رواية حقى أكون أب
الفصل السابع والعشرون 27
بقلم نجلاء فتحي
الجميع ملهى إسلام فى غرفة العمليات يجرى عملية قلب مفتوح الجميع يعلم ذلك معدآ ناجية تعلم أبنها يركب دعامة ،غرفة العمليات مليانة أطباء مدير المستشفى ومرفت وإياد الذى يجرى لة العملية وأطباء خارج المستشفى وجميع التخصصات صدق من قال المعاملة الطيبة لانسان لاخوة الإنسان تبان الجميع قلقان على إسلام بسبب سنة وخطورة العملية وكذا دكتور وصاحب مستشفى عرضوا ينقلوا إسلام عندهم فى المستشفى الخاصة بتاعهم ومرفت رفضت ،،،التمريض حالة من الحزن والدعاء لة والعمال ومنهم يقول لو جرالة حاجة بيوت كتير تتقفل فى اللحظة دى إسلام بين إيد ربنا وقلوب الناس والخير إللى بيعملة حوالين منة لسانة ومعاملتة الطيبة نفعتة الدنيا مش مستهلة يا جماعة لقلة الأدب والجشع والطمع وياريت كل واحد يستغل وظيفتة لخدمة الناس دة إللى بينفع إسلام قدامك أهو ولأنة مشهور خبر عمليتة سمع التمريض والأطباء كتبوا دعواتكم لدكتورنا إسلام بهنساوى فى العمليات على صفحاتهم الخاصة على الميديا ،، أمام المستشفى كمية بشر كتيرة قلوب تدعى لة بدون مقابل من قلبها ،،حتى الأطفال الصغيرة الأيتام التى متولى مصاريفهم يبكون ويقولون بابا تعبان أشفية يارب
__________
وسط هذا الظرف ظهرت أم مرفت مع جدة أميرة التى لم يعرف أحد شكلها ،،،
أم مرفت/ المنقبة دى تقريبآ أميرة مدام قاعدة جنب حماتها بتعيط
الجدة/ لو مش هى
أم مرفت/ هى
الجدة/ أخدها أزاى بقا
أم مرفت/ مقدرش أظهر كتير لازم أمشى عينك عليها سلام دى مشكلتك
الجدة/ تمشى مش عايزة فلوس
أم مرفت/ الظروف وقعتك فى طريقى جيتى بيتى تسألى على مرفت وعارفت نيتك وساعدتك
الجدة/ لله فى لله كدة
أم مرفت/ عايزة بنتى ترجع ليا ولما أبعد ضرتها تفرح وترجع ليا فهمتي
الجدة/ مدام مش عايزة فلوس تبقى حبيبتى
نظرت لها أم مرفت بقرف وتحدثت بالانجليزي وتركتها
جلست الجدة أمام أميرة وحماتها وحماها،،،،، مثل الصياد الذى ينتظر فريستة
[[مر ساعتين ]]
بهنساوى/ تعالى أقيسلك الضغط
ناجية/ لا
أميرة/ أسمعى الكلام خلينا فى باب واحد
بهنساوى/ ساعديني يا أميرة
أميرة/ حاضر
[[للعلم زوبة عند أخواتها ناجية أعطت لها أجازة عند حجز إسلام فى المستشفى ]]
داخت أميرة جلست أمام غرفة الكشف التى بيها حماتها أتت الجدة وجلست بجوارها وقالت بمسكنة ،،حيات شبابك يا بنتى عايزة أشترى أكل لبنتى وخايفة أتوة تعالى معايا
أميرة بحزن وتعب / جوزى فى العمليات مقدرتش أتحرك مخدش الأذن منة
الجدة/ مش بعيد أسند عليكى
أميرة/ مش ينفعل طيب أستأذن عمى بهنساوى
الجدة/ مش نغيب
أتت حبيبة تجرى وقالت / أبلة أميرة الدكتور خرج
أميرة/ عارفتى منين
حبيبة/ النت يدوب خلصت الامتحان وجيت جرى والقسم فوق قالوا أنتم هنا فى العمليات مين الست دى
حكت ليها أميرة الوضع
حبيبة/ ماشى يا ياما خليكى مرتاحة وأجبلك طلباتك عادى لحد عندك
الجدة بضيق/ لا أخذ الصبية دى وننزل
حبيبة/ بقولك تعالى معايا هى جوزها متعلق بين السما والأرض أقصد بين أيد ربنا قلبة سنجارى جوا تجى معاكى أزاى تعالى بس عايزة أكل أي
