رواية الحب الحرام
الفصل الرابع عشر 14
بقلم نور ربيع
سبحان الله العظيم 🩷
كانت جنات قاعده على سجاده الصلاه كانت مخلصه صلاه العشاء كانت خلصت اذكارها وتسامحها بعدها قامت
خرجت جنات من غرفتها وهي لبسه الاسدال بتاع الصلاة بخمارو
جنات باستغراب: ماما اومال فين البت جانو
فاطمه : مش عارفه بتقول بابا رن قولي تعالي الشارع قابليني خدي الحاجات دي
جنات: حاجات ايه؟
فاطمه: مش عارفه لما تجي نسألها
خبط الباب في الوقت ده جت تقوم فاطمه
جنات: خليكي انتي يا ماما هشوف انا؛ و راحت فتحت
جنات فتحت و اتصدمت من اللي قدامها
الكل بــ صوت واحد: السلام عليكم ورحمة الله وبركاته
جنات بصدمه ____
جني بابتسامة ردت: عليكم السلام ورحمة الله وبركاته …لجنات: وسعي يا عروسه اتفضلوا يا جماعه البيت بيتكم
عثمان بابتسامة وهو معاهم: اتفضلوا اتفضلوا يا جماعه
عصام بابتسامة: يزيد فضلك يا ابو جنات
شرين بابتسامة: تسلمي يا قمر "
حضنتها بابتسامة سجدة: حبيبتي يا جنتي وحشاني
الكل منهم واقفين صامتين تماما من الصدمه مفيش اي رد فعل منهم من اللي بيحصل قدامهم مره واحده وهي الام وبنتها فاطمه وجنات
ــــــــــــــــــــــــــــــــــــــــــــــــــــــــــ
كانوا خلصوا سلام وفهموهم اللي بيحصل وبعدها قعدوا وضيفوهم
فهد بابتسامة: عمي عثمان انا طلب منك القرب طالب ايد الانسه جنات بعد اذن حضرتك يعني
عثمان بابتسامة: ده شرف ليا يا ابني طبعا بس سؤال انت ازاي تعرفها او عرفتها ازاي او جاي من طريق مين يعني.؟؟
شرين اتكلمت بسرعه بابتسامة: من طريق بنتي سجدة بنتي سجدة تعرف بنات حضرتك يا استاذ عثمان من حوالي ثلاث سنين اتعرفوا على بعض من السوشيال ميديا
فهد ابتسم بأحراج: من طريق سجدة اختي
عصام بابتسامة: والله يا استاذ عثمان ومن دون جمايل من بعد اللي قالته سجده وكلام على جنات بنتكم ادبها واخلاقها احنا ما هنلاقي زيها ابدا ها نقرا الفاتحه بقى ولا اي
فاطمه بسرعه: لما ناخد راي بنتي الاول يا جماعه
شرين بابتسامة: طبعاً طبعاً ده حقكم يا حبيبتي انكم تاخدوا رايها وتشوره عليها وتشوفيها هي عايزه ايه موافقه او لا
فهد بتفاهم: رايها هي الاول برضو يا جماعه اهم هي العروسه وهي اللي حقها تختار هي عايزه ايه بالظبط
عثمان بهدوء: ان شاءلله خير… وجه كلامه لفاطمه روحي شوفيها يا ام جنات جهزت ولا لسه
فاطمه قامت: حاضر؛ وتجاهت الى غرفه جنات
عثمان بابتسامة لطف: منوريننا والله يا جماعه
فهد بابتسامة واحترام: تسلم يا عمي
عصام بابتسامة: تسلم يا ابو جنات
ــــــــــــــــــــــــــــــــــــــــــــــــــــــــــ
في غرفه جنات
جنات بدموع واحراج شديد: يا جماعه انتوا بتقولوا ايه بس انتوا مش هتفهموني ابدا مش حاسين ولا شايفيني انا قد ايه مكسوفه
سجدة بزهق: يا بنتي بقالي ساعه نفهم فيكي مكسوفه من اي بس بقولك هو اللي جاي بئراته بئراته عاوزك بمزاجه هو ما حدش قاله عليكي ولا حد جبره ولا حد حاول معاه في اي حاجه انا لقيته لوحده كده افهميني بقى
جني باقناع فيها: يا جنات يا حبيبت قلبي انتي مكسوفه من ايه هو انتي مش بتحبيه من زمان وعايزاه في اي بقا ليه الكسوف ده لا اله الا الله
جنات بدموع وحزن من نفسها: مش قادره لاني. كنت بتكلم معاه خايفه خايفه اوى و مكسوفه من اني كنت بتكلم معاه وبعدها طلع بيخدعني شوفي بقى انا بتفكر في ايه وايه و ايه بجد تعبانه من جوايا انتي وهي وهي
فاطمه بتفاهم وهدوء: طيب انتي بتحكمي عليه ليه من دلوقتي طيب بعد ما تعملوا رؤية شرعيه وشوفوا بعضيكم وتفاهموا كده بالراحه وصلى صلاه الاستخاره وشوفوا بعضكم وشوفه هترتاحوا ولا لا وهنشوف الامور هتمشي ولا لا وهتمشي ازاي وفي راحه ولا لا ومتفاهمين مع بعضيكم او في كلام تاني وشوف الامور هتوصل لحد فين ما تحكميش من دلوقتي وهو اكيد مش بيفكر في اللي فات ده خالص وطالما هو جاه لحد عندك هنا برجليه وشريكي يبقى خلاص انتي عايزه ايه تاني
سجدة بــصدق: والله العظيم يا جنات فهد عاوزك و شكله كده حبك ومشاعره من ناحيتك متحركه وشريكي بجد بجد مش الكلام مني انا شايفه اخويا شايفه هو بيفكر ازاي وواخد الخطوه دي ازاي كمان ده مش لعب عيال ده جواز جواز عارفه يعني ايه اقعدي معاه وشوفوا كلام معاكي شوفي هو تفكيره فيكي ازاي شوفي هيقولك اي هو عايز اي شوفي شركه حياته عايزها ازاي شوفيه وهو عايزك انتي او لا
