الفصل الثلاثون 30
بقلم نور ربيع
في يوم جديد و احداث جديدة
عند امينه في المستشفى
الدكتوره بابتسامة: حمد الله على سلامتك خدي بالك بقا من نفسك و من ابراهيم و رهف
امينه بابتسامة كلها حزن: الله يسلمك يروحي حاضر تسلميلي تعبتك معايا الفتره دي
الدكتوره بابتسامة: دا انتي تعبك راحه والله
_________________________
في منزل السيوفي
في غرفه شهد …امال دخلت قعدت جنبها على السرير
امال: برضو مش هتقولي كنتي فين امبارح و لما ناديت عليكي ليه مش رديتي ها
شهد بحزن: مكنتش سمعاك يا ماما والله مش مركزه خالص
امال بحزن عليها: عقلك فين عاوزه اعرف يا شهد طلعي من دماغك كل حاجه بقا
شهد بدموع وقهرة: اطلع اي ولا اي ولا اي بس يا ماما
امال بحزن: والله بأيدك طلعي كل حاجه من تفكيرك.. بغضب: و احمد كمان طلعيه من جواكي و دماغك لان تفكيرك فيه حرام
شهد بعياط وحزن: احمد مكنتش اتوقع منه كده نهائي مش عارفه ليه بقا بالقسوة دي يا ماما
امال: احمد لو شاف الحقيقه بــ عيونه هيسكت مش بيحب يطلع نفسه ابدا غلطان بعد ما يشوف اللي حواليه غلطانين بعد كدا يشوفهم صدقين
شهد بعياط وحزن منه: ليه كدا بيعمل ليه كدا حرام عليه دا انا حبيته عمري ما حبيت حد غيره والله
امال مسحت دموعها قالتلها. امال بحزن: شوفتي بقي من اول مره باعك ازاي و كرهك ازاي من حاجات كلها مش حقيقه زي الصور كده زي كلام مهران لي اللي قالوا عليكي زي الكره اللي في قلبه ليكي بعد كل ده و و و شوفتي بقي اد اي
دموعك دي خساره فيهم كلهم و حبك لي هو لو كان بيحبك دلوقتي خلاص بقيتي حاجه تانيه في نظره
شهد بعياط وجع: بس انا بحبه والله برضو حتى لو قولت كدا بس غصب عني من صدمتي فيه اصلا
امال بغضب: موتي نفسك اقتلي نفسك بقا بــ حبك لي بــ شعورك ده و قلبك الضعيف. شهد انسي بقا انسي علشان هو مش بيحبك
شهد مسحت دموعها بوجع جواها بتحاول تتماسك
امال: خليكي قويه بلاش الضعف اللي جواكي ده و طلعي اي حاجه وحشة من دماغك يا شهد
شهد هزت راسها بحزن شديد و دموع بتلمع في عيونها
امال حطت ايدها على بطن شهد بابتسامة: هو ده اللي هيخليكي تطلعي من كل حاجه ان شاءلله
شهد بابتسامة كلها حزن: ان شاءلله. ماما اومال ميار سافرت فين كدا دخلت اي
امال: دخلت طب و في أروبا هي في تانيه جامعة دلوقتي الامتحانات بتاعها بدأت تقريباً هتنزل باذن الله قريب
شهد بابتسامة حزن: اللهم بارك
امال بابتسامة بسيطه: هي مخطوبه هي وليد كمان
شهد ضحكت بسخرية: كمان دا انا فات عليا حاجات كتيره بقا
امال بحزن: اوي اوي الحمدلله على كل حال المهم انك كويسه
شهد اتنهدت: الحمدلله يا ماما. انا هشوفها كدا اتكلم معاها
امال قامت: طيب وانا هروح هشوف اعمل ايه
شهد: طيب. مسكت الفون بدات ترن عليها
_________________________
عند ميار.. كان الفون بيرن وهي نايمه
بدأت تفوق على صوته. مسكت الفون بزهق: مين اللي بيرن ده
ميار رفعت راسها من علي المخده باستغراب: اي دا مين اللي بيرن من الاكونت بتاع شهد.. فتحت باستغراب
ميار باستغراب:الو مين
شهد بضحكه تعب: اااناا شهههد وحشااااانيييي كتيرر اووي يااا مرمرر
ميار بصدمه: شهد مين؟. من غير استوعاب: دا فعلاً انتي شهد صوتك بس ازاي عايشه ولا انا بحلم صح صح بحلم
