الفصل السابع والعشرون 27 ج1
بقلم نور ربيع
كريم وصل البيت نزل بسرعه
بقلق علي نور و حياة
سارة درات ضهرها جريت عليه بسرعة
بخوف و دموع: كريم جميله يا كريم معرفش راحت فين
كريم بقلق شديد.: اهدي انا هحاول ادور عليها هنا. مشي بسرعة يدور عليها حوالين المنزل
سارة رنت علي التليفون بتاعها سمعت صوت الفون جوه البيت
قالت بغضب وخوف: يوووههه روحتي فين بس دلوقتي ياربي
كريم بقا يدور في كل مكان في الشوراع وهو هيموت من الخوف عليهم و خايف حياة تضيع منها
ميت سوأل في دماغه هي راحت فين اول مره تخرج لوحدها و حياة معاها
_________________________
عند مهران
كان مرقد شهد على السرير وكان قاعد يداوي ليها الجرح بحزن شديد
حط ايده على ملامحها وماشي ايده على ملامح وشها في حزن وندم جواه: سامحيني انتي اللي خليتيني اعمل فيكي كل ده من الأول خالص انا حبيتك وانتي ما قدرتيش الحب ده ابدأ
شهد بدأت تفوق بوجع شديد في ايدها
مهران شال ايده بسرعه من على وشها
مهران اتصنع الغضب: اي اللي انتي عملتيه ده هااا قولي
شهد بدموع وجع: اه اه
سندت بالعافيه على السرير وراحت قامت قعدت. بغضب وعياط: ل ليه ليه ما سبتنيش اموت ليه دويت الجرح هاا انت مالك كنت سبتي علشان كل دمي يتصفا و اموت بقا لييه ياريت كنت موت ما سبتنيش اموت ليه
مهران بغضب: وانتي فاكره اني هسيبك تموتي كده بالساهل انا لسه لسه هخليكي تتعذبي وتتمنى الموت اكتر من كده
شهد بصت لي بانهيار. قامت من على السرير وراحت مسكته من ياقه التيشرت بتاعه وقالت ل غضب وانهيار: حرااااام عليييك كفاااايه بقااااا كفااايه ما عملتش االيك حااااجه لكل دههه مااا عملتش حاااجه والله العظيم حراام عليككك بقى ااارحمني
اتنهد جامد من قلبه.جواه غضبان من نفسه انه شايفها بالحاله دي واول مره يحس بالندم ده ما كانش قادر انه يغضب عليها او يمد ايده عليها اكتر من كده عشان مش عايز يخسرها
رفع ايده الاتنين وراح مسك ايديها الاتنين بهدوء وراح قعدها على السرير بهدوء تام. قائلا بحنان: اهدي اقعدي
شهد باستغراب كبير منه: انت انت ازاي هادي كده ازاي بقيت حنين عليا كده.. بعياط وعتاب: ولا ولا خايف احسن اني اموت خايف احسن متلقيش حد تعذبه صح؟ مش دي الحقيقة
مهران بعصبيه: بطلي كلامك المتخلف ده بطلي لو انا بجبرك على حاجه فانتيي تستاااهلي تستاااههلي اااكتر من كده
اللي انتي كنتي بتعمليه مش قليل وانا حبيت اصحيلك ضميرك حبيت انتقم منك بكده حبيت اني اكسرلك غرورك ده وجع قلبك وجع قلب اهلك عليكي
بشماته فيها: على فكره اياك تفكري انا زعلان من اللي انا بعمله بالعكس انا مبسوط اوي مبسوط اوي اوي كمان علي الأقل مش باخد حاجه في الحرام زي ابن عمك. ولسه هعمل فيك اكتر من كده عشان ده حقي هو انا اللي جوزك وبحبك غصب عن اي حد وهعمل اللي انا عايز فيكي
شهد بعياط: حرام عليك كل ده علشان كنت بحب احمد وانت لا حرام ربنا ينتقم منك الحب مش بالعافيه انا كنت مخدوعه لو كنت اعرفك ان انا كنت بكلم واحد عمري ما كنت هكلمك اصلا مش عارفه كنت بتكلم معاك اصلا حسبي الله ونعم الوكيل
