رواية حقى أكون أب الفصل الرابع عشر 14بقلم نجلاء فتحى

رواية حقى أكون أب

الفصل الرابع عشر 14

بقلم نجلاء فتحى

         【فى غرفة نوم إسلام 】

مرفت/ بكلمك

إسلام/ مش عايز كلام أمى نايمة جنبنا مش فى  بيتنا للخناق

مرفت/ المفروض أزعل واحدة شافت جوزها حاضن واحدة 

إسلام بين أسنانة/ عيب تقولى كدة طلبت مساعدتك  رفضتى ،،،إللى شوفتية مجرد أوهام فى دماغك خلتينى أتصل على إياد أنا دكتور وهى مريضة وكمان  أميرة أختى 

مرفت بعصبية/ لهفتك عليها مكنتش أخت 

نظر ليها بتمعن / أمال أي!!!!

مرفت/ أسأل نفسك ،،عايزة أروح بيتنا مش طايقة هنا

إسلام/ ماما طلبت أبات هنا  والصبح مسافرين العزبة 

مرفت بزعيق/ طبعآ علشان الجو يخليلك أنت وست الحسن والجمال

إسلام/ صوتك يا دكتورة من فضلك، ،ربنا يهديكي، خليكى معايا أول مرة تباتى هنا 

مرفت/ بعينك مش أنا إللى الست مامتك تمشى كلمتها علياااااااا رايحة لبيت مامتى

إسلام/ الساعة ١٢ بالليل أتجننتى 

مرفت/ مامتك تسمع كلامها ،،،مش مامتى علشان أسمع كلامها ،،وبقولك أهو رضيت بواحد  عقيم زيك علشان بحبك ،،حرمت نفسى من كلمة ماما علشانك  وأنت بتبعنى،مامتك خرابة بيوت ،ست كبيرة خرفانة ،،،،ثم قالت بسخرية مفيش بنت تقبل بواحد زيك  ذى أختها  تنام معها  سلام يا دكتور ثم خرجت برا الغرفة تاركة المصدوم الذى لأول مرة تتجرأ زوجتة بمعايرتة وأهانتة هو والدتة  أبتلع غصة فى قلبة  خرج الشرفة وتابعها بعيونة وهى تسير بسيارتها لخارج الفيلا ،،،رفع نظرة للسماء وقال فكها من عندك يا رب مراتى عايرتنى بحاجة مش بأيدى   وأخذ القرار أتصل على محامى العائلة  ولحسن الحظ لم ينام ،،بلغة على طلبة مما جعل المحامى ينصدم وبالتالي بلغة فى الصباح سوف ينفذ الإجراءات اللازمة 

بقلم نجلاءفتحى عاشقةالكلمات 

__________

            [أتى الصباح ]

ناجية / شوفى الدكتور صحى كدة 

زوبة/ شوفتة من شوية تحت وبيشرب قهوة شكلة منامش 

ناجية/ أكيد الحنش إللى متزوجها نكدت علية ،،جهزى أميرة أنتى والبنات لحد مصلى الفجر  ونتوكل على الله  ومتنسيش الشنطة إياها

زوبة/ حاضر

______

فى بهو الفيلا يجلس إسلام يدخن وبجوارة فناجين القهوة الفارغة ومازال يتناول واحد أخر نزلت أمة وهى جهزة للسفر  شهقت  من منظر أبنها وما جعل عيونها تدمع عيون أبنها الحمراء جلست بجوارة وضمتة لصدرها ،،،ربتت على ظهرة وقالت:- منمتش لية حرام إللى بتعملة فى نفسك وفيا يا نور عينى حسدوك عليا 

إسلام حضن أمة جامد وتنهد وقال:- تعبان يا أمى أوووى 

ناجية/ سلامتك يا ضنايا فيك أي!!!!،،، مراتك فين 

إسلام أبتعد عنها / ماشيت للأبد  أمبارح 

ناجية/ لم تنتبة لمعنى الجملة وقالت:- مش مسافرة 

إسلام/ لا

أبتسمت ناجية براحة/ صدقنى مش بكرها ،،كل الحكاية لو  شيفاها  مريحاك كنت شلتها فى عينى أى أم عايزة سعادة أبنها حتى لو مع عدوها متفرقش يا عبيط مخلفتش غيرك 

