الفصل السادس والعشرون 26 ج1
بقلم نور ربيع
الايام كانت بتمر على الابطال في الحلوه وفي المره. فات اسبوع كامل
اليوم اللي هيخرج في احمد من المستشفى … في المستشفى عند احمد
اميرة بتعب: يا احمد انا تعبت منك ليه مش عايز تجي البيت بس انت تعبان احمد
احمد بزهق: يا امي افهمي انتي عارفه الرائد قالي امبارح لما كأن هنا انتي سمعتي بنفسك قالي في تدريب مهم و في مهمه لازم اتمرن علشان خاطر المهمه الصعبه اللي جايه دي ان شاء الله. اتنهد وقال جواه: المرة دي لازم يبقى تركيزي جامد المره دي اتصبت المره الجايه لازم يبقى عيني في وسط راسي كويس خسرت مره لازم المره دي انا اللي اكسب علي الأعداء . الجرح ده علمني واداني درس كبير اوي
وليد بضيق: يا احمد مش هينفع تمشي علي الكتيبة انت هتجي معانا البيت لازم راحه علشان الجرح
احمد اتنهد بغضب راح قاعد علي السرير. قائلا: يا جدعان ما تسبوني بقا
محمد بغضب: انت مش شايف انك تعبان يا بني انت اي دماغك الصعبه دي
احمد فاضل ساكت بزهق شديد
في رساله جت لي في الفون مسك الفون بص علي الرساله
لما شاف الرساله فرح جامد بحقد جواه
اميرة بحزن: يلا يا احمد خد قرار كده و تعال معانا البيت لما تبقي كويس تبقي تروح باذن الله يلا يا حبيبي بقا
احمد فكر ل ثواني. قال جواه: هروح البيت يومين وبس اهي فرصة افكر فيها ازاي اعرف اجيبه المره دي
وليد: امم يلا يا احمد بقا علشان مش فاضيين احنا امشي معانا بقا يلا
احمد بهدوء: تمام يلا
اميرة بابتسامة حزينه: بجد يعني تجي معانا
احمد بابتسامة بسيطه: امم يلا
محمد اتنهد وقال: ربنا يهديك يا احمد يارب
_________________________
عند شهد كانت قاعده علي السرير
شمت ريحه سجاير في الشقه بدأت تكح جامد بخنقه قالت بغضب وضيق
شهد وهي بتكح بضيق: اكيد قاعد يشرب سجاير في الصالة
قامت فتحت الباب طلعت في الصالون بعصبيه.: اطفي الزفت ده علشان عندي حساسية قولتلك الف مره عاوزه تطفح اطفح بره الشقه علشان انا بتخنق منها
مهران ببرود: تاخدي سيجارة علشان تقفلي و بطلي كلام
شهد بغضب: انت واحد مجنون سجاير اي اللي اشربها اتقي الله شويه يا بعيد
بقت تكح جامد: شهد بخنقه وضيق في صدرها: ا اطفي بقا ع علشان هموت من الرائحة دي عندي حساسية
مهران طافه السيجارة اللي معاه
بص ليها
شهد خافت منه راحت تدخل الاوضه
مهران رن
شهد وقفت لما سمعت الفون ب امل انها تخرج من هنا
مهران بص علي الرقم كانت امينه
بص ل شهد وقال: ادخلي جوه
شهد ببرود: مش هدخل
مهران بعصبيه: انت هعرفك تعرفي تعندي فيا حلو
شهد بعند فيه: مش هدخل برضو اعمل اللي يريحك مش بخاف منك انت مين علشان اخاف منك …قالت بسخرية: ولا عايز ادخل جوه علشان تعرف تتكلم مع البنات كويس. ما انت متعود علي كدا اصلا
مهران اتعصب جامد منها بقا غضبان بشده شهد كانت خايفه منه جامد لكن كانت تتصنع البرود و القوه
قام بغضب معمي و راح جاب الحزام
شهد بصت برعب وخوف منه
قالت بعياط و استسلام: مش، شاطر غير في كدا وبس انا بكرهك اصلا يا حيوان خليني ارجع ل اهلي بقا انت واحد حيوان عايزني تشوفني بتعذب قدامك علشان خاطر تنتقم مني انا و احمد علشان خاطر كنا بنحب بعض وانا مكنتش بحبك اصلا بكرهك و هفضل اكرهك يا بارد
مهران بشده غضب: والله العظيم ل علمك الادب دلوقتي علشان تبقيي تعندي فيااا وتغلطيي تااااني واناااا مش نااااسي لسههه لما هربتيي منيييي
شهد بعياط وخوف: يارب تموت يارب تموت علشان اخلص منك بقا
مهران مسك شعرها بعنف زقها علي الكرسي و الغضب اللي مالي قلبه بقا يضرب فيها جامد شهد كانت بتصراخ من شده الوجع بتاع الضرب
شهد بصرايخ وجع: حسبي الله ونعم الوكيل فيييك حسبي الله ونعم الوكيل فيك اااهه: كانت بتعيط بشده وجع في جسمها من الضرب.
