رواية نحن معا للأبد
الفصل السادس عشر 16
بقلم لوجينا إبراهيم
ليأتى صوت من خلفهم
سارة: مش تسلم على حبيبتك الى رجعت من السفر يا مراد وجريت عليه وحضنته
مراد بعدها عنه بسرعة وقال بتوتر، ازيك يا سارة
سديم فى اللحظة دى كانت متضايقة اوى
سارة: انا عندى ليك مفجأة انا خلاص رجعت ومش هسافر تانى خلاص هفضل معاك هنا فى اسكندرية
راندا: تنورى يا حبيبتى اسكندرية نورت بيكى
مراد : مكانش عارف يقول ايه
في اللحظة دى سديم سابتهم وطلعت على اوضتها
راندا : انتى هتتعشى معانا انهرده يا سارة
رهف ورمزى وكاميليا لاحظوا ان سديم اتضايقت
فى اوضة كاميليا
رهف : ايه ال جاب سارة دلوقتى مصدقنا الحمد الله ان علاقة سديم ومراد بدأت تتحسن
كاميليا: الغلط يا رهف كل حاجه كانت غلط من الاول ان مراد يعشم سارة فيه وهو عارف انه هيتجوز وانه منهاش كل حاجه من الاول
رهف : طيب وهنعمل ايه
كاميليا : انا هتكلم مع مراد فى الموضوع ده بس مش دلوقتى
فى اوضة سما
سما: بجد يا سارة انا فرحت اوى انك رجعتى
سارة: كان لازم ارجع يا سما انا سبتهم يفرحوا مع بعض كتير بس دلوقتى خلاص انا هرجع كل حاجه من حقى اخدتها سديم مراد بتاعى انا انا وبس
مراد كان ملاحظ عصبية سديم فحب يغير الموضوع
مراد كوكى بتنادينا علشان نتعشى
سديم بعصبية: مش عايزة اكل
مراد: سديم انا عارف انك متضايقة بس متدخليش الموضوع ده فى الاكل
سديم بعصبية اكبر: قولتلك مش عايزه اكل انزل انت
مراد: لا انا مش هنزل وهقعد معاكى فى اللحظة دخلت سارة الاوضة
سارة:يلا يا مارروو علشان نتعشى
مراد: انا مليش نفس
سارة : مسكت ايده تعال بس انا هفتح نفسك
سارة: بحيث بقولك ايه يا .....مش سديم برده متيجى تتعشى معانا
سديم بغيظ:لا مليش نفس
سارة: براحتك طب يلا بينا بقا يا مارو واخدته ونزلت
مرادكان متوتر ومش عارف يعمل ايه او يقول ايه
على السفرة الكل قعد وسارة قعدت جمب مراد
جنى : لا يا طنط سارة متبعتيش هنا ده مكان الملاك
سارة: ملاك مين
جنى: سديم
سارة بغيظ من كلام چنى : لا يا حبيبتى الملاك بتاعك مش هيجى
جنى : اتقمصت خلاص مش عايزة اكل وسابتهم وطلعت اوضتها
سما: ايه يا سارة الاسلوب ده براحة شوية دى طفلة وطلعت ورا جنى
سارة كانت عماله تدلع على مراد وتأكله
مراد: خلاص بقا يا سارة
راندا: خليها تأكلك يا حبيبى وتغذيك
رهف كانت متضايقة اوى من سارة
رهف:اومال فين سديم يا مراد
سارة: قالت مش عايزة تاكل وبعدين انتى شاغله بالك بيها اوى كده ليه متركز فى اكلك
رهف : انا كنت بكلم مراد ولو على الاكل انا خلاص نفسى اتسدت وسابتهم ومشيت ورمزى راح وراها
كاميليا: سارة ايه الى انتى بتعمليه ده انتى اتجننتى قومى ابعدى عن مراد وانت يا مراد اتفضل اطلع ل مراتك و انتى ازاى تكلمى رهف وسما وجنى بالاسلوب ده انتى ملكيش كبير ولا ايه
كاميليا من هنا ورايح مش عايزة اشوفك مع مراد تانى
سارة: بس مراد خطيبى ومن حقى
كاميليا : كان خطيبك ودلوقتى هو من حق سديم
سارة : تيتا انتى عارفه انه هيطلقها واحنا هنتجوز
كاميليا : ديه حاجة تخص مراد وسديم لو هيكملوا مع بعض ولا لاء ولو مش قادرة تشوفيهم مع بعض يبقا متعتبيش البيت ده تانى
سارة: انتى بتطردينى يا تيتا علشان واحدة متستاهلش
تيتا : بره يا سارة الكلام معاكى مش هينفع ولا هيجيب نتيجة
راندا :ماما انتى بتعملي ايه بتردى سارة علشان سديم الى اصلا كنتى مش راضية عنها
كاميليا : انا بعمل الصح انا مش هقدر اشوف اى حد بيفرق بين عيلتى مهما كان وحتى لو كانت حفيدتى
مراد طلع لسديم وكان عارف انها زعلانة منو فعمل نفسة تعبان
مراد: اااه مش قادر راسى
سديم:انت كويس
مراد بتمثيل: تعبان اوى
سديم: طيب تعال اقعد ارتاح
مراد قعد على السرير
مراد: لاء لاء مش مرتاح برده
سديم بسرعة جابت مخده وحطيتها ورا ضهره
مراد:بتمثيل لاء برده مش مرتاح
سديم: طيب هجيبلك دوا
مراد: لا مش عايز
سديم: طيب اعمل ايه يريحك
