رواية زمزم قلبي
الفصل السادس والثلاثون 36
بقلم بيان الجارحي
عند الساعة التاسعة صباحا
كانت زمزم تجلس في غرفتها،تقرأ القرآن الكريم..
توقفت بتعبٍ وألم في معدتها،ركضت إلى المرحاض،وتقيأت كل ما بمعدتها....
وبعد دقائق،استلقت على السرير بتعب،وكادت أن تنام،لكن هاتفها رن،وكان راجح
ألقت عليه السلام فقال بقلق: زمزم،صوتك ماله،انتِ بخير؟
زمزم بابتسامة: ايوا متقلقش
راجح بهدوء: ومن هنا لهنا
ضحكت زمزم وقالت: كويسة
راجح برفع حاجب: مش مطمن
ضحكت زمزم وقالت: لا بجد مفيش حاجة،أنا كويسة
راجح: هحاول اصدق،مع اني مش واثق بكلامك أوي،المهم ارتاحي على بين ما آجي علشان نروح للدكتورة
زمزم: تمام يا حبيبي.
ثم أغلقت معه،وذهبت في نومٍ عميق
==========================
عند راجح
وضع الهاتف جانبا،وأكمل عمله
دخل إليه رأفت،وقال: راجح،فاضي شوية
راجح بابتسامة: ايوا اتفضل
رأفت بتركيز: راجح،مالك،باين انك قلقان
راجح: متقلقش،مفيش حاجة
رأفت بهدوء: مراتك كويسة،أو والدتك،العيلة كويسة
أجاب راجح بعد أن أخذ نفسا عميقا: حد من العيلة تعبان
رأفت بتفهم: راجح قوم روح،وأنا هكون مكانك،بعدين مفيش حاجة اليوم،ولو حصل حاجة،هكلمك،قوم
نهض راجح وأخذ مفتاح سيارته وهاتفه وقال: هتعبك معايا يا رأفت
رأفت بابتسامة وهو يربت على كتفه: طول عمرك واقف جنبنا،بعدين متقولش كدا،احنا اخوة
تبسم راجح،وخرج سريعا من الملنى،وتوجه إلى سيارته وانطلق على المنزل
=====================================
وصل راجح إلى المنزل في زمنٍ قياسي
دخل المنزل،فوجد إشراق أمامه،استغربت فقالت: حبيبي ايه الي رجعك بدري كدا
راجح: مفيش يا غالية،بس كنت قلقان على زمزم،ومفيش شغل،فقلت ارجع احسن
إشراق بابتسامة وتفهم: تمام،ربنا يسعدكم
ابتسم راجح،وقبل يدها،ثم صعد إلى غرفته
دخل الغرفة بهدوء،وأغلق الباب خلفه،ثم جلس أمام زمزم،راجح في نفسه: وشها تعبان واصفر،وباين التعب عليها وتقول مفيش،ربنا يصبرني عليكِ يا قلبي،ثم نهض لتبديل ثيابه
بعد دقائق،استيقظت زمزم،فوجدت راجح أمامها ويقرأ في القرآن،أغلق المصحف ووضعه جانبا وقال بابتسامة: صح النوم،عاملة ايه
عدلت نفسها وقالت بابتسامة: الحمدلله،راجع بدري كدا ليه
راجح: ابدا،بس في وحدة كدا من الصبح عمالها تقول انا كويسة،وهي مش كويسة
زمزم بضحك: بس انا كويسة
راجح بغيظ: زمزم انتِ مش شايفة وشك تعبان ازاي
زمزم بضحك وطفولة: طب أعمل ايه ها،دا وشي الي تعبان مش انا،بعدين مكنتش عايزة اقلقك
راجح وهو يرفع وجهه للأعلى ويدعو الله قائلا: يارب،ألهمني الصبر بس على الطفلة الي قدامي،ثم نظر لزمزم برفع حاجب وقال: وشك الي تعبان مش انتِ! بت قومي يلا جهزي نفسك هنروح دلوقتي للدكتورة احسن ما يجرالي حاجة
نهضت زمزم بضحك وقالت: روق يا باشا،متعصب ليه
ثم ركضت بسرعة من أمامه،نظر راجح في إثرها بصدمة وقال: روق يا باشا!،ومتعصب ليه! ثم ضحك باستسلام على محبوبته.
بعد دقائق
وقفت زمزم أمام المرآة تعدل خمارها،ثم التفتت قائلة: انا جاهزة،وأهو الخمار طوييل
راجح برفع حاجب: أين قفازاتكِ يا غالية،!
