رواية حقى أكون أب
الفصل الثالث والثلاثون 33
بقلم نجلاء فتحي
(فى فيلا بهنساوى)
ناجية ضربت على صدرها / أتجننت طول عمرها رامية طوبتك ولا بتسأل فيك ،، دلوقتى تفرض عليك حاجة
إياد/ تعبت منها خلاص رغم بعدها مش عايز أعمل حاجة من وراها بقول أبنها الوحيد لازم أفرحها هى معترضة لية حبيبة غنية ومش عارف أبوها لو فلسع ومات المحلات دى كلها أديرها أزاى ،،،،،،
ناجية/ أحمد ربنا أمك متعملتش ولا شافت حبيبة
إياد/ نهار أزرق يعنى إية بعد ٢٠ مرة أتقدم للبنت وأخيرآ أبوها وافق عليا أخلى بيها ،،،،أختك عايزة تجوزنى واحدة أكبر منى بسنين عندها ٣٢ سنة شوفتى القهر إللى أنا فية
والتمن مستشفى أستثمارى ،،، لو رفضت تاخد عربيتى والفيزا وكل حاجة جبتها ليا
ناجية/ طول عمرها عايشة عيشة غير عيشة أبوها وأمها وبتستعر من البلد ومننا ،،،واد ملكش دعوة أنا إللى ربيتك صحيح تربية واطية مش مهم المهم وقت الجد والشدة تربيتى تبان أعتبر هبلك دة طيش شباب أسمع أنا رايحة معاك لأبو حبيبة وسيبك من أمك الأيام قادرة تحل الخلاف وأنا مش أسيب الخلاف كتير ،،،بس الأول فى كلمتين
إياد/ خير يا حبيبتى
ناجية/ حبيبة!!!
إياد/ مالها
ناجية/ هى بنت بلد وجدعة ووقفتها مع خطف أميرة يدل عقلها سابق سنها وبنت معلم عارف يعنى إيه أبوها معودها كل حاجة مباحة فى الكلام
إياد بعصبية/ أسيبها
ناجية/ يا غبى يا متخلف أنا عايزة أجوزها ليك أصلا،،،، واد أنضبط وبطل همجية دى،،،،،،،البنت كبرت سنة يعنى ١٧ سنة صغيرة برضو وطايشة وأبوها الظاهر كدة سايب فى إيدها فلوس تصرف وتدلع حقة كل أب يربى بنتة على كيفة ،،،،حتى شغل المطبخ ملهاش، ،والنقطة دى مش عيب للبنت دى أمها ميتة ومعندهاش حد يعلمها ،،،وعندها خدامة ،،،،دورك يا حلو وهى صغيرة براحة وبلطف سامع يا زفت وبهدوء تعدل سلوكها لو بتحبها شوفت إسلام فضل مستحمل مرفت ١٠ سنين وعلشان بيحبها مقدرش على بُعدها وردها لعصمتة وفجأة اتغيرت وبقت أنسانة تانية ربنا يهدى
إياد بضيق/ التغير دة معاكى ،،،لكن فى شغلها جبروت مش تتهد أبدآ التغير دة مقربش لشغلها،،منكرش معملتها ليا أتغيرت لأحسن بس برضو مش بسلم من لسانها
ناجية/ ههههههههه،محدش بيتغير مرة واحدة ،،المهم نمشى خطوة خطوة ،،،،حبيبة معدنها أصيل تشيلك فى تعبك ذى أميرة وجدعة وبنت أصول بتهزر فهمها هزارها ليك فى بيتك حتى لو عملتك حمار ببردعة وأنت قابل مش مشكلة ،،قدام الناس ليك أحترامك أميرة لحد الان مش سمعتها قالت إسلام معرفش بينهم بتقولة دكتور برضو ولا لا ،،،
إياد/ مفيش حد ذى أميرة عملة نادرة
ناجية/ علم حبيبة الصلاة يساعدك يضبط لسانها
إياد/ هدومها صعبة
ناجية/ كل بنات الجيل كدة براحة حبيبة عايزة هدوء واقناع مش قلة أدب وصوت عالى ترد هى عليك بأفظع الشتائم
إياد بنرفزة / مدام معيوبة كدة خليتنى اتعلق بيها لية
