رواية صفقه ثم عشق الفصل الثامن 8 والتاسع 9 والعاشر 10 والحادي عشر 11 بقلم مريم جلال
#صفقه_ثم_عشق
الفصل_الثامن والتاسع والعاشر والحادي عشر
لما كل واحد نام ف جنب من السرير زين كان عايز ياخد عشق ف حضنه بس استني لما تنام وحقيقي لما حس انها نامت شدها عليه براحه واخدها ف حضنه ونام
ف الصباح استيقظت عشق وجدت نفسها ف حضن زين حست بالامان وقالت ف نفسها انها اول مرة تنام وهي حاسه بالامان
وبصت علي زين لقته نايم وكان شكله طفل أوي وهو نايم ف استغلت انو نايم او بيمثل انو نايم بالاصح ومدت اديها علي شعره وفتح زين عنيه مرة واحدة
عشق ابعدت اديها بسرعه:انا...انا كنت ..اصل شعرك حلو ف ...
زين بضحك:وفيها ايه يعني هضربك مثلا لما تلعبي ف شعري
عشق:مش قصدي كنت افكرك ادايقت او مش بتحب الحركه دة
زين:هو انا عمر ما حد مد ايده علي شعري بس مسموح ليكي
عشق:طبعا نحن نختلف عن الاخرون
زين ضحك وباس راسها وقام:هروح الشغل وهاجي علي العشا ماشي
عشق:متأخرش طيب اصل بخاف اقعد لوحدي ف البيت بليل
زين:حاضر اوعدد هحاول اجي بدري
عشق:زين ممكن معاملتك متتغيرش معايا انا خايفه تمشي وتيجي بليل تعاملني وحش
زين حس بيها:دة كان زمان اوعدك اني هاجي وهتفضل معاملتي ليكي زي ما هي وباس اديها ودخل الحمام
وعشق كانت فرحانه وزين لبس وودعها ومشي راح الشركه
دخل زين المكتب وطلب من مروان يجي المكتب
مروان:قالو انك طلبتني
زين:ااه عشان نراجع الصفقه دي بسرعه يلا
مروان:ماشي يلا
قعدو يخلصو الصفقه
مروان:كدة بقت جاهزة خلاص علي التقديم والتعاقد بس كدة
زين:حلو جدا
مروان:مالك حاسس مزاجك رايق ومبسوط كدة ربنا يبسطك اكتر بس مالك
زين:حقيقي مزاجي حلو لاني صلحت العك الي عملته مع عشق
مروان:عملت ايه
زين:اتأسفت ليها وقولتلها نبقي صحاب لحد ما ناخد علي بعض دة غير اني لو شوفت اخوها هقتله
مروان:ليه
زين:عطاها علقه موت عشان رفضت تتجوزني
مروان:يقوم يضربها بالشكل دة انت حبيتها يا زين
زين:والله ما عارف يا مروان بس ببقي فرحان معاها وببقي علي طبيعتي وبنسي كرهي للستات واي حاجه حصلتلي وانا جنبها
مروان بإبتسامه:يبقي حبيتها حكتلها علي ماضيك
زين:لاء بس وعدتها اني هحكلها لما ابقي جاهز
مروان:قولها قريب عشان العلاقه تكبر بينكوا علي الصدق والثقه بلاش انكو تخبو عن بعض حاجه
زين:حاضر شكرا يا مروان لانك فضلت معايا بطبعي دة بس هحاول اغيره وشكرا انك فتحت عنيا علي حاجات كان لازم اشوفها
مروان:مفيش شكر بين الاخوات صح ولا لاء
زين:بإبتسامه:صح
مروان:امشي انا بقي عشان ورايه مشوار ملوش اي تلاتين لازمه
زين بضحك:ماشي
وخرج مروان وركب عربيته هو كان رايح يراقب سلمي زي ما بيعمل بقاله يومين من ساعه ما شافها لقاها خارجه من الجامعه وبتودع صحابها وراجعه بيتها زي كل يوم لكن اليوم اختلف ف واحد من الكليه واقفها ومروان ادايق جدا وراقبها يشوفها هتعمل ايه الشخص مسك اديها جامد راحت سلمي ضربته بالقلم علي وشه مروان نزل بسرعه قبل ما يضربها عشان هتبقي ليلته سودة لو عملها قرب مروان سمعو وهو بيقول
الشخص:بتضربيني انا وربنا لأوريكي يابنت ال ..
