رواية نحن معا للأبد
الفصل الثالث والعشرون 23
بقلم لوجينا إبراهيم
كاميليا: سديم خلى بالك منو ولو حصل اى حاجه بلغينا فورا
سديم: حاضر يا كوكى
الكل دخلو نامو وفضلت سديم مع مراد
بعد خروج العائلة ظلت سديم وحيدة مع مراد
كانت جالسة بجواره على السرير وتنظر لوجهه الوسيم المتعب ودموعها لم تتوقف
سديم،، للدرجة دى كنت تعبان ، ومحدش فينا كان حاسس بيك وازدادت فى البكاء ،، انا السبب.. انا السبب
بكت سديم طويلا ولم يوقفها شئ الا عندما لمست جبين مراد ،، حرارته مرتفعة اوى ويرتجف من البرد
هذا المنظر جعلها تنسى كل شئ وبدأت بعمل كمادات باردة لمراد حتى تأكدت ان حرارته قد انخفضت ثم غلبها النعاس فنامت على الكرسي بجوار مراد وكأنها فتاه صغيرة
فى الصباح الباكر استيقظ مراد من النوم بصعوبة واراد ان يتحرك لكنه انتبه لسديم التى كانت نائمة على الكرسى ورأسها على كتفه ،،،،، كم كان احساس رائع لمراد فقد اطال النظر اليها وهو يلمس وجهها الناعم ذا الملامح الملائكية الجميلة
مراد بيكلم نفسه وهو باصص لسديم
ياريت كانت ظروفنا مختلفة يا سديم ياريتني اقدر اعيش معاكى عمرى كله واسعدك وانسيكى العذاب الى شوفتيه من ساعة مدخلتش البيت ده
مراد كان تعبان اوى وحاسس انه مش قادر يقوم من على السرير ولكنه افتكر ان والده طلب منه يخلص ورق الشركة الجديدة وهو مقدرش يخلصوا امبارح ،، حاول مراد التحرك دون ان يوقظ سديم لكنها حسن بيه وقفزت من نومها
سديم: ،، مراد انت كويس ،،، اتصل بالدكتور
مراد : اهدى اهدى انا كويس اهو
سديم،،وعندما تأكدت انه بخير انفجرت فى البكاء بصوت عالي
مراد بخوف: سديم ، اهدى بس فى ايه فهميني، اهدى ارجوكي
سديم وهى تبكى بقوة : انا اسفه اوى يا مراد مكنتش اعرف انك تعبان اوى كده ورغم كل ده وقفت ودافعت عنى قدام الناس انا اسفه
مراد: خلاص يا سديم انا كويس ده مش ذنبك
سديم: لاء ذنبى، لانى دايما بحطك فى مشاكل وضغط نفسى ، انا مكنتش اقصد والله 😭😭
قاطعها مراد بسرعة واحتضنها بقوة وسديم استلمت لحضنه بسرعة وبكت طويلا فى حضنه ، وهو كان حزين لرؤيتها بهذا الشكل ثم بعد ان هدأت سديم انتبهت انها فى حضن مراد لاول مرة تراجعت وكانت فى منتهى الاحراج
مراد،، انا كويس يا سديم انتى مش السبب
سديم : الدكتور قال انك كنت مرهق اوى ومبتاكلش كويس
مراد: اه صحيح، اصلى انا مش باخد بالى من الاكل وانا بشتغل
سديم وضعت يدها على فم مراد
سديم: ارجوك يا مراد اسمعنى فى حاجة مهمة لازم تعرفها وارجوك متقاطعنيش
مراد: اتفضلي يا سديم
سديم: انا لما سبت اهلى و وعرفت انى هعيش هنا حسيت ان الدنيا وقفت وكان نفسى اموت علشان مش معاهم كل يوم بيعدي عليا كأنه سنة ، لكن لما عرفتك بقيت فرحانة اوى اوى يا مراد كان نفسى اغير حياتى وحسيت ان ربنا بيعوضنى بيك ، من وانا صغيرة وبابا بيحكيلي عنك ، كان مبسوط اوى بصداقتنا وكان نفسه يكون عندو ابن زيك ده طبعا قبل الخلافات الى حصلت ما بينهم
انا مبقتش قادرة افهم يا مراد
مراد: وعايزة تفهمي ايه يا سديم
سديم: عايزة افهمك يا مراد وعايزة افهم نفسى وافهم كل الى بيحصلنا ده وافهم علاقتي بيك