جني: يلا بقا يا جنات يلا قومي عاوزين نفرح والله العظيم وبعدين دا جاه لحد عندك فكري بس في الموضوع ده بعد ما تقعدي معاه و تشوفي رد فعله لو لقيته رد فعله مش عاجبك خلاص قولي واحنا مش هنوافق وما توافقيش يا ستي هاا يلا بقا
جنات مسحت دموعها برضا: يعني انتي شايفه ان هو عايزني بجد يا سجدة امانه عليكي هو عايزني اكون انا شريكه حياته ولا انتي شايفه تفكيره ازاي بس فيا دلوقتي..!؟؟
سجدة بصدق من قلبها: والله العظيم عمري ما ابليكي بأي حاجه وحشه انتي اختي قبل ما تكوني صحبتي معقول تفكري بالطريقة دي. في سجدة يا جنات فهد اتغير اتغير اوي دا بقي احسن انسان والله
اتنهدت تنهيد الطويله خارجه من قلبها ثم قررت انها لازم تاخد الخطوه دي وتجرب التجربه دي واتوكلت على الله وتركت الامر على ربنا وجواها تتمنى انه كل اللي في بالها من ناحيه فهد ده يكون غلط و كسوف يروح منها و خجلها من ماضيهم المعصي
لبست دريس نبيتي واسع جنات وخمار لونه ابيض وبشرتها كانت جميله من دون ميك اب ( السلام عليكم ورحمة الله وبركاته خليكي على طبيعتك في اول زياره لعريسك يا غاليه خلي يشوفك علي الطبيعه والله ما في احسن من الطبيعه وجمال الطبيعه لان الميك اب ده خدعه. و حرام اساسا)
ـــــــــــــــــــــــــــــــــــــــــــــــــــــــ
اخدت جنى من على رخام المطبخ الصينيه اللي فيها بيبسي وادتها لجنات واخدت هي صينيه الجاتوه
جني بابتسامة: يلا وانا صينيه الجاتوه … وراحو تجاه الصالون اللي في الضيوف
طلعت سجدة ليهم بابتسامة: السلام عليكم احنا جينا اهو تاخرنا عليكم معلش بس بنقنع في عروستنا كل ده…ثم ضحكت بسيط ونظرت لفهد اخوها
فهد بصلها بابتسامة: وعليكم سلام ورحمة الله وبركاته " وباقيهم ردو سلام
دخلت جنات ليهم و وراها جنى ومامتهم قدامهم
وهي تنظر الى الارض بــ خجل شديد ظهر في عيونها وظهر على ملامحها. جنات
جنات: احم السلام عليكم ورحمة الله وبركاته
فهد: عليكم السلام ورحمة الله وبركاته
شرين بابتسامة: و عليكم السلام ورحمة الله وبركاته يا عروستنا القمر
ابتسمت بخجل شديد ليها. ثم راحت قدمت الضيافه
سجدة: تعالي يا جنات اقعدي جنبي بقا
جنات وهي عيونها في الارض: حاضر …و راحت قعدت جنبها بالفعل
عصام بجديه: طبعا انتي عارفه يا بنتي احنا موجودين ليه وايه السبب واحنا شاريين منكم قرب وشاريين القرب من ابوكي بصي بقا يا بنتي احنا دلوقتي جايين وشاريين بجد و ده مش لعب عيال. و فهد ابني شري بجد لو عليه قال مستعد اعمل اي حاجه علشان خاطر البنت دي بس المهم توافق هي و اهلها فانتي شوفي انتي اقعدي دلوقتي و اتكلمي معاه و بعد صلاة الاستخارة شوفوا نفسكم كده يبقي لو في خير يبقي خير وبركه ونقرا الفاتحه باذن الله ولو مفيش قبول يبقي زي ما دخلنا نخرج
جنات بتوتر وخجل: اللي اهلي و بابا اللي عايزينه قبل اي حاجه يا عمي
شرين: طبعا يا حبيبتي هما موافقين و هما عايزين ردك انتي
سجدة باحترام: بعد اذنك حضراتكم ممكن يا عمي انت و طنط جنات و فهد يتكلموا مع بعض لوحدهم بس احنا هنكون موجودين معاهم انا و جني عشر دقايق بس مش اكتر والله
عثمان برضا: تمام مفيش مشكله يا بنتي
و بالفعل الكل خرج اللي بنات
ــــــــــــــــــــــــــــــــــــــــــــــــــــــــ
الاتنين فضلوا في صامت تام مفيش حديث لحد الان جنات كانت زي ما هي باصه للارض من الخجل مش قادره تواجه فهد بــ كلمه واحده و فهد نفس الشيء
جني بصت لسجدة بــملل بعدها بصت ليهم
سجدة: احم يا جماعه فات خمس دقايق مينفعش كده يا فهد اتكلم انت قول حاجه لان جنات مش قادره تتكلم اثبت ليها انك بجد عاوزها و ان ماضي
قطع كلامها فهد: ماضي اي.؟ مفيش ماضي انا في الحاضر بتاعي دلوقتي اساسا مكنش في ماضي في حياتي تمام يتقفل علي كلام ده " ثم كمل: احم عامله ايه
سجدة بابتسامة: اهو شوفتي وهيبقى في فعل كمان
ابتسمت بسيط جدا خالص جنات ليها
ثم ردت عليه: الحمدلله
فهد: ادام الله حمدك وغفر ذنبك ممكن ترفعي عيونك وتبصي ليا هنا من وقت ما دخلت وانتي ما رفعتيش عيونك ابدا من الارض
جنات بسرعه: لا لا
فهد:ليه بس؟
جنات: كده
فهد ابتسم: كده ليه؟
