رواية حب المراهقه 2
الفصل التاسع 9
بقلم نور ربيع
اللهم صل وسلم وبارك على نبينا محمد 🩷
اللهم اني ظلمت نفسي ظلما كثيرا ولا يغفر الذنوب الا انت فاغفرلي مغفره من عندك وارحمني انك انت الغفور الرحيم 💚
نور طلعت من الاوضه ورا حياة
حياة بطفوليه: تيته …راحت جريت على سميره وسميره شالتها حضنتها
اميره بابتسامة: عامله ايه يا نور
امال بابتسامة: وحشانا يا نور عامله ايه …راحت حضنتها بابتسامة
نور بدلتها الحضن بابتسامة: انتي اكتر وحشاني يا طنط عامله ايه
امال بابتسامة: انا بخير طول مانتي بخير يا حبيبتي
نور بابتسامة بسيطه: دومتي بخير دايما يا رب يا طنط
اميره راحت حضنتها بابتسامة كلها حزن: وحشاني يا نور عيني كده ما بتساليش عليا اخص عليكي
نور حضنتها بحزن شديد: حقك عليا يا خالتو انتي عارفه اللي احنا كنا في ايه وبقينا في ايه دلوقتي
اميره بحزن شديد: الحمدلله على كل حال يا بنتي
امينه بابتسامة: نورتونا يا جماعه والله
سميره بابتسامة: ده نورك يا حبيبتي… بصت ل نور بابتسامه حزينه: انا كمان ما لياش حضن منك ولا ايه ولا انا بقى مش زيهم
نور طلعت من حضن اميره راحت حضنتها بابتسامة حزينه جدا: لا طبعا مين قال كده انتي زي امي طبعا زي خالتو اميره كمان
سميره بابتسامة: حبيبتي يا نور ربنا يحفظك
امينهبابتسامة: اتفضلو طيب يا جماعه اقعدو على ما ادخل اجيب حاجه تشربوها تفضلو
امال بابتسامة: يزيد فضلك يا حبيبتي… وقعدو
اميره بابتسامة: وحشاني يا حياه
حياة بطفوليه: اتي كمان وحساني
امال بابتسامة و ضحكه: يروحي علي الجمال ده اللهم بارك
_____________________________
عند ميار … احمد في الوقت ده كأن موجود عندها
ميار بانهيار: سبوني سبوني بقا ابعدو عني
احمد قاعد جنبها بسرعه علي السرير مسك ايدها بحنان حط ايدها على شعرها قائلا ليها و كل نبره صوته حزينه
احمد بحنان وحزن شديد: اهدي يا حبيبتي اهدي انا جنبك اهو اهدي
ميار بعياط و انهيار: احمد احمد ما تسيبنيش هنا لوحدي يا احمد هموت هنا لوحدي ما تسيبنيش انا تعبانه ما تسيبنيش عايزه امشي من هنا ما تسيبنيش بالله عليك
احمد بحنان: مش هسيبك انا معاكي اهو والله مش هسيبك بس اهدي
ميار بعياط هستيري: عاوزه اخرج من هنا عاوزه امشي مش عاوزه النااس الوحشه دي
احمد بحزن شديد: حاضر هخرجك من هنا والله بس اهدي
ميار بعياط:بجد همشي من هنا هتخرجني
احمد بتنهيد وحزن: اه ان شاءلله
ميار بدموع وحزن: طيب اوعدني
احمد بحزن شديد: وعد مني لو اخدتي العلاج و عملتي الجلسات باستمرار و بطلتي الحاله اللي بتجي ليكي دي وعد هخرجك
ميار بعياط شديد: انا غصب عني بيحصل ليا كده مش بقدر اتحكم في اعصابي
احمد بحزن: اوعديني يا ميار علشان اسمع كلامك و اعمل اللي انتي عاوزه
ميار بدموع وتعب: وعد مني هاخد العلاج و مش هتعصب عليهم كمان
احمد اتنهد جامد بعقل مشتت بشده وقلب مالي بالحزن
_____________________________
في شقه مهران
شهد قامت من النوم بتعب شديد
شهد بتعب: اااه جسمي كله متكسر كدا ليه… قامت اتعدلت علي السرير بتعب