الجدة بغل/ أوعى يا بت وشدت أميرة غصب
حبيبة/ أوعى كدة يا أبلة ،،أنتى طيبة، ولية أنتى بتخطفى الحريم ريا وسكينة رجعت نهايتك سودا أعداااام
الجدة لمت نفسها وبمسكنة/ عايز أجيب أكل لبنتى أرتحت للبنت دى
حبيبة/ هى باين منها حاجة بالسواد دة يعنى أرتاحتى لاخطبوط المجنح سورى يا أبلة ،،،ومرتحتيش ليا روحى ياما شوفى رايحة فين سبينا فى حالنا عندك محلات كتير أدام المستشفى مش تتوهى
أميرة/ الست غلبانة حرام
حبيبة/ متثقيش فى حد أنتى فى مستشفى حكومى فيها نصابين بلاش المثالية دى يا أبلة عرضت عليها أنزل أشترى لا تعالى معايا لا مصممة عليكى لية.
أميرة/ أنتى بتظلمى الست كبيرة مش نصابة
حبيبة/ مقلتش نصابة ممكن حرامية تسحبك لبرا والله أعلم تسرق دهبك أعضائك معرفش الزمن دة مش تأمنى لحد أبويا علمنى كدة هى لو محتاجة أكل كانت سمعت كلامى
أميرة/ أزاى صغيرة وواعية كدة
حبيبة/ أبويا حبيبى ،،،، عاملة أي!!! مع الحمل
أميرة/ محدش يعرف
حبيبة/ لية يا أبلة
أميرة/ مش وقتة
حبيبة/ غريبة بجد
أميرة/ أسكتى خالتى جاية
_______
أتصلت الجدة على أبنها فى العربية خارج المستشفى وقالت أبعت أخواتك البنات وهات من الصيدلية بنج يترش أنا فى التانى عند عمليات القلب المفتوح ،
_____________
حبيبة/ القعدة غلط لازم ترتاحي
أميرة/ بخير
بهنساوى / ممكن شاى من الكافتريا دماغى صدع وهاتى لنفسك والحاجة وأميرة عصير ومش عايز إعتراض كلة يشرب
حبيبة/ عنيا وأجيب بسكوت وكنز مش عايزة عصير
بهنساوى / هاتى إللى يعجبك ٢٠٠ جنية معاكى
حبيبة/ لا الكافتريا هنا حرامية أشترى من برا معايا فلوس وطارت للخارج
بهنساوى/ البنت دى عبيطة الفلوس اهى
أميرة بتعب / لما تجى أدهالها
ناجية بتعب/ مجنونة ذى إياد شبهة
أميرة/ لا دة عاقل
ناجية بألم من الصداع/ إياد وهو صغير كان مطيور زيها جدعة فيها الخير جات تطمن
أنفتح باب الأسانسير وجدت حبيبة ستات لابسين أسود فى أسود خرجوا وهى دخلت وقالت لعامل الأسانسير:- حالتك أزاى مع حريم ذئاب الجبل دول يا ساتر لو زيارة للمريض يودع هههههههه بقولك يا عم حمزاوى طلعت بكام النهاردة من الميكروباص إللى بتحملة بالنفر دة
حمزاوى/ هو أنتى قولتى بتمتحنى رجعتى تانى لية دة أنا غلبان مش باخد حاجة من حد
حبيبة/ مش عايز تشوفى فاكر أول يوم لهفت منى ٢٠ جنية كنت غشيمة
حمزاوى/ لسة فاكرة هههههههه
حبيبة/ طبعآ فاكرتنى مرافقة ،،بفكر أشتغل معاك وننصص
حمزاوى/ لا محبش الشركة، يلا وصلنا
حبيبة/ تشرب عصير ولا كانز أجبلك معايا
حمزاوى/ شاى سخن يا حبيبة
حبيبة بصوت عالى/ أتلسوع علشان جنابك أجبلك كنز على اللة يطمر
حمزاوى/ شااااااى
حبيبة/ ياعم جالك من باب الله تتأمر مش داخلة القهوة
حمزاوى/ بت جدعة بس لسانها ههههههه حلو جالى حاجة أشربها ،،،،،
_______
ألتفت الستات التى قالت عليهم حبيبة ذئاب الجبل حوالين الجدة فهم عمات أميرة، ،،
بهنساوى/ رايح الحمام
ناجية/ خدنى معاك
أميرة/ أسندك
ناجية/ خليكى علشان إسلام لو طلع ،،بهنساوى معايا
نظرت أميرة لباب غرفة العمليات مرت ٥ ساعات كدة كتير ومفيش حد تطمن علية منة.
