رواية حقى أكون أب
الفصل السادس والعشرون 26
بقلم نجلاء فتحي
مر الوقت خرجت الهشجا من مكتب إياد تبكى واضعة إيدها على خدها وركبت الأسانسير
حبيبة/ حصل أي،،،ثم جريت لمكتب إياد وفتحتة وجدتة ظهرة ليها وقال ,برااااااااا يا بنت *******،يا **********
وحين ألتف وجد حبيبة تضحك وتقول :- ضيعت فرصة مع الهشجا جاتك خيبة طلعت محترم ثم تركتة ،،
خرج وراها وأمسك معصمها وقال ملكيش دعوة بياااااا غضبى وحش أنتى كنتى عارفة البنت دى جاية
أبعدت زراعة عنها/ أيوة وحظرتك ورفضت وفاكرنى طفلة فوق أنا بنت معلم كبير فى السوق يا أباااااا وأعرف الأصول أبويا علمنى لو عدوك فى النار ساعدية أعملى الخير وأرمية البحر،،، ثم تركتة ٠
أسرع وأعترض طريقها ونظر ليها ولعصبيتها ،،تكلم بهدوء فهو أمام طفلة كما يعتبرها ولازم يعرف عرفت منين حاول يتكلم معاها رفضت،، طلعت لية لسانها وقالت :- خليك بغيظك مش أقولك لما تحترمني الأول دة أتفاق
إياد بسخرية/ لما تحترميني الأول
حبيبة بغل/ تصدق خسارة نبطشية الليل وحضرتك نايم على الكرسى قدامى صعبان عليا وشايلة همك مش بتروح بيتك ،خسارة رأئى فيك كلك شهامة بوقفتك جنب أبن خالتك طلعت ولا بلاش ،،، من وهنا ورايح مليش دعوة بيك أنت دكتور وأنا جاية هنا سجن أخلص العقاب دة ثم تركتة ورجعت لمكانها وجدت التليفون الأرضى يرن والدكتور زعق لأنة أتصل كتير ولم يجد رد ،،،أمتصت غضبة وبلغتة أن دكتور إياد موجود تبعتة ليهم قسم القلب، ،
وجدت إياد يمر أمامها متجة لغرفة إسلام فقالت بين أسنانها/ قسم القلب عايز دكتور من هنا حالة حرجة والدكتورة النبطشية تعبت وماشيت والدكتور التانى فى قسم النسا
إياد / خليهم يجبوها
حبيبة/ تعبانة روح بص عليها تجبها هنا لية ناقصين جرى رجلى وجعانى قسم القلب بيريح دماغة بص لاقتها تستحق حولها هنا جنب أخواتها جايز مش محتاجة هنا
إياد/مكملناش دقيقة ملكش دعوة بيا، ،،،، بتكلمنى لية،وكمان تديني أوامر
حبيبة أعطت لة ظهرها/ بينا شغل روح أنت وأى حاجة تحصل متخافش أتصل على دكتور أجيبة كدة كدة حالتنا متكومة وزى الفل نفس داخل خارج ربنا يثبتهم لحد الصبح
إياد/ ملافظك زفت ،،بت أوعى تنامى مفيش دكتور عينك فى وسط راسك مش أغيب
حبيبة جلست على الكرسى تلعب فى التليفون وقالت :- ولا تغيب أنا مال أمى التمريض مرتاح فى السكن والدكاترة وأنا مرزوعة فى الكونتر لوحدى أى تعب أجرى يا حبيبة بلغى التمريض أووووف،،،،
كتم غضبة منها ورحل يشوف الحالة ،،،وهنا بكت حبيبة وقالت:-عيل رخم كل لما يشوفني يبهدلنى دة أنا مؤدبة والعيبة مططلعش من بؤقى دة أنا هادية مليش فى اللوع بتاع البنات دة على نياتى هما الطيبين كدة فى الزمن دة
أميرة/ زعلانة لية