جنات بزهق وخنقه: كده وخلاص
فهد بابتسامة: تمام عندك اي اسئله
جنات بحزن شديد: كتير اوي ميت سوأل
فهد بهدوء: اتفضلي اسالي براحتك
جنات بدموع وعتاب: ليه عملت فيا م ا ا ا
قطع بغضب شديد فهد الكلام: هتسالي اي سؤال غير ده اسالي بلاش تسألي الاسئله دي قولت الحكايه دي اتقفل عليها خلاص علي كده للابد
جنات اتخضت منه: في اي تمام خلاص خلاص
سجدة: فهد اهدي
جني بابتسامة: يا جنات الجدع خلاص قتل الماضي سيبك بقا و انسي وروقي كده بصي اسالي حاجه في الدين في العبادة يلا عايز شريكه حياته تكون عامله ازاى خليكي شاطره كده
جنات بضيق: حاضر
اتنهد فهد جواه قال لنفسه: استغفر الله العظيم اهدي يا فهد استعيذ من الشيطان. ثم اتكلم هو و قائلا
فهد: اخبار العبادة معاكي اي علاقتك بربنا ماشيه ازاي
ابتسمت بثقه: الحمدلله انا بصلي مش بسيب فرض ابدا
فهد: اهم حاجه في وقتها
جنات: طبعاً لو مش مصدق اسال البركه بتاعتنا كمان. سجدة
ابتسم ثم قائلا: مصدقك ختمتي المصحف
جنات: اه الحمدلله و نفسي كمان ادي دروس دينيه او ادي ندوه
فهد بابتسامة: شاطره اهم حاجه عارفه معاني كل حرف في القرآن ولا.؟؟
جنات بثقه من نفسها: اه اكيد طبعاً اومال بقول كده وبعدين لو مكنتش فاهمه في الدين مكنتش قولتلك كده
فهد: طيب لو سالتك اي سوال في الدين هتجاوبي علطول من غير تفكير
جنات: احم تمام موافقه
فهد بجديه وفضول: قبل الاسئله دي انتي راضيه بكدا عايزه شريك حياتك متدين وملتحي ومن غير اجبار من حد
جنات بأحراج شديد: عاوزه يكون انت لو بجد بتتكلم بجد و من قلبك في كل ده
فهد ابتسم و فرح من كلامها: يعني عايزاني يعني.؟!!
جنات بكسوف:اه
فهد بابتسامة سعادة: تمام نكمل بعدها انتي تسالي. امم اول سوأل في سوره النور الايه رقم الثلاثين ما معنى قل للمؤمنين يغضوا من ابصارهم ليه ربنا امر امر بكدا اي سبب
جنات : معنى( قُلْ لِلْمُؤْمِنِينَ يَغُضُّوا مِنْ أَبْصَارِهِمْ يعني ربنا سبحانه وتعالى قال ان احنا ما نبصش للحاجه اللي هي مش حلال لينا امرنا بغض البصر لان حرام نبص لواحد مش محلل لينا لان لو بنت بصيت لواحد وصرحت في ملامحه يعتبر كده هي عملت ذنب كبير من الكبائر وبكده شلت ذنوب كبيره ده غير الفتنه عشان كده لازم نغض بصرنا عن اي واحد ربنا مش محلله لينا عشان ربنا يسترنا من الفتنه كمان و اه كمان لو ما غداناش بصرنه مشاعرنا هتتحرك و نتخيل حاجات ربنا محرمها هنبدا نعمل معصيه و نشيل نفسنا ذنوب كتيره و كبيرة ونقع في الفتن
ابتسم فهد: برافو عليكي السؤال الثاني
جنات: هو في تاني كمان
فهد: وثلاث وربع كمان
جنات: طيب
فهد: طبت وطاب كل شيء اتخذ لك سبيلا. سورة البقرة تفسير الايه 183
جنات:( بسم الله الرحمن الرحيم يا أيها الذين آمنوا كتب عليكم الصيام كما كتب على الذين من قبلكم لعلكم تتقون) ربنا امر بالصيام لانه فرض علينا زيه زي الصلاه والحجاب كده بص احنا لما بيجي لينا ويعاذ بالله مرض بنعمل ايه
فهد: بنروح للدكتور والدكتور بيدي لينا علاج وبــناخد من العلاج ده
جنات: بالظبط كده فربنا جعل لينا وكتب لينا شهر رمضان ده علشان خاطر يصلح مننا مش علشان نتحرم من الاكل والشرب لا ربنا جعل الشهر ده لا يغسل ذنوبنا ويطهرنا منها فربنا جعله لينا علشان يكفر في ذنوبنا شهر رمضان كفارة للذنوب لمن صامه إيمانا بالله وتصديقا بثوابه وإخلاصا له فيه شهر رمضان لغفران الذنوب للعباده للصبر الصدقات للمحتاجين
ابتسامه الفخر فيها كانت ظاهره على ملامحه وكان باصص ليها فعلا انها تغيرت جدا للاحسن زيه
رفعت عيونها بصت لي نظره. " ثم نزلت عيونها تاني بخجل شديد و ابتسمت من الخجل
فهد بابتسامة: جزاك الله خيراً و بارك الله فيكي ربنا يثبتك يا رب مش حرام علي فكره دي رؤية شرعيه اننا نبص لبعضنا في رؤية شرعيه بس في رؤية الشرعيه لكن الخطوبه فيها ضباطات ولازم نلتزم عليها وكل خاطب يلتزم عليها لان حرام تجاوزات في فتره الخطوبه لازم ملتزم فيها عشان ربنا يبارك في الجوازه ويرضى علينا
جنات: مانا عارفه
فهد ضحك بسيط: لما انتي عارفه بــ تخليني اقول ليه و ليه مش راضيه ترفعي عينك فيا
جنات بخجل: محدش قالك تقول وبعدين لا مش عاوزه بص
فهد بابتسامة: ماشي
جنات بتنهيد: ممكن اسالك سؤال؟
فهد: اسالي!!!
