الفصل الاول 1
بقلم نور ربيع
ماما مامااا انتي فيين ماما
الام بإبتسامة: تعالي ي نور عيني انا هنا اهو.....
بإبتسامة: صباح الخير ي ماما.
الام بإبتسامة: صباح الورد عليكي ي عيوني ......
البنوته راحت حضنت مامتها جامد. باست راسها.....
البنوته بحب: احلي حاجه انه الواحد يقوم يشوف العسل ده قدامه ع الصبح...
الام بإبتسامة كلها حزن وتعب: ي حبيبتي ربنا يديمك ي بنتي ي عسليه انتي....
البنوته بقلق: مالك ي ماما انتي شكلك متغير من فترة كده ليه ملامحك متغيره شكلك تعبانه والله صح...؟؟
الام مش عاوزه تقلق بالها: لأ ي حبيبتي بس انا عندي صداع جامد بس مش اكتر بإبتسامة: اي رايك انهارده نخرج انا وانتي.
البت بفرحه: بجد ي ماما موافقه موافقه هنمشي امتي طيب..؟
الام: شويه كدا باذن الله المهم صليتي...؟
البنوته: اه الحمدلله ي روحي.
الام بإبتسامة: طيب تعالي بقا علشان انا عامله ليكي احلي اكل انهارده ل احلي نور عيني...
نور بفرحه: حبيبتي ي ماما ربنا يديمك ليا وميحرمنيش منك ابدا ياروح قلبي انتي ❤..
قعدو غيث السفرة.
الام بدأت تحط الاكل قدامها: يلا كلي قوليلي اي رايك بقا.
نور بإبتسامة: من قبل ما اكل زي العسل علشان انتي اللي عملتي ي قمري ..
الام ضحكت ليها ع الكلمه.....
قعدت تاكل هي ايضأ.
الام بتعب: ن ن نور.
نور: نعم ي ماما.
الام: خد خدي بالك من نفسك كويس ي ح حبيبتي في الأيام اللي جايه ماشي..
نور بصت ليها. حاسه انه في حاجه هتحصل: ماما ليه بتقولي كدا مش فاهمه حاجه..؟
الام بهدوء: نور انتي لسه صغيره ي بنتي وانا ممكن في اي لحظة افارق الحياة فا انا بقولك خدي بالك من نفسك كويس علشان احنا في زمان عالم عاملين زي الكلاب في بعض.
نور بدموع: بعد الشر عليكي من اي حاجه ربنا يخدني انا وانتي لأ بلاش تقولي كدا ي ماما لما انتي هتسبيني اومال انا بقا اعمل اي من غيرك
قالت بدموع اكتر: انا ولا لا اب و اخوات ولا حاجه مفيش غير ربنا وانتي وبس مش اكتر
الام بحزن: اهو قولتي ربنا بس اللي ليكي لكن انا من اموت ف اي لحظه ي حبيبتي.
نور قاامت حضنت مامتها جامد وهي تبكي: ماما بلاش تقولي كده بالله عليكي علشان انا خايفه عليكي مش عارفه اعمل ايه من بعدك فعلا لو وي ما انتي بتقولي كدا لأ لأ انتي هتفضلي معايا طول العمر...
الام طلعتها من حضنها مسحت دموعها بإبتسامة كلها حزن: حبيبتي اهدي انا كويسه اهو مفيش حاجه خلاص مفيش حاجه هتحصل ان شاءلله المهم يلا اقعدي كلي علشان نمشي بقا.
نور جواها خايفه عليها خايفه احسن تخسر امها اللي ليها في الدنيا دي كلها..
________________________
" ميار ميار يلا قومي علشان عندك درس دلوقتي اخلصي قومي الظهر هيأذن ي بنتي...
بدأت تتقلب شمال و يمين ع السرير بزهق.
" ماما بالله عاوزه انام طول الليل قاعده بذاكر تعبانه..
الام بإبتسامة: معلش ي حبيبتي هي السنه دي تعب وخلاص.
البنت بسخرية،: قولي السنين كلها ي امي..
الام: صباح الخير ي قومي علشان تفطري قبل ما تمشي..
البنت قاامت بسرعه
" ماما هي الساعة كام.....؟
الام: 11
البنت قاامت بسرعه نزلت من ع السرير.
"يلا عندي 11 ونص ماما قولتلك صحيني بدري عن كده الدرس هيبدأ.
الام بهدوء: اهدي كدا لسه بدري ادخلي خدي دش واتوضي وصلي و ان شاءلله خير.....
بعصبيه: بدري اي بس
دخلت الحمام بسرعة.
الام بتنهيد: ربنا يوفقك ويحقق ليكي كل اللي نفسك فيه يارب ي بنتي انتي و احمد يارب يارب..
طلعت راحت ع غرفه تانيه من الغرف اللي في المنزل...
" احمد احمد يلا قوم علشان عندك شغل.
بزهق هو ايضأ حط المخده ع وشه....
الام: يلا قوم ي احمد علشان ابوك قالي ينزل بدري انهارده.
اه صح كمان عندك تدريب باذن الله في الكليه جهز نفسك بقا
طلعت من الغرفة.
رفع راسه من ع المخده ب صداع
" ااه ادي اخره السهر ي استاذ أحمد...
قاام دخل الحمام اخد دش وتوضي وطلع صلي فرضه.....
_________________________
مسكت الفون في ايدها بتعب بدأت ترن ع رقم مره و اتنين و تلاته مفيش اي رد.
بتوتر: هرن آخر مره ان ردت ردت مش ردت خلاص بقا...
رنت تاني و تاني مره فتحت....
الو السلام عليكم ورحمة الله وبركاته.