ألتف الستات حوالين أميرة واحدة منهم رشت المخدر ثم صوتوا وواحدة منهم قالت:- حبيبتى يا بنتى دوختى
الجدة/ ريحة الدور بنج
العاملة/ طلعوها برا
الجدة بأبتسامة/ أكيد، ،،هاتوها برا ثم ساندوا أميرة وركبوا الأسانسير ونزلوا للدور الأرضى محدش يعترض حالة تعبانة وسط أهلها حريم فى بعض بكل وحشية أميرة دايخة ورجليها من المخدر مجرورة فى الأرض وهما ساندنها من زراعها قابلتهم حبيبة وعلقت فى رأسها المنظر وبثقت عليهم وقالت:- ذئاب الجبل مش مش بنى أدمين ،، أميرة شافتها ندهت عليها بصوت منخفض مش قاردة ضربتها جدتها على ظهرها بكف إيدها وقالت أكتمى يا بت ،تعبتينا يا. فا جر ة.
ثوانى شهقت حبيبة وألقت الأكياس التى معها وقالت أبلة أميرة دة جزمتها أيوة هى ودى الست العجوزة إللى عايزة تشترى أكل لبنتها أسرعت للخارج تلتف وجدت الست العجوزة تركب السيارة جريت كانت انطلقت السيارة بسرعة بأمر الجدة وشافت حبيبة تجرى وراهم
صرخت حبيبة ولطمت وقالت/ أعمل حاجة أبلة أقصد مرات دكتور إسلام بهنساوى أنخطفت
فرد الأمن/ ملناش فية
حبيبة/ أنتم أمن
فرد الأمن/ للمستشفى مش برا يا آنسة
حبيبة دخلت تجرى لم تنتظر الأسانسير أخذت الأدوار جرى لم تجد أحد أمام العمليات أتصلت على أبوها ينجدها بهدلها وأمرها ترجع البيت ملهاش دعوة ،،كسرت كلامة وجدت بهنساوى وناجية جريت ليهم وحكت إللى شافتة وقبلبها الصبح موضوع الست والأكل إللى عايزة تشترية ورفض أميرة النزول معها
ناجية بعويل/ مين دول أميرة ملهاش حد يكون أنخطفت
حبيبة/ أعمل حاجة يا عمو أبلة أميرة حامل
فى ٤ شهور
جلست ناجية تحسب مدة قرب إسلام لأميرة وليس تاريخ زواجهم قالت بصراخ :- أعمل حاجة حفيدى يضيع
بهنساوى مهما كان راجل كبير صدمتة من خبر الحمل والخطف جلس جنب زوجتة الدنيا فصلت معاة
تركتهم حبيبة وأسرعت لأبوها فى المحل فى أقرب تاكسى
والدها/ ملكيش فية طول عمرك بتاعة مشاكل
حبيبة ببكاء/ أبلة أميرة طيبة وحبتها ساعدني
والدها/ أهلها يساعدوها وبطلى عياط مش بحب أشوفك كدة
حبيبة/ أفرد كنت مكانها
والدها/ مستحيل
حبيبة/ علمتنى أعمل الخير وأرمية فى البحر علشان يترد فى يوم من الأيام ،،بابا حضرتك معلم قد الدنيا هات كام واحد من الحراسة دى ونرجع أبلة أميرة دة حامل وجوزها فى العمليات قلب مفتوح علشان خاطرى 😭😭
والدها/ بأى صفة وجودى
حبيبة/ ممكن أموت لو أبلة جرالها حاجة عاااااا
والدها/ بعد الشر حاضر يا حبيبة أنا عارف فى يوم أروح وراء الشمس بسببك
