الفصل الثاني والثلاثون 32
بقلم نور ربيع
ليلي دخلت الشارع بدموع و حزن من نفسها انها مقدرتش تعمل حاجه علشان خاطر نور
مسحت دموعها بصت قدامها وهي ماشيه.. اتصدمت من النار اللي طالعه من بيت خالد
ليلي بصدمه و دموع: نار نار طالعه من بيت خالد البنت جوه هو اكيد مش موجود ... طلعت تجري بسرعه بدموع بقت تخبط جامد علي الباب
ليلي بدموع وصوت عالي: سحرررر سحررررر افتحييي يااا سحرر
النااس بدأت تتلم و تكسر الباب صوت البنت كان عالي و بتعيط
_________________________
في منزل السيوفي
سميره فتحت بخضه وغضب
سميره بغضب: اي في ايه يا احمد الله اي القلق ده.. بصت بصدمه علي اللي احمد مسكها من شعرها و بتصرخ
احمد داخل بغضب جوه البيت بــ يشدها بعنف.. راح حدفها في الأرض
اميره بصدمه: مين دي يا احمد
شهد نزلت بصدمه وغضب: اخيرا جيتيلي دا انا مش هرحمك وهاخد حقي بايدي
امال بصدمه: مين دي احمد وليه عامل فيها كده حرام عليك
شهد نزلت من ع السلالم جريت عليها وبقت تضرب فيها بعنف وتشدها من شعرها جامد
احمد بشماته: اديها على دماغها ودماغ اهلها
سميره بصدمه من اللى بيحصل: رد علينا مين دي ليه بتضرب فيها كده
احمد ببرود: دي هي اللي وصلت رجل شهد لحد مهران و هي دلوقتي بتاخد حقها منها
امال بصدمه وغضب: بقا هي بنت. وسكتت بغضب.. راحت نزلت فيها ضربه هي كمان ونزلو فيها ضرب جامد
اميره بصدمه من اللي بيحصل: كفايه انتي وهي سيبوها ربنا يعاقبها علي كل حاجه
سميره بغضب: تستاهل ما تقوليش كفايه خليهم يعلموها الادب
احمدضحك بشماته فيها
شهد و امال كانو بيضربو فيها جامد وهي مش عارفه تدافع عن نفسها منهم صوت الصرخه بتاعتها ماليه البيت
اميره جت تقرب منهم علشان تحوش عنها احمد وقف قصادها بغضب
احمد ببرود عكس اللي جواه: بلاش تتدخلي انتي سيبوهم يعلموها الادب خليها تجيب حقها منها
اميره بغضب: كده حرام اللي بيحصل
احمد بلا مبالاه: حرمت عليها عيشتها خليها تاخد على دماغها يا ميرو
شهد بقت تشد ف شعرها جامد و وتضرب فيها بعنف.. بقت تفتكر كل حاجه حصلت من مهران معاها وكانها قدامها دلوقتي وبقت تعيط بشده وهي بتضرب فيها وتخبط فيها جامد
شهد بعياط وصرخه: اااه انتي تسلميني ل مهران عملت فيكيييي اااي
لمياء بصرخه وعياط وجع: تستاهلي اوعي انتي وهي كدا سيبوني بقى
امال بغضب معمي منها: تستاهل دا انا هوريكي مين اللي تستاهل دلوقتي
سبتها وقامت شدت شهد
امال بغضب وتوعد: سبيها كده بقا عليا انا انتي كفايه عليكي كدا بقا
شهد بعياط وغل جواها ليها: دا انا هشرب من دمها يا ماما سبيني اقتلها
سميره مسكت شهد وقالت بغل ليها: طلعي وجع قلبك اللي انتي عيشتي فيهم في السنتين و الحسرة علي بنتك فيها
اميره بغضب منها: سميره بس بدل ما تقوليلها كلمه عدلة تقوليلها كدا تولعي الدنيا اكتر
احمد بضحك: ايوه كدا حطي بانزين علي نار انتي.. راح قاعد بقا يتفرج بشماته جواه في مهران و فيها
لمياء جت تقوم وهي بتصرخ وتعيط.. راحت امال مسكتها بقت تضرب فيا بعنف وهي تصرخ معرفتش تدافع عن نفسها من شده الضرب
شهد بدموع وشماته: تستاهلي تستاهلي اكتر من كدا راحت بغضب معمي جواها. ضربتها في بطنها جامد بــ رجلها
لمياء بصرخه وجع: ااااااااه
_________________________
في الوقت ده وليد رجع من الشغل جواه ضيق شديد وتفكير في عقله
سمع صوت عالي من البيت قلق جامد. نزل بسرعه من العربية وداخل
وليد بصدمه: اااي فييي اااي اللي بيحصل دهه هنااا
احمد بص لي بسخرية: تعال اتفرج معايا علي فلم الاكشن ده جامد
اميره بغضب منه: بس بقا اللي انت بتعمله ده انت في اي بالظبط
راحت بسرعة علي امال.. شدتها من درعها بغضب: كفايه بقي كفايه
شهد راحت عليها بقت تضربها تاني بغضب معمي منها
وليد راح بسرعه وغضب حشهم عنها.
