رواية صفقه ثم عشق الفصل الثاني عشر 12 والثالث عشر 13 والرابع عشر 14 والخامس عشر 15 بقلم مريم جلال
راح زين المكتب بتاعه وهو بيفكر ليه عشق اتغيرت وبقت تتكلم ببرود وحطت حدود بينهم ليه وليه بقت تقول انها كلها 6 شهور ويطلقوا كان هيتجنن ليه مع ان المفروض انو حكالها الحقيقه المفروض تفرح وتعامله حلو دماغه كانت هتفرقع من التفكير دخل مروان عليه لقاه قاعد سرحان وبيفكر
مروان بمرح:زوزة بقت تحب وتفكر ف عشقها
زين بهدوء:اقعد يا مروان دماغي هتفرقع من التفكير
مروان:مالك يا زين احكيلي
زين:انا حكيت لعشق كل حاجه وحكاله زين كل حاجه وردة فعل عشق
مروان:لما حكيتلها كنت متأثر وبتعيط يا زين
زين:انت عارف اني لما بفتكر بتألم يا مروان واكيد دمعت لما افتكرت الموقف
مروان:انت غبي أوي يا زين لما تحكي لمراتك حاجه قديمه وتبقا موجوع بسببها وبتعيط قدامها هتفهمها بطريقه واحدة
زين بعدم فهم:ايوة هي كانت بتعيط بس اكيد عيطت علي الي حصلي بس بعد كدة قالتلي انها عايزة تنام
مروان:زين هي عيطت ااه عليك لكن مش اوي
زين:مش فاهم
مروان بتنهيدة:زين عشق لما شافتك متأثر وبتعيط افتكرت انك بتعيط علي مراتك او انك لسه بتحبها ومشتقلها وهي فسرت عياطك كدة لانك لحد دلوقتي معترفتش ليها بحبك هي فاكرة انها مش هتعرف توصل لقلبك بالاختصار يا زين هي مفكراك مشتاق لمراتك القديمه ولسه بتحبها
زين بسرحان:مجاش علي بالي خالص كدة يا مروان تصدق عندك حق عشان كانت بتعيط بحزن غريب وحطط بينا حدود كمان
مروان:يا زين عشق حبتك يا زين اعترفلها وعيش حياتك انسي كل حاجه وابدأ من جديد مع عشق ماشي يا زين
زين:عندك حق حاضر المهم بابا جاي بعد يومين خلاص عشان يحضر خطوبتك
مروان:ايوة الخطوبه يوم الخميس الجاي
زين:ربنا يتمملك علي خير
طلع مروان وراح مكتبه ورن علي سلمي
مروان:الو
سلمي:الو
مروان:ازيك يا سلمي عامله ايه
سلمي:بخير الحمدلله انت عامل ايه
مروان:الحمدلله وحشتيني
سلمي اتكسفت ومردتش
مروان بمرح:مترديش بس يوم الخميس هخليكي تردي غصب عنك ااه انا هتفق مع امك هنخليه كتب كتاب وخطوبه واتجوزك لما تخلصي السنه الاخيرة ليكي ف الكليه
سلمي اتكسفت جامد:انا هقفل
مروان:استني علي فكرة انا بحبك مش هتقوليها
سلمي بكسوف:هقولها يوم كتب الكتاب سلام
مروان:اتقل يا جميل سلام
عند عشق
قاعدة عشق ف الصاله لوحدها سرحانه وقاطعها تليفونها وهو بيرن كانت امها
اخدت عشق التليفون بسرعه:الو يا ماما
مامت عشق بدموع:قلب ماما وحشتيني أوي يا حببتي نفسي اشوفك
عشق بدموع:متجيلي يا ماما
مامت عشق:هحاول اتصرف واجيلك يا حببتي هقفل معاكي دلوقتي يا حببتي
عشق:ماشي يا ماما سلام
قفلت عشق التليفون مع امها وقعدت تعيط ان ابوها واخوها معبروهاش ومسألوش فيها
جه الليل وروح زين البيت وهو بيقول لنفسه انو لازم احل الموضوع دة ونعيش عيشه طبيعيه انا بقيت بحبها
ودخل زين البيت لقي عشق بتحط الاكل علي السفرة
زين:انا جيت
عشق ببرود:حمدلله علي السلامه الاكل جاهز
