رواية زمزم قلبي
الفصل الثالث والثلاثون 33
بقلم بيان الجارحي
عاد الجميع من العمل،وتجمعوا حول مائدة الطعام
إشراق: زمزم،الشغل عامل ايه
زمزم بابتسامة:اهو الحمدلله ماشي
ورود بتوتر: راجح
نظر لها راجح بابتسامة وقال: مالك؟
ورود بتوتر: انا...انا عايزة اسافر
إشراق بصدمة: ايه؟!!!،ليه
ورود بهدوء: مش عايزة أكمل دراسة هنا
راجح: بس انتِ مش باقي ليكي كتير،وتخلصي
ورود: راجح.....،قاطعها راجح بابتسامة قائلا: كملي اكلك،وتعالي بعد الغدا على مكتبي،تمام
ورود: تمام،ثم نظرت لأزهار التي قالت: شبعت،الحمدلله
إشراق: ما اكلتيش
أزهار بمرح: معلش يا عسل،عندي امتحان هحاول المه قبل ما يلمني،ادعيلي بس
ضحك الجميع عليها،وأكملوا تناول الغداء
بعد الغداء
جلست ورود بجانب راجح في شرفة غرفته،وقالت: حاسة انك معارض ؟
راجح بهدوء: لا متحسيش،بل اتأكدي،بعدين لو انا وافقت،بابا هيوافق؟
ورود: الكل بسافر،اشمعنا انا لا
راجح بابتسامة: اولا،لأنك غالية عندنا ومش هنرتاح لما تبعدي،تانيا،نسيتي انه حرام السفر بدون محرم؟،ثالثا ودا الاهم: ليه هتسافري،اعطيني إجابة منطقية
تنهدت بحزن ثم قالت: خلاص خلاص،مش عايزة،لكن لو طلبت الأيام الجاية اسافر،هتروح معايا؟
احتضنها بحنان،فتشبثت به وقال: ورود،انتِ مش اختي،انتِ جزء من حياتي،قوليلي ايه صاير معاك
ورود: ممكن لما ارتاح اقولك؟!
راجح بابتسامة هادئة: اكيد يا حبيبة اخوكي،ولو طلبتي مني اسافر لأي مكان معاكي،هتلقيني جنبك
قبلته من جبينه وقالت: أنا بحبك اوييي يا راجح
ابتسم بحنان،وقال في نفسه: يارب هونها،مش عارف مالك يا ورود،لكن اتمنى ميكنش صاير معاكي حاجة
بعد دقائق،خرجت ورود من غرفة أخيها،ونزلت دموعها بحزن،رأتها زمزم،فتوجهت لها بسرعة،وأخذتها لغرفتها
جلست ورود بغرفتها ووهي تضع رأسها على قدمي زمزم التي تحاول تهدئتها وتقول: مالك يا حبيبتي،قوليلي
ورود بدموع: تعبانة يا زمزم،تعبانة اوي
زمزم بحنان: ايه الي متعبك؟،قوليلي،هساعدك،واكون جنبك،قوليلي
ورود ببكاء: كنت تعبانة،رحت كشفت من يومين،وعندي مشكلة بالكلى من جهة وحدة
صدمت زمزم،لكنها قالت باطمئنان:عايزة تسافري،علشان ،محدش يعرف،محدش يزعل
ورود بضعف: ايوا،مش عايزة أخوف ماما،هي لو عرفت مش هتتركني،وهتتعب لتعبي،مش عايزة اتعب حد معايا
زمزم بحزن: وتسيبينا نقلق عليكِ،طب قولي لراجح على الأقل،بعدين...بعدين مش يمكن نقدر،نعمل زراعة؟!
ورود بحزن: لكن الدكتورة قالت الزراعة مش هتنفع
زمزم: ليه نسمع من شخص واحد؟،هنروح لأكتر من دكتورة،ويكون أملنا بالله كبير،ونثق فيه
ورود بتعب: اعمل ايه؟
زمزم بابتسامة: نامي يا قلبي شوية،وانا هقول لراجح،أهم حاجة سيبي الموضوع لربنا وتوكلي عليه
ورود بحزن: ونعم بالله العلي العظيم
بقيت زمزم عندها تقرأ عليها سورة البقرة،إلى حين أن غفت،نهضت من جانبها بهدوء،وخرجت،ثم توجهت للأسفل
دخلت المطبخ فوجدت إشراق تعد القهوة،فسألتها: لمين؟
إشراق بابتسامة: لراجح،عنده شغل ومش عارف يركز
زمزم: خلاص روحي ارتاحي وانا هكملها
إشراق: مش عايزة اتعبك
زمزم بابتسامة: مش هتعب،روحي اقعدي وارتاحي
خرجت إشراق من المطبخ لغرفة المعيشة،وأكملت زمزم القهوة،ثم أخذتها لراجح
دقت الباب،فسمح بالدخول،دخلت واغلقت الباب،ثم وضعت أمامه القهوة وقالت بابتسامة: عندك شغل كتير؟!