زمزم بتذمر: طب ايدي مش باينة
راجح: زمزم،قلت ايه
زمزم بابتسامة طفولية وخوف: خلاص،هلبسهم
ضحك راجح عليها،وقالت: يلا اهو جاهزة
وقبل أن تخطو خطوة إلى الأمام،شعرت بدوارٍ شديد،وأنها ستسقط ارضا،أمسك بها راجح بسرعة وقال بقلق وهو يربت على وجهها حتى تستيقظ،فتحت عينيها بوهنٍ فقال: زمزم حبيبتي،فوقي كدا،انتِ كويسة
زمزم بتعب: مش عارفة،حاسة بصداع
أجلسها على الأريكة،وقال: ارتاحي،ثواني وجاي
نزل إلى الاسفل وأحضر زجاجة ماء،ثم عاد إليها
بعد بضع ثوانٍ
راجح بقلق: احسن دلوقتي؟
زمزم: الحمدلله
ساعدها بالنهوض وأمسك بيدها ونزلا إلى الأسفل
رأتهم زنود فقالت بقلق: زمزم مال وشك تعبان كدا
زمزم بابتسامة: حبيبتي متقلقيش كويسة
زنود: ربنا معاكوا
===========================≈========
في غرفة مرجان
كانت تحدث أخاها رماح
مرجان بحزن: طب رأفت رجع ليه انت مرجعتش
رماح بحنان: مرجان،متزعليش مني،بس بابا محتاجني بالشركة،خلاص يا ستي،اوعدك مع بداية الشهر الجاي،هنزل
مرجان بغيظ: يا خوفي ترجع بعد ما اولد
ضحك رماح وقال: لا كتير كدا،خلاص وعد هرجع أول الشهر الجاي
مرجان: هنشوف
=====================================
أما عند رتيل
فقد كانت تحدث جدتها وزوجات أعمامها وتطمئن على الجميع
أسمهان: رتيل،انتبهي لنفسك وصحتك
رتيل بضحك: والله يا غالية هنا ممنوع اعمل اي حاجة،دا الراحة زهقت مني
صباح بضحك: ربنا يحفظك،عارفهم مبقصروش معاكِ ابداً
رتيل: فعلا ربنا يحفظهم،المهم أيوب ويعقوب عاملين ايه
أسمهان: كويسين يا حبيبتي الحمدلله
رتيل بابتسامة: ماشي يا حبيبتي،هقفل دلوقتي،سلميلي على الكل
===========≈=========================
في شركة المالكي
كانت تجلس نهلة على مكتبها تراجع بعض الملفات
فنظرت لها بشرى وقالت بتساؤل: عمتو ممكن سؤال
نهلة بانتباه: اسألي يا قلب عمتك
جلست أمامها بشرى وقالت: تيتة وجدو توف...وا كدا من ربنا
أغمضت نهلة عينيها ثم قالت بصوتٍ حزين وكانها تذكرت شيئا ما آلمها: كنا فاكرين كدا،لحد ما بدأ كل شيء ينكشف،واكتشفنا انهم ما ما..توا مو...تة ربنا،وفضل الي عمل كدا مجهول،لحد ما ما....لحد ما مازن انكشف قدامنا،واعترف بكدا،مازن عمره ما اختار لينا الخير،حتى انه اتقدم ليا علشان ينت...قم من العيلة عن طريقي،مازن الشر كان مالي قلبه،تقدمنا نجاحنا،تفوقنا عليه،حتى رفض مروى ليه كل دا وغيره كانوا قاهرين مازن،مبحبش حد يكون أعلى منه
بشرى باستغراب: رفض عمتي مروى! ازاي
نهلة بألم: مروى اتقدم ليها مازن لكنها رفضت،مروى بتحب تكون حرة،تسافر وتروح وتيجي من دون أي تحكمات،على الرغم من معارضة الكل لوظيفتها لكنها حطتنا أمام الأمر الوقع،ووافقنا،بعدها.....بعدها اتقدم مازن ليا،كيف وليه وازاي وافقت معرفش،وسافرت معاه أمريكا علشان ميحصلش أي حاجة لما مروى تاخد اجازات وكدا،لانه اتقدم ورفضته،فخوفا من انه يحصل أي توتر أو احراج،قلنا نسافر
بشرى: حبيتيه؟!
نهلة: يمكن وقتها اه حبيته،بس دلوقتي لا،من وقت ورقة طلاقي وانا مفيش أي مشاعر ليه بقلبي
بشرى: وتيتة وجدو،ازاي حصلهم كدا
نهلة بحزن: ربنا يرحمهم،س.....م بالأكل،بسيطة على واحد زي مازن
بشرى بصدمة: ايه؟!!!!