ومكملش كلمته بسبب لكمه مروان ف وشه
مروان:لو سمعتك بتغلط تاني فيها هقتلك فاهم سلمي كانت بتعيط واتستخبت ورا مروان كأنها مصدقت لقت حد تعرفه
مروان بغضب:عملك ايه
سلمي ببكاء:عايز يكلمني وانا برفض وكل مرة يقف يكلمني وانا برفض ف مسكني جامد من ايدي
مروان مسكه من هدومه:عارف لو قربتلها تاني هعمل فيك ايه
الشخص:وانت مالك عاملالي فيها محترمه وانتي مدوراها يا سلمي هانم
مروان:اخرس يا زباله دي محترمه غصب عنك
الشخص:ايوة طبعا لازم تدافع عن حبيبه القلب والله لفضحك عشان عامله فيها محترمه
مروان:اياك تتكلم نص كلمه عن خطبتي فاهم
الشخص:انت خطيبها
مروان:ايوة خطيبها لو سمعت عن مروان المصري انا أهو
الشخص بخوف:حضرتك مروان المصري شريك زين بيه السيوفي
مروان:ايوة شاطر انك عارف وربنا انسفك من علي وش الارض
الشخص:انا اسف واسف يا سلمي هانم
مروان اخد سلمي وراح ركبها العربيه وركب هو
سلمي بغضب:ايه خطيبي دي هقول ايه دلوقتي لصحابي وللناس ايه
مروان:يعني اسيبو يفضحك ف الكليه
سلمي بغضب:كنت هتصرف
مروان بغضب اكثر:كنت هتتصرف ازاي ان شاء الله هاا قولي
سلمي:معرفش بس كنت هتصرف
مروان:وبعدين انا مش بقول كلام وارجع فيه ودة الي كنت عايز افاتحك فيه
سلمي:ايه هو
مروان:تصدقي بالله انتي غبيه انا بتكلم علي موضوع انك تحددي معاد مع مامتك اجي اخطبك فيه
سلمي:شكرا لخدامتك انا مش موافقه انك تتجوزني عشان تبقي قد كلمتك
مروان بغضب:وربنا هسفخك قلم احولك فيه فاهمه انا مش هتغصب علي جوازة فاهمه انا من ساعه ما شوفتك عند زين وانتي مش بتطلعي من دماغي حبيتك امتي وازاي الله اعلم بس الي اعرفه اني قلبي اختارك تكوني شريكه حياتي
سلمي اتكسفت من كلامه وتوترت:طب هحدد..... معاد . م..مع ماما واكلمك سلام ونزلت من العرببه بسرعه
ومروان ابتسم علي خجلها وشغل العربيه وراح الشركه عند زين
عند زين كان بيشتغل وبيفكر ف عشقه هو سماها كدة وهو بيشتغل مروان دخل عليه وهو بيغني
مروان:وهتجوز ااه هتجوز ااه هتجوز
زين:بس يا أهبل
مروان:هتجوز
زين:مين بقي دي
مروان:سلمي ومن غير ما تتكلم هحكيلك
#الفصل_التاسع
مروان:سلمي ومن غير ما تتكلم حكيلك
بعد ما حكاله
زين:بتحبها أوي كده
مروان:مش عارف بس مش قادر اطلعها من دماغي
زين:يبقي بتحبها
مروان:ينهار اسود نسيت اخد رقمها اسألها اجي امتي وكدة اتصل علي عشف خد رقمها
زين بخبث:اتصل عليها ومالو
مروان:هتعمل الي ف دماغي صح
زين:وماله نلعب
مروان:اوعااا ماشي يلا
مروان ف نفسه:اخيرا بدأت ترجع يا زين وبترجع لايام الرخامه يارب عشق تنسيك كل وجع وكل ألم يارب
زين اتصل علي عشق:الو
عشق:الو يا زين
زين:بقولك عايز رقم سلمي
عشق:سلمي ليه
زين:وانتي مالك
عشق بصدمه وغيرة:وانت هتعوز رقم بنت ليه
زين:يعني انا طالب رقم سلمي عشان ايه يعني
عشق بدموع:حاضر ثانيه
