الفصل الحادي عشر 11
بقلم نور ربيع
نور من شده الوجع وقعت في الأرض وهي بتبكي الأرض بقت فيها دم من رجلها . وليد بص ليها بسرعة لما وقعت في الأرض اتخض عليها
سامي قام جري بسرعة من قدامه.
وليد بص ورا جري ورا سامي راح مسكه وبقى يضرب فيه جامد سامي زقو بعنف وراح جري
وليد بغضب وبصوت عالي علشان يسمع: تعاااااال يا جبااااااان بتعمل رااااجل على بنات ااالناس
نور بتعياط جامد صوت الشهقات بتاعتها تطلع: ه هو ه هو كأ كأن هي يخطفن يخطفني و و والله
وليد بغضب: طييب قوميي اخلصيي هتفضليي قاعدههه كدااا كتيرر تعيطيييي
نور اتخضت من صوته عيطت اكتر
وليد بعصبيه: قوميييييي بقولك
بطليي عياااااط
نور قاامت وهي بتبكي مش قادره تمشي من رجلها
وليد ماشي ل عند العربية هي مشيت ورا. قالت بدموع: انا عندي درس هروح امشي
وليد واقف بغضب: والله عاوزه تمشي طب غوري روحي قال بغضب معمي: مييين دههه
نور بسرعة بدموع: والله العظيم مش اعرف مين ده دا انا كنت ماشيه هو اللي
وليد قطع الكلام: تمام اركبي علشان تروحي البيت
نور بدموع: ع عندي درس
وليد بعصبيه: ااانتي مش شايفة رجلك عامله ازاي علي ما تقولي اروح الدرس يكون دمك اتصفه
نور ركبت العربيه و في عيونها دموع و خايفه من سامي
وليد ساق العربيه و مشي علي البيت
اميرة كانت طالعه بره شافت نور في العربيه استغربت.
وليد: انزلي
نور فتحت باب العربيه نادت علي اميرة بدموع: خالتو تعالي
اميرة راحت ليه بسرعة بخوف: مالك يا نور في ايه
وليد بهدوء: اسنديها يا مرات عمي
اميرة بخوف اكبر: نور مالها مالك فيكي ايه مسكت ايد نور نزلتها من العربيه دخلتها جواه.
وليد مشي علي الشغل
♕♕♕♕♕♕♕♕♕♕♕♕♕
جواه في الصالون...
أمال بقلق: مالك يا نور اي الدم ده
اميرة قعدت نور بخوف عليها قعدت تشوف رجلها
اميرة بخوف شديد: مالها رجلك يا نور
نور بدموع: خالتو كان في واحد هيخطفني يا خالتو
سميرة بصدمه: اي يخطفك يخطفك ليه ومين ده.؟؟؟
اميرة بصدمه مسكت و شها ما بينا ايدها بخوف شديد عليها: نور نور انتي كويسه هو عمل ليكي حاجه الحقير ده
أمال بخوف: انتي كويسة يا نور
نور بانهيار في العياط: هو هو ضربني علي وشي وقعد يقولي كلام مش كويس انا اترعبت منه والله العظيم يا خالتو
اميرة حضنتها بخوف شديد جواها عليها
نور بعياط: لولا وليد جه في الوقت ده مش عارفه كان كان ممكن يعمل فيا اي
أمال اتنهدت: الحمدلله يارب انك كويسه الحمدلله
سميرة بغضب: مش عارفه الشباب بقا مالها اتجننت كده ليه وانتي ليه ما دفعتيش عن نفسك
نور بعياط: والله ضربني وقعني علي الارض رجلي اتفتحت جامد
اميرة بحزن: انا بعد كدا مش هخليكي تمشي غير و حد فينا معاكي يا حبيبتي متخافيش.
أمال راحت تجيب حاجه علشان رجلها تدويها
جابت الحاجات ل اميرة بدات تداوي رجلها من الجرح.
نور كانت بتبكي من الوجع و الخوف.
اميرة مسحت دموعها: اهدي يروحي مفيش حاجه مفيش حاجه والله اهو انتي جنبي و معايا.
نور مسحت دموعها بأيدها زي الأطفال وهي تشهق جامد
اميرة: خلاص يروحي اهدي بقا
يلا قومي كده معايا غيري هدومك و نامى بكره ان شاءلله روحي الدرس لسه بدري علي الظهر اوى.
نور سندت عليها و قامت.
دخلت الاوضه بتاعتها طلعت ليها هدوم
نور بخجل: يا خالتو اطلعي علشان اغير طيب
اميرة بإبتسامة: انا امك التانيه انا اساعدك علشان تغيري يلا
نور بخجل: لا لا اطلعي كده عيب والله انا بتكسف
اميرة ضحكت عليها. شألت الطرحة
نور بزعل: خلاص بقي يا خالتو روحي. والله اعرف اغير والله
اميرة بهدوء: تمام يا حبيبتي غيري و نامى شويه بقا عاوزه حاجه
نور بإبتسامة: سلامتك ي عمري
اميرة طلعت بإبتسامة عليها
نور بدأت تغير الهدوم لبست بجامه حطت راسها علي مخده غصب عنها بقت تفتكر اللي حصل دموعها تنزل منها غصب عنها
قالت بدموع: اصلا ربنا مش يسامحك ابدأ علشان انت بتعمل في بنات النااس كدا واحد حيوان اصلا و زبالة كمان
فضلت تسبح لحد ما نامت بالعافية.
-------------------------------------------
عند وليد في الشركه بتاعته. كأن بيحاول يرن علي كريم. لحد ما فتح.
