الفصل الثامن والثلاثون 38
بقلم نور ربيع
استغفر الله العظيم الذي لا إله إلا هو الحي القيوم واتوب اليه 🤎
في منزل كريم
كريم طلع من الاوضه بتاعته
لقي نور بتحط اكل علي السفرة
نور بصت لي بتنهيد جامد و بابتسامة ورا حزن: صباح الخير يلا ادخل كدا اغسل وشك صلي الضحى و يلا علشان نفطر سوا
كريم بهدوء: جميله …بسخرية وحزن: او نور
نور بسرعه: جميله جميله وبس يا كريم
كريم قرب منها بتنهيد: نور انتي ليه اخترتي انك تفضلي معانا…بحزن: علي فكرة الذاكرة رجعت ليكي وانا عارف كدا
نور بدموع: انا اسفة يا كريم
كريم بحزن وسخريه: اسفة على اي انتي عملتي حاجه؟
نور بغضب وعياط: انا عاوزه اجيب حقي منها يا كريم عاوزه اجيب حقي بأي طريقه
كريم بحزن: مش فاهمك و ممكن تهدي علشان نعرف نتكلم بقا واعرف ايه حكايتك فهميني
ساره طلعت من الاوضه بحزن: خلاص علي كدا يا جميله حكايات جميله اللي كانت عايشه معنا انتهت
نور قعدت على الكرسي بدموع وجع
كريم دخل الاوضه بحزن شديد
_________________________
في منزل السيوفي
احمد طلع قاعد جنبه بتنهيد
احمد بسخرية: مالك يا عم النجم دا انت لسه عريس جديد يعني المفروض تبقى مبسوط وملامحك مبتسم على الاخر مش عليها ملامح الحزن كانه كان ليك غالي ومات
وليد بّـ تساؤل: انت ازاي عرفت الحقيقه
احمد بسخرية: انت اللي عرفت ازاى… اتنهد وراح رجع راسه ل ورا على الكرسي وقال: من اللي جه هنا وقال انه حبيبها
وليد نفس السخريه: انا كمان…بتنهيد وحزن: بس ايه رايك في الصدمه دي وخصوصا في اختك المحترمه
احمد بحزن وعدم تصديق: هههه مصدوم مصدوم عارف يعني اي مصدوم لا كلمه قليله اصلا
وليد ضحك بسخرية وتعب:فعلاً فعلاً قليله اوي …بص لي بغضب: عارف يا احمد وعز وجلاله الله انا عايز اشرب من دمها دلوقتي كده والظلم اللي ظلمته للبنت واحنا صدقنا بس مستني اشوفها بتتحسر على نفسها الاول
احمد بحزن: و مين سمعك…بص لي وحزن: والعمل دلوقتي ايه اللي هيحصل
وليد بتفكير وتوعد: هتعرف في اللي جاي هتعرف ان شاءلله
احمد بقلق: هتعمل اي؟
وليد بص لي بجحود في قلبه: ما تقلقش يا ابن عمي انا مش زي اختك بوشين والخبث والاذيه في الشرف كل ده وليد ما عندهوش اطمن
_________________________
عند شهد في منزل ام امال
شهد كانت نايمه كانت دماغها في حلم مره واحده من النوم مفزوعه ومخضوضه
شهد حطت ايدها ع بطنها بوجع: ااه ااه اعوذ بالله من الشيطان الرجيم في اي ياربي…بخوف وتعب: اي الحلم ده مستحيل اخلي مهران يقرب من البيبي او ياخده مني مستحيل…بدموع وخوف: يارب يارب
قامت من علي السرير مسحت دموعها طلعت من الاوضه بتعب
وهي حاطه ايدها على بطنها بوجع
بصت بصدمه ل اللي قدامها وصرخت جامد بخضه شديده
شهد برعب وعياط: ا ان انت ايه اللي جابك هنا انت ايه اللي جابك هنا…بصرخه وانهيار: تيييتههه
_________________________
في المستشفى
الدكتوره بابتسامة:مبارك يا قمر انتي حامل
ميار بصدمه: حامل
الدكتوره باستغراب: اه حامل انتي لسه مصدومه كده مش انتي متجوزه يا حبيبتي
ميار بصدمه وتوتر: اه اه متجوزه الحمدلله بس اتفاجئت
الدكتوره: دا خبر جميل المفروض تبقي مبسوطه مبارك يا قمر قولي ل جوزك بقى والعائله فرحيهم معاكى ربنا يتمم ليكي على خير