مره واحده افتكرت
شهد بخوف شديد: العفريت اه كأن في عفريت والله امبارح بليل انا شوفته بعيني فعلاً … بصت حواليها برعب شديد حطت ايدها على بطنها بوجع
شهد بخوف وتعب شديد: اه بطني وجعاني والله …قامت نزلت من علي السرير و هي جسمها بيرتعش من الخوف فتحت باب الاوضه بصت حواليها في الصاله بخوف شديد
شهد برعب: كان في عفريت هنا والله فعلا مكنتش متخيله ولا حاجه اصلا
راحت شغلت قران فتحت الشبابيك و لعت بخور في البيت دخلت اتوضت طلعت تصلي بنفس الخوف و التعب اللي فيها وهي بتفكر في اللي حصل بليل
_____________________________
في منزل هاني
نور بابتسامة و استغرب: طنط امال انتي حامل ولا اي..؟
امال ضحكت بابتسامة: لسه واخده بالك يا نور عيني دا انا في الشهر السابع اهو يعني كمان شهرين كمان هجيب البيبي ان شاء الله
نور فرحت بابتسامة: بجد والله اللهم بارك…بضحكه: ولد ولا بنوته بقا.؟
سميره ضحكت بابتسامة: ولد
امينه بابتسامة:اللهم بارك تقومي بالسلامه باذن الله يا حبيبتي يارب
نور بابتسامة: ربنا يكمل ليكي علي خير يارب و تقومي بالسلامه يا طنط يارب كدا انتي و البيبي
امال بابتسامة: تسلمولي …بحب و بابتسامة: عقبالك انتي وليد بقا باذن الله
سميره بابتسامة: يارب يارب يبقي عندكم ولد ولا بنت كده يا نور قريبأ
نور اتنهدت بحزن شديد فضلت ساكته
اميره بتنهيد: نور عاوزه تبقي مع وليد موافقه تكملي في الجواز ده.؟
نور بحزن شديد: لا
امينه بحزن: نور وافقي
اميره بغضب: لا ياريت تسكتي انتي
امال بهدوء: نور وليد عاوزك في حياته بيحبك والله دا بيحبك انتي متعرفيش هو زعلان ازاي الفتره دي و ظاهر عليه التعب جدا والله و الحزن
سميره بحزن شديد: نور سامحي وليد والله وليد شريكي و عاوزك صدقيني
اميره بعصبيه: لا يا سميره لو نور موافقه علي كدا انا مش موافقه تمام
نور بدموع وحزن شديد: وانا مش موافقه انا مش عاوزه في حياتي
امينه ابتسمت بحزن: نور بتحب وليد والله وهي اللي قالت كدا كتير حتى قبل الحادثه لما جت هنا قالتلي كدا
سميره بابتسامة حزينه: عاوزينك في حياتنا يا نور والله انا عاوزكي تبقي مرات ابني وليد وتبقي انتي ام اولاده والله حتى هو عاوزك والله يتمني كده
امال بابتسامة: ياريت تفكري كويس يا نور في ده تبقو لبعض طول العمر كلنا عايزين كده والله وهو اول واحد وانتي اكيد برضو كده واحنا بنتمنى كده والله بجد وافقي بس فكري الاول اهم حاجه علي اخد القرار ده مش هتندمي والله
نور بتنهيد وحزن: ربنا يسهل ان شاء الله
اميره بحزن: برضو هتسمعي كلامهم ومش هتسمعي كلامي يا نور
نور في لحظه دي بقت في نارين عقلها بقى مشتت جامد ما بقتش قادره تفكر في اي شيء
امينه: يا نور بلاش تسرحي وتفكري كده خليكي معانا وخدي القرار الصح
اميره بغضب وسخريه: حقه يفرحك ما انتي عايزه تخلصي منها عشان كل حاجه تكوشيها على قلبك يا جاحده
امينه بحزن شديد: انتي برضو لسه شايفاني وحشه ومش عايزه تحبيني ابدا مش عايزه تصدقي ان انا اتغيرت كمان يا اميره
