الفصل الثامن والعشرون 28 ج1
بقلم نور ربيع
مهران بصدمه كبيره ما كنتش متوقع كده نهائي قال جواه: مخدرات مخدرات في قلب الشنط بتاعتنا مين اللي عايز يوقعني بورطه مين والله ما هرحمك بس اعرف انت مين
الشرطه حطت الكلبشات في ايد مهران وخدته ومشيوا من المطار
_________________________
شهد فضلت تجري شويه كتار لحد لما تعبت جامد وقفت بوجع في بطنها وفضلت تعيط جامد برعب جواها من الشرطه: يا ربي مين مين اللي حط المخدرات دي يا رب مين اللي حط المخدرات مين اللي عايز يورطوا طيب انا مالي ذنبي ايه انا بس وانا لحقت اطلع من المشكله اللي انا فيها عشان ادخل في مشكله زي دي
بصيت لقيت الشرطه جايين وراها جريت بسرعه مره واحده عربيه ظهرت قدامها وشاور ليها من شباك العربيه انها تركب شهد اخذت بالها من اللي وقف مره واحده وشاور ليها فتحت الباب وركبت بسرعه العربيه بسرعه
شغل العربيه باقوى سرعته راح ماشي
شهد بقت تتنفس جامد ومش قادره تاخد نفسها حطيت ايدها على بطنها بوجع والم شديد
بصت لي قالت باستغراب: انت مين
مازن: انا مازن وشفتك بالصدفه وانتي بتجري قولت اساعدك بس
شهد بتعب شديد وخوف: ي يعني ا ا انت مش هتأذيني يعني مش فاهمه ليه بتساعدني؟
مازن وهو سايق عربيه بسرعه: اكيد لا ايه اللي انتي بتقوليه ده انا شفتك بتهربي من المطار لما كنتي مع جوزك قلت انك ما لكيش علاقه بيه اهربك منهم علشان انتي ما لكيش ذنب في كل ده جوزك هو المذنب
شهد بتوتر: هو انت تعرفنا
مازن: لا بس كان لازم نخليه ينزل القاهره ونعمل ليه الفخ ده عشان هو عليه قضيه كبيره لكن انتي ما لكيش ذنب اكيد ف كل ده وانا لازم اخليكي توصلي لاهلك حالا
شهد بصدمه و دموع: حرام عليكم ليه كده هو انت علشان خاطر توقعوه وتخلي الحكومه تمسكه تحطوا لي مخدرات انتوعارفين يعني ايه تحطوا ليه مخدرات دي قضيه كبيره اوي ممكن ياخذ عليها اعدام حرام عليكم
مازن بعد اهتمام: عملت اللي عليا وخلاص المهم انتي فين بيتك عشان اوصلك حالا
شهد اتنهدت بدموع جواها زعلانه عليه جامد قالت جواها: حتى لو بكرهه بس ايه اللي حصل ده ما كانش ينفع ازاي يحطو لي مخدرات ومين اللي عمل كده حرام والله ده ما ينفعش ابدا ازاي يحصل ده
مازن بص على البطاقه اللي في اايدها قال: اسمك تاليه محمد؟
شهد انتبهت لي اتوتر جامد لما شاف البطاقه فضلت ساكته علشان مش عايزه تقول حاجه وتكون كدابه فيها
مازن بهدوء: تمام كويس انك عرفتي تجيبي البطاقه من الارض وتهربي لو كان الحكومه مسكوها وكانو جابوكي من طريق الاسم والصوره والشكل ما كانوش. رحموكي ولا حتى اهلك هيعرفوا يوصلو ليكي
شهد بخوف وتوتر: انا ما ليش ذنب في اي حاجه ولا حتى هو على فكره حرام عليكم اللي حصل ده انتوا كده بتدمرو الدنيا عليه
مازن مهتمش الكلام وفضل ساكت
شهد باستغراب وخوف: هو انت جي من طريق حد عشان توقع في مشكله دي؟؟
مازن.: امم
شهد بخوف: مين؟
مازن: هو قتل حد وكان لازم نرجعه القاهره عشان خاطر ياخد جزاته لكن ما فيش اي دليل ان هو قتل او عمل اي حاجه فاحنا حبينا عشان كل حاجه تتوضح بقى وياخد عقابه
شهد بدموع وتعب: هو قتل مين بالظبط مش فاهمه
مازن وقف العربيه وغضب: انزلي انا الغلطان اللي حبيت اساعدك عشان ما تعيش في مصايب جوزك اخلصي انزلي حالا
