رواية نحن معا للأبد
الفصل الرابع والعشرون 24
بقلم لوجينا إبراهيم
مراد وصل سديم الشغل وقبل متنزل من العربية
مراد: خلى بالك من نفسك يا حبيبتي
سديم: متخفش انا بميت راجل
مراد:هو فى راجل عسل كده
سديم: ابعد يا مراد احنا فى الشارع
مراد: هو انتى مش مراتى ولا ايه ، انا بقا عايز ادوق العسل ده
سديم وجهها احمر :خلاص يا مراد هتفضحنا
مراد:😂😂ماشى انا هسيبك بس علشان مرضاكى
سديم: تصدق انى غلطانة علشان جيت معاك
مراد: وانتى تقدرى تيجى مع حد غيرى
سديم : لاء طبعا انا طول ان شاب زى القمر كده يوصلني شغلى
مراد: ايوا بقا هو ده الكلام، انزلى بقا لحسن احضنك واعمل فضيحة هنا
سديم بضحك: يلا سلام ومشيت خطوتين
سديم :مراد
مراد: نعم
سديم : بحبك
مراد:وانا بموت فيكى يا عسل
الساعة 12 دخل مراد تانى جلسة علاج كيميائى ليه
الدكتور حطله محلول فى ايده وطلب منه الاسترخاء
مرت الدقيقة على انها ساعات بالنسبة لمراد كان تعبان اوى ، الدكتور قاله ان التعب ده عرض جانبى عادى للعلاج الكيميائي لكن مراد كان حاسس بوجع شديد لكن كان بيفتكر شكل سديم وضحكتها علشان يقدر يكمل
فى مكتب محمود
قام بسرعة قفل على نفسة المكتب بالمفتاح وراح عند المكتبة طلع منها كتاب اخضر هو شكله كتاب عادى لكنه كتاب الكتروني كان الكتاب مفيهوش غير مراية اول ما تشوف وش محمود تفتح باب سر بيؤدى لسرداب تحت الارض دخل محمود السرداب الذى كان به شخصان مقيدان كانت الاولى اخته الكبرى نهال والثانى الشاب الى حاول قتل سديم ومراد ( تفتكروا ان محمود ممكن يكون الشخص ااخفى)
محمود جاب كرسى وقعد قدام نهال والشاب وكان بيضحك ضحكة سخرية على منظرهم وضعفهم
محمود بضحك وهو بيشيل اللازق الى على فم نهال : لاء لاء يا نهال شوفى غباءك وصلك لايه دلوقتى كان زمانك بتتعاملى زى الملكة فى القصر والفلوس الى مدلعينك بيها ومحدش دايسلك على طرف لكن شوفى حالك دلوقتى علشان انتى خاينة وغبية
انا: بتخونينى انا يا نهال ، عايزة تروحى لابراهيم وتقوليلوا على كل حاجه
نهال بعصبية : هفضحك يا محمود ولو كان اخر يوم فى عمرى هفضحك وهخل الناس كلها تعرف حقيقتك القذرة، تعرف ان انت الى قتلت ابوك
محمود بتمثيل انه خايف: والله مكنش قاصده دى كانت مجرد حادثة
محمود بضحك: انتى فاكرانى خايف منك ورينى هتعملى ايه ده لو عرفتى تخرجى من هنا وراح مسكها من شعرها
نهال : اااااه يا محمود سيبنى
محمود: وحتى لو سبتك دلوقتى مش هيسيب بنتك منة
نهال بخوف : لاء يا محمود الا منة
محمود: يبقا تتظبطى معايا ومسمعلكيش نفس
وراح جاب قماشة وحط فيها مخدر علشان نهال متشوفش الى هيعمله
نهال: لاء ارجوك سيبنى ولكن المخدر كان اقوى منها واغمى عليها
وبص للشاب الى كان مرعوب من محمود بعد كل الى عمله محمود وسمعه منه
محمود فكه علشان يتكلم
محمود: مين الى بعتك مين ال حرضك تقتل ابنى اتكلم
والا هقتلك
الشاب: اما واللهى مليش ذنب ارجوك سيبنا وانا هقولك علي كل حاجه
محمود بعصبية: يلا خلص قول انت هتصاحبنى