نهلة بضحكة وجع: عارفة انصدمتي،بس دا قضاء وقدر،لكن الحمدلله مازن خد جزاءه والحمدلله بعد عن حياتنا
بشرى بحزن واسف: عمتو آسفة،فكرتك بأمور بتحاولي تنسيها
نهضت نهلة من وراء مكتبها وجلست أمام بشرى وقالت: الأمور دي مستحيل تتنسي،كل حاجة ممكن الشخص ينساها،إلا الأمور الي بتترك جر...ح بقلوبنا وبتخلي قلوبنا تفضل تن..زف طول السنين
بشرى بتساؤل: هسأل بس اوعي تضربيني
ضحكت نهلة وقالت: اسألي
بشرى: عمرك حبيتي🙄🙄
نهلة برفع حاجب: بت انتِ سخنة؟! ايه السؤال الي جاي من المريخ دا
بشرى بضحك: والله فضول
اخذت نهلة نفسا عميقا وقالت: حبيت،لكن طريقة حبي كانت غلط،وما ترضيش ربنا،فبعدت
صح لما بعدت وحدة بعرفها قالت ليا هتندمي،بس قلت ندم ساعة ولا عذ...اب بالدنيا والآخرة،بس تعرفي،الحياة كدا أحلى،طبعا أحلى بالنسبة ليا،وعلى فكرة بعد طلاقي،كتير ناس قالوا ليا لسا الحياة قدامك،وتقدري تتجوزي علشان الولاد واجيب لي طفل بس طبعا دا شيء مرفوض،وانا مش مقتنعة فيه
بشرى بفضول: هو ليه انتِ وماما مفيش عندكم شغل مراتك قالت واختك قالت،والنكد دا يعني لما اطلقتي وكدا
ضحكت نهلة وقالت برفع حاجب: بت،ايه صاير الك اليوم،قومي على شغلك احسن الك،كدا يا اختشي،نحب نكون عاقلين،ومرتاحين
ضحكت بشرى وقالت: إلهي يا نهلة يا بنت تيتة نهلة يسعدك ويفرح قلبك،
ضحكت نهلة ،وقالت: جمعا،بت امشي من قدامي،احسن ما تشوفي الوش التاني،عايزين نخلص شغل
ضحكت بشرى،وهربت إلى الخارج
أما نهلة فقد ابتسمت بحزن لتذكر والدتها وقالت: شبه دعوتك يا امي،ربنا يرحمك انتِ وبابا،قد ايه محتاجة دعواتك في الظروف دي...
=====================================
وصل راجح وزمزم إلى أحد المشافي
زمزم بتساؤل: هو ليه مرحناش على عيادة خارجية
راجح: هتعرفي دلوقتي،ثم صعد إلى أحد الأدوار
واقترب من الاستقبال وقال: دكتورة إيمان موجودة من فضلك؟
موظفة الاستقبال: موجودة يا فندم،ازاي اساعد حضرتك
راجح: في موعد مسبق لزمزم زياد المالكي
موظفة الاستقبال: اتفضل يا فندم،ثواني وتطلع الحالة عند الدكتورة إيمان
شكرها راجح،ثم جلس هو وزمزم ينتظران موعد دخولهما
زمزم برفع حاجب: ايه يا ابن المالكي،مين دكتورة إيمان دي،وتعرفها منين ها
كتم راجح ضحكته وقال: والله مش زي ما انتِ فاهمة،انتِ الوحيدة الي بالقلب والله،هندخل وافهمك كل حاجة بعدين
زمزم برفع حاجب: هنشوف يا ابن المالكي
ابتسم راجح على غيرتها،وثوانٍ ودخلوا إلى الطبيبة
د.إيمان بابتسامة: اتفضلوا اقعدوا،عاملة ايه يا زمزم،اسمك زمزم صح
زمزم بابتسامة: ايوا صح،تمام
د.إيمان بابتسامة: بتعاني من ايه
أخبرتها زمزم بما تشعر،فقالت الطبيبة: اتفضلي معلش على السرير
وبعد دقائق،عادت الطبيبة لمكانها،وتساءلت الطبيبة وقالت: زمزم بيحصل عندك أي حاجة،مثلا استفراغ،او عدم رغبة للأكل
زمزم: ايوا حصل معي اليوم
د.إيمان: تمام،اعملوا التحاليل دي،وارجعولي
وبالفعل ذهبوا لإجراء التحاليل وبعد ثلاثةِ ساعاتٍ عادوا للطبيبة
د.إيمان بابتسامة وهدوء: استاذ راجح،انت قلت ليا انه زمزم وهي صغيرة اتعرضت للإصابة بمر.ض الس.ل صح.