زين حس بدموعها وضحك:عشق متعيطيش
عشق بدموع:انا مش بعيط خد اهو
زين بضحك:اهدي والله مش ليا دة لمروان
عشق:مروان ليه
زين:مروان متقدم لسلمي وعايز رقمها عشان يسألها يجي امتي
عشق بفرحه:حقيقي والله
زين:ايوة يلا هاتي الرقم
عشق:خد اهو .......010
زين:تمام انا ساعه وجاي
عشق:ماشي سلام
زين:سلام
مروان بضحك:هي عيطت
زين بضحك:ايوة
مروان:يبقي بتحبك يا زين
زين:انت شايف كدة
مروان:واكتر من كدة مضيعش وقت علي الفاضي وكبر العلاقه بينكوا مش هقول تاني سلام
زين:مروان عندو حق
بعد ساعه زين جهز نفسه عشان يروح وبالفعل روح
عند سلمي
سلمي بتوتر:ماما
مامت سلمي:نعم يا حببتي
سلمي:عايزة احكيلك حاجه
مامت سلمي:قولي
سلمي حكت لمامتها الي حصل وان مروان طالب اديها
مامت سلمي:امم ماشي اشوفه قوليلوا يقدر يجي بكرة علي المغرب واقعد معاه
سلمي:هو صاحب زين جوز عشق
مامت سلمي:تمام يا حببتي ادخلي نامي انتي والي ربنا كاتبه هيحصل
عند زين
زين دخل البيت:عشق انا جيت عشق يا عشق
زين ملقاش رد منها ف قلق
زين بقلق:عشق يا عشق وطلع يجري علي فوق ملقهاش ف الخوف تملكه كله وكل الي ف دماغو ان خسرها وهو مش متقبل ان حتي عشف هيخسرها ميقدرش ونزل تاني جري ملقعاش وقاعد ينادي علي اسمها لقاها داخله من الجنينه بتاعت البيت
زين طلع يجري عليها حضنها جامد وكأنه لقي ملجأه
عشق مستغربه:مالك يا زين وانت جيت امتي
زين:حرام عليكي يا عشق انا جيت ملقتكيش قعدت انادي علي اسمك مردتيش وطلعت دورت عليكي فوق ملقتكيش بردو خوفت أوي لأكون خسرتك انتي كمان
عشق حست بخوفه:انا هنا متخافش انا كنت بشوف الجنينه ولقيت فيها ورد عجبني أوي أوي
زين بعد عنها وبص علي لبسها:انتي طلعتي كدة الجنينه
عشق:محدش هيشوفني اصلا
زين بغيرة:بردو افرضي حد شافك بعد كدة تبقي تحطي الحجاب علي راسك قبل ما تطلعي فاهمه
عشق بضحك:يالهوي عليك بتقلب ف ثانيه وغيرتك صعبه يا زين
زين:انا مش بهزر يا عشق ردة فعلي المرة الجايه مش هتعجبك
عشق:خلاص والله اوعدك مش هطلع تاني كدة
زين:شاطرة يلا انا واقع من الجوع
عشق:من عنيا
عند مروان قاعد ف البيت ومتوتر
مروان:ارن ولا مرنش اووف ياربي انا هرن والي يحصل يحصل
رن مروان
سلمي:الو
مروان:الو يا سلمي انا مروان
سلمي بخجل:احم استاذ مروان اهلا ازاي حضرتك
مروان:بكلمه منك هبقي بخير مامتك وافقت اني اقابلها
سلمي بخجل:ايوة
مروان بتنهيده:كدة اقدر اقولك انا بخير الحمدلله
سلمي:انا هضطر اقغل
مروان:سلام يا حرم مروان المصري قريبا
سلمي بخجل:س...سلام وقفلت
مروان بفرحه:الحمدلله ونزل جري لأمه
مروان بصراخ:ماما اما ماميتو يا حجه يالي كان متجوزها ابويا يا مرات ابويا يا وليه ما تردي
ام مروان:حدفت عليه الشبشب اديني فرصه ارد عليك يا زفت
مروان:اتفضلي شبشبك يا ست الكل
ام مروان:هات الي عندك
