رواية حب الصدفة الفصل الخامس 5 بقلم شروق حسام

رواية حب الصدفة 

الفصل الخامس 5

بقلم شروق حسام


وفي ثواني كانت ماسكة المزهرية وحذفتها عليه فدماغه اتفتحت ووقع من علي الكرسي مغمي عليه 


راحت ناحيته وبدأت تضرب فيه بالبوكس وبتفشي غلها فيه 


_" انتي يا هاااانم سرحانة في ايه ومقربة اوي كده ليه هو انتي اتهبلتي في مخك اتظبطي كده "


شيماء فاقت من شرودها وهي بتبص حواليها بصدمة وبصت له هو كمان بصدمة هو كويس ومش مغمي عليه والمزهرية المكسورة موجودة وكمان سليمة 


شيماء بهمس " حسبي الله بقيت بتخيل انِ بضربك من اول يوم "


كملت بإبتسامة سمجة " نعم يا باشا كنت بتنادي عايز حاجة "


قاظم ببرود " ادعكي لي رقبتي وجعاني "


شيماء بخضة " انت بتقول ايه يا كابتن انت متعرفش ان كده حرام "


كملت بهمس " حرام يا متخلف وكمان انا كنت حاسة من الأول من ساعة ما قابلت الزفت اللي اسمه آسر انكم عيلة متخلفة " 


قاظم ببرود " أومال انا قبلتك هنا ليه انا قبلتك عشان تنفذي لي كل طلباتي من أول رأسي لحد صوابع رجلي "


شيماء بقرف " يبقي شوف حد غيري مليش انا في الكلام ده انا "


كملت بتمثيل متقن " انا جيت اشتغل هنا عشان اهتم بأكلك وشربك بس انا يا باشا واحدة غلبانة علي قد حالي وبشتغل عشان اصرف علي اخواتي الصغيرين وابويا وامي "


شيماء جواها " سامحني يارب علي الكدب ده ده الحج شغال في بنك اللهم بارك ههههه "


قاظم بحدة " يا تروحي تكملي شغلك يا تمشي تطلعي برا "


_" اللي هو ايه الشغل "


قاظم بنفاذ صبر " روحي حضري لي الأكل "


شيماء بصت له بفرحة وسابته وراحت علي المطبخ وهو بص لآثرها بإبتسامة طفيفة


..................


بعد شهرين 


كانت شيماء ماسكة الكرسي بتاع قاظم وبتجري بيه في الجنينة 


قاظم بصوت عالي " وقفي يا شيماااء "


شيماء بمرح " شيماااااء اها اها شيمااااء اها اها بذمتك مش مبسوط "


_" انتي شكلك اتعودتي عليا وبقيتي بتعصي كلامي "


شيماء بعدم اهتمام " عادتشيييي عادتشييي خالص مش اول مرة بعصي فيها كلام حد ده ماما وآسر دايما مش بسمع كلامهم "


قاظم بصدمة " آسر آسر مين آسر اخويا وانتي عرفتيه منين "


شيماء وقفت جري وحست انها وقعت نفسها في ورطة كبيرة فاتكلمت بسرعة " آسر مين يا باشا أنا بقولك ماما وأثير دايما مش بسمع كلامهم ايه اللي جاب سيرة آسر بقي "


قاظم بص لها برفعة حاجب " لا والله هو انا اطرش يعني ومش سامع تمام عارفة لو عرفت ان آسر ليه علاقة بيكي وعارفك هطردك "


شيماء بقرف " فيه ايه يا كابتن حتي يعني لو كنت قولت آسر هو أخوك الوحيد اللي اسمع كده "


_" استغفر الله العظيم من كل ذنبًا عظيم خليك قاعد هنا وانا داخلة أكمل أكل خسارة فيك الجري اللي جرتهولك " 


شيماء بصت له بضيق وسابته ومشيت تحت نظراته اللي مش مصدق كلامها بنسبة 2 % حتي 


..................


_" يا آسر باشا امتي هخلص من المهمة الشؤم دي اخوك دماغه شغالة ومش بتقف وكان هيكشفني كذا مرة "


_" اهدي يا شيماء كل حاجة هتنتهي النهاردة الورق في أوضة سرية جوا أوضته "


_" واووو ده بجد "


آسر بجدية " ركزي في الكلام اللي هقوله كويس انا هبعت لك ظرف فيه شريط حبوب منومة ونسخة من المفتاح والباسورد بتاع الباب "


_" ما الموضوع سهل اهو انت بقي معملتش كل ده ليه بنفسك "


_" لأن قاظم قاطع علاقته معايا من فترة طويلة عشان كده مش بعرف ادخل الفيلا عنده ده غير انه بيغير الباسورد بتاع الباب فاليوم 7 مرات "


_" يااا 7 ليه كده هو الورق ده مهم للدرجادي "


آسر سكت ومردش عليها هو مش عايز يجاوبها عشان متقعش في خطر هي كمان وهي فهمت انه مش عايز يحكي لها فسكتت

               الفصل السادس من هنا 

        لقراءة جميع فصول الرواية من هنا

تعليقات