راجح بابتسامة: شكرا،لا حجات مش كتيرة عادي،اقعدي،مالك؟
جلست زمزم أمامه وهي محتارة،اتخبره أم لا،فقال راجح: زمزم،محتارة ليه؟،قوليلي مالك
زمزم بتوتر: لا،انا،مش محتارة،عادي يعني
نهض من وراء مكتبه،وجلس أمامها وقال برفع حاجب وابتسامة: على فكرة،الكذب ميليقش عليكِ،فقولي مالك،وما تحاولي تقولي مفيش،لاني حافظك اكتر من نفسك
زمزم بتوتر: احم،يعني....هو،يووه خلاص مفيش مفيش
أمسك يديها وهو يضحك ثم قال: اهدي،خلاص،خذي نفس عميق واهدي
هدأت زمزم قليلا،ثم قالت: ورود
نظر لها راجح باهتمام وابتسامة لحثها على أن تكمل،فأكملت قائلة: ورود تعبت من يومين،ولما راحت تكشف اكتشفت انه احد الكليتين بتعاني من مشكلة،وهي عايزة تسافر علشان تحل المشكلة لوحدها،ومحدش يقلق عليها
نظر لها راجح بصدمة فقالت بحزن: هي قالت ليا بعد ماطلعت من عندك،كانت منهارة،حاولت أهديها واخليها تنام،وهي نايمة دلوقتي،نظرت له بدموع وقالت: صعب تعيش على كلية وحدة،فأكيد نقدر نزرع صح
أغمض عينيه يحاول أن يطمئن قلبه،ثم نظر لزمزم بابتسامة ومسح دموعها قائلا: مفيش حاجة مستحيل طول ما احنا واثقين بالله،اكيد نقدر،انا هحاول أحل المشكلة واسافر مع ورود،لأنه مينفعش نعمل كل حاجة هنا،اكيد هيشكوا فينا
زمزم بحزن: ينفع اروح معاكم،انا مقدرش اسيبها لوحدها
راجح: مينفعش،لازم تفضلي هنا لأنهم لما يعرفوا لازم تطمنيهم
زمزم بحزن: بس....قاطعها راجح بابتسامة: زمزم،قلنا ايه؟
زمزم بابتسامة: تمام
ابتسم ثم أخبرها باتصال والده عليه،واخباره عن أحد الصفقات التي تخص عزت،فقالت: كلام عمتو نهلة صح،لازم يتأكدوا من البضاعة قبل ما يوقعوا اي حاجة
راجح: وانا قلت كدا بردو،هقوله المسا
زمزم: انت بتفهم بشغل عمو،عايزك تساعدني بمجموعة من الملفات،ممكن؟
راجح بابتسامة: أكيد،جيبي الملفات دلوقتي
زمزم: ثواني واكون قدامك،ثم خرجت من المكتب،أما راجح فبخروج زمزم من المكتب،أغلق عينيه بحزن وقال: يارب،طمن قلبي على اختي،يارب كون معها،يارب مليش غيرك.
======≈==============================
مرت الأيام،وعاد الجميع من سفره
وفي يوم من الأام،وتحديدا في المساء،كانوا يجلسون بالحديقة ويضحكون،همست بشرى لزمزم قائلة: العصفورة متى نفرح فيها؟
زمزم: سيبي العصفورة لوحدها
ضحكت بشرى،وقالت أزهار: نتكلم جد
تامر: الشهر الي سافرت فيه قلبك ولا ايه،أزهار عايزة تتكلم موضوع جدي،مش مرتاحلك
ضحكت أزهار ثم قالت: مظلومة،بصوا بقا،مش كأنه في ناس كاتبة كتابها،لكن مأجلة الفرح
إيهاب: ذكرتيني
زمزم لراجح: مفيش فايدة،هيفضلوا ينكشوا بالموضوع
رفع راجح يده باستسلام قائلا: ولا هنعرف نرتاح،عايزين ايه؟
نهلة: موعد الفرح ايمتا؟مر شهر وانتهى كل شيء،والكل بخير،يبقا ايه
زمزم: ايه؟
نهلة بنفاذ صبر: بقولك يا بت،انا عارفة التأخير دا منك،وانا مش هاخد لا حق ولا با...طل منك،بقولك يا راجح،موعد الفرح أيمتا
راجح: الخميس الي جاي
زمزم بصدمة: بس...قاطعتها زنود وهي تقول: مستعجل يا ابني على الغم ليه،ربنا بكون بعونك
زمزم بصدمة: نعم!!!،انت بتضحك
راجح: والله باين اوي انهم بحبوكي
ضحكت زمزم وقالت: جدااا
رتيل بابتسامة: ظالمينها يا جماعة،دي زمزم سكرة والله
رؤوف بسخرية: التطبيل بدأ
رتيل: بتقول حاجة يا حبيبي
رؤوف: لاا،مبقولش،بقول فعلا زمزم سكرة
تامر بضحك: متعرفش تفضل ساكت
رؤوف: افهم بس،متعلقين بزمزم ليه،طول الوقت عايزة ترجع تفضل جنب زمزم،
زمزم بغيظ: وانت متغاظ ليه ها
تامر بغيظ: في دي معاك حق
بشرى: معلشش بس،متغاظين ليييه،اسمع ولا انت واياه،دا انتوا الاتنين متقدروش تعملوا حاجة قبل ما تقولوا لزمزم،بتستشيروها اكتر مننا،ولا ايه يا ماما
إشراق: الحق يتقال،كلامك صح،اول مرة احس انك عاقلة
ضحك الجميع وقالت زمزم لراجح: هيتخانقوا علشاني،واوو ماخد أهم وحدة بالعيلة
راجح برفع حاجب: أهم وحدة!!! الي يسمعك بفكر انك وزير ولا رئيس
زمزم بغرور متصنع: أهم بكتيير
ضحك راجح وقال أحمد: مش بقولك مجنونة،ودبست نفسك
راجح بضحك: لا معلش قبلان،ويا سيدي مفيش احلى من الجنان،بس ربنا يستر
ضحك الجميع،واحتضنت زمزم ورود من كتفها وقالت: مالك؟ حاسة بإيه،وليه ساكتة
ورود بابتسامة بسيطة: انا كويسة الحمدلله،بس معنديش كلام
زمزم: المهم كويسة
راجح بهدوء: بابا،اكيد ورود قالت ليك انها عايزة تسافر
إيهاب: ايوا قالت،لكن انا مش موافق،مش هطمن عليها وهي بعيدة
راجح:ولو سافرت معايا،هتوافق؟؟
إيهاب بهدوء: موافق،لكن ايه سبب السفر دا
راجح: هي محتاجة تغير جو،علشان تستعد كويس للامتحانات