مهران بغضب معمي وهو بيضربها بحقد: انااا حذرتكككك كتيييير قولتلكككك بلاش لسانكككك يطول يااا حيواااانه برضو بتعندييي فيااااااا و بتردي و عاوزه تهربييي اناااا اااعلمك الادب علشان تبقييي تمشييي بدماااغكككك بعد كدااااا
شهد استسلمت تمامأ ل الضرب لي و اغمضت عيونها وهو بيضرب فيها و قالت جواها وهو قلبها يصرخ: مااااماااااااا
مهران بشر جواه: مستحيل حد يرحمك من ايدي مستحيل موتك هيبقي علي ايدي
_________________________
عند امال كانت نايمه دماغها في عالم الأحلام …سمعاها في كل مكان صوت شهد و انها بتعيط حاسه ان هي بتعيط جامد بتتوجع من حاجه
كانت بطنها حاسه فيها وجع شديد
كانت في عيونها دموع: شهد شهد مالك بتعيطي ليه مالك يا شهد.
حطت ايدها بوجع علي بطنها
متخيله شهد قدامها بتعيط جامد: ماما الحقيني يا ماما انا بموت بتعذب هنا والله العظيم الحقيني بالله عليكي. ماما
امال بعياط وهي نايمه: شهد فيكي اي مالك يا شهد
شافت انها تمد ايدها ليها علشان تمسكها تاخذها عندها
شهد بعياط: ماما امسكي ايدي خذيني عندك يا ماما انا بموت هنا والله يااااااا مااااماااااا
امال قامت بسرعه بخضه شديدة في قلبها وهي حاطه ايدها على بطنها بوجع
امال بتعب وعياط: شهد شهد
مسحت وشها من الدموع نورت النور بتعب شديد و نفضه في قلبها
امال بدموع وجع: اااه يا بنتي يا اللي روحتي مني ياريتك ترجعي ليا ياريت يارب. دموعها كانت بتنزل منها جامد بتعب مش حاسه بنفسها من شده الخضه من الحلم
_________________________
في بيت ليلي
ليلي دخلت البيت بتعب كانت راجعه من الجامعة: قعدت على الكرسي اللي في الصالون
والدتها: حمد لله على سلامتك يا ليلي
ليلي قامت حضنتها بابتسامة: لله يسلمك يا ماما
والدتها طلعتها من حضنها قالت بعدم اهتمام ليها انا هدخل اعمل ليكي الاكل غيري و صلي يلا
ليكي بدموع وعصبيه: مش عاوزه حاجه منك طالما انتي مش بتتكلمي معايا اصلا
والدتها بغضب: ان شاءلله عنك ما طفحتي يا حيوانه غوري ادخلي الاوضه يلا مش عاوزه اشوفك غوري
ليلي بعياط وعند: مش هدخل يا ماما انتي هتفضلي لحد امتي زعلانه مني كده
والدتها ضربتها بغضب على وشها بالقلم علشان العند بتاعها: انا معرفتش اربيكي أبداً يا حيوانه. بعتاب فيها: مش كفايه اللي انتي عملتيه مش ناسيه ابدا اللي حصل منك بحزن شديد: يا خساره تربيتي فيكي يا ليلي ١٩ سنة الله يهديكي
ليلي بعياط وحزن: ماما ماما انا اسفه غصب عني والله بس زعلانه اوى صعبان عليا نفسي من اللي عملتو انا كنت مخدوعه فيه كنت بحبه غصب عني والله عارفه انك زعلانه مني بسبب كدا مش عاوزه تكلمني من سنتين وانتي علي كدا معايا والله
والدتها تجاهلت كلامها وهي قلبها مالي بحزن منها