شهد بدموع وخوف: مين اللي قال ليك تعمل كده مين انت جي من طريق حد مين بقى اللي الحد اللي قال ليك تعمل كدا مين
مازن بغضب: ما لكيش دعوه انزلي اخلصي بقولك
شهدت نهضه بدموع وقالت بشك كبير: تعرف حد من عيله السيوفي
مازن باستغراب: انتي اللي تعرفيهم
شهد بدموع: اه اعرفهم وصلني على البيت ده
مازن شغل العربيه ومشي وقال باستغراب: انتي تعرفيهم عايزه تروحي هناك ليه؟
شهد: انت على فكره ما رضيتش تقولي علي اللي انا بسالك عليه لو سمحت امشي زي ما بقول لك على طريق البيت ده ويا ريت ما تسالنيش علشان انا مش هقول حاجه
مازن بلا مبالاه: تمام
راح على طريق المنزل
_________________________
الظابط بغضب: المخدرات مطلعينها من قلب ا الشنط بتاعتك ازاي مش بتاعتك اومال هيكون بتاعت مين بتاعتي انا مثلا
مهران بغضب و صدمه: والله العظيم انا ولا بتعامل في الحاجات دي ولا ليا فيها ولا عمري اصلا اتاجر فيها في حياتي ولا اعرف ازاي جت على الشنط بتاعتي انا في حد عامل ليا فخ اكيد
الظابط: للاسف ما فيش دليل يثبت كده نهائي احنا نفتح محضر يا ريت توقف ليك محامي وهات دليل اللي يثبت ان المخدرات دي مش بتاعتك وانك مش بتاجر فيها ومهربها
مهران بشد ضيق جواه: يا وقعتك السودا يا مهران مخدرات على اخر الزمن بقى اللي عايز يوقعك يوقعك كده فخ زي ده مخدرات وفي قضيه سودا زي دي دا انت لو طلعت منها تبقى رجعت من الموت …بحزن شديد جواه وفقدان الامل من نفسه: شهد شهد هربت زمانها راحت لاهلها وانا خلاص على كده الظاهر من هنا خلصت الحكايه واللعبه الكدابه دي ويعرفو عايشه وهترجع ليهم مستحيل يسيبوها مستحيل يا مهران شكلي كده هفضل هنا على طول ولا هخرج ولا حتى اعرف ارجعها ليا تاني … عقله بقى مشتت جامد بقى جوه حزن وبقى مهموم جامد بشده جواه يموت كده من الزعل والحزن والقلق
بــ تشتت وحزن شديد: طيب وامينه كمان كانت لعبه وهي دلوقتي فين ولا هي مالها بالظبط انا خلاص عقلي خلاص هيموتني من كتر التفكير ميت سوأل
امينه كويسه او لا وهي فعلا تعبانه او فيها اي يارب بس يا رب طمني عليها هي وشهد مش عاوز غير كده وبس يارب
_________________________
في منزل كريم
نور كانت بتلبس حياه علشان تروح الحضانه
نور: يا حياتي انتي تعبانه تقعدي احسن
حياة بطفوليه: لا خلاص يا مامي خفيت الحمد لله هروح مع سرسوره الحضانه
نور بابتسامة: طيب يروح قلبي خدي بالك من نفسك كويس ماشي
حياة بابتسامة: حاتر. باست خدها بابتسامة
سارة طلعت من الاوضه: يلا يا حياتي علشان نمشي
نور بتوتر: سارة
سارة: امم؟
نور بتوتر: احم هو لما كان كريم بيقولي امبارح بحبك كان بيقول بجد ولا ده كان كلام علشان اصالحه وسامحه؟
سارة بابتسامة: مش عارفه اقولك ايه جواه بيقولك كده عشان خاطر تتكلمي معاه وتصالحيه ولكن في قلبه بيحبك على فكره شكله كده معجب بيك وبيحبك
نور بتوتر وخجل: طيب
سارة بغيظ: طيب اي بقولك بيحبك تقوليلي طيب. بصوت عالي: بقولككككك بيحبككككك ااااافهمييييي لو ما كانش بيحبك ماااا كاااانش عمل كله ده عشااااانك
نور بعصبيه: يخرب عقلك عليكي وعلى صوتك وطي صوتك شويه في ايه
سارة ببرود: بقولك فكري في كلام كريم كويس سلام يلا يا حياتي
حياة مسكت ايد سارة بعدها مشيو
نور بغيظ: اي البت دي يا ناس
