي ولازم اتحملها ثم ضحكت الفتاتان
خرجت شيرين من الحمام :بتضحكوا علي ايه نظرت لها اسيل :ورمت لها قطعه الشيكولاته المتبقيه خدي ياشيرين ياحبيبتي كلي ديه وضعتها في فمها ونظرت اسيل الي دينا واخرجت لسانها لتستفزها جرو وراء بعضهم واستمروا يمرحون ثلاثتهم حتي تملكهم النعاس واستسلموا للنوم
استيقظت اسيل من نومها مسرعه لتلحق صلاه الفجر في وقتها وحاولت ان توقظ اصدقائها ولكنهم لم يستجيبوا
ثم وقفت في شرفه الفندق تنظر الي البحر وقد تسللت له اشعه الشمس لتعلن
عن بدايه يوم جديد اشرقت الشمس ونشرت اشاعتها فوق الماء لترسم منظر جميلا وخلابا وقفت اسيل تتأمل المنظر وتسرح في جمال وابداع الله في خلقه وكيف يحل الليل وتشرق الشمس ثم قفز في ذهنها فجأه الشاب الذي انقذها وامسك يدها بالامس ظلت تتذكر الموقف وتبتسم وفي قلبها شئ من الفرح الخفي وبعد فتره نزلت الي الفندق واحضرت افطار ثم صعدت الي الغرفه ثانيا ووضعته علي مائده صغيره وزينته بشرائح الطماطم والخيار
اسيل :دينا ...شيرين ....ياله قوموا بقي الساعه 8.5
دينا بصوت نعس :امممم سبيني بقي عايزه انام
اسيل :ياااله ياشيرين قومي بقي ياله عشان تلحقوا تنزلوا الميه بدري ياااااله قوموا
شيرين :ايه النشاط اللي انتي فيه ده ماتيجي تنامي انتي جمبي تعالي بس السرير بينادي
ضحكت اسيل :لالا هو صوته اتنبح وزهق من النديه خلاص ثم ذهبت ورمت الفراش من علي شيرين ومن فوق وجه دينا ياله بقي ياكسلانين قوموا بقي وشوفوا انا كمان جايبالكم ايه ....اضطرت الفتاتان للنهوض من الفراش في كسل وجلست شيرين علي السرير هااااه عايزه ايه ؟؟؟؟
اسيل :بصي علي التربيزه كده تيييييراا ياله بقي ياحبيبتي عشان تفطروا
ضحكت شيرين بصوت عالي ونظرت الي اسيل :عارفه فكرتيني بأيه ....اسيل متعجبه :بأيه....
فقالت شيرين :حسستيني اني عريس فالصباحيه وانتي مراتي بتقوليلي ياله ياحبيبي عملتلك الفطااار ....
اسيل:هههههههه طب ياله ياحبيبي عشان نفطر ينفع تسيب عروستك تاكل لوحدها
شيرين :لا طبعا ياقلبي دانا ابقي عريس معنديش دم ثم ضحكت الفتاتان بصوت مرتفع
نهضت دينا من فراشيها :ايه الروقان اللي انتوا فيه ده عالصبح في ايه.... شيرين :بصي اسيل صحيت بدري ونزلت جابت الفطار من تحت وطلعت حضرته كمان شايفه يابنتي النشاط ....نظرت دينا الي المائده وقالت
بتعجب :ايه ده تتحسدي يااسو
اسيل :اووو بقي هو انا اصحي بدري مش عاجب انام كتير مش عاجب ..ياله بقي عايزين نفطر الاكل هيبرد
نهضت الفتاتان وغسلوا وجوههم وجلسوا يتناولون الافطار ثم بدلوا ملابسهم ونظروا الي اسيل ....شيرين ايه يابنتي مغيرتيش هدومك ليه :هزت اسيل رأسها بالنفي لالا انا مش هنزل ....دينا :نعمممممم ليه بقي
اسيل :والله يادينا لسه كده خايفه وقلبي مش جايبني انزل الميه تاني بعد اللي حصل امبارح هبقي انزل بكره بس ابقوا امشوا وسيبوني تاني ماشي
شيرين :يابنتي طب انزلي حبه كده معانا متخفيش هنكون جمبك ...اسيل :لا بجد مليش مزاج ...... تكلمةا معها كثيرا لاقناعها بالنزول ولكن دون جدوي
اسيل :انزلوا انتوا وانا هقعد اتفرج علي الtv شويه وهكلم ماما اطمنها وشويه كده وهبقي انزلكم اعد عالشط شويه ....ذهبت الفتاتان وجلست اسيل تشاهد التلفاز فتره ولكنها احست بالملل فألتقطت هاتفها
اكيد ماما صاحيه دلوقتي اما اطمنها علينا ..
