رواية حقى أكون أب الفصل الثامن عشر 18بقلم نجلاء فتحي

رواية حقى أكون أب

الفصل الثامن عشر 18

بقلم نجلاء فتحي


وقف إسلام  حركة قيادة السيارة نعم دة صوت أنثى تستغيث حاول يتجاهل الصوت ،لكن صوت الناس الذين قالوا الصوت جاى من شقة الحاج عبد الحميد اللة يرحمة،،،دى مقفولة ،  نزل من سيارتة دون غلقها وفج الناس ،أخرج مفتاح الشقة من جيبة وفتح الباب وجد أميرة فى الصالة وشاب يعتليها أغلق الباب فى وجة الناس ثم ألتقط زهرية وخبطها على رأس الشاب  أغمى علية 

،،أبعدة عنها وجثى يحميها فى حضنة ،،،


أميرة بهستريا/ حافظت على نفسى  قولت خلاص ضعت ، أنا سليمة صدقنى أتأخرت لية لييييية  أنا  سليمة ،،،،


،إسلام نظر  لعبيتها الفاتحه رغم قطعها مازالت ترى ملابسها أسفلها أطمن/ هوووش ،خلاص جدعة برافو عليكى أميرة طول عمرها محافظة على نفسها ميرا شطورة  ،،،،،،ثم أسندها برفق على الكرسى وهو يتجنب النظر ليها فجسدها مكشوف أمامة بسخاء 


إسلام/على أوضتك ألبسى هدومك كامله الشرطة فى الطريق 


لطمت هى/ فضيحة


إسلام/الشرطة عايزاة دى جريمة قتل أبوكى.٠٠٠ والحكومة قالبة علية الدنيا فرصة ذهبية جتلهم، ،يلا ربنا أراد حق أبوكى يرجع، ،،عايزك بنقابك كامل 

دخلت هى غرفتها تستند على الأثاث ودموعها تسرى على وجهها مش مصدقة خرجت سليمة من تحت إيدة  ثوانى وكانت ضاعت للأبد ،،،شهقت من منظرها أمام المراية كيف كانت أمامة هكذا، ،لطمت فى صمت وجهزت بسرعة وهى تلعن شكلها الذى يطمع فيها شياطين الأنس 

_______


           [فى غرفة الطفل ]


مرفت/ محتاج حقنة *****


الممرضة/ حاضر 


 أصبحت الغرفة خالية ،،،،جلست هى بجوار الطفل على كرسى  تقبل إيدة وتبكى فقد حرمت بواحد زية مدى الحياة بسبب أنانية أمها

أتنفضت حين رأت إياد ،،


إياد/ بعدتى لية 


مرفت / ملكش فية


إياد/ مش على بعضك لية 


مرفت/ مجنون


إياد/ بلاش غلط أنا أبن  خالت طليقك  وزميل


مرفت/ متخلف ،،،ثم تركتة 


إياد نظر فى أثرها وصعبت علية لأنة شافها تبكى ورجح دموع أنثى محرومة من نعمة الأمومة ودعى لها تتجوز حتى تنجب ،،،ثم قال بصوت عالى الطفل دة من بكرة السبت أن شاءالله  تبع حالات دكتور إسلام بهنساوى ،،يكون عندة فى القسم  ،،،،، لم تعلق مرفت وكملت طريقها 

________

          [  فى شقة أميرة ]


الضابط / الواد دة أعدام مؤكد بشهادة الشهود وقتها قتل متعمد حتى لو قاصد البنت أقصد المدام   وكمان تعدى الأن 


إسلام/ مش عايز إللى حصل يجى فى التحقيق مدام أميرة مراتى وبلاغ ذى دة يلوث سمعتها وسمعتى وقولت لحضرتك مجرد تعدى خفيف مش.       أغت*صاب 


الظابط بتفهم/ أكيد ،،لازم مدام أميرة تجى القسم نقفل التحقيق. أسرع قضية قتل خلصت بسرعة 


إسلام/ خلال ساعة نكون عند سيادتك ،،،المدام حالتها صعبة فى الأوضة، ،،،لا متفهمنيش غلط الحمد لله لحقتها،،أقصد دى أول زيارة بعد وفاة أبوها هنا فهمت قصدى