راجح:صح
رفعت نظرها عن الأوراق وقالت: يمكن لو كنت مكان الدكتورة الي قالت ليكم انه زمزم بسبب الي اتعرضت ليه،وبسبب الضغوطات النفسية،كنت هقولكم كل دا هيأثر على عملية الإنجاب
زمزم بعدم فهم: يعني ايه؟!
د.إيمان بابتسامة: انا عارفك مؤمنة بالله وسبحان الله مفيش حاجة بتصعب على ربنا،مبارك حضرتك حامل في وفي الشهر الأول
نظرت لها بصدمة مما قالته،ثم نظرت لراجح وقالت: مش بحلم صح
ضحك راجح وقال: لا يا حبيبتي مبتحلميش
نظرت زمزم للطبيبة ثم قالت: بس ازاي والدكاترة قالوا صعب
د.إيمان بابتسامة: كل شيء مستحيل وصعب،الا على ربنا،بعدين دا كلام الماضي،احنا في الحاضر،هكتبلك على فيتامينات،وياريت تنتبهي لنفسك وصحتك وتبعدي عن أي اكل أو شرب ممكن يقلل الدم،لانه عندك أنيميا
شكرتها زمزم،وخرجا من المشفى،وركبا السيارة ثم توجه راجح إلى أحد المساجد لصلاة الظهر،ذهبت زمزم لقسم النساء وراجح لقسم الرجال لصلاة الظهر،فقد مرَّ الوقت وأخذت التحاليل وقتا طويلا لخروجها وظهور النتائج،ما أدى الى دخول صلاة الظهر عليهم ،وبعد الانتهاء من الصلاة توجه راجح برفقة زمزم إلى مكانٍ ما...
زمزم برفع حاجب: مقلتش ليا منين تعرفها؟!
راجح بضحك: والله مظلوم،يا ستي هقولك كل حاجة،بس نوصل
زمزم: صحيح رايحين فين،ثم شهقت بطفولة وقالت: اوعي تكون عايز تقت...لني
راجح بغيظ: الأفلام والروايات لازم امنعهم عنك،لانهم طيروا عقلك على الآخر،ثواني ونوصل
زمزم بخفوت: ربنا يستر منك يا ابن المالكي
راجح بسخرية: انا بالواقع ومجنناني،لو عملت فيكِ حاجة،مش بعيد طيفك يطلعلي بالمنام
زمزم بغرور متصنع: نيالك اصلا،عندك سكرة
راجح بهمس: اه نيال قلبي عندي وحدة مجنونة
زمزم بغضب طفولي: انا مجنونة،بسيطة يا يا سيادة المقدم
ضحك راجح على غضبها،وبعد دقائق،وقفوا أمام فيلا،أقل ما يقال عنها أنها رائعة،خيالية
راجح: وصلنا
نزلت زمزم واقتربت من راجح وقالت: تبارك الرحمن،بس ايه بنعمل هنا
دخل راجح إلى الداخل وخلفه زمزم وقال: دي ليا،لكن محدش يعرف
وقفت زمزم أمامه بصدمة طفولية وقالت: هو انت غني كتير واحنا مش عارفين
ضحك عليها وقال: لا بس تقريبا كنت بستغل أي مبلغ صغير لحد ما جمعت مصاريف وتكاليف الفيلا واعملتها
زمزم: ايوا جبتني هنا علشان تنسيني موضوع الدكتورة إيمان،قولي مين هي وحالا
راجح باستسلام: تعالي يا ستي هقولك
دخلا إلى شرفة غرفة المعيشة،وجلسا على الأريكة وقال: دكتورة إيمان بتكون بنت صاحبة ماما،أمها كانت دكتورة لكنها اتو...فت من سنة،وتقريبا والدتها كانت تعالج اي حد يم...رض من بنات العيلة،وهي الي ولدت أمي،وعالجتك كمان،فلما اتو...فت،ماما قالت الي اروح لبنتها،لأنها شاطرة زي والدتها،فهمتي يا ستي
زمزم بغيرة: إزاي تروح وتكلمها عني لوحدك ها
راجح بصدمة: بت،وربنا ما رحت لوحدي امي كانت معايا،ثم قال بغيظ: ربنا يستر من الأيام الجاية
زمزم: وماما ليه تقلك روح ليها
راجح بصبر: ربنا يعيني،يا حبيبتي ما انتِ كنتِ تعبانة ماما اتوقعت انك تكوني حامل،لكن افتكرت كلام الدكتورة والدة الدكتورة إيمان،والدكاترة التانيين وقالت خلينا نروح ليها نسألها وناخد موعد
وقبل أن ترد زمزم،سمعت صوتا في الداخل،فقالت بخوف: ايه الصوت دا،ها
راجح: متخفيش،دي قطة
زمزم بفرح: الله بجد
راجح برفع حاجب: على أساس كنتِ خايفة
زمزم: مين؟انا!