امال: اميره انسي اللي فات وسامحيها الانسان بيغلط غصب عنه والله كلنا بنغلط ربنا يسامحنا جميعا سامحيها بقى وخليكم اخوات حلوين مع بعض زي زمان وتصالحو مع بعض بقا يلا
اميره بحزن: دي مستحيل تتغير أبداً
امينه بحزن: لا والله اتغيرت اتمني انك سامحيني انتي و نور كمان
سميره اتنهدت بحزن شديد.: يلا خير ان شاءلله بكره الفرحه ترجع قلوبنا من تاني علي حياتنا كلنا ان شاءلله اتمنى انك انتي تفكري يا نور و تسامحي وليد واتوافقي
امال بّـــــ امل: لعله خير لينا باذن الله صفو النيه وخلو قلوبكم ما تصالحه مع بعض
اميره بتنهيد وحزن شديد: ان شاءلله
نور بحزن ودموع تلمع ف عيونها: خير باذن الله
امينه بحزن: اتمنى انكم تسامحوني والله. والله مش عاوزه غير كدا منكم
___________________________
بعد يوم كامل
في المساء
في بيت ليلي… ليلي كانت بتتكلم مع نور
نور بابتسامة: المهم يا للوشتي طمنيني عملتي اي في موضوع العريس
ليلي بعدم اهتمام: ان شاءلله هقولهم مش موافقه مستنين الرد
نور بغيظ: مفتريه حرام عليكي ليه كدا وبعدين عاوزين نفرح بقا عاوزين نلبس فساتين والله
ليلي بضحكه: لا البسي انتي بس الاول بقا يلا عاوزه افرح بيكي و اشوفك انتي و وليد مع بعض
نور بغيظ منها: لا انتي الكبيره اصلا اتجوزي الاول و بعدها انا افكر اتجوز انتي اكبر منى لازم تتجوزي بقا ووافقي علشان عاوزين نفرح شويه
ليلي بضحكه: نفرح ساعه فرحتك انتي الاول يا نور عيني
نور: برضو
ليلي بضحك: اه
نور بغيظ: طيب سلام سلام طالما بتعملي كدا بقا مش عاوزه تفرحي ولا تفرحي والدتك معاكي ولا تفرحينا
ليلي بسرعه: لا اوعي تقفلي هزعل كده منك احنا عاوزين نتكلم مع بعض شويه
نور بحزن.. يبقي وفقي بقا علي العريس علشان عاوزكي تتجوزي والله وتحبي و تسيبك من الماضي بقا
ليلي اتنهدت بحزن شديد: ربنا يسهل يا نور ربنا يسهل محدش عارف بكره مكتوب لينا في اي
نور ابتسمت بّـــــ امل: بكره احلي باذن الله ي للوشتي حاسه اننا هنام دلوقتي هنقوم علي حاجه حلوه باذن الله ♥
ليلي بّــــــ امل و بابتسامة: يارب يارب يا نور انا هصلي قيام الليل ادعي لينا وانتي كمان ادعيلي وانا نفس الكلام باذن الله بكره احلي لينا في امل …بحزن: كفايه يأس بقا كفايه قلوبنا تعبت يا نور والله العظيم اوي اوي
نور اتنهدت بحزن و امل: خير خير يا ليلي والله لعله خير يروحي اتفائلي وانا هصلي قيام الليل و هدعي كتيير باذن الله طول عمري بدعي والله و مش هيأس اكتر من كدا و هدعي برضو لينا بالايام الحلوه
ليلي بابتسامة حزن: باذن الله ياقلبي
__________________________
في شقه مهران
مهران بص ل شهد اللي قاعده سرحانه
مهران قال جواه باستغراب منها:اللي انا عملتو فيها امبارح بليل قفلها خالص خلاها ما تتكلمش حتى دي مش بتقول حاجه نهائي ولا بتتكلم انهارده…براحه جواه: بس احسن حاجه مش عايز صداع منها اكتر من كدا
شهد بقلق شديد: مهران يلا نمشي من هنا انا خايفه والله
مهران بعد اهتمام: لا متخافيش مفيش حاجه
شهد بزهق وخوف: لا في عفريت صدقني طلع بليل كمان هنا