إيهاب: وايمتا هتسافروا
راجح: محددناش لسا
إشراق بصدمة: انتوا بتقولوا ايه،إيهاب اكيد انت بتهزر صح
إيهاب: يا حبيبتي هما عايزين كدا،انا مقدرش اعمل حاجة
نهضت إشراق بغضب وقالت: تمام،براحتكوا،ثم دخلت للداخل
نهضت زمزم قائلة: هروح اشوفها،ثم دخلت قبل أن تسمع ردهم
ذهبت لغرفتها،ودخلت،كانت إشراق تجلس على السرير وتبكي،تنهدت زمزم ثم اقتربت منها وقالت: ماما،كفاية عياط،ليه خايفة عليهم كدا
إشراق: يا زمزم متعودتش حد يبعد عني كدا مندون سبب،هما مش قايلين سبب مقنع،يبقى اكيد هبقى قلقانة
احتضنتها زمزم وقالت: ماما،ماقلقيش،صدقيني سبب سفرهم زي ما قال راجح،ارجوكي كفاية عياط،وطمني قلبك
تنهدت إشراق بحزن،ثم نهضت زمزم بعد دلوف إيهاب للغرفة،وقالت: متقلقيش،ثم قبلت رأسها وخرجت من الغرفة،بينما اقترب إيهاب من إشراق وقال: عارف انك خايفة وحاسة انه في حاجة،لكن راجح يقدر يتصرف،اطمني
إشراق بحزن: يارب طمن قلبي،يارب
===========≈=========================
ذهب الجميع للنوم،بينما أخبر راجح ورود بأن عملية زراعة الكلى،سوف تتم،وأن نسبة نجاحها 90%،اطمأنت ورود قليلا،وحاولت زمزم أن تطمئنها،وأن كل شيء سيكون على ما يرام.
وتمر الأيام،وأخيرا،يأتي يوم زفاف زمزم وراجح
كانت زمزم في غرفتها ومعها الفتيات.
بشرى بذهول: متقوليش انك اعتمدتي الخمار!!!
زمزم وهي تعقد العقدة بابتسامة وتقول: والحمدلله ايوا،ثم الفتت لهن بعد أن رفعته عن وجهها وقالت: كنت من فترة بفكر والحمدلله اقتنعت
بشرى بفرح: مبارك يا قلبي،بجد فرحانة اوييي،اكيد راجح يا عيني هيتصدم
ضحكت زمزم،وقالت: حلو كدا!
حيث كانت ترتدي(( فستان أبيض طويل وواسع،يزينه ورود من الوسط،وقماش يشبه الحرير،وخمار يزينه تاج بسيط ورقيق من الأعلى))،حقا كانت جميلة للغاية.
ورود: قال حلو قال،تبارك الرحمن ملكة جمال يا قلبي
دخلت زنود وصدمت من جمال ابنتها،فقالت: تبارك الرحمن،ايه الجمال دا
ابتسمت زمزم بخجل،ثمدخل إيهاب واخوتها،وتفاجأوا من جمالها،فقد صدموا عندما علموا بارتدائها للخمار،احتضنوها،ثم أمسك إيهاب بيدها،ونزل بها للأسفل
وصل لراجح الذي صدم من هيئة زمزم،وابتسم بفرح وسعادة تملأ قلبه،فقال إيهاب: عارف انك هتتقي ربنا وتحافظ عليها،لكن عايز أكد عليك،لو في يوم اغرفت انها زعلت بسببك،متلومش الا نفسك،دي روحنا كلنا،وألماسة نادرة،جافظ عليها وانتبه ليها يا ابني،دي امانة
راجح بابتسامة: متقلقش يا غالي،هحافظ عليها ومش هتكون غير فرحانة وبس،اوعدك
أمسك بيدها،واتجهوا إلى مكان التصوير،ثم خرج راجح ووالده والشباب إلى الحارج،والنساء داخلا
نهلة بضحك: زمزم فاجئتنا بالخمار،والبنات فاجئنا بالفساتين وكأنهن توأم،مين لسا هيفاجئنا كمان!!
حيث كان الفتيات يرتدين(( فستان باللون الذهبي،طويل وواسع وحجاب باللون الأبيض وشوز عالي قليلا،ورتيل ومرجان نقاب باللون الأبيض،وجنان،فستان باللون الأبيض كفستان زمزم وعليه جاكيت بنفس اللون،ورفعت نصف شعرها،وتركت النصف الآخر منفرد،وحذاء عالي قليلا باللون الأبيض ))
زمزم بضحك: لا خلاص خلصت الصدمات
إشراق: ربنا يثبتك على طاعته يا حبيبة قلبي
بعد دقائق
جاءت شروق وسلمت على زمزم قائلة بسعادة: مبارك يا عسل،ايه الجمال دا
زمزم بابتسامة وذهول: كنت زعلت لو ما جيتي،انتِ....قاطعتها
شروق بابتسامة: عارفة مصدومة،بس لما شوفتك،وشوفت رتيل ومرجان بالنقاب والحجاب الشرعي،وشوفت قد ايه بشرى واخواتها جميلات بالحجاب الشرعي،اعتمدته،وفعلا احلى قرار اخدته بحياتي،الحمدلله
بشرى بذهول: انا افتكرتك اول حاجة انك هتبدأي تلبسي طويل،وبالتدريج للخمار،متوقعتش تلبسيه فورا
شروق بابتسامة: ممكن أبدأ كل حاجة بالتدريج،إلا الشغلة دي
مرجان بابتسامة: حبيبتي،فرحانة اوي،عقبال الباقي،خطيبك عمل ايه؟
شروق بابتسامة وهدوء: فركشنا،
زمزم: ايه!،ليه؟
شروق: عقلنا مش مثل بعض،تخيلي لما شافني بالخمار،قال ايه الخيمة الي لابساها دي،انا مش هتجوز وحدة زيك باللبس دا،هو اصلا كان معارض على حجابي،فأنا قبل أي حاجة صليت استخارة،ومرتحتش،وفركشت
زمزم بابتسامة: من ترك أمره لله،اعطاه الله كل ما تمنى،ربنا يرزقك بشب تقي نقي صالح
شروق بابتسامة: عارفة يا زمزم،دائما لما اكلمك ارتاح الك اوي،ملامحك وكلامك ووجودك،وكل حاجة فيكِ،مريحة بجد،وبتخليني اطمن
رتيل: اهو سمعتي يا زمزم،مش قلت الك نفس الكلام،دا محظوظ راجح ببنت مثل زمزم
ابتسمت زمزم وقالت في نفسها: اللهم ارضى عني،واسعدني،واجعلني سببا في هداية الناس،برحمتك يا أرحم الراحمين.