قفزت هى على رجلة وحضنتة ثم ندهت للحراسة وأصرت تأخذ ٢٠ واحد وصعدوا على عربية نصف نقل وهى وأبيها فى عربية ملاكى وذهبوا المستشفى وأبيها محرج لكنة لا يرفض ليها طلب وطول الطريق عارفة هى مدخل أبيها الغرور بكلامها تحسسة يرجعها هو فى إيدة زمام الأمور ،
(مش سهلة حبيبة صح 😉)
________
عارفت حبيبة أبيها لبهنساوى المحتار ووضعة صعب أبنة بالداخل فى غرفة العمليات كيف يتركة ويبحث عن أميرة وبعد جدال خرج إياد بملابس العمليات من فرحتة صوتت ناجية من منظر الجاون والدماء وقالت :- أبنى
بهنساوى بلهفة/ أخوك بخير
إياد/ أصعب عملية فى حياتى العملية نجحت يا خالتى
حبيبة بهجوم/ حد يطلع كدة مش عارف حالتهم
إياد بعصبية اليوم وتوترة/ رجعتى تانى لييية مشى يا بت من هنا
أبو حبيبة/ بتكلمها كدة لية أصلا أحنا غلطانين يالا يا حبيبة أبوكى
حبيبة أنتبهت/ معلش يا بابا دة دكتور هو كدة ملناش دعوة بية كلك شهامة يا معلم شايف الحاج بهنساوى لوحدة يرضيك تسيب واحدة محتاجة مساعدة ترفض أفرد أنا مكانها
إياد/ مساعدة أي جايبة أبوكى تتحمى فية
بهنساوى/ اهدآ يا إياد أميرة أنخطفت ثم حكى لة ماحدث
إياد بأحراج/ أسف يا معلم حقك عليا بنتك من يوم معرفتى بيها مطلعة عينى وفى الأخر معروفها تجيبك لحد هنا تساعد على رأسنا كلنا ،،نكلم البوليس
حبيبة/ لازم يعدى ٢٤ أو ٤٨ ساعة الأول مش عارفة حاجة ذى كدة ،مش متابع الأفلام ولا أي
إياد تجاهل كلامها/ الحل أي عقل وقلب إسلام خلاص تعلق بأميرة
ناجية بفرحة مكسورة/ أميرة حامل فى ٤ شهور
إياد/ مين إللى قال
حبيية/ حكت لة لما كانت ضغطها واطى
عض إياد إيدة بغل وقال بين أسنانة فأبوها معلم وواقف/ مقلتيش لية خبر ذى دة يعدل حجات كتير
حبيبة / وأنا مالى هى طلبت مقلش المهم نلحقها
إياد/ مليش أصحاب ضباط
أبو حبيبة/ حبيبة قالت ركبت عربية ممكن نشوف المكان والكاميرات
إياد/ مش بالساهل لازم أذن نيابة
بهنساوى/ صح
أبو حبيبة أخرج من جيبة سلا ح،،،، وقال دة يخلص كل حاجة
حبيبة بفرحة/ حلاوتك يا أبو حبيبة هو دة الشغل ولا بلاش
إياد / نهار أسود شيل يا معلم أحنا فى مستشفى تتفهم غلط وأنتى فرحانة بأبوكى ١٠
دقايق أغير وأطمن على إسلام وطالع ،،،
حبيبة مش عايز هبل أنتى أشتغلتى هنا وعارفة القواعد ثم دخل غرفة العمليات تانى
بهنساوى/ الحمد لله
ناجية/ مش مكتوب لينا الفرحة
أبو حبيبة صعب علية حالهم فقال مبروك نجاح العمليه ،،،أنا معاك لحد مرات أبنك مترجع تعالى معايا يا حبيبة
بهنساوى/ على فين