مهران ببرود: والله لو كأن في عفريت زي ما بتقولي كدا ما كان خلاكي و لا خلني عرفت علشان العفريت مش بيحب بني ادمين
شهد بغضب: والله اومال اللي ظاهر بليل ده اي بقا
مهران: يمكن جن
شهد قامت برعب قعدت جنبه
مهران بخبث: عارفه يا شهد انا افتكرت حاجه برضو زمان كأن في حد مات مقتول هنا يمكن هو ده اللي ظاهر بليل
شهد بصدمه ورعب: يا نهار ابيض والله العظيم …بقت تعيط جامد من الرعب
مهران كان يحاول مش
يضحك: خدي الصدمه بقا انا اللي قتلته علشان زهقني راحت موته انتي عارفه خلقي ضيق اوي بتعصب من اي حد بروح اموت وانا موته الصراحه حاسس انه دي روحه اللي طلعت ليكي امبارح علشان يخلص فيكي انتي
شهد برعب وصدمه: اي …شهد في لحظه دي من كتر الصدمه جاه ليها ضيق تنفس شديد مبقتش قادره من كتر الرعب و الصدمه و التعب زاد عليها في بطنها و الوجع راح اغمى عليها انقطع نفسها
مهران بص ليها بصدمه: شهد شهد مالك …قام بسرعه بقا يفوق فيها بخوف شديد عليها
مهران بخوف شديد: شهد شهد مالك انتي صدقتي ولا اي …شالها بسرعه راح دخلها الاوضه على السرير رقدها بقا يرش ليها برفان علشان تفوق
يا جماعه بجد حرام وهتتحاسبوا
_____________________________
في منزل السيوفي… الكل متجمع
سميره بابتسامة و امال: انهارده كنا عند نور يا وليد
امال بابتسامة:حاولنا نقنع فيها بس مش راضيه والله بس يمكن تفكر باذن الله خير يا وليد
بّـــ سرحان وحزن شديد: مهما عملتو و اقنعتو فيها مفيش فايده فيها والله
ابو وليد بحزن: والله اللي حصل ليها مش سهل أبداً حقها يا جماعه
محمد اتنهد بحزن مالي قلبه: صح والله اتبهدلت بسببنا اوي جينه عليها اوي كدا المفروض نحافظ بس الاسف عاملنا العكس
وليد بوعد و صدق: المره دي انا اللي هخلي نور تسامحنا و زي الاول هتبقي واحده من البيت و هتبقي مراتي فعلاً و المره دي هخليها تستسلم وعد مني
عبدالله ابتسم: واثق اوي طيب وبعدين
وليد بضحكه وثقه: ولا قبلين هنشوف اللي هيحصل
اميره بعدم موافقه: هتعمل اي ياريت طلعو كل ده من دماغك بقا سبها في حالها
وليد بحزن: انا حالها يا مرات عمي و مش هسيبها والله غير علي موتي
امال بابتسامة: ياريت والله عاوزين كده يا وليد بجد
سميره بابتسامة: يارب الله المستعان
وليد بابتسامة و امل: بصو الامل في الله والله سبوها علي الله ان شاءلله بكره الفرحه جايه
ابوه بابتسامة: الله المستعان
اميره بحزن: كفايه يا وليد بقا سيب نور بالله عليكي كفايه وجع فيها
وليد ابتسم بحزن: مستحيل ده يحصل مستحيل يا مرات عمي
_____________________________
في شقه مهران
مهران كان يفوق في شهد بقلق عليها
شهد بدات تفوق. فتحت عيونها
مهران ابتسم بتنهيد وطمانينه: شهد انتي كويسه فوقي مالك يا حبيبي
شهد بصت لي بقت تصرخ جامد برعب
شهد بصرخه ورعب: ااابعد عنيي ااابعد
مهران بخوف عليها: شهد مالك اهدي يا شهد انا مهران اهدي
شهد قامت وهي بتصرخ من علي السرير برعب منه و انهيار
مهران اخدها في حضنه بسرعه بقا يهدي فيها
مهران بسرعه: اهدي اهدي مفيش حاجه انا مهران اهدي يا شهد