الشاب كان خايف اوى فكذب انه كان هيقتل مراد علشان محمود ميموتهوش : مدام منى طلبت منى انى اقتل البنت ال كانت مع ابن حضرتك
محمود: تانى يا منى بتتصرفى من ورايا تانى وكان متعصب اوى فى اللحظة دى فجأة الشاب حد ضربه بالنار
محمود: مين هنا
منى: متخافش دى انا
محمود: انتى اتجننتى قتلتيه ليه
منى: علشان خاين واى حد خاين ملوش امان زى نهال كده
محمود: انتى عايزة تموتي سديم من دلوقتى انتى عايزة تبوظى الخطة
منى: زهقت من زن سارة عايزة تخلص منها باى شكل
محمود: اعملى اى حاجه غير القتل احنا خلاص مش فاضل غير شهرين متبوظيش كل حاجه عملناها بتصرف غبى علشان واحدة غبية زى سارة وانا اصلا مش هسمحاها انها تتجوز مراد هي نسيت نفسها ولا ايه
منى: متنساش انها كرت قوى فى ادينا وهبتساعدنا من غير متعرف اى حاجه
محمود: سارة طول عمرها انانيه ومش بتفكر غير فى نفسها علشان كده هيه حاليا مش هتفكر فى حاجه غير مراد وعمرها مهتكشفنا علشان غبية اوى
منى : طب والعمل ايه الخطوة الجاية
محمود: انا خطة لو اتنفذت اضمنى الميراث كله فى جيبنا وضحك بخبث
منى: ايه هى واحنا ننفذ من دلوقتى
محمود: بيعجبنى حماسك اوى، هقولك بس اهم حاجة في الخطة انك هتيجى تعيشي معايا فى البيت علشان تبقى بعيدة عن الانظار
منى : اتفقنا ايه الخطة
محمود :بصى اول حاجة **********************
منى: ايه الشر ده كله وايه الخطة التحفة دى، بالطريقة دى هنخلص منهم كلهم مرة واحدة
محمود: تربيتك يا منى هانم
وضحكوا هم الاتنين بخبث ولكن نهال مكنش مغمى عليها علشان قدرت تكتم نفسها ومتستنشقش المخدر وكانت بتمثل انا مغمى عليها وسمعت كل حاجه
فى المستشفى
الدكتور: برافو يا سديم انتى فعلا ذكية وشاطرة جدا كل يوم بتتفوقى عن اليوم الى قبله وبتبهرينا
سديم: شكرا يا دكتور
الدكتور: علشان كده المستشفى قررت انها تنقلك لطب الجنايات انتى ذكية جدا وهتحققى تفوق فيه
سديم: بس انا مبفهمش فى الحاجات دى
الدكتور: متقلقيش انتى هيجيلك دكتور متخصص هنا علشان يشرف على تدريبك
سديم: شكرا جدا يا دكتور مش عارفه اقولك ايه انت ساعدتنى كتير
الدكتور: اكتر حاجه ممكن ترحين بيها انك تتفوقى يا سديم انت فعلا موهوبة وتستحقى كل خير
سديم: شكرا يا دكتور
فى بيت سارة
سارة: انتى فعلا ناوية تسيبني وتقعدى معاهم في البيت
منى: ده لفترة مؤقته بس علشان اعرف اى معلومة ضدهم تساعدنا
سارة: ماشى لما نشوف اخرتها ايه انا لو مراد مبقاش ليا انا هفضحك يا منى
منى بحدة: سارة اعرفى حدودك وانتى بتتكلمى مع مين انا منى السباعي متنسيش ده انا لو حبيت امحيكى من الارض وابعد مراد عنك مش هتاخدي فى ايدى ثوانى اخلينا صحاب احسنلك
سارة : مالك قلبتي عليا كده ليه انا بهزر معاكى
بعد جلسة العلاج كان مراد تعبان اوى ومش قادر يقف على رجله وماهر طبعا كان جمبه طول الجلسة
مراد: ماهر انا مش قادر امشى، انا حاسس ان الدنيا بتلف بيا ممكن نقعد هنا