نهض راجح وقال: لااا خيالي،تعالي تعالي نشوف القطة
دخلا إلى الداخل،فوجدت زمزم قطة باللون الأبيض متوسطة الحجم تلعب بكراتٍ من الصوف
زمزم بفرح طفولي: الله،ايه الجمال دا تبارك الرحمن،ثم سألت باستفسار: اسمها ايه؟
اقترب راجح من القطة وحملها بهدوء،ثم قال: اسم بتحبيه اوي...
زمزم بفرح: رونق؟!!
راجح بابتسامة: صح
اقتربت زمزم منه،وأخذت منه القطة،وبدأت تلاعبها
♡♡♡♡
زمزم عاشقة للقطط،تحبهم،وتحب ملاعبتهم،ومن جهةٍ اخرى،لأن الرسول محمد صلى الله عليه وسلم يحبهم،كائنات لطيفة!أليس كذلك؟!
♡♡♡♡
زمزم وهي تنظر للقطة: راجح،هي من أيمتا هنا؟
راجح: قبل كتب كتابنا بيوم جبتها،لأنك قلتي انك عايزة قطة فقلت اعملها مفاجأة
ابتسمت زمزم بفرح وقالت: حبيييت اوييي،أجمل مفاجأة،بس مين كان يعتني بيها
راجح: انا،وكنت آخدها لرأفت لما اكون مش فاضي وكدا
ضحكت زمزم وقالت: هو بيحب القطط؟
راجح بضحك: يبقا متعرفيش القطط بالنسبة لرأفت ايه،دول قصة وحكاية لا تنتهي،هو عامل مكان مخصص للقطط في بيتهم،دا غير انه بسم الله ما شاء الله عنده قطط كتيرة
زمزم: حلو أويي،بس قولي انت مبتحبش القطط
راجح بضحك: لا دا كان اول،دلوقتي بحبهم،في حد ميحبش الكائنات اللطيفة دي؟!
ضحكت زمزم وقالت: راجح باشا بنفسه بيقول كدا،يا عيني يا عيني،بقولك
راجح: ربنا يستر،قولي
زمزم باستعطاف ورجاء: هو ممكن الفيتامينات دي يعني ما آخدهاش
راجح برفع حاجب: بسم الله يا قلبي،ترا الدكتورة اعطتك الفيتامينات دي علشان كل حاجة عندك كويسة،بت متخلنيش اقلب عليكِ
زمزم بضحك: خلاص خلاص،اهو سكتت
راجح: هاتي القطة كدا نخليها تاكل،ونروح نجهز الغدا
زمزم: غدا ايه،مبعرفش اعمل غدا،هو كويس اني بعرف اعمل شاي والله
ضحك راجح،ووضع القطة في مكانها ووضع لها طعامها المخصص ثم قال: ما انا عارف انك فاشلة،اقصد انك شاطرة شاطرة اوي في الطبخ،لكدا اليوم اجازة وانا هعمل الغدا
ضحكت زمزم وتبعته للمطبخ وقالت: يا سلام بقا،راجح باشا هيعمل الغدا،قلبي الصغير لا يتحمل،هتعمل ايه
راجح: هو حاليا مفيش إلا مكرونة،الي فترة مجتش هنا فتقريبا مفيش أي حاجة للأكل،إلا حجات قليلة
زمزم بمرح: حلو اويي،بص انا هساعدك هو مش معقول تعمل كل حاجة بنفسك
ضحك راجح وقال: لا بجد،شكرا لجهودك،بس قبل كدا هكلم العيلة اقلهم هنتأخر
=====================================
تجمع الجميع حول مائدة الطعام لتناول الغداء...
بشرى: زمزم وراجح فين
إشراق: قالوا هيتأخروا
أزهار: ماما،إحسان وسلام هييجوا على العصر كدا
إشراق بابتسامة: اتصل راجح وقال هيتأخر
جنان لأحمد ومحمد: يا باشا منك ليه،هنفرح فيكوا امتا
احمد بغيظ: يا بنتي اسكتي،انا بحاول انسيهم وانتِ بتفكريهم
زنود: قريب اوي يا حبيبتي
محمد: وحدي الله يا اني،قريب ايه
رؤوف: يا ابني مالك انت وهو رافضين ليه كدا
احمد: لا يعني لسا بدري
جنان: بدري ايه يا قلب اختك،بص يا رؤوف يا اخويا دا شايف بنت حلال،بس اقول ايه،مش عايز يتقدم
تامر: لييه
احمد: انتِ اشتغلتي بدل زمزم يعني ولا ايه
إيهاب: اسمع مني يا احمد انت ومحمد،متخفوش،واتقدموا،بعدين ليه رافضين يعني
نظر احمد ومحمد إلى بعضهما،ثم قال أحمد: خلاص يا عمي،قريب
=====================================
عند راجح وزمزم
زمزم بمرح: ياااه،يتسلم ايدي بجد
راجح برفع حاجب: نعم!الي يسمعك يقول انك انتِ الي عملتي الاكل
زمزم: تقدر تنكر اني انا الي حطيت الأطباق وجهزت السفرة،والملح!
