الفصل الثامن 8
بقلم نور ربيع
نور باستغراب: شهد جيتي امتي؟
احمد بص ل شهد علشان تقفل علي الموضوع.
شهد بتوتر: ا احم جيت دلوقتي. كنت جايه اجيب حاجه نسيتها هنا ي حبيبتي. أرجع تاني دلوقتي.
نور: انتوأ كانتو بتتخانقو مع بعض ليه في حاجه ولا ايه؟.
احمد بسرعة: لا مفيش حاجه انا بس كنت بقولها. بلاش تروحي وتجي لوحدك بس علشان كدا كنت بزعق ليها. بص ل شهد.
شهد بدموع: اه. راحت ماشيه الاوضه بتاعتها. بتبكي.
نور بحزن اتعصبت من احمد: اوعي تاني مره تزعق ليها تاني علشان بسببك بتعيط اهي الله.
راحت ماشيه ل شهد
احمد اتنهد وقال:هي اللي عاوزه تنكد علي نفسها مش انا.
------------------------------------------
في غرفه شهد. نور كانت قاعده تهدي فيها....
نور بحزن: خلاص يروحي متزعليش هو برضو بيخاف عليكي مش تزعلي نفسك بقا.
شهد كانت زعلانه جامد من احمد ومن انه مش عايز يصدق انها مش عارفه الشاب ده.
نور: هتفضلي زعلانه كدا كتير خلاص بقي.
شهد مسحت دموعها: مش زعلانه.
امال امها دخلت....
أمال بدهشة: انتي ي بت جيتي امتي اي جابك من عند امي.
شهد قاامت بسرعة من علي السرير: ماما كنت جايه اخد حاجه نسيت اخدها معايا انا ختدها وماشية اهو.
أمال باستغراب: انتي بتعيطي ليه حد زعلك ولا ايه.؟؟؟
نور بحزن: احمد زعق ليها ي طنط علشان كدا هي زعلانه وبتعيط.
شهد جواها: يالهوي ي نور اسكتي هيعملو تحقيق و ميت سوأل. بقا.
أمال: احمد زعق ليكي ليه ان شاءلله عملتي اي علشان يزعق ليكي هاا..
شهد بتوتر: ع علشان كل شويه اروح و اجي في الشارع بيقولي مش كل شويه تروحي وتجي في الشارع اقعدي في البيت ولا تروحي ولا تجي بقا.
امال بشك: والله قالك كدا.
شهد بدموع: والله يا ماما قالي كدا. قالت جواها: ياريت كان قالي كدا بس قال كلام قاسي من كده. الله يسامحك يا احمد.
نور: خلاص كفايه زعل ي حبيبتي.
أمال: طب كفايه عياط يلا خدي اللي انتي جايه علشانه وانا اوصلك
شهد مسحت دموعها: حاضر ي ماما.....
-------------------------------------------
بعد يوم طويل من الاحداث.كأن . العشاء. الكل موجود علي سفرة الطعام...
ميار بإبتسامة: ماما نور بتعرف تعمل اكل حلو الفجر لما قومت اذاكر عملت مكرونه كانت جميله خالص.
اميرة بإبتسامة: نور شطوره بتعرف تعمل كل حاجه اكيد منال الله يرحمها كانت بتعلمك كل حاجه ي نور صح..؟؟
نور بإبتسامة حزينه: اه وانا كنت دايما بحب اتعلم منها كل حاجه كنت بشوفها اعمل زيها علشان بحب اعمل الحاجه اللي بتحبها..
وليد كأن قاعد سامع نور وكأن مضايق منها لانه فاكر لما دخلت الاوضه وقعت عليه الاكل. و الهدوم اللي كان لابسها..
احمد بص لي: مالك يا وليد. ساكت يعني كده...؟
وليد اتنهد وقال: احم الاكل المفروض محدش يتكلم عليه اصلا مش عارفه ليه في ناس بتحب ترغي كتير وهي بتاكل المفروض تاخد بالها من كل حاجه حواليها. ومن الغلط اللي بتعمله..
نور فهمت انه الكلام عليها..
احمد بمرح: طيب كل انت و انت ساكت طالما المفروض يكون في احترام عليه ي شيخنا..
وليد قام: الحمدلله.
ميار افتكرت حاجه بزهق: ماما انا نسيت اجيب الملخصات انهارده وانا جايه وانا لازم اذاكر فيها الليله علشان الامتحانات. انا لازم اروح اجيبها دلوقتي.
وليد واقف وقال: مفيش طلوع دلوقتي لوحدك ابعتي احمد يجبلك او بكرا جيبي وانتي رايحه الدرس. راح ماشي الاوضه بتاعته.
ميار بإبتسامة وفخر منه: حاضر.