مروان:قفشاني يا مامتي المهم انا هتجوز
ام مروان:سخيفه النكته دي شوف غيرها
مروان:يا اما والله ما بهزر هتجوز
ام مروان بفرحه:حقيقي يا مروان يا ما انت كريم يارب مين دي الي جننت ابني
مروان:من ناحيه جننتني ف هي فعلا جننتني بصي زين انتي عارفه انو اتجوز من اسبوعين كدة
ام مروان:ايوة
مروان:المهم صحبت مراته اسمها سلمي شوفتها عندهم مرة ومن ساعتها مش بتطلع من دماغي انا حددت معاد مع مامتها بكرة ف المغرب هتبقي معايا يأمي صح
ام مروان:اكيد يا حبيبي هبقي معاك طبعا ربنا يتمملك علي خير يا مروان يارب
مروان:ربنا يخليكي ليا يا قلبي وحضنها جامد
عند زين
زين:الله الاكل تحفه تسلم ايدك
عشق:بالهنا والشفا
زين قام يغسل ايده وعشق قامت تلم الاطباق وغسلت الاطباق وطلعت الاوضه لقت زين نايم علي السرير
زين:تعالي يا عشق
عشف راحت نامت جنبه وزين قعد يلعبلها ف شعرها
زين:مروان حدد معاد مع سلمي وهيروح بكرة علي المغرب يتقدم وطلب مني أجي معاه
عشق:ممكن أجي معاك عايزة ابقي مع سلمي
زين:ماشي نروح مع بعض
#يُتبع
#صفقه_ثم_عشق
#الفصل_العاشر
ف الصباح استيقظ زين لقي عشق نايمه زي الاطفال ف صحاها
زين:عشقي عشق
عشق بنعاس:حاضر هشش بقا
زين بضحك:بتقوليلي هش
عشق بنعاس:اطلع من دماغي بقا بقولك
زين حب يصحيها بطريقته ومثل الغضب:عشق اصحي بقولك وحاسبي علي كلامك
عشق قامت مرة واحدة:انا اسفه يا زين كنت نعسانه والله مأخدتش بالي
زين كمل التمثليه بتاعتو بس جواه ميت ضحك ومردش عليها وبصلها بغضب مزيف
عشق خافت ليقلب ويعاملها وحش تاني راحت معيطه:انا اسفه عشان خاطري متقلبش عليا وتعاملني وحش ارجوك وراحت مسكت ايده تبوسها ولسه هتبوسها زين سحب ايده بسرعه وهي لسه بتعيط
زين:اهدي يا عشق انا كنت بهزر معاكي
عشق وهي بتعيط زي الطفله:لاء انتي هتسبني وتضربني وتعاملني وحش تاني
زين:والله ما زعلان ولا هسيبك ولا هاعملك وحش والله انا بهزر والله مالك بس انا حاسس اني بحايل بنت أختي
عشق بطلت عياط ورموشها مبلوله من الدموع وعنيها حمرة وخدودها حمرة من العياط زين بصلها وضحك
عشق:يعني ... شهقه .. مش زعلان مني
زين بضحك:لاء والله بهزر وبعدين انتي شكلك قمر وانتي معيطه كدة بخدودك الحمرا دي ومناخيرك دي وباس خدودها ومناخيرها وبعد كدة اياكي يا عشق اياكي تبوسي علي ايدي تاني فاهمه
عشق:ما انا كنت عايزاك تصالحني وخلاص
زين:مش انك تبوسي ايدي اياكي تعملي كدة تاني
عشق:بس انت جوزي وعادي اعملها
زين:لاء متعمليهاش فاهمه
عشق بإبتسامه:فاهمه
زين:يلا قومي خدي شاور كدة عشان نجهز نروح مع مروان
عشق:علم وينفذ يا فندم وجرت علي الحمام
زين ف نفسه:انا بقيت بحبها بس خايف اعترف ونعيش حلو وتعمل حاجه توجعني تاني حقيقي يارب انا مش حمل وجع تاني وخاصه منها انا ممكن اكون حبيت صافي بس انا بعشق عشق والله وجرحها هيبقي موتي ياارب