شهد بسرعه: لا لا مش بتحلمي انا شهد فعلاً عايشه والله يروحي
ميار بصدمه: ازاي عايشه ي بت انتي انتي مين بالظبط
شهد فتحت الكاميرا. ميار راحت فتحت
شهد بدموع: وحشاني يا ميار
شهد بصدمه منها: انتي فعلا شهد انتي عايشه ازاي يا شهد اومال مين اللي ماتت دي
شهد بدموع وجع: هقولك يا ميار دا انا اتبهدلت في حياتي والله
_________________________
في غرفه احمد
اميره بغضب منه: انت اي بالظبط انت مش حاسس انك انت علي غلط
احمد بسخرية: غلط في اي بقا ان شاءلله
اميره بحزن منه: حرام عليك نفسك يا اخي انت دماغك دي فيها ايه عايزة اعرف اللي قدامك كلهم وحشين كدا ميار و نور و شهد كلهم وحشين كده خلاص علي كدا في نظرك العالم كله وحش. انت اي عندك هوس
احمد بحزن وغضب: كل العالم فعلاً وحش في نظري مفيش انسان في الدنيا دي نضيف من جواه علشان تبقي عارفه
اميره بدموع وغضب: انا معرفش انت بقيت عامل كدا ليه معرفش فين احمد بتاع زمان راح فين اللي مكنش في قلبه كل ده
احمد بحزن شديد وغضب وقسوة: مات من زمان مع كل حاجه مات مفيش احمد خلاص بتاع زمان
اميره بدموع وحزن عليه: ليه كدا يا احمد بتعمل في نفسك و فينا انت عارف انت وجع قلبي عليك ازاي انا و ابوك غير من نفسك ارجع ل احمد القديم
احمد بحزن: مفيش انسان في الدنيا دي كلها بيتغير ويرجع تاني ل الشخص القديم دا مستحيل
اميره بحزن: مفيش حاجه مستحيل
احمد جه يطلع من الاوضه بغضب
اميره قالت بسرعه وعياط وحزن: حط في بالك ولا ميار ولا نور و لا شهد تستاهل كل ده شهد و نور مظلومين
احمد بــ : نور مظلومه لكن هي لا
اميره بابتسامة كلها حزن وسخريه: اخيرا عرفت انها مظلومه طيب والله عال العال ي بني
احمد بسخرية: مش فارقه معايا
راح طلع من الاوضه. بلا من البيت كله
اميره بحزن و دموع: مش عارفه هتفضل امتي كدا مش عارفه
_________________________
في منزل امينه
الاطفال كانت بتعيط
امينه بحزن وقلق: مالكم بس في اي
هاني داخل الاوضه بسرعه قال
بلهفه : مالكم ليه العياط ده كلو
امينه بغيظ منهم:دول فضايح هما الاتنين يا هاني اوى
هاني بهدوء: هما اكيد جعو يا حبيبتي
امينه بــ حيرة: مش عارفه والله بقا كل شويه عياط
هاني قاعد وشال البنت و ادها الولد
هاني بابتسامة: اكلي ابراهيم خليه ينام وانا هحاول اسكت الست رهف
امينه بابتسامة بسيطه: طيب. بدأت تأكل فيه بابتسامة وحنان
امينه بحزن شديد: هاني
هاني: امم؟؟
امينه بدموع: بلاش تسيب مهران بالله عليك لو شهد موفقتش على اتفاق ده اعمل اي حاجه علشان يخرج
هاني بهدوء: اطمني مش هسيبه والله.. اتنهد وقال: مع ان اللي اخوكي عملو غلط اوي فيها وانا مش راضي عن كدا و يستاهل من ان يحصل فيه كل ده بس برضو قضيه زي دي مينفعش خالص يفضل مظلوم فيها كتير
امينه بحزن و دموع: هو غلطان فعلاً والله العظيم مش هقول لا بس بس هو كان بيحبها والله
هاني بعصبيه: اللي بيحب مش بيأذي يا امينه هاا علشان تبقي عارفه
امينه بــ ندم و دموع: يعمل اكتر من كدا غصب عن الواحد
هاني اتنهد وقال بزهق: امينه بالله عليك امسحي دموعك و كفايه بقي
امينه بحزن شديد: حاضر
هاني بهدوء: اطمني هي ان شاءلله توافق لما تعرف انه عايز يطلقها لو هي طلعته من كل ده
امينه بحزن وخوف عليه: يارب يارب يا هاني
_________________________
في بيت ليلي..