شهد ذقته بعنف بعيد عنها با انهيار ورعب منه
شهد با انهيار وخوف ورعب. منه:لا لا انت عفريت عفريت والله ابعد عني
مهران بصدمه: عفريت …بغضب: شهد اهدي عفريت اي
شهد حطت ايدها على وشها بقت تعيط بشده رعب جواها
مهران بهدوء: شهد اهدي انا كنت عامل فيكي مقلب والله اللي كان لابس اسود انا و وانا اللي فصلت الشاشه و كمان فصلت الانوار من العداد و كمان كنت بقولك كدا قتلت و العفريت علشان خاطر تخافي و تبطلي اللي انتي بتعمليه ده و المشاكل.. بحزن شديد منها: باختصار كدا عرفت اللي في دماغك لما كنتي بتتكلمي في التلفون انا مبقاش ليا طاقه لاي حاجه وخصوصأ انتي وانا مش هقدر اطلقك او اسيبك و اخد منك البيبي معملتش كل ده علشان خاطر اسيبك انا في الاخر
شهد شالت ايدها بصدمه من علي وشها بصت لي نظره كلها عتاب و دموع
شهد بصدمه عتاب وعياط: يعني انت والله العظيم اللي كنت بتعمل كل ده فيا علشان خاطر ابعد عنك وابطل مشاكل معاك و علشان خاطر كنت بعمل كل ده علشان خاطر اطلق منك انت مخوفتش عليا اني و البيبي طيب سيبك مني انا مخفتش يحصل حاجه ل البيبي بسبب الخضه اللي كانت هتموتني دي
مهران بتنهيد: امم انا مكنش في بالي ان يحصلكم حاجه و الحمدلله مفيش حاجه حصلت اهو …بوعد: عمومأ عاوزه تتعصبي تغلطي تصرخي اعملي اللي انتي عاوزه كده كده برضو مش هسيبك
شهد بعياط: لا مش هعمل حاجه اكتر من كدا علشان انا زهقت حاجه والله العظيم مفيش طاقه ليك اصلا
مهران بضحكه سخريه: يارب نكون صح المره دي علشان تعبت منك
شهد بغضب وصدمه منه: عارف حقيقي لحظه اللي قولتلي فيها قتلت صدقت انا الغبيه الهبله كنت هروح فيها اتخيلت انك عفريت قدامي والله العظيم …ضحكت جامد غصب عنه بنفس الخوف و التعب
مهران: ما عفريت الا بني ادم علي فكره…بخبث: دا انا حلمت حلم اني قتلتك و اكلتك و انتي موتي
شهد برعب وقرف: يع يع … و عيطت
مهران بسرعه: خلاص خلاص بقولك كدا علشان تخافي خلاص بلاش عياط
شهد بدموع وخوف: والله لو خوفت فيا تاني مش هسامحك المره دي بس …بصت لي بتوتر وخوف: والله العظيم انا بخاف منك اوي…بضحكه وخوف: علشان عيونك عامله زي عيون القطط خضره غامق والله
مهران بخوف فيها: ربنا يستر الحلم ما يتحققش بقا اصل انا احلامي بتتحقق مش عارف ليه عارفه كمان اللي يثبت كده اي قبل ما اخطفك حلمت اني خطفتك و اتجوزك قولت يبقي الحلم ده لازم يتحقق بسرعه فعلا اتحقق …بخبث وهو باصص ليها: خايف تعصبيني اروح اقتلك اكلك يبقي كدا الحلم التاني اتحقق
شهد برعب وصرخه: اااعاااا حراااام عليك بقاا الله
مهران ضحك جامد راح حضنها وهو بيضحك
شهد حضنته راحت عضته في كتفه
___________________________
في يوم جديد و احداث جديده
في منزل كريم
كريم: الساعه كام دلوقتي يا ساره
ساره: الساعه 12 اهي
كريم بجمود: طيب رني كدا علي نور افتحي السبيكر
ساره بفضول: في اي بتعملو اي بقا
كريم ابتسم: كل خير باذن الله
ساره اتنهدت: الله المستعان …مسكت الفون رنت ع نور … فتحت