احمد: انا هروح اجيب دلوقتي الملخصات. عاوزه انهو ملخص
ميار: لا انا عاوزه كتير لازم اروح معاك علشان ابقي عارفه اللي هجيبهم..
اميرة: خلاص خليها تروح ي احمد
احمد: تمام. قاام: جهزي نفسك علي ما اجي.
اميرة بسرعة: خدي نور معاكي ي ميار علشان حتى تعرف الاماكن اللي هنا علشان تبقي تروح وتجي لوحدها ان شاء الله .
ميار بإبتسامة: تعالي حتى الواحد مش يزعق وهو ماشي.
نور بضيق: لأ مش عاوزه اروح في مكان والله روحي انتي.
اميره بهدوء: حبيبتي روحي هتفضلي قاعده كدا كتير روحي معاهم يلا قومي البسي.
ميار بغيظ: هتيجي غصب عنك علشان اكيد هبقي زهقانه وانا ماشيه لوحدي.
نور: ما هو اخوكي معاكي اهو.
ميار عارفه احمد كويس: دا هو سبني في نص الطريق اصلا.
احمد بغضب: اخلصييييي بقاااا
ميار بعصبيه: ماااالك بتزعقليي لييه اااستنا شويه الله..
اميرة: نور يلا قومي علشان نخلص من الصداع ده بقا.
نور قامت بزهق،: حاضر ي خالتو.
هروح البس.
ميار قاامت: انا كمان هروح البس اوعي تتأخري ي بت
و دخلت. الغرفه و نور ايضأ...
سميرة: خد بالك من البنات يا احمد.
احمد بتريقه: دول هما اللي المفروض ياخدو بالهم بيا اصلا. ههههه
راح داخل الاوضه بتاعته.
اميرة اتنهدت قاامت تشيل الاكل هي و سميرة.
سميرة: متعرفيش امتي هتيجي امال
من عند امها.
اميرة: اكيد شويه كدا ان شاءلله كانت بتقول تودي شهد تقعد شويه وتجي.
سميرة: امم ان شاءلله
_________________________
في غرفة نور لبست مني دريس (لازم يكون تحته جيبة مفيش حاجة اسمها حتة من الاسترتش تبان والدريسات الكاملة احلي وعملية اكتر )
ولبست طرحه قعدت قدام المرايه
نور بزهق:بس انا مش عاوزه امشي ان طلعت لازم احط ميكب علشان الجرح اللي في وشي قعدت تفكر(قبل ما تعملوا حاجة مهما كانت صغيرة شوفوا دي هترضي ربنا ولا لا يعني لو موتي في الوضع ده هيكون ايه مصيرك) تحط او لأ. شويه سمعت صوت احمد ينادي بغضب.
اتوترت من صوته خدت القرار انها تحط شويه صغيرين. علشان الجرح. بعد ما خلصت راحت طلعت..
احمد بغضب: اقسم بالله انا بكرهه اروح في مكان معاكى علشان خاطر التاخير ده ي ميار.
ميار طلعت من الاوضه: في أي جيت اهو ليه كل ده دا نور هي اللي مش هتخلص انهارده شكلها.
نور بسرعه: لأ جيت اهو والله.
ميار بصت عليها هي و اميرة.
ميار باستغراب: انتي تمشي كدا؟؟
نور بإبتسامة: اه همشي كده شكلي مش عجبكم يعني.
ميار بإبتسامة شماته عارفه اللي هيحصل دلوقتي: لأ قمر طبعاً امشي براحتك
اميرة بهدوء: نور كنتي البسي احسن دريس و بلاش ميكب
نور بخنقه: مش بحب امشي غير كدا والله
احمد بزهق اكبر: يوه
ماانا كنت مشيت بلا اروح مع ميار بلا زفته
ميار بغيظ: ميار دي تبقي انا بلاش تغلط.
احمد بغضب: اسكتي ي بت انتي اقفلي احسنلك.
ميار كانت هترد عليه سمعو صوت وليد وهو بيقول بغضب: فيييي ايه مفييييش احترااااام أبدااااااا هناااا ولا كبيرررر ولا صغيررررر احترمو نفسكممم شويه.. وجه الكلام ل نور بغضب معمي: و اااانتي عاوزه تغوريي كدا غورري بس مش تدخلييي البيت دا تاني فااااهمه ولا لأ. (اما يكون حد كبير قاعد تكلم باحترام وأدب وحتي لو مفيش حد )
نور دموعها بدأت تنزل بسببه..
اميرة بهدوء: وليد اهدي وانا هتكلم معاها. بصت ل نور:
اميرة بهدوء:بصي ي نور ي حبيبتي مش هينفع تمشي كده بصي هو مضايق عليكي روحي غيري ده وامسحي الميكب انتي جميلة من غير حاجه والله ي حبيبتي.