مهران ضحك بسخرية: الكلام ولا هيقدم ولا هياخر انتي كده كده مراتي ومحبوسه عندي هنا وانا مش هسيبك ولا هرجعك لاهلك ولا هعمل كل اللي في دماغك ده فطلعي كل حاجه من دماغك بقا يا جميل
بغضب وعياط: هموت نفسي والله العظيم هموت نفسي وذنبي في رقبتك ليوم الدين مش هسامحك مش هسامحك على كل اللي انت بتعمله فيااااا دههههه … بقت في حاله انهيار شديده من بقت تصرخ وتعياط بانهيار وتكسر كل حاجه حواليها مش حاسه بنفسها لاي حاجه حواليها
مهران راح ليها بسرعه مسكها وحضنها بقوه عشان يهدي فيها. قائل بحنان: اهدي اهدي عايزه ايه وانا اعمله ليكي خلاص اهدي بلاش اللي انتي بتعمليه ده في نفسك
شهد بايديها الاتنين مسكت دراعات مهران بقت تخربش فيه بقوه وتخربش في ضهره وتضغط بضفرها في جسمه من كتر الانهيار والعصبيه اللي فيها
مهران بالألم: كفايه يا شهد كفايه القرح اللي فيكي ده هتموتي نفسك وهتموتيني معاكي.. بغضب: تعبت من اللي انتي فيه ده بقى تعبت كفايه
زقته بعيد عنها بعنف وعياط:عااااوزه اااروح ل اااهليي حالا
مسح على وشه بغضب.قال بهدوء عكس اللي جواه علشان تهدى: تمام اهدي بقا
شهد بعياط وغضب: لا مش ههدى عاايزه ااروح لاهلي دلوقتي يلا وديني ليهمم دلوقتي
مهران بكذب عليها: تمام احجز التذاكر عشان ننزل القاهره
شهد بصدق وفرحه وبدات تهدى: بجد هنمشي القاهره والله هتخليني اروح عند اهلي
مهران بهدوء عكس اللي: امم ان شاءلله
شهد بفرحه وعياط في.نفس الوقت:والله والله لو كنت بتكذب عليا عليا مش هسامحك المره دي فعلا المره دي هموت نفسي علشان انا خلاص كرهت نفسي وكرهت كل حاجه حواليا مبقتش عاوزه الحياة دي نهائي خلاص
مهران: لا مش بكذب عليكي
شهد مسكت ايدها بوجع وعياط: ااه.بصت لي بعتاب وعياط: ايدي وجعتني بسببك اللي انا عملته في نفسي ده انت السبب فيه والله العظيم ايدي وجعاني وكل جسمي بسبب الجرح ده اهو علشان انا اي اي حاجه دلوقتي بتوجعني من ساعه لما وقعت بسببك
اتنهد بحزن: حقك.. جه يمسك ايدها علشان يقعدها على السرير. تعالي اقعدي على السرير ارتاحي
راحت زقه ايده وراحت قعدت على السرير وقالت لي بعياط: ملكش دعوه بيا انا مش عايزه شفقه منك روح اخرج بره علشان عاوزه انام
راح قاعد قصادها على السرير مسح ليها دموعها وقال بهدوء: انا هقعد معاكي لحد لما تنامي
اتوترت منه رفعت ايديها راحت شالت ايده بعيد عنها بعدت بعيد عنه واتغطت بدموع.: اخرج بره بقولك
مهران اتنهد وقال: ماشي . راح قام من على السرير وجه يطلع بره شاف السكينه على الارض وفيها دم
اخدها من الارض وراح طلع
شهد بدموع: يارب اروح بقا عند اهلي و وماما يا رب والله وحشاني اوي نفسي احضنها اوي اوي والله.. اتنهدت بدموع وراحت حطت دماغها على المخده وغطت وشها وراحت نامت. وهي بتعيط
_________________________
مهران داخل المطبخ بغضب جواه