تنهد إسلام تنهيدة راجل مطعون فى كرامتة قبل رجولتة/ نفسى أخلف يا أمى نفسى ليا جدر فى الدنيا عايز سلسال بهنساوى مينتهييش فى الدنيا  ،،جذبتة أمة لحضنها بسرعة وقالت:- ربنا كبير مفيش أحن منة صدقنى مسألة وقت تعرف خلفتك أول سنة جواز والكل قال خلفتى بسرعة كدة ربنا كان كريم عليا بعديها  تعبت ومخلفتش غيرك يمكن لو تأخرت فى الجواز مكنتش خلفت العمر كلة 

،،،كلنا ماشين بأمرة هو الوحيد إللى عارف مصلحتنا ومدينا الأمل نمشى علية وبالحلال لكن محدش بيعمل زيك  واقف فى مكانة محلك سر يا دكتور لما يجيلك مريض تقولة عييد التحاليل والاشاعات تانى وأنت مش راضى تنفذ كلامك

إسلام/ بستغرب من الناس إللى بأيدها بتمنع الخلفة،، غيرها مش طايلها وإللى بترمى ضناها

الأم/ متفكرش كتير كلنا ماشين برحمة ربنا جايز تتجوز وتخلف 

أبتعد هو عنها وبعصبية/ أفهمي يا أمى أنا عقييييم مبخلفش مفيش عيال تجى من صلبى أنا ذى حتة الكرسى دى جمااااااااد مش راااااجل سامعة يا حاجة أبنك مش راااااجل ،مرفت دى ست ورأيها فيا ذى أختها أنا مليش غير فى الطب وبس صبى البوفية فية ****** عنى ،،،

وضعت ناجية كفوفها  على فمها  تكتم شهقاتها والدموع تنهمر من عيونها على قلب أبنها الذى يحمل بداخلة وجع كبير وهى لا تستطيع أسعادة ،،،،،،،أنتبة هو لحال أمة حضنها مثل الطفل الصغير، ،شعرت هى بدموعة بلت حجابها ،ضغطت على عنقة  تدفنها  داخل رقبتها حتى لا يراة أحد من الخدم ويرى ضعفة أخذت تدعو الله بصوت مسموح يريح قلبة وتناجى ربنا بقلبها قبل لسانها أعطت لة مساحة حتى أنتهى من بكاءه رفعت وشة ليها وبطرف كم عبايتها جففت دموعة وأناملها هندمت شعرة الذى تشعت وملابسة وقالت بصوت عالى  مهزوز من البكاء:- زوبة جهزى  أميرة لازم نسافر العزبة ودة قرار بلا رجعة ونظرت لأبنها الحزين وقالت ممنوع رجوعك لشغلك بدون أذنى ، 

نظرت لها زوبة من الدور العلوى للفيلا وهزت لها رأسها بنعم،، والخدم يسمعون حديث الأم وأبنها وقلوبهم تنفطر عليهم فهم يتعاملون معهم أهل وليس أصحاب البيت وفى نفس الوقت أختفوا من حواليهم تاركين لهم الخصوصية ،،،،،،

بقلم نجلاءفتحى عاشقةالكلمات 

__________

خرج إسلام من باب الفيلا الداخلى  يساند أمة وخلفة زوبة تساند أميرة التى لا حولة لها ولا قوة مسلوبة الإرادة، ،والخدم يحملون الشنط خلفهم ،،

فتح إسلام باب العربية وأجلس أمة بجوارة كما طلبت وأميرة وزبوبة فى المقعد الخلفى وساق إسلام هو السيارة وأنطلقوا جميعآ لخارج بوابة القصر الخارجية للشارع توقفوا على عربية تسد باب الفيلا وشخص يربع إيدة على صدرة وساند ظهرة للسيارة وقال:- الساعة ٧ كل دة تأخير مواعيدكم فى زمة الله 