ميار قامت بتعب جواها:الله يبارك فيكي . بإذن الله
_______________________
عند نور طلعت من البيت بدموع وتعب جواها: ياااه يا ميار بقا انا يحصل فيا كل دا منك مكنتش اتوقع والله العظيم أبداً كده حسبي الله ونعم الوكيل فيكي
فضلت ماشيه شويه كتار لحد لما وصلت عند قبر والدتها
نور : ماما وحشاني يا ماما …قعدت في الأرض قدام القبر وهي بتعيط جامد: شوفتي اللي حصل ل بنتك يا ماما شوفتي بنت اختك عملت في اي ليه تسبيني يا ماما ليه كدا سبتيني وانا اتبهدلت واتمرمطت في الدنيا والله العظيم…بقت تفتكر كل ذكريات الحلوه مع ميار… قائله بانهيار وصدمه: معقول في خبث كده معقول طلعت بوشين اللي كانت كل حاجه ليا طيب ليه عملت ليها اي بس عملت اي ل كل ده(يا جماعه احنا بنروح المقابر نتعظ ونعمل حساب للاخرة ونشوف نهايه الإنسان ايه انما الصويت والعياط مينفعش )
ضحكت بسخرية وجع: معقول والله العظيم مش مصدقه. ليلي معقول تكشف ده ازاى…بقت تركز في الرساله جامد: نور سامحيني يا نور انا رجعت اتكلمت تاني مع خالد علشان خاطر اخليه يروح يقول الحقيقه ل اهل ميار بنت خالتك هي اللي عملت كدا فيكي نور اوي تسيبي حقك يا نور اوعي انتقمي من اي حد اذاك في الدنيا دي
نور بعياط : برضو لسه عاوزه طلعيها بريئه من كل ده الحقيقه واضحة قدامك كفايه بقي كفايه قلبك يبقي حنين يا غبيه …بعياط وسخريه: علي رايها غبيه فعلاً
سمعت صوت قائلا بحزن مالي بندم: سامحيني انا غصب عني جبت عليكي و ظلمتك انا مكنتش اعرف ان ميار بالخبث ده صدقيني
قامت بصت وراها ل الصوت
نور بدموع وحزن: عمر قلبي ما يسامح حد فيكم…بوجع وغضب: وخصوصا انت انت بالذات
وليد بندم شديد: حقك والله بس بس حطي نفسك مكاني كدا بالله عليكي لو شوفتي شخص من بيتك مع واحد في الاوضه في الوضع ده و بتقولي كلام يثبت انك انتي فعلاً انتي ليكي في ده كلو مش هيبقي رد فعلك صعب برضو؟ ها رد عليا؟؟؟
نور بعياط وغضب: بس عمري ما كنت هاذي حد بالطريقه دي عمري ليه ما ادتنيش فرصه احكي ليه ليه ما حدش فيكم صدقني قول؟ انت ها
وليد بحزن: عارف اني مهما قلت مهما حكيت مهما بررت مستحيل قلبك يهدى من اللي الوجع والكسره اللي فيه بس حقك والله…بتنهيد وحزن: بس انا مستعده على اي حاجه انت تطلبها مني عشان خاطر تسامحيني بلاش تحطي في قلبك ل درجة دي بسببي
نور مسحت دموعها بجمود: انت عايز ايه بالظبط انت شاغل عقلك بيا ليه هاا انا حره في نفسي اصلا
وليد بحزن شديد: عاوز ضميري يرتاح على اللى انت عملتو فيكي ضميري واجعني من اللي انا عملته وحاسس بالذنب اوي
نور بعياط وكسرة: احسن انا عاوزه اشوفكم بتموتو كده قدامي كلكم علشان انا اللي ارتاح روح ربنا ينتقم منكم اشد الانتقام…بانهيار وكسرة: ميار ميار لعبتها نجحت لعبه نجحت ودمرت حياه نور حسبي الله ونعم الوكيل
وليد.؟؟؟؟؟
نور بصت لي بصدمه: اي
_________________________
في منزل والده امال
دخلت البيت بقت تنادي علي شهد
باستغراب: شهد قومي كل دا نوم العصر هيأذن
شهد'___
والده امال: يااا شهد صحيتي ولا لسه؟