راجح بغيظ: لا بجد تعبتي اوي
ضحكت زمزم وقالت: لا بجد،طلعت شيف،حظي جميل،خلاص انت هتعمل الغدا واقول لماما إشراق تسلمك الطبخ
راجح برفع حاجب: لا بقولك ايه،ايوا هي امي تعرف اني بعرف اعمل اكل،بس ولا مرة دخلت المطبخ هناك،والمرة اعملت الاكل لانك سبحان الله بتعرفي تطبخي،فقلت ترتاحي انتِ المرة دي
ضحكت زمزم،وبعد نصف ساعة جلسوا في الحديقة
زمزم: هو احنا هنترك القطة هنا لوحدها
راجح: لا هناخدها معانا
زمزم بفرح: بجد،ثم أكملت بابتسامة: جنان هتفرح اويي لما تشوفها
ابتسم راجح وقال: اكيد،يلا نرجع لانه امي عايزة تعرف ايه حصل معاكِ
=====================================
عند عائلة رتيل،كانوا يجلسون بالحديقة
صلاح: رأفت،عايزين نفرح بيك
رأفت بابتسامة: إن شاء الله عن قريب
أسمهان: عقبال الباقي
وائل لتحسين: هو باين انهم مش هيسيبونا الا لما يجوزونا كلنا
صباح: بالضبط،أهو طلعت بتفهم
وائل بضحك: لا إله إلا الله،هو حد قالك يا صبوحة اني مجنون
صباح: لا،مفيش داعي حد يقولي،لاني عارفاك،عقلك بوادي،وتصرفاتك وشخصيتك بوادي تاني
علي: بقولك يا وائل،تم قص...ف جبهتك
ضحك الجميع،ونظر رأفت إلى عمه محمد والد رتيل وقال: محمد باشا،سرحان في ايه
محمد بابتسامة: مفيش يا حبيبي،بس قلقان على رتيل
أسمهان: متقلقش يا ابني،هي بخير وكويسة،وعايشة بأحسن حال الحمدلله
محمد: انا مضطر أسافر لشغل،ومش عايز اقلقها
أيوب: بابا هتروح وتتركنا زي رتيل
يعقوب بحزن: بابا متروحش،كفاية رايل تركتنا
نظر محمد إلا ولديه بحزن،فقال رأفت بسرعة: أيوب يعقوب،ايه رأيكوا تكلموا رتيل،دلوقتي
أيوب: بجد
رأفت: ايوا بجد،مرات عمي سماح،ممكن تاخديهم لجوا يكلموها
سماح بابتسامة: اكيد،يلا تعالوا
ركض أيوب ويعقوب إلى الداخل بفرح وتبعتهم سماح وصباح إلى الداخل
بينما سألت الجدة رأفت سؤالا لتتأكد من أمرٍ ما وقالت: ليه ما كلمتوها من تلفونك؟
رأفت برفض: مستحيل،اولا اتا مش من محارمها علشان اتصل عليها حتى لو مش هكلمها،تانيا معرفش ردة فعل جوزها ايه،هو راجل واكيد هيغير عليها،ثالثا والأهم ممكن أكلمها في حالة وحدة لو حصل شيء طارئ ومحدش من اعمامي كان موجود،وهكلمها مسج مش اتصال
أسمهان: وباقي الشباب
وائل: كلام رأفت صح،واحنا كلنا متفقين على كدا
علي وتحسين: بالضبط
أسمهان: طب لو عرفتوا انه رتيل محتاجة مساعدة او انها في خطر هتعملوا ايه
وائل: رتيل أختنا،واكيد هنساعدها
أسمهان: أهو انتوا قلتوا انها اختكم،يعني عادي لو كلمتوها
علي: لا مينفعش،احنا مينفعش نشوفها غير اختنا،بس دا مش يعني انه عادي نكلمها،احنا غرب عنها
تحسين: بعدين هي لما كانت عندنا،مكناش نكلمها إلا واحنا غاضين بصرنا،وما كنا ناخد ونعطي معاها اوي،لأنه بالنهاية احنا مش من محارمها
أسمهان بابتسامة: ربنا يرضى عنكوا،انا سألتكوا الأسئلة دي علشان اطمن انه رتيل هتكون بأمان
ابتسم الجميع،وقال رأفت: القعدة ناقصة ساهر
سميح: فعلا،كلمني اليوم وقال انه عنده ضغط بالمشفى وهيتأخر،ويمكن يفضل هناك
أسمهان: ربنا يكون معاه
=====================================
عند عائلة المالكي
كان الجميع يجلس بالحديقة بإستثناء الفتيات اللواتي جلسن في غرفة المعيشة مع رفيقاتهن،وزمزم وراجح اللذان لم يصل بعد...