وبعد ساعة،دخل إيهاب وأبنائه،واخوة زمزم،لالتقاط الصور،وتلبيس الخواتم.
راجح بابتسامة هادئة: ايه الجمال دا،صدمتيني بجد
ضحكت زمزم وقالت: بجد؟
راجح: بجد،أجمل حاجة شوفتها النهاردة،ربنا يثبتك على طاعته
ابتسمت زمزم بفرح....وانتهى اليوم بسفر راجح وزمزم إلى تأدية العمرة....
============≈≈≈======================
في غرفة إشراق
إيهاب بابتسامة: شايفك فرحانة هلى غير العادة،اللهم اجعله خير
إشراق بسعادة: فرحانة اوي،لأنه اخيرا زمزم ضحكت ليها الأيام،عانت كتير،لكن بدأت حياتها تتيسر
إيهاب بابتسامة: دا العوض،الحمدلله على كل حال
==========≈==========================
في غرفة رؤوف
رؤوف بصبر: طب بتعيطي ليه؟؟
رتيل بدموع: لانه زمزم مش هنا
رؤوف بهمس:اقسم بالله هم..وت يارب الصبر من عندك،احتضنها مربتاً على رأسها بلطف وقال: زمزم هترجع بسرعة،بعدين انتِ سبتي زمزم وسافرتي،ودلوقتي هي سافرت،وهترجع،مش هتغيب اوي يعني
رتيل بحزن: انا متعلقة بزمزم بالتحديد،لأنها بتفهمني بسرعة،وتقدر تطمني،وتساعدني بكل حاجة،وازاي اعمل أو افكر كويس،دلوقتي هي سافرت عارفة انها مش هطول لكن انا كدا بطمن لما اشوفها،ملامحها وكلامها ووجودها مريح جدا..
ابتسم وقال: مش لأنها اختي،بس هي فعلا زي ما قلتي،وانا كمان وحشتني،بالرغم من انها اليوم سابتنا،بعدين نهدى كدا شوية،وخلينا نتصرف بشكل افضل،علشان لما زمزم ترجع تشوفك عقلتي
رتيل: قصدك اني مجنونة!!
رؤوف بابتسامة: مجنونة حياتي،حلو كدا؟
ضحكت رتيل،وقال رؤوف في نفسه: دا انا حاسس انه زمزم امنا مش اختنا،وفي نفس الوقت صاحبة وبتحاول تطمن الكل،وتسعد الكل بالرغم من حزنها ووج...عها،ربنا يسعدك يا زمزم ويريح بالك ويهدي بالك
رتيل: سرحان في ايه؟
رؤوف بابتسامة: بفكر في السر الي يخلي أي حد لما يشوف زمزم يحبها ويرتاح ليها
رتيل بابتسامة: يمكن لانه ربنا بيحبها،ولما ربنا يحب حد يخلي كل الناس تحبه.
رؤوف: فعلا
رتيل بتساؤل: رؤوف،هو لو في يوم كشفت،وكنت مبجبش ولاد،هتعمل ايه؟
فتح ذراعه،فاحتضنته بسرعة،فربت على رأسها بهدوء وقال بابتسامة: قضاء وقدر،والخير فيما اختاره الله
رتيل: متأكد؟
قبل جبينها وقال بابتسامة:متأكد،انتِ عوض من ربنا يا رتيل،ومستحيل مسألة زي دي تأثر علي
رتيل بحزن: بس انا سمعت...قاطعها رؤوف بابتسامة: اسمعيني يا وردتي،اخنا هنا في العيلة،مسألة الولاد مبتهمناش،المهم يكون في تفاهم وهدوء وسكينة،والباقي كله من عند ربنا،طب لو انا الي كان السبب مني،هتعملي إيه؟،هتسبيني؟
تمسكت به رتيل وقالت: مستحيل،مستحيل افكر كدا
رؤوف: يبقا انا هفكر كدا؟،نامي يا قلبي،أسألة آخر الليل مشكلة
ضحكت رتيل على كلامه وقالت: مجنونة يا حبيبي،واكيد هسأل أسألة كدا،تصبح على جنة
ضحك رؤوف وقال: وانتِ من أهلها يا حبيبتي.