مراد: انا السبب فى كل ده يا سديم
سديم : لاء يا مراد انت سبب سعادتى وبس وهى دى الحقيقة الى انا مكنتش عايزة اعترف بيها ليك وحتى لنفسى
انت لما قولتلى انك مغصوب عليا زى منا كنت مغصوبة عليك بس حسيت ان كرامتى اتجرحت اوى وقلتلك مش عايزاك كمان، ايوه يا مراد انا كنت بكدب عليك وبكدب على نفسى علشان انت جرحتنى اوى ، بس امبارح وانت،،، وغلبتها الدموع وهى تتكلم وانت بتتألم حسيت ان قلبى كان هيوقف يا مراد،، انا حسيت ان الدنيا قصيرة اوى على اننا نخبى مشاعرنا يا مراد
انا.......انا.....انا.......بحبك اوى
كان مراد يستمع لها وهو مستلقى على السرير و هو يحاول ان يصارع دموعه التى سالت بالرغم من جميع محاولاته
سديم : مراد انا عارفه انك مش بتحبنى ، ولو كلامى ضايقك خلاص انا اسف وعلفكرة اتفقنا لسة زى مهو، عن اذنك
استدارت سديم لتذهب لكن مراد جذبها اليه بسرعة
مراد: سديم انا .. بحبك، بحبك، بحبك اوى اوى اكتر من نفسى بحبك من زمان اوى يا سديم، وكنت فاكر انك مش شايفانى علشان كده ولا مرة قولتلك بس دلوقتى انا بحبك اوى اوى بحبك
سديم : ابتسمت ابتسامة ممزوجة بالدموع
قام مراد بنزع الحجاب الذى ترتديه سديم لينسدل شعرها الكستنائي الناعم الطويل على كتفيها
مراد: مسح دموع سديم، من انهرده مش عايز اشوف دموعك ابدا من انهرده مفيش غير السعادة وبس
سديم:اوعدنى يا مراد اوعدنى ان عمرك مهتتخلى عنى او تسيبني ابدا، اوعدنى انك هتفضل تحبني وتحمينى وتخاف عليا علطول
مراد: اوعدك يا حبيبتي، ولمس خصلات شعرها الناعم تعرفى ان شعرك حلو اوى
سديم: ابتسم فى خجل
مراد: مش شعرك بس الى حلو، انتى كلك حلوة، وخصوصا لما تتكسفى وتحمرى كده
سديم احمرت و اتكسفت اوى : خلاص بقا يا مراد وقامت تمشى
مراد مسك ايديها بسرعة : استنى رايحة فين وشدها وقعها فى حضنو
وفى اللحظة دى اتحول الجواز الصورى لجواز رسمى
Xoxo
ولكن هل ماحدث هو غلطة ام انه بداية لمستقبل جديد لسديم ومراد كل ده ومراد ميعرفش انه ابراهيم اشترط على ابوه انه ميقربش من سديم
مراد كان واقف على البحر بعد ذلك اليوم الذى غير مجرى حياته
انا ايه اللي عملتو ده انا ازاى سمحت لنفسى انى اربطها بيا واخليها مراتى رسمى انا مكنتش عايزها تحبني اوى كده انا خايف انه يحصلى حاجة واسيبها لو حدها فى الدنيا ، لقه نفسه تلقائيا بيكلم الدكتور يوسف
يوسف: اخيرا كلمتنى يا مراد انت عامل ايه دلوقتى
مراد: احسن كتير شكرا لحضرتك اوى على الى عملتوا معايا امبارح وانك مقولتش لحد على سرى
يوسف :مراد انت ابنى ولو فى ايدى اعملك اكتر من كده مش هتأخر وعايزك تعرف انك لو احتجت تتكلم مع اى حد لازم تعرف انى هسمعك امتى متحب مش بس بصفتى الدكتور بتاعك اعتبرني زى والدك
مراد : سرد ليوسف كل ما حصل وعن اتفاقة هو وسديم وحبه لها وكل ماحصل منذ زواجهم
مراد: انا فعلا بعتبر ان حضرتك زى والدى وانا مش هقدر اقول الكلام ده لاى حد علشان انت الوحيد اللى عارف بمرضى والوحيد الى يقدر ينصحنى