نور بالعند فيه: والله العظيم مش هغير حاجه أبداً اتفلق اصلا مع نفسك انت.
وليد بغضب: مرااات عميييي اااانا قولت اللييي عنديي و خلاص. يارب يكون الكلام مفهوم مش عايز اشوفها قدامي اكتررر من كداااا الحيوااانه دي.
من شده الغضب راح طلع من البيت خالص.
نور بدات تبكي من الكلام اللي بيقوله ليها
اميرة بحزن: كفايه يا نور عيط مكنتيش تعندي فيه هو صعب التعامل معاه والله.
ميار: معلش ي نور متزعليش انتي قمر و أنتي كده يلا تعالي معايا يلا سيبك من الكلام ده كلو.
احمد بهدوء: بقولك اي انا ماشي انا هجيب لك ابعتي ليا انتي عاوزه اي علي الوتس سلام. راح ماشي.
نور دخلت الاوضه بتاعتها وهي بتعيط...
ميار بزهق،: دا انتوا بيت بيحب النكد كدا ليها..
سميرة بغضب: هي نور مش عاوزه تغير من نفسها بقا يا اميرة ولا ايه عايزة تقعد هنا يبقي تعمل اللي نقول عليه احمدي ربنا ان ابو احمد مش هنا كانت تبقي اكتملت.
اميرة اتنهدت: انا هخليها تتغير ان شاءلله مفيش حاجه بتفضل علي حالها والله مفيش انسان في الحياة مش بيتغير والله. -------------------------------------------
نور كانت قاعده تبكي جامد ميار قعدت جنبها بهدوء: معليش متزعليش ماانتي مش صغيره علشان تلبسي كدا انتي كبيره وبعدين احنا مفيش عندنا بنات تخرج كده أبداً حتى شوفي شهد مختمرة ازاي عشان خاطر ربنا ونفسها وأنتي كمان اعملي كدا
نور كانت بتبكي وبس
ميار بزهق: ي بنتي كفايه وجعتني قلبي بقا ماانتي لازم مش تلبسي كده علشان هو كل لما يشوفك لابسه كده يتعصب اكتر و اكتر مش يسكت ليكي ع فكره.
نور بعياط: و و والله انا انا مش هلبس غير كدا بالعند علشان هو حيوان اص اصلا وانا مش امشي علي مزاج حد اصلا.
ميار بغضب علشان بتقول كدا عليه.؛ بقولك اي انتي شكلك عنيده اوي علي فكره لو مش تتجنبي وليد هو ممكن يمد ايده عليكي غضبه وحش وهو صعب جدا جدا يعني.
نور بدموع: يعمل اللي عنده مش شاغل بالي اصلا.
ميار قاامت: براحتك انا قولتلك وخلاص وليد وحش اوى والله هتندمي انك بتحطي راسك في راسه بعدين والله.
راحت طلعت. بره الاوضه نور حطت راسها علي المخدة
بدموع: لو كنت موجودة معايا ياماما وانا في البيت مكنش كل ده حصل دلوقتي انا اصلا زعلانه اوى هموت من الزعل اللي جوايا
قالت وهي بتمسح دموعها ابديها زي الأطفال: والله مش هسكتلك اصلا هتترد ليك.
قاامت طلعت بره في الصالون بصت مكنش في حد راحت دخلت اوضه وليد. علشان ترتاح راحت كسرت كل حاجه في الاوضه لي كسرت الساعة و بهدلت السرير و الدولاب رمت منه الهدوم كلها. وكسرت لي التاب
وراحت طلعت من الاوضه دخلت الاوضه بتاعتها. نور براحه في قلبها: بس كدا احسن انا كدا اخدت حقي منك علشان متبقش ليك دعوه بيا مش تزعقلي تاني..
قالت بخوف: افرض زعقلي و ضربني كمان. قالت تاني: لا مش هيعمل حاجه هو مش هيبقي ليا دعوه بيا تاني. بس كده بلاش تفكري ي نور بقا نامى احسن.
فضلت تتقلب علي السرير شمال يمين مش عارفه تنام حاسه بتوتر جواها خايفه منه احسن يزعق ليها.
_________________________
بعد شوية وليد رجع البيت. داخل الاوضه بتاعته و اتصدم من الاوضه و كل حاجه فيها متكسرة حرفيأ.
وليد بغضب مين الحيوان اللي عمل كدا في الاوضه مين لو كأن في طفل كنا نقول هو لكن دي حد كبير وقال وهو نور قبل ما يكمل قال بصوت عالي جدا يهز اركان البيت.: نورررررررررررر
نور كانت قاعده علي سجادة الصلاة كانت بتصلي قيام الليل. راحت سمعت صوته قامت بسرعه بخوف علشان تخرج بره.