===================================≈=
في غرفة تامر
دخل تامر الغرفة ومعه كأس عصير لمرجان،فقال بصبر: بردو بتعيطي،بردو
مرجان بحزن: مكانها فاضي،مش مصدقة هتغيب الفترة دي كلها،واكون لوحدي،من دونها
وضع الكأس جانبا،وجلس بجانبها وقال بابتسامة: اهدي،هترجع هي مش هتفضل هناك طول الوقت
مرجان بحزن: بس وجود زمزم بيفرق معايا،اكتر وحدة اخدت عليها هنا،ووجودها،وكلامها مريح اوي
تامر بصبر وهمس: يارب الصبر،ثم قال بابتسامة وهو يمسح دموعها: عارف،واكيد اخواتي البنات عاملات بنفسهن كدا،ومقط...عات حالهن من العياط،زي ما احنا الشباب مفتقدين راجح،لكن افتكري انه احنا سبناهم كمان،وبعدين فترة غيابها هتمر بسرعة صدقيني
مرجان: إن شاء الله
تامر بابتسامة: اشربي العصير دا،وارتاحي،دا كيف لو قالت هتستقر بعيد عننا،كنتوا فتحتوها مناحة
ضحكت مرجان وأخذت منه العصير وقالت: زمزم مش اخت لينا،زمزم ام واخت وصاحبة وكل حاجة،بتفهم علينا بسرعة،حتى ماما إشراق وزنود وآينور ما يقدرن يقعدن من دون ما ياخدن رأيها،تماما مثل راجح بالنسبة ليكم اخوكم وابوكم وصاحبكم،وبابا إيهاب ميقدرش يعمل حاجة إلا يرجع لراجح،صح ولا ايه
تنهد بابتسامة وقال: كلامك صح
وضعت مرجان الكأس جانبا وقالت بابتسامة وحنان: مالك؟،باين اوي انك تعبان،فيك ايه؟
تامر بحزن: مفيش يا حبيبتي انا كويس
اعتدلت في جلستها،واحتضنته ثم قالت: قولي يا حبيبي،مش احتا اتفقنا نقول كل حاجة لبعض،ونحاول نلاقي طريقة تساعدنا
احتضنها وقال بحزن: حاسس انه راجح عارف سبب سفر ورود،وحاسس انه ورود مش بخير،قاعدة لوحدها وفي نظرة حزن وتعب بعينيها،مش ورود الي اعرفها الي بتضحك كل مرة
ربتت على رأسه بحنان وقالت: كلنا حاسين بتغيرها،بس هي فترة وهتعدي،الإنسان بيتعرض لمواقف بتطفيه،بتطفي بسمته وضحكته،يمكن تعبانة نفسيا او جسديا،بس اتأكد انه ربنا معاها وهتكون بخير،متزعلش،وادعيلها
ابتسم تامر باطمئنان،وقال: ونعم بالله العلي العظيم،اتمنى يكون كلامك صح
=====================================
في غرفة الفتيات
كانت بشرى تحتضن جنان بحزن،فقد تعبت إلى أن استطاعت ان توقف بكائها،وتجعلها تنام،نظرت بشرى لورود وأزهار وقالت: خلاص عياط يا عمري انتِ واياها،والله زمزم اتجوزت هي وراجح،وهيرجعوا
أزهار: بس وجودهم معانا غير
نهضت بهدوء من جانب جنان بعد أن قبلت رأسها واقتربت من أزهار وقالت: أزهار،حبيبتي،اهدي،بكرة كلميها،يلا اهدي وسمي بالله ونامي
أزهار بحزن: تمام،ونامت
ثم اقتربت من ورود وجلست بجانبها واحتضنتها من كتفها وقالت: ورودي،مالك يا حبيبتي،حاسة انك تعبانة
ورود بابتسامة جزن: كتقلقيش يا بشرى،مشتاقة لزمزم وراجح مش اكتر
يشرى بابتسامة: هم كويسين،يلا نامي وبكرة كلميها
ابتسمت ورود،وعدلت جلستها ثم نامت،وهكذا بشرى التي ذهبت للنوم،بعد أن اطمأنت على زنود ونهلة وآينور.
=====================================
مر الليل وأشرقت شمس اليوم التالي.
كان الجميع يجلس بالحديقة،فقالت إشراق بابتسامة: رتيل،مرجان،مالكن؟،
رؤوف: بالله يا إشراق تشوفي مالهن،قال زعلانات لانه زمزم مش موجودة
رتيل بقمص: بس اسكت،هي مش اختك،هي اختنا وحرين نزعل عليها
ضحك الحنيع،وقال رؤوف بابتسامة: يا حبيبتي براحتكوا ازعلوا انا قلت حاجة
زنود بابتسامة: متزعلنش،لو اتصلت اليوم كلمنها
مرجان بزعل: بابا شايف كلام ولادك
إيهاب بحنان:سيبك منهم يا حبيبتي انتِ ورتيل،ليها وحشة والله،بس هي مش هتكون مبسوطة لو عرفت انكن زعلانات
رتيل: خلاص مش زعلانات،بس خليهم يسكتوا ميتريقوش على زعلنا
إيهاب بابتسامة: الي هيتريق منكوا على زعل الصبايا الحلوات،هتشوف وش إيهاب المالكي،التاني،فاهمين
تامر: خلاص خلاص،فاهمين يا باشا
أحمد: جناني،خلاص متزعليش،وإلا زمزم هترجع من سفرها لو عرفت بزعلك
جنان بسرعة: لا لا انا مش زعلانة،المهم تكون فرحانة
ابتسم الجنيع،وأكملوا حديثهم بسعادة،ودعاء لزمزم وراجح بالسعادة والهناء.
=====================================
بعد أسبوعين
وبالتحديد في أحد الغرف المطلة على الحرم المكي
دخل راجح وزمزم إلى الغرفة بعد صلاة الظهر،وقالت زمزم: البنات هيعلقني،ما كلمتهن الا بعد اسبوع،ربنا يستر
ضحك راجح وقالت زمزم: لضحك اضحك،ما الشباب مش هيعملوا او يقولوا حاجة الك،ميقدروش،بس انا ربنا يستر
جلس راجح وهو يضحك وقال: لا المرة مش هيعملن حاجة،بعدين تعالي هنا،انتِ بتغيري الموضوع ليه؟
زمزم باستعباط متصنع وبراءة متصنعة: اناا،ليه يا حبيبي عملت ايه؟
راجح: امبارح مسمعتيش الي حفظتيه من القرآن،واليوم ناسية الموضوع،فاكرة هنسى!!!