جنات بحزن: اشمعنا انا اللي اتقدمتلها ليه جيت ليا دونا عن البنات التانيه المحترمه
فهد بــكل ثقه من كلامه: ما لقيتش احسن من البيت ده ان نناسبه ونعاشرهم ما لقيتش احسن منك احسن من تربيتك احسن من اخلاقك انتي تستاهلي المعاشره والنسب لاهلها
جنات بصتله بلهفه: بجد يعني انت عايزني عايز تناسب بابا مش شايف غير ان انا كويسه في نظرك ونظر اهلك
فهد بصدق: طبعا ولا انتي شايفه غير كده و عندك كلام غير..؟؟
جنات: بحزن وندم: اكيد لا وبعدين انا والله العظيم في حد نفسي و ماشيه في طريق الصح الحمدلله مش بسيب فرض انا بقيت زيك الحمدلله وربنا
فهد بابتسامة: من غير حلفان مصدقك عارف كل حاجه عنك من طريق البركه بتاعتنا …ثم ضحك
ضحكت جنات بسيط جدا
جني و سجدة كانو قاعدين مبسوطين ليهم جدا انهم قدروا يتفاهموا مع بعض و كان يصوروا فيهم من بعيد لبعيد وهما مبسوطين وهما بيتصوروا هما الاتنين كمان
فهد: ما قلتيش برضو. مواصفات شريك حياتك
جنات بابتسامة: مواصفات شريك الحياه!؟ بص مواصفات شريك حياتي يكون ونس سند يكون صالح حنون متدين يكون حافظ القرآن يكون ذكر ربنا ده ليل نهار علي لسانه مش لسانه علي الالفاظ الوحشه زي شباب التانيه الوحشه يكون سند ليا مع بعض في الدنيا في حلوه في الاخر معايا في الجنه يكون يكون غني بس غني بدينه واخلاقه واب حنين عليا وعلى اطفالنا ويتقي ربنا فيا ويكون متقي ربنا في اهله.و يتقي فيا و في عيالي وربنا يكون مرضى عليه ويكون مرضى عليه من رضا الوالدين اتقي ربنا في البشر و قبل كل ده يحب عيوبي ويتقبلها قبل مميزاتي
فهد بابتسامة وعهد: وانا ان شاء الله هكون الشخص اللي انتي عايزاه وبتحلمي بيه وعلى قد ما اقدر احاول اكون زي اللي انتي بتتمني من ربنا وعلى قد ما اقدر احاول اسعدك واسعد قلبك واتقي ربنا فيكي وربنا يقدرني على كده واكون اللي انتي عايزاه
جنات بابتسامة وبدأ تفرح: يارب يارب ان شاءلله
ــــــــــــــــــــــــــــــــــــــــــــــــــــــــــ
الجماعه قاموا عشان يمشوا
عصام: باذن الله بعد صلاه الاستخاره الولاد يا ابو جنات تدينا الرد وان شاء الله خير ان شاء الله لو في قبول نقرا الفاتحه ونتفق ونجيب الذهب
عثمان قام بابتسامة: ان شاءلله يا ابو فهد ده انتوا قعدتكم حلوه والله وانتوا نورتونا ان شاء الله متفائل خير مش هنناسب غيركم وهنكون اهل قريب
عصام بابتسامة: يارب يارب ان شاءلله تسلم يا ابو جنات
شرين راحت حضنت جنات بابتسامة وحب هي و سجدة وبعد السلام مشيوا
ــــــــــــــــــــــــــــــــــــــــــــــــــــــــــ
وبعد ليل طويل على الابطال وتفكير واسرع من التفكير في عقل كل واحد فيهم وتفكيره في الثاني ان ممكن يكون هما الاتنين من نصيب بعض مكتوبين انهم يكونوا لبعض وهما عوض لبعضيهم وفات عليهم الليل الطويل بعد صلاه الاستخاره
جني: صباحو عسل
جنات: صباحو فل
جني: عيونك مالها كده باين عليها انها دبلانه كده ليه شكله من التفكير طول الليل
جنات بغيظ: استغفر الله تفكير في شخص. غير حلالي الحرام على فكره و مش ده كلامك برضو يا بتاع الحلال و الحرام
جني ضحكت: اي حيلك حيلك اهدي انا مش قصدي حاجه علي فكره والله قصدي بتفكري هل ده العوض ولا خايفه يعني ربنا يبتليكي واحد ما يحبكيش وياذيكي
جنات بضيق: يا ستار يا رب بعد الشر عاوزه ربنا يعوضني طبعا وشريك حياتي زي اللي انا متمنياها ويحبني ويهتم فيا ويشيلني من على الارض شيل كده انا وعيالنا ان شاء الله
جني بابتسامة: باذن الله ي حبيبت قلبي ربنا مش هيخيب ظنك ابدا فيه والله هيضيع احلامك كده هبر هيحققلك كل اللي بتتمنيه انا متفائله خير على فكره والله
جنات بــمل: وانا والله و الحمدلله انا صليت و مرتاحه جدا لي و رؤية في المنام جت حلوه من ناحيته
جني: حلو اوي الحمدلله