ليلي بعياط: ماما طيب اتكلمي معايا طيب سامحيني انا مخنوقه اوى والله انا انا كنت بحبه هو للاسف كان بيضحك عليا والله يا ماما مش هزعلك تاني مني خلاص علي كدا. مسكت ايدها بعياط وحزن. بستها وحضنتها: خلاص سامحيني مش هزعلك تاني بس علي كده والله والله العظيم سامحيني قلوبنا مش بتبقي في ادينا والله
والدتها بحزن و دموع محبوسه: اللي انتي عملتيه غلط وانا مش قادره اسامحك. جت طلعها من حضنها
ليلي حضنتها جامد بعياط: لا مش هطلع من حضنك غير لما تسامحني يا ماما سامحيني والله مش هعمل حاجه تزعلك مني والله صدقيني
والدتها بحزن شديد منها. اتنهدت وقالت: اديكي فرصة يا ليلي والله لو عرفت انك عملتي حاجه زي دي تاني بعد كدا المره دي هتبرا منك الأبد وانتي بقا شوفي عقاب ربنا هيعمل فيكي اي انا هغضب عليكي ألابد وربنا هيغضب عليكي مش هيديكي فرص علشان قلبي مش هيبقي راضي عنك أبداً
ليلي بسرعة وبدموع: لا والله يا ماما خلاص علي كدا مش هعمل كدا تاني أبداً. بقهرة وعياط: حتى الحب مش هحب خلاص علي كدا مستحيل اقدر احب حد تاني علشان خاطر اللي عملو ده اصلا فيا حسبي الله ونعم الوكيل
والدتها طبطبت عليها بحزن في نفس الوقت حنان عليها: بلاش تقسي علي نفسك يا ليلي كدا انسي اللي فات المهم انك تكوني اتعلمتي من الغلط ده محدش يستاهل قلبك غير جوزك وبس
ليلي مسكت فيها جامد وهي حضنها بتعيط. اتنهدت وقالت بشده حزن: يارب
_________________________
في المساء. في السعودية تحديدا في منزل كريم
نور كانت قاعده هي و سارة في الصالون و هي حياة
سارة كانت قاعده تذاكر نور كانت ترسم ل حياة. نور كانت كل لما ترسم ليها حاجه تقولها اسمها
نور: حياتي اسمها اي دي بقا يلا قولي زي ما قولتلك دلوقتي
حياة بطفوليه: تفاح
نور بابتسامة: شطوره يا حياتي. و دي
حياة: مزه
نور ضحكت جامد هي و سارة
سارة بضحكه: مزه برضو يا حياة
حياة ضحكت بطفوليه: اه
نور بضحكه: موزه مش مزه يا حياتي
حياة: موز
نور بابتسامة: شطوره و دي
سارة بضحك: المره دي هتقولك مز بقا
نور ضحكت: بس يا سرسورة اسكتي حياتي شطوره هتقول صح صح يا حياتي يلا قولي دي اي بقا
حياة بابتسامة: فراولة احمر
نور بحب ضحكت: فراولة احمر يا حياتي ماشي
حياة قامت حضنت نور بنعس وهي. بتفرق في عيونها: مامي عاوزه انام
نور بحنان: حاضر يا حياتي انيمك
اخذتها في حضنها بحنان و بابتسامة تنايم فيها
سارة بهمس: جميله هقوم اشيل الحاجات و اعمل الاكل ل كريم علي ما تنام
نور بابتسامة: ماشي يروحي
سارة دخلت الاوضه
نور حاضنه حياة وبتنيمها
_________________________
في منزل السيوفي
الكل منهم كان موجود علي السفرة
سميره باستغراب: مالك يا امال
امال بحزن وتعب: لا مفيش يا سميره بس تعبانه شويه
سميره بقلق: تعبانه مالك طيب
اميرة: مالك يا امال
امال بتعب: تعب شويه صغيرين بس في بطني
عبدالله بقلق: ما رنتيش ليه من الصبح عليا كنت جيت و ديتك ل الدكتوره
اميرة بقلق عليها: طيب يلا نروح دلوقتي يا امال ل دكتورة طالما تعبانه كده