كان يوسف منصت لكلام لمراد ولم يحاول مقاطعته لانه شعر بمدى الحزن والحيرة التى يشعر بها
يوسف: مراد انت لازم تعرف ان المرض امتحان من ربنا ليك وانا عارف ان يمكن انت بتعيش اصعب ايام حياتك دلوقتى بس انت لازم تعرف ان ربنا لما بياخد منك حاجة بيديك حاجة تانية احلى ، وانت فعلا دلوقتى عندك الاحلى عندك سديم ، الحب ده نعمة من ربنا ومش كل الناس بتحب وتتحب فى ناس بتموت من غير متدوق طعم الحب يا مراد ولايعرفوا معناه خالص
مراد: انا لما سديم ظهرت فى حياتى حسيت ان حياتى كلها اتغيرت وبقا ليها معنى وبقيت متمسك بيها اكتر
يوسف: انا قولتلك يا مراد ان العمليه نسبة نجاحها كبيرة وانتو الى مش عايز فكر فى سديم على الاقل
مراد: ماشى يا دكتور هفكر فى الموضوع بس موعدكش
فى بيت السباعى
محمود: اومال فين ابنك ده مجاش البيت بعد الشغل
راندا:مش عارفه اتأخر ليه ، بس انا خايفه عليه اوى وخصوصا بعد كلام الدكتور ده خاسس خالص ولا بياكل ولا بيشرب
محمود: اكل ايه وشرب ايه.. ده راجل فيها ايه لما يتعب شوية محنا كلنا تعبنا واحنا فسنه محمود كان ليه بيتكلم لقه مراد دخل البيت
محمود: كنت فين
مراد: كنت بشتري شوية حاجات يا بابا
محمود: اهو ده اللى فالح فيه تضيع الفلوس فى حاجات تافهه تلاقيك جبت لبس مش كده
مراد اتدايق جدا من كلام والده وخصوصا انه مش مبزر خالص وفتح الاكياس الى كان جايبها وكانت كلها لبس اطفال
راندا: ايه ده يا مراد
مراد: ده لبس للاطفال الايتام هروح بكرة الملجأ زيارة وهديهلهم
محمود: التزم الصمت تماما بعد كلام مراد
مراد: عن انكوا انا طالع اوضتي
ذهب مراد لغرفته ولسه داخل من باب الاوضة لقه مخده بتتحدف فى وشه
مراد: ايه ده فى ايه
سديم : فى انى مبحبش التكشير لو فضلت مكشر كده هرميك المخدات عليك
مراد بص لسديم كانت لاول مرة تقعد من غير حجاب كانت لابسة فستان بنفسجى قصير كت وكان شعرها الكستنائى الطويل منسدل على ظهرها وكانت حاطة مكياج خفيف وكان شكلها حلو اوى
مراد: بس ايه القمر ده
سديم : حدفته بالمخده تانى فى وشه بس بلاش قله ادب
مراد: بقا كده ماشى
وبدأوا يرموا على بعض المخدات ويضحكوا بصوت عالي لتنتبه سديم للاكياس
سديم: ايه ده
مراد قرب من سديم ووضع يده على خصرها وسديم احمرت اوى
مراد: ده بقا يا ستى هدوم وهدايا لاطفال الملجأ مش انتى قولتى انك نفسك تزوريهم فقولت مينفعش نزورهم بكرة وايدينا فاضية
سديم بطفولة : بجد يا مراد هتودينى ازور اطفال الملجأ كان نفسى اروح من زمان
مراد: طبعا واى حاجة انتى تتمنيها هنفذهالك، عايزك تعرفى انى عايش بس علشان اسعدك
سديم : انا بحبك اوى
مراد: وانا بعشق يا روح قلبي ، ايه رايك نخرج نتعشى بره انهرده
سديم بفرحة عارمة : انت بتتكلم بجد يا مراد
مراد: اكيد يا حبيبتى
سديم: انا كنت فاكرة انك تعبان من الشغل وعايز تنام
مراد: فى حد ينام وهو شايف القمر ده
سديم: قولتلك بطل قله ادب
مراد: يا بنتى انتى مراتى
سديم: برده
مراد: ياخرابى على الناس الى بتتكسف
سديم احمرت اوى : خلاص بقا يا مراد و سابته واديته ضهرها علشان كانت مكسوفة اوى