ساره بابتسامة: السلام عليكم ورحمة الله وبركاته
نور بابتسامة: عليكم السلام ورحمة الله وبركاته عامله ايه يا سرسور
ساره: الحمدلله ياقلبي انتي عامله طمنيني عليكي انتي و حياتي
نور بابتسامة: دومتي بخير يا قلبي احنا بخير والله الحمدلله اهو
ساره: يا رب دائما بالف خير يا روحي
نور: حبيبي يارب
كريم: احم السلام عليكم ورحمة الله وبركاته
نور: عليكم السلام ورحمة الله وبركاته
كريم: عامله ايه
نور بعصبيه: مش بكلمك على فكره ما تتكلمش معايا
كريم ضحك: ليه بس عملت اي انا ليكي ياستي
نور بحزن: عشان اللي انت بتعمله ومزعلني منك قولتلك ميت مره تقولوا ليا يا جميله ما تقولش يا نور وعلشان انت بتتفق مع وليد عليا ما تكلمنيش مخاصماك
وليد بجمود: بما ان سيره وليد جت في الموضوع احب اقولك ان وليد تعبان تعبان جامد وفي اي لحظه لا قدر الله…و سكت
نور باستغراب وقلق: في اي مش فاهمه. حاجه والله.؟
كريم قال جواه بندم: يا رب سامحني يا رب سامحني على اللي انا بعمله ما فيش غير الحل ده اننا نعمل كده عشان اخلي نور تقتنع بالامر الواقع ده ويبقوا البعض لاخر العمر يا رب
ساره باستغراب: كريم في اي.؟
نور قلبها بقى يهدم بسرعه بخوف شديد: كريم في اي انا خايفه والله العظيم ل يكون في حاجه في حياة ولا اي..؟
كريم اتنهد بجمود: وليد تعبان اوي و الدكتور قال انه محتاجه عمليه خطيره مش عارفين هيقوم منها ولا لا ربنا يسترها بقى وانتي جايه تيجي عليه اكتر هو تعبان اصلا كفايه عليه ميار و اللي عملته مش هتبقى انتي وهي يا شيخه بقا
ساره بصدمه جواها: نهار ابيض على الكذب ده دي نور هتخلوها تقتلكم
بصدمه: انت بتقول اي من امتي ده وهو عنده ايه اصلا… بعياط وخوف عليه: وازاي ما حدش يقولي ازاي لما هو كان لسه اول امبارح موجود هنا ساعه ما اخد حياة
كريم بندم علي ده: تعب مره واحده وطلب مني اخر طلب انك انتي تفضلي جنبه
هو محتاجك جنبه والله
نور بعياط شديد:هو فين دلوقتي انا لازم اروح لي دلوقتي
كريم بفرحه: ياريت والله يلا روحي بقا هو في البيت بتاعهم
نور بعياط وخوف عليه: سلام عليكم ورحمة الله وبركاته راحت قفلت
كريم: عليكم السلام ورحمة الله وبركاته
♕♕♕♕♕♕♕♕♕♕♕♕♕♕♕♕
ساره بحزن: نور مش هتسامحك يا كريم انت كمان
كريم بتنهيد وندم: مفيش غير الحل الوحيد ده صدقيني هو هيعرف يتفهم معاها المره ان شاءلله …ابتسم بحزن: في امل المره دي علي فكره والله
ساره ابتسمت بحزن شديد: انت فرحان ليهم بجد
كريم بابتسامة صدق: والله العظيم فرحان ليهم اوي اتمنى انهم يفضلو مع بعض طول العمر يبقي عندهم عيل كمان علشان وليد يستاهل كل خير و نور كمان هي تعبت كتير في حياتها وانا واثق فيه انه هيعوضها باذن الله
ساره بابتسامة: ربنا يجمعهم مع بعض العمر كله المره دي يارب يا كريم …بتوتر: و يعوضك بنت حلال حلوه تحبها و تحبك
كريم بص ليها بعصبيه: تاني يا ساره تاني قولتي كدا قبل كده و سمعت كلامك اهو اللي يمشي وراكي يتعب والله