حدف السكينه في قلب الحوض
مهران بغضب جواه: وبعدين بقاا يااا مهااران في اام ده كلو هتعمل اي دلوقتي اللي على امل دي هتروح لاهلها
اتنهد بشده غضب: اهدي يا مهران علشان ما تطلعش اللي جواك فيها اهدي علشان ما تخسرهاش .. اتنهد بتعب: مش عارف اعمل اي عارف اعمل اي انا مقدرش اعيش من غيرك ولا اقدر ارجعك لاهلك مستحيل مستحيل. خرج من المطبخ دخل الاوضه يغير هدومه بعدها قفل البلكونه والشبابيك كويس وخرج من الشقه وقفل الباب كويس بالمفتاح وامن كل حاجه زي كل مره عشان خايف عليها احسن تأذي نفسها ولا تهرب
_________________________
في منزل هاني
امينه كانت نايمه قامت علي صوت الفون اللي بيرن
امينه بابتسامة تعب: وحشني والله ليه مش بترد عليا كدا؟؟
مهران بابتسامة: انتي اكتر والله يروح قلبي حقك عليا اخبارك ايه طمنيني عليكي و الحمل عامل ايه معاكي دلوقتي
امينه بابتسامة: الحمدلله انا بخير.دامك بخير يا حبيبي. بابتسامة كلها خوف عليهم: الحمدلله والله اهو
مهران بقلق عليها: حاسس من صوتك ان في حاجه طمنيني عليكي انتي كويسة ل يكون في حاجه؟
امينه اتنهدت بدموع: انا كام يوم وهولد لا مش كام يوم كمان في اي لحظة يومين هتم الشهر الثامن في اي لحظة الطلق هيجي ليا وهولد يا مهران انا خايفه اوي والله
عليهم انا نفسي افرح و اشوفهم كدا قدامي اخذهم في حضني كدا
مهران بحزن عليها: يا حبيبتي تقومي بالسلامة يارب باذن الله مفيش حاجه تحصل ولا ليهم ولا ليكي اتفائلي ليه خايفه كدا بس
امينه بدموع وندم: انا عملت ذنوب كتيره اوى فى حياتى والله اخدت من منال هاني خونت ثقه الصداقة اللي ما بينا سرقت منها جوزها بنتها اتربت من غير اب وهي و هاني بقا في كره في قلوبهم لبعض ميتوصفش بعدها نور كرهتها فيه والله.. بعياط وحزن: يمكن ربنا علشان كدا اخذ مني اول بيبي ليا اللي كانت اول فرحه ليا بعد عمر طويل. غير اني بقا عمري ما سجدت سجدة واحده ل ربنا ذكرته علي لساني
مهران افتكر احمد وخيانه الصداقه اللي ما بينهم وانه حط عينه علي شهد واخدها منه بالطريقة دي
وقع الدنيا في بعضها. نفس اللي امينه اخته عملته
اتنهد وقال بحزن شديد: ربنا يسامحنا يا امينه علي كل حاجه متخافيش بلاش توتري نفسك ولا تخافي من حاجه سبيها علي الله يا حبيبتي باذن الله هتقومي منها انتي قداها يروحي والله
امينه بعياط: اوعي تعمل زيي يوم من الأيام يا مهران خليك انت الانضف مني من جواك يا حبيبي خليك احسن من اختك حب كل اللي حواليك بلاش تؤذي حد عشان خاطر نفسك عشان غيرتك ربنا مش بيسامح حد ابدا والله ولا بيسيب حق حد والله العظيم
بحزن وندم جواه: ما حصل وخلاص يا امينه حصل و عملت اسوء حاجه في اللي بحبهم
امينه بدموع: مش هتيجي بقا يا مهران
مهران بتشتت: مش عارف يا امينه مش عارف والله
امينه بحزن: اي اللي مانعك ما تجيش يا مهران
مهران اتنهد وقال:سبيها علي الله
امينه بدموع وحزن: تعال علشان اشوفك يا مهران تعال نفسي اشوفك كدا والله حاول تجي.