اسيل :الوووو ازيك ياماما
والدتها :ازيك ياحبيبتي عامله ايه اخبارك طمنيني
اسيل :كويسين والله ياماما والفندق جميل اووي والبحر قدامه علي طول بشوفه كمان من الشباك
والدتها :بجد كويس انكم قريبين من البحر هااااه مبسوطه عندك
اسيل : اه باماما الجو جميل كان عايزك انتي وندي
والدتها :ياله بقي نبقي نطلع مره اما شريف اخوكي يجي ونروح كلنا ان شاء الله
ظلت تتكلم مع والدتها فتره عن احوالهم وتطمشئن عليهم
اسيل :ماشي ياماما عايزه حاجه
والدتها :ربنا يخليكي ياحبيبتي وخلي بالك من نفسك
اسيل :خاضر ياماما متخفيش ..سلام
والدتها : مع السلامه ياحبيبتي
قامت اسيل وبدلت ملابسها واخرجت (بدي نبيتي وجيب بنطلون جينز ازرق وبلارينا نبيتي وطرحه رقيقه من اللون الازرق الهادئ ) ونزلت من الفندق واتجهت
الي البحر وجلست علي شازلزنج تراقب اصدقائهاوتضحك علي لعبهم فالماء رأها محمد وهو فالبحر واشار الي تامر الذي كان بجانبه
محمد :بص عالشاولونج اللي هناك ده
تامر :فييين
محمد :اهوو رابع واحد ده شوف مين قاعد عليه
تامر نظر اليه ورائ اسيل تجلس علي طرفه تنظر الي البحر ...نظر تامر الي محمد ورفع حاجبه ثم وجه كلامه اليه اممممم وعايزني اعمل ايه بقي
محمد :ياواد فتح دماغك ديه ومتبقاش عامل زي خيبتها كده وروح قول لها النهارده وله عايز تكسر كلمه ابوك
نظر له تامر:هههههههه لا ياحاج وان اقدر بردوا
محمد :بس خليك زكي كده واختار وقت مناسب يكون الجو مناسب كده ومفيش حد من صحابها جمبها
تامر: حااضر ياباه ههههههههه
وعلي الرمال كان يجلس كريم وامجد يتحدثان بعد ان خرجوا من البحر
امجد :تصدق ياواد ياكريم الواحد كان محتاج الجو ده ... كريم :شفت يابني مش قولتلك اي خدمه ياسيدي
امجد :بس فين ياخويا قعدت تقولي مزز وبنات وجو حلو وضحك
كريم :اصبر علي رزقك احنا لسه تاني يوم اما يخرج الواحد محمد وتامر من الميه ونجمع كام واحد وهنلعب ونظبط
امجد مستفهما :ولاد بس ....نظر له كريم بخبث :عيب عليك اللعبه متحلاش غير بالصنف الناعم
امجد :ماشي اما نشوف .....وبعد فتره ذهب الجميع الي الفندق وتناولوا وجبه الغداء واقترح امجد ان يلعبوا مع بعضهم كره الطايره فريق بنات وفريق شباب رحب الجميع بالفكره وذهبوا الي الشاطئ ثانيا
دينا :ياله يااسيل عشان نلعب .....اسيل :العب مين انتي بتهزري لا طبعا ....شيرين :ليه بقي بنهزر ليه
اسيل :معلش والله بس مش هعرف العب مع ولاد ...شيرين :يابنتي داحنا فريق وهما فريق ومحدش حتي هيلمسك ..... اسيل :انا عارفه نفسي والله مش هعرف انا مليش فالحاجات ديه ...دينا :متغلسيش بقي يااسيل تعالي معانا