ردت بإبتسامة حزن وتعب: عليكم السلام ورحمة الله وبركاته عامله ايه ي ام أحمد
اتصدمت لما سمعت الصوت: م منال..
بدموع: ايوه انا اختك منال عامله ايه وحشاني ي ختي اوى.
بدموع: انتي اكتر طمنيني عليكي عامله ايه اخبار الدنيا معاكي بإبتسامة: نور عامله طمنيني عليكم.
منال بانهيار في العياط: اا اميره انا مش كويسه خالص تعالي عندي....
اميرة بقلق: منال منال مالك ي حبيبتي انتي بتعيطي ليه كدا في حاجه حصلت...
منال بتاخد نفسها بالعافيه: اميره تعالي بس هقولك هتعرفي كل حاجه.
اميرة بحزن: مش هقدر اجي انتي عارفه اللي عندي.
منال بعصبيه: انتي طول عمرك كده انتي لو مجتش دلوقتي هتندمي طول عمرك ي ختي بدموع: معقول معقول حتى بعد السنين دي كلها برضو زي ما انتي متغيرتيش أبداً زي ما انتي ي شيخه حرام عليكي نفسك دا العمر راح خلاص...
اميرة باستغراب: اندم اندم ليه بقلق: منال قوليلي في حاجه حصلت معاكي او في مشاكل فاهميني طيب حتى ع الأقل قولي هنا في التلفون.
منال: صدقيني لو الكلام ده ينفع يتقال في التلفون كنت قولتلك بس مش هينفع. بدموع: اختي بالله عليكي تعالي تعالي حاولي علشان هتندمي هتندمي انك مسمعتيش مني مفيش وقت لازم تجي ممكن في اي لحظه مبقاش موجوده في الحياة....
اميرة بصدمه: انتي بتقولي ايه انا مش فاهمه انتي ليه بتقولي كدا..
نور كانت بتنادي علي منال: ماما منال انا لبست يروحي.
منال: سلام ي ختي بس حطي في بالك انك لو مجتيش ليا بكره هتندمي والله.
وقفلت...
بتمسح دموعها تتصنع الإبتسامة: وانا خلصت ي حبيبتي يلا علشان نمشي....
نور بإبتسامة وهي واقفه قدام مامتها
" اي رايك فيا ي ماما حلوه كدا...
منال بإبتسامة:عسل ي نور عيني والله.
( نور كانت لابسه تيشيرت بنبي وعليه بنطلون ابيض ولبسه طرحه نفس الوان كانت لبسه كعب عالي وحاطه ميكب. خفيف.)
منال مسكت ايد نور ومشيو ع المول....(احنا في زمن ما يعلم بيه الا الله اما تلاقي بنتك لبسها متبرج م تشجعيهاش علي ده لازم تفهميها انه حرام ومفيش حجاب علي بنطلون ومفيش ميكب بره البيت انت هتتسالي عنها يوم القيامة اتقوا الله)
________________
اميرة كانت لسه قاعده بقلق جواها ع منال بتفكر في الكلام اللي كانت بتقولها عليه بيتردد جواها
" هتندمي هتندمي لو مش هتجي هتندمي اخر العمر....
قطع عليها التفكير.
بإبتسامة " صباح الفل ي مرات عمي.
انتبهت لي.
بإبتسامة: صباح الفل عليك ي وليد...
" باستغراب: مالك ي مرات عمي بتفكري في ايه كده سرحانه.؟
بإبتسامة و هدوء: لأ ولا حاجه ي حبيبي المهم يلا علشان نفطر الاكل جاهز....
طلعت من الغرفة بصوت عالي
وعصبيه. "ماما بالله عليكي تقولي ل احمد يخلص يجي يوديني الدرس بدأ من بدري
اتنهد وقال بحزن عليها: مرات عمي ي ياريت تقوليلها انه الصوت العالي ده غلط بغضب: وخصوصأ في عيله السيوفي مفيش واحده من اهل البيت يبقي صوتها عالي كده بلاش دلع كتيرر...
اميرة بهدوء: صلي على النبي س ابني انت عارف ان ميار عصبيه زياده عن اللزوم انا هشوف احمد جاهز ولا لسه علشان خاطر يوصلها..
راحت ليها: مالك اهدي كدا بلاش عصبيه هتتعبي.
بإبتسامة: صباح الفل والياسمين عليكم ي اهل البيت...
ميار بإبتسامة: صباح الفل ي حبيبي اخبارك ايه ي شوشو...
بإبتسامة: الحمدلله مالك كدا صوتك عالي جدا كده ليه...
احمد: انا خلصت ي يلا ستي بلاش عصبيه كدا..
ميار بعصبيه: انت كل مره كدا
احمد قطع الكلام بمرح: بس اي الحلاوة دي ي مرمر ي عسل..
ميار فهمت انه كل ده علشان متتعصبش عليه. عكس اللي جواها: انا طول عمري كده حلوه و جميله مش محتاجه من حد يقولي انا اي.
(ميار كانت لبسه دريس كشميري غامق وعليه طرحه نفس اللون مش حاطه اي حاجه ف بشرتها)
شهد ضحكت بصوت عالي جدا: حصل.
احمد ابتسم عليها و عليها الضحكه بتاعتها.
وليد بعصبيه: اي البيت بقا بار ولا اي منك ليها...
شهد خافت منه راحت دخلت الغرفه بتاعتها....
ميار و احمد مشيو علشان يوصلها ع الدرس....
بصوت جهوري: في اي ليل نهار الصوت ده و الزعيق اي مفيش احترام نهائي ولا كبير ولا صغير محترم نفسه...
اميرة و وليد بصوا ل الصوت بصدمه.
لقراءة جميع فصول الرواية من هنا