وليد بغضب: الووو ااي بنيي مش بترد علياا لييه
كريم صوته واضح عليه التعب:انا كويس ي صاحبي معلش كنت مشغول شويه بس
وليد بقلق: في حاجه ولا ايه ي كريم؟ حاسس انك تعبان او في حاجه
كريم بهدوء: لا مفيش صدقني المهم انت اخبارك ايه و اخبار عمتي و ابوك و كل العيلة عاملين ايه
وليد: احنا بخير الحمدلله والله يا غالي وانت عامل ايه كده طمني البيبي جه ولا لسه
كريم قال بنبرة كلها حزن: ايوه الحمدلله هي بنوته اسمها حياة
وليد بفرحه: مبارك يا صاحبي تتربه في عزك يارب وتبقي بنوته صالحه باذن الله انت و مراتك. قال باستغراب: بس انت زعلان ليه كده و اسمها حياة علي اسم مراتك يعني.؟؟؟
كريم مكنش عايز يقول حاجه او يزعل حد عليه قال، بإبتسامة كذابة:لا ولا زعلان ولا حاجه بالعكس مبسوط بيها جامد والله و علي الاسم انا حابب الاسم اوى.
سمع صوت حياة بتبكي.
وليد بإبتسامة: طيب ي سيدي اسيبك مع بنتك بقا اللي بتعيط دي روح ليها.
كريم؛ تمام ي صاحبي سلام عليكم ورحمة الله وبركاته
وليد،: عليكم السلام ورحمة الله وبركاته
$______________________$
بعد يوم كامل. كان ليل جه.
اميرة دخلت عند نور في الاوضه
اميرة': نور قومي علشان تاكلي معانا
نور بضيق،: لا مش عاوزه اكل مش حابه اني اطلع بره والله
اميرة: ليه يا حبيبتي بس
نور: عادي مش عاوزه اطلع بره
اميرة قعدت جنبها علي السرير بهدوء: قوليلي بس مالك
نور بدموع: علشان انا الصبح وليد زعق ليا هو علي طول يزعقلي والله هو عصبي اوى
اميرة باستغراب: هو يزعق ليه بس هو مش هيزعق قالت بإبتسامة: ده اول حاجه بفضل ربنا تاني حاجه لولا انه جه في لحظة دي الله و اعلم كأن حصل ليكي اي احمدي ربنا
نور افتكرت لما كأن سامي هيشد الحجاب عنها وهو زقه بسرعه بعيد عنها ابتسمت غصب عنها بخنقه قالت: الحمدلله والله ربنا بعته ليا في الوقت ده مش عارفه كان ممكن يحصل اي
اميرة: الحمدلله يارب يا حبيبتي المهم قومي يلا بقا تعالي.
نور: حاضر.
-------------------------------------------
في غرفه احمد. كان بيتكلم في الفون
احمد بهدوء: امم زعلانه من اي بقا
شهد: عادي مش زعلانه
احمد: بسخرية والله يعني مش زعلانه اومال مالك قالبه وشك علينا ليه هاا
شهد بهدوء: احمد مش قالبه ولا حاجه عادي والله بقولك مش زعلانه ولا حاجه
احمد بإبتسامة: مش عايز لما اشوف ملامح حبيبتي اشوف عليها الحزن تاني مره ماشي
شهد بإبتسامة: لا مفيش حزن ولا حاجه ان شاءلله
احمد: انتي وحشاني يا شوشو.
اميرة فتحت الاوضه بالصدفة سمعت كلمه احمد دي اتصدمت حرفيأ خالص منه.
احمد بسرعه: سلام. وقفل.
اميرة دخلت قفلت الباب بصدمه منه
اميرة بصدمه: احمد انت بتتكلم مع شهد انت من امتي وانت بتتكلم معاها انتوا تتكلمو مع بعض طلع ما بينكم في كلام و حب قالت بغضب: و الله و اعلم اي تاني ما بينكم يمكن اكشف ان في حاجه أكبر من كده كمان
احمد ببرود: عادي اتكلم معاها فيها اي يعني مفيش حد في الدنيا دي مش بيتكلم
اميرة بغضب: ياا برودك ياشيخ هو اي اللي الكل بيتكلم علي اساس بتحبها يعني هو ده الحب اللي بيحب مش بيعمل حاجه في الحرام بيحافظ عليها
احمد بزهق: امي بالله عليكي انتي عاوزه اي دلوقتي. هو انتي شايفه يعني قومت راح ساكت. اتنهد قال: مفتكرش ان كده غلط اني اتكلم مع اللي بحبها اي الغلط في كده
اميرة بحزن منه: غلط غلط كبير اوى حرام يا احمد اللي مش تقبله علي اختك بلاش تقبله علي بنات النااس انهو كل اللي ما بينكم علشان حرام
احمد بعصبيه: بس انا بحبها و دي بنت عمي مفيش حاجه من اللي في دماغك اصلا كلام ما بينا و بس مش اكتر
اميرة بحزن: كلام و بس هو فعلاً بيبقي كلام وبس بس في شيطان ما بينكم يخليكم تعملو الاسوء من كده بس حط في بالك اللي انت بتعمله ده اكبر حرام وربنا مستحيل ي سامحك علي الذنب ده الا لو تبت و اللي بيحصل ده منك هيطلع في اختك بلاش توجع قلبي عليكم ابوك و اعمامك هيبقي في ما بينهم مشاكل كبيره بسببك
احمد ____
اميرة بغضب: احمد انا بتكلم معاك انت مش بترد ليه لو رجعت اتكلمت معاها تاني المره الجايه ابوك هو اللي هيعرف يتصرف معاك وانا شهد دي هخليها تتعلم الادب علشان خاطر تبقي تتكلم معاك في السر تاني. راحت طلعت بره بغضب جواها منه
احمد بزهق: مش فاهم انا اي كل ده
♡_____________________♡
في اوضه ميار. نور دخلت بإبتسامة: مساء الخير
ميار بصت ليها: مساء النور. استغربت منها: مالها رجلك يا نور
نور بحزن: احكيلك اللي حصل معايا انهارده يا ميار والله انا اترعبت
ميار بقلق: خير احكي
نور قعدت علي السرير بدات تقولها في عيونها دموع.