شد بعنف من علي الارض لمياء
وليد بغضب وصدمه منهم: اي اللي انتوا بتعملو ده في اي مالكم
لمياء شدت درعها و جريت بسرعه علي بره بعياط و رعب جواها منهم
شهد جت تمشي بسرعه علشان تمسكها
وليد بزعيق: شهههد غوريي اطلعي علي اوضك كفايه لحد كدا
شهد بتوتر و دموع: بس اللي حصل ليا ده بسببها عاوزه اخد حقي منها
وليد بغضب: قولت غورييي
شهد بغيظ منه: طيب.. راحت على الاوضه بغضب جواها منها
وليد بغضب ليهم: و انتوا الأربعة فرحانين بــ اللي بيحصل و صوتكم ل اخر الدنيا
احمد ببرود: ما تجمعش يا غالي انا من ساعه لما دخلت البيت ولا قولت كلمه واحده
سميره بغيظ منه: ياا سلام
امال بغضب: لو مكنتش جيت في لحظه دي كنا موتناها وخلصنا منها
اميره بغضب وتعب منهم: كفايه بقي كفايه دا كله عند ربنا والله بدل كل ده قولو لها الله يهديكي مش تعملي كدا فيها حرام
امال بحزن وغضب: لا مش حرام تستاهل اكتر من كدا بنتي اللي كانت بتموت بسببها وهي مبين ايد مهران دي ليه مكنش بيقولوا حرام كدا
________________________
في المستشفى
كان واقف مستني حد يطلع يطمئن عليها قلبه مالي بالخوف عليها
ليلي بصت لي بغضب و دموع: ما انت لو كنت بــ تهتم فيها مكنش حصل كل ده ليها و البيت ولع بالطريقة دي حسبي الله ونعم الوكيل فيك لو حصل ليها حاجه ذنبها في رقبتك ل يوم الدين
خالد بتشتت وغضب وخوف: بقولك اسكتي هي مش ناقصكي انتي كمان سبيني بــ اللي انا فيه
ليلي بعياط وغضب: اللي انت فيه ده بسببك انت واحد ميعرفش طريق ربنا أبداً عايز اي بقا عايز عقله يبقي سليم لا مستحيل
تجاهل تمامأ الكلام بتاعها وهو قلبه واقف من الخوف عليها و الحزن و خايفه تروح فيها بسبب الحريق
قطع السرحان اللي فيه خروج الدكتور من الغرفة. راح لي بسرعه بلهفه
خالد بخوف شديد: دكتور طمني سحر كويس يا دكتور طمني بالله عليك قولي انها كويس
ليلي بعياط وخوف عليها: دكتور سحر كويس صح مش حصل ليها حاجه
الدكتور بحزن: للاسف الطفله سحر اتوفت بسبب الحروق اللي فيها من النار البقاء لله
خالد بصدمه وحزن: انت بتقول ماتت ازاي
ليلي بعياط شديد: ياربي لا حول ولا قوة الا بالله .. بصت لي بغضب و انهيار: ياريتك انت اللي كنت موت يا اخي ياريتك ولا ليك لازمه ماانت لو كنت بتاخد بالك منها مكنش حصل ليها كده ليل نهار في الشارع صايع من هنا ل هنا مفيش غير في الفتنه في النااس في بعضها منك لله يا شيخ.. درات ضهرها وهي بتعيط بانهيار وحزن عليها
من هنا حس ان الدنيا بقت سواد في عيونه مبقاش شايف اي حاجه قدامه
دمعه نزلت من عيونه عليها من شده الحزن.. كلمه ليلي بتتردد معاه بحزن كبير جواه مش حاسس بحاجه قدامه
ليلي بانهيار: ما انت لو كنت بتاخد بالك منها مكنش حصل ليها ده
دخل الغرفه عندها بص عليها وهي نايمه علي السرير و كل النار اكلت جسمها و شها
خالد بضعف و دموع: سحر.. قرب من السرير راح حضنها جامد بانهيار جواه عليها.: سامحيني يا سحر سامحيني ياريت كنت اااناا اللي موت يااااريت
_________________________
في يوم جديد. في الصبح
في السعودية في منزل كريم
سارة بزهق: اخلصي يا حياة بقا عندي امتحانات الله
نور بغيظ: براحه عليها شويه ي بت
سارة بضحكه بسيطه: مخنوقه من الامتحانات والله زهقت منها بقا
نور بزعل: يروحي معلش ان شاءلله بعد تعبك ده كله تبقي احلي دكتوره باذن الله باقي سنتين خلاص هانت اهي و السنه الثلاثة التخرج
سارة بتنهيد: باذن الله
كريم طلع من الاوضه قال
بابتسامة: بعدها تتجوزي و نخلص منك بقا
نور و و سارة ضحكو
سارة بضحكه: عالم جاحده والله
نور بضحكه: عاوزينك تتخرجي وتتجوزي ي بت يبقى كدا احنا عالم جاحده
سارة بضحكه مرح: يوه بقا بلاش تكسفي فيا الله
كريم ضحك: وش كسوف انتي يا بت
ساره بضحك: اه وش كسوف والله
نور ضحكت
كريم ضحك: طيب يلا انتي وهي بقا علشان مش عايز اتاخر اكتر من كده
نور لبست الكوتشي ل حياه ونزلتها من على السرير وبعدها طلعوا مشيو
_________________________
بره.. كان راكبين في العربيه نور واقفه تدي بوسات في الهوا ل حياه وهي بتضحك
نور بابتسامة: سلام يا حياتي
كريم بص ليها بابتسامة: سلام يا جميلتي
نور بابتسامة خجل منه: سلام
بعدها مشو. نور دخلت وقفلت الباب
نور قعدت في الصالون. بعتت رساله ل ميار بابتسامة... صباح الخير ياقلبي لما تخرجي من الامتحانات ابقى طمنيني عليكي
_________________________
في منزل السيوفي