ليلي كانت بترن علي امينه علشان تطمن عليها …ردت
ليلي بابتسامة: وحشاني والله عامله
امينه بابتسامة بسيطه: انتي اكت يروحي عامله ايه
ليلي بغيظ: كويسه الحمدلله مش بتسألي ليه ها؟
امينه بغيظ هي ايضأ: يعني انتي اللي بتسألي يعني
ليلي: طيب انا مشغوله في الامتحانات ي ختي فترة دي اوي
امينه اتنهدت وقالت: متزعليش منى والله الفترة دي كلها كنت تعبانه كنت بموت كدا حرفيا
ليلي بــ قلق: الف سلامه عليكي ياروحي مالك انتي كويسة
امينه: الحمدلله اهو احسن عن الأول.. امينه بابتسامة بسيطه: مالي انا كنت تعبانه عشان الولادة و ولدت دلوقتي الحمدلله و رهف و ابراهيم في حضني الحمدلله اهو
ليلي بفرحه: بجد اللهم بارك.. بزعل: متزعليش منى عارفه اني اني مش بسأل والله عليكي بس مشغوله في الامتحانات انتي عارفه الفترة دي بقا بتبقي عامله ازاي مع الكل
امينه بابتسامة: يروحي مش زعلانه منك والله و ربنا معاكي يا ستي. المهم مش هتيجي تشوفيهم
ليلي بابتسامة: هجي طبعاً ساعة بالكتير اكون عندك ان شاءلله
امينه بابتسامة: تنوري يروحي والله مستنيك اهو
ليلي: سلامات
امينه بابتسامة: سلامات ياقلبي.. وقفلو
ليلي قامت من علي السرير طلعت من الاوضه
ليلي: ماما امينه ولدت هروح اشوفها
والدتها: تمام خدي بالك نفسي بلاش تأخير
ليلي: حاضر يا ماما. دخلت تلبس
_________________________
عند شهد و ميار
شهد بعياط: شوفتي بقا حصل ليا اي.. بــ قهرة: و احمد احمد اللي حبيته اكتر من نفسي عمل اي
ميار بصدمه وحزن: ازاي حصل كل ده بس انا مصدومه والله العظيم عمري ما كنت اتوقع ان كل ده يحصل او انتي تكوني عايشه انتي متعرفيش احنا كنا عاملين ازاي بعد ما الدكتوره قال انك موتي بس مكنتيش انتي البنت اللي كانت في الغرفة مكانك
شهد بعياط وحزن: حتى انا يا ميار عمري ما كنت اتوقع ان يحصل فيا كدا انا كنت مبسوطه اوى من حياتي في لحظة الحيآة باظت كده.. بوجع جواها: ولا احمد احمد ياربي عليه الله يسامحه
ميار بحزن عليها: بصي هو اللي حصل حصل خلاص مستحيل حاجه تتغير بس مستحيل برضو اللي حصل يرجع يتكرر تاني معاكي.. اتنهدت وقالت بيأس منه: ولو علي احمد احمد كده كدا اتغير مع الكل مش معاكي انتي بس والله حتى انا مش بيتكلم معايا انا بقيت وحشه في نظرة
شهد باستغراب و دموع: ليه احمد بقا كدا مش فاهمه ليه؟
ميار بحزن: من ساعة لما قولتلي انك مش بتحبيه و وقفتي في وشه و مهران بعت الصوره اللي يوم اللي دخلتي في المستشفي و عرف ان مهران سبب كل ده كره كل حاجه في حياته بقا قاسي كدا بس هو مش عايز يبان قدام حد انه ضعيف والله
شهد بدموع وقهرة: بس انا بحبه هو عمري ما كنت حابه اني ازعله بس برضو مش عاوزه اغضب ربنا اكتر من كدا كان لازم نرضي ربنا علشان يرضي عننا والله
ميار اتنهدت وقالت بحزن: عارفه يا شهد كده كدا هو مش هيقتنع اصلا نهائي بلاش تحاولي معاه