زمزم بزعل طفولي: طب دماغي معدتش تجمع،وكدا هنسى الي حفظته
ابتسم على نبرتها الكفولية وملامح زعلها وقال: ربنا يصبر قلبي عليكِ،تعالي
ضحكت زمزم وركضت إلى أحضانه فقال راجح بابتسامة: لينا اسبوعين هنا،الاسبوع الماضي سيبتك وقلت معلش مش قادرة تجمعي الي بتحفظيه،لكن الأسبوع دا مر أربع أيام ومسمعتيش ولا حفظتي،وقلتي هاسمعي الخميس،والخميس كان امبارح،وما سمعتيش،واليوم بردو،كدا هنستسلم؟!،مفضلش الا أربع أجزاء عليكِ،لأنك حافظة من قبل،وسمعت الك من قبل الي احفظتيه،فإيه؟
زمزم: ايه؟
راجح بابتسامة: انتِ بتحبي والدك ووالدتك صح
زمزم: اويييي
راجح بابتسامة: ولما انتِ بتحبيهم،ليه مش عايزة تلبسيهم تاج الوقار في الآخرة،بعدين الصحابة والرسول كانوا ميضيعوش عليهم اي فرصة،ويحفظوا قرآن،واجتهدوا بحفظه وتدبره،فأحنا مش لازم ننيأس،ولازم نكمل،خصوصا انه مفضلش الا القليل
زمزم بهمس:اكتشفت السر الي كنت مخبيه عننا
راجح برفع حاجب: سر ايه؟
زمزم بهمس: انت حافظ القرآن كله من ايام المدرسة،لكن محدش يعرف حتى عمو وماما إشراق،وقلت ليا اننا هنحفظ مع بعض
راجح بابتسامة: إزاي عرفتي،بعدين انا فعلا حافظ القرآن كله،لكن في بعض السور والفتيات ناسيها،وبعيد معاكي،علشان نشجع بعض
زمزم بغرور متصنع: انا أكون زوجة راجح المالكي،اكيد هعرف،بس هو لو قلت ليك ازاي عرفت،اوعدني متعملش حاجة
راجح برفع حاجب: مش مطمنلك يا قلبي،قولي قولي
ضحكت زمزم وقالت: لما سافرنا واحنا بالطيارة،طلبت منك تلفونك علشان أقرأ دعاء السفر،ففتحت تلفونك،والدعاء كان موجود بمعرض الصور،بعد ما قرأت الدعاء،شوفت تصميم مكتوب عليه" رفيقي،لقد ختمنا حفظ القرآن سويا،واوفينا بوعدنا منذ أن كنا بالمدرسة،جعلنا الله صحبة صالحة"،مين دا ؟،وصورة التصميم وتاريخ التصميم باين أوي انه جديد مش قديم،و....وصح آسفة شوفت الصورة من دون علمك
ابتسم راجح وقال: تلفوني على حسابك يا سكرتي،عارفة رماح،دا الي ختمت انا واياه حفظ القرآن لما كنا في المدرسة،والتصميم بعته من قبل فرحنا بأسبوع،قالي كنت قاعد وبرجع في الذكريات،وافتكرت لما خلصت انا واياك ومن دون علم حد،واعملت التصميم دا هدية،هي صح حاجة بسيطة منه،بس فعلا أجمل هدية
زمزم بابتسامة: ربنا يحفظكم لبعض،ويجعلكم صحبة صالحة
راجح وهو يقبل جبينها: جمعا يا حبيبتي،يلا نقوم نتوضى،ونصلي ركعتين سنة الوضوء،ونرجع نحفظ
زمزم بابتسامة: فوريرة
ضحك راجح عليها وقال في نفسه: اللهم اجعلنا من عبادك الصالحين،ومن ورثة جنة النعيم،برحمتك يا أرحم الراحمين.
=====================================
بعد مرور شهر
وفي صباح أحد الأيام،كان الجميع يجلس على الافطار،رن هاتف بشرى،فكانت زمزم
ردت بسرعة وصرخت بفرح عندما قالت لها زمزم بأنهم عائدون،أغلقت معها وقالت بفرح: زمزم وراجح المسا يكونوا هنا،مش مصدقة
فرح الجميع،ودعوا لهم بأن يصلوا سالمين.