الكل كان موجود على السفره
محمد: امتي هتروح على الكتيبه يا احمد
احمد: انهارده باذن الله بالليل
شهد بحزن: لا ما تمشيش
عبدالله بص ليها بغضب
شهد بصت لي بتوتر وخوف
امال بغضب: انتي بجحه اوي انتي مالك يمشي ولا ما يمشيش خليكي في نفسك
احمد ما كانش مهتم لاي حاجه بعدها قام: الحمدلله.. و راح يغسل ايده
وليد بغضب منها: يا ريت تاخدي بالك كويس من كلامك وتاخدي بالك كويس من تصرفاتك ولازم تعرفي انك انتي دلوقتي على ذمه واحد ثاني ما بينكم طفل كمان فحاسبي على تصرفاتك
محمد بهدوء: بصي يا شهد طلعي احمد من دماغك خالص علشان ولا انتي ولا احمد لبعض زي ما انتي شايفه طبع احمد عامل ازاي وقلبه القاسي اللي مش بيرحم حد.. اتنهد وقال: وبعدين انت لسه على ذمه مهران ما تنساش كده
عبدالله بزعيق: احمد مش بيحبك يا شهد يا ريت تطلعي كل ده من دماغك بقى عشان هو لو بيحبك ما كانش عمل كل ده من الاول كان خاف عليكي من نفسه وما كانش يتكلم معاكي ف السر كان حافظ عليكي لكن ده مش حب ابدا دا مجرد اعجاب في سن المراهقه مش اكتر
اميره بهدوء: اهدو بس كده اتكلمو معاها بالراحه. وهي تقتنع بالكلام ان شاء الله
شهد قامت بدموع وحزن جواها
سميره بتنهيد: ليه ما تتكلموش معاها بالراحه اتكلمو معاها بالراحه وتفهموها بلاش الاسلوب ده علشان ما تتعبش وتحس انكم جايين عليها
وليد بزهق: دي الدماغ ما بتفهمش ابدا ما اعرفش في ايه في دماغتهم كل واحد في البيت ده كل واحد عايز يعمل اللي على مزاجه الله يهديهم
_______________________
شهد دخلت قعدت على السرير بدموع وحزن
شهد بدموع: ايوه يعني اعمل ايه انا ما انا بحبه طيب اعمل ايه مهما قاسي عليا ومهما زعلني ومهما جه عليا برضو بحبه اعمل ايه بس يا رب والله العظيم انا تعبانه اوي ياربي قلبي مش في ايدي يارب استغفر الله العظيم تفكيري فيه ده حرام يارب لا تعلق قلبي بما ليس هو لي... بدأت تعيط اقوي بخنقه جواها
امال دخلت قعدت جنبها بهدوء بصت ليها بحزن منها
شهد بصت ليها بعياط: في اي يا ماما
امال بحزن: انا اللي في اي برضو
شهد بعياط وحزن: مش بأيدي طيب انا اعمل ايه
امال بتنهيد: لا بأيدك والله هو دلوقتي سئل عليكي ولا مهتم ليكي لو بيحبك وعايزك كنتي تشوفي جواه حب كنتي تشوفي اي حاجه منه لكن من ساعه ما عرف الحقيقه اصلا وهو مش مهتم ليكي أساسأ احمد دي جواه شخص ميت انسان قاسي ولا بيحب ولا عايز حد يحبه ولا عايز اي حد يدخل قلبه كده الفتره اللي انتي كنتو بتتكلمو مع بعضكم فيها دي كان سن المراهقه مجرد اعجاب فيكي زي ما ابوكي قالك
شهد فكرت ل ثواني وهي دموعها بتنزل منها و جواها حزن
شهد بحزن جواها: صح ما هو عرف الحقيقه وسمع كل حاجه بنفسه والاعترافات وكل حاجه مني ومن ده ومن ده ما اهتمش ليا فعلا ولا اي حاجه ولا جبر بخاطري بكلمه واحده حتى ليه بقا اتعلق فيه اكتر من كدا
امال حطت ايدها على ايدها قالتلها بحزن: بلاش تتعبي نفسك انسى كل حاجه وانسي الحب ده بقى طلعي كل حاجه واهتمي في نفسك وانسي اللي فات وابداي صفحه جديده مع نفسك يا شهد.. قامت طلعت بره بحزن عليها
شهد بقت قاعده دموعها تنزل منها بحزن شديد وقهرة جواها
_________________________
في غرفة احمد
اميره دخلت عنده
اميره بهدوء: احمد انت بتحب شهد او لا انت مش كنت عايزها من زمان ليك؟
احمد بسخرية: دا كان زمان بقا مش دلوقتي
اميره: طيب ماهي قدامك اهي وهي بتحبك وانا متاكده من الكلام اللي انا بقوله انك انت كمان بتحبها ليه بقى ما تديش نفسك فرصه وتتقدم ليها وتتجوزو بعد ما تطلق من مهران
احمد بحزن: دا مستحيل.. بص ليها بــ قسوة الكلام: وبعدين مين دي اللي انا هتجوزها هتجوز واحده كانت متجوزه و ودلوقتي حامل وانا اتجوزها هعمل بها ايه اصلا
اميره بتنهيد: اللي بيحب مش بيبص لكل ده.. بعتاب: وبعدين ما انت كنت بتكلمها في السر من ورانا وكنت عايز تعمل المستحيل وتتجنن عليها وكنت بتكلمها عشان خايف حد ثاني ياخدها منك ايه اللي حصل دلوقتي اشمعنا
احمد بغضب: اديكي قلتيها بنفسك كنت بتكلم معاها في السر.. بسخرية: وانتو قلته اللي بيحب حد بجد مش بيكلمه او بياذيه باي حاجه وبيحافظ عليها انا بقى ما كنتش بحافظ عليها انا كنت بتسلى بس معاها مش اكتر
اميره بحزن: اد اي انا مش مصدقاك ده انت بتعاقب نفسك وبتعاقبها علشان هي اتبعت كلامي من زمان وقالتي مش هتكلم معاه عشان ربنا وهفضل متحمله لحد ما يخلص تعليم حرام عليك بقى ما تبقاش قاسي عليها كده وعلى نفسك ا