شهد مسحت دموعها بوجع وحزن: احاول اي بس مش هحاول كفايه اللي انا فيه كفايه بقا انا تعبت اصلا من كل حاجه في حياتي والله العظيم
ميار: اوعي توقفي حياتك علشان حاجه لازم يحصل كدا علشان خاطر تقوي ل الحيآة.. اتنهدت وقالت: ابدئي صفحه جديده مع نفسك و انسي اللي فات ككلو ده حتي احمد طالما سابك و ظلمك و مش عايز يفهمك ارمي و را ضهرك و سيبك من كل ده و روحي خدي دروس من اول تانيه ثانوي و ذاكري اوعي توقفي حياتك بقا وحبي واتحبي و عيشي حياتك سيبك من اللي فات
شهد بدموع: مش هقدر يا ميار والله
ميار بعصبيه:ما تقوليش مش هقدر لا غصب عنك لازم علشان انتي مش هتفضلي كدا لوحدك في العذاب ده يا شهد
شهد اتنهدت وقالت بحزن: هحاول لو مقدرتش خلاص
ميار: شهد بلاش توقفي حياتك بقا انسي اللي فات بالله عليكي ارجعي شهد بتاعت زمان تمام
شهد بحزن: حاضر يا ميار حاضر
ميار بابتسامة: قريب ان شاء الله اجي علشان اخدك في حضني كدا نفسي اقعد معاكي واحكيلك حاجات كتيرههه اوووووي
شهد بابتسامة وجع: باذن الله تجي بالسلامة لينا يروحي نقعد مع بعض ونحكي لبعض كل حاجه.. افتكرت حاجه. بحزن منها: كمان علشان في حاجه كمان عاوزه اقولك عليها
ميار باستغراب: اي هي؟
شهد بحزن وعتاب: ليه بتقولي ليهم في البيت ان نور هي السبب في كل ده هي و امينه
ميار بتوتر: احم كنت شاكه فيها
شهد جت تتكلم الفون رن. من رقم غريب قفلت المكالمة الفديو راحت بعتت رساله ليها علشان تشوف مين: ميار شويه و كلمك
ميار شافت الرساله. بعتت: طيب بلاش تتاخري علشان عاوزه اكلمك
شهد فتحت: الو مين؟
مهران بسخرية: مين لحقتي تنسي انا مين بالسرعة دي
شهد لما سمعت انه هو غمضت عيونها وقالت جواها: مش عارفه ليه الفضول موتك كده و عاوزه تعرفي مين يا شهد
قالت بتوتر لي: احم انت عايز ايه
مهران بتصنع البرود: ولا حاجه.. بكذب: انتي مش عاوزه تطلقي؟
شهد بسرعه: ياريت والله العظيم
مهران: يبقي طلعيني من هنا
شهد بغضب: ازاي ان شاءلله لما انا نفسي هاربانه منهم
مهران بغضب: اسمعي كويس يا بت انتي هما مش عايزينك انتي هما عاوزين مهران صاحب القضيه اللي اتمسك بالحاجات دي و اتمسك بالبطاقة بتاعته و الشغل وكل حاجه لكن انتي محدش فيهم اثبت عليكي حاجه يعني كل ده عليا انا
شهد بتوتر: طيب هما كانو ليه عاوزين يمسكوني طيب انا خايفه
مهران: لو كانو عايزينك مكنش حد فيهم دلوقتي سابك.. بــ حقد جواه: احمد راح وقالهم قال كل حاجه
شهد باستغراب : مش فاهمه قال اي؟
مهران بغضب: لو عاوزه تعرفي كل حاجه و اطلقك يبقي تجي علشان تعرفي كل حاجه و ننهي الموضوع بقا
شهد بخوف: لا لا اخاف اجي والله
مهران بعصبيه: بقولك انتي ملكيش اي قضيه ولا حاجه انتي ملكيش دعوه بــ كل ده كل ده عليا انا انتي مش بتفهمي ولا ايه
شهد بتوتر: طيب طيب هحاول اجي
مهران بضيق: سلام.. وقفل
مهران بص ل العسكري. بضيق بتنهيد: خد التلفون اهو
العسكري بسخرية: واثق اوى انك هتخرج و ملكش في كل ده
مهران بضيق: واثق اوي كمان يا خويا