نور بدموع : بس لولا وليد الحمدلله مكنتش عارفه ممكن اي حصل الحمدلله يارب
ميار بذهول: يالهوي دا مجنون ولا ايه ده وانتي ليه مش دفعتي عن نفسك يا نور
نور بدموع: عايزني ادافع عن نفسي ازاي قدام شاب يا ميار هو انا كنت هقدر عليه اصلا
ميار بهدوء: معلش يا حبيبتي الحمدلله انها جت علي قد كدا المهم انك بخير كمان والله. قالت بإبتسامة: الحمدلله ان وليد جه في الوقت ده. كملت بغيظ: وحياتك يا غاليه لولا انه هرب الجبان كان وليد قتله بدم بارد متخافيش بعد كدا
نور بابتسامه: الحمد لله والله هو بجد. ضحكت غصب عنها جامد: بجد هو طلع راجل انا قلت ده هيسيبني وهيمشي يسيب اللي هو الشاب ده يمسكني يموتني ولا يعمل فيا اي حاجه اصل من ساعه لما ضربني بالقلم وانا مرعوبه من وليد بس الحمد لله بشكر ربنا ان ربناا بعتهولي ليا في الوقت.ده
ميار بإبتسامة: وليد عمرة ما يشوف حد محتاج حاجه ويسيبه وليد ده بجد انسان مفيش منه في الحياه هو ابن صالح جدا لامه وابوه عمره ما يشوف بنت محتاجه حاجه ويسيبها طول عمره كده راجل راجل بجد فخوره فيه اوى اوى
نور بقى جواها معجبه جدا مبتسمه مع نفسها
ميار اخدت بالها انها مبتسمه
قالت بغيره: نور حاسه ان مبسوطه من حاجه في اي؟
نور بتوتر: ها لا مفيش قالت بإبتسامة: لحظه واحده هجيلك تاني. قاامت من علي السرير.
ميار باستغراب: اي تروحي فين؟
دخلت الاوضه بتاعتها جابت حاجه حطت ورا ضهرة قالت بإبتسامة ليها: غمضي عينك
ميار ابتسمت: ليه؟
نور ضحكت: كده وخلاص يلا بقا
ميار اغمضت عينها بإبتسامة
نور طلعت من ورا ضهرها حاجه قالت بإبتسامة: اي رايك
ميار فتحت عيونها
ميار بإبتسامة و استغراب: اي ده يا نور.؟؟
نور: امسكي افتحيها شوفي هتعجبك اوي اوي انا عارفه
ميار مسكت شنطه بتاعت هديه بدأت تفتح فيها. كأن جواها مصحف صغير المصحف كأن عليه من برا أشكال جميله جدا و كان معاه وردة
ميار ضحكت جامد بفرحه منها راحت حضنتها قالت بحب: حبيبت قلبي احلي هديه دي جت في حياتي والله
نور حضنتها اقوي: حبيبت قلبي ميار مش تستاهل غير الحاجه الجميله اللي زيها اهم حاجه تفضلي فاكراني دايما في الحاجه الجميله نفضل طول العمر اخوات وحبايب كده
ميار بحب: اكيد يروحي احنا علي اخوات و صحاب مع بعض طول العمر ان شاء الله
نور طلعت من حضنها وقالت بضحك: طب يلا بقى علشان انا جعت قوي احسن خالتو تيجي تزعق لينا
ميار ضحكت: طب يلا يا روحي والله انا كمان اكتر منك
راحو طلعو بره
_______________________
طلعوا بره قعدوا على السفره نور بصت على ملامح اميره شافت انها زعلانه
نور: خالتو انتي زعلانه ولا ايه مالك حاسه انك زعلانه؟؟
اميرة اتنهدت قالت بحزن: مفيش يا نور يا حبيبتي المهم كلي انتي
نور حاسه انها زعلانه
احمد بص على امه وشاف قد ايه هي ملامح وشها حزينه اميره بصت ليه وكان كل عيونها بتحكي ليه بعتاب انت ليه بتعمل كده
احمد اتنهد من جامد من جواه قال نظرة ليها: انا بحبها مستحيل اؤذيها يوم من الايام
اميرة كانت جواها غضبانه جامد من شهد عاوزه بأي طريقه تبقي قدامها دلوقتي علشان تعاتب فيها جامد تقول لها ليه عملت كده
قاامت من علي السفرة دخلت الاوضه مسكت الفون ترن عليها.
