الفصل العشرون 20
بقلم نور ربيع
يوم خطوبه وليد و ميار
في الصباح المبكر..
اميره بزهق: ميار مياار قوميي يلا كل ده نوم
ميار فتحت عيونها بنعس. قالت بملل: ماما سبيني انا نعسانه سبيني انام
اميرة بإبتسامة: لا قومي يلا.. اليوم طويل انهارده قومي
ميار رفعت راسها من علي المخده بفرحه كبيرة..: ياااه انتي متعرفيش انا مبسوطه قد اي ان انا و وليد هنبقي لبعض يا ماما
اميرة بإبتسامة: ربنا يتمم ليكم علي خير يا حبيبتي يارب.
ميار: امين امين... افتكرت نور. قالت بخبث: ماما نور مش هتيجي اقنعيها تجي علشان. مش هينفع انها مش تجي
اميرة اتنهدت بحزن: نور ابوها مش راضي يخليها اصلا تخرج من البيت
ميار: ليه؟
اميرة: هي و امينه عاملين مشاكل مع بعض
ميار بشماته: اه. كملت بتمثيل. الحزن: طيب حاولي تعملي حاجه يا ماما طيب
اميرة اتنهدت: خير ان شاءلله. يلا قومي. بقا
راحت طلعت بره الاوضه
ميار قامت وقفت قدام المرايه بسعادة كبيره جواها.. قالت بابتسامة: اد اي مبسوطه. من كل حاجه حلوه بتحصل معايا دخلت طب هسافر هتجوز اللي بحبه عمري ما كنت اتخيل اني هوصل لكل حاجه بحبها كده كنت بحلم بيها.
( عمر ما الإنسان هتدوم الحاجات اللي بيحبها طول ما هو بعيد عن ربنا. دا ربنا ابتلاك علشان تقرب منه او حتي تحمده.. وانت يا ابن ادم مش حاسس بنفسك ابدأ اتقوا الله بقي. ربنا يهدي جميع المسلمين يارب)
_________________________
في منزل هاني..
نور قعدت ع الكرسي قدام المرايه بدموع مليئه عيونها وحزن شديد
بدموع وقهرة: وبعدين بقي هتفضلي لحد امتي يا نور كدا. دا انتي هتموتي بسبب الحزن اللي جواكي ده. خلاص كفايه كفايه لحد هنا وبس كفايه تفكير كفايه حزن كفايه تعب كفايه طلعي كل حاجه من دماغك بقا.. بعيط: طلعي الحب ده من قلبك ولا هو ليكي ولا انتي لي حتي انسي انسي
بدأت تمسح دموعها بوجع شديد. حطت ايدها ع الجرح بحزن.. بصت في المرايه بدموع: االجرح. سرح في وشي اكتر.. اتنهدت بتعب: يارب يارب ريحني من عندك يارب يارب("مافيش حزن بيكمل فى قلب حد للنهاية لازم فيه أبواب حلوة تتفتح بعدها لازم ربنا يرضيك على صبرك
كل كسرة وخذلان من حد وراهم ناس بتشد على ايديك وتتطمنك انهم موجودين كل حاجة خسرتها وراها حاجات تانيه هتكسبها وهتدوم ربنا مبيمنعش غير لحكمة ومبيخدش غير ولازم يعوض
فمفيش فرص راحت منك ، دايماً افتكر ربنا وهو بيقولك" يُؤْتِكُمْ خَيْرًا مِّمَّا أُخِذَ مِنكُمْ اللي فات مش بتاعك ربنا لما بيقفل باب بيفتحلك اللي أحسن منه وفيه الخير ليك 🥹 💜🦋"وجزاهم بما صبروا"مش وبما صلوا او صاموا لان الصبر في حد ذاته عبادة فابشري يا جميلة
_________________________
في غرفة هاني.
امينه بملل: هاني مخنوقه اوى من القاعدة في البيت يلا نروح مكان كدا يومين نغير جو
هاني: عاوزه تروحي فين؟
امينه: اي مكان.. بفكره: نروح اسكندرية نقعد اسبوع
هاني: اسكندريه مره واحده
امينه بعبث: اه
هاني اتنهد: عندي شغل خليها مره تانيه
امينه بزعل: لا ماا انا مخنوقه من البيت عاوزه اروح مكان مليش فيه
هاني بهدوء: طيب افكر كدا
امينه بفرحه: بص مش تفكر انا اجهز كل حاجه علشان نروح اشطا
هاني: امينه الجو شتا خليها اما الصيف يدخل باذن الله
امينه بحزن: هاني اقولك مخنوقه و زهقانه من البيت انت تقولي اي عمومأ براحتك اللي تعمله بقا
هاني اتنهد وقال: خلاص يا امينه بلاش كل حاجه تبقي علي اعصابك كدا.. سكت ل ثواني.وقال: علي ما نا اروح الشغل و ارجع تكوني جهزتي كل حاجه يا حبيبي
امينه بفرحه: بجد موافق نمشي
هاني بابتسامة: اكيد يا اميرتي انا عندي كام امينه.
امينه بابتسامة. حضنتها بحب: حبيبي انت ربنا يديمك ليا ل اخر العمر
هاني بحب: و يديمك ليا ياروحي
امينه بصت لي. قالت: هاني و نور؟
هاني: مالها
امينه بفضول: هتيجي معانا
هاني ___
امينه كانت مستنيه الرد جواها هتموت من الغيرة عاوزه يقولها لا مش هتيجي
هاني بص ليها شايف قد اي نظرت عيونها مليئه بالغيره
هاني بهدوء: اطمني مش هتيجي معانا
امينه بفرحه: ايوه احسن علشان نعرف ناخد راحتنا. انا و انت
هاني درا ضهره راح ماشي. قال: ربنا يهديكي يا امينه
_________________________
نور طلعت قعدت في الصالون بزهق شافت هاني طلع من الاوضه قالت بتوتر وخوف من رد فعله: بابا
هاني بص ليها: امم
نور بتوتر: ا ا انا عاوزه اخرج ا انا و ليلي علشان قاعده زهقانه من البيت مش اتأخر
هاني بهدوء. ليها لكنه جواه. غضبان بشده منها من ساعة لما ردت علي امينه بالكلام قال: تمام لو لقيت تأخر بره في كلام تاني معاكي
نور بسرعه: لا والله مش اتأخر ساعة و هكون في البيت ان شاءلله
هاني: تمام. راح ماشي
نور اتنهدت بحزن. وقالت:ماما انتي كنتي انتي وبس اللي بتحبيني في الدنيا دي كلها محدش غيرك والله.. بدموع: بس انتي للاسف مش موجودة خلاص في الحياة دي اصلا. عمري ما حسيت ان في حد في الدنيا دى كلها بيحبني و يهتم فيا غيرك عمري ما شوف حنان من حد غيرك والله.. كانت بتعيط جامد مش قادره تمسك دموعها.. حتى حتى ابويا عمري ما حبني و اعتبرني بنته. اصلا هو مش بيحبني.. هو انا لدرجه دي مش اتحب ابدا .." - قد تكونُ الحياةُ سيئة، ولكنَ البشرَ أسوء( مش كلهم علي فكرة قفص الطماطم البايظ بتلاقي فيه طمطماية سليمة 🥹 ) 🖤.