احمد دار ضهره بحزن جواه جاب الشنطة بدأ يطلع في الهدوم ويحطها في الشنطه. .و جواه حزن الدنيا في قلبه. . وقائل رغم الحزن اللي جواه بــ قسوه: عمهر احمد ما هيتنازل عن حاجه حطها في دماغه هي اللي من زمان رفضت كل ده وهي اللي رفضت حبي يبقى تتحمل بقا... بحزن وكذب: وانا مش بحبها مجرد تسليه بس معاها(عشان نبقي متفقين مش البنات بس ال هتتحاسب علي علاقه محرمه الولد ال لعب بيكي وخدك تسليه ومعملش حساب ل ربنا والله هيتحاسب في نهايه كل علاقه محرمه لا يوجد لأحد حق عند الاخر الاتنين غلطانين والاتنين هيتحاسبوا أشد الحساب الا من تاب عن الذنب ده وساب العلاقه دي )
اميره بعدم صدق وحزن: كلامك مش داخل دماغي بطل بقا قسوة
احمد رفع راسه بص ليها بعدم اهتمام ل اللي جواه.. بحزن: عادي بكره تروح من جوايا. هي راحت من زمان اصلا
_________________________
في بيت ليلي
ليلي كانت قاعده علي السرير في عيونها دموع وحزن مالي قلبها
والدتها دخلت قعدت جنبها بحزن
والدتها بحزن: ليلي انتي مفيش حاجه عاوزه تخرجك من الاكتئاب اللي انتي فيه ده أبداً
ليلي بدموع وخنقه: انا تعبانه اوي ماما مفيش حاجه حلوه خالص في حياتي مفيش حاجه عاوزه فعلا تفرح قلبي نهائي مفيش حاجه عاوزه تبقي حلوه معايا مش عارفه والله ليه كدا
والدتها حضنتها بحزن شديد عليها: ليه كدا يا ليلي الحزن ده كله ليه بتعملي في نفسك كل ده ليه بس مفيش حاجه في الدنيا دي تستاهل والله يا بنتي
ليلي حضنتها جامد بعياط وحزن: عمرها الحياة ما جت مره كد ما فرحت قلبي لو مره ابدا طول الوقت كل حاجه عكسها معايا والله كل حاجه وحشه في وشي والله العظيم
والدتها بدموع وحزن: لعله خير ان شاءلله دا كله اختبارات من ربنا والله يا بنتي بلاش تيأسي بكره الدنيا تبقي احلي معاكي وربنا يعوضك عن كل الحزن بقا والله متزعليش نفسك أبداً مفيش حاجه تستاهل والله
ليلي بدموع وحزن: عمرها الحاجه اللي بحبها ما بدوم معايا أبداً دائما اللي بحبهم بخسرهم ل يضحك عليا ل يختفي من حياتي معرفش ليه كدا
والدتها طلعتها من حضنها مسحت دموعها بحزن عليها
والدتها بحنان: والله يا ليلي كل ده خير محدش عارف الخير فين متزعليش يا بنتي دا امر ربنا عاوز كدا
ليلي اتنهدت جامد بحزن مالي قلبها و دموع مليئة عيونها قالت بــ قهرة
ليلي بدموع وحزن: وبعدين بقي الحياة هتفضل لحد امتي بقي معايا كدا امتي الفرحه تدخل قلبي
والدتها بطمانيه فيها: ان شاءلله كل خير جي قريبأ سبيها علي الله بلاش تزعلي نفسك ولا تحزني ولا تيأسي لعله خير باذن الله
ليلي بدموع وقهرة: يارب يارب ان شاءلله علشان خلاص جبت اخر ما عندي والله ( ڪل حاجة بتعدي حتي لو باين قدامك دلوقتي إنها معقده ومبتعديش بس هي في الحقيقة هتعدي عدي عليك الأوحش لو تفتڪر وانت ڪملت وموجود دلوقتي ممڪن يعدي عليك حاجات أصعب ڪمان بس انت ڪتافك هتقدر تتحمل عشان ربنا دايما بيديك علي قد ما تقدر تشيل لڪن انت اللي متعرفش قيمة قدرتك وحملك وقوتك وصدقني هتعدي وهتڪمل وممڪن يعدي بعدها الأحلي اللي مڪنش ييجي في بالك إنه يحصل بس انت بطل وتستحق الأحلى ♡. )
_________________________
عند مهران في السجن
مهران قاعد بــ ضيق شديد جواه و حاسس بالخنقه من كل حاجه حواليه
مهران بــ ضيق جواه: وبعدين هفضل لحد امتي كده هنا. ياربي الحبس ده مش سهل والله ابدأ.. اتنهد جامد بــ شده ضيق وخنقه قائلا بخنقه
مهران بــ ضيق: لازم اتكلم مع هاني علشان نعرف نفكر ازاي اطلع من هنا
بحزن وغضب: وحيات الحبسه دي يا شهد ما ه.. وسكت بزهق جواه.. قائلا.. بخنقه: لا بلاش توعد ليها كفايه لحد كدا انا وعد منى ليها اني ل اخرج من هنا قريب و اخدك ليا و المره دى بــ مزاجك انتي بس هيبقي غصب عن اي حد يقف في وشي
_________________________
في منزل هاني
امينه قامت من علي السرير بتعب مسكت الفون بتوتر بدأت ترن ع اميرة
مكنتش بترد عليها فضلت ترن كتير لحد لما ردت عليها
امينه بتوتر: السلام عليكم ورحمة الله وبركاته
اميرة: عليكم السلام ورحمة الله وبركاته؛ بزعيق: انا مش قولتلك مترنيش تاني
امينه بسرعه: اميرة انا رنيت علشان كنت عاوزه اطمن على شهد و على اللى فى بطنها
اميرة بغضب: شهد كويسه هي و اللي في بطنها طول ماهي بعيد عن شر اخوكي ولا محتاجه اللي يسأل منكم كفايه بقي لحد كدا اللي حصل فيها من اخوكي