حبيبة/ عايزة حاجة
أميرة/ رايحة الحمام
حبيبة/ غرفة الدكتور فيها حمام
أميرة/ أظاهر واخدة برد فى بطنى برجع مش عايزة أقرفة
حبيبة ببلاهة/ مفيش دكتور بيقرف
أميرة/ أزاى مش بشر زينا
أتى فى بال حبيبة أول موقف تعارف لإياد كان بياكل سندوتش طعمية وكوباية الشاى فى إيدة التانية والحالة أدامة بترجع وهو وضع السندويش فى فمة مرة واحدة وأنهى كوب الشاى ثم كشف عليها دون النفور منها بالعكس نظف ملابسها كمان ،،أنتبهت
حبيبة تركت مكانها وأسندت أميرة وأدخلتها حمام التمريض وهذا ممنوع لكنها فعلت
[بعد وقت ]
حبيبة/ عرقانة لية كدة براحة
أميرة/ مش وقت تعب خالص الدكتور محتاجنى جنبة
حبيبة ببراءة/ كنتى فين الشهور إللى فاتت مراتة مرفت لا سألت فية
أميرة بكذب/ كنت مسافرة محدش بلغنى
حبيبة/ شكلك تعبانه أقولك أقيسلك الضغط بعرف على فكرة دة أنا سوسة
ضحكت أميرة فهى مصاحبة حبيبة وبعد وقت أصرت تعلق ليها محلول فرحت وأطنططت ركبت الكانولا صح والمحلول
أميرة بخوف/ يعنى أنا أول واحدة تدربى عليا
حبيبة/ بصى أحنا بندرب فى بعض أنا وزمايلى وكنت هارية دراع بابا بس أنتى أول واحدة الحمد لله فى الوريد ومفيش ورم وأنتى قولتى إيدى خفيفة فرحااااااااااانة لولولوى
دخل إسلام من الأسانسير نظرتة ليها قاتلة بسبب رقصها وصوتها العالى،، وسار لإسلام
حبيبة/ الحالة فين
إياد بضيق / مش محتاجة هنا
حبيبة/ يا ريس مرات أبن خالتك رجعت 🤮 وضغطها واطى
إياد😲😲/ أميرة أسرع ليها وجثى فى الأرض ،رغم أعتراضها وبالفعل وجد ضغطها منخفض والكانولا والمحلول تمام فقال مين ركبلك دة
حبيبة بفخر/ أنا
إياد😡/نهار أبوكى أسود متتعمليش مع حالة تانى أنتى لسة أولى تمريض ومش أمتحنتى الترم الأول ، دول بشر مش جسم سيلكون فى المدرسة بتأذى نفسك يا غيبة
أميرة بترقب/ هى عملت صح
إياد/ لأسف صح تمام ،بس برضو مينفعش أمال أحنا بنعمل أي !!!!والتمريض
أميرة/ بلاش تأذيها
إياد بعصبية/ فاتحة دراعتها للدنيا لازم تفهم المرضى أرواح مش لعبة حتى لو حصل زراق فى دراع المريض الواحد بيزعل لازم تفهمي المريض مش حمل خطآ ولا وجع حتى الجثث إللى بين إيد ربنا على كلامك دول غيبوبة هنا نفس داخل خارج أمانة فى رقبتنا فى لحظة نكون مكانهم
رغرغت عيون حبيبة لم تتحمل الكلام
وقالت بهستريا/ لية شايفنى شيطانة دخلت تمريض ودة بالنسبة لأبويا وصمة عار علشان أكون جنب المرضى أمى ماتت بسبب غلطة ممرضة حقنتها بعلاج غلط تركة وجلست مكانها تبكى
أميرة / مكنش لية لازمة. حبيبة جدعة
إياد/ تعالى الأوضة جوا
أميرة/ لا مش عايزة الدكتور يحس وحيات ربك راضى حبيبة دى يتيمة الأم وعيلة صغيرة