مهران بحزن: حاضر يا امينه هشوف كدا
امينه مسحت وقالت دموعها: اي اخبار مراتك لسة ماجش ليكي طفل ولا حاجه
اتنهد وقال مهران: الحمدلله يا امينه. لا والله لسه يا حبيبتي
امينه بابتسامة حزينه: باذن الله ربنا يبعتلكم طفل يملي عليكم الدنيا
مهران بابتسامة بسيطه: يارب يا حبيبتي
امينه: اسمها ايه مراتك صح؟ عاوزه اتعرف عليها و اتكلم معاها
مهران بهدوء: شهد اسمها شهد. هخليكي تتكلمي معاها ان قريبأ انا دلوقتي بره
امينه بابتسامة بسيطه: اسمها جميل ربنا يديمكم لبعض ياحبيبي خد بالك منها كويس و من نفسك بلاش تزعلها
مهران بحزن: ماشي يا حبيبتي بلاش تقلقي عليا و خدي بالك من نفسك انتي متخافيش باذن الله هتقومي منها انتي و الاطفال يا حبيبتي وتبقي احلي ام رهف و ابراهيم باذن الله
امينه بابتسامة حزن: يارب يارب يا مهران و يبعتلك طفل انت و مراتك يارب قريب
مهران ابتسم: امين يا حبيبتي
_________________________
في منزل السيوفي
وليد داخل عند احمد الغرفة
راح قاعد جنبه علي السرير لقاه سرحان. قال
وليد: مالك يا احمد سرحان كدا احنا جبناك معانا علشان تسرح بالطريقه دي وتقعد لوحدك
احمد: عادي لا سرحان ولا اي حاجه.
وليد اتنهد وقال: طب يلا قوم معايا الجامع نروح نصلي
احمد : يعني انت قاعد من الشغل كده النهارده ما رحتش
وليد: عادي قلت اقعد النهارده اريح
احمد: امم
وليد: طب يلا قوم علشان نروح نصلي اخلص قوم
احمد بهدوء: روح انت وانا هبقى اصلي ان شاء الله
وليد بعتاب: ايه اللي مانعك يا ابن عمي انك انت ما تصليش ناقصك ايه علشان ما تصليش انت المفروض تصلي ليل نهار وتشكر ربنا على النعمه اللي انت فيها وانك بتحقق كل حاجه نفسك فيها ما تصليش ليه انت مش خايف تموت في اي لحظه الهجوم اللي حصل عليكم مره واحده ده في الكتيبه ده كان اختبار من ربنا ليك انت كان ممكن تموت شوف بقى كنت هتموت في اللحظه دي اللي انت كنت فيها يعتبر لحظه حرب وانت يعني ما فيش في قلبك ايمان ولا بتصلي ولا اي حاجه اتقي الله وقوم صلي واحمد ربنا على اللي انت فيه كفايه بقى مش كفايه اختك هتبقي انت واختك يا اخي
احمد اتنهد وقال: خلاص يا عم في ايه كل ده هصلي
وليد بحزن: اصل دماغكم دي ما اعرفش فيها ايه يعني دماغكم دي اعوذ بالله منكم الله يهديكم كفايه بقى اللي انتوا فيه ده ا اتقوا الله وصلي عشان ربنا ما يغضبش عليكم اكتر من كده
احمد اتنهد من قلبه وقام: تمام انا هدخل اخد دش وهطلع نمشي نصلي
وليد بابتسامة: ايوه كده عايزك كده على طول تصلي وبلاش تحط اي حاجه في دماغك تبعدك عن ربنا خلي عندك ايمان في قلبك وقرب من ربنا علشان ربنا يرضى عنك
احمد بابتسامة بسيطه: تسلم يا عم. على نصائحك ليا تعيش وتنصحني كده دايما
وليد بابتسامة لي: سلمك الله من كل شر ويعافيك ويبارك فيك ويحفظك ويغفر ليك كل ذنب
احمد: امين
_________________________
في السعودية
نور طلعت من الصيدليه بدموع في عيونها وهي بتبكي بشده وحضنه حياه في حضنها. ورايحه البيت وتبص شمال ويمين وخايفه احسن تتوه ومش عارفه ترجع للطريق.. فضلت ماشيه شويه راجعه البيت من نفس الطريق
كريم في الوقت ده كان لسه بيدور عليها بقلب. مالي خوف عليهم