مراد حضنها من ضهرها فى حد بيتكسف من جوزو حبيبوا برده ، خلاص يا بسرعة غيرى هدومك علشان عاملك مفجأة
ذهبت سديم بسرعة لتغيير ملابسها ومراد ايضا غير ملابسه ، وكان يبدوا وسيم ووضع عطر باقى زاد من وسامته
اما سديم ارتدت فستان سهرة نبيتى ووضعت حجابها بطريقة مميزة زادتها جمال مع بعض المكياج الخفيف ، بدت كأنها نجمة من نجوم السينيما ، كانت تبدو جميلة جدا ورقيقة
مراد: ايه ده انا هخرج مع احلى بنت فمصر عادى كده
سديم بخجل:مرسى
مراد : يلا بقا يا جميل انا عازمك على مكان جميل جدا
سديم:هو انت قولتلى البسى فستان سهرة ليه
مراد: هتعرفى بعدين يلا بقا
سديم: استنى،، وانت كمان شكلك حلو اوى الليلة
ابتسم مراد لها وطبع قبله رقيقة على خدها سديم ابتسمت فى خجل مراد ابتسم لابتسامتها واخدها الى السيارة
فى داخل سيارة مراد وهم في الطريق الى العشاء كانت سديم تنظر لمراد لكل تفصيل صغير فيه ، طريقته فى سياقة السيارة وعطره الذى يفوح فى المكان وشعره المصفف بطريقة جذابه وشخصيته القوية الممزوجة بحنان، انها الشخصية التى جذبتها منذ اللحظة الاولى
اما مراد فقد حاول الا يتذكر اى شئ فى هذه الليلة الا انه مع زوجته التى يعشقها
كان الصمت هو سيد الموقف وكل منهما اخذ يفكر في الاخر وهل ما يحصل لهما هل هو حلم ام حقيقة؟
مراد احب ان يكسر الصمت فشغل الراديو وكأن القدر احب ان يهديهما اغنيه رومانسية 💏
كان مراد يدندن مع الاغنية بكل حماس ومسك ايد سديم وه بيغني كأنه بيهديها الاغنية دى ، ثم بدأ بالغناء بصوت عالي جدا وبدأت سديم بالغناء معه والضحك بصوت عالي فى جو من الفرح والسعادة
لاول مرة عيونهم مكانش فيها اى حزن، الفرح والحب والحماس هو اللي كان مسيطر عليهم لحد ما وصلو للمكان اللى عمر اختاره
سديم: ايه ده يا مراد احنا فين
مراد: الليلة دى انت الاميرة بتاعتى ، و هعملك 🥰احلى ليلة فى الدنيا
سديم: بس انا مش فاهمه حاجه
مراد حط شريطة على عين سديم علشان متشوفش، يلا امشى معايا وقفوا فى مكان ومراد فك لسديم الشريطة
سديم: ايه ده الله
مراد :انا اجرت الياخت ده وهنتعشى هنا واحنا بناخد لفة فى البحر عشان نبقا لوحدنا ومحدش يزعجنا
سديم من كتر الفرحة: انا مش عارفه اقول ايه بجد ربنا يخليك ليا يا حبيبى ،تعرف يا مراد انا بحبك اوى
مراد: كلمة حبيبى 😍 ديه عندى بالدنيا كلها بالنسبالى يا سديم، تعرفى انى لما بسمع كلمة بحبك منك دى قلبى بيدوب وبيدق ازاى💗💗
دخلو اليخت الى كان متزين بالشموع والموسيقى الهادية وقعدوا يتعاون فى وسط البحر
سديم: عارف يا مراد كانت فكرة الجواز دى بتخوفنى اوى ، وبصراحة مكنتش اتخيل انى هتجوز بالطريقة دى
مراد: بتخافي ليه ده الجواز نصف الدين
سديم: مكنتش متخيله ان حد ممكن انه يدخل حياتى ويسيطر عليها وعلى تصرفاتى ويبقا هو والمسؤول عن كل حاجه، بس لما شفتك حسيت انى مبقتش عايزة ابقا انا المسؤولة عن نفسى، عايزاك انت تبقا كل حاجه فى حياتى
مراد : فى ناس كتير بتفكر ان الراجل عايز البنت الي شخصيتها قوية جدا وتتخانق مع اى حد، بس احلى حاجه فى البنت ضعفها المعقول الى يحسسه انه بيكملها ، لان ربنا خلقنا نكمل بعض مش ناخد ادوار بعض