أبو حبيبة/ أول مرة أشوفك ومعرفكش بس كلنا أخوات فى الله أساعدكم علشان لما أموت ألاقى إللى يساعد بنتى ثم تركهم بعد ما أعطى لة رقم التليفون الخاص لة ،
جلس بهنساوى بجوار زوجتة التى تبكى
_____________
[فى غرفة الأفاقة ]
إياد/ فاق
مرفت/ البنج بيخرج منة واحدة واحدة مش حاسس يعتبر مش فايق دة طبيعى
إياد/ أيوة ،،،فى بلوة معرفش تفرحى ولا لا
مرفت/ على حسب
إياد بغل منها/ أميرة أتخطفت وهى حامل ثم حكى ليها الحوار ،،،أسندها إياد وأجلسها على حرف سرير خالى
مرفت وعينها على زوجها/ هو طلقها ثم تذكرت أعترافة لها قبل دخولة للعمليات أنة قرب منها كزوج ،،نظرت لإياد بكسرة وهو لاحظها وقال طلقها طلقها
إياد/ حكالي كل حاجة ردها بعدها ومش قالك هو قرب منها مرة واحدة بالليل والصبح ردك وبعد كدة ملمسهاش
مرفت بصدمة / مرة واحدة يحصل حمل مستحيل ، حمل من راجل ٤٥ سنة مستحيل
إياد/ ربنا عايز كدة
مرفت ببكاء أنثى / إسلام تعبتة معايا حرمتة من الأبوة. أتوسل إليك هات أميرة هو محتاجها محتاج إللى فى بطنها
إياد/ موقفك غريب مش زعلانة
مرفت/ أنت مش عارف حاجة لازم يفوق يلاقي أميرة
إياد/ من قلبك
مرفت/ وحيات إسلام عندى دة الوحيد إللى غالى عندى من قلبى أسمع هو فى الأفاقة بقا تخصصى دور على أميرة وخلينا على تليفونات
إياد/ خلى بالك عاملة هنا مشكلة تقدرى لوحدك
مرفت رجعت لجبروتها/ متنساش أنا مين
إياد/ يا ساتر أنتى بتتحولى طيب خالتى لوحدها. أكيد عمى بهنساوى معايا
تأفأفت مرفت/ أبعت ممرضة معاها لحد إسلام ميفوق وأسكنه العناية وأطمن علية وأقعد معاها فين زوبة
إياد/ أجازة ،، مرفت أوعى تسيبى إسلام
ذى معملتى مهما كان أحنا مستشفى حكومى
مرفت/ جوزى وحبيبى يلا طمنى على أميرة
إياد بعدم ثقة/ ماشى
______
خرج إياد لبهنساوى لخارج المستشفى يشوف حل وناجية تجلس مع ممرضة أرسلتها مرفت ليها ،،توقفوا أمام المستشفى حين وجدوا حبيبة تنادى عليهم
أبو حبيبة/ التليفون دة فى فيديو ركبوبهم العربية
إياد اخذة/ بسرعة كدة أزاى
حبيبة خبطت على صدر أبوها بتعالى/ أبو حبيبة مش شوية برضو لية طرقة الخاصة ثم شاورت على سلا حة
إياد/ والعمل
بهنساوى/ كبر الصورة كدة مش شايف هات الراجل إللى معاهم كدة
إياد/ دى أخرة
حبيبة/ معايا لاب توب فى شنطتى وفلاشة
دخلوا جمعيآ عربية أبو حبيبة هى الأقرب ونقلوا الفيديو على اللاب توب وعملوا زوووم على وش الراجل ثم أعطى الجهاز لبهنساوى، ،فقال دة عم أميرة
أبو حبيبة/ يبقا مش مخطوفة
بهنساوى/ حكى ليها الوضع