________________________
في السعودية في منزل كريم
نور مسكت الفون باستغراب جواها: بعت رساله من امبارح ل ميار فتحت الشات و مش ردت يمكن مشغوله ولا حاجه ربنا عالم بــ كل واحد بقا
سارة باستغراب: سرحانه في اي كده؟
نور بصت ليها بابتسامة: لا بس كنت بشوف ميار
سارة باستغراب: مين ميار دي انتي عرفتي صحاب من السوشيال بالسرعة دي
نور: اه دي اسمها ميار محمد.. اتنهدت وقالت: حسيت اني اعرفها قولت اتكلم معاها و اتعمل معاها يمكن نطلع نعرف بعض ولا حاجه
سارة بدهشة: ميار نعرفها ميار محمد تبقي بنت سلفة عمتي
نور باستغراب: بجد يعني انتوا تعرفوها
سارة: اه اتكلم معاها و تعرفو علي بعض.. ضحكت : بس خدي بالك دي عصبيه جامد مش ناسيه لما كنت عند عمتي هناك حياة عيطت اتعصبت علينا
نور ضحكت: ربنا يسترها.. احم سارة قومي صحي حياة علشان نايمه من بدري ممكن كده تسهر.. فون نور رن
سارة قامت: طيب.. ودخلت
نور بصت كانت ميار
نور بابتسامة جواها: لسه كنا جايين في سيرتك والله.. و فتحت
نور بابتسامة: السلام عليكم ورحمة الله وبركاته
ميار بدهشة من انه صوت نور تمامأ
ميار بــ توتر: عليكم السلام ورحمة الله وبركاته عامله ايه
نور بابتسامة: الحمدلله يروحي انتي اخبارك ايه روحتي فين من امبارح
ميار جواها باستغراب: دي فعلاً مش فاكره خالص لو كانت مش فاقده الذاكره مش كانت عرفت اني اني ميار بنت خالتها دي حاجه غريبه
نور باستغراب: احم روحتي فين تاني يا ميار.؟ …وضحكت غصب عنها
ميار جواها: الصوت و الضحكه يالله
قالت بسرعه: ها معاكي اهو بس افتكرت حاجه.. انا بــ غل: انا بخير دامك بخير ياغاليه
نور بابتسامة: ولا يهمك يروحي. و دايما يارب تكوني بخير
ميار: حبيبتي. ميار فتحت الكاميرا بسرعه... قالت: افتحي الكاميرا يا نو. من هنا ساكت بسرعه بــ توتر
نور لبست الطرحة فتحت وهي بتضحك: انتي مش عارفه اسمي ولا ايه يا مرمر بس
ميار بصت ليها بصدمه انها فعلاً نور بقت بصه ل ملامحها جامد تتأمل فيها
نور بضحكه و استغراب منها: انا عارفه اني قمر بس مش للدرجه دي اللي هي تبصي ليا كدا وتبقي مصدومه
ميار حطت الفون جنبها قالت بــ حقد: دا احنا هتبقي ايامنا طويله اوى يا ست نور …مسكت الفون
بتصنع الابتسامة: معلش عارفه اني سرحانه بس افتكرت ان عليا امتحانات بكره
نور بابتسامة: ولا يهمك يروحي انتي. في سنه كام؟
ميار: في سنه تانيه كليه طب
نور بابتسامة بسيطه: اللهم بارك ربنا معاكي ياقلبي
ميار: يارب.. بخبث وتصنع الحب و الابتسامة: يلا كده بقا قوليلي كل حاجه عنك كده يا قمر
نور بتنهيد: عاوزه تعرفي اي وانا اقولك
ميار بــ تمثيل الابتسامة: اسمك ايه كامل عندك كام سنه و انتي متجوزه امتي و كدا.. بخبث: بس انتي شكلك صغير ازاي انتي متجوزة كده بنتك دي ازاي انتي متجوزة صغيره يعني