امينه بحزن: اميرة والله مهران بيحبها علشان كدا عمل كل ده صدقيني
اميرة بسخرية: اللي بيحب مش بيأذي والله
امينه بحزن شديد: معاكي حق وهو غلطان والله في كل حاجه من الاول حقكم عليا انا والله
اميرة بتنهيد: عاوزه اي يا امينه رانه ليه عايزة اعرف
امينه بدموع: عاوزه اتكلم معاكي
امينه ببرود: وانا مش عاوزه اتكلم معاكي
امينه بدموع وحزن: عارفة ان اللي انا عملته زمان غلط كبير والله بس الإنسان غصب عنه بيغلط علشان خاطر اللي بيحبه يعمل اي حاجه
اميرة بغضب وحزن: انتي و اخوكي في دمكم الخيانه و الغدر زيك زيه بالظبط انتي دمرتي حياة اختي و بنتها و اخوكي دمر حياة ابني و ابنتي
امينه بدموع: كل انسان بيغلط و يرجع يعرف غلطه والله و لي فرصة تانيه كل واحد يستحق فرصة تانيه ربنا بيغفر الذنب والله يا اميرة انتوا بقا مش تدوا فرصة تانيه
اميرة بحزن: ربنا الغفور لكن احنا البشر
امينه مسحت دموعها بتنهيد وتعب
امينه بحزن: لما نور ترجع هتخليكي غصب عنك تسامحيني والله ان شاءلله
ممكن بقا تديني رقم شهد علشان اتكلم معاها
اميرة اتنهدت بحزن شديد جواها.: تمام لما اقولها الأول بعد كدا اديها رقمك. سلام
امينه بحزن: تمام سلام عليكم.. وقفلت
حطت الفون بدموع وحزن
قعدت على السرير تعيط بحزن شديد
البنوته بدأت تصيح وتعيط بصت ليها بابتسامة و دموع.. راحت شالتها
امينه وهي تهز فيها بدموع: يروحي انتي صحيتي هشش ليه العياط ده كلو بسم الله. هش
البنوته حطت ايدها في بقها
امينه مسحت دموعها وضحكت بابتسامة: انتي جعانه يروح قلبي
_________________________
اميرة دخلت ل شهد الاوضه قعدت جنبها على السرير
اميرة بتنهيد: شهد امينه عاوزة تتكلم معاكي عاوزه رقمك
شهد بحزن: طيب يا مرات عمي اديها ليها
اميرة: لا انا هديكي رقمها انتي
شهد: تمام
اميرة بحزن: زعلانه ليه يا شهد بلاش تزعلي نفسك بالطريقة دي علشان اللي في بطنك
شهد بدموع: احمد هو اللي مزعلني يا مرات عمي
اميرة اتنهدت بحزن شديد: بصي يا شهد هقولك حاجه اللي عايزك هو اللي يستاهل قلبك بس
شهد مسحت دموعها باستغراب: مش فاهمه قصدك ايه يا مرات عمي
اميره: بعدين يا شهد هتعرفي كل حاجه وتفهمي المهم خدي الرقم اتكلمي معاها شوفيها عاوزه اي
شهد بحزن: حاضر يا مرات
اميره بحزن عليها: بلاش تزعلي نفسك يا شهد بقا ع حاجه مفيش حاجه تستاهل انك تزعلي
شهد حضنتها بدموع وحزن
اميرة حضنتها ليها بحنان
________________________
في المساء
في منزل كريم
نور كانت بترن ع ميار
نور بابتسامة: طمنيني عليكي و على الامتحانات عامله ايه
ميار: الحمدلله
نور باستغراب: مالك انتي زعلانه
ميار بزهق: لا عادي
نور: والله شكلك زعلانه او زهقانه مالك
ميار بعصبيه: بلاش تسألي انتي مالك اصلا
نور زعلت جامد من جواها منها قالت
نور بحزن: طيب عاوزه حاجه هقفل علشان هروح انايم حياة
ميار بلا مبالاه: سلام.. وقفلت
ميار بعصبيه وغل: هي ناقصاكي انتي كمان ولا ناقصه صداع كفايه عليا المذكرة و الزفت
_________________________
نور قفلت الفون حطيته جنبها في بدموع محبوسه وحزن منها
كريم طلع من الاوضه قاعد جنبها
كريم باستغراب: مالك يا جميلتي
نور بحزن: مليش
كريم: لا فيكي حاجه والله ملامحك ظاهر عليها انك زعلانه
نور بدموع وبراءه: علشان ميار زعلتني
كريم ضحك: علشان ميار زعلتك علشان كدا بس
نور بدموع وحزن: اه عارف انا جوايا مش بحب لما اتعود علي حد و حبه وتعلق فيه يزعلني او يسبني علشان جوايا بتعب مش عارفه ليه
كريم بص ليها بحزن وقال: علشان كدا بقولك بلاش تتعلقي في حد علشان بعد كدا انتي هتتعبي والله
نور قالت جواها بحزن شديد: انا داخله علي سنتين ونص طول السنتين دول مش اتعملت مع العالم نهائي غير كريم و سارة وبس مش متعوده ع الصدمات و التعب و الحزن منهم خايفه لما اخرج بره اتعمل مع النااس زي ميار كده دلوقتي اتصدم فيهم واتخذل وتعب شكلها كدا اللي جي صعب لسه
كريم بحزن عليها: جميله سرحانه في اي اتكلمي معايا بلاش تكلمي نفسك و تتعبي في روحك
نور بصت لي بنتبه: بفكر في اللي جي خايفه اتصدم
كريم بتنهيد: انا مش قولتلك انا معاكي مفيش حاجه تقدر تقرب منك طول مانا معاكي
نور هزت راسها بحزن وتعب جواها
كريم مسك ايدها بهدوء: تعالي ندخل عند حياة وسارة بلاش تزعلي نفسك علشان خاطري انا
نور بصت لي بابتسامة: حاضر و مش زعلانه اهو.