مسحت وشها من الدموع. بحزن متملك قلبها بشده
امينه طلعت من الاوضه قعدت جنبها
امينه بخبث: مالك يا نوري زعلانه كدا يعني ليه الدموع دي
نور __
امينه بغيظ: مش بتردي ليه ولا خايفه تردي المرة دي يبقي فيها موتك
نور فضلت باصه قدامها قالت بدموع غصب عنها: ياريت ياريت اموت و ارتاح من الدنيا دي كلها بقا علشان امينه و هاني يرتاحوا مني ياريت و علشان انا كمان ارتاح بقا من الحياة و من اللي فيها و من القسوة اللي عليا دي
امينه بصدمه: مش مصدقه ان نور اللي قدامي دي اللي هي طول الوقت تتكلم عن الحلال و الحرام يعني قولتي اموت مفيش استغفر الله ولا هدوء جواكي ولا حاجه
نور ب كسرة وجع: اومال ليه متقوليش لنفسك كدا لما روحتي قولتي ل بابا بنتك فيها و و و و هاا لييه عملت ليكي اي انا قولي
امينه بغل: علشان هي دي الحقيقه
نور بصت ليها ب عيون فيها كسرة وجع شديد و دموع: انا عمري ما في حياتي افكر ل مجرد تفكير كده اعمل زي ما الكل بيقول عليا و يعمل فيا كدا.. عيطت اقوي: اه اه فعلاً نور حبت حبت غصب عنها حد و طلبت من ربنا كتيييير انه يبقي من نصيبها لكن للاسف مكنش من نصيبها نصيب واحده تانيه.
امينه بصدمه وعدم فهم: مين مين اللي عمل فيكي كدا مين اللي قال عليكي. و مين ده اللي بتحبيه قولييي
نور بدموع و سخريه: طيب و ان مش قولت هتعملي ايه يعني طبعاً هتروحي علي هاني بسرعه و تقولي لي الحقني ياا هاني بنتك و و و و فيها و فيها صح. كملت بكرهه: يااا مراات ابويااا
امينه بغضب: انا ولا هقول ولا اعيد انا عاوزه اعرف بس.. فكرت ل ثواني..: اه كمان انتي قولتي ميار قالت ان انتي و انا و مهران سبب موت شهد. يبقي في حد من بيت اميرة هو السبب في اللي انتي فيه ده فقولي بقا مالك مين اللي محطم حياتك بالشكل ده
نور بحزن: هو انتي مش اخدتي من ماما. بابا دلوقتي جيتي عملتي نفس الكلام مع بنتها يبقي ملكيش دعوه بيا ملكيش دعوه طلعيني من دماغك ارجوكي. حياتي وانا حره انا عارفه واثقه من نفسي اكتر منك و من غيرك سيبني سيبني بالله عليكي علشان نور خلاص جابت اخر مااا عندها حرفيأ من كل حاجه حواليها
قامت دخلت الغرفة بتاعتها.
_________________________
امينه ضميرها وجعها من كلمه انتي مش اخدتي من بابا ماما و دلوقتي عملتي مع بنتها... افتكرت منال. لما
فلاش باااك________________
امينه بخبث: منولة اي رايك تديني جوزك هاني علشان انا معجب بيه
منال ضحكت جامد لانها مش فاهمه انها بتقولها بجد وتتخابث عليها
قالت بابتسامة: مش خساره فيكي يا ميمو
امينه بنفس الخبث: بجد انتي طيبة اي يا منولة. واخده الموضوع بهزار. لو واحده غيرك كانت قطعت علاقتها بيا من الغيرة ع جوزها.. كملت بتمثيل الهزار: بس خلاص انا جوزك بقا ليا مش لحد غيري حلال عليا
منال ضحكت و بثقه: انتي صحبتي مستحيل اصلا مثلا تغدري بيا او اي حاجه. بابتسامة: و هاني كمان بيحبني اوى مستحيل يعني يسيني يوم من الأيام هو بيحبني اوى. ادعي ربنا يرزقني بطفل انا وهو بقا
امينه بخبث جواها: ثقتك دي غلط للاسف انتي ما متعرفيش حاجه أبداً انتي هبله و هتفضلي طول عمرك هبله كده و طيبه مش فاهمه الحياة. و اللي فيها
ارض الواقع _______________
امينه بدموع: ازاي قدرت اعمل كدا في واحده زيي زيها. كان عقلي اي في الوقت ده علشان خاطر نفسي سرقت من صحبتي جوزها معقول انا قلبي اسود لدرجه دي.. بحزن: بس كنت بحبه و كنت دايما اغير منها علشان هي بتحبه و انه ليها لوحدها. والله غصب عني يارب. سامحني.. بدأت بطنها توجعها بشده. امينه حطت ايدها غ بطنها بوجع: ااه في اي ااي الوجع ده ياربي. بدموع وجع: يارب يارب احمي ليا البيبي يارب بلاش تراني فيه حاجه وحشه يارب. انا نفسي ابقي ام والله
_________________________
الكل في العائله كان مبسوط جدا ب وليد و ميار كانو يحضرون كل حاجه الخطوبه.. و كانو حجزوا القاعه.. و كانت الفرحة مش سايعه قلوب الكل. الا واحد منهم اللي ولا كانه لي وجود معاهم في البيت. وهو احمد
احمد طلع من الاوضه بتاعته كان طلع
ميار بسرعه: احمد استني
احمد مهتمش ليها و مشي
اميرة طلعت ورا بسرعة هي و ميار.