الكل طلع بقلق.
محمد: مالك ي وليد ي بني بتزعق كده ليه و مالها نور عايز اي منها
اميرة بقلق: في اي يا وليد مالك مالها نور عملت اي.
وليد بعصبيه: هيييي فيين الحيواااانه دييي تعاليييي شوفيييي عملت اااي في الاوضه ياااا مراات عمي.
ميار بغيظ: عملت اي البت دي!؟؟
نور طلعت بخوف وتوتر من
اميرة: عملتي اي ي نور علشان يتعصب كدا بسببك.
نور بكذب: م مش عملت حاجه دا بي كدب عليكم.
احمد: بس هو مش قال حاجه لسه اصلا علشان خاطر يكون كداب او لأ ي نور.
وليد بهدوء عكس اللي جواه: اممم يعني انا كذبت عليهم كمان و قولتلهم ان هي كسرت الاوضه باللي فيها كمان صح.؟؟؟؟
نور بخوف: ا ا اه قلت كدا.
احمد بتريقه: انتي اعترفتي بنفسك خلاص ي ختي.
سميرة بغضب: انتي صغيره علشان تعملي كل ده هااا اي انتي مفيش حد عرف يربيكي ولا ايه..
محمد بغضب: اميرة البت دي ترجع بكره عند ابوها كفايه لحد كدا طالما مفيش احترام او محدش عرف يعلمها الادب
اميرة بحزن: نور ليه كدا عملتي هو لما بيزعق بيكون عايز مصلحتك ي حبيبتي.
وليد بسخرية: دي مينفعش ليها الكلام بالهدوء هي لو لقيت حد يربيها من الأول مكنش يبقي ده حالها. (اوعوا تستقوا وتتكبروا علي يتيم هيكون الجزاء في الاخرة صعب )
نور بعياط: انا ماما ربتني احسن من اي حد اصلا انت.
وليد قطع الكلام بغضب: والله متربيه بسخرية: فعلاً ونعمه التربية مكنتيش تبقي كدا هي عرفت تربيكي كنتي احترمتي نفسك لو كان عندك اب او اخ مكنش حالك يبقي كدا بس للأسف البنت اللي مفيش في بيتها راجل مكنتش توصل لا كده والله
احمد بهدوء: خلاص بقي اللي حصل حصل هي مش هتعمل حاجه تاني هتسمع الكلام كفايه.
وليد بغضب: لا هيي لازم تمشيي من هنااا الحيوااانه ديييي.
نور بعياط وعصبيه: ااانت اللييي حيوااان ياااا حيوااااان واااانا مكنش عاوزه اجييي هنا يااا حقير
اميرة بغضب: اسكتييي ياا نوررر
وليد قرب من نور راح ضربها جامد علي وشها بالقلم...
اميرة بصدمه: وليد انت ازاي تمد ايدك عليها. راحت اخدت نور اللي انهارت في العياط دخلت الاوضه بتاعتها.. ميار اتنهدت راحت دخلت عندها.
سميرة بغضب: تستاهل بت قليله الادب كده مش متربيه بصت ل وليد: معلش ي بني هي حيوانه اصلا ولا تشغل بالك بيها روح انا هجي اروق ليك الاوضه.
محمد بغضب: مكنتش مديت ايدك عليها ي وليد هي كدا كده هتمشي من هنا ولا كنت حرقت دمك علشانها.
وليد غضب من نفسه جامد انه ضربها قال جواه: تستاهل هي اللي مفيش عندها احترام أبداً كل كلمه ب كلمتها عاوزه ترد علي كل حاجه بتعمل اللي علي مزاجها تستاهل اكتر من كدا والله الحيوانه دي..
احمد زعل من جواه علي نور...
اتنهد وقال: وليد ياريت لو تبقي غضبان تبقي تحاول امسك اعصابك شويه مش كل حاجه اسلوبك ده مكنش لازم تضربها او تقولها الكلام ده اصلا الله يهديك ي ابن عمي.
ساب ليهم الصالون مشي الاوضه بتاعته بغضب جواه..
_____________________
اميرة بحزن: كفايه يا نور اهدي بطلي عياط.
ميار بحزن: انتي روحي عند ابوكي احسن من دا كلو يعني هنا صعب انك تفضلي معانا اكتر من كده والله ي نور.
نور كانت منهارة في العياط: ان انا ع عا عاوزه ام ا امشي من من هنا ع عاوزه امشي خليني امشي بقااا والله مش قاعده اكتر من كدا بقا.