رن هاتف رتيل،فاستأذنت من الفتيات،وصعدت لغرفتها
رتيل بفرح: أيوب يعقوب،حبايبي عاملين ايه
يعقوب بحزن: متكلميناش
أيوب بحزن: مخاصمينك
رتيل بابتسامة: ليه كدا،طب إيه رأيكوا تيجوا مع عمو صلاح لهنا،لأنه هييجي علينا ويسهر
يعقوب: بجد،بس مش هيوافقوا
رتيل: لا يا حبيبي انا هكلمه،ويمكن كلكوا تيجوا،اتفقنا
أيوب: اتفقنا،أغلقت رتيل معهم،واتصلت على والدها واطمأنت عليه،ثم كلمت عمها صلاح
صلاح: الي مبتسألش
رتيل بضحك: حقك عليا،بقولك يا عمو بالله جيب معاك أيوب ويعقوب،دول زعلانين ومخاصميني،يرضيك كدا
صباح بضحك: لا ميرضنيش،على كلن احنا كلنا جايين اليوم لعنكدوا
رتيل بفرح: تنوروا طبعا
ثم أغلقت معه،والتفتت لرؤوف الذي دخل الغرفة وقالت: رؤوف مالك
جلس رؤوف على الاريكة وقال: قلقان على زمزم
جلست بجانبه بابتسامة وقالت: متقلقش هي بخير
ابتسم وقال: إن شاء الله
رتيل: تعال ننزل،ومتقلقش،لما يرجعوا هنعرف مالها،قوم اغسل وشك،وادعيلها
======================
بالحديقة
وصل زمزم وراجح،ثم اقتربوا والقوا السلام،وقالت إشراق بسرعة: زمزم مالك،وايه قالت الك الدكتورة،وليه اتأخرتوا
زمزم بضحك: اهدي يا حبيبتي،كويسة الحمدلله، فين البنات
احبرتها آينور بأنهن بالداخل مع رفيقاتهن فقالت: طب يلا مغ السلامة،انا داخلة
زنود: بت داخلة فين تعالي هنا قوليلنا ايه الي حصل
زمزم لراجح: قولتلك خليني ادخل للبنات،مسمعتش،لازم آجي واسلم
راجح: مهو مش هيسيبوكي على الحالتين هيعرفوا
جلست زمزم باستسلام بين إشراق ووالدتها وقالت: للأسف...
زنود بقلق: للأسف ايه
زمزم بمرح: متقلقيش،بس الدكتورة قالت ليا اني حامل
احتضنتها إشراق وزنود وآينور بفرح وقالت زنود بغيظ: للأسف،وقعتي قلبي يا شيخة
ضحكت زمزم وقالت إشراق: هو مش عايزة احبطك،لكن مضطرين نقيم مراقبة عليكِ تماما زي ما اعملنا مع مرجان ورتيل وما زال طبعا،بس هن كانن عاقلات،أما انتِ هتتعبينا
ضحكت زمزم وقالت: مظلومة والله
نهلة بضحك: وااااضح يا قلب عمتك
زمزم لراجح: مش هتتكلم
راجح: والله كان نفسي اتكلم وارد عليهن يا قلبي،بس والله كلامهن صح،وانا سلمتك ليهن،مليش علاقة فيكِ
زمزم بصدمة: كدا،مكنش العشم
ضحك راجح،فقالت نهلة: بت زمزم القطة منين ها
زمزم: بقولك من دلوقتي،القطة محدش يلمسها،دي ليا
نهلة: ابو وردة واحشك انا عارفة
زمزم باستعباط: يا حبيبتي انا قلت ايه،لا اكيد عادي خديها
ضحك الجميع،وأخبرتهم أنها من راجح،فقالت إشراق: انت بتحب القطط!!! بركاتك يا زمزم
ضحكت زمزم ثم دخلت للفتيات
===========≈==============
في غرفة المعيشة
سلام بغيظ: بت ركزي هنا
أزهار: بت انا ما انا مركزة اهو
قاطع حديثهن دخول زمزم التي قالت: السلام عليكم ورحمة الله وبركاته،وانا اقول ليه البيت منور كدا
ردت الفتيات السلام وقالت إحسان بغيظ: والله الكلام دا العسل،مش زي كلام بعض جماعة،ونظرت بطرف عينها إلى أزهار
أزهار بصدمة مضحكة: شوف البت