وقام هو كمان راح ياخد شاور ف حمام اوضته
عند مروان
مروان كان فرحان جدا وقام يجهز نفسه ويتصل علي زين
مروان:الو يا زين
زين:ف ايه
مروان:انا متوتر جدا
زين:متخافش ان شاء الله خير
مروان:معلش انا عارف اني متقل عليك بس انا مقدرش اروح من غيرك طول عمرك معايا
زين:بطل هبل يا مروان احنا اخوات واكيد هبقا معاك واتصلت علي بابا علي فكرة قالي انو هينزل قبل خطوبتك عشان يبقي معاك
مروان:شكرا جدا يا زين
زين:هقفل ف وشك فاهم وااه انا جايب عشق معايا عشان سلمي
مروان:حبيبي يا زين اروح اجهز انا ساعتين وتبقا عندي فاهم
زين:حاضر يا مروان باشا سلام
مروان راح يجهز نفسه وراح يشوف امه
عند زين
عشق:مين الي كنت بكلمه
زين:مروان بيأكد عليا اصله متوتر
عشق:زين اوعي مروان يزعل سلمي سلمي طول عمرها معندهاش ضهر ابوها مات وهي عندها 7 سنين امها بقت كل حاجه ف حياتها اكيد مروان هيعوضها بس أوعي يزعلها
زين:متخافيش مروان راجل يعتمد عليه انا بقولك وعمرو ما هيزعلها
عشق:ان شاء الله يلا عشان تاكل
زين:ماشي
عند سلمي
سلمي قاعدة متوترة جدا جدا
مامت سلمي:اهدي يا حببتي متوترة ليه
سلمي:مغيش مش عارفه يا ماما والله
مامت سلمي:سلمي هسألك سؤال وتجاوبيني بكل صراحه انتي بتحبي مروان او حتي معجبه بيه
سلمي:مش عارفه بس بحس براحه معاه عارفه يا ماما لما جه انقذني من الشاب بتاع الجامعه اول ما شوفته حسيت اني ف أمان ومحدش هيقدر يأذيني وصليت استخارة امبارح وصحيت مبسوطه ومرتاحه وهصلي تاني بعد ما نقعد مع بعض
مامت سلمي:ان شاء الله خير يا حببتي ويكون ليكي سندك ف الحياة
سلمي حضنت مامتها:ويخليكي ليا يا حببتي
بعد مرور ساعتين
عند زين
زين:يالي يا عشق مروان هيقتلنا والله
عشق بضحك:خلاص جهزت أهو
عشق كانت لابسه دريس بنفسجي وعليه طرحه بيضا وكوتشي ابيض كان شكلها تحفه
زين بشرود:ايه القمر دة
عشق بكسوف:مش للدرجادي
زين:والله قمر وقرب منها وباس راسها حطي ايدك وانكجها وعشق كانت مكسوفه لان دي أول مرة تطلع معاه
وصل زين وعشق لبيت مروان ومروان كان مستنيهم قدام البيت بعربيته ومامته معاه
مروان بغضب:ما لسه بدري يا زين
زين:وانت واحشني اكتر والله يا ابني والله عشق الي أخرتني ونزلت عشق ووقفت جنب زين
عشق برقتها المعتادة:انا أسفه يا استاذ مروان انا الي أخرته
مروان بضحك:لاء خلاص سماح ليكي المرادي
زين بغيرة:لاء والله اجبلكوا اتنين لمون
مروان:بتغيري يا زوزة يا حلوة
عشف بضحك:زوزة
زين بغضب وغيرة:عجبتك أوي
مامت مروان:ايه يا زين مش تسلم عليا
زين:أسف يا أمي وحشتيني والله وحضنها
مامت مروان:وانت اكتر يا حبيبي وبصت علي عشق وكملت متقولش ان دي مراتك
زين بضحك:للأسف ايوة هي
مامت زين:بسم الله ما شاء الله انتي جميله أوي
عشق بخجل:شكرا يا طنط
مامت مروان:لاء اسمي ماما اسمك ايه