كأن ماشي في الشارع بص ل قدام شاف نور جايه. في لحظة دي قلبه اطمن جامد. لكن قلبه كأن مالي بالغضب منها انها طلعت من غير اذن منه
نور وهي ماشيه بصت قدامها لقت كريم ارتاحت من قلبها راحت لي بسرعه وهي حامله حياة بدموع
كريم قدم خطوتين قدام ليها مسكها بغضب من دراعها وضغط علي درعها بغضب معمي: كنتي فين يا جميله هاا
نور بخوف منه وجع في درعها: اه دراعي وجعني يا كريم في اي
كريم بغضب: بقولك كنتي فين …اخد منها حياة بغضب. شالها في حضنه لقي كل جسمها سخن جدا
كريم بخوف عليها: يا نهار ابيض حياة مولعه ليه كدا
نور بدموع: لقيتها سخنه كده جيت اوديها الصيدلية اجيب ليها حاجه. بعياط اقوي: بس بس ماجبتش فلوس معايا نسيت والله الدكتوره اللي هي في الصيدلية مردتش تديني علاج مكنتش فاهمه منها من اللهجه بتاعتها
كريم بغضب شديد: انتي غبيه ليه مارنتيش عليا قولتيلي انها سخنه كده كنت جيت انا اوديها ازاي تمشي من غير ما تقولي
نور بحزن من الكلام بتاعه ليها. قالت بعياط: انا نمت غصب عني وانا قاعده معاها لقيتها سخنه كده مشيت علي طول من غير ما احس علي نفسي والله
كريم بعصبيه: انتي طلعتي مش قد المسؤلية ابدأ واحده ملكيش امان أبداً مع حياة. شد دراعها بغضب. اخلصي امشي علي البيت ليا كلام معاكي تاني
نور بوجع وعياط: درعي وجعاني يا كريم سبني طيب
كريم سب درعها بغضب وراح ماشي وهو حمل حياة ماشي بيها. نور مشيت ورا بدموع
نور بدموع وخوف منه: كريم هات حياة اشيلها انا
كريم تجاهل الكلام تمامأ بتاعها فضل ماشي وهي ماشيه جنبه بدموع
_________________________
عند شهد. بدات تقوم من النوم بتعب
شالت من علي وشها المفرش
قعدت على السرير بتعب شديد فيها وجع في ايدها. اتنهد بتعب وحزن
قامت نزلت من علي السرير طلعت هدوم من الدولاب دخلت الحمام تاخد شاور. بعدها طلعت وقفت قدام المراية بدموع.. و في ايدها الفوطه تنشف شعرها طلعت الصالون بصت شمال و يمين دخلت الاوضه ملقتش مهران
راحت قعدت على الكرسي بتاع الصالون بحزن.قالت: متزعليش متعيطيش كمان هتروحي عند اهلك بقا ترجعي ليهم و تعيشوا في سعاده زي الاول. بابتسامة امل وحزن: و هتبقي ل احمد لوحدك انتي وبس هو يفرح لما يشوفك لسه عايشه اكتر واحد. اتحملي شويه كمان وهو هيخليكي تمشي ان شاءلله.. بخوف و دموع: افرض كان بيكذب عليا مش هيخليني امشي.. اتنهدت بدموع: لا لا ان شاءلله هيكون على كلامه يا شهد…مسحت دموعها و قامت بحزن جواها
جت تفتح البلكونه مقفوله جامد مش عارفه تفتح ضغطت بأيدها عليها ايدها وجعتها جامد
شهد بوجع وعياط: ااه مش عاوزه تتفتحي ليه بقا انتي كمان انا زهقت من القاعدة في الاوضه عاوزه اشم شويه هواء…بدأت تحاول تاني تفتحت بأيدها التانيه بعدها فتحت
اتنهدت بابتسامة حزينه. دخلت كان في هواء شديد … اتنهدت بعمق من قلبها سندت ايدها الاتنين على الثور بتاع البلكونه في عيونها دموع و قهرة وجع جواها
اغمضت عيونها اللي ملئيه بالدموع وقائله: ياااااه الواحد حاسس انه كأن في الظلام من سنين وطلع منها بعد عمر طويل ياااه يااااا الله اليوم اللي هرجع فيه ل اهلي هييقي كاني لسه مولوده فعلاً مش مصدقه اني ارجع ليهم و هما يعرفو اني عايشه يارب يارب اروح ليهم بقا يارب