نور اتنهدت بــ ضيق شديد دموع تلمع في عيونها: بصي انا معرفش انا عندي كام سنه او انا بدرس اي او انا مين او الشخصيه بتاعتي الحقيقه اي بالظبط…بحزن شديد مالي قلبها: بس انا في شخصيتي دي اسمي جميلة المحمدي يعني دا اسمي في البطاقه بتاعتي دا جوزي هو اللي ادني الشخصيه دي و الاسماء دي و انا و هو متجوزين لحد ما بس ارجع ل الذاكرة بتاعتي و حياة بنته لكن مش بنتي انا هي مراته الله يرحمها قولت كدا قبل كدا علي الموضوع دا
ميار بتصنع الصدمه: اااه ازاي كل ده اي اللي حصل ليكى بقا
نور بدموع: من سنتين حصل حادثة ليا
(يا جدعان يا جدعان مش كل الناس كويسه و فنفس الوقت مش كلهم وحشين لكن ميكونش واحدة لسه عارفاها من قريب وتحكي لها كل حاجه افرضي مش كويسه اقفلوا علي حياتكم ومش كل حاجه تحكوها )
_________________________
في منزل السيوفي
شهد قامت بتعب من علي السرير طلعت هدوم علشان تمشي جواها هتموت من الخوف و التعب جواها
طلعت دريس ابيض عليه رسومات بالاسود و خمار ابيض
شهد بحزن شديد: هدومي الجميله دي وحشاني والله
بدأت تلبس بتعب
_________________________
في الصالون. اميره و سميره و امال قاعدين فيه
سميره: امال شهد نادي عليها تقعد معانا
اميره: هقوم اقولها تعالي
امال بحزن: هي مش عاوزه تقتنع ولا تخرج ابدا
شهد طلعت من الاوضه
اميره بصت ليها. بابتسامة: اي القمر ده يا شوشو يا قمر
شهد بحب: وربنا ما حد قمر هنا غيرك يا مرات عمي يا حبيبت قلبي
امال باستغراب: راحه فين كدا يا شهد
سميره بابتسامة: ايوه كدا ابتسمي خلي الشمس تدخل
شهد ضحكت ضحكه بسيطه: حاضر يا مرات عمي. راحت قعدت جنبهم بتعب
شهد بتوتر: ماما انا هروح عند تيته
امال بــ شك: هجي معاكي
شهد بسرعه: لا يا ماما مش لازم انا هروح وجي بسرعه والله(ده كدب علي فكرة هتتحاسبوا عليه مفيش حاجه اسمها كدبة بيضه الكدب كدب)
اميره: خليها تروح يا امال حتي كمان علشان تشوف الدنيا كدا
امال بــ قلق عليها: انا خايفه عليها مبقتش عاوزها تروح في مكان عايزها قدامي كده في حضني والله
شهد بحزن: بلاش خوف عليا يا ماما بالله عليكي ولا تتعبي نفسك علشان انا مستحيل يحصل فيا حاجه اكتر من اللي حصلت وانا الحمدلله كويسه اهو
سميره بابتسامة: اللي حصل مستحيل يحصل تاني فعلاً بلاش خوف كده او قلق و شهد خلاص هتبقي ام كمان شهر باذن الله لازم تعرف تعتمد على نفسها في الدنيا دي علشان خاطر نفسها و البيبي اللي جي
اميره بهدوء: صح يا امال والله كدا بلاش خوف و قلق.. بابتسامة: وبعدين دي عندها 18 سنه غير انها حامل كمان اللهم بارك ليه قلق عليها وانتي يا شهد خدي بالك من نفسك كويس ياحبيبتي ماشيه في كل لحظه وكل وقت
شهد ضحكت بابتسامة بسيطه: ايوه كدا هي دي الستات القادرة ولا بلاش
امال بسخرية: المهم يا قادره انتي خدي بالك من نفسك بس اهم حاجه انتي و اللي في بطنك.. بتحذير: اوعي تتهوري تعملي حاجه يا شهد
شهد اتنهدت وقالت بحزن وحب جواها: لا متخافيش يا ماما هو روحي والله
سميره ضحكت: ربنا يكملك بــ عقلك يارب