ناجية/ والله محد معيوب وعايز ضبط سلوك غيرك علشان للمرة المليون فيكم من بعض نفس الاكل والشرب والسلوك القذر وطيبة القلب والجدعنة والمعدن الأصيل فرصة البنت صغيرة عجينة تشكلها وبتحبك قبل ما أنت تحبها دى نقطة مهمة ،،،بصراحة كدة يا أبن أختى أنا عارفاك تربية إيدى حبيبة لو ملكة جمال ومفهاش غلطة وملكش غرض ليها مكنتش تتقدم ليها ٢٠ مرة لحد أبوها يحن عليك ويوافق ،،،مواصفات فتاة أحلامك إيه
إياد ببراءة/ شوارعية تستحمل طبعى وفيها رومانسية ممذوج بعشوائية تضبطنى وتدلعنى وبس
ناجية ضربت بكفها على فخدة/ قوم من وشى روح شغلك ولا عند أمك مفيش فايدة فيك
إياد/ مالك متعصبة لية مش ورايا حاجة وناوى أبات عندك
ناجية/ كتير عليا لا مش أستحمل وجودك تناقر فى زوبة
إياد/ هههههه زبزوبة عسكرى الدرج دى حبيبتى ،المهم تتقدمي لحبيبة أمتى شايف بكرة مناسب
ناجية/ يا ناااااااارى واد قايمة أصلى العشاء كدة تفوتني وأدعيلك ربنا يعدلك علشان تقدر تعدل حبيبة ،،،،،،،ثم قالت بسخرية :- قال شوارعية تستحمل طبعى وفيها رومانسية ممذوج بعشوائية تضبطنى وتدلعنى وبس،،، قال فاكر الجواز أوضة نوم بلا نيلة ياتك ستين واكسة عيل صايع
إياد بصوت عالى / خالتى خالتتتتتتى ،،بتشوحى فى وشى يا ناجية ولا همك وحياتى أمى أنام هنا الليلة وأكل وأشرب وأرازى فى زوبة لحد الصبح بكرة الجمعة أصلا ،،،، زووبة ،، زووبةةةةةة
زوبة/ نعم
إياد/ بتقوليها من غير نفس لية
زوبة بملل/ أى خدمة
إياد/ معايا فيلم على اللاب توب رعب تعالى أتفرجى علية معايا
زوبة/ مليش فية
إياد/ لية يا زبزوبة فصيلتك، ،ليكى فى إيه
زوبة/ الرومانسية معاك
إياد/ يا واد يا صايع جو البوس والاحضان والسيكو سيكو لأسف مليش ،
شهقت زوبة/ عيب يا دكتور انا وشى كدة بوضو
نظر ليها بتمعن لملامحها الجادة والابتسامة لا تعرف طريقها فقال :- الصراحة الرومانسية والسيكو سيكو ملكيش فيهم دى وش أحزان لا متمشيش مش عارف ،،روحى بقا أعمللى طبق فشار حجم كبير
زوبة بملل/ دلوقتى مفيش درة 🌽
إياد بسماجة/ أتصلى ياختى على السوبر ماركت ويجيب أزازة حاجة ساقعة كبيرة ولحد ميجى خالتى قالت أتعشت بامية باللحمة الضانى عايز أكل منها ،،
زوبة بضيق/ حضرتك ناوى تبات هنا
إياد/ عندك أعتراض يا أخ ،، ثم قال بصراخ :- لسسة واقفة عندك بسررررررعة ولا أتحول عليكى
جريت زوبة للمطبخ من أمام هذا المعتوه
ضحك إياد بصوتة كلة وقال :- البت زوبة دى رغم شاكك راجل وقالب،،،بس طيبة وجبانة ههههههه
بقلم نجلاءفتحى عاشقةالكلمات
___________
[فى شقة إسلام ]
مرفت/ حمدلله على السلامه اتبسطوا
أميرة رفعت نقابها/ الحمد لله، ،كانت نقصاكى
مرفت/ حلوة السلسة مبروك عليكى
أميرة بفرحة/ شبكتى بصى والحلق والغوايش
مرفت شاورت لها ،،ذهبت لها أميرة ،،،،أمسكت مرفت إيدها تتفقد الذهب وقالت بسخرية/ دهب وفرحانة فى سولتير ألماظ
أميرة/ يالهوووووووى دول بتوع الأغنية وغالى أوووى لو عندى أخاف ألبسة لا ألمسة
مرفت بغرور/ فعلا غالى تعرفى إسلام جايب ليا كتير منهم معنديش دهب موضة قديمة