ــــــــــــــــــــــــــــــــــــــــــــــــــــــــــ
عند فهد كان مصلي صلاه المغرب بعدها راحت على مشوار قبل ما يروح لمنزل جنات للمره الثانيه الاتفاق وقرايه الفاتحه. كان سايق العربيه باقوى سرعه عشان يروح يلحق يرجع البيت يجهز نفسه ويروح ليهم قبل صلاه العشاء عشان يروح على الميعاد اللي اتفق عليه هو واهله
نزل فهد بابتسامه قدام محل حلويات كبير جدا ودخل اشترى علبه جاتوه للزياره وبعدها راح جاب بوكيه ورد لونه احمر فخم وجميل جدا وبعدها راح الى منزلهم
والهدايا دي كانت لجنات لقراءه الفاتحه
ــــــــــــــــــــــــــــــــــــــــــــــــــــــــــ
في منزل عصام تحديدأ في غرفه فهد
سجدة بابتسامة: الحاجات دي جميله جدا تسلم ايدك بجد ذوقك تحفه يا حبيبي
فهد وهي يلبس الكوتشي: عجبوكي؟
سجدة بابتسامة: جدا جدا والله
فهد بابتسامة: تسلميلي يا جميل عقبال هدايا عريسك يا رب
سجدة استكفت بضحكه بسيطه من كلمته: سلمك الله من كل شر وسوء يا حبيبي
فهد: امين المهم روحي شوفي امك خلصت ولا لسه كده و ابوكي
سجدة: حاضر؛ و بالفعل راحت تشوفهم
ــــــــــــــــــــــــــــــــــــــــــــــــــــــــــ
وبعد وقت كان قبل صلاه العشاء وصلوا وصلوا الى منزل عثمان وبعد الاتفاق والحديث الطويل ما بينهم كانوا قراوا الفاتحه وقرروا انهم يجوا الشبكه في اقرب وقت في نفس الاسبوع ويعملوا خطوبه على الضيق
سجدة حضنت جنات بسعادة: مبارك يا روح قلبي ربنا يتمم ليكم علي خير يارب و يسعدلي قلبك يا حبيبتي
جنات فرحه: تسلميلي يا روحي عقبالك يارب
شرين كانت مبسوطه جدا بــ فهد بالخطوه دي اللي قدمها وانه توكل على الله و اخد جنات ودعت من قلبها ليهم ان ربنا يسعدهم ببعض
شرين حضنتها جنات بحب: مبارك يا غاليتي هتنوري بيتنا والله يا حبيبتي
جنات بابتسامة حب: تسلميلي يا طنط
فهد: احم انا اسف على المقاطعه يا جماعه بس كنت حابب اتكلم معاكم في حاجه ونتفق عليها بالمرة
فاطمه باستغراب:اتفضل يا بني خير
فهد بهدوء:ان شاءلله هيكون خطوبه علي اتضايق زي ما اتفقنا ممنوع فيها الاغاني او الموسيقى هتبقى اناشيد اسلاميه بالدف
فاطمه: ايوه بس دي اول فرحه في بيتنا يا ابني و احنا عايزين نفرح
فهد بهدوء تام: الفرحه في القلب مش بالاغاني وكل ده الاغاني دي محرمه مينفعش الاغاني دي بتخرب بيوت كتيره جدا والله بتزيل الفرحه بتزيل السعاده بتدخل الشياطين للبيوت تدخل قلبك الضيق وفي عقلك الشتات بتسبب مشاكل كتيره الاغاني والموسيقى لا تجوز ان المسلم يسمعها لانها بتسيطر على القلب والعقل وتوصلك للفواحش والمعصيه لانها فيها كلمات ربنا حرمها والموسيقى حرام تماما
عثمان باقناع ورضا: صح والله معاك حق يا ابني اللي شايف صح اعمله
جنات بقناع: وانا موافقه برضو
شرين: عاوزين الجوازه ربنا يكون راضي عنها ما يكونش فيها مشاكل فيما بعد يا جماعه اهم حاجه تكونوا انتم راضيين احنا عايزين مصلحتنا والله كلنا
فهد بابتسامة: اهم حاجه تكون حماتي ست الكل راضيه انا عارف انها اول فرحه لواحده من بناتك واول مره الفرحه تزور بيتك بس الفرحه مش في الاغاني والله محدش فينا ضامن عمره ما حدش فينا عارف الايام مخبيه لينا ايه فنرضى ربنا عشان هو يرضى عننا وطلعنا من الدنيا دي سالمين يا حماتي
فاطمه بابتسامة: معاك يا بني في كل اللي تقوله عارفه انك انت عايز كله يكون في صالحك انت وجنات حياه حلوه وانا موافقه ربنا يسعدكم ببعض يا رب ويهنيكم ويجعلكم زوجين صالح مصلحين يا رب
فهد بابتسامة: يارب يارب
ـــــــــــــــــــــــــــــــــــــــــــــــــــــــــ
وبعد كام يوم اليوم ده كان خطوبه فهد و جنات