اميرة بهدوء: احمد استني
ميار بحزن: انت بقيت قاسي كدا ليه هاا مكنتش اتوقع انك تكره ل اختك الوحيدة السعادة كدا يا أحمد
اميرة بحزن: ليه يا أحمد عامل كدا في نفسك و فينا ليه مش عاوزه. ترجع احمد القديم بتاع زمان اللي كان قلبه مالي بالحنان ع اهله و. اكتر حد في الدنيا دي اخته
احمد بص ليهم بسخرية: مات مات من زمان اوى
ميار بعصبيه وحزن: مالك في اي انت بقيت جاحد كدا ليه معانا
احمد ببرودو سخريه: مفيش حاجه في الدنيا دي بتفضل ع حالها والله يا مرمر انتي نفسك هتعرفي كل ده كمان يومين كدا و تقولي كان احمد اخويا معاه حق
اميرة بحزن: احمد ارجع يا أحمد عن اللي انت فيه ده ارجع صدقني هتتعب اوى و هتندم
احمد بلا مبالاة: لما اندم بقي
اميرة بعصبيه: كفايه شغل البرود ده بقا كفايه. و اعرف انت بتعمل ايه كويس
احمد ببرود: امم عاوزين مني اي دلوقتي
اميرة ب قهرة عليه: عاوزين احمد اللي مكنش فيه زيه يرجع تاني و يبقي شخص جديد عاوزين احمد يطلع كل القسوة و الحقد و الكرهه و كل حاجه وحشه فيه بقا يبقي اخ سند ل اخته و راضيين عن بعض
احمد ب قسوة: كفايه كفايه يا امي بالله كل ده كلام فاضي علشان انا قلبي بقا ميت خلاص. مستحيل يعرف يغفر لاي حد في الدنيا دى
ميار بغضب: وانا عملت ليك اي هاا قول
احمد: لما اخوكي يقولك ارضي ب اي جامعه هنا و انتي تقوليلي لا مستحيل و تعملي اللي في راسك و تعندي فيه يبقي ده اسمه.. اااي هاااا قولييي
ميار: بس ده حلمي من زمان مستحيل اخليه يروح كده بعد كل ده
احمد بسخرية،. مستحيل مستحيل ميار تتغير أبداً هتفضل زي ماهي
اميرة بحزن: احمد كفايه بقي انسي كل ده وتصالحوا انهارده خطوبه اختك كفايه انت المفروض تبقي مبسوط بيها
احمد: دا المفروض بقا.. بسخرية: ابقي مبسوط بيها ع اي ع خيبتها
ميار بعصبيه: اي اللي انت بتقوله ده تقصد اي
احمد بلا ما مبالاة: ولا حاجه
اميرة اتنهدت بتعب منه: احمد انت عايز اي بالظبط انا تعبت خلاص
احمد بغضب: انتوا اللي عاوزين مني اي مش انا اللي عايز احمد مش عايز حاجه من حد
ميار بغضب،: اااانت لييههه كده ياااا اخيي
احمد بغضب معمي: واااطييي صوتككك اااحسن و عز و جلال الله اقتلك فيها
اميرة بتعب: بس بسس كفايه اسكتو بقا انا هتشل والله العظيم منك
احمد درا ضهره راح ماشي
ميار بغضب: انا مش هسامحك أبداً علشان اللي انت بتعمله فينا ده ياا اااحمد
احمد كان سمع وهو ماشي مهتمش ليها حتى.
اميرة بدموع: يارب يارب ازاي بس قاسي وحش كدا ازاي
ميار بحزن: سيبه يا ماما هو يجي يوم و يرجع زي ما هو بلاش تزعلي نفسك و اليوم يتعكنن علينا كدا
اميرة،: اهديه يارب اهديه
_________________________
نور كانت بتكلم ليلي
نور بابتسامة حزن:مبارك عليكي يروحي ربنا يثبتك يارب
ليلي بفرحه: امين امين. بجد مبسوطه اني لبست الخمار عقبال النقاب يارب انا وانتي
نور بابتسامة،: امين ربنايسعدك دايماكدا يارب ياقلبي
ليلي،: حبيبتي وياكي يارب.. نور تعالي نتقابل انا وانتي
نور: حاضر شويه كدا طيب
ليلي بسعادة: اشطا يا صاحبي مستنيك ترن عليا. و تقولي انا طلعت من البيت علشان اطلع انا كمان
نور بابتسامة عليها: تمام يا قمري
ليلي: في حفظ الله سلام
نور: في حفظ الله ياحبيبي سلام. وقفلو
اتنهدت نور سندت راسها ل ورا علي السرير: بتعب و ملل شديد.
_________________________
بعد وقت طويل من اليوم. في المساء.
الكل كأن في القاعه علشان الخطوبه قريب و غريب و الكل كان في فرحه
ابو وليد: محمد حاول ترن ع احمد تقنعه يجي
محمد بحزن: احمد من الصبح واحنا بنتكلم معاه مش عايز يقتنع بالكلام ابدأ
عبدالله ( اللي هو ابو شهد) دماغه صعبة سيبه لما هو يتنازل عن اللي في دماغه
ابو وليد بهدوء: ربنا يهديه يا محمد
_________________________
كريم بابتسامة: مبارك يا عريس ربنا يتمم ليكم علي خير يارب
وليد بابتسامة: الله يبارك فيك يا صاحبي
_________________________
عند البنات.. في الجنب التاني
امال اخدت حياة من سارة بابتسامة شلتها: بابتسامة حياتي اللي وحشاني دي.
سارة بابتسامة: مبارك يا مرمر اللهم بارك
ميار بابتسامة: الله يبارك فيكي ياقلبي عقبالك.
سارة بابتسامة: حبيبتي تسلميلي. قالت بمرح: بس اي القمر ده دا يا يبخت وليد بيكي والله.
ميار بابتسامة: يروحي والله انتي اللي قمر تسلميلي يارب
امال بابتسامة: اللهم بارك يا بنات عسلات اوى. ربنا يحميكم يارب
ميار ضحكت قالت بثقه: طول عمري قمر من غير حاجه والله يا مرات عمي بس اي رايك فيا
امال بابتسامة بسيطه: اللهم بارك عليكي يا ميار والله عسل. انتي قمورة لوحدك من غير حاجه. لو كنتي كمان لبستي فستان بسيط و من غير ميكب كنتي هتبقي احلي من غير حاجه والله. انتي احلي عروسه اصلا او مره اشوف قمر كدا
(ميار كانت لابسه فستان خطوبه زيتي غامق. ضيق من فوق واسع من تحت. كانت لابسه عليه طرحه نفس اللون..كانت حاطه ميكب ماشي مع بشرتها تقيل..)