ماهر: انا كمان حسيت انك تعبت جدا انهاردة اصل الدكتور حطلك مقدار اعلى من الدوا
مراد: وهو جالس على احد كراسى المستشفى : انا كويس بس محتاج اقعد شوية
ماهر: علفكرة انا دكتور وفاهم انك مش كويس ، انا مش فاهم انت كنت عايز تيجى لوحدك ازاى منغيرى
مراد: انا مكنتش عايز اعطلك يا ماهر انت العيادة بتاعتك لسة جديدة ولازم تكون هناك
ماهر: تعطلنى ايه ، انت ملكش دعوة بالعيادة ده اولا، بعدين انا هتروح ازاى بمنظرك ده
مراد: متقلقش مش هيحسوا باى حاجه
ماهر،، انت الظاهر مبعتش في المراية انت عرفان ووشك اصفر ومش قادر تمشى اساسا اكيد هيعرفوا
وخصوصا سديم انت مش قولتلى انها دكتورة
مراد : اه بس هيه مش تخصص اورام فمش هتعرف متقلقيش
ماهر: طب يلا خلينا نخرج من هنا شكلك هتنام منى حاول مراد ان يقف لكنه فقد توازنه وسقط بسرعة على الكرسى ووقعت كباية الميه من ايد مراد واتكسرت، فاسرع ماهر بإبعادها عن مراد لكى لا يجرح يده ، ولكن الازاز دخل في ايد ماهر واتعور
مراد :انت كويس يا ماهر ايدك بتنزف
ماهر: متخافش ده جرح بسيط
مراد حاول النهوض مرة اخرى بمساعدة ماهر الى اخده على السيارة علشان يروحه البيت
فى غرفة سديم
لينا: الناس الوحشة ال مبتسألش قولت اسئل انا
سديم: معلش انا فعلا الفترة الى فاتت كنت مضغوطة اوى
لينا: عمار قالى على كل حاجه حصلت ، سديم انا بصراحة مش مرتاحة طول منتى فى البيت ده مش عارفه ليه لما ببص لعمك محمود بحس من نظراته ان فيه حاجه غريبة البنى ادم ده وراه حاجه
سديم: عمو محمود طيب جدا وبيعاملنى كويس
لينا: اوعى يا سديم اوعى تثقى فيه متنسيش هو عمل معاكى ومع اهلك ايه زمان
سديم : لينا كل ده كان ماضى وبعدين انا مستعدة انسى واسامح وخصوصا بقا انى بحب مراد ومش عايزة اسيبو
لينا: اممم واضح ان فى حاجات كتير بتحصل من ورايا
سديم: الى حصل **************** اهم حاجة انا ومراد اعترفنا بحبنا لبعض وهووعدنى انو مش هيسبنى او يتخلى عنى ابدا
لينا :بجد، ربنا يفرحكو يا حبيبتى ويسعدكو علطول ويبعد عنكو الست الصفرة دى
سديم بضحك من طريقة لينا: مين الصفرةدى
لينا: هو فيلم غيرها الحرباية سارة
فى اللحظة دى كانت منى بتتسنط على كلام لينا وسديم
منى: ده كده احلوت اوى بس لازم اتأكد من كلام سديم انهم فعلا بيحبوا بعض ومشيت على اوضتها تعمل اتصال
لينا:كمان عمتك جت تعيش هنا، لاء بجد العيشة هنا بقت لاتطاق، راندا ومنى ومحمود وسارة، انتى مستحمله ازاى يا بنتى
سديم بضحك: في ايه يا لينا مالك مصتقصدا الكل ليه
لينا: انتى يا حبيبتى الى طيبة زيادة ومش شايفة حقيقتهم قدامك
سديم: سيبك منى قوليلى عملتى ايه فى موضوع سامى
لينا بفرحة: خلاص يا ستى خلصت منه اخيرااااااااااا
سديم بفرحة: بتتكلمى جد ازاى؟؟
لينا: صاحب بابا طلع يعرفوا وقال انه شاب مش كويس وبيسكر وبيعرف بنات ، الحمد الله ربنا خلصتى منو بعد مكنت خلاص فقدت الامل
سديم:كويس انك كشفتيه قبل الجواز ، ربنا يعوضك بحد احسن منو بكتير
لينا: لاء انا خلاص اتعقدت من الرجالة ، انا خلاص لو شفت راجل هضربوا