بعد الافطار،دخلت جنان المطبخ وقالت: بنات،ايه رأيكوا نعمل الكيكة الي بتحبها زمزم؟
صفقت ورود بفرح وقالت: واوو،حلو موافقة،ايه رأيكن
الفتيات: موافقات
=====================================
في المساء
وصل راجح وزمزم برفقة تامر إلى المنزل
دخلت زمزم المنزل،رأتها رتيل،ركضت بسرعة اليها،واحتضنتها بدموع وقالت: حمدلله على السلامة،كدا تسيبينا يا زمزم،وحشتينا
زمزم بابتسامة وهي تحتضنها: بتعيطي ليه يا مجنونة،خلاص رجعت أهو
اقتربت مرجان واحتضنتها بدموع وقالت: مخاصمك،ازاي متكلميناش،ها
زمزم بحنان: بس يا بت انتِ وهي،حقكوا عليا،معلش
راجح بغيظ: يارب نخلص من فقرة العشق الممنوع
ضحك الجنيع،وسلموا على الجميع،وقالت زمزم:ورود فين
ورود بغيظ من خلفها: هنا يا هانم،
ضحكت زمزم،واحتضنتها وقالت: اصالحكوا بعدين،فكيها يا بت انتِ وهي
جلسوا في غرفة المعيشة،وقال رؤوف: انسي أنهن يسكتن،دول كانن عاملات حفلة نكد وعياط،يا بنتي والله حسيت انك امهم
ضحك الحميع وقالت زمزم بضحك: مدخلكش بينا
نهلة: خلصت،مفيش سفر تاني
زمزم لراجح: قلت الك هيعلقني
رفع يديه باستسلام وهو يضحك وقال: مليش دعوة،ايه علاقتي
زمزم بغيظ: بسيطة
إيهاب بابتسامة: المهم انكوا رجعتوا بخير،وسعادة
زمزم بمرح: والله الراجل العسل دا واحشني اوي
راجح بغيرة: احم احم،نحن هنا
ضحك محمد وقال: الغيرة يا نااس،بت زمزم راعي انه جوزك قاعد،بتتغزلي بعمك وجوزك قاعد ومراته كمان
ضحكت زمزم وقالت: سوري،جنان عاملة ايه
جنان بابتسامة: الحمدلله كويسة،وحشاني بجد
احتضنتها زمزم وقالت: يا حبيبتي،انا أكتر
زنو لراجح: بالله يا ابني كانت عاقلة؟
ضحك راجح فقالت زمزم: ايه جاوب
راجح بضحك: دي ماخدة شهادة بالجنان،بس نقول الحق كانت مجنونة شوية
احمد: يا عيني عليك يا قلب اخوك،ربنا معاك
آينور: لا ظالمينها يا جماعة،زمزم سكرة
زمزم: والله يا آينور محدش بيجبر خاطري الا انتِ
راجح: بجد؟
زمزم بطفولة: مساؤو حبيبي،انتَ هنا من أيمتا
بشرى بضحك: قلبت كتكوت
ضحك الجميع،وبعد دقائق،صعد راجح وزمزم للغرفة ليرتاحوا
زنود بابتسامة: ربنا يسعدهم
نهلة: قلبي اطمن عليهم
إشراق: عقبال احمد ومحمد
احمد بتوهان: ياريت
جنان بصدمة: ايه!
احمد بسرعة: اقصد لا بدري
جنان: مصيرك توقع يا قلب أختك
رؤوف بضحك: بدأت تشتغل وتتكلم زي زمزم.
=====================================
في غرفة راجح وزمزم
كان الاثنان يصليان صلاة العشاء،وبعد الانتهاء من الصلاة وسجود سجدة شكر
تنهدت زمزم بابتسامة فقال راجح: ايه سر الابتسامة الجميلة دي
زمزم بسعادة: فرحانة،فرحانة اوي،مكنتش اتخيل في يوم انه كل حاجة تنتهي،وتبدأ ايام كلها سعادة،مع ناس عسل
راجح بابتسامة: مش قلت الك العوض هييجي وأنه كل ما اتأخر كل ما كان أجمل
زمزم بابتسامة: ونعم بالله العلي العظيم
ثم أكملت زمزم بطفولة وضحك: وانا صغيرة،كنت اتمنى اني آخد واحد ذكي،ويشتغل في المخا...برات،ويكون عنده ايمان بالله،ويشجعني على طاعة ربنا،وسبحان الله امنيتي اتحققت بوجودك
قبل جبينها وقال: أي خدمة
زمزم بابتسامة: ممكن سؤال؟! بس تجاوبني بصراحة
راجح بابتسامة: قولي يا قلبي،اوعدك اجاوبك
زمزم: شروق فركشت هي وخطيبها،والسبب كان الخمار،وانا لما سمعت كدا،اتوقعت انك تتعصب،وتمنعني منه
راجح بابتسامة: بصي يا حبيبتي،انا لو عليا كنت اخفيتك عن عيون الكل،ممكن اتعصب لو رفضتي انك تلبسيه،الخمار علشان يزين البنت ويدل على احتشامها وإيمانها بالله،البنت لما تتحجب وتكون لابسة الحجاب الشرعي زي الي ربنا أمرها فيه،بتكون أجمل وحدة،كفاية انها بتكون كبيرة عند ربنا،وتغلق أبواب جه..نم بوجها،بعدين شروق ربنا يعوضها براجل،مش ولد،وربنا يهديه.
زمزم بشراسة: متجيبش سيرة اي بنت،فاهم
ضحك راجح على غيرتها وقال: قطتي بتغار
زمزم بغيظ:وبتخربش كمان،ثم ضحكت.
=====================================
مر ثلاثة أشهر،ثلاثة أشهر أقسمت زمزم بأنهن أجمل ثلاثة أشهر،فقد رأت العوض الذي كانت تتمناه طيلة حياتها
ومن أهم الأحداث التي حدثت،أن زمزم أنهت ختم القرآن حفظا وتجويدا،وتسجيلها بأحد المراكز التابعة للأوقاف،من أجل تحفيظ القرآن.
وتشجيع باقي الفتيات،وحفظ نصف القرآن،بما فيهم جنان،وكذلك الشباب.