وليد كان لابس بداله سودا عليها القميص ابيض.) سارة كانت لابسه دريس. كشميري. فاتح. و عليه خمار فرنسي ونقاب بالشريطه بتاعته.كانت قمر جدا)
ميار بابتسامة: حبيبت قلبي يا مرات عمي.. اتنهدت وقالت: لو علي كدا انا اخدت راي وليد قالي ماشي. علشان كان نفسي ف كده في ليله دي
امال: ربنا يسعدك دايما كده و يفرح قلبك يا ميار
_________________________
نور راقضه ع السرير. بملل جامد اتنهدت وقالت: استغفر الله العظيم.
قامت من علي السرير تلبس علشان تمشي.
_________________________
بعد شويه. كانت لبست نور.
وقفت قدام المرايه تلبس الخمار. كان الفون بيرن. مكالمة فيديو
بصت علي الفون. كانت ميار.
اتنهدت جامد من قلبها رسمت ع ملامحها الإبتسامة.. و فتحت
نور بابتسامة: مرمر عامله ايه يروحي
ميار بتمثيل الحزن: بس علشان انا اصلا مش بكلمك كده مش تجي في يوم زي ده
نور بحزن: حقك عليا ياقلبي والله بابا قالي مش هينفع تروحي.
ميار بخبث: لو كنتي اقنعتي فيه كان رضي
نور اتنهدت جامد: ميار انتي مش فاهمه حاجه والله او عارفة اللي بمر بيه هنا يلا الحمدلله على كل حال
ميار بنفس الخبث: في اي يا نور مالك
نور بدموع محبوسه: لا لا مفيش سيبك. بابتسامة كلها حزن وجع: المهم قوليلي اي الحلاوه دى
ميار: انني لسه شوفتي حلوة.. ميار بدأت توريها الفستان..: اي رايك بقا
نور بابتسامة: يروحي اللهم بارك والله قمر اوى ربنا يتمم ليكي علي خير ياقلبي بس ليه الميكب
ميار: امين تسلميلي. بخبث: عقبالك ياقلبي، جت كده بقي
نور بابتسامة بسيطه: حبيبتي انتي تسلميلي ،بس حرام
ميار: سيبك دلوقتي و خليكي معايا علي الفون علشان وليد هيلبسني الدبله دلوقتي و يوم هيبقي جامد دلوقتي استني بس
نور بهدوء: تمام ياقلبي معاكي اهو ربنا يسعدك ويفرح قلبك علي طول كدا.
ميار حطت الفون في مكان. و كان الكل ظاهر قدام الفون
نور شافت قد اي الكل مبسوط و فرحان و الابتسامة مرسومه ع ملامحهم كلهم.
_________________________
الخطوبة بدأت في الاغاني العالية..
وليد كان بيلبس ميار الدبله
بابتسامة كبيره مرسومه ع ملامحه.
نور شافت اد اي نظرت وليد كلها حب ل ميار و مبسوط بيها..
و الكل مبسوط بيهم جدا
نور اتنهدت. بحزن شديد. كانت بتحاول تمسك دموعها مش قادره
_________________________
وليد حط ايده ع راسه بصداع شديد
ميار بصت لي بخبث: مالك يا وليد
وليد بصداع: مش عارف اي الصداع اللي جه مره واحده دي يا ميار
ميار نفس الخبث: سلامتك. في حد يصداع في يوم زي ده يا وليد
وليد من غير تركيز بص ليها بابتسامة-: معليش يا حبيبتي. انا هبقي كويس وانا مش هخلي يوم زي ده يروح كدا ع الفاضي يا حبيبي هخليه احلي يوم في حياتك كلها
ميار بابتسامة كلها خبث: لا انت شكلك تعبان. خلاص احنا مش لبسنا البدل. تتعوض ان شاءلله في كتب الكتاب
وليد من غير تركيز تمامأ زي ما هو ماسك ايد ميار قاموا بدأ يرقص معاها. ويحضن فيها
الكل بقا مصدوم من وليد و ميار
محمد بغضب: اي المسخرة اللي بتحصل دي انا وافقت هنا الخطوبه تبقى بالطريقه دي علشان خاطرهم بس انها توصل للمسخره دي لحد هنا وكفايه
اميره بتوتر: انا ما اعرفش ايه اللي بيعملوه ده وليد ماله النهارده
نور بقت شايفه وليد و ميار دموعها بقت تنزل غصب عنها. منها. الدموع بقت مليئه وشها. وتعيط اقوم غصب عنها. راحت فصلت المكالمة بوجع
ساره بصت ل كريم بتوتر: كريم هو وليد مالو اي اللي بيعملو ده
كريم بغضب: انا معرفش هو مره واحده بقا مالو كدا..
ابو وليد بغضب: ايه اللي بيحصل ده وقف الاغاني دي وكفااااايهه
كريم رايح شد وليد من ايده وراحوا طلعوا بره القاعه خالص
اميره راحت شدتها ميار بغضب: ايه اللي انتي بتعمليه ده يا قليله الادب
ميار بتمثيل الدموع: ماما انا اسفه انا ما قدرتش على وليد هو اللي قاعد يرقص معايا وانا ما قدرتش ابعده عني
سميره بغضب: طيب كفايه لحد كده بقى خلي اليوم ده يعدي على
خير
ساره بهدوء: ما كانش ينفع كده والله يا ميار حرام وغلط اللي بيحصل ده
ميار بغضب: انا قلت غصب عني ما كانش قصدنا حاجه
_________________________
بره عند وليد وكريم
كريم بغضب: ايه اللي انت بتعمله ده يا وليد
وليد بصداع وتعب: انا ما اعرفش مالي مره واحده كده والله انا مش مركز في اي حاجه ودماغي حاسه ان فيها نار مش مستوعب ولا اي حاجه حواليا
كريم بهدوء: طيب اهدي في اي مالك
وليد حط ايده على دماغه بصداع جامد
كريم: تعال يا وليد اغسل وشك واهدى كده
وليد دخل على حمام اللي في القاعه يغسل وشه بتعب بصداع شديد.