إياد/ لا ،دى واحدة غبية مش بتسمع الكلام ،،ثم أصر على أميرة تدخل غرفة إسلام والمحلول فى إيدها
_______
[أتى النهار ]
وإياد محدش شافة من ضغط الشغل فى الأستقبال هو وكام طبيب من القسم
أميرة لم يعلم أحد تعبها وتتحامل على نفسها
وقبل حبيبة م تروح بيتها أطمنت على أميرة وأعطت لها طبق مخلل من معاها وعاتبتها شالت الكانولا لية وأعطت لها شريط برشام وقالت :- سألت على الأعراض إللى قولتيها ليا لدكتور قالى دة علاج أمن تاخدى حباية على الريق بس لازم تكشفي نسا ممكن حمل
أميرة/ لا مفيش
حبيبة ببراءة/ ست متجوزة وبترجع وإللى **** متأخرة يبقا أي
أميرة بتوهان لنفسها" مقربش منى غير مرة واحدة بس،،،،ثم قالت بلجلجة طيب لو فى حمل العلاج دة يأثر علية ثم قالت بأحراج:-هو يحصل حمل من مرة واحدة أقصد أقصد ثم أتكسفت
حبيبة/ بصراحة معرفش أقولك تعالى نروح قسم النسا ،، أعتقد بيحصل يا جميل ثم غمزت ليها
أميرة/ مش مقتنعة جوزى كبير فى السن
حبيبة/ يا حبيبتى جارنا والله العظيم فوق الخمسين وخلف ،،أطمنى كشف عادى فرصة أنا معاكى ومش أغير هدومى وأوعى تقولى عليا بتدرب علشان نخلص بسرعة أنتى أختى سامعة أوعى تغلطى
أميرة/ الدكتور صاحى أسيبة أزاى
حبيبة/ سيبى الموضوع دة عليا
___________
مرفت تجلس فى الشقة حزينة تنظر حوالين منها وقالت:- إسلام تعب أهلة حوالين منه،طيب أنا ،،ماما مهانش عليها تحاول تسأل وتطمن عليا ولا مكالمة لية معنديش أم ذى ناجية لية أميرة الكل تحت أمرها وأنا لا ،،،،مش عايزة أخسر إسلام الراجل دة مش عايز يفرط فيا لازم يعرف الحقيقة لازم، ،،مش قادرة مليش حد فى الدنيا لازم إسلام جنبى هو يخدمنى لو تعبت أسأل مين أصحابى مستحيل لازم أروح الأزهر الشريف دة ملجأى هما يدلونى الصح محدش يغشنى أتكلم معاهم أحكلهم كلام ماما وطريقتى مع زوجى مش مرتاحة إسلام معايا فى حياة فى البيت منكرش أميرة متحملانى وعلى وشها أبتسامة هى خدت جوزى وحبيبى منى بس إللى طمنى مقربش منها وطلقها لية ملازماة تانى حتى شغلى عارفة مش محبوبة ثم ألقت الكوب الذى فى إيدها فى الحائط وقالت ماما السبب ياريتك مقلتيش حقيقتك قدامى حتى أبويا طلقك ولا سأل فيا ولا فيكى أعمل أي،،ثم أرتدت ملابس محتشمة فهى غير محجبة ولامت شعرها وأخذت طرحة خفيفة فى شنطتها وذهبت لأزهر الشريف، ،تأخد رأية وأقسمت تمشى برأية ورزقها على الله حتى لو إسلام طلقها بلا رجعة المهم تجد الراحة فهى متغاطة لا يوجد أهتمام ليها، بقلم نجلاءفتحى عاشقةالكلمات
_______________
ناجية/ صاحى ولا نايم
إسلام/ صاحى بتابع الدنيا على الفون
ناجية/ أميرة فين
إسلام/ فى بنت ندهت عليها وقالت تاخدها معها
ناجية/ فين
إسلام/ فى حالة ملهاش حد وعايزة تعمل أشاعة برا القسم وخدت أميرة معها