اميرة حضنتها: اهدي ي نور اللي حصل ده كلة وقت غضب وانا مش هخليكي تمشي حتى لو اي. كده..
ميار: ماما خليها تمشي عند ابوها احسن...
اميرة بغضب: اسكتي يا ميار تروح فين عند ابوها ابوها اللي مش بيسأل حتي عليها.
ميار زعلت عليها اكتر.
نور كل حاجه بتحصل حواليها مقصرة فيها بسبب ابوها و المشكله دي. طلعت من حضنها. حطت دماغها علي المخدة بتعب.
اميرة بقلق: نور مالك
نور بتعب و دموع: ع عاوزه انام عاوزه انام امشو بره بقا علشان تعبانه عاوزه انام وبس محدش يتكلم جنبي غمضت عيونها ونامت في ثواني.
ميار بخوف عليها:ماما هي مالها مره واحده كدا شوفيها احسن يكون حصل ليها حاجه.
اميرة بدأت تصحي فيها: نور قومي اتكلمي معايا شويه مالك اصحي قوليلي مالك مسكت ايدها نور شدت ايدها وهي نايمه في عيونها دموع مش قادره تقوم من النعس والتعب.
(في انسان كده اما يكون زعلان جامد من جواه يتعب اوى و ينام من التعب والحزن..)
اميرة قاامت بحزن:تعالي قومي سيبها تنام بقا ي ميار هي اكيد نعسانه علشان كدا نامت.
ميار: بحزن: لا انا هقعد معاها هنا احسن تتعب ولا حاجه حرام. افتكرت حاجه: ولا تقوم تمشي يا ماما في اليل والله خليني انا هنا معاها انتي روحي.
اميرة اتنهدت: طب خدي بالك منها يا ميار طالما عاوزه تنامي معاها لو حصل حاجه تعالي صحيني ماشي.
ميار: حاضر يا ماما تصبحي على خير.
اميرة: وانتي من اهل الخير راحت طلعت.
ميار بزهق: مش عارفه اذاكر ولا انام انا تعبانه اصلا و نعسانه انام احسن الصبح ابقي اذاكر من الملخصات الجديده باذن الله.
ونامت هي ايضأ..
_________________________
في غرفة اميرة.
اميرة بحزن: مكنش لازم تقولها كده مش كفايه وليد انه ضربها وقعد يقولها كل الكلام ده حرام عليكم.
محمد بعصبيه: اميررهه لوو مش عجبكك الكلام روحيي مع بنت اااختك دي اللي مش عارف هي عامله كدا ليه في نفسها. واختك اللي معرفتش تربيها ولا حتي تعلمها الصح من الغلط. و لو علي وليد فهو معاه حق والله.
اميرة فضلت ساكته في عيونها دموع من الكلام و الحزن علي نور. طلعت بره راحت قعدت في اوضه تانيه وهي بتبكي من اللي بيحصل في البيت
._______________________
في الصبح يوم جديد.
قاامت اميرة بتعب الصبح بدري
قاامت اتوضت وصلت الصبح
دخلت اوضه نور بدأت تصحي ميار علشان تروح الدروس.
اميرة بهدوء: ميار ميار قومي يلا الساعة 7 عندك درس ساعة يلا قومي.
ميار بدأت تقوم بكسل
قالت بنعس: حاضر يا ماما هقوم اهو.
اميرة طلعت بعدها ميار قاامت هي ايضأ.
بره في الصالون...
اميرة: ميار يلا ادخلي كدا اغسلي وشك واتوضي وصلي تعالي افطري.
ميار بكسل: حاضر. راحت دخلت الاوضه..
في اوضه نور.
نور بدأت تقوم بتعب جواها..
قامت قعدت علي السرير مسحت وشها حطت ايدها مكان الضربة و كانت زعلانه جامد دموعها نزلت منها بحزن. قاامت دخلت الحمام علشان تتوضي وتصلي..
-----------------♡♡---------------------
بعدوقت ميار طلعت من الاوضه بتاعتها.
اميرة بهدوء: خلصتي و صليتي يا ميار.؟
ميار قعدت علي السفرة: اه خلصت قالت بخنقه: بس مش صليت.
اميرة بصت ليها قالت بهدوء: ليه مش تصلي ناقصك اي يا بنتي علشان متصليش ها
ميار اخدت من علي السفرة قطعة خيار وقاامت: سلام يا ماما
اميرة اتنهدت بحزن قالت: ربنا يهديكي ي بنتي ويصلح حالك يارب...