اميره بابتسامة: دا حته منك يا شهد خدي بالك كويس من اللي في بطنك
شهد بابتسامة: حاضر والله هو فعلا حته مني مش هيهون عليا اشوفه في حاجه وحشة أبداً
بصت ل امال بستها بابتسامة. وقامت: عاوزين حاجه ساعه بالكتير هكون هنا
امال: سلامتك ياقلبي خدي بالك من نفسك
سميره: في حفظ الله
شهد: حاضر يا ماما في حفظ الله. ومشيت
_________________________
في منزل هاني و امينه
كانت ليلي وصلت البيت
ليلي بابتسامة وفرحه: اللهم بارك اي القمرات دي.. بضحكه: انا عاوزه زيهم علشان العب بيهم
امينه ضحكت: اتجوزي طيب علشان تجيبي زيهم بسرعه
ليلي بمرح: للاسف يا ختي محدش عايز يعبرني و يتجوزني اعمل اي بقا مش بأيدي
امينه بضحكه و بابتسامة: ياقلبي باذن الله تتجوزي و تخلفي قريب اوي وبعدين انتي صغيره لسه بدري اوي انتي لسه مش تميتي 19 سنه
ليلي بضحكه: خلاص هما كام شهر والله
امينه بابتسامة: تمي على خير بإذن الله ي قمر.. المهم خدي بالك من المذاكره و الامتحانات دي اهم برضو والله
ليلي بــ تنهيد: يلا خير ان شاءلله يارب.. بحزن شديد: ياريت لو كانت نور معانا في الوقت ده ياريت بجد
امينه بحزن.: مش عارفه امتي بقي ترجع لينا أحيانا بيأس بقول مفيش امل والله
ليلي بحزن: الأمل في الله والله احنا ندعي دايما ليها انها ترجع بالسلامة لينا
_________________________
ميار بــ تصنع الصدمه: ااي كل ده حصل
نور بــ دموع: اه والله انا طول الوقت بحاول افتكر مش قادره لما تعبت. بس بحاول اني افرحهم والله مش عاوزه اتعبهم معايا علشان خاطر محدش فيهم يزعل مني
ميار قالت جواها بــ شر وحقد: ومن هنا بقا لازم اعمل المستحيل علشان خاطر شخصيه نور تتنسي تمامأ بقا من القلوب و من التفكير حتى
ميار بــ غل: بصي يا جميلة هقولك حاجه ياريت تقتنعي بيها علشان خاطرك و علشان خاطر اللي حواليك
نور بــ انتبه و. دموع: اي هي؟
ميار بخبث: هو جوزك بيحبك
نور بــ توتر وخجل: معرفش والله
ميار بتصنع الحب ليها: طيب بصي انتي بلاش تحاولي تفتكري اي حاجه وحبي جوزك و انسي انك تحاولي ترجعي الذاكرة بقا
نور بحزن شديد: اي لا مش عاوزه كدا عايزة اهلي والله
ميار بهدوء وتصنع عكس اللي جواها: بصي لو اهلك حد فيهم عايزك ليه لحد دلوقتي محدش فيهم دور عليكي ها محدش فيهم عرف يوصل ليكي و و و و. كل ده ها محدش فيهم بيحبك منهم ناس جاحده
( والله ما حد جاحد غيرك يا شيخه)
نور بصدمه من الكلام و دموع: اي اكيد الموضوع مش كدا
ميار: لا كدا انا زي ما بقولك كدا اسمعي مني
نور مسحت دموعها بحزن شديد: بصي هحاول بقا وخلاص
ميار بسخرية: شطورة
نور ضحكت غصب عنها ضحكه كلها حزن
ميار بــ غل جواها: وسخريه لسه زي ما انتي يا نور بتضحكي غصب في وسط احزنك متغيرتيش في ملامحك ولا ضحكتك ولا ايمانك اللي جواكي ولا امالك ولا اي حاجه مفيش غير الذاكرة بس اللي راحت
_________________________
عند شهد في القسم