دخلت الاوضه باستغراب: شهد انتي كل ده نايمه…بصت في الاوضه شمال ويمين ما لقيتش فيها شهد
والده امال بخوف شديد: شهد روحتي فين يا شهد…بقت تدور عليها في كل مكان في البيت ما لقيتهاش كانت تنادي عليها بصوت عالي
والده امال بقلق شديد:روحتي فين يا شهد بس …مسكت الفون بقت ترن علي امال
_______________________
في مكان آخر
فتحت عيونها بتعب شديد
قامت قعدت على السرير بخوف وتعب شديد…بصرخه وعياط: ماامااا مامااا
داخل فتح الباب و داخل بسرعه وفتح النور
مهران بقلق عليها: اهدي انا معاكي هنا ما تخافيش
شهد برعب منه وعياط: انت تاني انت تاني انت عايز مني اي حرام عليك سبني في حالي بالله عليك سبني امشي بقا
رفع ايده بقا يمسح دموعها بحنان: انا بحبك مستحيل اسيبك …حط ايده ع بطنها: انتي و اللي في بطنك يروح قلبي
شهد شالت ايده بسرعه من ع بطنها بخوف وعياط: ابعد عني كدا ا انا انا مش هخليك تقرب منه أبداً
مهران قام ببرود من ع السرير: تمام مفيش طلوع من هنا بقا لحد لما تولدي و اخد منك العيل
شهد بصرخه وعياط: والله العظيم والله العظيم مش هتاخده مني لو هتموت كده وهتشوف
مهران بلا مبالاه: تمام يا يا شوشو هنشوف مين فينا اللي كلمته على حق
شهد قامت من علي السرير بعياط وصرخه: بالله عليك بالله عليك طلعني من هنا اكيد اهلي و امي قلقو عليا كده تاني حرام عليك يرضيك يحصل كده في امينه لو حصل كدا فيها من واحد هيبقي اي رد فعلك بقا
مهران بغل: هاكله كده اشرب من دمه
شهد بعياط: يبقي سيبني بقى علشان انا رد فعلهم زي رد فعلك برضو دلوقتي اكيد قلوبهم وقفت من الخوف عليا
مهران بص ليها: لو عايزني اطلعك من هنا يبقى تسمع اللي هقولك عليه وتسمعي كلامي كويس
شهد بغضب: لو طلبت حاجه صعبه حط في بالك مش هعمل اللي انت هتقول عليه
مهران ببرود: تمام يبقي كلي في نفسك بقى وموتي هناك بقا وانتي في الظلام ده…جه يدير ضهره ويمشي …شهد مسكت دراعه بسرعه
شهد بعياط وتعب: بالله عليك طلعني مش هنا طيب انت عاوز ايه بالظبط طيب
مهران بص ليه و في عيونها بتوهان
مهران ابتسم باستفزاز فيها: اي وحشتك ولا اي يا جميل علشان كدا مسكتي فيا بالسرعة دي اول ما جيت اخرج بره.. شهد سابت دراعه بسرعه بخجل وزقته بعيد عنها بغضب:انت مستحيل تتغير ابدا
مهران بسخرية: و اتغير ليه يا حبيبي …بتنهيد وغضب: عموم انسي كلامنا لو عايزه يبقي خليكي في جحيم المهران بتاع زمان بقا
شهد بخوف شديد و دموع: اااانت عاااايز اااي عاااايز اااي
مهران بغضب: صوتك يخفى احسنلك …بجمود: هقولك هقولك بلاش تستعجلي كتير
شهد مسكت ايده راحت عضته جامد في دراعه بغيظ وغضب منه
مهران بألم: وبعدين معااااكي ما تهدي شويه
شهد بانهيار وغضب: ااااااه تعبت منكككم علي الاخر خلاص … راحت عضته جامد تاني بغضب ونهيار جواها
شدها من شعرها بغضب: ما تهدي بقى
_________________________
في منزل كريم
كريم باستغراب: سارة فين جميله؟
سارة بقلق: معرفش دي من شويه دخلت غيرت و بعدها مشيت
كريم بقلق: وانتي ليه تسبيها يا ساره بس تمشي لوحده
ساره: والله ما كانش في حاجه على راسي قلت ادخل اجيب نقاب ولا حاجه طلعت ما لقيتهاش ابدا
حياة بدموع: فين ماما بابي