عشق:اسمي عشق
مامت مروان:عرفت تتجوز صح المرادي يا زين
عشق بصتله بصدمه
زين غير الموضوع لانو شافها مصدومه:يلا يا أمي اركبي
وركب زين وجنبه عشق وهي شاردة وبتفكر:زين كان متجوز قبل كدة طب مقاليش ليه حتي المفروض ابقا عارفه
وزين أخد باله انها سرحانه وزعل لانها اكيد زعلانه وعندها حق انها زعلانه انو جوزها يبقي متجوز قبل كدة وهي متعرفش وقرر انهم لما يروحو يحكيلها كل حاجه
#الفصل_الحادي_عشر
وصلو عند بيت سلمي وكلهم طلعو وكانت عشق ساكته مش بتتكلم خالص وزين كان حاسس بيها وبزعلها
دخلو عند بيت سلمي ومامت سلمي استقبلتهم وقعدو ف الصاله
مامت مروان:طبعا انتي عارفه سبب اننا هنا ليه
مامت سلمي:ااه عارفه
مامت مروان:ندخل ف الموضوع مروان ابني شاف بنتك مرتين حبها وحبينا ندخل البيت من بابه مروان ابني شريك زين ف شركات السيوفي اكيد حضرتك سمعتي عنها ابني راجل يعتمد عليه مش عشان ابني لاء والله بس انا عارفه انا بقولك ايه
مامت سلمي:انا شايفه مروان ابني راجل بردو وسمعت عنه اكيد انا موافقه بس سلمي هي الي تقول مش انا
مامت مروان:اكيد بس انا عايزة اشوف عروستي
مامت سلمي:اكيد طبعا نادت مامت سلمي علي سلمي وجات عشق كانت معاها جوه
دخلت سلمي بشربات ف اديها وسلمت علي الكل
مامت مروان بإبتسامه:بسم الله ما شاء الله يا زين ما اخترت يا ابني والله جميله أوي ما شاء الله
سلمي بخجل:مرسي يا طنط
مامت مروان:نسبهم مع بعض شويه
كلهم قامو وسابوهم لوحدهم
مروان:مبسوطه يا سلمي
سلمي بصتله بخجل ومردتش
مروان:مترديش بس انا عايز اقولك انا بحبك جدا ونفسي تكوني مراتي جدا وطبعا الموفقه ف ايدك انا قد زين ف السن وعندي 29 سنه
سلمي بخجل:الي فيه الخير ربنا يقدمه انا هصلي استخارة وهرد عليك
مروان:ماشي ونسبهم مع بعض ونروح لزين الي أخد عشق وقفو ف البلكونه
زين:مالك يا عشق ساكته ليه
عشق:مفيش هتكلم أقول ايه
زين:ماشي يا عشق عشان دة مش وقت كلام لما نروح
عشق بشرود:ان شاء الله انا هروح لطنط وسابته ومشت
وهو اتخنق ووقف يبص من البلكونه ودخل مروان ليه
مروان بمرح:انت فاكرها بلكونه امك يلا هنروح
زين:يلا
مروان بجديه:مالك يا زين
زين:عشق لما ماما قالت عرفت تتجوز المرادي عشق عرفت اني كنت متجوز قبل كدة وساكته ومش بتتكلم معايا
مروان:عندها حق يا زين لما تعرف ان جوزها كان متجوز قبل كدة وهي اخر من تعلم اكيد هاتزعل احكيلها يا زين بقي وخلص
زين:ما انا لازم احكيلها حقها لازم تعرف
مروان:صح كدة يلا عشان نمشي
زين:يلا
ركب زين العربيه وجنبه عشق مش بتتكلم بردو وفضلو كدة لحد ما وصلو البيت دخلت عشق بسكات وطلعت الاوضه دخلت الحمام غيرت هدومها وريحت علي السرير
زين:عشق مش بتتكلمي معايا ليه مش انا قولتلك لما ابقا جاهز هبقي احكيلك
عشق:بس تطلع متجوز وانا معرفش دة وجعني طب قولي لكن متحكيش