_________________________
ميار قالت بغل جواها: كان لازم اعمل اكتر من كده علشان اقهر نور واوجع قلبها
فلاش باااك ________________
ميار حطت في العصير ل وليد حاجه تخليه يفقد السيطره عن نفسه زي ساعه نور قالت لواحد عامل من بتاع القاعه بيشرفوا على الناس يدي لي وليد بالفعل وليد شربوا وحصل اللي حصل ليه ما بقاش واعي لاي حاجه ولا بيركز لاي حاجه بيعملها حواليه
________________ ارض الواقع
ميار بغضب جواها: مش مشكله اللي حصل حصل اه حصل مشكله بس المهم ان انا لبست دبله وليد في ايدي وريت نور قد ايه ان هو بيحبني ومبسوطين مع بعض وما فيش اسعد مننا
_________________________
نورت قامت من على السرير وراحت ماشيه عند ليلى طول الطريق في عيونها دموع و جع جواها كسره ومش قادر تمسك نفسها
ليلى طلعت من الاوضه بتاعتها وقالت: ماما انا ماشيه عاوزه حاجه يا حبيبتي
والدتها الليله شكلها فيها مطره خليكي قاعده يا ليلى خليها بكره رني عليها قولي لها بكره ان شاء الله
ليلى: يا ماما نور خلاص نزلت اصلا من البيت. بتاعهم مش هينفع ترجع تاني وبعدين المطره جو حلو وجميل احنا هنروح نقعد شويه صغيرين على البحر وهنيجي على طول والله عشان نور كمان زهقانه وانا كمان
والدتها بهدوء: ماشي يا ليلى ما تتاخريش بره وخدي بالك من نفسك واياك تتاخري
ليلى بابتسامه: حاضر يا مامتي عاوزه حاجه سلام في رعايه الله
والدتها: سلامتك يا حبيبتي في رعايه الله
وليلى مشيت ل نور
♡♡♡♡♡♡♡♡♡♡♡♡♡♡♡♡
بعد وقت كانوا وصلوا وقاعدين مع بعض
ليلى باستغراب: كل يوم اشوفك بحاله شكل مالك يا نور
نور اتنهدت: لا مفيش ياقلبي
ليلي بغضب: لا فيكي حاجه انتي مالك فيكي اي
نور بدموع غصب عنها:انا تعبانه و مخنوقه اوى هموت يا ليلي من كل حاجه حواليا
ليلي بحزن: حرام عليكي نفسك حرام عليكي كفايه يا نور كفايه انتي بتموتي نفسك بالبطئ اوى والله العظيم كفايه يا نور بقا لحد كدا
نور بوجع شديد.: انا مش قادره تعبانه اوى يا ليلي تعبانه اوى حياتي مش عارفه اي اللي بيحصل فيها ده تعبت خلاص. بعيط: عارفه بجد الفتره دي اصعب في حياتي من ساعة موت ماما وانا حياتي كلها فيها لغبطه كده
ليلي بحزن: نور عمرك ما هتحسي انك كويسه و تحسي بالراحة غير لما تطلعي كل حاجه من جواكي و من تفكيرك. كملت بعصبيه: و اللي اسمه وليد ده كمان انا مش عارفه انتي بتحبيه ع اي دا جه عليكي و ظلمك هو و اهلك حرام عليكي كفايه بقي يا بنتي
نور اتنهدت بتعب: انا هبقي كويسه انا هبقي كويسه يا ليلي ان شاءلله
ليلي: نور هتفضلي كده كتير
نور مسحت دموعها: خير والله ان شاءلله انا هبقي كويسه بجد متقلقيش انتي يا حبيبتي كل حاجه بكره تتحل و تبقي احلي مع الكل باذن الله
ليلي: نور حياتك مستحيل تتحل كدا طول ما انتي عامله في نفسك كدا. و بتفكري في كل حاجه.
نور بحزن: هحاول مش افكر والله
ليلي بعصبيه: متقوليش هحاول انتي لازم تنسي وطلعي بقي من فكرك كل حاجه حصلت علشان خاطري يا نور علشان خاطري بلاش تعب في نفسك اكتر من كدا بقا كفايه
نور بابتسامة حزن،حاضر ياقلبي والله
ليلي بحزن عليها: ليه بتعملي في نفسك كدا كفايه يا نور كفايه
نور اتنهدت: مش ذنبي ابقي بالحاله دي يا ليلي والله صدقيني
ليلي: يا حبيبتي والله عارفه ان اوحش حاجه في الدنيا دي ان حد يظلمك ويجي عليكي.. كملت بحزن شديد: يبقي وجع كبير كمان لما تكوني بتحبي واحد و يجي يوم من الأيام يبقي ل واحده غيرك. بس سبيها علي الله ربنا لي حكمه في كل حاجه بكرا الكل يبقي تحت رجلك و يتمنوا منك كدا تسامحيهم يا حبيبت قلبي
نور رجعت راسها ل ورا ع الكرسي وقالت: ان شاء الله خير ان شاء الله يا ليلى
ليلى بهدوء: طب كفايه بقى كده نكد على نفسك واستهدي بالله بكره خير ان شاء الله يا حبيبتي والله كلهم ليندموا على كل حاجه عملوها فيكي
نور بابتسامة: حاضر يا ليلى مش زعلانه والله اهو طالما انتي في حياتي ليه ازعل طالما في حياتي يا حبيبت قلبي ليلى اللي منوره عليا حياتي ومهونه عليا الحياه
ليلى وابتسامه: يا حبيبت قلبي انتي ياروح قلبي يا نور عيني.
نور: حبيبت قلبي انتي. طمنيني عليك عامله ايه بقى انتي سيبك من كل ده
ليلى والله اهو ده الدنيا ماشيه يوم كده ويوم كده يا قلبي. عامله ايه مع امينه والدك
نور اتنهدت من قلبها: الحمد لله
ليلى بحزن شديد عليها: هوني على نفسك يا نور هوني بلاش تفكير وتعب في نفسك والله خير ان شاء الله ليكي يا حبيبتي الايام الجايه
نور،. ببساطة: يا رب يا رب انا وانت يا ليلى يا رب كده
الجو بدا يبرد اوي ويشتي جامد والمطره كانت بتمطر
ليلى بفرحه: الله المطره بتمطر يا نور نور انكمشت في نفسها من البرد: اه يا ليلى الجو تلج قوي يلا عشان اروح البيت الجو برد مش قادره
ليلى: لا احنا مش هنروح احنا هنقعد نلعب تحت المطر شويه يلا قومي نلعب
نور بغيظ: نلعب ايه يا بت هو احنا صغيرين اسكتي يلا عشان نقوم نمشي.. نور قامت
ليلى قامت شدت ايدها بسرعه بابتسامه: يلا بس بس اسكتي انتي
ليلى ونور بقى واقفين تحت المطره وليلى تحط في ايدها ميه وتحطها على وش نور وهي عماله تضحك جامد عشان تضحك فيها
نور كانت بتبتسم ليها وكانت بتلعب معاها علشان ما تزعلهاش منها وكانو بيتصوروا طول الوقت ده بقى يلعبوا مع بعض فيه مع بعضيهم لحد ما الجو بقى هادي
نور ببرد جامد في جسمها: ليلي يلا علشان نروح والله انا هموت من الثلج بابا قال ليا ما تتاخريش
. ليلي وهي البرد متملكها: طيب ياقلبي يلا
وراحو ع البيت كل واحده
_______________________
في البيت عند نور.دخلت الاوضه بتاعتها بسرعة علشان تغير هدومها من البرد. قالت وهي جسمها يرتعش من البرد: ااه ااه برد موت والله اوى اوى. بدأت تغير في الهدوم
_________________________
ام ليلي بغضب: انا مش قولتلك بلاش تمشي في مطرة انهارده يا زفته
ليلي ببراءة: مانا بحب المطرة يا ماما اوى والله
الام بغضب: ياربي عندي طفله مش بنت كبيره دي أبداً. غوري غوري غيري هدومك بسرعه يلا
ليلي: حاضر.. ابقي اعملي ليا اكل علشان جعانه اوي يروحي …
دخلت بسرعه علي الاوضه تغير الهدوم.