كريم شالها بحنان: جايه دلوقتي يا حياتي ما تقلقيش عليها يا حبيبي
حياة حضنته بحزن طفولي
كريم حضنها بحنان
ساره بحزن وقلق: نعمل اي دلوقتي طيب
كريم بتنهيد: هرن علي عمتي اشوفها هناك ممكن تكون راحت ليهم
ساره بحزن مالي قلبها: ماشي يا كريم هدخل اجيب ليك التليفون عشان نرن
_________________________
في منزل السيوفي
امال بخضه: شهد مش عندك ازاي يا امي اومال راحت فين دلوقتي؟
والدتها بقلق:والله يا بنتي ما اعرف دا انا روحت اشتري حاجات رجعت ما لقيتهاش في البيت ده انا هتجنن عليها
امال بغضب وخوف شديد: اومال راحت فين بس يارب
والدتها بحزن شديد: اهدي يا امال ربنا يحميها من عنده انا هروح ادور عليها اشوفها راحت فين يمكن تكون حول البيت ولا حاجه
امال بدموع وخوف: انا هاجي ليكى دلوقتي يا امي اشوفها راحت فين دلوقتي سلام
والدتها: سلام يا بنتي
امال بدموع وخوف: يارب راحت فين كمان بس دلوقتي ياربي انا مقدرش اروح اقول ل ابوها شهد مش موجوده في بيت امي اختفت هيطين عيشتي انهارده…قامت لبست و بعدها راحت طلعت ليهم بره
_________________________
في الصالون
اميره بقلق: مالك يا امال في اي
امال بدموع: شهد مش عارفه راحت فين
سميره بقلق:راحت فين هي طيب
اميره بقلق و هدوء: اهدي بس كدا خير ان شاءلله هي اختفت ازاي طلعت من البيت يعني ولا ايه
امال بدموع ورعب عليها:كانت في البيت لوحدها …بقت تعيط اوي من الخوف عليها
سميره راحت قعدتها على الكرسي بحزن: ان شاءلله خير بس اهدي
اميره بحزن وقلق: لا حول ولا قوة الا بالله اهدي يا امال ان شاءلله مفيش حاجه تحصل ليها
امال بعياط وخوف: يارب يارب انا مش عارفه اعمل اي دلوقتي بس والله العظيم يارب معرفش راحت فين دلوقتي
_________________________
عند نور
وليد بهدوء: يلا امشي من هنا مينفعش تفضلي لوحدك هنا
نور بتعب: ملكش دعوه بيا امشي انت
وليد بغضب: بقولك اقومي ارجعي البيت مينفعش تفضلي هنا المغرب هيأذن اليل خلاص هيدخل
نور بعند: وانا مش عاوزه امشي
وليد جه يقرب منها بغضب
نور رجعت ل ورا بخوف وغضب: انت ملكش دعوه بيا بقولك امشي امشي انا عاوزه افضل هنا مع ماما …بقت تعيط جامد
وليد بتنهيد: اهدي اهدي طالما مش عاوزه تسمعي مني تمام انا هرن علي كريم يجي ياخدك من هنا يعرف يتصرف معاكي
نور درات ضهرها فضلت تعيط وبس
وليد راح عند العربيه رن علي كريم
_________________________
كريم بقلق عليها: بتعمل اي هناك هي
وليد: كانت تزور امها
كريم بتنهيد: تمام نص ساعه بالكتير هكون هناك اجيبها
وليد: تمام بس ما تتاخرش عليها علشان اليل هيدخل
كريم: ان شاءلله
ساره بقلق: في اي يا كريم فين جميله
كريم: في المقابر خدي بالك من حياة اروح اجيبها
ساره بحزن: حاضر
_________________________
في منزل هاني …كانت بتكلم ليلي في التلفون
امينه بحيرة: ليلي تعالى دلوقتي عندي في البيت
ليلي باستغراب: ليه؟
امينه: تعالي بس هتعرفي بس بسرعه بلاش تتأخري
ليلي: حاضر هشوف ماما طيب
امينه: ماشي استودعك الله الذي لا يضيع ودائعه
ليلي: في خير من استودعت
امينه قالت بقرار: لازم اروح اقولهم بقا غصب عنهم لازم يصدقوني
_________________________
عند والده امال