_________________________
نور كانت خلصت ولبست و جهزت كل الشنط بتاعتها. طلعت في الصالون مكنش في حد راحت طلعت بسرعه. وفضلت ماشيه في الشارع لحد ما طلعت علي الطريق
عند ميار كانت ماشيه في الشارع افتكرت انها مش جابت معاها التلفون ميار بزهق: يوهه انا في دماغي اي بالظبط لازم ارجع اجيبه علشان اعرف اصور كل اللي ناخدو اكسل اكتب و اتنيل. راحت تاني رجعت البيت.
اتصدمت من اللي كانت ماشيه معاها الشنط بغضب و عصبيه. صوت عالي علشان تسمع: ياااااا نورررررررر.
نور بصت وراها علي الصوت اتصدمت انها شافتها راحت ماشيه بسرعة..
------------------------------------------
عند اميره. راحت تشوف نور صحيت ولا لسه.
دخلت الاوضه اتصدمت لما شافت انها مش موجوده الدولاب فاضي مفيش في حاجه ليها بقت قلقانه عليها هتموت من الزعل منها في نفس الوقت انها سابت البيت.
طلعت بره تنادى علي احمد.
بصوت عالي: اااحمد ااااحمد يااا اااحمد
احمد طلع من الاوضه بتاعته: اي يا امي في اي.؟؟
اميرة بحزن: نور مشيت سابت البيت يا احمد مش عارفه راحت فين علي الصبح البت دي.
احمد بدهشة: اي مشيت مشيت راحت فين دي كمان..
اميرة بقلق عليها: مش مش عارفه احمد روح بالله عليك اطلع بره الشارع شوفها هي اكيد مش راحت بعيد وانا هلبس النقاب اطلع اشوفها هنا يمكن تكون لسه قريبه ولا حاجه.
احمد اتنهد: امي بلاش تروحي في مكان انا هشوف راحت فين اكيد مش مشيت بعيد ولا حاجه
احمد راح ماشي.
وليد طلع علي الصوت باستغراب: في اي يا مرات عمي؟؟
اميرة بزعل علشان عارفه انه هو السبب في كل ده من الأول خالص: عادي مفيش حاجه.
وليد فاهم انها زعلانه منه: لا في وانا عارفه انك زعلانه مني يا مرات عمي مش علشان خاطر واحده زي دي يبقي تزعلي مني بالطريقة دي دا انا ابنك علي فكره وليد وهي ولا تقرب لينا ولا حتي هي بالنسبه لينا اي شئ
اميرة بدموع و. بعتاب: وليد نور مشيت بسببك من البيت انا هموت من الخوف عليها دا ياريت كأن حد معاها انا معرفش هي راحت فين دلوقتي ولا اي ممكن يحصل ليها بسبب انها مشيت من البيت.
وليد ببرود: عادي في داهيه تمشي هي مش هربت من البيت مع السلامة.
اميرة بغضب: وليد هي هربت من البيت علشان خاطر اللي حصل بسببك لو مكنتش اذيتها بالكلام ولا كنت ضربتها مكنش كل ده قصر فيها لولا انها من جواها انكسرت مكنتش فكرت تسيب البيت اصلا
وليد اتنهد قال بهدوء: مرات عمي شوفي انتي عايزة اي دلوقتي وانا اعمل اللي انتي عاوزه المهم انك بلاش تعملي كل ده بسبب موضوع تافه.
اميرة بحزن: تافه لدرجه دي هي بالنسبه ليكم ولا حاجه عمومأ شكرا انا مش عاوزه حاجه بس اتمنى لما نور ترجع قالت بسخرية ف عيونها دموع: دا لو رجعت يعني تاني. بعد اللي حصل بسببكم ده محدش فيكي لي دعوه بيها هي تعمل اللي عاوزه زيها زي ميار هنا محدش بتقدر يتكلم معاها نص كلمه واحده في اي حاجه.
راحت دخلت الاوضه بتاعتها جواها حزن شديد منه.
وليد بضيق: استغفر الله العظيم هي كانت جت لينا منين دي بس هو البيت ناقص لا حول ولا قوة الا بالله
-------------------------------------------
احمد كان بيدور علي نور في كل مكان حولين البيت بعدها طلع بره علي الطريق. وهو ببحث عليها.
ميار بغضب: انتي بتمشي ليه من البيت هاا وراحه فين انتي فكره لما ترجعي عند ابوكي ابوكي يرحب بيكي هو ولا مرات ابوكي المسهوكه اللي عايشه معاه دي.
نور بدموع: ارجوكي شوفي انتي رايحه فين امشي سبيني انا اروح مكان ماانا عاوزه وانتي ولا كانك تعرفيني اصلا.
ميار بعصبيه: انا مش هسيبك تمشي يلا احنا هنرجع البيت كدا كده بسببك الدرس راح عليا.
نور مسكت الشنطه بدموع: ملكيش دعوه بيا امشي بقا.