أميرة بتلقائية ضربت على صدرها وقالت:- الشقة هنا فيها ألماظ وسولتير ،، لامبسوطة بالدهب الحمد لله
مرفت/ الغالى يلبس الغالى
أميرة بأبتسامة رضا نظرت لإسلام / أى حاجة من الدكتور لو خاتم بلاستك عندى بالدنيا وما فيها
أكتفى إسلام بنظرة فخر ورضا ليها،،،،،،قبضت مرفت على مقبض كرسيها بغل ولم تبين غارت من نظرة عين زوجها لأميرة ،،،،،
إسلام/ خدى رضعى جنة ،،،، مرفت عايزك فى اوضتنا
_________
إسلام/ مكنش ليها لازمة كلامك برا
مرفت بمسكنة/ عملت إيه
مسح إسلام وشة بعصبية / لية قولتلها على الألماظ والسولتير بتوعك غرضك إيه
مرفت/ عادى ،
إسلام/ أميرة طيبة مش مستعد أخسرها
مرفت بعصبية/ جبتلها ذهب لية ،،فسحتها ليية
إسلام/ وطى صوتك معايا ،،،طلبت تخرجى معايا وأتحيلت عليكى رفضتى ،،والذهب دة شبكتها مش كفاية مش فرحت ذى البنات أنتى بتحبى الذهب لا
مرفت بغيرة وحقد/ كل دة دهب وفى الزمن إللى أحنا فية
إسلام/ حقها أكلة ،،،،لعلمك هى مش بتطلب حاجة عزيزة النفس لو جبتلها تراب وهديتها بية تفرح أى حاجة منى تسعدها ،،،أنتى بقا أرجعى بالزمن كل قطعة دهب منى نهايتها إيه رميتها فى وشى وبيئة، ،أتفقنا نعيش تحت سقف واحد أسرة واحدة ،، ترجعى لمرفت القديمة تندمى ،،المفروض أعدل بينكم بس لا بجى عليها علشانك
مرفت بصراخ/ عملت فيك إيه خلفت البنت ،،،راضية رجولتك يا سبع ،،،،،،عينك عليها فى الرايحة والجاية تعبت ،،،
إسلام بصوت جهورى وهذا ليس طبعة / غير كل دة مريحانى ،،صوتها مش يعلى عليا لحد الان محترمة جوزها مفيش نكد ولا مشاكل عاقلة عايزة تعيش وتعمر وشايفة طلباتى أعتبر إللى حصل مش حصل ومش عايز أسمع صوتك يعلى على أميرة ولا تحيطها فى رأسك ودينى يا مرفت لو تكرر أو أى حاجة جبتها ليها وعملتى عمايلك دى المرادي طلاق بلا رجعة وملعون الحب ووجع الرأس وقلة القيمة كل شوية،،،،،،،، أحترمى سنك شوية وداخلة على الخمسين مين يخدمك فى عجزك يا شيخة ،،،،عايزة تعيشى معايا هنا مكسب مبقاش ليكى حد خلاص غيرى واحترمت كلامك فى المستشفى واحد غيرى كان بهدلك محدش يعرف سرك ،،لييييية دايما بتخربى البيت أهو أنتى بعيدة عن أمك الشماعة إللى بترمى عليها أخطأءك،،،صحيح المثل بقا أقلب القدرة على فمها تطلع البنت لأمها ،،،،،،مش بايت هنا ،،،،،،وأميرة ليها زيك فى البيت والنوم عندك طول الأسبوع مفيش يتقسم بينكم ،،أنا اعرفك تعلى صوتك عليا أزاى ،،وبطريقتك دى ونظرة عينك متلمسيش بنتى أخاف تأذيها ثم تركها وخرج من غرفتها وذهب للبلكونة،،،،،،،،،،،
_________
بقلم نجلاءفتحى عاشقةالكلمات
أميرة فى غرفتها تحضن بنتها بخوف فهى سمعت كل كلمة كأنها معهم وخايفة على زوجها يصيبة مكروة وهو لسة عامل العملية ،،،،،،وخايفة على بنتها من الأذى
بقلم نجلاءفتحى عاشقةالكلمات