قولتلها روحى
ناجية/ ممرضة مين
إسلام/ مش عارف إللى بتجى تهزر معايا وتضحك ومحسسانى وزير الصحة
ناجية/ حبيبة دماغها طقة ربنا يجعلة فى ميزان حسناتك يا أميرة ويرزقك بالخلف الصالح
إسلام بضيق/ بلاش يا أمى كبرت خلاص
ناجية/ واد وأنت معها أنت فاهم ودكتور ودارس الموضوع دة فى الطب مش حمار يعنى الحكاية معاك طبيعى
إسلام شرد/ فى هذا اللقاء الأول والأخير وقال بصراحة لولا خايف عليها علشان أول مرة مكنتش رحمتها يا ماما أبنك متجوز ١٠ سنين منهم ٩ سنين زوج عاذب راهب مع مرفت ،،،، لكن أميرة حاسس واحد تانى كأنى ثم أنحرج من أمة
ناجية بفرحة/ اللهم صلى وسلم عليك يا حبيبى يا رسول الله أكتم على خبرك وكرم ربك واد يا دكتور تقوم بالسلامة عايزاك تفرم أميرة كل سنة عيل سامع بذمتك البت وحشة
إسلام/كفاية مستحملة مرفت
ناجية/ متجبش سيرتها أنت تعبان خلينا هنا
إسلام/ سكت ولم يرد
ناجية بغمزة/ ريحتك حلوة ومسرح
إسلام/ أميرة ،كل شوية تغسل وشى وإيدى وكعب رجلى مش فاهم العلاقة ،وتسرح شعرى وفاكهة وعصير بسبب الأكل معدتي أشتغلت وبدخل الحمام
ناجية/ ربنا يباركلك يا أميرة ،،ومالة أسمع كلامها اليومين إللى معاك قدرت تعمل إللى الدكاترة فشلوا فية جدعنتك تحسسها ملكة وتراضيها البنات بتحب كدة وهات ليها حتة دبلة على الأقل
إسلام/ فى حاجات كتيرة تتغير معدآ طلاقى من مرفت أريحك والكل يرتاح كفاية على ميرا شقى
ناجية بخبث/ ميرا أمممممم كنت بتقولة ليها زمان وهى طفلة
إسلام توتر/ حاجة ناجية الكلام تعبنى
ناجية / ههههههههههههه،أهرب يا واد يا دكتور هههههههههه بما أنك بخير الحمد لله أروح البيت أشطف وأجى من يوم رقدتك هنا مش سيبتك أميرة تجى وأمشى
إسلام/ لا روحى أرتاحى ونامى فى فرشتك وخلى بابا يرتاح وأميرة معايا وإياد أكلمة يرتاح كفاية بهدلة. هو فين
ناجية/ يكفينا الشر حادثة فى الأستقبال شكلها كبيرة
إسلام/ بلغى إياد قسم العظام الخاص بتاعى مفتوح للحالات الصعبة الغير مقتدرة فى المركز الخاص
الأم بفرحة/ يجعل الخير فى إيدك للناس حاضر وربنا يفرح قلبك علشان إللى بتعملة ،،،أوعا ربنا يكرمك وتكون أب وتمنع الخير كلة يزول
إسلام/ شيلى الخلفة من راسك
ناجية/ لما أموت
إسلام/ بعد الشر عنك ،،يلا على البيت من غير مطرود
ناجية بأبتسامة/ طبعآ أميرة وعيون أميرة وحضن أميرة خلاص ماشية وخلى تليفونك جنبك أكلم السواق ياخدني
_____________
بقلم نجلاءفتحى عاشقةالكلمات
[قسم النسا والتوليد ]
حبيبة/ فى واحدة حامل عاملة كدة بتعيطى لية
أميرة/ أنتى مش فاهمة حاجة محدش يصدق
حبيبة/ مالك يا أبلة ،طبيعى يارب أتجوز وأبقا زيك
أميرة ببكاء/ مش عارفة حاجة دى كارثة