مراد: تضحكى
سديم: نعم
مراد: ضحكت اكتر حاجة بتريحنى
سديم اتكسفت ووشها احمر
مراد: انا اسف لو سارة ضايقتك
سديم بقلة حيلة : لاء وهتضايق ليه انا عارفه كده كده انكوا بتحبوا بعض وانتوا هتتجوزوا بعد منطلق
وهيه معذورة مضطرة تشوف حبيبها مع واحدة تانية
مراد: لاء يا سديم انا غلطت برده وانا اسف وقام مراد نام على الكنبة وهيه نامت على السرير وكانت بتحاول تنام بسرعة علشان تخفى دموعها وحبها لمراد
مراد ,,,, كان مكسور 💔 اوى من كلام سديم معقولة مش حاسة بحبه ليها وفاكراه بيحب سارة وبيكرها ياه يا سديم للدرجادي مش عايزانى ومش شايفاني فى حياتك
فى وقت ما الكل نايم كانت دلال بتتسحب وطالعه من البيت ومغطية راسها بشال علشان محدش يشوفها وكانت كل ما تمشى خطوة تبص وراها تتأكد ان محدش شايفها
وصلت لمكان ضلمة وطلع من وسط الضلمة شخص مش باين اذا كان راجل او ست وكان لابس قناع على وشخ بس الشعر الى طالع من تحت القناع بيبين انها ست
بس الصوت صوت راجل الشخص ده محدش شافه قبل كده ولا حد يعرف هويته الحقيقة
ايه اللخبطة دى بقا هنفهم مع احداث القصة
الشخص: ها اى الاخبار
دلال : كل حاجه ماشية زى متخططلها تمام وسارة جت انهرده وفرقت بين العيلة بس كاميليا طردتها
الشخص: سارة مش هتدى واكيد هتعمل حاجه قوية تفرق بين مراد وسديم عموما هنشوف لازم تراقبيهم كويس وكل الاخبار توصلني
دلال: الجواب ال انتا طلبته ده طلع عين علشان اعرف اجيبه من مكتب محمود بيه
الشخص: تمام اوى كملى شغلك زى مقولت واوعي حد يشوفك او يشك فيكى
دلال: متقلقش كلهم واثقين فيا اوى
تانى يوم على شاطئ بحر اسكندرية
كان مراد واقف شارد امام البحر يكلم نفسه ويفكر هيعمل ياه مش عايز يوجع سديم اكتر من كده وفى نفس الوقت مش عايز يظلم سارة
قطع شرودة اتصال محمود
مراد: ايوا يا بابا
محمود:رمزى كلمنى وقال ان فيه ارض جاهزة للبناء في القاهرة وانها لازم يتم معاينتها انهرده والا ممن تتباع لغيرنا جهز نفسك بسرعة علشان هتسافر مع العمال
مراد كان مصدوم من كلام والده ، هو كان حاسس انه تعبان جدا ومش هيستحمل السفر وفنفس الوقت انهرده اول يوم ليه في العلاج الكيميائي
محمود: اييه روحت فيين يا مراااددد انا بكلمك
مراد،،، بابا معلش ممكن تخلى مشوار القاهره ده لبكرة
محمود،،، بكرا ليه الناس مستعجلة ، وبعدين انت وراك ايه انهرده تقدر تروح وترجع قبل نص اللليل
مراد،،، انا تعبان اوى يا بابا ارجوك خلى خالوا رمزى يروح بدالى
محمود،،، مش انت ال تقرر مين اللي هيسافر ، ولما اقولك كلمة متناقشنيش فيها
مراد عرف ان مفيش فايدة من المناقشة بس لاول مرة يحس انه تعبان اوى كده وافتكر كلام دكتور يوسف انه لازم يرتاح وانه لسه هيستحمل بس مكانش قدامه حل غير انه يسافر
راندا : حرام عليك يا محمود الواد تعبان انت ناسى انه اتخطب فى دماغه امبارح والدكتور قال لازم يرتاح
محمود،،، ابنك مش تعبان ده بيتدلع ومش عايز يشتغل
راندا: انت بتعاملة كده ليه ده بيجى على نفسه علشانك
محمود خلاص مش عايز كلام فى الموضوع ده، ويلا خلى دلال تحضرلنا الغدا
فى الوقت ده مراد رجع البيت وطلع اوضته علشان يغير هدومه ويستعد للسفر ، لكنه احس بالضيق والوحدة فعلا ، لاول مرة فى حياته انهار مراد بالبكاء ، لاول مرة يحس فعلا انه ضعيف ومش قادر يعمل الى والده بيطلبه منه ، لاول مرة يسيطر التعب على جسم مراد وحس انه بيتمنى الموت اللحظة دى ، وبعد انهياره بلحظات ، افتكر سديم ووشها الطفولى وضحكتها البريئة الساحرة واحمرار وشها وخجلها
لترتسم ابتسامة على وجهه المتعب وقرر انه لازم يكمل مهما حصل ..........
ولكن هل هيقدر مراد انه يكمل فعلا ولا ايه اللي هيحصل فالسفر وهل هتقدر سديم تفهم اللى بيمر بيه مراد
كاااااااااات
ياترا ايه الى هيحصل لمراد وهل دلال فعلا خاينة ويا ترا ناوية على ايه ومين الشخص ال دلال بتقابلة...