ساره ضحكت غصب عنها: اسفه والله بس دا نصيب وانا مالي يا جدع انت…بابتسامة: يمكن المره دي هي اللي تحبك اكتر يعني الحبيبه هي اللي يجي منها الحب الاول قبلك محدش عارف
كريم بزهق: لا مش عايز اعرف…بتنهيد وحزن: صدقيني كدا مرتاح في حياتي والله اقفلي اوعي تجيبي ليا السيره دي تاني تمام..!؟
ساره: حاضر
كريم: شطوره
ساره ضحكت تاني
كريم: ما انتي مش شطور غير في كده
ساره بضحكه: يوة بقا ما تكسفنيش الله
كريم ضحك: يغوتي
_____________________________
في منزل السيوفي …تحديدا في غرفه وليد
سميره: وليد انت قاعد من الشغل ليه انهارده؟ وبعدين هتعمل اي مع نور
وليد: نور جايه دلوقتي
سميره باستغراب: جايه! جايه ليه.؟
وليد بابتسامة: هتشوفي دلوقتي اتفرجي انتي بس هتشوفي كل حاجه دي هتيجي متجننه دلوقتي
سميره بعدم فهم: انت عملت ايه بالظبط في اي؟
وليد: هتعرفي والله بس اصبري الصبر جميل و حلو
_____________________________
في شقه مهران
شهد قامت من نوم راحت طلعت في الصالون وهي بتفرك في عيونها بنعس
مهران: صباح العصر كل دا نوم
شهد بنعس: انا نعسانه كمان تتصور كدا والله معرفش اي النعس و النوم ده
مهران: بتسهري كتير اوي لحد بعد الفجر تقومي العصر كدا ولا المغرب اليوم اللي يبقي في دروس تعملي فرح علشان خاطر مش بتبقي قادره تقومي
شهد بزهق: انا اعمل ايه بقا انا مش عارفه انظم نومي ها زهقت والله
مهران:معلش حاولي تنامى بدري زيي كدا
شهد: ان شاءلله …باستغراب: انت قاعد من الشغل ليه انهارده؟
مهران بسخرية: مش عايزني اقعد يوم معاكى ولا اي
شهد بسرعه: افهم بسال عادي انت مش بتفهم ابدا يا جدع انت
مهران بلا مبالاة: شكلك نسيتي عفريت مهران
شهد بغيظ: لا فاكره…بثقه: وبعدين مفيش عفريات زي ما انت قولت كدا علشان انت لو عفريت مكنتش تصلي كنت موتني ولا كنت طفشتني من الدنيا اصلا و تخليني اتجنن
مهران: شطوره بتفهمي اهو مش مصدق
شهد بغيظ: بارد والله اوي ياريت تقوم تعملي فطور علشان عندي درس ساعه كده لو سمحت … راحت تجاه الاوضه تطلع هدوم بعدها دخلت الحمام و اتوضت بعدها طلعت تصلي الظهر
مهران بغيظ: ما هو انا الخدام ليكي
شهد سمعته راحت بصت لي
شهد ببرود: مش عجبك طلقني يا حبيبي
مهران مسك المخده حدفها عليها بغيظ منها
شهد باكيد فيه: مجتش فيا يا مهران علي فكره
_____________________________
في منزل هاني
حياة بدموع: عاوزه ماما هي فين
امينه بحزن: يروحي هي جايه معرفش طلعت راحت على فين والله هرن عليها اشوفها هي راحت فين
حياة بعياط طفولي: سحلانه منها علشان سبتني بتقولك خلي بياك من حياة سحلانه بس
امينه شالتها بابتسامة حزن: معلش يا حياتي انا لما تجي هزعق ليها علشان خاطر اللي هي عملت ده ماشي
حياة بزعل طفولي: لا ماما مس تزعقي ليها
امينه ضحكت: حاضر مش هزعق تعالي بقا اي نشوف رهف صحيت ولا لسه هي و ابراهيم رايحه و اعمل ليهم للبن وانتي تشربي معاهم انتي كمان
حياة بطفوليه: حاتر
امينه مسحت دموعها بابتسامة باستها بحب راحو دخلو اوضه الاطفال
_____________________________
بعد وقت طويل كانت نور وصلت البيت نزلت بسرعه من التاكس دفعت الفلوس راحت بسرعه تجاه المنزل