____________
مرفت فى غرفتها مصدومة / ترجلت بخطوات بطيئة للمراية تطلع لوشها وتقول قدرت تقولها تعايرني بسنى لما اوصل خمسين سنة بكرهك يا ماما بسببك مكنش فى أميرة بنتها كلت دماغة ولسة لو فى طفل تانى ولد ،،،،غلطة يارتنى مقولت سرى ليك ندمانة ،،،،يعنى أنت مخليني شفقة على زمتك ،،،،،لااااااااا أنا الدكتورة مرفت حتى لو وصلت ١٠٠ سنة أفضل بصحتى وبفلوسى أشترى خدم ليااااااا، ،حاولت أتغير مش قادرة نار جوايا كل يوم وأنت تتعلق بأميرة وأنا مليش مكان فى قلبك هو دة العدل إللى بتعدلة بينا،،،،،،،،،أزاى أأذى جنة دى مولودة على إيدى 😈،،،،،أسمها على ذوقى حرمتنى منها كنت بخلص شغلى وأجرى عليها أملى الجديد فى الحياة 👿👿أخلص منها،،،، ثم جلست تبكى على حالها وحيدة غريبة فى بيتها كل خططها تفسد
____________
خبطت أميرة على كتف زوجها فى البلكونة، ،،،ألتف لها وبدون مقدمات رمت ستارة البلكونة على الحبل واغلقتها ثم شدت زوجها لحضنها ودفنت رأسها فى رقبتها من طولة ،،،،،،قالت:- أسفة حقك عليا بلاش تقسى عليها ،،،،،
إسلام بعصبية / سبيها تتربى ليكى حق زيها مش أفرق بينكم تانى طيبتك تعبانى بجى عليكى علشانها أفضل لحد أمتى كدة
أميرة/ أهدأ بنتك عايزاك ،،،،،عايز تفسد العملية موقف وعدى خلاص مش ألبس الدهب خالص لو دة سبب المشكلة ،، الدبلة لا علشان دة نفسى فيها. راضيها حقها تغير
إسلام/ بلاش المثالية دى سبيها لازم فى حدود ثم لف زراعة حوالين خصرها وضمها لية:- تعبت يا أميرة منها نكدت عليا كنت فرحان بالخروجة،،،،،،،أةةةةة بحاول أديها فرص وهى مصممة تفسد حياتها وحياتنا،،،واحدة غيرها تحمد ربنا أنتى خدمها ومتحملاها وواحد زى متقبلها فى حياتة بعيوبها
خرجت مرفت من غرفتها وضغطت على نفسها وبحثت عنة لكى تعتذر لة ،صعقت مما شافتة فى البلكونة زوجها يحضن غيرها، ،تعصبت ودخلت غرفتها منهارة
إسلام/ سقعان يا أميرة أووى
أبتعدت هى عن حضنة/ تعال معايا الجو برد أسند عليا حاسس بحاجة أتصل على دكتور إياد
إسلام بتعب/ دخليني الأوضة مصدع
أميرة بخضة/ أستر يارب ،،،أوضة الدكتورة!!!!!!
إسلام بضيق/ لا مش عايز عندها ،،،عندك جنب جنة
أميرة/ حاضر ثم سندتة ،،
بقلم نجلاءفتحى عاشقةالكلمات
_____________
مر الوقت وأميرة بجوار زوجها نايم فى السرير مصدع وباين على وشة الزعل ،،،،أنة أهان وقسى على مرفت لكن لابد من وضع حدود فى تلك المنزل، ،،،،،تأكدت أميرة أنة نام وبنتها إيضا،،،،،خرجت للصالة وخبطت على غرفة مرفت ثم دخلت حين أذنت لها
أميرة/ متزعليش من الدكتور بيحبك ،،لحظة شيطان
مرفت أتى فى ذهنها وهى بين أحضان زوجها وحبيبها/ أظن سمعتي كلامنا أكيد مش قالك صوتنا عالى وأهو نفذ كلامة ونام عندك ولا على بالة
أميرة/ تعبان صدقينى وزعلان علشان زعلك مقليش حاجة،،باين علية
مرفت/ المفرود أصدق تعبة ،،،،عايزة تقنعيني مقربش منك ولا نام معاكى بعد العملية ،،،،،،،ساكتة لية ،،،،،،،،يعنى معاكى وقلبة مش يتعب ،، وشوية زعل يتعب وخايفة علية ،،،متعمليش دور الطيبة دى عليا عندى ٤٦ سنة مر عليا أشكالك كتير
أميرة حاولت تتحكم فى أعصابها/ بس هو تعبان !!!!!!