زين:ماشي طلع زين غير هدومه ونزل أتعشو وعشق لمت الاطباق غسلتها ولقت زين قاعد ف الصاله
عشق:زين عايز حاجه
زين:ااه تعالي اقعدي
قعدت عشق جنبه علي الكنبه
زين:عشق مالك حاطه حدود بيني وبينك ليه
عشق:انا محطتش حدود بس احنا متجوزين كدة وهنطلق
زين:انا مش هطلقك يا عشق
عشق بصتله ودمعت وسكتت
زين:عشق صافي مراتي انا مش بحبها ولا اشتقتلها انا مكرهتش قداها ف حياتي ممكن اكون اتعلقت بيها زمان لكن طلعت مكنتش بحبها انا مش زعلان عليها انا زعلان علي انها خانتني لكن هي تولع انا الموقف كان صعب لكن هي مبقتش حاجه ف حياتي خالص انا نستها لكن مش ناسي الموقف والله
عشق حست بفرحه ف قلبها:ليه بتبررلي موقفك انا مالي
زين:لاء يا عشق ليكي ليكي انك مراتي ومن حقك تعرفي اني مش بحبها ولا هشتقلها خالص
عشق بدموع:عادي يا زين كلها 6 شهور وهنتطلق
زين بغضب:مش هطلقك يا عشق
عشق:ليه
زين بغضب:عشان بحبك يا عشق انا لو قارنت حبي ليكي مع حبي لزفته الي كنت متجوزها يبقي عمري ما حبيتها افهمي بقا
عشق بصدمه:ايه
زين قرب منها:يا عشق انا بحبك انا مصدقت قلبي اتفتح واتفتح علي ايدك بتحبيني يا عشق
عشق بدموع:أكدب عليكي لو قولتلك لاء عشان انت الوحيد الي عاملتني حلو بس ايوة بحبك بس اوعي يا زين تكون بتشفق عليا قول عادي انا اتعودت علي كدة والله
زين:والله بحبك جدا تعالي نعيش عادي زي اي اتنين اتجوزو وحبو بعض موافقه يا عشق
عشق:اكيد يا زين موافقه
زين:طب يلا ننام انا نعسان أوي
عشق:زين هي دي كانت اوضتكوا
زين:انا بعت البيت الي كنت قاعد فيه معاها من زمان يا عشق
عشق:تمام يلا ننام
#الفصل_الثالث_عشر
صحي زين الصبح وكانت عشق نايمه جنبه وكان فرحان جدا انو اخيرا اعترف بحبه ليها وهيعيشو بطبيعيه بس أخد قرار انو هياخد حقها من ابوها واخوها علي ضربه ليها بسبب العلامات الي لسه معلمه ف جسمها لحد دلوقتي
زين بصلها لقاها نايمه بكل برأة ف عايز يصحيها
زين:عشقي عشق حببتي
عشق فتحت عنيها بصت لزين:صباح الخير
زين:صباح النور يا قلب زين
عشق:لاء وزع كلامك علي مراحل انا مش قد الكلام دة انا عمري ما سمعته ف حياتي
زين:معايا انا هتسمعي أكتر من كدة ف اتعودي بقا يلا عشان لو أخرت مروان هيفضحني
عشق:ااه صح الخطوبه امتي
زين:يوم الخميس وااه صح بابا جاي بكره
عشق:الله عمو جاي وحشني أوي
زين:عادي لو قعد معانا اصل بابا انا مليش غيره
عشق قاطعته:انت بتهزر يا زين طبعا هيقعد معانا ولو كنت قولت هيمشي كنت همشي معاه عمو هيقعد معانا واشيلو فوق راسي
زين بصلها واحترمها اكتر:ربنا يخليكي ليا هقوم أخد شاور وتحضيري الفطار انا واقع من الجوع
عشق:من عنيا
قام زين ودخل الحمام وهو بيفتكر مراتو صافي لما رفضت رفض تام ان ابوه الي هو عمها يقعد معاهم كانت بتخليي باباه يقعد ف بيت تاني غير معاهم وعرف ان مش كل الستات زيها ف ناس زي عشق كدة ودخل الحمام
عند عشق نزلت حضرت الفطار وحطته علي السفرة وكانت مستنيه زين
بعد فترة صغيرة نزل زين ببدلته الرمادي
زين قرب من عشق:ايه الريحه الجميله دي