كانت الخطوبه على الضيق كانت خطوبه بسيطه جدا للعائله مع بعضهم وبس كانت البنات عامله في منزلهم زينه عباره عن ورود وانوار بسيطه وبلالين كتيره وفي ده كله كانوا حاطين جاتوه بيبسي للضيوف وشغلي الاناشيد اسلاميه بالدف و كانت الفرحه عرمه جدا في قلوبهم العيله
( جنات لبست فستان خطوبه على خمار ماليزي والخمار كان عليه تاج بالورد بنفس اللون الفستان. و فستان لونه سماوي وكان بشرتها من دون ميك اب وكانت جميله جدا ورقيقه خالص. وشبه الاميرات
فهد لبس بدله عباره عن قميص ابيض و البنطلون اسود
فهد كان قاعد على كرسي وجنات قاعده على كرسي تاني كانوا قاعدين بعد عن بعض جدا في ما بينهم مسافه طويله
فهد بابتسامة لجنات: مبسوطه
جنات بسعادة في قلبها: طبعا جدا جدا والله
فهد بــفرحه لفرحتها: يا رب تكوني مبسوطه فعلا وتكوني راضيه عن كده و مقتنعه بكده
جنات بصدق وفرحه من قلبها: اكيد طبعاً راضيه.و مقتنعه ومبسوطه جدا وعايزاك مستعده اعمل اي حاجه عشان تكون راضي انت وتكون مبسوط بيا وانا مقتنعه وراضيه الحمد لله.
فهد بابتسامة ليها: الحمد لله وانا عايزك شريكي بجد وعايزك انتي وبس شريكه حياتي ام عيالي البنت الصالحه ومش عايز غيرك مش هاخد الا انتي وبس عشان انا عايزك فعلا انتي حلالي وربنا يجعلنا زوجين صالحين ام واب صالحين ربنا يقدرني واسعدك على قد ما اقدر انتي على فكره اللي ربنا كاتبك ليا وربنا كاتبني ليكي وعايزنا نكون لبعض واحنا من نصيب بعضينا مكتوبين لبعضينا من وقت ما جينا على الدنيا دي ومش هاخد الا غيرك انتي حتى لو الدنيا دي وقفت ضدي هاخده برضو غصب عن اي حد لان ربنا امر ان احنا نكون لبعض
عيون جنات لمعت من السعاده اللي اللي هي فيها وقلبها طاير من السعاده مش مصدق ان اخيرا ربنا عوضها وبالشخص اللي هي كانت بتتمناه من زمان
جنات بسعادة في قلبها لنفسها: يا ربي معقول الابتلاء الا ربنا ابتلاني بيه من زمان كان حلو للدرجه دي معقول انا كنت في نعمه ما كنتش حاسه فيها للدرجه دي انا في نعم كتيره ما حسيتش بيها غير دلوقتي من سبع سنين ربنا كان مبتليني بابتلاءات كبيره جدا كانت تعباني تعباني اوي دلوقتي فهمت وعرفت ليه ربنا كان مبتليني دي طلعت نعمه الابتلاءات وربنا عوضني بحاجه جميله جدا ما كنتش متخيله ان الحب اللي ربنا ابتلاني بيه حصلت عليه وطلع هو العوض بعد المعاناه دي كلها ياااه فعلا رحمه ربنا واسعه اووووي " فكلنا لازم نرضى نرضى بالابتلاءات لانها كلها دي اختبارات من ربنا ربنا بيختبرنا بيها عشان يشوفنا هنتحملها او لا وعمومأ بعد كل ده ربنا بيعوض بيعوض بعوض الجميل جدا بس اللي يتحمل اللي يتحمل بجد ربنا يدينا قوه الصبر وقوه الايمان في قلوبنا ويدينا على قد رحمته يا رب لينا جميعا "
جنات بدموع السعاده جواها: انا حبيت حبيت بجد العوض ده اللهم لك الحمد يا رب اللهم لك الحمد الف شكر لك يا رب الحمد لله اشكرك يا رب على العوض الجميل اللي انت عوضتهوني باهلي واللي حواليا.و بــ فهد
سجدة قربت منها بابتسامه وراحت شدت ايدها بفرحه
سجدة بابتسامة: تعالي تعالي علشان نتصور انا وانتي وجنى يلا
جنات بابتسامة: يلا يروحي
ــــــــــــــــــــــــــــــــــــــــــــــــــــــــــ
داخل ريان واركان ووالدتهم والابتسامه والفرحه لفهد مرسومه على ملامحهم وزهره
ريان بابتسامة: صاحبي وحبيب قلبي مبارك يا كبير
اركان بمرح و ابتسامه: اللي محدش قده ولا حد هيبقى قده اللي خطب اخيرا قبلنا كلنا يا ناس مبارك يا غالي
فهد بص اتجاه الصوت وضحك ابتسامه جواها فرحه من قلبه ثم راح وسلم على واحد واحد وباركوا الشباب لي
ريان بابتسامة وفرحه لصاحبه: اخيرا مبسوط اوي ليك بجد ربنا يتمم فرحتك على خير يا رب ويجعلها زوجه صالحه ليك يا صاحبي
فهد بابتسامة: تسلم يا ابو الصحاب يارب عقبالك
ريان ضحك بابتسامة: حبيبي
والده ريان بابتسامة: مبارك يا بني ربنا يتمم فرحتكم على خير يا رب.