شهد كانت في المكتب كانت قاعده خايفه بــ شده و متوترة جواها و التعب ظاهر عليها
ظابط بسخرية:بلاش التوتر و الخوف دا كلو مش هنحبسك يعني
شهد بدموع وتعب: والله العظيم مليش دعوه بالحاجات دي
الظابط: مصدق مصدق من غير حلفان بس مكنش لازم تهربي
شهد بسرعه و دموع: حتى حتى مهران برضو والله
الظابط ببرود: كل ده بقا يتقال في المحكمه قدام القاضي علشان كلامك دا ولا هيقدم ولا هياخر معانا
العسكري خبط و دخل
مهران اول لما شاف شهد اطمن من جواه جامد.. جه يقرب ليها
العسكري شد ايده بالكلبش
مهران بغضب: انت يا عم ارحمني بقا شويه و سيب ايدي ولا اقولك اقطعها خدها معاك
شهد كتمت الضحكه جواها
الظابط قام: سيبه. وجه الكلام ل مهران: عشر دقايق مش اكتر تتكلم معاها
مهران بزهق: تمام. شده ايده من العسكري بغضب منه
العسكري فك الكلبش من ايده و خرج هو و الظابط
مهران راح شد شهد بلهفه عليها في حضنه وقلق: متعرفش كنت هموت عليكي من الخوف ازاي
شهد زقته عنها بسرعه بخوف
شهد بغضب: احترم نفسك.. بسخرية: ولا فاكر اننا في ايطاليا يا جوزي
مهران بغضب منها: عارفه لولا اني بس دلوقتي في الورطه ل كنت فرجتك الجحيم بــ عينه دلوقتي
شهد بحزن وسخريه: اكتر من كدا
عمومأ انا مش جايه نعمل ناقر و نقير هنا قول اللي عندك بسرعه
مهران مهتمش ل الكلام. راح قاعد علي الكرسي اللي قدام المكتب
مهران: اقعدي يا شهد
شهد اتنهدت وراحت قعدت
مهران بكذب: اسمعي بقا اللي انا جيبك علشانه هنا. لو طلعتيني من هنا و قالتي كل حاجه في المحكمه قدام القاضي علي اللي هقولك عليه هسيبك و اطلقك
شهد بصدمه: دا مستحيل.. بدموع: ولا نسيت عملت ايه فيا
مهران بــ جمود: مش ناسي.. بــ قسوة: تستاهلي اكتر من كدا والله
شهد بعياط: انت حيوان والله بكرهك اصلا و مش هقول حاجه غصب عنك
مهران بغضب معمي: تمام تمام بس حطي في بالك انا اقدر اهرب من هنا و اخدك علي ايطاليا اخليكي تعيشي في اسوء من اللي انتي عيشتي فيه.. بص ل بطنها: وانتي بقا حامل مش هتبقي لوحدك هتتعذبي انتي و اللي في بطنك كمان
شهد بخوف منه وعياط: انت مين قالك اني حامل
مهران بسخرية: بالنسبه ل تعبك و ملامحك اللي كانت ظاهرة عليها تعب الحمل
شهد برعب وعياط: انا اليومين اللي بقيت في في حضن اهلي كنت مرتاحه مفيش خوف ولا قلق ولا كل ده حسبي الله ونعم الوكيل فيك
مهران بتهديد: قريبا هاخدك منهم والله العظيم بلاش تفرحي كتير
شهد بسرعه وخوف: لا لا بالله عليك
مهران: يبقي تسمعي اللي هقولك عليه
شهد بــ حيرة وعياط: ماشي
_________________________
بعد شوية. شهد مشيت و كلام مهران مش داخل دماغها طول الطريق تعيط بانهيار وكسرة جواها وتعب. فضلت ماشيه رجلها رحت على طريق بيت جدتها..
وصلت عندها بقت تخبط
جدتها فتحت
والدة امال بصدمه: شهد
شهد بانهيار: تيته…حضنتها بعياط شهد.
والدة امال بصدمه و عدم تصديق: شهد شهد انتي بجد
شهد بانهيار وهي في حضنها: عايشه اه عايشه والله العظيم
يتبع