الضابط/ تمام يا دكتور مع السلامة ثم شاور لرجالتة وقال هاتوة 

خرج الشاب يترنح و هو يسب ويتوعد لأميرة ،،

أغلق إسلام باب الشقة ،وطرق على باب الغرفة ودخل 


أميرة برجفة/ الضابط برا


إسلام بأبتسامة/ فى القسم لازم نروح ننهى التحقيق والقضية تتأفل


أميرة/ حبس ولا أعدام 


إسلام/الاثنين 


شهقت أميرة/ عيالة تتيتم


إسلام بعدم فهم / هو متجوز 


أميرة/ اتنين وعندة ٦ أطفال 


إسلام/  وجاى يتجوزك ،،،،،،أحم وحق أبوكى


إميرة بحزن/ عيالة ومراتة


إسلام هرش فى راسة/ عايزة أي


أميرة/ حقى  وحق أبويا رب العباد يخدة منة يوم القيامة والحساب ،،أنما البوليس يحبسة وممكن يهرب او يتعدم وعيالة ومراتة الاتنين يعيشوا  أزاى.    

 مش عايزة كدة وفى الحالتين أبويا مش راجع ليا والحمد لله طلعت سليمة وحضرتك لحقتني 


إسلام بحيرة/ حيرتينى معاكى أنتى جميلة من جواكى تسامحى فى زمن محدش يعمل كدة


إميرة مسحت دموعها/ الكون لية رب


إسلام/ ونعمة بالله، ،تمام لازم برضو نروح القسم والمحضر يتقفل


أميرة/ حاضر 

نظر ليها إسلام نظرة رضا قد أي جميلة من جواة لكن بدون علمها جعل القانون يأخذ حق أبوها  حتى لا يقرب من زوجتة مرة ثانية 

_______

               [مرت أيام ]


تعود إسلام على وجود أميرة وأصبح يعتمد عليها فى البيت ،، وما تعرضت لة على يد الشاب لم يفتح بأى شكل ولا أحد يعلم بية 

          ___________

             [على العشاء]


ناجية/ مش عايزين تسافروا شوية


أميرة/ أروح فين 


ناجية/ عمك بهنساوى  أقترح تسافروا القاهرة مثلا


أميرة/ مش وقتة  الدكتور مضغوط حتى أجازتة الجمعة لازم يستريح 


بهنساوى بحيرة/ من يوم جوازك مخرجتيش 

غير لشقة أبوكى الله يرحمه وجيتى

،،توترت أميرة فهذا اليوم فلا أحد يعلم ماذا حدث لها غير إسلام 


إسلام لاحظ ذلك/ عادى لو عايزة تتفسحى حقك معنديش مانع


أميرة دعكت إيدها بتوتر/ مش بتاعة فسح مليش نفس ،،لو حضراتكم عايزين ذى متحبوا 


ناجية/ عقبال إللى يجى يشغل بالك عيل صغير كدة 

نظرت أميرة لإسلام بأسحياء ونظرت فى الأرض 


إسلام/  الموضوع دة على ربنا وأتمنى محدش يفتحة تانى


بهنساوى/ لية يا بنى أميرة مراتك  وأى واحدة متجوزة ندعلها كدة


إسلام/ معايا تليفون بعد أذنكم


أميرة/ الحمد لله عن أذنكم أعملة القهوة 


بهنساوى/ لازم كلامك دة


ناجية/ شكل أبنك مقربش لأميرة 


بهنساوى/ عارف فاكر قدامنا يضحك علينا 


ناجية/ أميرة ذى ماهى


بهنساوى/ عارفتى منين ،،أميرة كلمتك


ناجية/ لا طبعآ ،،،،،الزوجة مفيش خجل لزوجها، ،أميرة لسة بتتكسف ،غسيلها مفهاش هدوم كدة ولا كدة كلها عبايات بيتى عادية فضفاضة يبقا أية ،،وكمان مش بيقعد جنبها ولا لازق فيها لا بينهم مسافة، ،وكلمة دكتور وحضرتك بتقولها على طول ،يبقا أية


بهنساوى/ تحليل منطقى ،،،،والحل كدة ظلم ليهم 


ناجية/ البت حلوة وشايلة البيت وأحنا مهتمية بعلاجنا، وشايفة طلبات أبنك  حتى الخدم بيحبوها 


بهنساوى/ بصراحة، ،البنت صعبانه عليا مكسور عينها حاسس بيها ،،،أميرة السكينة سرقاها 


ناجية بتفكير/ أي رأيك يعيشوا لوحدهم جايز يرجع من شغلة يلاقيها قدامة ونطول المنى ،،غير وجودهم هنا وطول أجازتة قاعد معنا ،أو فى الجنينة و أوضتة ميطلعهاش غير  على نومة 