ناجية/ أي إللى جابك يا مخفى 

إياد/ جاى معاكم العزبة وحشنى البط والزرع والجاموسة والبقرة 

ناجية/ فصيلتك وحشتك ،،،روح لأمك 

إياد / لا ،، هات أميرة معايا فى العربية بصفتى دكتور مالك بتبصيلى لية ،،معرفش أسافر لوحدى 

ناجية بمكر/ خد زوبة أنزلى روحى معاة 

،،    أسرع هو وأغلق الباب عليها وقال الله يسامحك يا خالتى زوبة دى أصلا مشروع راجل وفشل ولابس فى ست ، لا خلاص أسافر لوحدى 

أستسلمت ناجية للأمر الواقع بوجود أبن أختها معهم ،،طول الطريق ناجية تنظر لأبنها الذى سائق والحزن متملك منة ولا ينطق بحرف ،،،وأميرة التى تتابع الطريق بشرود  

_____________ 

أخيرا وصلوا العزبة وأستقبالهم العاملين بالمكان بالترحاب  ودخلوا جميعآ المنزل المتواضع عكس الفيلا يعتبر دور واحد فقط يستخدمونة للنوم  وواسع للغاية وتحيطها حديقة كبيرة  وبجوارة منزل إيضآ واسع  بية مكان للجلوس طول اليوم والقعدة فية  واستقبال الضيوف فية ،،وخلف المنزل مكان كبير يضم المواشى  والطيور ،وخاص للفرن البلدى وغيرة ،،،،وبعد وقت من الترحيب والأستراحة من الطريق ،، أجتمع الجميع على الأكل وإياد بياكل فى نهم شديد ،إسلام بياكل بشهية منعدمة وأميرة لم تاكل 

إياد/ لازم تاكل المحلول بيموت وحل مؤقت ثم أخذ قطعة فراخ بلدى وقطعها قطع صغيرة فى طبق أرز وشوربة  كتير وقال :- زوبة أكلى أميرة دة 

زوبة/ من يوم آللى حصل مش بتاكل

إياد بآعتراض/ محدش يجيب سيرة إللى فات خالتى ممنوع 

ناجية/ ماشى ،،أسمعى كلامة وأكليها ،،

صرخت أميرة ودخلت فى بداية هياج ،،وبحركة غير مقصودة لأنها جنب إسلام حضنها حتى لا تمسك إى شئ من الطالة وتأذى نفسها هدأت بدون مجهود وأستكانت ،،وضعت الأم بدوم كلام طبق الأكل أمامة وشاورت يأكل أميرة ،،،،وبالفعل أمسك المعلقة وقربها لفمها وهى ساندة رأسها على صدرة ،،بدأت أميرة تاكل ملعقة وراء ملعقة حتى أنهت طبقها فرحت ناجية أول وجبة تنزل معدتها من يوم حادث أبوها ،ملحوظة:- أميرة لم ترتدى النقاب بأمر من إياد وأيدة إسلام فلديها ضيق تنفس وبسبب تعبها الأخير خافوا تخنق بية نفسها،  

__________

مر ٣ أيام بدأت أميرة تتكلم وتأكل ومازالت ضعيفة جسديآ ونفسيآ وإياد لم يتركها من ضحكة وهزارة وإسلام شارد  وناجية مش عاجبها قرب أبن أختها لأميره ،،أما إسلام شارد الذهن، ، ولا يعلم ما بداخلة 

_________

فى نفس الوقت أتى الصعقة لمرفت حين أبلغتها الخادمة يوجد شخص يريدها على الباب ،،،

أتت والدتها وصعقت حين سمعت الخبر وقالت :- مش معقول عملتها يا إسلام،،،

____________

ناجية/ زوبة فين أميرة 

زوبة بتردد/ مع دكتور إياد برا البيت 

ناجية/ وإسلام

زوبة/ نايم 

ناجية/ 😡😡😡ماشى يا إياد  لما تجى 

                  الفصل الخامس عشر من هنا 

لقراءه جميع فصول الرواية من هنا