فضلت وقت واقفه سنده علي الثور بتاع البلكونه و الهواء يطير في حجابها انكمشت في نفسها وجسمها بردان
_________________________
في منزل كريم …كان هو و نور جم البيت
ساره اخذت حياة منه براحه في قلبها عليها هي و نور
ساره بدموع: ياحياتي كنتي فين انتي سخنه كده ليه وشك احمر زي الدم
كريم بغضب: الست جميله كانت وخدها قال تجيب ليها علاج. دا بدل ما ترن عليا راحت ل واحدها
نور بدموع وحزن: انا انا والله كنت قلقانه خالص عليها كنت خايفه عليها كمان لما قومت كنت قايمه مخضوضه جدا لقيتها بتعيط مكنتش حاسه بحاجه غير اني اخذتها علي الصيدلية روحت هنا الدكتوره قالتلي كلام مش فاهمه منها حاجه مكنش معايا فلوس مكنتش عاوزه تديني جيت جايه قولت اجي ارن عليك انت او سارة
سارة بهدوء: كنتي رني الأول يا جميله
نور بعياط: اعمل اي بقا انا كنت قايمه من النوم معرفش مالي والله كنت في حلم كان هيخلص عليا كدا مش عارفه اي ده استغفر الله العظيم يارب الواحد مخنوق قومت لقيت حياة بالحاله دي والله
كريم اتنهد وقال بعصبيه: بعد كدا بلاش تتصرفي من دماغك وانا سبت معاكى حياة امانه ازاي تنامي وتسبيها كده هاا افرض لحظة دي لا قدر الله اتكهربت اي حاجه يبقي ده من اهمالك يا جميله
نور بعياط وحزن شديد: انا اسفة والله العظيم الواحد غصب عنه النوم بيغلبه وانا لما ببقي تعبانه او زعلانه بنام غصب عني انتوا عارفين كده كويس. وبعدين حياة دي بنتي وروحي وحياتي وكل حاجه مستحيل اسيبها تتأذي والله
كريم بغضب: حياة مش بنتك تمام ياريت تبقي تاخدي بالك من نفسك انتي بعد كدا و سيبك من حياة اعرفي اهتمي في نفسك بعد كده اهتمي في غيرك
سارة بحزن: بس يا كريم خلاص جميله كده تزعل
نور جواها بقت مصدومه من الكلام عايشه معاه سنتين عمرها ماشفت منه حاجه وحشه او حتي قالها حاجه تزعلها مفيش غير انهارده
اتنهدت وقالت بدموع جواها: هي بنته برضو كان قلقان عليها حقه والله بس انا بحبها هي فعلاً بقت حياتي
كانت بتحاول تمسك دموعها قالت بحزن مالي قلبها: انا آسفه انت معاك حق في كل حاجه حقك تعمل اكتر من كدا.. بدموع غصب عنها: سامحني اول مره و اخر مره بس انا بحب حياة اوى برضو مكنتش قصدي انام و اسيبها او كان قصدي اخذها في الجو ده بره والله من خوفي عليها…قربت من ساره مدت ايدها اخذت حياة هي.. بدموع: يلا نروح ناخذها عند الدكتور نكشف عليها
اخذها منها بغضب: حيااة شيلي نفسك من المسؤليه بتاعتها خالص تمام ملكيش دعوه بيها اهتمي بنفسك وبس انتي
نور بعياط شديد: بس هي بنتي برضو وهي حياتي كلها والله العظيم انا بحبها انا اسفة
كريم بغضب وصوت عالي: لا مش بنتكككك تماااام
سارة بحزن عليها: خلاص يا كريم بس هي غصب عنها
كريم بعدم اهتمام ل الكلام: بعد كدا لو خرجتي من غير اذن مني هيبقي في كلام تاني معاكي برضو
نور بعياط: حاضر
كريم ل ساره: ساره انا رايح بيها عند الدكتور سلام.. دار ضهره راح ماشي
نور بعياط وحزن: طيب هجي معاك طيب
كريم ماشي من غير ما يرد عليها
ساره بحزن: متزعليش يا جميلة حقك عليا انا هو مش قصده حاجه
نور بانهيار جواها: ا ا انا م مش قصدي يحصل حاجه حاجه ليها و والله يا ساره
ساره راحت حضنتها بحزن: بس يا حبيبتي متعيطيش بس انا عارفه ان غصب عنك كفايه عياط