ام ليلي بابتسامة: ربنا يهديكي يا ليلي
_________________________
الوقت بقا متاخر..
في منزل السيوفي. تحديدأ في غرفه وليد. اتنهد وقال بضيق من نفسه: اي اللي انا عملته ده ازاى اعمل كدا دا انا المفروض احافظ عليها من نفسي مش اعمل اللي عملته..بغضب من نفسه: استغفر الله العظيم يارب ازاي يطلع منك كدا يا وليد هي مش من محارمك دلوقتي ازاي تعمل كدا …
مسك الفون بدأ يرن عليها … هي فتحت
وليد بهدوء: الو
ميار: لسه صاحي يعني كان بينا عليك تعبان انهارده
وليد اتنهد بضيق؛ مش تعبان ولا حاجه كويس … بابتسامة: حقك عليا يا ست البنات مكنش قصدي والله في كل ده
ميار بابتسامة: ولا يهمك عارفه انك مكنش قصدك في كل ده. واثقه فيك وانك بجد عايز تحافظ عليا حتي من نفسك انت. كفايه انك انت طول الوقت ده كلو مستني لما اخلص المدرسة علشان تطلب ايدي
وليد جواه قال بحب كبير: انا بحبك حب لا يوصف يا ميار نفسي تعرفي انا اد اي بحبك و عاوزك دلوقتي قبل بكره. انتي احلي حاجه في حياتي يا دنيتي انتي
ميار: احم احم روحت فين؟
وليد انتبه ليها: امم معاكي اهو. المهم قوليلي انتي صاحيه يعني كدا
ميار بخبث: كنت بكلم نور
وليد لما سمع اسم نور اضايق: انتي بتتكلمي معاها ليه اصلا
ميار بتمثيل الحزن: متزعلش منى حرام هي تعبانه الفترة دي و عندها مشاكل مع ابوها و امينه مش عاوزه اخليها تحس انها لوحده والله
وليد بسخرية: دي تستاهل اكتر من كدا ربنا لسه هيعمل فيها اكتر من كدا علشان خاطر اللي بتعملوا
ميار بتمثيل: ربنا يسامحها المهم اننا لازم نقف معاها في الأيام الصعبة علشان خاطر ربنا بس
وليد اتنهد بضيق: المهم ابعدي عنها ملكيش دعوه بيها انتي سبيها هي مش معاها ابوها و مرات ابوها خلاص.. كمل بغضب: هي السبب في كل اللي حصل في البيت و شهد و و و مش عاوز اخسرك انتي كمان
ميار بغل جواها: يااه بتكره نور لدرجه دي يا وليد. طيب دا انت ع كده متعرفش هي بتحبك اد اااي بتحبك حب حتى بعد ما انت عملت فيها كل ده بعد ما جيت عليها و قسيت. قد اي هي غبيه حرفيأ ياا ماانا نفسي تعرف قد اي انت بتكره حاجه اسمها نور اصلا.. قالت بحقدليها: مش تقلق عليا هي ولا تقدر تعمل حاجه اصلا دي اضعف من انها تعمل حاجه لينا والله
وليد بنعس: يلا روحي نامى بقا انتي تصبحي على خير
ميار: وانت من اهل الخير والسعادة سلام.. وقفلو
_________________________
في بيت هاني.
هاني بقلق؛مالك يا امينه ها؟
امينه بتعب وحزن؛ مفيش يا حبيبي تعبانه بس شويه صغيرين
هاني بخوف عليها؛تعبانه مالك
امينه: بطني وجعاني شويه بس
هاني: طيب ليه متقوليش من الصبح يا امينه جايه تقولي دلوقتي
او بهدوء: انا بقيت احسن شويه والله عن الأول
هاني: مش باين عليكي ابدأ والله
امينه بابتسامة بسيطه: والله احسن صدقني
هاني: بجد يعني
امينه بابتسامة: و حياتك عندي يا حياتي
هاني بابتسامة، يا روح حياتك انتي. طيب جهزتي كل حاجه علي الصبح بدري نمشي
امينه: اه يا حبيبي
هاني: تمام.