فهد بابتسامة: تسلمي يا ست الكل
اركان بــهمس: بقولك اي يا ريان صاحبك اللي من سنك خطب وكله شهور وهيتجوز وهيبقى عنده عيال شوفلك عروسه انت كمان في بنات كتيره هنا اهو
ضحك جامد ريان ثم زقه بعيد عنه وهو ميت من الضحك بغيظ منه و فهد ايضأ
فهد ضحك جامد: اخوك في وشه بلوه والله
ريان بضحك: الله يسامحك يا اركان
ام ريان كانت منضمه في القعده مع شيرين و فاطمه وتعرفو على بعضيهم
ام ريان بابتسامة وهي عيونها علي سجدة: الا قوليلي يا ام فهد هي سجدة عندها كام سنه؟
شرين بابتسامة: بنتي عندها 24 سنه وهي مهندسه معماريه ودعايه كبيره
ام ريان بابتسامة: اللهم بارك ربنا يحفظها ويبارك فيها يارب
شرين بابتسامة: امين ي حبيبتي تسلميلي
ــــــــــــــــــــــــــــــــــــــــــــــــــــــــــ
بداونا في لبس الدبل ام فهد مسكت علبه اللي فيها الدبله ادت الدبله لفهد وفهد لبسها لوحده ثم هي لبست الدبله لجنات
فاطمه بسعادة كبيره جواها لبنتها: مبارك يا نور عيني مبارك ربنا يتمم فرحتك علي خير يا حبيبت قلبي
قامت حضنتها جنات بسعادة: الله يبارك فيكي ي ماما ي عمري انتي
عثمان قرب باس راس جنات بابتسامة: مبارك يا حبيبتي
جنات بابتسامة: الله يبارك فيك يا بابا
عصام بابتسامة: مبارك يا ولاد مبارك يا فهد يا بني
عثمان بابتسامة: عاوزك تاخد بالك من جنات بنتي يا فهد دي امانه معاك
فهد بحب: دي في عيوني يا عمي
جنات ابتسمت بخجل شديد
جني بتصنع الحزن: اختي في قلبك قبل عيونك هاا دي حته مني مش بس في عيونك اياك تجي تشكي منك يوم من الايام
فهد بضحك: لا لا دا انا كده اخاف بقا يا جدعان جنات طلع وراها عصابه كبيره
جني بضحكه: اومال
جنات بضحك: قلبي يا بت يا جانو
سجدة بــتوعد: وانا كمان معاكي يا جانو
شرين: اياك بس تزعل يوم منك سيبيه علينا احنا بس
فهد بذهول: في اي يا جدعان انتوا معايا ولا عليا انتوا كلكم عليا بقى ده انا شكله هيتقال عليا يا رحمن يا رحيم
عثمان بضحك: لا خلاص انا كده اطمنت على بنتي من دلوقتي معاكم يا جماعه
اركان بضحكه عليه: والله يا فهد يا خويا انت اخدت القرار غلط ان كان كده ارجع في كلامك
فهد ضحك: بفكر والله
ريان ضحك: كنت بعقلك محدش قالك تاخد الخطوه دي
فهد: دي كانت شورتك انت المنيله
ريان: محدش قالك تاخد بكلامي وتقتنع بيه؛ ثم ضحك
جنات ببراءه: في ايه يا جماعه هو انتوا هتاكله ولا ايه محدش فيكم يقدر يجي عليه
اركان: اوعى بقى يا فهود انت اللي طلع وراك عصابه مش هي يبقى اطمن بقى وحطها في قلبك قبل ما تحطها في عيونك
ابتسم فهد وحب كلامها وعارف انها مستحيل تفرط في يوم من الايام وهيطمر فيها العشره هي دي
كانت جني خارجه من المطبخ معاها صينيه فيها بيبسي جاه اركان ياخد كوبايه جني اتعصبت
جني: لو سمحت ممكن تهدى لما ادي للكبار الاول
اركان بسخرية: انا كبير وبعدين الكبير ربنا
جني بغيظ: ما تعرفش تستنى لما طنط مامتك تاخد هي اول اي ده عالم بارده … ثم راحت تجاه مامته عشان تضيفها
اركان ببرود: تسلمي كل ذوقك والله
سمعت وهي ماشيه اتضايقت منه ولكن ما اهتمتش لي اساسا ( لما اي واحد يحاول يعاكسك او يضايقك او يقولك اي كلمه مهما ان كانت ايه بلاش تهتمي لي ولا نظرك حتى يحاول يتلفت باللي قدامك كده لان حرام في. و نوعيه من الشباب والاولاد كده كتير بتحاول تجر كلام وتجر ناعم مع البنات عشان خاطر يتكلم معاها و كمان عشان خاطر تتعجب فيه فخدوا بالكم يا بنات من نفسكم)
ـــــــــــــــــــــــــــــــــــــــــــــــــــــــــ
وتمت الخطبه على خير للابطال وفات اليوم بليلو كامل بالسعاده والهنا لقلوبهم كلهم
في الفجر حوالي الساعه 5:30
كانت جنى صحيت للفجر كانت قاعده على سجاده الصلاه لسه بتقول الاذكار والتسابيح بتاعتها وكانت بتنادي على جنات وبتصحي فيها اللي مش راضيه تفوق بسهوله