كانت بتبحث علي شهد حوالين البيت في كل مكان مكنتش لقياها خالص
دخلت البيت بيأس وتعب
بدموع وخوف: رحتي فين بس يا شهد دلوقتي
_________________________
عند شهد كانت بتخبط جامد علي الباب بانهيار: حرام عليك بقا طلعني من هنا حرام عليك ياا بااارد…حطت ايدها على بطنها بوجع شديد
شهد بعياط وجع: ااه ااه بطني اه …راحت قعدت علي السرير بتعب
مهران فتح الباب و دخل…قاعد جنبها
مهران ببرود: ها قولتي اي
شهد بعياط وغضب: قولت ربنا ياخدك يارب
بنفس البرود: امين
شهد بعياط وتعب: حرام عليك انا مش بحبك ليه بتعمل كدا
مهران بثقه: عادي تحبيني غصب عنك
فضلت تعيط بوجع ما رضيتش ترد عليه
مهران قام: قومي يلا علشان تمشي …بتوعد: وعز وجلاله الله لو ما رديتي عليا خلال يومين ل اجيبك من وسط اهلك هنا غصب عن اي حد وما حدش هيقدر يمنعني عنك
شهد بدموع وتعب: احلم احلم براحتك
مهران شدها من ايدها بغضب: بطلي عند فيا
شهد شدت ايدها منه بعياط و خوف
______________________
في منزل السيوفي
عبدالله كان في الوقت ده جه
عبدالله بغضب:هتكون راحت فيناا هااا
امال بتعب وعياط: معرفش والله العظيم رجعت ما لقيتش البنت
قعدت على الكرسي بوجع في بطنها: اااه
اميره بخوف عليها: مالك يا امال
سميره بقلق: مالك يا امال
امال بتعب شديد مبقتش قادره: ا ا اه م مش قادره
عبدالله بقلق وخوف: مالك يا امال
اميره قامت بسرعه من جنبها: انا هرن علي الدكتوره
_________________________
في منزل كريم
كريم بص ليها بتنهيد: ممكن اعرف بقا اي الحكاية بتاعتك وتفهميني بالظبط
ساره باستغراب: نفسي اعرف مالها ميار عملت ليكي علشان اي تبقى غضبانه بالشكل ده كدا امبارح وتقولي باسمها هنتقم منك هي عملت ليكي حاجه
نور بدموع وسخريه: قولوا ما عملتش ايه دي عملت وعملت وعملت
كريم بعدم فهم: طيب فهميني يا جميله ايه اللي حصل يمكن اقدر اساعدك في حاجه
بصت لي بدموع وتعب: طبعاً لازم لازم تساعدني وتكون معايا عشان خاطر اجيب حقي وانتقم منها واكشف قدام الكل انها واحده ظالمه عديمه الاصل
ساره بحزن: طيب يلا اتكلمي يا جميله قولي في اي
نور بدموع و كانها كل حاجه دلوقتي: بعد موت ماما الله يرحمها جيت علي بيت خالتو اميره علشان خاطر ماما طلبت منها كدا بقت تحكي وهي بتبكي بوجع
نور بعياط وحزن: في الاول كنا حلوين اوى مع بعض كنا فعلا اخوات بنحب بعض …شهد بابتسامة انا اسمي شهد يا نوري…ميار بابتسامة: احنا من دلوقتي اخوات للأبد مفيش حد يقدر يبعد الصحبة اللي ما بينا أبداً: احمد بابتسامة و زهق: بطلي بقا عياط انتي نكديه ليه كدا طيب
نور ضحكت جامد وهي بتعيط غصب عنها
ميار بضحكه: جيتي لينا من عند ربنا والله كل لما تزعلي ولا تعيطي اجيب ليكي احمد ايه رايك
ميار بابتسامة وضحكه: مفاااجأه اي رايك يا نوري بصي ابوكي جاب ليكي ايه
نور بخضه وفرحه: دبدوب خضتيني والله
نور بعياط شديد: حتى لما ابن عمتك زعق ليا وطردني من البيت هو وعمو محمد ما حدش فيهم راضي يسيبني غير لما ارجع البيت احمد وميار في الوقت ده
كريم بحزن: طب وايه اللي غيرهم معاكي كده ايه اللي حصل بالظبط