عشق:يلا عشان تاكل بالهنا والشفا
قعد زين ياكل هو وعشق
زين:الحمدلله تسلم ايدك ومسك اديها وباسها
عشق مسكت ايده وباستها:بالهنا والشفا
زين بحده:عشق انا قولت ايه يا عشق علي بوس ايدي
عشق:لاء انا حرة اشمعنا انت تبوس ايدي وانا لاء انا بقا هبوس ايدك براحتي انت جوزي وحبيبي وبراحتي بقا وأهو راحت باستها تاني
زين:انتي قولتي ايه
عشق بخبث:ايه
زين:الي انتي قولتيه دلوقتي بطلي رخامه
عشق برخامه:جوزي
زين:الي بعديها
عشق بمكر:مش فاكرة
زين بتذمر:طيب انا ماشي
عشق بضحك:اهدي يا زين بهزر جوزي وحبيبي وروحي وقلبي وكل حاجه ف حياتي
زين:اخيرا الواحد بيشحت منك الكلام
عشق:يلا بقا علي شغلك
زين:ماشي هتروحي مني فين جايلك بليل وهعلمك الادب
عشق بضحك:ماشي سلام
ومشي زين وراح الشركه دخل المكتب لقي مروان قاعد ف المكتب اول ما زين شافه
زين:مصايبووو عايز ايه
مروان:حبيبي يا زين نورت تعالي اقعد واقف ليه راح نغض الكرسي
زين واقف يتفرج عليه ورافه حاجبه:هات الي ف بطنك عايز ايه
مروان:انا يبني هكون عايز منك ايه يعني غير اني جاي اقولك اني مش هاجي الشغل انهاردة عشان هننزل ننقي الشبكه احياة احياة عيالك يارب تقول لعشق بحبك وتعيشو ف سعادة
زين:بااااااااااس ايه ومش عايز دعوتك عشان اتحققت خلاص
مروان:بطل هزار..... ايه حقيقي الي سمعته
زين:ايوة
مروان:اعترفت لعشق
زين:ايوة
مروان:اخير الجبل اتحرك اخيرا والله يا ابني كان ابغي ازغرط بس استحي
زين:المهم من غير شحاته مفيش خروج رخامه
مروان لف لزين وقعد قدامه ف الارض:ايها الملك زين انا بطاطا تحت رجليك"من فيلم سمبا هاا😂"
زين ضحك جامد:طب قوم يا متخلف روح ياعم انا بهزر
مروان قام باس زين ف خده جامد:انا ديما بقول انا مطلعتش من الدنيا غير بزين
زين:الله يقرفك يلا من هنا
مروان طلع يجري وخرج
زين:وربنا عبيط وعندو طفوله متأخره
عند مروان راح لسلمي واستأذن ينزل يشتري الشبكه وامها وافقت
ونزلو
مروان فتح لسلمي العربيه:اتفضلي يا اختااااه
سلمي:طيب يا أخويه
مروان ركب جنبها وشدها من الشنطه:اخوكي مين يابت
سلمي:بقولك ايه سيب الشنطه وألا هديك بالشنطه علي دماغك
مروان فضل يدور ف العربيه
سلمي:بتعمل ايه
مروان زاحها شويه كدة:اوعي بس كدة بدور علي سلمي ما شوفتيهاش
سلمي بصتله:مروان
مروان:قلبه يا ناس اول مرة اعرف اني اسمي حلو كدة قوليه تاني
سلمي:يا زفت
مروان:شكرا نروح نجيب الشبكه عشان مغيرش رأي
سلمي:تعمل ايه يا مروان
مروان:قصدي اتجوزك يا عيون مروان سامحني يارب علي الكدب
سلمي:بقا كدة طيب انا نازله
مروان قفل العربيه:تعالي هنا يابت وربنا اديكي قلم يلوحك دلوقتي فاهمه ولا لاء سمعاني وكان صوته عالي
سلمي:حاضر
مروان بص قدامه وعدل التيشرت:شوفتيني وانا سخسيتي قويه بس ايه رأيك انفع
سلمي بضحك:سخسيه طب اتنيل
مروان:حبيبي تسلم
وركبو وراحو عند الراجل بتاع الدهب دخلو مروان وداها عند راجل نضيف أوي وغالي
سلمي بتهمس:يا مروان المكان غالي أوي يلا نمشي
مروان بصلها ومردش عليها:عم محمد