كريم بابتسامة: ايوه كدا ابتسمي.. قام دخلو عندهم
_________________________
شهد كانت بتكلم امينه في الفون
امينه بهدوء: وانتي اخبارك ايه طمنيني عليكي انتي و اللي في بطنك
شهد بتنهيد: بخير الحال الحمدلله يا عمتي
امينه بابتسامة: زادك الله حمد يا روح عمتك.. وتقومي بالسلامه لينا باذن الله يا قمر
شهد بابتسامة بسيطه: امين ويباركلك في اطفالك يا رب
امينه: يارب. ولد ابراهيم و البنوته رهف
شهد بابتسامةاللهم بارك ربنا يبارك فيهم يارب
امينه: يارب
شهد بهدوء: عمتي انا عاوزه اطلق حاولي تقنعي مهران عشان انا عايزه اتطلق منه
امينه بحزن: لا يا شهد انتي حامل واللي في بطنك ده يبقى من مهران اخويا مستحيل اوافق على كده وخلي ابن اخويا ولا بنت اخويا يعيش من غير اب
شهد من غير اقتناع: عمتي بس انا مش عاوزه اخوكي في حياتي أبداً وانا ابني ولا بنتي لما يجي ان شاء الله مش هخليهم يحسو انهم محتاجين اب انا هكون الام والاب لي او ليها
امينه بعتاب فيها: طالما فتحتي في الكلام بقا لازم اعاتب فيكي بقى على اللي انتي عملتيه
شهد باستغراب: عملت اي؟
امينه بحزن وعتاب: ليه قولتي كده على مهران بالباطل
شهد بعصبيه: وهو لما كان عايز يعمل كده في ابن عمي بالباطل ما عتبتهوش ليه هو ع الغلط ده وانا مكنتش عملت كدا من الأول. عمومأ ليا حق عنده و اخدته منه
امينه بحزن: بس مهران بيحبك يا شهد عمل كل ده علشانك والله
شهد بدموع وعصبيه: بس انا مش بحبه ولا كنت بحبه اصلا ليه عمل فيا كدا من الأول ليه .. بعياط اقوي وقهرة: انا من كام سنه بس كنت فرحانه و مبسوطه مع اهلي و عايشه اسعد بنت في الدنيا دي كنت ملكه البيت في لحظة اخوكي دخلت حياتي خلاها في جحيم ومخافش من ربنا وهو بياذيني
امينه بتنهيد وحزن: يا شهد انا عارفه اني مش في مكانك والله ولا حاسه باللي انتي حاسه بيه دلوقتي بس انتي وقفتي قصاده خليتي الجحيم يبقى كبير في قلبه من الاول
شهد بدموع وغضب: عملت كده علشان خاطر كان بيتكلم معايا على اساس ان واحده واحده مخدوعه فيها وهي لمياء
امينه بهدوء: شهد طيب اهدي خلاص
شهد اتنهدت جامد مسحت دموعها بحزن: بالله عليكي تقوليلي لي يطلقني بقا علشان ارتاح علشان تعبت مش عاوزه افضل علي ذمته طول ماانا لسه علي ذمته وا فكر بتعب والله العظيم
امينه بحزن: بس هو مش هيوافق أبداً
شهد بحزن وزهق: غصب عنه يوافق
امينه بهدوء: تمام هقوله.. بثقه من الكلمه: بس اكيد مش هيسيبلك اللي في بطنك بعد ما يتولد هياخده منك
شهد بخوف: لا دا مستحيل يحصل لو اي كده
امال دخلت قعدت جنبها
امينه: طيب ما تحاولي انك انتي وهو تبقي لبعض مره و يخرج من السجن علشان خاطر اللي جي ده
شهد بتعب: تصبحي على خير يا عمتي
امينه: وانتي من اهل الخير والسعادة يا حبيبتي
شهد: سلام
امينه: سلام. وقفلو
شهد بصت لي امال حطت الفون علي السرير راحت راقضه على السرير
امال بقلق عليها: مالك يا شهد بتعيطي ليه دلوقتي
شهد بتعب وحزن: تعبانه شويه يا ماما
امال بخوف عليها: تعبانه من اي طيب تعالي نروح ل الدكتورة قبل اليل ما ياخر
شهد بتعب: لا يا ماما انا هبقي كويسه انا نعسانه دلوقتي
امال: طيب تعالي نام يلا.. راقضت راحت خدتها في حضنها. شهد حضنتها بحزن وتعب
شهد بــ نعس وحزن: ماما احمد مشي ولا لسه؟
امال بزهق: الفجر ان شاءلله
شهد بحزن: طب
امال بحزن عليها: نامى يا شهد علشان تصحي الفجر تصلي باذن الله
شهد: حاضر.. اغمضت عيونها بدأت تروح في النوم و امال ايضأ
_________________________
احمد داخل الاوضه راح راقض ع السرير بتعب حط ايده ورا راسه بقا عقله مالي بالتشتت و قلب مالي بالحزن.. قال جواه بحزن شديد
احمد بحزن: ليه زعلان؟ مش انت اللي عايز كدا!! يبقي طلع من جواك اي حزن طالما مختار كد يا احمد بلاش تفكير فاضي بلاش حزن علي اللي راح مفيش حاجه بــ تفضل علي حالها ابدأ اللي حصل في حياتك من الشخص اللي غالي ع قلبك وصدمتك فيه ده مستحيل يتغير مستحيل كفايه بقي تفكير و زعل وانت اللي اختار البعد زيها من زمان يبقي طلع كل ده من عقلك علشان تعرف تركز في اللي جي