نور بعياط:بعدها اكتشفت ارتباط احمد بّـ شهد في السر حاولت ابعدها وافهمهم ان ده غلط وحرام بعدها هم الثلاثه عملوا هجوم عليا مره واحده وجم عليا…احمد بغضب: نوررر ملكيش دعوه اي حاجه تحصل في البيت ده طلعي من دماغك شوفي ما تتكلميش وكانك مش قاعده في البيت نهائي طلعي نفسك من كل ده…شهد بغضب و دموع: نورر ملكيش دعوه بيا انتي مالك انا عارفه انا بعمل اي كويس ملكيش فيه طلعي نفسك بقا
نور بصدمه و دموع: تمام ربنا يهديكي
ساره بصدمه: طيب وانتي ليه ما رحتيش قولتي لحد في البيت
نور بدموع: ما كنتش عايزه يحصل مشاكل بسببي على راي ميار لما قالتلي طلعي نفسك انتي كمان من الموضوع بس بعدها بقى البيت بقى مره واحده بقى في فتنه اتظلمت واتجابت فيا …و حصل بعدها الكارثه الكبيره
______________________
في منزل هاني
ليلي باستغراب: عايزه افهم هتروحي فين بس انتي دلوقتي بس
امينه وهي واقفه قدام المرايه بتلف الخمار وبتلبس النقاب: ليلي انا لازم دلوقتي اهو اروح ل اميره واروح لاهلها واقول ليهم كل الحقيقه عن البنت دي مش هفضل ساكته كتير عن كده اكتر من كدا
ليلي بتوتر: امينه انتي متاكده من القرار ده؟
امبنه بصت ليها بتنهيد: اه المهم خدي بالك من ابراهيم و رهف بالله عليكي انتي
ليلي بحزن: حاضر بس بلاش تتاخر الليل هيدخل كده جوزك هيرجع
امينه: لا مش هتاخر ان شاء الله
_________________________
في منزل السيوفي
في الوقت ده ميار كانت موجوده
اميره بقلق: طمنيني يا دكتوره مالها
الدكتوره بهدوء:التوتر وحش عليها وهي ضغطها ارتفع جدا وهي حامل
سميره بتنهيد وحزن: يعني مفيش حاجه يا دكتوره الحمدلله
اميره بحزن بصت ليها بحزن: الحمد لله على سلامتك يا امال
امال بدوخه وتعب ودموع: الله يسلمك شهد انا عاوزه شهد بالله عليكم حد يشوفها راحت فين
سميره بحزن: امال كفايه تعب في نفسك شهد زمانها جت عند امك كفايه بقى وجع في نفسك
ميار بهدوء: مرات عمي انا برن عليها اهو بشوف هي فين استهدي بالله علشان خاطر ما تتعبش يا حبيبتي
الدكتوره بتنهيد: بالله عليكي حاولي ما تتعبيش نفسك ولا توتري في نفسك ولا تزعلي نفسك عشان خاطر البيبي خطر كده عليه كل ده وخطر على حياتك يا مدام انا هكتب ليكي دلوقتي على علاج تجيبوه وحاولي انك تاخدي بالك من نفسك شويه فضلا التوتر ده خطر
_________________________
مهران وصل قدام بيت ام امال
شهد جت تمشي بسرعه مسك درعها
مهران بهدوء تام: لو ما فكرتيش وعملت اللي قولتلك عليه هاخدك حتى لو في بطن امك وهجيبك
شهد شدت ايدها بعنف بدموع ما رضيتش ترد عليه وراحت ماشي
مهران بغضب: عمومأ براحتك زي ما جبتك من شويه من البيت ده هجيبك من قلب بيتك برضو بس المره دي مفيش رحمه مني وانتي عارفه كدا
شهد كانت سامعه بيقول ايه وكانت بتعيط من الخوف وواثقه انه هيعمل كده تاني بقى ترن على الجرس الباب بسرعه بخوف منه
جدتها سمعت الباب وقامت بسرعه ولهفه عليها
بدموع ولهفه عليها: شهد حبيبتي كنتي فين يا شهد
شهد اترمت في حضنها بسرعه بدموع
جدتها حضنتها بلهفه عليها: كدا يا شهد تقلقينا عليكي وتوقعي قلبي كده احنا هنجنن عليكي انا وامك يا بنتي
شهد بعياط وتعب: تيته مهران خطفني تاني يا تيته
جدتها بصدمه: اي