اسيل :يابنتي مش غلاسه ةالله بس اعذروني مش هينفع ...شيرين :خلاص ياستي انا عارفه ان دماغك ناشفه براحتك ...اسيل :متزعليش ....شيرين :مش زعلانه يابنتي بس كنت عايزاكي تتبسطي معانا .... اسيل :طب ياله روحوا بقي شكلهم هيبدؤا وانا هشجعكم من هنا ...شيرييين ودينا اووه اووه
ضحكت جميعا واتجهت دينا وشيرين الي باقي الفريق للعب وجلست اسيل تنظر اليهم فتره ولكنها رات امجد يلعب معهم تسائلت في نفسها ان كان امجد يعرف كريم وتامر ومحمد ام انه رائاهم يلعبوا فقرر الانظمام لهم
وبدون ان تشعر وجدت نفسها تنظر اليه كثيرا وهو يقفز ويصيح بالنصر عندما يكسبوا نقطه وهو يلعب بشكل جميل وكان يرتدي برمودا كحلي وتي شيرت ابيض كت وشعره مصفف بطريقه جذابه فخجلت من نفسها لماذا تتأمله هكذا وقررت ان تجلس علي الرمل وتعطي ظهرها اليهم لكي لا تنظر لهم
وفي اثناء اللعب امجد :ااااه رجلي اتلوت ...تامر :مالك في ايه ...كريم في حاجه ياامجد
امجد :لا كملوا انتوا لعب انا هنسحب رجلي وجعاني وانا بنط اتلوت مش هقدر اكمل تركهم امجد واتجه الي شازلونج لكي يرتاح عليه وفي هذه الاثناء كانت اسيل غارقه في عالمها لم تشعر بان امجد جلس علي الشازلونج الذي يقع خلفها ويبعد عنها بمسافه حوالي مترين
كانت اسيل ممسكه بعصا صغيره وترسم علي الرمال رسمت قلب وبه سهمان فكتبت علي طرف حرفAوعلي الطرف الثاني علامه استفهام ثم مستحه ورسمت قلب اخر مقسوم الي نصفين وكتبت حرفها وايضا فالنصف الاخر علامه ؟ كان امجد يتابعها بعينه دون ان يشعر
ولكنه سرح هو الاخر في ماترسم وسال نفسه هل بنت في مثل هذا الجمال والرقه ولا تملك حبيب اظن ان كثيرا، من الشباب يتمناها لنفسه ثم افاق من شروده وحدث نفسه
امجد مينفعش تبص كده تبص علي حد وبعدين هي قاعده وعارفه ان مفيش حد قاعد
وراها كده انت بتبص عليها وهي مش عارفه عيب عليك ولكنه قال طب ماهي بتكتب علي الرمل يعني انا مش ببص علي مذكرات خاصه وله حاجه ده فضول بس مش اكتر ولم يستطع منع نفسه من النظر وفي هذا الوقت كانت اسيل تكتب علي الرمال فظلت تكتب خمس كلمات وتمسحهم وتكتب غيرهم فتابعها بنظره وهي تكتب
عارف ياحبيبي انت بجد وحشتني اوي
نفسي اشوفك واكون معاك وجمبك
انت هتكون احلي حاجه فحياتي
اما تبقي جوزي اما تبقي حلالي
هتكون انت البسمه اللي في شفايفي
هتكون الحب اللي فقلبي هتكون
كل حياتي كل حبي وحناني هيكون
ليك انت وبس انت حب عمري
انت اتاخرت اوي عليه تعالي
مستنياااااااااااك لاخر عمري
ثم مسحت اخر كلماتها وابتسمت بهدوء وهمت بالقيام من علي الرمال فرئها وهي تقوم فاغمض عينيه بسرعه
لكي لاتعلم انه رأي كلماتها وتصنع انه نائم ومسترخي فالنوم منذ فتره عندما رات اسيل شخص خلفها ارتبكت
كثيييرا وتوترت ولكنها سارت من جانبه ونظرت اليه نظره سريعه فوجدته وكانه يحلم من شده نومه
فتنهدت في راحه وقالت في داخلها الحمد للللللللللله .......
يتبع ..........