زين:عندك حق تزعلي بس انا جاهز احكي
عشق:انا سمعاك
زين قعد قدامها واتنهد:الحكايه بدأت وانا ف كليه كانت بنت عمي وكانت عايشه معانا عشان عمي كان بيسافر كتير وكانت مامتها متوفيه اتعلقت بيها وكنت اكبر منها ب 5سنين حبينا بعض سنتين ولما اتخرجت وعملت شركات السيوفي اتجوزتها اتغيرت وانا كنت بقول عادي عدي شهر علي جوازنا ومرة كنت ف اجتماع برة مصر وقعدت فيه اسبوع ورجعت بدري وكنت عايز اعملها مفاجأة برجوعي وكدة دخلت البيت لقيته هادي استنتجت انها نايمه طلعت اوضتنا ولما قربت سمعت صوت راجل كدبت وداني ودخلت سكت زين وعنيه دمعت
عشق بهدوء:كمل يا زين
زين كمل:دخلت لقيتها مع ابن خالتها ف اوضة نومنا
اتخضت لما شافتني وقعدت تقولي ان هو شربها حاجه انا محستش بنفسي غير وانا بضربها وبضربه وطلعتهم بره بمنظهرهم دة وقفلت الباب ف وشهم الموضوع دة عدي عليه 3سنين من ساعتها وانا بكره صنف الستات كلهم
عشق كانت بتعيط زين افتكر انها بتعيط علي الي حصله
عشق ايوة كانت بتعيط علي الي حصله لكن كانت بتعيط علي انها عمرها ما هتوصل لحبه زيها ابدا وافتكرت انو لسه بيحبها وان الحب الاول مش بيتنسي بسهوله
زين اخدها ف حضنه:اهدي يا عشق عشان خاطري
عشق بعدت عنه ومسحت دموعها:انا مش زعلانه خلاص احنا صحاب وكلها 6 شهور ونتطلق
زين:انتي عايزة تطلقي
عشق:انت قولت بتكره كل الستات
زين:ما عدا انتي
عشق:ماشي انا عايزة انام
زين استغرب:ماشي تصبحي علي خير
عشق بتعب:وانت من أهله ونامت علي حرف السرير وهو نام علي الجنب التاني وكان مستغرب ردة فعلها ولحد ما نام هو كمان
وصحو تاني يوم زين صحي ملقاش عشق جنبه اخد شاور ولبس ونزل لقاها عامله الفطار ومجهزاه
زين:ايه الروايح الحلوة دي
عشق ببرود:بالهنا والشفا
زين أكل ومشي وهو مستغرب تعاملها معاه
عند عشق
عشق قاعدة تعيط:ايه يا عشق كنتي مستنياه يقولك بحبك هو اكيد مش بيحبك اكيد لسه بيحبها و مشتقلها واكيد لو روجعت هينسي ويسامحها عشان كدة متسبيش قلبك يتعلق بيه اكتر من كدة
قاطعها رن تليفونها برقم سلمي
عشق بصوت باكي:ايوة يا سلمي
سلمي:انا وافقت علي مروان
عشق:الف مبروك يا حببتي ربنا يتتملك علي خير
سلمي:صوتك معيط مالك
عشق:مغيش
سلمي:قولي يلا
عشق عيطت:وحكتلها كل حاجه طلع كان متجوز اكيد مش هيحبني اكيد مش هوصل لقلبه اكيد
سلمي:انتي بتحبيه يا عشق
عشق:ايوة حبيته اعمل ايه الوحيد الي عاملني حلو اعمل ايه
سلمي:يمكن يكون بيحبك يا عشق
عشق:يا سلمي بقولك كان بيعيط وهو بيحكي اكيد لسه بيحبها مشتقلها اكيد
سلمي:ربنا يعدل الحال يا عشق انا حاسه انو بيحبك
عشق:انسي يا سلمي هنتطلق بعد 6 شهور وهرجع تاني لحياتي القديمه
قفلت عشق مع سلمي وعشق قعدت تعيط وتقول انها مش مكتوب عليها تعيش مع الي بتحبهم او تعيش مبسوطه