________________________
نور كانت بتحاول تاخد نفسها بالعافيه وكانت بتتكلم بعياط شديد وتعب في دماغها: بعد موتها ما اعرفش هو ده كان اصلا انتحار ولا كان دي غلطه منها ولا دي اي بالظبط انا ما كنتش اعرف بعدها حصل بقى اللي حصل لي انا ما كنتش مستوعبه او كنت اعرف اصلا هو ايه اللي حصل ده ليا انا مره واحده لقيت الشخص ده قدامي بيقول كده حبيبته وهي اللي رنت عليا قالتلي تعالي. مش عارفه ازاي وحالتي متبهدله والحجاب متشال عني وكل حاجه والهدوم بتاعتي متبهدله وحالي الكل قال عليا ان انا واحده زانيه و واحده خطيئه الكل صدق ميار واحمد قالوا عليا كلام انا حقيقي صدقت صدقت في نفسي كده كنت بحاول افتكر انا فعلا كنت بكلم واحد وكنت بقابل واحد فعلا قلت يمكن اكون فعلا بتكلم وانا مش فاكره كنت بموت من جوايا…حطت ايدها على وشها بقت تعيط جامد
ساره قامت حضنتها بسرعه بدموع: حبيبتي كل دا حصل معاكي حسبي الله ونعم الوكيل فيها
كريم بعدم تصديق وحزن: اي دا كلو معقول كل دا حصل و من مين منها هي
ساره طلعتها من حضنها مسحت دموعها: حقك هيرجع ليك يا حبيبتي ان شاء الله ولا تزعلي نفسك حسبي الله ونعم الوكيل
نور بعياط وصدمه: حرفيأ قبل الحادثه بخمس دقائق بس ليلى لما بعتت ليا الرساله وقالتلي ان ميار كنت مصدومه انا ما كنتش مصدقه اتصدمت انكسرت جوايا الصدمه اللي حصلت ليا جوايا ما كنتش مستوعبه ابدا
كريم مكنش قادر يصدق اتصدم تمامأ فيها قال بصدمه: كل دا ليه عملت فيكي؟؟
نور اخدت نفس جامد يتعب و دموع وهي فاكره كل كلمه في الرساله من ليلى ليها: علشان اكتشفت اني بحب وليد …بقا كلام ميار تردد معاها: مستحيل وليد يحبك ولا حد يحبك انتي ما تتحبيش اصلا…بكسرة جواها: غصب عني حبيت حبيت مكنتش اعرف انها بتحبه و ان هو بيحبها وعرفت انه حرام وكنت بحاول ابطل تفكير فيه
كريم بصدمه كبيره وحزن: بتحبي وليد
ساره بصدمه وحزن: بتحبي وليد؟
_________________________
في بيت والده امال
شهد كانت بتكلم امها
امال بدموع: كنتي فين ها
شهد بدموع: حقك عليا يا ماما عشان خاطر قلقتكم عليا كده
امال كانت فاتحه السبيكر
عبدالله بتنهيد: شهد انا جاي اخدك دلوقتي تمام
شهد بسرعه: لا يا بابا انا والله العظيم كويسه بالله عليك سبني قاعده هنا … بتوتر: لحد لحد اما يمشي احمد
امال بتعب: سيبها هناك وانا كمان هروح اقعد معاها يومين
عبدالله: شهد انا قلقان عليكي طول ما انتي بعيده عني كدا وبعدين عايز اعرف كنتي فين
والده امال اخدت الفون: شهد امانه معايا والله محدش يقلق عليها هي كويسه الحمدلله
عبدالله: بالله عليكي خدي بالك منها يا امي وانا جاي دلوقتي اطمن عليها
_________________________
في منزل كريم
كريم قام بغضب معمي وصدمه: قوميي
نور بخضه وعياط: اسفه يا كريم اسفه عارفه اني صدمتك بكل ده وخصوصا بموضوع اني قولتلك كنت بحبه اسفه بالله عليك انا عايزاك انت مش عايزة حاجة في الدنيا دي غيركم والله
كريم بغضب: بقولك قومي كفايه كلام روحي جيبي حقك منها و اطلعي من البيت ده يلا
نور بانهيار:لا لا بالله عليك مش عاوزه مش قادره اني اواجه حد ولا قادره اني اجيب حقي انا عايزه افضل معاك انت و ساره و حياة
