رواية حب المراهقه 2
الفصل الرابع عشر 14 ج2
بقلم نور ربيع
استغفر الله 💗
في شقه مهران
مهران بقا يلم الحاجات المهمه بتاعته علشان يسلم الشقه ل صاحبها
مهران بحزن شديد جواه: يا ريت يا شهد الفتره اللي انا هغيب فيها ياريت تنسي وتفكري كويس واحشك بجد اوحشك ما تفكري فيا وتحسي بالذنب وانك من غير جوزك ولا حاجه ما تعرفيش قد ايه انا بحبك يا شهد والله العظيم انا بحبك اوي وعايزك انتي وابني عايزين نعيش في حب وهناء وسعاده مع بعض بس انتي للاسف
اتنهد جامد بشده حزن وضيق شديد متملك قلبه
_____________________________
في المساء
في شقه وليد
شهد كانت قاعده تذاكر راحت رنت علي امينه
شهد بابتسامة:عامله ايه يا عمتي امينه وحشاني
امينه بغضب: انا ولا عمتك ولا عاوزه اعرفك انتي مش انفصلتي خلاص انتي واخويا خلاص انا ولا عمتك ولا عايزه اعرفك يا ريت ما ترنيش ثاني
شهد بصدمه و دموع: عمتي في ايه اهدي وبعدين ايه دخل ده فينا
امينه بغضب: بس انا مش عايزة اعرفك ولا عايزاكي تتكلمي معايا انا عندي اخويا اهم منك اخويا اللي انتي تعبتيه وزعلتيه اللي انتي جيتي عليه وبيحبك مستعد يضحي بحياته عشان خاطر لكن انتي للاسف واحده ما تستاهليش
شهد بدموع وحزن: انتي لو كنتي مكاني وشفتي اللي حصل ليا ما كنتيش تقولي كده عموما يا ستي انا اسفه وانا مش هكلمك ثاني سلام
قفلت الفون فضلت تعيط جامد بصوت شهاقات عاليه وحزن متملك قلبها
♡♡♡♡♡♡♡♡♡♡♡♡♡♡♡♡♡♡
في غرفه التانيه
نور بتعب: حياة يلا على النوم بقى علشان تقدري تقومي الصبح للحضانه وعشان ما تغلبنيش كمان زي النهارده
حياة: حاضر ماما تعالي نيميني في حضنك
نور بابتسامة: حاضر يا حبيبتي تعالي …نور بصت ل وليد اللي سرحان باستغراب … حياه راحت دخلت في حضن نور وبدات تنام
نور: وليد سرحان في اي
وليد بص ليها بغضب: بتتكلمي مع احمد بالليل ليه من ورايا وانا نايم
نور بتوتر: وليد انا اسفه والله العظيم كنت بسال على ميار بس وانت اكيد شفت الرسائل ما تزعلش مني يا حبيبي
وليد بهدوء رهيب: على ما اظن ان حياه خلاص نامت تدخلي كده تدخليها في الاوضه بتاعتها وتجي
نور بخوف منه: وليد متزعلش مني ما كانش قصدي حاجه ولا قصدي اني اتكلم معاه والله انا بسال والله على ميار مش اكتر
وليد بزعيق: قومي دخلي حياة
نور بخضه: طيب بس اهدي بتزعق ليه كدا … راحت قالت حياه وراها تدخلها الاوضه بتاعتها بخوف شديد منه
____________________
نور دخلت الاوضه عنده بتوتر وخوف منه
وليد مسك شعرها بعنف وشده غضب
نور بدموع: وليد انت هتضربني تاني وهتظلمني يا وليد وخصوصا وانا حامل
وليد بشده غيرة وغضب: انتي ازاي تتكلمي مع احمد وانا نايم من غير اذن مني كمان بتسالي على ميار وبعت لوكيشن عشان تروحي ليها وبتقوليليه تتنزلي عن القضيه مين سمحلك بكده
نور بدموع وخوف منه: وليد سيبني يا وليد انا كان لازم اروح اطمن عليها ولازم نتنازل عن القضيات دي علشان هي تعبانه
وليد بغضب شديد: ما تسيبيها سيبيها مش هي اللي عملت كده هي تستاهل اكتر من كده دي هي اللي قتلت اللي في بطنها اللي مني وعملت اكتر من كده تستاهل انا لو طول اقتلها هقتلها
نور مسكت ايده بعياط وحزن: طيب اهدي اهدي علشان خاطري سيبني عشان خاطر نعرف نتكلم ونتفاهم مش بالطريقه دي يا وليد انت عايز تضربني ازاي وانا حامل عايز تموت الطفل اللي جوايا اللي انت كنت بتطلبه من ربنا من زمان ازاي هيهون عليك انك انت تضربني وتمد ايدك عليا تاني
وليد زقها بعنف نور رجعت لورا وراحت سندت بايديها على السرير اللي ورا بخوف على البيبي وحزن منه
نور بدموع: اهدي بالله عليك بقا
في الوقت ده شهد خبطت علي باب الغرفه
نور راحت فتحت
نور بقلق: شهد مالك انتي بتعيطي
شهد بدموع وتعب: تعالي يا نور نتكلم شويه معلش بس عاوزه اتكلم معاكي في موضوع شويه
نور بقلق عليها: حاضر يا حبيبتي لحظه بس و جيالك
شهد: ماشي
وليد: شهد مهران هيسافر وقال من هنا ل بعد ما يرجع كمان شهور وهيبقى طلاقكم رسمي فايريت تفكري كويس بقا علشان هو خلاص مش هيرجع علي القاهره علي كدا انتي عارفه مستقبله كل حاجه هناك
شهد بعياط شديد وقهرة: هو قال كدا وهو واحد اصلا حيوان بيتهرب من كل حاجه هو ده اللي بيحبني استسلم بالسهولة دي
نور بدموع وحزن: شهد اهدي يا حبيبتي
شهد جاه ليها وجع شديد في بطنها
شهد بصرخه: اااه
نور بخوف شديد: شهد مالك يا شهد
وليد بقلق: مالك
شهد بصرخه وجع شديد: اااااه البيبي اااه…من كتر الوجع رجلها ما شالتهش راحت وقعت في الارض بشده وجع ..