نظرت حبيبة ليها،،،،،،قالت أميرة:- مش إللى فى راسك ثم قالت بكذب ،الدكتور عايز مراعية والحمل مش وقتة فهمتي
حبيبة/ وقعتى قلبى ،،،الدكتور بيقول ٤ شهور حمل أزاى مش حاسة
أميرة/ تعبانة وأقول نفسية مش فى راسى معنديش حد يواعينى جارتي نبهتني وأنا أرفض معرفش حصل أزاى ثم سكتت حتى لا تخرج سر زوجها فهى تعلم لدية عجز كيف حدث هذا من أول لقاء إذا علم الجميع لن يصدقها ويتهموها فى عرضها
أميرة/ بقينا الظهر أخرتك عن بيتك
حبيبة/ عادى أروح أنام أنتى أختى يا أبلة وحبيتك قوى طيبة وبصراحة كدة بحب جوزك القمور هههه
أميرة/ بصراحة يتحب ،،،بس شوفى حد تانى دة جوز الاثنين
حبيبة/ شخصية حلوة، مش عشق لا حب تعامل فهمتي
أميرة/ فاهمة قصدك بهزر معاكى المهم ألف شكر ومتزعليش من الدكتور إياد صدقينى مش طبعة كدة ممكن ضغط شغل وأتعصب عليكى
حبيبة/ أزعل لية مليش علاقة بية سيبك منة رخم أصلا وسئييل
أميرة/ مفيش فايدة فيكى
_________________
رجعت أميرة لإسلام لم تجدة أنخلع قلبها سألت وجدتة يعمل أشاعة مع إياد وفحوصات أطمنت جلست تفكر فى خبر حملها تعلم لن يصدقها أحد ومرفت وأتهامها الزور يؤكد موقفها ضعيف وضعت إيدها على بطنها وقالت :- أربع شهور جوايا ملخبط حياتى وتقولى أنا هنا وأمك غبية خليك حلو بقا بابا تعبان الفترة دى علشان أقدر أخدمة باباك دكتور قمور والناس كلها بتحبة يا بختك بية يارب تكون ولد سند وفرحة لية شكلنا نقابل مشكلة أن شاء الله ربنا معانا ثم تناولت علاج القئ بسرعة قبل رجوع زوجها
________
أتى وقت الليل وفعلا تأخر إسلام فى الفحوصات وأميرة قلقانة واخيرآ دخل عليها رفض إياد تنقلة من الترولى للسرير وتركها خارج الغرفة
أميرة / مالة
إياد/ عامل أشاعة مسح زرى
شهقت أميرة فهى تعلم خطورتها فقالت/ دى خطر على التعبان والحامل والناس الكبار والأطفال
المريض يعملها ولازم إللى يتعامل معاة يكون بخير وسليم الجسد
إياد/ أيوة، ، بلغت التمريض برا الحامل متقربش من أوضتة وإللى تعبانة تتعب اكتر ،،لو دخل الحمام بالليل أدلقى وراة كذا جردل ماية غير بتاع السيفون علشان الإشعاع بتاع جسمة
أميرة وضعت إيدها على بطنها بخوف وقالت حاضر
إياد/ خليت خالتى تروح هى وجوزها بحجة هو بخير علشان هما كبار سن يتعبوا بصى علشان صدرك والحساسية خليكى برا الأوضة وانا معاة كدة كدة أعتبر معنديش نبطشية سهر اليوم مع أنها متفرقش بقيت مصيدة ورمين عليا الحمل
أميرة/ سبنى أبص علية
إياد/ إللى اعرفة باباكى الله يرحمة مريض قلب يعنى أكيد فاهمة الإشاعات دى صدقينى قربك منة تتعبى
أميرة/ أطمن علية
إياد/ بكرة الظهر الإشعاع يكون راح من جسمة وانا معاة باتى الليلة فى أوضة خالتى ناجية أهى جنبنا يلا بقا أنتى كمان ضغطك واطى تعالى أقيسة