امينه حطت راسها ع كتف هاني. حضنته جامد اغمضت عيونها بدأت تروح في النوم… و هاني ايضا راح في النوم
________________________
في بيت ليلي.ليلي كانت نايمه في حضن. والدتها ليلي بحزن شديد: ماما هو انا لما عملت حاجه غلط غصب عني علشان خاطر اراضي حد بحبه اوى هو ممكن ربنا سامحني
والدتها بعدم فهم: تقصدي اي بكلامك ده يا ليلي
ليلي بتوتر: يعني يعني يا ماما مساء انا بحب نور اوى اهو اوى اوى زي ما انتي شايفه كدا. وانا شايفه انها في مشاكل و تعب. وجيت مثلا اتكلمت اخوها قولتله علشان خاطري بلاش تزعل نور حرام دي طيبه وهو قالي علشان خاطرك انتي بس يا اي حاجه
اتنهدت وقالت: مش فاهمه انتي عاوزه توصلي لاي اي يا ليلي بس انا هقولك حاجه. يا حبيبتي انتي متتكلميش خالص مع اي شاب او راجل غير بس راجل من اهل بيتك …
ليلي بدأت تعيط جامد و تفتكر لما كانت بتتكلم مع خالد في كل لحظة وهي مش عارفه حاسه بالندم بشده حاسه بالذنب ضميرها وجعها جامد و مخنوقه من نفسها
والدتها بقلق:الله مالك يا ليلي بتعيطي علي اي يا بت انتي
ليلي حضنتها جامد وهي بتبكي
والدتها بحنان: اهدي يا ليلي كفايه عياط فهميني مالك كدا
ليلي كانت بتعيط وبس
والدتها بحزن عليها: يعني مش هتقولي طب
ليلي طلعت من حضنها قالت بدموع: انا اسفة يا ماما متزعليش منى لو كنت عملت حاجه غلط من وراكي يوم من الأيام
والدتها بقلق وخوف عليها:انا بدات اقلق عملتي اي من ورايا يا ليلي
ليلي بسرعه و دموع: يا ماما لا لا انا مش عملت حاجه
والدتها بغضب؛ اومال كنتي بتقولي اي دلوقتي ولا بتقولي كدا ليه
ليلي بحزن؛ انا اسفة متزعليش منى يا ماما
والدتها بغضب: قومي يا ليلي كده ادخلي نامي جوه علشان انت مش عاوزه اشوفك قدامي يلا
ليلي حطت راسها علي كتفها و حضنتها جامد ببراءة: لا هنام جنبك علشان انا بردانه أوي عاوزه ادفي ف حضنك هنا
والدتها كانت هتتكلم تقولها لا
ليلي قالت بسرعه بدموع: علشان خاطري بقا هنام جنبك والله انا بحبكك اوى
والدتها بملل: طيب يا ليلي نامي نامي هنا
راحت راقضه. ليلي نامت في حضنها حضنتها جامد. و نامو في هدوء
________________________
نور كانت خلصت قراءة في المصحف زي كل عاده كل ليلة. حطت المصحف علي الكمدينو راحت راقضه علي المخده. فضلت تستغفر في سرها.. غمضت عيونها.. بدات تنام. مره واحده جه قدامها لما كان وليد بيلبس ميار الدبلة و يرقص معاها. حست بضيق جامد فتحت عيونها و.قامت بسرعة
نور بخنقه: يارب بقا كل لما بحاول انسي ليه من غير سبب كل حاجه تجي ليا لوحدها ليه بس استغفرالله العظيم استغفرالله العظيم يارب اهدني و اهدي قلبي من كل حزن اللهم لا تقلق عقلي بشئ مش من نصيبي يارب يارب. لا تشغل عقلي ب بالتفكير الوحش ده يارب بقا استغفرالله العظيم يارب
حطت راسها تاني ع المخده بحزن و دموع اتنهدت و اغمضت عيونها. نفس التفكير و كل حاجه بتجي ليها تاني. كانت بتحاول مش تزعل ولا تفكر لحد ما نامت
________________________
في الصبح اشرقت الشمس.
امينه وهي بتحط الشنط في شنطه العربيه. قالت بصوت عالي علشان هاني يسمع: هااانيي يلا بقاااااا
جوه البيت.
هاني ل نور بهدوء: بلاش خروج من البيت غير لما ترني و تقوليلي تمام قالت نور باحترم وهي باصه في الارض: حاضر
هاني درا ضهره وقال وهو ماشي ل عند الباب: خدي بالك من نفسك كويس لا اله الا الله
نور: محمدأ رسول الله. نور بصت ل الباب وهو يقفل بدموع. بصت حواليها حاسه انها لوحدها اوى البيت مالي بالهدوء. … قعدت علي الكرسي بدموع و قهرة: انا لوحدي اوى يارب ليه كدا. اااه .. سندت راسها ل ورا علي الكرسي … اتنهدت جامد تنهيده من قلبها
_________________________
في بيت ليلي
والدة ليلي: ليلي تعالي هاتي حاجات من السوبر ماركت
ليلي طلعت من الاوضه: حاضر هلبس طيب
…
بعد شويه كانت خلصت
ليلي بتركيز: ها اجيب اي بقا يا مامتي
والدتها: هاتي كيلو ونص رز و ازازة زيت و كيلو مكرونة قلم
ليلي: تمام يا ماما حاجه تاني
والدتها: لا خدي الفلوس اهي. ادتها الفلوس. وهي راحت مشيت
بالصدفة وهي طالعه شافت خالد طالع من البيت بصت بسرعة الأرض. و مشيت ولا كانها تعرفه.
خالد بتفكير قال جواه: هخليكي ترجعي غصب عنك و هتشوفي يا ليلي. راح ماشي مكان ما هي ماشيه
قرب في الخط اللي هي ماشيه عليه من بعيد قال. بصوت واطي علشان النااس: لو عاوزه حق حبيبت قلبك اللي هي نور يرجع ليها و الكل يعرف مين سبب كل ده يبقي الغي البلوك. علشان اعرف افهمك تعملي اي ليلي بصت لي بصدمه و من الكلام قالت جواها: هو ازاي عرف اني صاحبه نور هو بيراقبني ولا ايه. بصت لقته عده الشارع.. بقت مستغربة من الكلام جامد.