سديم: انت علطول كده
مراد: كده ازاى
سديم:احنا من ساعة متجوزنا وانا شايفاك بتهتم بالبيت كله وانا مش عايزاك تشيل المسؤوليه دى لوحدك ، نفسى اساعدك
مراد: انا طول عمرى بعمل كده انا بحب اهتم بعيلتى لان دى حاجه بتسعدنى ومش بعتبر ان دى مسؤولية
سديم: انا كمان بحب اتفرج عليك وانت بتهزر مع چنى وبتساعد مامتك فكل حاجه وشايل مسؤليه عمو فى الشغل ومبتزعلوش لو غلط معاك وشقاوتك انت وزين وحنيتك على سما ، انا يا مراد بحب فيك كل حاجه، انا مكنتش اعرف ان فى لسه ناس بتحس بغيرها زيك كده
مراد: انتى عارفه يا سديم انا حبيتك ليه ؟
سديم بوجه برئ: ليه يا مراد
مراد: علشان انتى ملاك يا سديم انتى احن واحدة فى الدنيا انا كنت بسافر القاهرة كل فترة لعمو ابراهيم علشان حاجات فى الشغل وكنت بشوفك لما بتيجى المعمل علشان تتأكدي ان باباكي اخد الدوا وكنت بشوفك ازا بيتعامل مع العمال الغلابة بكل رحمة وطيبة وازاى ان كل موظفين الشركة بيحبوكى وممكن يعملوا اى حاجه علشانك
كنت بشوفك وانتى كل يوم خميس بتروحى لاطفال الملجأ وبتجيبلهم العاب وهدايا وشوفت قد ايه هما بيحبوكى ومتعلقين بيكى
وكنت بشوفك فى بداية الترم فى الجامعة ازاى بترفضى انك تقعدى مع شباب وكنت بتقعد مع لينا و صحباتك البنات بس ؟
سديم: انت عرفت كل ده ازاى؟
مراد:ههههههه بلاش فضايح
سديم: لاء بجد قولى عرفت ازاى كل ده؟
مراد:انا ساعات كنت باجى الجامعة علشان اطمن عليكي
سديم: ده انت واقع فى غر انى من زمان بقا، وانا معرفش
مراد: من زمان اوى يا سديم ، انا حبيت رقتك واخلاقك، وهدوءك، وخجلك ، علشان انتى ملاك يا سديم،حبيتك علشان انتى اجمل واحدة فى نظرى
سديم: وانت كل حاجه فى حياتى يا مراد
مراد: وانتى بسمة حياتى يا سديم
انهو طعامهم وهم يتبادلون اطراف الحديث بكل حب ورومانسية ثم طلب مراد من سديم ان ترقص معه
وهنا بيرقصو
سديم: مراد عايزة اسألك سؤال بس ترد عليا بصراحة
مراد: ايه يا حبيبتي 😍
سديم: هو كان فى حد فى حياتك قبلى، يعنى موضوع سارة انتو فعلا كنتو بتحبوا بعض
مراد: انا وسارة اتخطبت بس بضغط من ماما بعد ما خلتوا دخلت مستشفى الامراض النفسية زى منتى عارفة بس انا مبحبهاش نهائى ولا هحبها يا سديم
مراد:انا معرفتش الحب الا معاكى يا سديم وانتى كل حاجه حلوة بالنسبالى
سديم ارتاحت بعد كلام مراد ، بعد ما تعشوا ورقصوا كانوا واقفين قدام البحر مستنين اليخت يوقف على الشط
مراد: انا بحب البحر اوى يا سديم
سديم: وانا كمان اوى بحس انه عالم تانى غير العالم الى احنا عايشين فيه
مراد وهو شارد : وساعات البحر هو الوحيد الى بيخبى اسرارنا
سديم بضحك: ياترا اسرار ايه ديه بقا انا حشرية وطفلة اوى فى النقطة دى وبحب اعرف كل حاجه
مراد: انا مكنتش اقصد اسراري انا
سديم بطفولة وعيون بريئة: يهون عليك تخبى عليا
مراد بضحك: انا لو تكلمت معاكى خمس دقايق كمان هدخل سراية المجانين هتخليني بنظراتك دى اقول واعترف بحاجات انا معملتهاش اصلا