عم محمد:مراد باشا المصري مشرفنا اهلا بحضرتك
مروان:اهلا بيك يا عم محمد عايز أحسن طقم عندك للقمر دي
سلمي اتكسفت وسكتت
عم محمد:حظك يا مروان بيه انهاردة جالنا اطقم جديدة أوي بس ألماظ مش دهب
مروان:وريني وماله القمر ميلبسش غير الماظ احب اعرفك خطبتي سلمي
عم محمد:مبروك يا زين ما اخترت ثانيه وجاي
سلمي بغضب:مروان الماظ ايه الي ألبسه اكيد غالي لاء يا مروان
مروان:اسكتي يابت انا لو فيه حاجه أغلي من الالماظ كنت جبت
سلمي اتكسفت وسكتت عم محمد جه وف ايده اربع اطقم الماظ غايه ف الجمال فرجهم لسلمي وعجبها كلهم بس فيه طقم شدها أوي أوي بس كان أغلي واحد متكلمتش ونقت الرخيص شويه
مروان اخد باله انها منزلتش عنيها من علي الطقم دى وعرف انها اختارت دة عشان رخيص لكن
مروان:بس انا شايف ان دة أحلي وهيبقا جميل عليكي
سلمي:لاء عادي دة حلو
عم محمد:مروان بيه عندو حق يا بنتي دة أحسن طقم
مروان:بس خلاص انا أخدت الطقم دة يا عم محمد خديه يا سلمي وانا هحاسب واجيلك
اخدت سلمي الطقم وكانت فرحانه أوي لانو كان عاجبها أوي وبعد كدة عيطت لحسن مروان يفتكر انها كلبه فلوس
خرج مروان لقاها بتعيط جري عليها:مالك يا حببتي حد دايقك
سلمي بعياط:لاء بس خد الطقم رجعه اكيد بتقول دلوقتي اني كلبه فلوس ومصدقت مسكت فيه
مروان ضربها علي دماغها:بطلي هبل انا عمري ما أقول عليكي كدة وبعدين انا الي منقيه ليكي وانا لو اطول اجبلك حته من السما كنت جبتلك اركبي يا سلمي
سلمي بصتله بفرحه وركبت العربيه وروحها البيت
#يُتبع
#صفقه_ثم_عشق
#الفصل_الرابع
رجعت سلمي البيت وفرجت امها علي الطقم وكانت فرحانه جدا ومامتها كانت فرحانه لفرحتها جدا
مامت سلمي:ربنا يفرحك يا بنتي اكتر واكتر
سلمي:ربنا يخليكي ليا يا ماما
عند مروان
مامت مروان:انت جيت يا حبيبي
مروانة:ايوة يا امي
مامت مروان:عملت ايه يا حبيبي اوعي تكون زعلتها ومخلتهاش تنقي الي هي عايزاه
مروان:لاء دة انا جبتلها طقم اللماظ جميل عارفه يا امي كانت رافضه جدا ونقت ارخص طقم وهي كانت هتموت علي الطقم التاني وكان غالي وانا اخدتو غصب عنها ولقيتها بتعيط عارفه ليه عشان خايفه افتكرها كلبه فلوس وكده
مامت مروان:غلبانه أوي يا ابني ملهاش أب مكسورة خليك ديما ف ضهرها وعوضها وجبلها الي نفسها فيه وبرافو عليك علي الي عملته انهاردة
مروان باس ايد مامته:ربنا يخليكي ليا ياأمي
مامت مروان:ويخليك ليا يا حبيبي
عند زين كان قاعد ف المكتب ودخلت واحدة لابسه لبس مش ملبوس
زين بقرف:مين انتي
الفتاة:انا نهال سكرتيرة حضرتك مستر زين
زين بقرف:ابقي اللبسي لبس يليق بالشركه فاهمه انتي مش جايه كباريه
نهال بدلع:اوامرك مستر زين
زين:عايز ملف الصفقه الروسيه
نهال جابت الملف وعطتو لزين وقصدت تلمس ايدو
زين بعد ايده بسرعه:بقولك ايه يبقي فيه حدود بيني وبينك فاهمه
نهال برقه مصطنعه:اوامرك وطلعت
زين:ايه القرف دة ليه ميبقاش كلهم زي عشق محجبه جميله طفله نقيه طيبه ليه مش كل البنات كده اما وحشتني أوي أرن عليها