أميرة بكذب/ قستة مضبوط
إياد/ خلى بالك من نفسك جوزك عايزك،، الأشاعة دى لو تمام يدخل العمليات فورآ،،تنهد وقال أخويا يعمل قلب مفتوح مش دعامة قولت لخالتى كدة أخفف الصدمة بس مش عايزك تغلطى
أميرة بخوف / خير
إياد / دفعها داخل الغرفة ،،،ثم دخل بجوار أبن خالتة يراقب حالتة فطول اليوم أشاعات وتحاليل ضغط إياد الفحوصات فى يوم واحد بعيد عن وجود خالتة حتى لا تنهار
_______
💐محتاجبن حد ذى إياد فى
حياتنا صح 💐
تسطحت أميرة على السرير وشكرت ربنا إياد نقذها من أقامتها مع زوجها بسبب خطورة الأشاعة على الجنين وحاولت تنام تستريح الضغط عليها كتير ،،،،،مرعوبة فأبوها مريض قلب لكن لم يوصل لهذة العملية معنى ذلك زوجها خطر ،لو خسرتة ماذا تفعل نهضت من سريرها رغم تعبها ،،وأخذت تبكى على سجادة الصلاة وتصلى
_______
مر أسبوعين وإسلام فعلا يتجهز للعمليات وأميرة من الإجهاد أثر عليها مفيش تغذية وجواها روح تتكون ويأخذ من طاقتها وجسمها ،،، خايفة تعلن محدش يصدقها كتمت الخبر
_________
الجميع ملاحظ وجود مرفت وسطتهم لكن دون كلام إسلام جواة سعادة لكن ملاحظ عينها حزينة
أميرة خرجت ليها البلكونة وأعطت ليها كوباية النسكافيه وقالت:- ممكن نتكلم ولا تشخطى فيا
مرفت / عايزة أي
أميرة/ عارفة زعلانة منى صدقينى مش نيتى أخد جوزك منك
مرفت/ مش وقتة كلام الشرع محلل أربعة كدة كدة كنت جوزتة
أميرة/ 😲😲😲😲
مرفت/ مالك بتبصيلى لية. أنتى بقا مميزة مش علشان جمالك لا الكل بيحبك ،،ثم قالت بحزن وخزى ،،عندك حاجة متتقدرش بملاين الدنيا
أميرة بعدم فهم / مش فاهمة ،،على العموم الدكتور بيحبك ومامتك
مرفت بمرار/ إسلام أيوة ماما لا ،ومتسأليش أنتى أزاى مثالية كدة
أميرة/ أنا٠٠
مرفت/ مش عايزة كلام خليكى جنب إسلام
أميرة/ لا أنا وأنتى جنبة خايفة علية العملية بكرة انا خايفة مليش غيرة
مرفت بعدت إيدها عنها/ أميرة جوايا لخبطة سبينى لوحدى
أميرة/ أول مرة نتكلم نطول وتكوني هادية انا بحبك ومعتبراكى أختى الكبيرة لو تسمحي معنديش أخوات الدكتور بيقول عليكى طيبة وجواكى حاجة حلوة حببنى فيكى
مرفت بلهفة/ بجد شايفنى كدة
أميرة رغم غيرتها/ أيوة قالى أنتى أول دقة لقلبة واختيارة ومتقبلك سورى بعيوبك يقصد طبعك مثلا معرفش
مرفت/ متأكدة قالك كدة إسلام
أميرة/ حضرتك مخبية حاجة
مرفت بلجلجة/ لا
أميرة/ أية رأيك نسعد الدكتور الليلة جايز دة يعدل نفسيتة، ، الدكتور إياد بيقول بعد العملية مفيش زيارة علشان التلوث
مرفت/ دة حقيقى بس أنا وإياد بحكم دكاترة عادى
أميرة/ اضحكي بقا ،،بالله عليكى عاملينى حلو مليش حد فى الدنيا غير الدكتور
مرفت/ أنا زيك مليش غيرة