نور قعدت على الكرسي اللي في الصالون مسكت الفون. فتحت النت لقت ميار بعته ليها
نور بسخرية: لسه فاكره تردي
اتنهدت و راحت ردت عليها في رسالة
"السلام عليكم ورحمة الله وبركاته اه اسمي جميله اتشرفت بيكي يا مرمر
_________________________
عند ميار في أروبا
كانت قاعده علي السرير تذاكر حاسه بملل
ميار بزهق: ياربي بقا علي امتي بقي كام يوم دول يخلصو بتاع المتحانات خلي الواحد يخلص بقا
مسكت الفون شافت الرساله
راحت ردت: عليكم السلام ورحمة الله وبركاته. الشرف ليا يا حبيبتي
ميار بعتت رساله علشان تجر معاها الكلام علشان تعرف عنها كل حاجه
بنتك اللي كانت في الاستوري دي؟
نور فتحت الشات بابتسامة
بعتت: هي مش بنتي بنتي يعني بس انا اللي ربيتها
ميار بخبث بعتت: امم مش امها ازاي
نور بعتت بابتسامة: هي بنت جوزي انا اللي ربيتها بس هي كل حياتي كده يعني مش بعتبرها بنت جوزي لا كل حاجه ليا
ميار بسخرية جواها لما شفت الرساله يا ختي عليكي وعلي حبك ليها شي واحده هبله اول اشوف كده.
بعتت بخبث ليها: وانتي بتحبيه بقا علي كدا؟
نور خجلت بعتت بتوتر: عادي و بعتت بتضحك
ميار باستغراب: عادي عادي ازاي؟
بعتت: انتوا بتحبو بعض ولا متزوجين علشان بنته بس تكوني ام ليها
نور بصت علي الرساله اتنهدت بحزن
بعتت ليها: عاوزه حاجه هبقي اكلمك وقت تاني علشان لازم دلوقتي اقوم اعمل شغل البيت
ميار باستغراب منها: مردتش علي الرساله لا شكله في حاجه لازم اعرف في اي.. بعتت ببرود: تمام
نور قفلت سبت الفون راحت قامت تروق البيت (متعرفوش حد عن حياتكم مش لازم كل حاجه تحكوها اقضوا حوائجكم بالكتمان )
_________________________
شهد دخلت الشارع بتوتر شديد جواها
بقت تبص شمال و يمين حواليها بتوتر وهي حاسه انها بالفعل مشفتش الدنيا من سنين مكنتش قادره تبص في نور النهار عيونها دمعت غصب عنها
فرقت في عيونها بأيدها بحزن شديد جواها. بصت علي البيت بــ عيون بتبكي و قلب حزين جدا
جريت بسرعه دخلت البيت وهي طايره من الفرحه بصت شمال و يمين فيه وهي فرحانه و بتبكي مش شايفه حد موجود في الصالون
شهد بصوت عالي جدا و قلب مالي بالرعشه من رد فعلهم بصوت مالي بالعياط والفرحه: ماااماااا يااا مراات عميي ااميرة مرات عمييي سميرة يااا مياااااار ااااحمد
اميرة كانت في المطبخ مبقتش مصدقه ان ده صوت شهد
اميرة بصدمه و غير تصديق: شهد لا لا شهد اي.. غسلت ايدها بسرعه طلعت من المطبخ بصدمه كبيره
سميره باستغراب و صدمه: شهد لا مش شهد اللي بــ تنادي مستحيل مستحيل. قامت بسرعه طلعت من الاوضه بتاعتها
امال لما سمعت صوت شهد قامت بسرعه من علي السرير طلعت ليها قلبها طاير من الفرحه و صدمه جواها
امال وهي طالعه وبتعيط بشده وقلبها طيار من الفرحه: كنت حاسه انك عايشه يا شهد كنت حاسه والله العظيم انك عايشه يا بنتي
_________________________
شهد كانت واقفه تعيط بشده
اميرة طلعت بصدمه و دموع: شهد
شهد جريت عليها حضنتها جامد وسميره طلعت هي بصدمه
سميره بصدمه غير استوعاب: بسم الله الرحمن الرحيم شهد
أمال طلعت بسرعه بعياط وعدم تصديق منها: شهد شهد
شهد طلعت من حضن اميره اللي ما كانتش بتدي اي رد فعل او بتتكلم كانت مصدومه خالص ما كانتش بتتكلم او كانت مستوعبه لاي حاجه كانت بصه ليها وبس مبرقه من الصدمه