==========≈==========≈===============
في صباح أحد أيام الاجازة والتي مدتها ثلاثة أشهر
استيقظت رتيل من نومها،ونظرت للساعة فوجدتها العاشرة صباحا،نهضت بسرعة،وتوضأت،ثم صلت ركعتي ضحى،ثم ارتدت ثيابها والتي هي عبارة عن" فستان طويل وواسع باللون الارجواني،ونقاب بنفس اللون"،ثم نزلت إلى الأسفل
كان الجميع جالس في غرفة المعيشة،بإستثناء الفتيات اللاتي جلسن بالمطبخ لتحضير الغداء
رتيل بابتسامة: صباح الخير
زمزم: صباح السكر،قالنا رؤوف انك تعبانة لهيك اتأخرتي بالنوم،مالك؟
رتيل وهي تجلس على الكرسي: فعلا،شكله دور برد،معدتي من امبارح مش رايقة،وصداع رهيب
زمزم بقلق: مينفعش،لازم دكتورة تشوفك
مرجان بتعب: بنات،هطلع اوضتي تعبانة شوية من الوقفة
زمزم بقلق: استني جاية معاكي
مرجان: ل...ولم تكمل كلامها حيث وقعت مغشيا عليها
صرخت الفتيات باسمها،وجاء الجميع على صوتهن،صدم تامر وحملها إلى غرفته
حاولت زمزم والفتيات إيقاظها،وبعد عشردقائق،بدأت تستيقظ
مرجان بصداع: اهه،ايه الي حصل
أمسك يدها تامر وعدل جلستها ثم قال بقلق: مالك يا حبيبتي،ايه حصلك
مرجان بتعب: تعبت شوية،وفجأة معرفش دوخت ومعرفش حصل ايه بعدها
زمزم باطمئنان: الحمدلله انتِ كويسة،تامر لازم تاخدها وتعملوا تحاليل،التعب واضح اوي عليها
إشراق بابتسامة: هعملك حاجة دافية،وعلى ما اعملك الحاجة الدافية،جهزي نفسك علشان تامر ياخدك للدكتورة
مرجان: مفيش داعي والله
تامر: سيبيها عليا يا ماما
خرجت الفتيات،واقتربت زمزم من رؤوف وقالت: رؤوف،حالة رتيل مش عاجباني
رؤوف: هاخدها للدكتورة،طمنينا مالها مرجان
زمزم: شاكة بحاجة،يارب تطلع هي،المهم هياخدها تامر للدكتورة
إيهاب: خير إن شاء الله
ونزلوا للأسفل
في غرفة تامر
تامر بحدة متصنعة: مرجان،قومي دلوقتي وحالا جهزي نفسك
مرجان بغضب طفولي: متعصب ليه ها،وصوتك عالي ليه،بتزعق وانا مريضة،
تامر بصبر: اللهم ألهمني الصبر،حياتي ممكن تقومي ومتعنديش المرة دي وخلينا نطمن عليكِ؟
مرجان: بس انا كويسة
تامر: خلصانة بقا،هتمشي اجباري
مرجان: خلاص خلاص،هقوم اجهز نفسي،ثم نهضت وهي تهمهم بغضب طفولي وتقول: منك لله يا عدو تامر
ضحك تامر عليها وانتظرها لحين أن جهزت نفسها
ثم نزلا للأسفل
إشراق: اشربي اليانسون دا قبل ما تروحي،تكون الدوخة خفت شوية
نهض رؤوف وقال: معلش يا جماعة،هروح انا ورتيل مشوار على السريع،عايزين حاجة
زنود: سلامتك يا حبيبي،انتبهوا لنفسكم
قبل يدها وهكذا رتيل،ثم خرجا إلى الخارج
ركب رؤوف السيارة،وانطلق
وبعد دقائق انطلق تامر ومرجان إلى أحد العيادات
بشرى: بت زمزم
زمزم: ايه،خير
بشرى: بالله بتفكري في الي بفكر فيه
ضحكت زمزم وقالت: يارب
نهلة: مش مطمنة ليكن،في ايه
زمزم بسرعة: مفيش،بس بتقولي ايه رأيك نعمل غداء خفيف لطيف،و....وكدا يعني بس
زنود: روحن ارتاحن واحنا هنفكر ايه نعمل
أزهار: الحملة الي عايزة اسمعها من الصبح،الله عليكِ يا زنود هانم يا عسل
ضحكت زنود،ونظرت زمزم لجنان وقالت: مالك يا جناني،في ايه
آينور: زعلانة لانه رتيل ومرجان تعبانات
احتضنتها زمزم وقالت: متزعليش يا عمري،هن بخير
جنان بزعل طفولي:زمزم انتبهي لنفسك علشان متعبيش مثلهن
محمد: بت جنان،أول مرة تقولي جملة مفيدة
ضحكت جنان وقالت زمزم:ملقيتيش تقولي كدا،إلا وزوجي قرة عيني قاعد
ضحك الجميع عليها،وقالت بشرى بضحك: مهي قصدا قالت كدا قدامه،علشان يشوف شغله معاكِ في مسألة الأكل والشرب،افهم ازاي عايشة،لا سمك ولا لحمة بتاكلي،ولا حتى خضار بتاكلي
زمزم: بس باكل فراخ
راجح بسخرية: نعم يا قلبي،فراخ ايه،انتِ بتسمي القطعة الي بتقطعيها دي فراخ!!!! قومي من وشي يا زمزم،قال بتاكل قال،القط الي هو قط،لو اكل مثلك كان ما...ت من الجوع
زمزم بضحك: اقول عليكِ ايه يا جنان انتِ وبنات عمك،مخلاص بقا،انا باكل كدا
أزهار: ماما،جاي على بالي فسيخ
بشرى: تصدقي وانا كمان
ورود: لذيذ بجد
زنود: غدا اليوم،ايه رأيكوا؟
محمد: موافقين طبعا كلنا بناكله
زمزم: مش قاعدة في البيت إذا بتعملوه
إشراق بضحك: خلاص يا جماعة،نعمل حاجة تانية،ملوخية ورز
زمزم: أهو معقولة شوية
راجح: عارفة لو ما أكلتيش من الملوخية،هتشوفي وش تاني ليا،وأهو تهد...يد علني قدامهم
محمد بضحك: بص انا مرضاش حد يه...دد زمزم،بس منك اقبلها،لأنها تستاهل
زمزم: مالكوا اتفقتوا عليا،هااا
راجح برفع حاجب:عندك مانع؟
زمزم بابتسامة عبيطة: لا يا حبيبي،على راحتك طبعا
بشرى بضحك:الحلو في زمزم بتكون متعصبة معانا وتقدر علينا،ولما تكلم راجح تقلب كتكوتة
ضحكت زمزم وقالت: اعمل ايه
ضحك الجميع،وأكملوا جلستهم بسعادة تملأ قلوبهم.