مرفت بعصبية/ لمسك بعد خروجة من العملية ولا لا فاكرانى عبيطة نايمة على ودانى
أميرة بتوتر/ أنا مراتة مقدرش أمنع الملايكة تلعنى ،،وطى صوتك مصدقتة ينام
مرفت أبتسمت بمرار/ سبينى فى حالى حتى بيتى بقيت غريبة فية أطلعى برا
أميرة/ مقدرش أسيبك كدة
مرفت بحزن وكسرة / مش أموت سبينى طول ما أنتى قدامى أبهدلك ،،معصبانى
أميرة/ مش مهم محدش بيزعل من أختة
مرفت بنرفزة/ مش اختك مش أختك أنتى خدتى بيتى وجوزى منى حطى نفسك مكانى
أميرة/ حاطة وعزراكى علشان خاطر مامتك الصبح تراضية جايز يعدل حالكم
مرفت/ متجبيش سيرة ماما هنا
أستغربت أميرة كلامها عن أمها فقالت :- حاضر ممكن تهدى أعملك مج نسكافية يروق دمك
مرفت/ أعطت لها ظهرها
أميرة/ أجيب جنة تنام جنبك
مرفت بسخرية/ وتكسرى كلمة إسلام ممكن أخنقها👿😈
أميرة أبتلعت الصدمة فى حلقها ثم أبتسمت/ فى أم تخنق بنتها دى مولودة على إيدك تهون عليكى دى بنت حبيبك برضو حتة منة أنا مجرد حضانة شايلاها جوايا ثم خرجت ودخلت غرفتها أخذت بنتها وباستها وجواها رعب مرفت تأذيها لكن لازم تهدى الجو وتصلح الحال هى تربت وتعلمت من أبوها تفك الخلاف وليست تصعبة، ،تقدمت لغرفة مرفت
مرفت/ رجعتى لية غورى بقااااااا
أميرة/ بيد مرتجفة وضعت بنتها بجوارها وقالت :- جنة تنام معاكى تونسك لو عيطت بتعرفي تسكتيها ذى كل ليلة بتنام معاكى ،،ثم أقتربت منها بتوجس وقبلت رأسها وقالت :- تصبحى على خير يا أختى، ،خلى بالك من جنة أمانة معاكى، ،ثم رحلت وقلبها ينفطر على بنتها وخايفة من رد فعل إسلام الصبح ،،،،،،
بقلم نجلاءفتحى عاشقةالكلمات
_________________
مرت ساعة ،،،،تململت الرضيعة وأنزعجت من أضاءة الغرفة ،،،بكت ،،،،،،،،ألتفت مرفت وألتقطت الرضيعة لحضنها وأخذت تسكتها وأطفئت النور ثم أخذتها فى حضنها وسارت بيها فى أنحاء الغرفة حتى نامت وضعتها فى سريرها وأمنت حوالين منها ثم تسطحت بجوارها تنظر للطفلة ووضعت فى فمها شئ 😈
_______________
أميرة تموت رعبآ ،،صوت بكاء بنتها تسمعة ثم سكتت عقلها يخلق سيناريوهات هل أذت بنتها أم تعاملت معها عندما تكون معها بأمان لم يأتى لها نوم تدعو الله يعدى هذة الليلة حتى يطلع النهار ويزيل قلقها
________
سمعت أميرة أذان الفجر مسحت دموعها وقبلت جبين زوجها ثم خرجت للحمام فى الخارج ولم تستطيع التقرب لغرفة مرفت خايفة ، وبعد وقت صلت فرضها أربع مرات مش مركزة ،، ثم أتت بالمصحف تقرأ فية لعلها تهدأ ،،،،أتت الساعة الثامنة صباحآ ،،أستيقظ إسلام وجد أميرة تقرأ فى المصحف،،فقال أميرة
ذهبت لو وقالت بلهفة/ بخير
هز رأسة لها
أميرة/ الحمد لله، ،
إسلام/ جنة فين أصبح عليها ،،البت فين
أميرة بتوتر/ مع الدكتورة
إسلام/ 😡😡مش سامعة كلامنا أكيد وصلك ممكن تأذيها لية كسرتى كلمتى بتتحدنى أنتى كمان
أميرة برعب/ مستحيل اتحدى حضرتك ،،،،، محدش بيأذى طفل خصوصا المحروم ان شاء الله خير أنا إللى ودتها ليها حرام حالها تعبنى
إسلام اتنفض من مكانة وسار لغرفة مرفت متنرفز، ،،، وأميرة تترجاة مش يقرب من مرفت
إسلام بغضب/ واقفة أدام الأوضة فاكرة مقدرش أبعدك لية دخلتى عندها بالليل مرفت دى جبروت صدقت تغيرها شكلها وارثة الغدر من أمها أوعى
اميرة ببكاء وترجى / مش تدخل عندها وأنت كدة ، دى أول دقة لقلبك ذى مبتقول، ،
إسلام/ أوعى يا أميرة من وشى 😡😡
أميرة/ أبوس رجلك كفاية كلام على الدكتورة حرام عليك مش تدخل بحالتك دى ،،،وكانت فاردة دراعتها على الباب حتى لا يعبر
إسلام/ أوعى ثم أبعدها من أمام الغرفة وفتح الباب
،،قامت أميرة من الأرض وهى بتلطم على وشها ودخلت الغرفة تحاول تخرجة برا فهو غضبان لكن ما جعل الغضب يتلاشى ويحل الصدمة ولحظة قطع الأنفاس هو ٠٠
ياترى حدث إيه🤔🤔🤔🤔