ضحكت زمزم وسلمت على إحسان وقالت: حبيبتي البيت منور والله،عاملة ايه
إحسان بابتسامة: الحمدلله تمام
زمزم: سلام،عاملة ايه واحشاني والله
احتضنتها سلام وقالت: الحمدلله،عاملة ايه
زمزم: الحمدلله تمام،شموسة أخبارك يا سكر
ابتسمت شمس واحتضنتها،ثم سلمت على قمر وقالت: اساس النور طلع القمر الي معاكن دي
ضحكت قمر،وجلست،ثم قالت بشرى: بت بقولك تعالي هنا،كلنا مش غرب،ودافنين اسرارنا مع بعضنا،والبت سلام وإحسان صاروا مننا وفينا،يبقى تقولي قالتلك الدكتورة ايه
رتيل بفضول: صحيح ايه حصل معاكِ
زمزم بضحك: ابدا،بس يبدو أنك هتكوني يا بشرى عمتو الحرباية،ورتيل مرات خالو
بشرى بصدمة: بعيدا عن عمتو الحرباية دي،احلفي انك حامل
زمزم: وفي شهر
احتضنتها الفتيات بفرح،ثم قالت سلام: زمزم،أنا هكون خالتو انا وجنان،يبقا لينا حق في السكر الي جاي على خير،اهو بقولك من دلوقتي
ضحكت زمزم وقالت: خلاص ولا يهمك
جنان بفرح: هبقا خالتو
زمزم بمشاكسة: احلى خالتو سنفورة
ضحكت جنان واحتضنت زمزم،وقالت بشرى بضحك: يبدو شغل العمة لازم يبدأ،هجهز نفسي علشان اكون عمتو الحرباية،اقصد عمتو البريئة
ضحكت الفتيات وقالت ورود: هو بجد بستغرب انه في عمات كتير اوي بيعاملن اولاد اخوتهم معاملة استغفر الله العظيم بس
شمس: بالله اسكتي،متفكرنيش باللي عندي
زمزم: في عمات كدا وفي عمات كدا،ربنا يهدي الجميع
سلام: شمس لسا عايشة في بيت عمتك
شمس: مفيش مكان اروح ليه غير بيتها
زمزم: معلش على السؤال،بس هو في ايه
شمس بضحك: ابدا يا ستي،بس تقريبا دي بتشبه مرات أبو سندريلا،عامليتني شغالة للبيت،هي وبناتها في غياب جوزها ويحيى ابنها،وعمي الي هو جوزها يعني لما يرجع يا سبحان الله الحب منين بينزل عليها وبتكون تعاملني وكأني بنتها
زمزم: يحيى خطيبك وكاتبين كتابكوا صح
شمس: ايوا
مرجان: وهو اكيد مبيعرفش باللي بتعمله والدته
شمس: لا هو بيعرف،بس طبعا لما يسمع والدته بتكلمني مش حلو،أو اخواته او يعاملوني معاملة مش كويسة،بيرد عليهن ويوقف معي،وطبعا تقوم مشكلة بينهم وتقوله هي سحرالك واقف معاها ضد امك،فأنا في الفترة الأخيرة تفاديا للي بيحصل لما يسألني بقوله محصلش حتجة،مع انه هو عارف بس بيحاول يبين انه صدقني
رتيل: يعني جوز عمتك وابن عمتك واقفين معاكِ
شمس: يمكن هم الاتنين واخت عامر الكبيرة والصغيرة احسن حاجة حصلت في حياتي من بعد وفاة ماما وبابا
زمزم: هو عند عمتك كم بنت
شمس: خمسة ما شاء الله
قمر: يا بنتي خلاص سيبك منهن،كفاية انهم معاكِ،وبعدين كلها شهرين بالكتير وتتجوزي وتنتقلي مع جوزك لشقة تانية
زمزم: ايوا كلامك صح،توكلي على ربنا
ورود بصدمة: لمين القطة دي
زمزم بابتسامة: قطتي،اسمها رونق،جابهالي راجح
بشرى بخبث: ايوا قلتيلي حبيب القلب
رمت عليها أحد الويائد وقالت: اسكتي
ضحكت الفتيات،وحملتها جنان وقالت بفرح: زمزم ممكن آخدها العب معاها في الجنينة
زمزم: اكيد يا حبيبتي..