رواية نحن معا للأبد
الفصل الاول 1
بقلم لوجينا إبراهيم
وفاه منصور السباعى رجل الاعمال(صاحب شركات السباعى للعمارة)المفاجئ كان حديث الاعلام والصحافة وقنوات الاخبار قفلت التلفزيون وهيه فرحانة اوى
الزوج : الى يشوف فرحتك دى ميصدقش انى الى مات ده ابوكى
منى : ليه مش من حقى افرح وانا عارفه انى هورث ملايين
الزوج: صح هنستنا ايه من واحدة حتى مسألتش على ابوها ولا زارته وهو تعبان وفى اخر ايامه
منى: بقولك ايه متصدعنيش بكلام الصعبنيات ده انت كمان مش ملاك وعايز الفلوس ديه اكتر منى ويلا علشان عندنا معاد عند المحامى الساعة 8
عائلة ال سباعى
الابنة الكبرى : نهال 49 سنة تقدروا تقولوا كده زعيمة العصابة
الابن الاكبر: محمود 45 سنة اهم حاجه فى حياته الفلوس والثروة هيه ديه مصدر سعادته ومش مهم اى حاجه تانى
الابنة الوسطى: منى 44 سنة خبيثة طماعة مبتشبعش فلوس رغم انها مش محتاجة
الابن الاوسط: ابراهيم 43 سنة طيب وبيراضى ربنا وبيدى كل واحد حقه وكان مع ابوه فى اخر ايامه ومسابوش لحظة
الابنة الصغرى: فاطمة 40 سنة اطيب حد فيهم وكانت بتحب باباها اوى وكانت معاه علطول
الساعة 8 والاخوات كلهم وزوجاتهم وازواجهم اتجمعوا فى بيت الاب علشان الورث
نهال: قولنا يا حضرة المحامى كل واحد فينا ليه كام فى الثروة والاملاك
المحامى : مبدأيا كده الاستاذ منصور السباعى ساب لكم وصية قال فيها كل حد هياخد ايه
منى بتوتر:وصية ايه بابا مقلناش على حاجه زى دى
المحامى: الاستاذ منصور السباعى مقالكوش علشان عارف انتو ممكن تعملوا ايه وعموما هو علشان كده الوصية ديه سجلها فيديو علشان محدش منكم يقدر يلعب فيها او يزورها
محمود بعصبية : ممكن تورينو الوصية بقا
المحامى : حاضر وشغل شاشة العرض
____________
#وصية منصور السباعى#
ازيكم يا اولادى انتوا لما اشوفو الفيديو ده هبقا انا خلاص مش معاكم انا عارف كويس ان فى منكم فرحانين اوى بخير موتى وفى منكم الى فعلا زعلان على فراقى وعارف انكمل متخانقين وتقريبا مكلمتوش بعض بقالكم 3 سنين علشان كده حبيت اقري ودانكم شوية انا كتبت كل ثروته والاكل بأسم حفيدى مراد محمود السباعى وبأسم حفيدتى سديم ابراهيم السباعى
هما الاتنين بس الى هيقدروا يحصلوا على الثروة ويقدروا يوزعوا الثروة بشرع ربنا عليكم يا اولادى يالى فى منكم ميعرفش ربنا هما هيقدروا يا خدوا الثروة بس فى حالة انهم يطبقوا الشرط ده انهم يتجوزوا ايوا زى مسمعتوا لازم مراد وسديم يتجوزوا علشان تقدروا تاخدوا ورثكم وجوازهم لازم يستمر على الاقل 6 شهور ولو الشرط ده متنفذش كل الثروة هتروح للجمعيات الخيرية والدولة انا عارف انى حرقت دمكم وده المطلوب ابوكم منصور السباعى
____________
الفيديو خلص وكل كان فى حالة صدمة
ابراهيم بعصبية : انا استحالة اجوز بنتى من ابنه ابدا ولو اخر يوم فى عمرى انا مش عايز الميراث
محمود: انت فاكر يعنى ان انا الى هموت علشان ابنى يتجوز بنتك
منى : ابراهيم ممكن انت تكون مش عايز الورث بس احنا عايزينه
فاطمة : منى انتى عايزة اخواتك يقعوا فى بعض علان ورث ملوش لازمة نخسر بعض
منى : ميهمنيش انا عايزة حقى
المحامى :بااااس كفاية خناق وصية المرحوم كانت واضحة لازم سديم ومراد يتجوزوا ويمضوا على ورق استلام الاملاك علشان كل واحد ياخد ورثة وغير كده محدش هياخد حاجة
محمود: لا اكيد بابا اتجنن
المحامى: هوه ده الى عندى ومشى
نهال بنظرة خبث فهمتها منى علشان كده متكلمتش: خلاص يا جماعه احنا مش هنخسر بعض علشان ورث محدش فينا عايزه انا عزماكم كلكم بكرا عندى على الغدا علشان نتصالح ونتفاهم تمام
كلهم : ماشى
منى : نهال انتى مش مطمنانى انتى ناوية على ايه
نهال بخبث عندى خطة علشان ناخد الورث وانتى لازم تساعديني
منى : هعمل اى حاجه علشان الورث ايه الخطة
نهال : الخطة هى......................
تانى يوم عند نهال فى البيت
نهال اخدت ابراهيم على جنب يتكلموا
ومنى اخدت محمود على جنب يتكلموا
نهال : ابراهيم انت بتحب اختك الكبيرة صح يعنى لو طلبت اى حاجه تعمله الى
ابراهيم: اكيد
نهال: انا عايزة اقولك على سر ابراهيم انا عندى ثقب فى القلب ولازم اعمل عملية ضروري ومحتاجه فلوس كتير
ابراهيم: ازاى تخبى عنى حاجه زى ديه انتى عايزة فلوس قد ايه
نهال: كتير اوى بس انا مش عايزة اخدهم منك انا مش عارفه ازا كنت هعيش ولا هموت ومش هعرف ارجعلك الفلوس
ابراهيم: والمطلوب
نهال : انا عارفه انك عادى وحقانى يا ابراهيم ومش هتظلم اخواتك انت عارف اننا لينا حق فى الورث ده بشرع ربنا وانت اكيد مش هتاكل هحقنا ومش هتسيب اختك تموت لازم نجوز سديم ومراد وهما ست شهور بس وبكل الشروط الى انت عايزها ناخد الورث وبعد كده كل واحد يروح لحاله
ابراهيم: ماشى يا نهال بس محمود
نهال : متقلقش انا هكلمها
عند منى ومحمود
منى: بص يا محمود انا عارفه انك هنموت على الفلوس و معندكش مانع تجوز مراد وتبيع سعادته عادى نهال هتقنع ابراهيم تمام وانا بعمل نفسى انى بقنعك انا عارفه انك مقتنع اصلا بس مثل قدام ابراهيم علشان تعرف تحط شروطك هما ست شهر كلنا هستحمل الحوازة دى وبعدين ناخد الملايين وهنتبسط كلنا
محمود: انا موافق طبعا
وحددوا ان الفرح هيتم بعد يومين ومش هي قولوا لاولادهم ولا لمراتتهم حاجة غير يوم الفرح
يوم الفرح الصبح
سديم وقفت على سطح الفلة لا مستحيل اتجوز مراد وقررت خلاص انها تنط وتنتحر وفجأة..........
كاااات..