_________________________
في منزل السيوفي تحديدأ في غرفه عبدالله. و امال
امال بتوتر: عبدالله انت مش ناوي تتكلم معايا بقا وتنسي اللي راح
عبدالله بغضب: عايزني انسي بنتي ازاي
أمال بحزن:انا مش بقولك انسي بنتنا بقول ننسي اللي حصل خلاص نفتح صفحه جديده نحاول نبعد عن المشاكل اللي ما بينا دي و دايما ندعي لي بنتنا بالرحمة مفيش في أيدينا غير كدا وبس والله
عبد الله بحزن شديد: بس انا خلاص مش عايزك ولا عايز فرصة مع بعض ولا كل ده انا عايز حاجه واحده بس ان بنتي ترجع ليا مفيش حاجه في الدنيا دي عايزاه والله العظيم غيرها
أمال بصدمه و دموع: عبدالله انت بتقول اي يعني انت خلاص مش عايزني في حياتك؟
عبدالله بعدم اهتمام: ياريت والله علشان انا تعبت خلاص من كل ده
أمال بعياط شديد: بالله عليك كفايه كفايه بقي انك تحط كل اللوم عليا. انا مليش ذنب في حاجه والله العظيم
قال بغضب: المشكله انك كل لما تجي تتكلمي تقولي مليش ذنب مليش ذنب اومال مين اللي لي هاااا قوليييي انتييي مكنتيش بتخليهااااا تقعد فيي البيييت سااااعة وااااحده علييي بعضهاااا طول الوقت روحييي يااا، شهد روحي ياا شهد عند اميي وهي تسمع الكلام و تمشيي وانتييي تقعدي هناااا بااالك رايييق
امال بصدمه من الكلام و بعياط: انت بتقول ايه كفايه انا كنت بقولها تروح علشان خاطر تقعد معاها وهي مش طول الوقت هتقعد في البيت يعني
عبدالله بغضب معمي: اللي حصل دهههه ملوش اااييي مبرر.. مش عايز ارجع بليل اااشوفك هنااا ورقه الطلاق بتاعتككك هتيجي ليكييي لحد عندككك
أمال بصدمه: لا لا انا مستحيل امشي و اطلق زي ما انت بتقول كدا اعمل و قول اللي انت عاوزو لكن طلاق بلاش بالله عليك
عبدالله بتعب: بس انا مش عاوزك خلاص علي كدا ياريت تمشي بقا علشان ولا انا ولا انتي ينفع نفضل مع بعض اللي كانت ماليه علينا حياتنا و مخليكي علي ذمتي لحد دلوقتي خلاص ماتت ملهاش وجود في الحياة دي
أمال بعيط وحزن شديد: انت ليه ليه بتعمل فيا كدا ليه مش عايز انك تستوعب اللي حصل ده. كلو كان نصيب و كان مكتوب ليها من ساعة لما جت علي الدنيا دي و ان احنا ملناش ذنب في ده
عبدالله اتنهد بحزن جامد وقال: لا ذنب و الذنب ذنبك انتي وبس هيفضل في دماغي لحد اخر يوم في عمري كدا وبس
أمال بعيط اقوي حضنت عبدالله جامد قالت بحسرة: خلاص هي راحت مننا خلاص يا عبدالله مستحيل ترجع تاني
قال بكسرة عليها هو ايضأ: فعلاً،راحت اللي راح عمره ما بيرجع تاني مهما حصل
أمال طلعت من حضنه قالت ب وجع وحزن كبير: عبدالله ربنا يعوض علينا احنا والله نقدر يبقي عندنا بنت ولا ولد باذن الله شهد هتفضل عايشه معانا جوه قلوبنا بس احنا نقدر يبقي عندنا طفل عوض بدل شهد
قائلا بحزن: دا مستحيل محدش يقدر ياخد مكان شهد أبداً
امال بدموع: عبدالله علشان خاطر ربنا ادي فرصه لينا ان شاءلله خير احنا ندعي ليها علطول علشان تبقي مرتاحه
درا ضهره وقال: اللي عنده قولته وخلاص. راح ماشي … ب قلب مالي بالحزن و وجهه ظاهر عليه التعب الشديد … أمال قعدت في الأرض عيطت اقوي جواها هم الدنيا علي راسها حاسه باليأس من الحياة حاسه انها عايشه بجسد من غير روح
_________________________
بره. وليد شاف عمه كان طلع ندي عليه
وليد: عمي عبدالله
عبدالله وقف بص لي: صباح الخير يا وليد
وليد بهدوء: صباح النور يا عمي. اقعد افطر بعد كدا نمشي مع بعض علي الشغل ان شاءلله
اميرة طلعت حطت الاكل علي السفره: صباح الخير
وليد و عبدالله: صباح النور
اتنهد وقال بتعب: افطر انت يا وليد انا لازم امشي دلوقتي
وليد بقلق: عمي انت شكلك تعبان اوى مالك
ابو وليد بحزن عليه،: انت هتفضل لحد امتي بالحاله دي يا عبدالله هو حزنك ده هيرجعلك اللي راح والله ولا حزنك ولا تعبك ده هيرجعلك بنتك ابدأ
محمد: عبدالله استهدي بالله كده و فكر بعقلك يرضيك اللي انت فيه. ما ربنا يعوض عليك ان شاءلله اللي راح عمره ما بيرجع تاني
وليد: عمي والله انت هتتعب كدا اوى طلع كل الحزن من جواك بقا هون علي نفسك يا مه ناس بتخسر بدل الولد و البنت بالثلاثه. ربنا امر بكده والله بلاش تيأس من حكمه ربنا ابدا
فضل ساكت ل ثواني و جواه نفس الحزن و جواه يأس علي موت ابنته
اميرة بحزن قالت بهدوء: عمر ما الحزن ده بيفيد بحاجه بالعكس دا بيموت الإنسان بالبطئ والله هون علي نفسك ربنا يعوض عليكم باذن الله تعالى يارب
اتنهد بحزن. وقال: خير ان شاءلله.
راح طلع من البيت
محمد اتنهد بحزن وقال: ربنا يهديك يارب
_________________________
ليلي رجعت البيت جواها هتموت من التفكير من كل حاجه في دماغها
ليلي بضيق: ماما الحاجات اهي. حطت الحاجات علي الطربيزه. دخلت تغير الهدوم.
♡♡♡♡♡♡♡♡♡♡♡♡♡♡♡♡
في غرفه ليلي قعدت علي السرير بتفكير. قالت: هو عايز اي و ازاي عرف ان نور تبقي صحبتي اغمضت عيونها بدموع وقالت بضيق شديد: يارب سامحني يارب سامحني انت عالم انت عالم وبس عني عاوزه افهم الحقيقه يارب يارب كون معايا بلاش توقعني في مصيبة يارب يارب. بس عاوزه افهم بقا مين اللي عمل فيها كدا دماغي خلاص فيها نار من التفكير.. فتحت عيونها مسكت الفون في ايدها بدات تسجل الرقم. بعدها شألت بلوك.. بعتت رساله كل ايدها بترتعش و هتموت من الخوف و التفكير ميت سؤال في دماغها
" انت ازاي تعرف نور و ليه عملت فيها كده قدام اهلها روحت قولت انها حبيبتي وهي ولا تعرفك اصلا. بعتت رساله.
فتحت الرساله. رد قال: انا ولا اعرفها اصلا ولا حتى كنت اعرف اسمها غير انها الليله اللي كنت فيها في البيت سمعت بيقولوا اسمها وانا كان لازم اعمل زي ما اتقلي اعمل
_________________________
شافت الشات كتبت بسرعه " مين مين اللي قالك تعمل كدا هاا
ابتسم ابتسامة كلها شر وبعت" عاوزه تعرفي هي مين و الفضول هيموتك كده يبقي تسمعي اللي هقولك عليه يا غاليه
ليلي باستغراب وخوف منه: انا مش فاهمه انت عايز اي بالظيط حرام عليك بقا روح قول الحقيقه خلي حق البنت المظلومه دي يرجع بقا يا شبخ
بعتلها رساله قال" تمام تمام معاكي في كده بس مش قبل ما تنفذي اللي هقولك عليه
ليلي بضيق شديد " و دا اي ان شاءلله
_________________________
كانت قاعده ل ثواني مستنيه الرد لقيت بعت رساله بيقول فيها
ليلي بصدمه كبيره: اتجوزك ااااي
يتبع.