نور بعياط وشهقات: ا انا بحبها ا اوى والله والله وانا مش عاوزه اشوفها فيها حاجه وحشه والله ابدأ
ساره: عارفه والله ياروحي كفايه عياط كريم مكنش قصدي يزعق هو كان قلقان جامد والله عليكم متزعليش
نور طلعت من حضنها راحت دخلت الاوضه بتاعتها بتعب. شالت النقاب من عليها و الخمار وخلعت الدريس وهي بتعيط بشده راحت قعدت على السرير وهي بتعيط
ساره جت قعدت جنبها
ساره بحزن: جميلة كفايه عياط هتتعبي كدا ليه كل العياط ده عارفة ان كلام كريم قاسي عليكي بس متزعليش منه يا حبيبتي بالله عليكي
نور فضلت ساكته كانت بتعيط بس و تعبانه جامد و الصداع فيها
ساره مدت ايدها مسحت دموعها كفايه كفايه عياط قومي البسي الهدوم علشان الجو برد عليكي جسمك بقا زي التلج من البرد قومي
نور بنعس وعياط: انا عاوزه انام اخرجي بره يا سارة
سارة: لا مش هسيبك تنامي وانتي بالحاله دي متنميش وانتي بتعيطي قومي البسي ترنج ولا حاجه الجو برد تاخدي برد كده جسمك هيوجعك
نور اتغضت بنعس شديد وعياط وتعب: انا هنام مش عاوزه اعمل حاجه بس
سارة بغضب: جميلة كل لما تعيطي ولا تتعبي تنامي انتي اي المشكلة معاكي في النوم ده قومي البسي الجو مش حلو عليكي وانتي كدا و غسلي وشك وصلي ركعتين طلعي الاكتئاب اللي بيموتك اللي مسيطر عليكي ده جواكي
قومي كريم هيجي يصالحك مش من طبعه هو يغضب علي حد بس غصب عنه قومي علشان مش هينفع يدخل ليكي وانتي كدا يلا قومي يا حبيبتي
نور كانت سامعه الكلام دماغها كانت بتروح في النوم الصداع مسيطرة عليها جامد مش قادره تقوم. كانت مغطيه كلها وشها
سارة رفضت من عليها الغطاء من علي وشها لقتها نامت. هزت فيها علشان تقوم كانت في نوم عميق
سارة باستغراب وحزن عليها: يا جميلة انتي ازاي تتهربي بالنوم كده انتي بتموتي نفسك بالبطئ بالطريقة دي.. اتنهدت راحت قامت قفلت ليها الشباك و الستارة علشان تنام
بعدها طلعت وقفلت الباب
دخلت الاوضه بتاعتها تغير الهدوم بتاعتها و تعمل اكل ليهم
_________________________
احمد كأن في الجامع هو هو وليد في صلاة العصر
احمد بضيق شديد جواه: انا تايه اوي يارب انا مش عارف اي سبب الضيق اللي جوايا ده مش عارف لحد امتي احمد هيفضل في اللغبطه دي جوايا نار نار كده مش ارتاح غير لما اطفيها فيك يا مهران وحطك في السجن.. بحزن شديد وندم: عمره الحرام ما بيدوم أبداً ربنا عمره ما كان راضي عني فعلاً كل اللي انا فيه عقاب فعلاً. بسخرية: اميرة و نور كان معاهم حق عمرها العلاقه المحرمه ما تدوم نهائي كنت بتكلم معاها كان في تلامس في السر الست شهد مكنش في حاجه من الكبائر ما بينا اه الحمدلله انها انتهت من هنا لكن ده اسمه حرام برضو
اتنهد بعقل مالي تشتت وحزن مالي قلبه: احمد ربنا ان ربنا حقق ليك كل حاجه نفسك فيها يا احمد كأن ممكن عادي تسقط كان ممكن تفضل عايشه الست شهد يحصل حاجه اكبر من الكلام و التلامس اللي كأن ما بينكم مفيش حاجه بعيدة عن ربنا والله يامه بيدي فرص كتير الإنسان و الإنسان مش بيحس غير لما يقع بقا. اتنهد بضيق وحزن مالي قلبه. كفايه يا احمد تفكير كفايه احمد ربنا علي راي وليد
الشيخ بدأ يقيم الصلاة بعدها قام هو و وليد و الكل اللي في الجامع علشان الصلاة
يتبع