امال اتنهدت وقالت: لا مش لازم بقا انا هبقي كويسه ان شاءلله
سميره: كويسه اي بس بكره باذن الله ناخدك ل دكتورة يا امال دا انتي التعب ظاهر عليكي
عبدالله بهدوء: قومي نمشي دلوقتي
امال بسرعه: بكره ان شاءلله خليها بكرا
عبدالله: براحتك بس لو حسيتي انك تعبانه قوليلي وانا اخدك قبل اليل ما يليل
امال: حاضر
__________________________
في منزل كريم
كانو قاعدين علي سفرة الاكل هما ايضأ
كريم بابتسامة: عامله ايه يا جميلتي انهارده
نور بابتسامة وهي نظرات عيونها بعيد عنه: الحمدلله بخير
كريم بابتسامة: الله يجعل كل ايامك في خير وسعادة يا جميل
نور بابتسامة هادئة: آمين
سارة بابتسامة و مرح: اي رايكم نعمل فرح يا كريم ليكم
نور بصدمه: اي فرح ليه؟
كريم باستغراب: ليه ان شاءلله الفرح يا سارة
سارة بضحكه: اصل انتوا كان الكتب الكتاب بتاعكم كان من سنتين وانا نفسي يبقي عندنا فرح نلبس فستان والله احنا بقا نعمل فرح
كريم: امم. بص ل نور بخبث: اي رايك يا جميلة
نور بسرعه بتوتر: لا. بغيظ من سارة: نلبس فستان في فرحك ان شاءلله
سارة بضحك و بابتسامة: احنا عاوزين حياة يبقي عندها اخ ولا اخت. نفسنا نفرح وافقي نعمل فرح و ننزل القاهره ان شاء الله
نور اتنهدت بابتسامة: لا يا سارة باذن الله يوم فرحك نفرح و نلبس فساتين هتبقي احلي فرحه لينا باذن الله
كريم بابتسامة: صح يا سارة كده كدا وليد و ميار كمان شهرين يكتب الكتاب باذن الله ننزل القاهره علشانهم
سارة بغيظ منهم: كل وانت سكت انت وهي. بقت تاكل بغيظ منهم
كريم ضحك: مالك بس يا سرسورة مش عجبك الكلام ليه
سارة بغيظ: عاوزه اكل علشان انام بس كلام انت وهي بقا
نور بضحكه: انا مش اتكلمت من ساعه اخر كلمه والله
كريم بضحك: حصل
سارة بغيظ: طيب كل انت بقا و اسكت
كريم بضحك: ماشي.بغيظ منها: فرح يا هبله فرح اي اللي انتي بتقوليه عليه ده بعد سنتين كتب الكتاب عاوزه نعمل فرح عاوزه ناس تقول علينا اي اتجننو ولا ايه يا هبله
سارة بهدوء: كريم عاوزه انت و جميله تبقي لبعض علي طول نعمل الفرح
كريم اتنهد وقال: لا سبيها علي الله
سارة بغيظ: ونعم بالله متتكلمش معايا تاني
كريم ببرود: تمام. بس علي فكرة قولتلك شهرين وليد هيكتب الكتاب علي ميار ننزل ساعتها ان شاء الله
نور بفضول: مين دول؟
كريم: وليد يبقي ابن عمتي اللي هو كأن حاضر وقت كتب الكتاب بتاعنا ميار تبقي خطيبته
نور: اه طيب
سارة: قامت. الحمدلله
كريم بهدوء: سارة انتي زعلتي ولا ايه اقعدي
سارة بابتسامة: لا والله يا حبيبي مش زعلت ولا حاجه انا بقول كل الكلام فيه هزار اصلا مش قصدي حاجه. بصت ل نور بضحكه: بس كل كلامي معاكي انتي صح ياريت تبقي عارفه بقا. بصي بصي كريم قمر ازاي اي واحده تقع في حبه علي طول
نور بخجل: بس يا بت انتي بقا بت قليله الادب اوي