-------------------------------------
الكل باستغراب من ان اميرة قامت من علي الاكل
سميره باستغراب:مالها اميرة انهارده حاسه انها زعلانه
ميار باستغراب: وانا كمان حاسه انها متغيره اوى انهارده مع الكل
احمد قام من علي الاكل. داخل الاوضه بتاعته بعدها طلع بره
نور باستغراب:في اي؟ معقول خالتو عرفت عن الموضوع اكيد عرفت يارب تكون عرفت علشان تخلي شهد ترجع عن اللي هي بتعمله ده بقا يارب
وليد: احم امي كريم كلمني انهارده ومراته ولدت جابت بنت بيسلم عليكي و علي ابويا و الكل هنا
سميره بفرحه: اللهم بارك اخيرا ولدت قالت بحزن: يعيني دي كانت طول فترة الحمل كانت تعبانه مفيش امل انها تقوم منها الحمدلله يارب
ابو ليد: ربنا يبارك له فيها يارب تبقي بنت صالحة لي
_________________________
شهد كانت نايمه قاامت علي صوت الفون بالعافيه قاامت فاقت وردت علي اميره
شهد: الو مرات عمي عامله ايه
اميرة بهدوء: تمام الحمدلله
شهد حست ان في حاجه: مرات عمي في حاجه ولا ايه؟
اميرة قالت بهدوء عكس اللي جواها:في كتير من وراكي انتي و احمد
شهد اتوترت وخافت لما قالت كده قالت بتوتر:مرات عمي مش فاهمه تقصدي اي؟
اميرة بغضب: انتي فاهمه كويس بلاش حوارات احسن اقسم بالله يا شهد هخلي ابوكي يدفنك وانتي عايشه طلعي احمد كده من دماغك خالص
شهد بدموع: والله العظيم انا بحب احمد والله
اميرة: اللي بيحب مش يعمل اللي انتي تعمليه انتي وهو ده بقا بتتكلمي انتوا وهو في السر مكنتش اتوقع من كده أبداً اخص عليكي يا شهد طيب علي الأقل حطي امك في نظرك لما تعرف ان بنتها بتتكلم مع واحد اي اللي يحصل ليها ولا ابوكي لما يكتشف هيعمل فيكي اي كل ده مش حطهم في نظرك أبداً وربنا قبل كل ده
شهدبعياط: انا اسفه يا مرات عمي اسفه والله العظيم انا غصب عني حبيته و اتكلمت معاه انا فعلاً مكنتش حاطه في دماغي اي حد لما بتكلم معاه حاطه في دماغي حاجه واحده بس و ان هو هيتجوزني لما الكل يعرف كده سامحوني بس بس انا عاوزه احمد ليا ليا انا وبس والله وانا حاسه اننا مش هنبقي لبعض اصلا بعد كل ده والله
اميرة بحزن: خافي من ربنا ي شهد و فكري قبل ما تعملي الغلط انتي عارفه عقاب ربنا هيبقي كبير اوى ده ذنب ذنب كبير فكري كويس يا شهد طلعي حاجه اسمها احمد من عقلك قبل فوات الأوان علشان متندميش بعدين
شهد بدموع: بس انا مش قادره انا بحبه والله
اميرة بغضب؛ لا اقدري اقدري علشان لو هتفضلي مكمله في الطريق ده هتندمي والله ولا ربنا ولا اهلك ولا حد فينا يسامحك أبداً.دا ربنا يسامح لكن البشر مش تسامح صدقيني اتنهدت وكملت:.و لو علي احمد وانك بتحبيه لو ليكي نصيب هيبقي ليكي ي حبيبتي والله
شهد بدات تقتنع بالكلام قالت بحزن شديد: طب طب خلاص مش عاوزه اتكلم معاه خلاص بس هو احمد هيزعل مني
اميرة بغضب: احمد مين ده اللي انتي تزعلي عليه ولا احمد ولا غيرة هو مش ابني اه بس عادي لو بيحبك بجد مكنش اتكلم معاكي بالسر كده كان حافظ عليكي من نفسه من الذنب ده
خدي قرار خدي قرار يا شهد فكري كويس بلاش تمشي ورا شيطانك
شهد ___
اميرة بهدوء: قومي كده اتوضي و صلي ركتين و ادعي انه يطلع من قلبك انه يخرج خالص من من قلبك و عقلك ومن حياتك نهائي. هو فترة هيسافر ان شاءلله في الفترة دي تقدري تنسئ كل حاجه
شهد بسرعه: بس ممكن بعد ما يرجع يتقدم ليا ان شاءلله ويتجوزني صح ان شاءلله
اميرة اتنهدت قالت: الله واحده عالم احنا هنا اعيش لحد بكرا او لأ ي بنتي بلاش تستعجلي علي حاجه ي غاليه
شهد بحزن: مرات عمي هتقولي حاجه ل ماما و بابا؟
اميرة بتأكيد: والله والله ده مش كلام مني لو طلعت احمد من دماغي بطلتي كلام معاه مش هقول حاجه و هنقفل علي الموضوع ده خلاص علي كدا. امم هتكلمي احمد تاني.؟؟؟
شهد بحزن: خلاص مش هتكلم تاني خلاص
اميرة: هعمل نفسي مصدقه شهد
شهد بهدوء: والله ما عاوزه اتكلم تاني بجد قالت بحزن: مرات عمي نور هي اللي قالتك علي الموضوع ده صح؟
اميرة باستغراب: لا مش قالتلي حاجه ليه هي تعرف؟؟
شهد: اه تعرف يعني مش هي اللي قالت
اميرة بقت غضبانه ان نور تعرف مش قالت ليها حاجه: تمام يا شهد ياريت تفكري في كلامي كويس يلا عاوزه حاجه
شهد: حاضر يا مرات عمي سلامتك سلام
وقفلو.