ساره بدموع: كريم سيبها بالله عليك ليه عاوز تطلعها من البيت
كريم شدها بغضب من ايدها
نور بانهيار: كريم اسفه سبني انا مش هقدر اواجه حد او اقول حاجه
ساره بعياط: كريم انت بتعمل اي سبها بقا حقها هيرجع بس مش بالطريقه دي
_________________________
امينه وصلت قدام البيت راحت رنت علي ميار
في المنزل في غرفه امال
ميار بصت ع الرقم بتوتر اللي رن
ميار بتوتر: حمد لله على السلامة يا مرات عمي الحمد لله انها كويسه وانك اطمنتي عليها
امال بتعب: الله يسلمك يا ميار
ميار قامت: عن اذنكم اشوف مين اللي بيرن …طلعت من الاوضه
سميره بتنهيد: اديكي اطمنتي على شهد طمنيني بالك بقى واهدي هي كويسه الحمد لله
_________________________
امينه بسخرية: اهلا بالغاليه بنت الغاليه
ميار بصدمه: حاسه اني اعرف صوتك انتي مين؟
امينه بغل: امينه امينه مرات هاني مرات ابو بنت خالتك اللي انتي ظلمتيها
ميار بصدمه.كبيره: انتي انتي معقول
امينه ضحكت بسخرية: اه انا انا يا غاليه معقول ونص كمان
ميار بغضب: انتي ازاي عرفتي هاا ازاي
امينه بغضب: عرفت زي ما عرفت كدا كده خلاص لعبتك اتكشفت وانتهيتي يا ميار كلنا عارفين حقيقتك وحق نور هرجعه والظلم اللي انتي ظلمتهوني انا ونور وقلتي ان انا وهي في سبب موت شهد ومتفقين مع اخويا انا هرجعه دلوقتي حق دلوقتي وخصوصا حق نور بقى ونا اهو واقفه قدام البيت
ميار طلعت تجري من البيت بصدمه وغضب: اياك انك تقولي حاجه اياك هقتلك
امينه بشماته: خلاص يا ميار خلاص انتهيتي انتي والعيبك وخبثك
_________________________
وليد في الوقت ده رجع من الشغل نزل من العربيه شاف ميار طالعه تجري كده راحت وقفت
وليد باستغراب: مين دي اللي وقفت معاها ميار
ميار بغضب: هنهيكي هنهيكي لو تقولي اي حاجه
امينه كانت مديه ضهرها وضحكت جامد: لا هقول هقول
ميار كانت خايفه جامد مكنتش عارفه حاجه قالت بجمود وغضب:محدش هيعرف حاجه محدش هيعرف حاجه مستحيل امشي من هنا
امينه مشيت من قدامها بغضب ميار وقفت قدامها بسرعه بغضب معمي
ميار بغضب معمي: مش هتلحقي تقولي حاجه مش هتلحقي وهتشوفه قبل ما انتي تقولي اي حاجه عن اللي انتي هكون جايبه ليكي مصيبه يا هانم
امينه بعدم فاهم: ازاي؟ …ضحكت باستغراب: لا قادره ي بت ما تقدرش تجيبه مصيبه عشان انا المصيبه نفسها
ميار ضحكت ضحك كلها سخريه وشر
ميار بحقد: هنشوف …ميار بقت بايديها الاتنين بقى تضرب بطنها جامد وبقت تصرخ جامد
امينه بصدمه مش عارفه هي بتعمل اي: انتي بتعملي ايه يا مجنونه …بصدمه عارمه: اوعي اوعي تكوني حامل وانتي بتعملي كدا في نفسك
وليد في لحظه دي اتصدم جامد منها قرب منها وهو مش مستوعب هي بتعمل ايه
راح ليها بسرعه
ميار بتعب وصرخه: ولييد ااالحقني يااا. ولييد ااامينه سقطتنييي يااا وليد اللي عملته في نوررر عملته فيا دلوقتي
وليد بصدمه. كبيره: سقطتك ازاي هو انتي حامل
امينه بصدمه وغضب: انا ما عملتش حاجه دي كدابه دي هي اللي سقطت نفسها والله العظيم
وليد مكنش مستوعب اللي بيحصل قدامه بقا مصدوم تمامأ فيها و شايفها وهي بتموت في البيبي (انك تموتي روح دي مش حاجه عاديه هتتحاسبي حساب شديد علي ده )...