كريم ضحك علي نور. باستغراب: كلام اي بقا ده
سارة: احم احم سر يسطا ما بينا
كريم بغيظ: اسطا اخص على التربية
سارة بغرور: تربيه كيمو تصبح على خير انت وهي
راحت ماشيه من قدامه وهي بتضحك جامد
نور كانت بتضحك جامد
كريم بص ليها بغيظ: عجبك الأسلوب ده انتي صح
نور بضحكه: دا انتوا عسلات والله اوى اوى بحبكم كمان
كريم ابتسم وقال بضحكه: يعني بتحبيني؟
نور انتبهت ل كلمه وقالت بسرعه وهي بتضحك: زي اخويا
كريم بصدمة: زي اخوكي: راح ضحك جامد هو ايضأ
نور قامت وهي بتضحك: الحمدلله انا اكلت كل بالف هنا وشفا يا كيمو. راحت تغسل ايدها
كريم كان في حاله ذهول منها: ولا حول ولا قوة الا بالله هي سارة عملت اي في عقل جميلة يعني بقت زيها بالظبط
_________________________
في غرفه نور كانت غسلت ايدها
قعدت قدام المراية.
بصت علي ملامحها في المرايه حطت ايدها على ملامح وشها. اتنهدت وقالت: جروح راحت و جروح لا سنتين وانا اعلاج في بشرتي لسه برضو جرح بسيط. باستغراب: بس ازاي الجرح ده موجود و كل اللي في وشي راح اشمعنا بقا ده. اتنهدت بحزن: انتي هتدققي يا جميلة احمدي ربنا انه راح مفيش غير ده. جت تقوم لقت كريم داخل الاوضه واقف وراها بابتسامة
نور كانت بصه لي في المراية
كريم طلع من جيب الترنج بتاعه علبه فيها سلسله ذهب عليها حرف G حرف جميلة يعني
نور استغربت جامد
. راح طلعها لبسها ل نور وهي لسه قاعده مكانها متوتره جامد
لبسها ليها قال بابتسامة وهو باصص ليها في المراية: اي رايك يا جميلتي
نور بابتسامة خجل: جميلة جداً بس ليه دي
كريم بابتسامة: جميلتي تستاهل اكتر من كدا
نور حطت ايدها بابتسامة علي السلسلة و الابتسامه مرسومه علي ملامحها. راحت قامت
كريم بابتسامة: عجبتك يا جميلتي
نور بابتسامة هادئة: اه جميلة جداً شكرا بس. باستغراب: احم ليه دي جبتها بنسبه اي
كريم بفخر منها: علشان خاتمتي القرأن ل تانى مره في الشهر ده في التحدي قولت اجبلك الهدية الجميله ليكى دي يا جميلة.
نور بابتسامة جميلة: مش عارفه اقولك اي والله بس هي غاليه جداً مكنتش تجيب حاجه زي دي غاليه كدا
كريم بابتسامة هادئة: مفيش حاجه تغلي عليكي يا جميلة متقوليش كدا انتي تستاهلي اكتر من كدا لو اطول اجبلك نجمه من السماء اجيب ليكي طبعاً
نور بابتسامة: ربنا يديمك ليا يارب
كريم ضحك بحب: امين علشان اعيش و جبلك كده
نور ضحكت:يديمك ليا و ل سارة و حياتي يارب
كريم بابتسامة: امين يا ست البنات
نور ابتسمت لي
نور بابتسامة خجل: كريم
كريم ضحك بابتسامة: عيون كريم
نور خجلت اكتر و ضحكت: عاوزين نروح الملاهي
كريم ضحك:عندي طفله هنا طفله غير حياة يا ناس.بابتسامة: بس كدا عيوني بكره باذن الله
نور بعبث زي الاطفال: انا طفله يا كريم
كريم بضحكه: لا يا جميلتي دا حياة هي اللي طفله بلاش تاخدي الكلام عليكى كده يا قمري
نور بضحكه: انا قولت كدا برضو
يتبع