شهد جريت على امال بسرعه وحضنتها جامد ليها وهي بتعيط
شهد بقت تحضن فيها جامد بأيدها الاتنين وهي بتبكي وكانت عايزه تحطها جوه قلبها مش عايزه بس تحضنها كده لمجرد حضن
سميره ما كانتش مستوعبه اي حاجه هي ايضا وكانت مصدومه بصه ليها بس مصدومه من امال ومنها
اميرة قربت منها بــ حاله ذهول جواها. حطت ايدها على شهد من غير تصديق: ا انتي انتي حقيقه و ولا ا انا انا بحلم
سميره بصدمه عدم تصديق: هو ده حلم ولا ولا دا حلم؟
شهد طلعت من حضن امال وهي بتضحك في نفس الوقت بتعيط جامد راحت حضنتهم هما الاتنين: والله العظيم والله العظيم مش حلم ولا حاجه انا عايشه عايشه كلكم وحشتوني
اميرة وهي في حاله صدمه و حلم: شهد ازاي انتي عايشه ازاي اومال مين اللي ماتت دي قدمنا
سميره بصدمه طلعتها من حضنها حطت ايدها على وشها بصدمه: انتي ازاي عايشه
أمال بعياط وفرحه شديدة شدت شهد في حضنها: اهم حاجه عندي اني شفتها قدامي كده مش مصدقه والله العظيم انك موجوده قدامي مش مصدقه يا شهد
_________________________
عند هاني في المستشفي
الدكتورة طلعت من غرفة العمليات بابتسامة: مبارك علي الأطفال الحلوين يا أستاذ هاني ربنا يباركلك فيهم يارب
هاني بفرحه في نفس الوقت خوف: الحمدلله يارب الحمدلله. دكتوره المهم طمنيني امينه امينه عامله ايه طمنيني عليكي بالله عليها
الدكتورة بابتسامة و تفهم: اطمن هي كويسه الحمدلله هي و الأطفال
هاني بلهفه: دكتوره عايز اطمن عليهم
دكتوره: هنخرجها من غرفة العمليات ل غرفة تانيه دلوقتي باذن الله تطمن عليها حالا هي و الأطفال ان شاء لله. و حمد لله على سلامتها
هاني بابتسامة: تمام الله يسلمك
_________________________
( على ما اظن انكم خلاص صدقتم انها عايشه بجد 😂)
شهد كانت قاعده حاضنه امال بعياط وكانت بتحكي ليهم كل حاجه اميره وسميره كانو بيسمعوها بصدمه و امال وفي عيونهم دموع عليها حزن شديد جواهم
شهد بعياط: بهدلني وكان بيعذب فيا والله العظيم اشد العذاب مش مصدقه ان انا جيت لحد هنا ليكو سليمه اصلا
امال بدموع وحسرة عليها: حسبي الله ونعم الوكيل فيه البعيد
اميرة بحزن و. دموع: يستاهل اللي حصل فيه ده انهارده والله
سميره بصدمه وحزن: ازاي اتعليجتي يا شهد من الواقعه و مين اخد بالو منك طول الفتره اللي انتي كنتي تعبانه فيها دي واقعه مكنتش سهله أبداً عليكي
شهد بعياط: جاب ليا دكاتره الدنيا علشان اتعالج واقدر امشي انا فضلت اكتر من سبع شهور مش بتحرك نهائي ولا كنت بتكلم من الصدمه الواقعه مع الصدمه قصرت عليا جامد
فلاش باااك ________________
مهران ل الممرضه بغضب: هي هتفضل كدا لحد امتي؟
الممرضه بتوتر: حضرتك اهدي هو مش بايدينا والله المريضه تعبانه خالص وفي حاله نفسيه خالص تقريباً هي اتعرضت لحاجه خليتها توصل للحاله دي غير الوقعه خالص الجلسات والعلاجات مش نافعه معاها خالص هي مش بترمش حتى كده بعيونها دي ممكن تموت مننا
مهران بغضب وصوت عالي: صدمه غير صدمه انا جايبك هنا البيت عشان خاطر تعرف تعالجوها هو انا جايبكم هنا علشان خاطر ايه مش عشان تتعالج شوفي مالها خليها تتكلم معاكي افهمي هي فيها ايه
الممرضه بخوف منه: تمام تمام حضرتك اهدى من هنا للخلال اسبوع احاول اخليها تتكلم معايا وهنحاول معاها بالجلسات كمان