شهد اول لما قفلت معاها فتحت في العياط جامد مش قادره تبطل عياط جواها زعلانه جامد من نفسها
التلفون رن بتاعها بصت كان رقم مش متسجل شهد مهتمتش ل الرقم كانت بتعيط جامد. حطت دماغها علي المخده وهي بتبكي اقوي الفون كأن بيرن كتير.
هي مكنتش قادره ترد
لحد ما نامت علي نفسها.
________________________
نور دخلت عند اميره الاوضه قالت ابتسامه: خالتو بتعملي ايه
اميرة بصت ليها بغضب: ليه ما قلتيش على موضوع احمد وشهد ليا ي نور
نور بحزن: اسفه كنت هقولك والله الحمدلله انك عرفتي دلوقتي علشان تشوفي حل ليهم
اميرة: بعد اي هتقوليلي ها
نور حضنتها بدموع: والله كنت هقولك عاوزه ليهم حل و الخير وبس والله مش اشوفها كده فى ده كلو وهي بتعمل الذنب ده
اميرة بهدوء: بعد كدا تشوفي اي حاجه بتحصل هنا تجي تقوليلي ولا تخافي من اي حد
نور طلعت من حضنها قالت:حاضر
بس مش تزعلي مني بقا والله كنت عاوزه اقولك و كنت خايفه عليها كمان لما اقول الكل يعرف يحصل حاجه بسببي يبقي انا السبب في كده
اميرة: مش زعلانه مكنش حاجه هتحصل لما تجي تقوليلي انا
نور بهدوء: خلاص. والله المهم هي قالتك اي؟
اميرة: هي قالت مش هتكلم معاه تاني لما نشوف اخرتها
نور: ان شاءلله مش هيتكلمو تاني مع بعض خير باذن الله
اميرة: ان شاءلله المهم روحي نامى بقا يلا علشان انا كمان هنام علشان نعسانه
نور: حاضر. باستها من خدها راحت الاوضه بتاعتها.
اميرة اتنهدت و راحت راقضه علي السرير قالت بحزن: يارب ما تجيب غير كل خير ليهم يارب دول كلهم ولادي زي بعض مفيش حد احسن من التاني يارب ان كان احمد ولا ميار و نور و شهد وليد عيالي يارب احفظهم ليا يارب
اغمضت عيونها راحت في النوم
$____________________$
في عالم تاني الأحلام.
صوت الضحك كان مالي المكان بصوتهم كأنت قاعده فرحانه جدا بيهم هما مع بعض. كانت تبص ليهم ب عيونها كلها فيها فرحه بيهم هما الثلاثه. كانت فرحانه جامد بس مش عارفه اي سر الضحكه و السعادة دي اللي جواه قلوبهم. المكان فيه صوت ضحكاتهم وبس
مره صوت العياط بدأ يطلع من جنبها بصت و اتصدمت من الدم اللي مالي المكان قالت بصرايخ: ا ا د دم دم منين الدم ده بصت شمال يمين المكان اللي كأن مالي بصوت الضحكه الحلوه و السعادة والمكان عبارة عن ضلمة و كله مالي بالدم وبس قالت ب قلب كله رعب جسم يرتعش: ا اح احمد ا احمد انت فين ميار ميار مياارررر نورررر ياااا نورررر اااااحمد
صوت العياط كان عالي جدا جنبها بصت شمال يمين مش شايفه غير ضلمه وبس. بصت بصدمه قدامها: بانهيار: خالتو خالتو الحقيني انا هموت هنا يا خالتووو
اميرة بعياط: نور نور. كل لما تقرب منها تبقي بعيد عنها خالص.
" بصرايخ ماما ماما الحقيني يا ماما
اميرة بصت: ميارررر مياارر انتي فين
نور بصرايخ: خالتو تعالي ليا يا خالتووو انا
اميرة بقت تبص ليهم مش عارفه تروح لمين فيهم واحده علي شمال واحده علي اليمين
سمعت صوت احمد: امييي
كانت بتبحث عليه ب عيونها في كل مكان مش قدامها.
الكل بقا يصرخ جامد العياط و الصوت العالي في المكان. كله
اميرة من شده الصوت بقت حطت ايدها على اذنها من كتر الصوت الصوت من كل مكان مش سامعه غير صوت وبس لكن مش شايفه حد فيهم قدامها
صوت نور رجع تاني العياط: خاااالتو تعالييييي
بصت ليها لقت هدومها كلها عبارة عن دم
بصرايخ: نوررررررررر
الواقع.
اميرة قاامت مره واحده بخضه من الحلم ده.
محمد جوزها قام علي صوتها.
بخضه: مالك يا اميرة بتصرخي كده ليه وانتي نايمه.
اميرة كانت تتنفس بالعافيه قامت بسرعه طلعت من الاوضه بصت علي احمد كان نايم راحت ل ميار كانت بتذاكر نور قاعده معاها اطمنت عليهم من قلبها هما الثلاثه
ميار باستغراب: في حاجه يا ماما مالك؟
اميرة دخلت قعدت علي السرير بخضه في قلبها من الحلم
نور بقلق: مالك يا خالتو في حاجه
اميرة بصت ليها كان الحلم كانه قدام عيونها بتحقق وكل حاجه بتحصل قدامها دلوقتي
نور مسكت ايدها: مالك يا خالتو انتي تعبانه.
اميرة بدات تتعب: لا لا مفيش حاجه
ميار قامت بقلق،: ماما مالك انتي كويسة؟
اميرة مكنتش بترد و شايفه الحلم و الدم حاسه انها في الحلم مش في الواقع خالص
ميار بخوف عليها بدات دموعها تنزل منها: ماما مالك يا ماما مش بتردي ليه
نور حضنت اميرة بدموع: خالتو فيكي اي ردي علينا.