ميار مسكت ايدها جامد: بقولك امشي معايا علي البيت احسن اقسم بالله لو مش هتمشي دلوقتي انا ممكن اقتلك هنا ماما اكيد قلقانه عليكي.
كانت في شباب ماشيه في الشارع وقفوا علي الصوت بتاعهم قاعدين يتفرجوا عليهم.
نور اتحرجت منهم.
نور بدموع: بالله عليكي امشي بقا كفايه النااس بتتفرج علينا كده عيب والله.
ميار بغضب وصوت عالي: اللي يتفرج يتفرج اللي عايز يجي يتفرج يجي هيتفرجوأ علي اي علي الهبله اللي زيك.
الشباب ضحكت جامد.واحد من الشاب قال بضحكه سخرية: يا هبله يا هبله هبله.
نور بدأت تعيط جامد من اللي بيحصل.
ميار بغضب: نوررر اانتي بعد ما سمعتي بيقولوا عليكي كده هتسكتي ردي عليهم يلا.
نور بعيط: الله يسامحهم ربنا شايف كل حاجه يا ميار سبيني بقا بالله عليكي.
ميار كانت تشد ايدها اقوي: انتي شيطان اخرس تسكتي عن الحق ازاي تسيبي حقك كدا و تسبيهم يقولوا عليكي يا هبله اخلصي امشي معايا يللللا.
نور بعصبيه: مياررر كفااايه كفاااايه سبيني بقاااا.
ميار سبت ايدها بغضب: تمام براحتك اعملي اللي انتي عاوزه اعملي حسابك انك مستحيل ابوكي يقبلك في البيت اصلا و مرات ابوكي. دي اعرفها كويس اوى دي مش بتحب غير نفسها وبس هتخليكي تكرهي نفسك.
نور باستغراب: انتي تعرفيها مين؟
ميار ببرود: معرفش مش كنتي عاوزه تمشي امشي ي ختي يارب يا شيخه تموتي يارب.
نور بدموع: الله يسامحك.
نور درات ضهرة. تشوف تاكسي علشان تركب وتمشي.
ميار جواها هتموت من الغضب منها انها عنيدة و هبله مش عاوزه تسمع الكلام. من حد.
ميار كانت هتمشي شافت احمد بالصدفة فرحت بقت تنادى بصوت: اااحمد ااحمد تعاااال بسرعهههه اناااا اهووو.
احمد شافهم اطمن راح ليهم بسرعه
الشباب مشيت بسرعه.
نور في عربيه واقفه ليها كانت هتركب ميار مسكت ايدها جامد.
نور كانت بتشد ايدها منها.
ميار بغضب،.: اقفي بقاا راحه فيين ي هبله انتيي.
احمد جه بسرعه بغضب: نوررر اقسم بالله العظيم لو ممشتيش دلوقتي البيت معانا براحتك.
نور بدموع،: انتوا عايزين مني اي سيبوني بقا امشي.
ميار بعصبيه: مش هتمشيييي فاااااهمه.
احمد رن علي رقم اميرة. اميرة فتحت بسرعه بلهفه: احمد طمني لقيت نور..؟؟؟
احمد بعصبيه: الحيوانة اهي معاكي امسكي اتكلمي معاها اخلصي يا بت.
نور مش عاوزه تتكلم.
ميار حطت الفون علي و دنها
ميار،: اتكلمي يا ماما.
اميرة بدموع: نور ليه تمشي تسيبي البيت اهون عليكي تزعليني وتخليني اموت من الخوف بالطريقة دي عليكي ي بنتي.
نور بعياط: خالتو متزعليش منى انا اسفة بس مش عاوزه اعيش معاكم اكتر من كده ولا حد بيحبني في البيت ولا انا كمان قادره احب حد فيكم والله. مش بالغصب
اميرة: محدش بيحبك حد انا كمان مش بحبك مكنتش اتوقع منك الكلام ده يا نور ابدا والله. وانا مش هسامحك علشان خاطر انك كده تمشي وتسيبي البيت من ورايا.
نور بدموع: خالتو سامحيني علشان أنا مكنتش عاوزه كل ده يحصل من الأول اصلا انا مخنوقه مش عاوزه اي حاجه غير اني ارجع بيتي وبس مش اكتر.
اميرة بحزن: لو عايزني اسامحك يبقي ارجعي.
نور بعياط: اسفه بس مش عاوزه ارجع.
اميرة،: حتى علي الأقل علشان خاطر المرحومة امك مش هتعملي ليها خاطر هي كمان.؟؟؟
نور شألت الفون من ودنها. بدموع
كأن في مكان في علي الارض نجيله راحت قعدت فيه وهي بتعيط. ميار قعدت جنبها. بزهق
اميرة: احمد متجوش غير وهي معاكم ماشي ي بني.