اغمض عيونه بحزن وتعب.. بعدها قام
خلع الجاكيت بدأ يبدل في هدومه
بعدها دخل الحمام اتوضي ل صلاة قيام الليل وطلع بقي يصلي من قلبه بنيه صافيه جواه حزن. صلى ودعه من قلبه.. بــ ضيق شديد جواه وحزن مالي قلبه.. بعدها قام نام ونفس الحزن جواه
_________________________
اذان الفجر بدأ يأذن
الكل قام على صوت المنبه زي كل العاده علشان الصلاه ويبداوا يومهم بالعمل
في غرفة شهد
امال قامت دخلت الحمام اتوضت وبعدها طلعت تصلي
_________________________
احمد بدأ يقوم بقلق ونعس وتعب ع صوت المنبه …
قام طلع هدوم علشان صلاه الفجر وعشان السفر على الكتيبه
_________________________
وليد قام هو ايضأ ع صوت المنبه
بانزعاج ونعس
قام طلع هدوم لي عشان ياخد دش ويروح على صلاه الفجر
مسك الفون. بدا يرن على ميار علشان تذاكر قبل ما تدخل الامتحان
فضل يرن كتير مكنتش بترد
وليد بزهق: كل ده نوم اكيد في سهره اللي خلاها مش قادره تقوم كده على صوت التلفون. بعت رساله ليها
بعدها دخل الحمام
_________________________
امال خلصت صلاة بعدها قامت بدأت تصحي شهد بهدوء
امال: شهد قومي يلا الفجر
شهد ___
امال: شهد قومي …بدأت تهز فيها براحه
شهد تقلق بــ نعس شديد
شهد بــ نعس: ماما سبيني انام
امال: لا قومي يلا الفجر صلي بعد كدا ارجعي نامى
شهد بدات تفوق بــ نعس قامت دخلت الحمام
امال قعدت على السرير تقرأ أذكار الصباح
_________________________
بعد يجي ساعة
احمد بعد ما طلع من الجامع داخل يجيب الشنطة بتاعته علشان السفر
طلع من الاوضه ع تجاه الباب
مره واحده سمع صوت شهد نزله من علي السلالم بسرعه قالت بحزن شديد
شهد بسرعه: احمد استني بس شويه عاوزه اتكلم معاك
احمد واقف ما بصش ليها ولا دار ضهره فاضل زي ماهو
احمد بــ تصنع البرود: قولي اللي عندك يلا بسرعه علشان مفيش عندي وقت
شهد بتوتر: احمد بص خلينا انا وانت نبدا صفحه جديده مع نفسنا وندي فرصه لكل حاجه في حياتنا وانت تتقدم ليا ونتجوز بقا
احمد بسخرية كلها حزن: والله لا انا بقى مش عايز كده مش عايزه ابدا ابداي انتي مع نفسك وعيشي حياتك وخدي بالك من نفسك و من اللي في بطنك وما لكيش دعوه بيا
شهد بدموع: احمد انت مش عرفت الحقيقه و كل حاجه ليه بقي مش عايزني ليه انا عايزاك والله يلا انا وانت واللي في بطني نعيش حياه حلوه مع بعض احنا وبس مع حبنا وابننا اللي في بطني
احمد دار ضهره بص ليها بحزن وعتاب: دا مستحيل ولا نسيتي نسيت عملت ايه من سنتين فيا لما قلت لك انا بحبك و انت ما صدقتنيش ومشيتي ورا دماغك ما جيتيش مره جيت قولتيلي على الموضوع واللي بيعملوه فيكي من ورايا
شهد بعياط وقهرة: احمد سامحني انا كنت خايفه منه و منك احسن مش تصدق. والله كمان قلتلك انت مش بتحبني وان انا بحب واحد ثاني وكل ده عشان خاطر وعد اللي وعدته ل مرات عمي وعشان خاطر نرضي ربنا مش هينفع نعمل حاجه غلط بقى في السر اكتر من كده من ورا اهلنا وربنا شايفنا
احمد____
شهد بعياط: احمد انت مش مصدقني برضو بعد كل ده
احمد بلا مبالاه: مصدق بس برضو انتي مش داخله دماغي ومش عايزك ومش حابب انك تبقى ليا او انا اكمل معاكي
شهد بعياط ويأس: يعني دا اخر كلام عندك
احمد هز راسه ببرود عكس اللي جواه تمامأ … دار ضهره بحزن وجع جواه
شهد بعياط وقهرة: تمام وانا هدوس على قلبي واحاول انساك وبالفعل زي ما انت بتقول عيشي حياتي وخدي بالي من نفسك بس انتي و اللي في بطنك وانا هطلعك من قلبي والله لطلعك من قلبي يا احمد زي ما انت عايز. بس انا خد بالك انا حبيتك بجد من قلبي والله مفيش حد في الدنيا دي كلها كان في قلبي غيرك محدش كان يقدر يحبك كل الحب.ده بس انا هموت الحب اللي جوايا من هنا بقي هموته خالص
احمد بحزن شديد: تمام ياريت والله يبقي كدا احسن ليا و ليكي و ل كل اللي حوالينا.. و خد بعضه راح ماشي بحزن جواه
شهد بقت تعيط اقوي بــ قهرة وجع جواها: اااه يارب طلعه من قلبي يا رب
اميرة طلعت على صوتها من الاوضه بخضه عليها: مالك يا شهد في اي يا حبيبتي