محمد داخل. بخوف عليها: اميرة مالك في ايه روحي هاتي مايه ليها يا ميار بسرعه.
ميار راحت جبت مايه وجت بدأت تشربها.
محمد بقلق: اميرة انتي كويسة
اميرة بتعب: ا اه كويسة الحمدلله.
نور بدموع: خالتو مالك انتي مش بتردي ليه انتي تعبانه
ميار: ماما انتي مش كنتي نايمه اي اللي حصل ليكي دلوقتي بس
اميرة حضنت البنات بدموع: انا كويسه كويسه الحمدلله مفيش حاجه يا بناتي والله اهدو
نور و ميار حضنوها اقوي بدموع هي ايضأ
محمد اتنهد قال: مش عارف مالك كنتي كويسه من اليل وانتي متغيرة كدا مره كدا تقومي تصرخي لا حول ولاقوة الابالله
ميار بخوف: ليه ماما تصرخي من اي بس قوليلي
نور بدموع: كنتي بتحلمي اكيد بحاجه وحشه صح يا خالتو؟
اميرة طلعتهم من حضنها: مفيش حاجه ان شاءلله خير انا كويسه المهم الفجر آذن ولا لسه؟
محمد: لسه يا اميرة علشان المنبه لسه مرنش
اميرة: كل واحده تصلي الفجر وتنام ماشي وجهت الكلام ل ميار بغضب: تصلييي بعدها تنامي الصبح قومي كملي مذاكرة صلي يا ميار مش هقولك تاني.راحت طلعت بره
ميار بهدوء: حاضر يا ماما.
محمد طلع. كانت اميرة قاعده في الصالون. قاعد جنبها
قال: مالك يا اميرة من اليل كده
اميرة بتوتر: لا مفيش يا محمد عادي تعبانه بس شويه اكتر
محمد: تعبانه طيب وبالنسبه ل الحلم
اميرة بقلق من الحلم: مش عارفه هو جاني ليه الحلم الوحش ده خايفة علي عيالي اوى
محمد باستغراب: ليه فيه اي الحلم ده؟؟؟
اميرة بتعب جواها: مش قادره اقول حقيقي
محمد بهدوء: اتفائلي خير مفيش غير كل خير إن شاءلله
اميرة بتعب: ان شاءلله يارب
أذان الفجر بدأت يأذن
محمد قام: يلا علشان تصلي يا اميرة و نامى شويه انا هروح الجامع وصحي احمد
اميرة: سلامتك. حاضر هقوم اهو
_________________________
نور: يلا يا ميار علشان نصلي
قامت ميار: حاضر يلا
نور فرحت من جواها جامد
كل واحده راحت علشان تتوضي. بعدها طلعو يصلوا سوا
بعد وقت كانو خلصو. نور بدأت تدعي ل مامتها و تدعي ليها.
ميار كانت بتدعي ان يتحقق الحلم بتاعها بدموع..
نور بصت ليها لقت دموع في عيونها زعلت عليها جامد. بقت تدعليها من قلبها انها تنجح في الثانويه وتحقق اللي حلمها تبقي دكتورة. بعد وقت كانت خلصت وقرأ الأذكار. قامت حضنتها: ان شاءلله تحققي أحلامك يا روحي انتي صلي ودعي كل حاجه بتحلمي بيها تتحقق ي حبيبتي واحنا كمان بندعيلك كتير والله
ميار حضنتها بدموع: يارب يارب احقق احلامي نفسي بجد
نور بإبتسامة هتحققي ي قمري هتبقي أكبر دكتورة في الدنيا دي كلها يبقي ليكي عيادة لوحدك انتي وبس قالت بمرح: هيبقي ليكي شنه و رنه كمان استني بس علي الأيام. دي بس اوعي بقا تتكبري عليا لما تبقي دكتورة كدا وتوصلي ل كل اللي نفسك فيه. قالت بحزن: مع اني عارفه ان الدنيا مش علي حالها الكل بيتغير
ميار بإبتسامة: انتي حبيبت قلبي والله انتي اللي بجد في قلبي عن الكل وانا حبيتك وبعدين ما انتي كمان تدخلي كليه تبقي حاجه حلوه باذن الله يا حبيبتي
نور بحزن: انتي تفتكري اني اقدر اوصل ل الحلم ده يا ميار حاسه انه مستحيل احققه مش حاطه في دماغي اصلا عادي
ميار باستغراب: مفيش حاجه في الدنيا دي مستحيل ي نور والله. بإبتسامة: بس عاوزه تبقي اي بقا ي جميلتي هاا
نور بحزن: نفسي ادخل كليه الشرطه البنات زي احمد بس عارفه مستحيل مشوار طويل ملهوش نهاية
ميار بإبتسامة: الله بجد دي جميله جدا جدا يا نور بجد ليه مش تحققي حلمك ده ده جميل اوى احمد كان بيحلم من وهو في سنك كدا لحد ما داخل كليه الشرطه والله باقي اربع سنين و يتخرج ان شاءلله ويبقي ظابط
نور بإبتسامة: ان شاءلله ي حبيبتي تحققوأ كل حاجه نفسكم فيها
ميار بإبتسامة: وانتي كمان ان شاءلله تحققي أحلامك كلها وتبقي الشرطيه نور يروحي
نور بحب: اللهم امين يارب العالمين واياكي
قامت بنعس: يلا نام بقا علشان نعست
ميار قامت هي ايضأ شألت سجادة الصلاة
قالت: يلا ياقلبي تصبحي على خير ياقلبي
نور: وانتي من اهل الخير والسعادة ياقلبي. راحت على الاوضه بتاعتها
ميار نامت علي طول
نور هي ايضأ راقضه علي السرير حضنت الدبدوب بإبتسامة ونامت
_________________________
بدأت تشرق الشمس و يوم جديد علي الجميع..