أميرة/ ممكن أحضنك
مرفت بتعالى/ لا ثم دخلت الأوضة
أميرة تنهدت،،، نظرت لبطنها وقالت :- شكل الطريق صعب يا روحى
_____________
ناجية/ حبيبة مختفية لية والله البت دى عاملة حس وخصوصآ بالليل إياد نقلتها
إياد/ لا
أميرة/ أخر مرة كانت معايا من أسبوعين معرفش هى فين
ناجية/ معايا نمرتها
إياد بملل/ متفتحيش حوار مع الأشكال الزبالة دى
أميرة/ حرام البنت جدعة صغيرة اةة تتعامل معها كبيرة
ناجية/ بالعند فيك أكلمها هى مولودة فى راسك اتلم
إسلام/ فى أي
أميرة برقة/ فايتك كتير قوم بالسلامة كدة شكل فى فرح قريب
إسلام/ مين
أميرة / بعدين أقولك
إسلام/ بتنهجى لية فى الكلام صدرك تعبك
أميرة بلجلجة/ لا عادى ثم بعدت عنة
مرفت تتابع فى صمت فهى قررت التغير من كلام الشيخ فى الأزهر وتتقبل الوضع
________
بعد أنتهاء المكالمة التى لا تخلو من ضحك ناجية والمايك عالى وحبيبة تتحدث على نيتها عرفوا سبب غيابها امتحانات نصف السنة وسألت على أميرة وكلمتها وسألتها عن حملها لكن أميرة كانت واعية واغلقت الأسبيكر ودارت الأمر.
سعل إسلام أسرعت مرفت وأعطت لة منديل أخذة منها وهو حيران من تصرفها ثم أصرت تأخدة منة بعد ما أنتهى وألقتة فى الباسكت وجلست لم تقرف أو تغسل إيدها والجميع لاحظ ذلك طبعآ إسلام طاير من الفرحة
_________
بقلم نجلاءفتحى عاشقةالكلمات
أتى الصباح فى أى لحظة وإسلام ينزل عمليات
الجو متكهرب وإياد مختفى هو الذى يجرى لة العملية هو شاطر لكن صعب تحت إيدة أخوة إسلام،،،،،،
أصر إسلام من يعملة لة العملية ومدير المستشفى أيد ذلك ،،،مرفت كانت على أحر من الجمر وأصرت تتعقم وتدخل مع زوجها حتى لو واقفت بعيد رغم هى غير جراحة من خوفها جهزت نفسها ،،،أطمنت بنفسها على غرفة العناية المركزة غير الموجودة فيها لا دى كبيرة ومجهزة للعمليات الكبيرة وخارج القسم بتاعها لكن هى معروفة بطبعها والجميع بيخاف منها أطمنت الأجهزة سليمة والسرير غيرتة فى جزء مش مضبوط والتهوية والتكيف وجابت عاملة نظافة عقمت الغرفة بالمطهر الخام وهى واقفة،،،،، مدير قسم العناية بهدلها بأى حق تتعدى حدودها لكن على مين مرفت هى مرفت محتفظة بجزء قديم طلعت عينة فرجت علية القسم خلتة لا يسوى شئ والأطباء بعدة وقالوا دماغها تعبانة سيبها تعمل إللى عايزاة مدير المستشفى مش بيقدر عليها فى الإجتماعات وبيريح دماغة منها ،،،
أميرة / ماسكة فى إيد إسلام وماسكة دموعها بالعافية وناجية فى حضن بهنساوى عاملة مناحة
إسلام/ مرفت فين وإياد
ناجية/ إياد بيجهز ومرفت تلاقيها مش فى دماغها ،،،دخلت مرفت وقالت بعملية كلة برا
ناجية بصراخ/ شاغلين عندك يا بت كنتى فين