جني بنعس جامد: جنات يا بنتي فوقي بقا الله اي النوم ده كلهه فوقي الفجر خلاص راح عليكي
جنات تلفونها رن في الوقت ده
اتخضت مره واحده جنات ثم قامت بخضه من الرنه
جني: اسم الله عليكي اتخضيتي يعني ما صحيتيش من صوتي وندهاتي دي كلها
و صحيتي على صوت التليفون قومي قومي الله يهديكي
جنات بنوم وزهق: يوووهه اسكتي بقا الله صوتك عامل ليا ازعاج علي فكره
جني بغيظ: والله انا غلطانه اني بصحيكي اصلا عشان تصلي الفجر
جنات لمت شعرها لورا بايديها ثم فرقت في عينيها عشان تفوق وتصحصح مسكت التليفون لقيت فهد اللي بيرن عليها وابعت ليها رساله وتساب. فتحت الرساله وبطل رن لان رن اكتر من خمس المكالمات و مفيش رد منها
" فهد صباح الخير اي لسه نايمه ولا ايه يلا اصحي علشان صلاة الفجر اوعي تروح عليكي ها صحصحي كده عشان ما ازعلش منك لو فاتك فرض
ابتسمت بحب و فرحه جواها منه جنات و حاسه بالسعادة في قلبها ثم بصت الدبله اللي في ايدها ومبسوطه جدا بيها انها بتاعت فهد
جني باستغراب: بتبتسمي ليه لوحدك ايه سبب الابتسامه دي ياختي
جنات بابتسامة وحب: انا حبي رجع تاني لي بجد يا جانو
جني بذهول: انتي كنتي نايمه دلوقتي و ميته في نوم معقول رساله واحده منه تخليكي تفوقي كده من غيبوبه
جنات بفرحه: انا فعلاً فوقت من غيبوبه بعد غياب طويل اوي.. اتنهدت تنهيده طويله مليانه سعاده من قلبها لاول مره تتنهد بــفرحه كده
ثم قامت دخلت الحمام علشان تتوضا وقالت لما اخرج ارد عليه
جني بابتسامة: ياااه علي النصيب ده دا جميل اوي اوي فعلاً يا بخت اللي نصيبه حلو في الدنيا دي ربنا يوعدنا يا رب ويسعدك يا ختي انتي وخطيبك ويجعله العوض ليكي الصالح ليكي يارب يارب " ثم ضحكت بسيط بابتسامة: بقا ليها خاطب يصحيها الفجر الحمد لله وتقوم بسرعه اهو من رنه الموبايل من اول مره رن عليها الحمد لله صحيت لي حتى تفكني ربنا يسعدها يارب كملت باقي التسابيح وبعدها طلعت على السرير عشان تنام
ـــــــــــــــــــــــــــــــــــــــــــــــــــــــــــ
و فات ساعه الفجر وعدى نص اليوم عليهم
في منزل عصام
في الصالون
فهد: سجدة جهزي نفسك ان شاء الله علشان ريان هو ولدته جايين علشانك
سجدة بعدم فهم: اي ليه جايين علشاني.؟؟
شرين باستغراب: ليه؟
فهد: ريان من حوالي سنه كان كلمني عليكي.وانا قولتله استنى شويه الوقت المناسب وهو عايز يدخل ها قولتي اي
سجدة ابتسمت بخجل: اللي تشوفه يا خويا رايك اهم من رايي برضو
فهد: اهم حاجه انتي موافقه عاوزه راضيه انكم تشوفو بعض
سجدة: انت رايك اي في
فهد ثقه فيه: انا شايف ان ريان مفيش احسن منه ما يفرقش في حاجه عني
سجدة بابتسامة: وانا بدعي ربنا ان ربنا يعوضني بالراجل بجد الصالح اللي زيك لو مش زيك يبقي بلاش مش عاوزه اي واحد وخلاص
فهد بابتسامة: وانا مش شايف غير ان ريان هو اللي بجد هيشيلك من على الارض شايل ما فيش منه اتنين والله صاحبي ريان
شرين بابتسامة: احنا نستاهل اللي شبهنا ولا ايه؟!!!
فهد: صح يا امي مع رايك
سجدة بابتسامة: ربنا يقدم اللي في الخير يارب
فهد بابتسامة: امين قومي اعملي كوبايتين شاي لينا بقا
سجدة بحب: من عيوني ي حبيبي، و قامت بالفعل بابتسامة مرسومه ع ملامحها و راحت تعمل الشاي
سجدة بابتسامة لنفسها: النصيب ده جميل اوي ربنا بيدي كل
انسان فينا اللي شبهه ربنا بيرزق بالزواج عشان خاطر يزود في رزقنا ويملا علينا حياه بالسعاده ومع مرور الوقت الاسرات بتكبر يوم على يوم وبكده يزود ربنا الرزق على رزق على رزق من ربنا الجواز ده نصيب ونصيب ده جميل وطالما النصيب جميل يبقى الجواز جميل
"(اسم الفصل بعنوان نصيبي الجميل🥰♥️♥️♥️♥️♥️)
لقراءة جميع فصول الرواية من هنا