بقت ترن الجرس جامد ورا بعضه
♡♡♡♡♡♡♡♡♡♡♡♡♡♡♡♡♡♡
اميره بغضب: الله هو مين اللي بيرن كده هو البعيد مفيش عنده صبر لي كدا
فتحت لقتها نور
اميره بفرحه و بابتسامة: نور اخيرا شوفتك رجعتي البيت… راحت اخدتها في حضنها بابتسامة حزينه
اميره بفرحه حزينه جدا: يااه اخيرا يا نور دا البيت من بعدك بقا وحش والله العظيم
نور بعياط شديد: خالتو فين وليد
طلعتها من حضنها باستغراب منها اميره:وليد جوه ليه في اي
امال جت ليهم
امال بابتسامة وفرحه: نور اخيرا رجعتي البيت والله مصدقه دا الدنيا نورت يا غاليتي
نور دخلت بسرعه رفعت النقاب و هي جواها خوف شديد عليه و بتبكي
نور بعياط وخوف عليه: وليد وليد
امال باستغراب: في اي يا نور هو وليد ضيقك في حاجه تاني ولا اي
اميره باستغراب قربت منها: في اي يا نور اي اللي حصل بتعيطي ليه طيب فاهمين
سميره طلعت من الاوضه بسرعه
سميره بحزن: نور تعالي شوفي وليد تعبان
نور راحت بسرعه وراها وهي قلبها مالي بشده خوف عليه وحزن
اميره بصدمه: تعبان عاملين لعبه عليها علشان خاطر تجي لي هنا و يوافق
امال ابتسمت بضحكه: دا احنا يومنا طويل انهارده
$$$$$$$$$$$$$$$$$$$$$$$$
نور قعدت جنب وليد بدموع اللي كان راقض علي السرير بتصنع التعب
نور بعياط وخوف: حبيبي مالك فيك اي سلامتك …حطت ايدها على وشه بدموع وحزن شديد وقلق عليه
سميره واقفه ورا نور اللي كانت قاعده علي السرير ماديها ضهرها كانت كتمه الضحكه جواها مستنيه وليد.يقول حاجه
وليد بتصنع التعب: ااه نور اخيرا شوفتك كنت خايف اموت قبل ما اشوفك ل اخر مره
نور بدموع وحزن: بعد الشر عليك يا حبيبي بعد الشر ان شاءلله انا وانت لا
وليد بابتسامة وفرحه: حبيبك بجد يعني انتي بتحبيني: خفي الابتسامة بسرعه تصنع التعب تاني
نور مسحت دموعها بحزن شديد: حقك عليا انا عارفه اني زعلتك مني والله بس مش هزعلك تاني خلاص علي كده والله العظيم في حياتي … حضنته جامد بعياط وخوف عليه وحزن شديد: بس انت خليك معايا اوعا تسبني علشان انا بحبك اد الدنيا دي كلها ما صدقت انك سبت اللي كانت سبب خراب حياتي وخلتك بتكرهني كدا اللي كرهتك فيا من زمان
وليد ابتسم بحزن شديد وعد: وانا بحبك اكتر يا نور عيني و مش بحب غيرك و هفضل جنبك طول العمر وعد منى مش هسيبك غير اما الموت هو اللي يأخدنا من بعض
اميره دخلت بسرعه الغرفه
اميره بغضب شديد: خدي بقا الصدمه التانيه يا نور وليد مفيش حاجه فيه هو زي الفل بس بيضحك عليكي يا هبله
سميره بزعيق فيها: بس بقا يا اميره كفايه ما تسبيهم في حالهم بالله عليكي
امال بحزن: اهدي يا جماعه صلو علي النبي مش كدا انتي وهي
نور طلعت من حضن وليد بسرعه بصدمه اول لما سمعت كده
نور بصدمه و دموع: اي بيكذب عليا
وليد بسرعه: نور انا بحبك علشان كدا كان عملت الاتفاق ده مع كريم
نور بصدمه وصرخه فيه: ااانت واااحد كذاب ااانت عملت كدا لييهه هااا انت وهو هو اناا لعبهه عندكم ولا ااي
﴿وَإِن تَصْبِرُوا وَتَتَّقُوا لَا يَضُرُّكُمْ كَيْدُهُمْ شَيْئًا﴾