مهران طلعت بغضب من الغرفه
الممرضه قعدت جنب شهد بهدوء
الممرضه بحنان: نفسي تتكلمي معايا و تقولي مالك بس اي السبب اللي ما خليكي ما تتكلميش و ازاي انتي و صلتي ل الحاله دي كدا..بحزن: انتي يعتبر بقى عندك شلل بسبب االواقعه دي لازم تساعديني علشان خاطر اعرف مالك وتشفى بسرعه بس
شهد بدات تعيط وهي مش قادره تتحرك
الممرضه بسرعه وقلق: اهدي اهدي بالله عليكي احسن يحصل ليكي حاجه في اللحظه دي تروحي فيها لا قدر الله
مسكت ايدها بحنان: حاولي حاولي تتكلمي معايا بس حتى على الاقل احكي ليا اللي جواكي علشان تخفي بسرعه وجلسات تجيب معاكي نتيجه
شهد بعياط وتعب شديد: م ما ما ماما
الممرضه بحزن: انتي عاوزه مامتك صح؟
شهد هزت راسها بعياط مش قادره تتكلم
الممرضه بحنان علشان تعرف تتعامل معاها: حاضر هتروحي ليها بس لازم انتي تتعالجي الأول انتي ولا بتمشي ولا حتي بتتكلمي لازم تساعديني علشان خاطر تخفي طيب
شهد كانت بتعيط جامد مكنتش قادره تتكلم
الممرضه بحزن: اتكلمي اتكلمي يلا قولي مالك ازاي بقيتي كده اي اللي تعبك جواكي علشان تبقي كدا
مهران داخل الاوضه
شهد أول لما شفت انه داخل افتكرت كل اللي حصل ساعه الصور و المستشفى لما حط واحده تانيه مكانها مشوها بدالها الكل افكر انها هي. بدات تنهار جامد وتصراخ. بدات تتكلم
شهد بانهيار وصريخ: ا ا ا انت انت ك ك كل اللي ا اسبب اسبب في ك كل كل ده ع عاوزه ا ا اروح عند م مااامااا
الممرضه بصدمه: لو سمحت اخرج بسرعه علشان هي انهرت ممكن كدا يحصل حاجه ليها
مهران ببرود: طالما انتوا مش عارفين تخلوها تتعالج انا هخليها تتعالج بالطريقة بتاعتي
قاعد جنب شهد ببرود رهيب
شهد بصرخه و انهارده لا لا اااابعد عنيييي اااابعد عنيييي
مهران ببرود: مستحيل ابعد عنك مستحيل اسيبك دا انا ما صدقت جبتك لحد هنا
شهد سندت علي السرير بايدها الاتنين قامت بوجع في جسمها كل جسمها يرتعش مش قادره تتحكم في اعصابها
الممرضه بخوف وحزن عليها: اهدي متخافيش انا معاكي اهدي
شهد مسكت فيها جامد دفنت كل وشها في حضنها من الرعب منه و مش قادره تتحكم في نفسها من الرعشة
الممرضه بزعيق: اخرج بره بقا ارجوك البنت تموت كده ولا يحصل ليها جلطه بسبب اللي اعصابها دي اخر ارجوك علشان ما تندمش انها حصل ليها حاجه بعدين
مهران بلا مبالاة: عمره ما مهران يندم على حاجه نهائي. ببرود: عموما انا هخرج علشان بس رايح مشوار دلوقتي علي ما اجي تكون بقت كويسه تمام. راح قام مشي
شهد طلعت من حضنها خلصانه من جواها من العياط و الرعب
الممرضه بحزن: اهدي هو خلاص مشي بلاش خوف اهدي
شهد كانت بتحكي ليهم بانهيار. ليهم بعدها الجلسات بدأت تعمل معايا مفعول بقيت اتحسن عليها
_________________________
جهزي نفسك يا عروسه عشان الليله هكتب كتابي عليكي وهنسافر
شهد بصرخه ونهيار: لا بالله عليييك مش عاااايزههه كدهههه بااالله علييك عااايز ااارجع لاهلي حراااام عليك حراااام عليك عملت ليك ايه علشاااان تعمل فياااا كككل دهههه
مهران بعدم اهتمام ليها: قلت اللي عندي وخلاص. بخبث: اعملي حسابك يا عروستي بقا
شهد بانهيار: اااانت وااااحد زبااالة اناااا بكرهككك بكرهههك
________________ارض الواقع
يتبع