عند شهد. طلعت من الاوضه بتاعتها
شهد: صباح الخير ي تيته
الست بإبتسامة: صباح النور والسرور يا حبيبتي
شهد قعدت جنبها بإبتسامة: تحبي تفطري اي انهارده ي ست الكل
ابتسمت ليها: اي حاجه ي نور عيني هتبقي حلوة منك انتي مش تمشي انهارده المدرسة ولا ايه؟
شهد بزهق: لا ي تيته مش عاوزه اروح والله مليش نفس
باستغراب: ليه بس يا حبيبتي مالك قولي فيكي اي علشان تبقي زهقانه كده
شهد بحزن: مش عارفه بس كل حاجه في حياتي وحشه اوى يا تيته مش عارفه ليه كدا
قالت ليها بإبتسامة:اوعي تياسي يا شهد من الحياة و اللي فيها دا انتي لسه صغيره يا دوب سنك 16 مش اكتر يا حبيبتي اومال خليتي اي لما تبقي كبيره شويه كمان و تتجوزي و يبقي عندك عيال انتي لسه في اول الطريق
شهد بدأت تعيط جامد
ستها بحزن عليها: مالك بس انا مش عارفه اي اللي ما خليكي تكرهي حياتك كده استهدي بالله كده يا حبيبتي و قومي صلي ركتين
شهد مكنتش قادره تبطل عياط جواها اكتأب مسيطر عليها
ستها حضنتها بدموع عليها: لو حصل ليكي حاجه بسبب الحزن ده مين اللي ياخد باله مني ي شهد هاا قوليلي مالك طلعي اللي في قلبك ليا علشان كدا تتعبي والله
شهد بعياط: انا تعبانه اوى اوى يا تيته مش عارفه مالي والله العظيم
ستها بحزن: طيب كفايه كفايه عياط علشان خاطري انتي بتوجعي قلبي عليكي والله يا بنتي
شهد طلعت من حضنها بدأت تمسح دموعها قالت بوجع جواها: انا كويسه كويسه يا تيته متخافيش عليا ان شاءلله خير المهم انا ادخل دلوقتي اعمل ليكي الاكل
راحت دخلت وهي بتحاول تمسك دموعها
ستها بحزن عليها: يارب يريح قلبها يارب وتناولها كل اللي بتتمنيه يارب يارب من عندك يارب
_________________________
في شقه امينه و هاني
امينه كانت بتصحي في هاني
امينه: هاني يلا قوم الشغل يا حبيبي كل ده نوم يلا قوم بقا
هاني بدأ يلملم علي السرير
امينه: يلا قوم بقا الله كل ده نوم
هاني قام بص ليها بإبتسامة: صباحو عسل ياعسل
امينه بحب: صباحو فل ي عيوني كل ده نوم
هاني: هقوم اهو طلعي ليا هدوم علي ما اخد دش
امينه: عيوني ي عيوني
بدأت تطلع لي الهدوم من الدولاب
شافت كيس جواه علبه طلعته بدات تفتح العلبه
امينه باستغراب: فيها اي دي.
كان عليها من بره العلبه كانت علبه تليفون
امينه بإبتسامة: هو جاب ليا فون جديد بس هو مش قال لا ليه بقا يمكن مفاجأة ليا المهم اجيب الهدوم الأول بقا
بعد وقت كأن طلع هاني من الحمام
امينه بإبتسامة: انت جبت تلفون جديد مش تقولي انك جبت ليا
هاني بهدوء: امم احم احم بس هو مش ليكي
امينه باستغراب: اومال لمين يعني
هاني: ل نور
امينه بغيرة و كسفه علشان افتكرته ليها قالت: اه تمام
درات ضهرة علشان تخرج
هاني مسك ايدها وحضنها بإبتسامة: حقك عليا عارف انك افتكرتي انه ليكي بس اجبلك واحد اغلى منه يروحي
امينه بدموع: عادي انا مش عاوزه حاجه غير انت وبس في حياتي
هاني بص ليها باستغراب: طيب ليه الدموع دي دلوقتي
امينه بدموع: علشان علشان انا نفسي ابقي ام بس انا مفيش امل اني ابقي ام اصلا ي هاني
هاني بهدوء: امينه هو ده السبب اللي مخليكي كده هو انا مش قولتلك طلعي كل ده من دماغك وسبيها علي الله من زمان و ان شاءلله ربنا يأذن ويجي الوقت اللي تبقي فيه حامل ليه بقا كل الحزن و التعب في روحك ده من الاكتئاب هاا قولي
امينه بحزن: هاني بس انا نفسي ابقي ام وانت كمان اكيد نفسك ربنا يعوضك علشان انت محستش انك اب علشان نور كانت عايشه من امها مش عاوزه تقبل انك انت ابوها
هاني اتنهد وقال بحزن: لا صدقني في امل ان في اي لحظه انك تبقي حامل يا حبيبتي انتي سبيها علي الله متزعليش نفسك و لولا علي نور نور كدا كده اكيد طول عمرها مش هتفضل عايشه عند خالتها هيجي عليها وقت وتقولي انا هاجي عندك بابا وانا عايز الوقت ده يجي ب اسرع وقت علشان كده لازم اخليها تتعلق فيا بأي طريقه واعمل ليها اي حاجه بتحبها علشان تتعود عليا
امينه بإبتسامة بسيطه: ان شاءلله يا حبيبي هتيجي تعيش معاك وتحبك تتعلق فيك اكتر من امها كمان