بهنساوى/ كفاية لحد كدة ،،بلاش ظلم لأبنك وأميرة كل واحد يروح لحالة  


ناجية/ لا ،،،أقصد خلى الحل دة بعد خطتى 


بهنساوى/ إسلام بيحب مرفت كفاية كدة 


ناجية/ متأكدة أميرة ليها معزة عندة ،،أسمع شقتة إللى متجوز فيها هبابة البرك مرفت بتاعتة أية رأيك يقعدوا فيها


بهنساوى/ أميرة تقبل بكدة


ناجية/ البت غلبانة وعايزة تعيش  متفرقش معاها


بهنساوى/ دى أخر مرة أمشى وراكى بعد كدة يطلقوا  وإياد لو عايز أميرة ياخدها،،،


ناجية بخضة / أن شاء الله أميرة تعمر البيت هنا وبيت جوزها ،،،بلاش كلامك دة إسلام ميعرفش بموضوع طلب إياد لأميرة بلاش توقع بينهم 

بقلم نجلاءفتحى عاشقةالكلمات 

_______

                 [فى الحديقة ]

أميرة/ ممكن أقعد


 شاور إسلام  ليها تجلس ،،،،،،،جلست هى أمامة على كرسى ووضعت صنية  الطعام ثم أخذت 

طبق أرز بلبن وقالت/ مكملتش عشاك لية 


إسلام/ شعبت


أميرة/ أتفضل  

أخذة هو منها وقال :- قهوتى فين


أميرة/ ممكن بلاش قهوة بليل  


إسلام/ تتحكمى فيا


أميرة بتسرع/ معاش ولا كنت ،،،عن أذنك أعملك فنجان 


إسلام/ أستنى ،،خلاص أكل الحلو 


أميرة/ ألف هنا


إسلام/ ملاحظ نقابك تلبسية بمزاجك


أميرة/ لابستة يحمينى  وأنا بشتغل، ،،وأتعودت علية وحضرتك لما جيت زيارة وبابا عايش كنت لابساه  وبعد وفاتة وفوقت من صدمتى لاقتني مش لابساه مفرقش معايا ،،بعديها حضرتك أصريت ألبسة بس أنا هنا محدش غريب عمى بهنساوى  قبل ميكون حمايا كنت مش بلبس النقاب أدامة ،هو حضرتك عايزنى ألبسة فى وجودك 


إسلام/ إللى أعرفة مش لعبة عايزة تلبسية تلتزمى بية غير كدة كفاية حجابك


أميرة/ عندى حساسية من صغرى وبأمر الطبيب بلاش على نفسى مدة طويلة ،،بس أنا لابساه علشان محدش يطمع فيا 


إسلام/ إللى عندة قولتة


أميرة/ حضرتك عايز أية وأعملة


إسلام/ مليش حكم عليكى أنتى حرة، ،تصبحى على خير ،،تانى مرة وأنتى نازلة الجنينة ألبسى نقابك علشان الحرس ،،،،،نظرت هى لنفسها وعبايتها البيتى الواسعة وحجابها وأبتسمت ،،،

_________

صعدت غرفتها وجدتة نايم على الكنبة على ظهرة ومغمض عيونة ،،قربت منة طاولة صغيرة ووضعت بجوارة زجاجة المياة وكوب  فارع وعلاجة حتى يأخذ حباية الضغط على الريق الصبح  وأغلقت شباك البلكونة وأشغلت الراديو على محطة القرأن الكريم  بصوت منخفض وأغلقت التكييف المسلط علية،ثم أغلقت الأنوار وفكت طرحتها ونامت على السرير بعد م دثرت نفسها بغطاء خفيف  لكن نامت براحتها تحتة دون قيود 

      ،،    أطمن هو أنها نامت مثل ميفعل كل ليلة ثم نام ،،،،،،وبالة مشغول فهى تهتم بكل تفاصيلة، حن لطليقتة نعم حن ليها منذو طلقها لم يراها ولا يسمع عنها شئ حتى شقتهم لم يدخلها، ،وحشتة مرفت، ،وعقلة الباطن جعلها تزورة فى أحلامة تلك الليلة،،،،

[انت لو قدامى ميهمنى دكتور ألسعك حتة قلم معاك جوهرة وتدور على الحنش بمنكاش اوووف] اي روايتى وأقول رأئى براحتى متغاظة منة وأنا كتبة شخصيتة

____________ 

               [أتى الصباح]


أميرة/ دكتور إسلام، ،،دكتور إسلام، ،،،صباح الخير 


أعتدل فى جلوسة/ صباح الخير 


أميرة/ حمامك جاهز،،،نازلة أجهز الفطار ،متنساش حباية الضغط أدامك ،،ثم لفت حجابها وخرجت 