سديم بعيون بريئة: اخس عليك يا مراد قصدك انى بحقق معاك
مراد: لا يا سوسو بهزر معاكى انتى تحققي زى منتى عايزة
سديم: ايوا كده وبعدين ايه سوسو دى انا مبحبش الدلع ده
مراد قرب منها وسحبها ليه 🥰🥰:طيب وكده ايه رايك يا سوسو
سديم: خلاص حبيبتو اوى ابعد بقا 😂😂😂
مراد: ايوا كده 😂😂😂
كانوا مبسوطين وبيضحكوا بس مكانوش يعرفوا ان فى عيون مرقباهم من بعيد كان شاب ماسك المسدس وموجهه ناحيتهم لكن جه مجموعة من الرجال السود السريين ومكنوش مبينين وشهد كتفوا الشاب واخدو لمقر رئيسهم السرى
سديم ومراد رجعوا البيت متأخر جدا وهما فى غاية السعادة ، سديم اقترحت على مراد انهم يتفرجوا على فيلم رومانسي لكن مراد رفض
سديم: ليه يا مراد انا نفسى اتفرج معااك على الفيلم ده
مراد: مينفعش يا سديم الوقت اتأخر وانا لازم اصحى الصبح بدرى وانتى كمان
سديم : بس ليه
مراد: علشان شغلك اولا وعلشان عاملك مفجأة ،، اتفضلي يا ستى
سديم: ايه الورق ده
مراد: يا حبيبتي ده ورق دخولك اكبر جامعة طب فى لندن
سديم : انا مش فاهمه حاجه، جامعة ايه وازاى عمى وافق وازاى هروح لندن
مراد: بصى يا ستى شركتنا هتعمل فرع جديد في لندن وانا طبعا المسؤول عنه فهضطر انى اسافر شهر لندن وهاخدك معايا انتى لسه صغيرة يا سديم 18 سنة يعنى من حقك تكملى دراستك وتحققى حلمك
سديم بفرحة: بجد يا مراد، بس ده شهر هخلص دراسة ازاى
مراد: الجامعة دى بتسمح للطلاب انهم يحضروا المحاضرات ويمتحنوا اونلاين يعنى حتى لو رجعنا هتقدري تكملي دراسة براحتك بس كل ده منغير ما بابا يعرف علشان ميعملناش مشكلة
سديم فضلت تطنطط من الفرحه
سديم والدموع فى عنيها : انت احلى حاجه حصلتلي فى حياتى يا مراد ، انا بحبك اوى اوى وارتمت فى احضانه و.............
فى الصباح استيقظ الجميع، واجتمعت حول مائدة الطعام
مراد: بابا انا مش هروح الشغل انهرده
محمود: رجعنا للموال ده بقا، ليه يا استاذ
مراد: اصل يا بابا صاحبى عنده حالة وفاة ولازم اكون جمبه
راندا: ومالو يا حبيبي ده واجب
رمزى: متقلقش يا محمد انا مظبط كل مقابلات انهرده
محمود: انتو متفقين من ورايا بقا، ماشى يا مراد
مراد: يلا يا سديم علشان متتأخريش
سديم: انا جهزة
مراد: يلا عن اذنكو
مراد وصل سديم الشغل وقبل متنزل من العربية
مراد: خلى بالك من نفسك يا حبيبتي
سديم: متخفش انا بميت راجل
مراد:هو فى راجل عسل كده
سديم: ابعد يا مراد احنا فى الشارع
مراد: هو انتى مش مراتى ولا ايه ، انا بقا عايز ادوق العسل ده
سديم وجهها احمر :خلاص يا مراد هتفضحنا
مراد:😂😂ماشى انا هسيبك بس علشان مرضاكى
سديم: تصدق انى غلطانة علشان جيت معاك
مراد: وانتى تقدرى تيجى مع حد غيرى
سديم : لاء طبعا انا طول ان شاب زى القمر كده يوصلني شغلى
مراد: ايوا بقا هو ده الكلام، انزلى بقا لحسن احضنك واعمل فضيحة هنا
سديم بضحك: يلا سلام ومشيت خطوتين
سديم :مراد
مراد: نعم
سديم : بحبك
مراد:وانا بموت فيكى يا عسل
كانت اجمل لحظات لمراد وسديم بس مكانوش يعرفوا ان هناك من يراقبهم ويرصد تحركاتهم
كاااااااااات
ياترا ايه الى هيحصل ، ومين اال بيراقبهم