هاني بإبتسامة: باذن الله يا قمري المهم مش عايز اشوف عيونك الحلوين دول فيهم دموع تاني ماشي
امينه بحب: حاضر
هاني حضنها بحب
امينه في نفسها: بس لازم قبل ما اليوم اللي هتيجي فيه نور لازم ابقي حامل بأي شكل من الأشكال هاني يتعلق في نور و نور نفس الشئ هما الاتنين مش يقدر يسيبو بعض أبداً وانا كدا اللي هاني يطلعني من قلبه نهائي وكل وقته هتبقي مع بنته الوحيدة انا مقدرش اعيش من غيرك لا لحظة واحده كدا بس انت حبيبي لاخر العمر مستحيل اسيبك لو ع موتي
_________________________
في منزل السيوفي
احمد طلع من الاوضه بتاعته كانت اميرة قاعده في الصالون
احمد بهدوء: احم صباح الخير
اميرة بعدم اهتمام: صباح النور
احمد اتنهد: وبعدين في النكد اللي في البيت ده هتفضلي كتير زعلانه منى كده
اميرة: لو زعلي يهمك كدا اوى مكنتش تعمل كل ده
احمد بعصبيه: هو انا عملت اي كل ده مش فاهم انا
اميرة بغضب: انت شكلك مش واخد بالك علي اللي انت بتعمله يا احمد فوق من اللي انت فيه بقا انت مش حاسس بنفسك ابدأ انك بتعمل غلط كبير
احمد ببرود عكس اللي جواه: تمام طالما انا غلطان عادي مش عايزني اتكلم معاكي والله براحتك
اميرة بحزن منه: انت حياتك ماشيه ازاي بالظبط تفكيرك و حالك عاملين ازاي ولا انت عامل ازاي انت ازاي كدا بالبرود ده كله
احمد بنرفز: عايزني اعمل اي اكتر من كدا ولا اقول ايه هااا انت ولا عجبك كلامي ولا عاوزه تقدري اللي بقول عليه
نور طلعت من الاوضه علي صوته قالت بغضب: انت صوتك عالي كده ليه علي امك احترام نفسك شويه
احمد بغضب ليها: نورررر طلعي نفسك من كل ده بلاش تحشري نفسك في اللي ملكش فيه
نور بعصبيه: لا مش هطلع نفسي من حاجه بلاش صوتك يبقي عالي بقولك كدا وخصوصأ علي امك( ولا تقل لهما اف ولا تنهرهما وقل لهما قولا كريما)
احمد بسخرية: بالله يا شيخه انتي اسكتي مش هقولك تاني بلاش تدخلي نفسك في كل حاجه مش تخصك هنا
اميرة بحزن: نور سبيه هو الكلام معاه مفيش منه فايده أبداً ربنا يهديه من اللي هو فيه
نور بإبتسامة: عارف انت بجد غالي عليا اوى اوى اكتر من اخ ليا مع اننا مش من زمان كنا عايشين مع بعض لكن اكتر حد في العيلة دي كلها داخل قلبي كده بقيت غالي عليا بقيت اخويا اخويا وانا مش اتمنى ليك غير كل الخير وبس انك تمشي في الطريق الصح مش اكتر ي اخويا دايما هدعيلك ربنا يهديك ويصلح حالك في كل لحظه
احمد درا ضهرة راح ماشي علي الكليه جواه حزن شديد
اميرة بصت ل اميرة شايفة قد اي الحزن مالي وشها حضنتها بحزن: معلش يا خالتو متزعليش منه ان شاءلله ربنا يهديه ويعرف الطريق الصح
اميرة بحزن: يارب يارب ي بنتي
________________________
فون شهد كان بيرن راحت علشان تشوف مين كأن احمد
دوعها نزلت لما شافت الرقم قالت بحزن جواها: اسفه يا احمد مش هرد عليك سامحني بس بحبك والله بس لازم علشان خاطر ربنا و علشان خاطر اللي بنحبهم
احمد اتعصب جامد من انها مش بترد رن مره و التانيه و الثلاثه راح فصل بغضب منها. وكمل طريق وراح ماشي.
___________________
شهد كانت بتعيط جامد و حزينه كانت عاوزه ترن عليه وتعتذر لكن مش عاوزه تخون ثقه مرات عمها.
الفون رن ايد شهد غصب عنها فتحت الفون من غير ما تاخد بالها اتوترت قالت: الو
المجهول بإبتسامة شر: وحشاني ي قمري
شهد بصدمه شألت الفون بسرعه راحت قفلت من الخضه اترعبت منه عملت بلوك ل الرقم
قالت بعياط: حسبي الله ونعم الوكيل فيك انت عايز ايه سبني في حالي يارتني ما اكتشفت حقيقتك يا زفت
رساله جت ليها قالت بخوف: انا عملت بلوك لي من رقم قبل كدا برضو رن عليا من رقم تاني
رساله جت ليها علي الوتس كانت رسايل كتيره جدا ورا بعض استغربت اي ده فتحت بسرعه الشات علشان تعرف اي ده
فتحت الشات وقلبها وكل جسمها اتنفض من شده الرعب اللي قدامها
شهد بصدمه وقع منها الفون وقعت في الارض اغمي عليها
من الصدمه(اذكروا اهل غزة في دعائكم )
يتبع..