سديم:😂😂😂، ايوا كده يا لولى اضحكى وفرفشى محدش يستاهل
لينا: يلا هقوم امشى انا بقا علشان متأخرش
سديم: انتى لحقتى
لينا: انا مش عايزه اسيب تيتا اكتر من كده لوحدها انتى عارفه
سديم: ماشى هقوم معاكى اوصلك
لينا: لاء انا عارفه الطريق قومى انتى الحق غيرى هدومك وابقى قمر كده علشان جوزك قرب يوصل
سديم: تصدقى انى غلطانة علشان بتكلم معاكى امشى اطلعى برة
لينا حبت تغيظ سديم : ماشى يا سوسو 😜😜
سديم :لينااااااا 😱
لينا طلعت تجرى قبل م سديم تنط عليها 😂😂 وهى بتجري خبطت فى منى والتليفون وقع من ايديها
لينا : انا اسفه وشالت التليفون من على الارض علشان تديه لمنة لكنها لاحظ اسم المتصل (الصقر) لكن منى سحبت التليفون بسرعة من ايد لينا
منى : تبقى خلى بالك بعد كده ومشيت
لينا: انسانة مستفزة
وكانت خارجة من الفيلا وهيه بتقلد طريقة منى وهيه بتقولهاخلى بالك بعد كده وتقريبا تقمصت الشخصية زيادة عن اللزوم
فى الوقته كان ماهر خلاص وصل مراد وشافها
ماهر بضحك: انتى بتعملى ايه 😂😂
لينا باحراج: انت هنا من امتى
ماهر: من اول خلى بالك بعد كده 😂😂😂
لينا: لو هتفضل تتريق عليا كده انا همشى
ماهر: لاء خلاص استنى انا اسف، مين مزعلك والاكل تعملى كده
لينا: عمة سديم ومراد منى دى انسانة مستفزة اوى
ماهر: لاء مهو واضح 😂😂
لينا : عن اذنك
ماهر: لاء خلاص اسف واللهى مش هضحك تانى
لينا: ايه ده انت ايدك بتنزف جامد
ماهر : لاء ده جرح بسيط مفيش مشكله
لينا: لاء ازاى تمشى بيها كده، استنى وطلعت من شنطتها ضمادة و عملتوا ايده
ماهر : مكنتش اعرف انك شاطرة كده
لينا: سديم هى الى علمتنى اعمل الحاجات دى
ماهر: شكرا يا لينا
لينا: العفو عن اذنك علشان اتأخرت
ماهر: طيب ممكن اوصلك
لينا: لاء شكرا انا بيتى قريب من هنا ولازم امشى حالا
ذهب لينا وظل ماهر يراقب ظلها وقلبه ينبض بشدة
مراد كان تعبان اوى واستغل ان مفيش حد فى الصالة علشان يطلع على اوضته ويرتاح واول مدخل اوضته وشاف سديم فى اللحظة دى نسى كل التعب والدوخة الى كان حاسس بيها
سديم: حبيبى انت جيت
مراد: انتى قولتى ايه ممكن تقولى تانى كده
سديم بخجل : حبيبى
مراد : اااه اخيرا قولتيها يعنى مش صديقى زى م قولتيلى قبل كده 😂😂
سديم بكسوف: خلاص بقا يا مراد
مراد سحبها فى حضنه : انتى وحشتينى اوى علفكرة
سديم: وانت كمان اوى 😍😍 ، تعرف يا مراد انا ليه مش مصدقه ان احنا خلاص بقينا مع بعض انا حاسة انى بحلم وخايفة اننا نبعد يا مراد
مراد: لاء انتى مش بتحلمى يا سديم، احنا خلاص بقينا مع بعض ومحدش هيعرف يفرقنا ابدا
مراد: انا بحبك وعمرى ومهبعد عنك ابدا
سديم: وانا بموت فيك وحضنوا بعض جامد Xoxo
عيون منى منزلتش من عليهم كانت بتراقبهم من بعيد
منى بضحكة خبيثة: حبكو الى انتو فرحانين بيه اوى ده هو الى هيدمركوا 😈😈😈
كاااااااااات
ياترا ايه الى هيحصل ومنى ومحمود ناويين على ايه ، وعلاقة مراد وسديم هتروح لفين، وهل ممن ماهر فعلا يكون وقع في حب لينا