إياد/ تعرف عنوانهم
بهنساوى/ أعرف البلد الفيوم ،،،البيت بالظبط لا
حبيبة/ ليك صرفة يا بابا
إياد/ يعرف منين دى الفيوم وأحنا هنا فى الأسكندرية
حبيبة بعشوائية/ وأنت مالك حد خد رائيك أنزل من عربية بابا
إياد بعصبية/ بت لمى نفسك أديكى كف ألزقك فى الأزاز
حبيبة/ ورينى أهو أنا قدامك
أبو حبيبة/ تضربها قدامى
بهنساوى / باااااس حصل خير مش وقتة وأنتى يا بنتى مالك ومال إياد
أبو حبيبة/ بيغلط فى البت لية
بهنساوى/ هما كدة وشهم مكتوب خناق، وبالله عليك يا معلم أنت قولت نرجع البنت الأول
أبو حبيبة بين أسنانه/ وأنا عند وعدى بس الدكتور ملوش دعوة بحبيبة
إياد شوح بأيدة/ قول لبنتك
لسعتة حبيبة كف على كتفة ،،،، لطم إياد على وشة من غضبة لأنة أبوها نظر لة ورفع فى وشة السلاح فنزل من العربية يسب ويلعن حتى لا يقرب منها
أبو حبيبة بجوار أذن بنتة/ لمى نفسك بقا عيب دة دكتور برضو
حبيبة بربشت ببراءة/ مغرى للضرب كنت عايزة واحدة على قفاة
أبو حبيبة/ ماشى مش وقتة
حبيبة/ بابا بجد ترجع أبلة أميرة تقدر
أبو حبيبة/ أحاول صعبانه عليا وخصوصآ أبوها إللى أتقتل
حبيبة/ معرفش حياتها كدة ،،،بابا فاكر الساكن إللى كان قصادنا أمين الشرطة دة شغال فى المرور
أبو حبيبة/ مش فاكرة
حبيبة/ إللى مراتة سمن بلدى وأنت بتعاكسها وهى بتلاغيك
أبو حبيبة بتذكر/ أم سامى اةةةةة مالها الله يرحم أيامها البلكونة كانت ليها روح
حبيبة/ كلم جوزها وابعت نمرة العربية وأضحك على عقلة بكلمتين حلوين يجبلك صاحب العربية وعنوانها فين أكيد لية معارف
بهنساوى/ تفتكر يعرف
حبيبة/ تجربة
أبو حبيبة/ مليش كلام مع جوزها
حبيبة بيأس/يا خسارة
نظر أبو حبيبة لبهنساوى ثم لبنتة/ معايا نمرة أم سامى يعنى كل فترة بطمن عليها جيران وكدة
حبيبة / يا جااااااامد ،، مش مهم كلمها كلمها
تنحنح أبو حبيبة ،،،ماشى هات نمرة العربية ،،،ألتقطت حبيبة اللاب توب وأخذت نمرة السيارة وأعطتها لأبيها ثم نزل من العربية وسار بعيد يكلم أم سامى
حبيبة بأحراج/ بابا أجتماعى
بهنساوى/ كلنا لينا سكك يا بنتى
حبيبة شهقت/ بتعرف حريم على طنط ناجية
بهنساوى/ وطى صوتك لا بس ليا زبائن فى المعرض ولازم لسانى حلو شغلنا عايز كدة هوووش وغمز ليها
حبيبة بخيبة أمل / العيب فى الرجالة كلها
بهنساوى/ بتقولى حاجة
حبيبة/ لا نادى دكتور إياد الناس تدخلة قسم النفسيه والعصبية بيعض فى إيدة هو عبيط
بهنساوى/ سبية لما يهدأ
أتى أبو حبيبة وركب مكانة وقال عملت إللى عليا لكن
الجميع/ تقصد أي