احمد: ماشي يا امي سلام. وقفل.
ميار بخنقه: يا بنتي اخلصي قومي بقا زهقت خليني اروح البيت هو ولا هيبقي درس ولا المذاكره بقا الله
احمد بضيق: ياا نور اخلصي قومي انا عندي جامعه دلوقتي
نور مسحت دموعها قالت: طب امشو انا مش عاوزه امشي انا بقول هروح البيت بتاعي مش اتشرد انا في الشارع.
ميار: لا يا ختي هتتشردي والله.
شدت ايدها وقاامت قومي يلا.
شيل يا احمد الشنط دي.
احمد اخد الشنط و مشي.
نور كانت طول الطريق بتبكي بصمت مش عاوزه ترجع.
_________________________
اميرة بحزن: ربنا يهديكي وترجعي يا نور يارب. بصت علي الباب علشان تشوف جم ولا لسه كانت كل شويه تبص بدموع. عاوزه تشوفها قدامها كدا.
شافت الباب اتفتح وجم منه.
اميرة بفرحه: نور راحت حضنتها بسرعة. كده ي نور تقلقيني عليكي ي بنتي
نور بدموع حضنتها،: انا اسفه.
اميرة طلعتها من حضنتها: اوعي يا نور تمشي تاني مره من البيت وتعمليها والله العظيم هزعل منك بعد اياك تفكري بس تفكير انك تسيبي البيت.
احمد: والله لو سابت البيت براحتها عن نفسي مش هروح ادور علي حد اكتر من كدا. كفايه بسببك الجامعه راحت عليا انهارده كان عندي تدريب مهم
ميار بغيظ: وانا كان عندي امتحانات في الدرس بسببها ولا عارفه اذاكر ولا حتي عارفه اروح دروس اهو من ساعه اما جت البيت مقلوب حالو.
نور عيطت اكتر: انا اسفة عارفه اني فعلا من ساعة لما جت كل واحد بقا مشغول فيا و المشاكل بتاعتي اتمنى انكم تسامحوني
اميرة بحزن عليها: لا يا نور ي حبيبتي مفيش حاجه بسببك احنا كدا علطول من قبل مل تيجي الكل في مشاكل والله. عن المذاكره و الشغل. سيبك منهم العيال دي عاوزين يخليكي تعيطي والله.
نور مسحت دموعها بتعب،.: انا هدخل انام علشان مش قادره الصداع خلاص هيموتني.
ميار باستغراب: انتي كل لما تعيطي كدا تنعسي هو في اي انتي حاجه غريبه.
نور بنعس جامد: انا كدا لما ازعل بنام كتير بتعب جامد مش ببقي قادره اتكلم كمان.
اميرة: طب روحي نامى ي نور ابقي اصحيكي علي الظهر ان شاءلله يا حبيبتي.
نور بالفعل راحت علشان تنام اول لما حطت راسها علي المخده راحت في النوم علي طول.
و كل واحد فيهم راح علشان يعمل اللي عليه..
_________________________
بعد ساعات. كأن المغرب.
اميرة بصوت: نوررر نوررر قومييي كل دااا نومم قومييي يلا يااا نوررر
نور بدأت تفوق من النوم. بصت شمال يمين بتعب وصداع
اميرة باستغراب: يا بنتي كل ده نوم لا حول ولا قوة الا بالله اي كل ده قومي يلا. فاتك الظهر و العصر.. (مينفعش نقول لا حول الله لان وجاء في معنى الحول، بأنه الحركة والحيلة أي لا حركة ولا استطاعة ولا حيلة إلا بمشيئة الله تعالى ف اما نقول لا حول الله يبقي ربنا معندوش حول وده حرام ف الصح اننا نقول لا حول ولا قوة الا بالله )
نور بصدمه بصت علي الساعه:
نور: يالهوي نمت كل ده.
اميرة: يا نور بصحي فيكي من امتي مش عاوزه تقومي انا مش عارفه مالك بس.
نور بحزن: انا مكنتش بنام ابدأ مش عارفه انام بقا مالي الفتره. دي كدا..
اميرة بحزن،: الحمدلله على كل حال ي بنتي يلا قومي بقا اغسلي وشك كده وطلعي صلي.
نور: حاضر. قاامت نزلت من علي السرير.
ميار فتحت الباب بسرعة وقالت بصوت عالي علشان تخض نور وحطت حاجه قدامها علشان مفاجأة ميار بإبتسامة: مفااااااااااجأة ااااي رااااااايك. ياا نورر
اتخضت و تصدمت.
و اميرة هي ايضأ اتصدمت.
نور بصدمه...
يتبع.