إسلام/ أخذ علاجة الذى واضب علية بوجود أميرة وأصبح أحسن بكتير لم يهاجمة شعور القئ ولا نوبات الصداع الحادة ،،،،أدخلى يا أميرة


دخلت الام/ أنا يا ضنايا صباح الخير 


إسلام/ صباح الخير أتفضلى 


الأم/ أنت نايم على الكنبة 


إسلام انتبة لنفسة/ لا على السرير وقعدت هنا لما صحيت علشان أخد العلاج


الأم بمكر/ ومخدة السرير بتعمل أية ها،،والسرير مترتب ونظيف أهو 


إسلام/ أميرة بتحب ترتب السرير أول منصحى وأنا أخدت المخدة هنا أريح شوية


ناجية/ أعديها ،،مع أنى مش مقتنعة


إسلام/ خير يا أمى 


ناجية/ ٠٠٠٠٠٠٠٠٠٠٠٠٠٠


إسلام/ هنا أفضل


ناجية/ لا خد مراتك وعيش فى بيت لوحدكم


إسلام بعدم فهم/ أيام جوازى بمرفت كنتى عايزة أعيش معاكى 


ناجية بغل/ أنساها،،،،دلوقتى أميرة،،النهاردة تبات فى شقتك


إسلام/ أكيد مرفت عايشة فيها 


ناجية/ بمناسبة أية دى ملكك


إسلام/معرفش مجرد توقع وأنا مدخلتهاش من يومها


ناجية/ خلاص تدخلها وتبات فيها لو موجودة على أمها غير كدة أميرة تعمرها 


إسلام/ مفيش واحدة غريبة تدخل مكان مرفت 


ناجية/ أميرة مراتك العمر مفهوش دلع يا بنى كفاية إللى ضاع ألحق خلف أوعا تبصلى كدة دكتور وفاشل حاول مرة مليون سافر برا غير الوعاء بواحد تانى وانت غيرت صدقنى البت غلبانة وممكن أحميها من غير جواز ،مرفت مكنتش زوجة وأنت مش عايز تقول طلقتها لية حتى حقوقها على كلامك رفضت تاخدها لية سايبة وصال بينكم ،،أسعدنى أنا وأبوك لازم تتم جوازك أدام ربنا بمراتك وتنام جنبها أمك مش عبيطة، ،،،ثم دعت لة وخرجت 

،،تنهد هو وقال/ أميرة مفهاش غلطة أعتبرتها أختى ،،ومرفت بحبها رغم طلاقنا،،،،ثم دخل الحمام يتوضأ ،

_______________ 

            [أتى العصر ]

دخلت أميرة شقة إسلام التى تزوج فيها مرفت ولم يبلغها ،وهى لم تعترض  أن تعيش معاة رضخت بالأمر الواقع هو زوجها ولم تشوف منة شئ يجعلها تنفر منة،


إسلام/ نعيش هنا،، دى أوضتك ودى أوضتى،،،، الأوضة دى فيها أشياء خاصة ممنوع تقربى منها ولا تفتحيها 


أميرة/ دى نظيفة 


إسلام/ جيت الصبح نضفتها مع حد


أميرة/ بتاعتك


إسلام/ أيوة. ثم ذهب غرفتة حتى ينهى الحوار 


نظرت هى بأنبهار وقالت/ أكيد مش متجوز فيها دى شقة جديدة ،،،ثم دخلت غرفة نومها وجدتها عادية لديها فضول تعرف أوضة نومة خبطت على بابة ودخلت بعد أذنة ليها وجدت الغرفة فخمة للغاية فقالت بلجلجة/ تتغدى أية


إسلام/ نصف ساعة الأوردر يجى لسة مفيش طلبات للبيت ، ممكن تسبيني أشتغل على اللاب توب


أميرة/ حاضر بعد أذنك وخرجت

فتح هو جهازة وتصفح صورة مع طليقتة وقال مقدرتش أخليها تشارك أوضة نومنا خدتها أنا،،،سامحينى لمت حاجاتك فى أوضة ،،،،أنتى عملتى فينا كدة عايرتينى،مش طايقها مكانك يا مرفت ،،كل حاجة هنا بتفكرني بيكى 🥺

بقلم نجلاءفتحى عاشقةالكلمات 

__________


                 [أتى الليل ]