شهد كانت بتعيط وبس جامد
اميرة قعدتها ع الكرسي بقلق عليها بقت تهدي فيها
_________________________
احمد حط الشنطة في العربية بعدها راكب و مشي بحزن شديد جواه و عقله متشتت جامد من الحزن
احمد بحزن جواه: انساها بقى يا احمد انساها انت اللي اخترت كده يبقى تنساها بقا.. طول الطريق ماشي حزين جامد ومتشتت
_________________________
بدأت الشمس تشرق في السماء
في منزل كريم
نور حطت الاكل بابتسامة و قعدت كانت هي و كريم
نور بابتسامة: كنت عاوزه اقولك علي حاجه وانا عارفه انها مش من حقي والله ده
كريم باستغراب: اي هي
نور بتوتر: بص احنا في اي لحظه هننزل القاهره صح
كريم بحزن: دا اكيد
نور بهدوء: بص انا لو رجعت الاهلي في اي لحظه وذاكرتي رجعت ليا هتسيب ليا حياه صح
انا مش هقدر اسيبها والله
كريم بحزن: طيب قولي حاجه غيرها وبعدين لما ترجعي يا ستي يحلها ربنا
نور بدموع: احنا علشان نبقي علي اتفق مع بعض انها هتيجي معايا مش هسيبها
كريم بسخرية: هي بنتك اللي جبتيها مش هينفع والله
نور بدموع وحزن: لا هي خلاص اكتر من بنتي دي روحي كده بالله عليك توافق
كريم اتنهد جامد وقال بهدوء عكس اللي جواه: جميله انتي بتفكري في اي دلوقتي بس سبيها علي الله بالله عليكى انتي
نور مسحت دموعها وقالت بحزن: متزعلش منى يا كريم عارفه اني سببت ليك وجع كبير في قلبك حاسه كدا والله العظيم بس غصب عني والله سامحني
كريم بسرعه وحنان عليها: وجع اي وبتاع ايه سيبك من كل ده ولا وجع ولا حاجه ما فيش حاجه جميله المهم انتي بس انا مش عايزك تزعلي في نفسك وتتعبي في نفسك ولا حاجه و سبيها علي الله
نور قامت بتوتر جواها شديد مسكت ايد كريم وخليته يقوم من على الكرسي وراحت حضنته جامد
كريم حضنها لي جامد بحب: حضنك جميل يا جميلتي
نور بابتسامة كلها توتر و دموع وخجل منه: حقك عليا على كل حاجه ما تزعلش مني على الوجع اللي جواك ده بسببي انا عارفه انك بتحبني بس ربنا يعلم باللي جوايا ليك انك انت شخص غالي عليا و ع قلبي. جامد بس مش قادره احب والله مش قادره سامحني
كريم جواه حزن شديد غمض عيونه حاول يتماسك نفسه من الحزن من كل حاجه جواه تبين ليها انه بيحبها
طلعها من حضنه بابتسامة كلها حزن وضحكه تخفي الحزن: اي كل ده انا لو اعرف ان جميله هتحضن كده من زمان كنت مثلت عليها الحب عشان خاطر تحضني
نور بخجل شديد و دموع: سامحني يا كريم
كريم رفع ايده ومسح دموعها بحنان: عمري ما ازعل منك ابدا يا جميلتي انا مش زعلان منك.. بكذب: وبعدين مفيش حاجه جوايا ليكي نهائي في قلبي انا مش بحبك صدقيني
نور بصت لي بدموع: بجد
كريم ضحكه تخفي الحزن: بجد يا جميلتي
نور ابتسمت لي بحزن كبير و خجل
كريم بابتسامة حزينه: عسليه يا ناس قدامي والله ايه الحلويات دي والعيون الجميله دي
نور راحت قعدت على السفره بخجل منه: يلا علشان ناكل بقا اسكت كده عيب والله بتكسف
كريم ضحك جامد رغم حزن اللي جواه راح قاعد جنبها باس راسها بابتسامة: قمر يا ناس ده اللي بيتكسف من اي حاجه
نور ابتسمت بخجل. بدأت في الاكل هما الاتنين
نور: هاكل و ادخل اصحي سارة و حياة
كريم بابتسامة بسيطه: تمام يا جميلتي
_________________________
في أروبا عند ميار
ميار طلعت من الحمام بنعس قعدت مسكت الفون
لقت وليد رن عليها وبعت رسائل
ردت عليه
ميار باستغراب: نور راحت فين من ساعة لما كانت بتتكلم معايا و زعقت مش اتكلمت نهائي شكلها كدا زعلانه لما اشوفها راحت فين
بعتت رساله ليها و بعتت صور ليها قالتلها اي رايك فيهم قامت تجهز نفسها الجامعه
_________________________
نور بدات تفتح الشبابيك وتصحي في حياه وساره
نور: حياتي سارة يلا قومي كل ده نوم انتي وهي ما بتصدقي الاجازه تيجي عشان خاطر تنامي ولا ايه انتي وهي
سارة بدأت تصح
و هي بدأت تقوم بــ نكد ودموع في عيونها
نور شالتها بحنان في حضنها: ياحياتي اي اي خلاص نامى اي الدموع دي
حياة دفنت وشها في حضنها رجعت نامت تاني
نور ابتسمت عليها
نور مسكت الفون لقت رساله من ميار والصور واتصدمت
نور بصدمه: اي دا يا ميار