إياد دخل وراهم/ مرفت فى قسم العناية ثم حكى ما فعلتة وقال فى نهاية حديثة غسلت رئيس القسم خلتة ميسواش بصلة
أميرة/ ياخرابى
مرفت بحدة/ إسلام يعمل عملية خطر لازم فى أهتمام دى مستشفى حكومى حقة من الدولة مدام متوفر فيها الامكانيات وأصلا مدام دكتورة فى المستشفى ليا صلحيات
إسلام بعتاب/غلطتى
مرفت/ إسلام ملكش فية داخل يقولى أغيرك النقاشة والسيراميك وأجبلك تمريض أجانب
إياد/ المستشفى كلها عارفت
مرفت/ من مين
إياد بفخر/ تمريض الهنا عندنا شوية نسوان تمريض وعمال أسرع من البلوتوث بس حلو محدش يعترض وجود مرافقين هناك مرفت عملت أرضية صح جدعة طبعآ إللى يشتغل مع رئيس القسم بتاعنا لازم هجام
مرفت بحدة/ أخرص
إسلام/ حاضر يا مرات أخويا ،،،يلا كلة برا إسلام يتعقم
هنا لحظة انهيار
إياد ميل على أذن مرفت / وبعدين كدة مش نخلص
مرفت/ تعامل حالة عادية
إياد/ خالتى تهز بكرامتى مش أقدر مليش فية
مرفت بقسوة حدة / حاج بهنساوى خد المدام وبرا أميرة خليكى هنا إياد طلع خالتك براااااااااا العمليات مش تحت أمركم فى حالات تانيةةةةةةةة
إياد أستغل ذلك/ يلا يا خالتى دى مجنونة وربنا الحالات بتخاف منها مدير القسم إللى حاططنى فى دماغة بيخاف منها بيرمش منها ،، بيقول مجنونة معاها شهادة خُلل
إسلام/ براحة دى أمى
ابتسمت مرفت / اقفلى الباب يا أميرة المفروض التمريض يجهزك انا أجهزك بأيدى أميرة هاتى الأكياس دى أفتحيها وساعدينى ألبسة ومش عايزة عياط داخل عملية يضبط قلبة عادى مش مشكلة
وبعد الإنتهاء قالت أميرة/ أستنى الدكتور يحب يسرح شعرة وبالفعل عملت لة وضبطت لحيتة
مرفت بتوتر/ عايزة تحضنية أنجزى ثم أعطت لها ظهرها ، ألقت أميرة نفسها فى حضن إسلام وتعلقت فى رقبتة وهو يطمنها وقالت فى مفاجأة حلوة ، أخرج بالسلامة بس
أبتعد عنهاثم شد مرفت وحضنها وهنا مرفت اتهزت هى لم تشعر مركز الاحساس معدوم بسبب أمها لكنها حست بأمانة وقال بجوار أذنها بحبك يا أول دقة بس خليكى هادية وبراحة على ماما أميرة أمانة فى رقبتك هى مراتى قربتلها قبل رجعونا بساعات نظرت لة نظرة قاتلة أبتسم لها وقال داخل بين إيد ربنا أغشك
مرفت بكسرة/ لمست واحدة غيرى
إسلام/ مش وقتة كلام أميرة فى رقبتك واثق جواكى حتة حلوة عصبينى وأنا داخل خلينى أموت
مرفت ضيقت عينها/ تموت لا ترجع بالسلامة وأموتك على مزاجى نظرت لم تجد أميرة
إسلام/ خرجت أول ما حضنتك هى بتتكسف
مرفت بغيرة/ ماشى يا عم الحنين تقوم بالسلامة ثم صرخت / إيااااااااااد تعال زقة للعمليات وأنا أسبقك هناك
إياد لنفسة / المفروض دى جملتى إمرى لله يلا بيا مرفت دى عايز أرميها من الشباك أووووووف فكراني ممرض ولا عامل
_________
وهنا ظهرت أم مرفت ومعها جدة أميرة التى لا يعلم الجميع شكلها ،..