زهقت هى منذو دخولها الشقة لم ترى إسلام غير على الأكل فقط ومر أسبوع ،،الفيلا كانت أحسن وفيها حياة والمواقف تجمعهم ،،جلست فى الصالة تتفرج على فيلم زهقت ،،أغلقت التلفاز ، ثم لابست الأسدال كامل وخرجت البلكونة ونظرت للسماء تبكى فى صمت نسمات الهواء تلفح بشرتها الساخنة من أثر بكائها  أسبوع وإسلام بعيد عنها وتشعر متجاهل وجودها سمعتة يتكلم ،،أستغربت صاحى كل دة ،،،ترجلت لغرفتة طرقت عليها لم يرد ،،،سمعتة يتكلم، ،فتحت الباب براحة وتقدمت منة وجدتة حاضن صورة  كبيرة لطليقتة  وبيتكلم وهو نايم ،،شعرت بداخلها بركان وأتغاظت لماذا لم تعلم ،،،،شالت الصورة برفق وألقاتها على وشها مقلوبة فى الأرض وخرجت ودخلت غرفتها، ،،خلعت الأسدال وقالت بغيظ/ أنا مالى متغاظة لية هو حر وأنا كمان حرة أتفاقنا أخوات ،،،مدام بيحبها طلقها لييييية أتجنن،،،لا لا،،،أهدى يا أميرة أنتى عايشة معاة شفقة وحماية دة أخوكى وجوزك أدام الناس بس حبر على ورق،،،،حاسة عايزة

 أو لع ،،،فى الصورة ،،،،أستغفر الله العظيم. إسلام أخوكى أخوكى أخوكى وبس ،

___________

لم تنام هى من تفكيرها وطرقت على الباب وقالت دكتور إسلام 


إسلام/  صحيت ،بلبس خلاص 


أتكسفت هى / الفطار جاهز


فتح إسلام بابة/دخلتى أوضتى بالليل


توترت هى وقالت بكذب/ لية ،،،،أقصد لا


إسلام/ ولا حاجة أنسى،،،،ثم قال لنفسة معقول رمت صورة مرفت فى الأرض وكسرتها وأنا نايم

جهزت هى سفرة الفطار وعنفت نفسها لماذا كذبت علية ،،


إسلام/ نظفى أوضتى فى أزاز فى الأرض خلى بالك 


أميرة/ جة منين


إسلام بكذب/ كباية وقعت منى


أميرة/ ولا يهمك


إسلام/ تعبانة 


أميرة/ لا،لية


إسلام/عينك حولين منها منفوخ ووشك مجهد نفسك مرتاح ولا مخنوق


أميرة/ بخير الحمد لله 


إسلام/ خلى بالك من نفسك 

شعرت هى من جملتة بشئ سعادتها،هزت رأسها ،لة بأيجاب  وقالت وحضرتك كمان


إسلام بأبتسامة جانية / يدوب ألحق شغلى 


أميرة/ أستنا،،،ثم أسرعت للمطبخ وبعد دقيقتين خرجت بشئ وقالت أتفضل 


إسلام/ أية دة


أميرة/ شوية نواشف بالعجوة طازجة صحيت بدرى خبزتهم  ودة مج فية شاى باللبن


إسلام/ هههههههههه هو أنا طالب قدامك 


أميرة/ وفيها أية تتغذى ولا حلو لما تشتريهم من الفرن بزيت تموين ومعكوك فيهم 


إسلام/ هههههههههههه معكوك هههههههه بجد فظيعة ،،،،طيب أشيلهم أزاى مش معقول أمشى بيهم كدة 


أميرة/ حط العلبة فى شنطتك والمج فى إيدك لحد عربيتك ،،وفى شغلك عادى دكتور فى إيدة شنطتة محدش عارف فيها أية،،،والمج بتاعة شيك فى إيدة دلع 


إسلام/ على العموم شكرآ شكلك عايزنى أبقا بكرش من الأكل 


أميرة بلجلجة/ ألف هنا مع السلامة، ،،،

وودعتة وهو نازل ،،،،،،

________

فى مكتب إسلام أخرج العلبة وفتحها  ريحة العجوة بسمن البلدى  تحفة أخذ واحدة من القرقيش تناولها تدوب فى الفم ثم شرب رشفة من مج الشاى بلبن مكس جامد فى حتة تانية ،،قرر يتناولهم وبعدين يباشر عملة ،،،،طرق الباب ودخل ********

إسلام😲😡/٠٠٠٠٠٠٠٠٠


___________

[فى شقة إسلام ]

نظفت أميرة غرفتة وغيرت فرشتها  وأزالت الزجاج وفهمت زجاج أطار الصورة وليس كوب اتكسر منة ،،فتحت دولابة حتى تخرج لة طقم بيتى نظيف وتجهزة وقع نظرها على ٠٠٠٠


                    الفصل التاسع عشر من هنا 


لقراءه جميع فصول الرواية من هنا

تعليقات