رن زين عليها
عشق بصوتها الرقيق:الو
زين:يالهوي علي الو الي هتموتني ف يوم من الايام
عشق:بعد الشر يا زين متجبش سيرة الموت
زين:يالهوي علي زين طالعه من بوقك قمر
عشق بخجل:زين هتتكلم بأحترام ولا لاء
زين:ف واحدة تقول لجوزها كده طيب يا ستي لاء وحشتيني قولت اكلمك انا غلطان
عشق:لاء وانت كمان وحشتني جدا
زين:معلش علي العشا كدة انا جاي
عشق:بعيد بس ماشي مستنياك سلام
زين:سلام
قفل زين مع عشق وكمل شغله عشان يروح لعشقه
عند عشق قفلت التليفون ومبتسمه لان زين بقي جوزها حبيبها لكن قاطع تفكيرها رنين هاتفها برقم امها
عشق بلهفه:الو يا ماما
ام عشق:عشق ابوكي واخوكي هيجو ليكي بليل وانا بردو جايه انا قولت عشان تعملي حسابك
عشق بدموع:انا مش عايزاهم يجو
ام عشق بدموع:معرفش افتكروكي ليه بس اكيد اخوكي عايز فلوس ولعب ف عقل ابوكي
عشق بدموع:ماشي يا ماما
قفلت عشق وقعدت تعيط وتقول لنفسها:ليه جايين يفتكروني دلوقتي يعني ارن علي زين لازم يبقا معايا انا هخاف اقابلهم لوحدي
رنت عشق علي زين
استغرب زين لانو لسه قافل معاها
زين:الو ايه لحقت اوحشك
عشق ببكاء:زين
زين زقف مكانه بسرعه:بتعيطي ليه يا عشق ف ايه
عشق بدموع:متخافش بس بابا واخويا وماما جاين انا خايفه اقابلهم لوحدي يا زين عايزاك جنبي ارجوك
زين:مسافه السكه هبقي عندك متعيطيش
قفل مع عشق واخد الجاكت وطلع من المكتب
زين:اللغي البرنامج بتاع يومي انهاردة كله
نهال:اوامرك مستر زين
نزل زين ركب العربيه بسرعه وساق بسرعه للبيت
بعد نص ساعه زين كان وصل البيت ودخل بسرعه البيت لقي عشق قاعدة علي الكتبه متكورة ف نفسها وبتعيط
زين اتجنن طلع يجري عليها:انا هنا يا عشق انا زين حبيبك
عشق حضنته بسرعه:زين اخيرا وصلت
زين كان بيهديها:انا هنا يا حببتي
عشق هدت شويه:انا مش عايزة اشوفهم يا زين عايزة اشوف ماما بس
زين مسح دموعها:حببتي لازم تباني قدامهم قويه ومبقتيش تخافي منهم وكده
عشق:يا زين اخويه عايز فلوس ف لعب ف دماغ بابا عشان يجو عندي
زين:يجو ايه يعني خليكي قدامهم قويه وقابليهم بقوه ومحدش يقدر يلمسك
عشق:متأكد
زين:مليون ف الميه تعالي معايا وطلع الاوضه وقفها قدام المرايه وراح للدولاب وطلع علبه قطيفه نبيتي وفتحها كانت تحمل طقم اللماظ عبارة عن سلسله وخاتم محبس يعني طاقم اللماظ للزواج
عشق بإنبهار:دة ليا
زين:لاء جايبه ليا انا ايوة طبعا ليكي راح زين لبسها السلسله والخاتم وطلع خاتم لرجال بتاعه يلا لبسهولي
عشق لبسته الخاتم
عشق:بس ليه
زين:عشان الكل يعرف انك متجوزة وانا كمان نفس الموضوع وبعدين مش المفروض نبقي لبسين دبل ولا ايه
عشق:عندك حق
زين:بس طالب منك طلب مهما كانت المشاكل والظروف والمصاعب الي هتقابلنا اياكي ثم اياكي يا عشق تخلعي الخاتم دة لو خلعتيه كدة هعرف انك بطلتي تحبيني ماشي يا عشق
عشق:من عيوني يا زين
زين:يلا اللبسي لبس كدة حلو واللبسي الحجاب يا عشق مش عشان اخوكي وكدة لاء اللبسي بردو الحجاب
عشق:كنت هلبسه من غير ما تقول اصلا
زين باس راسها:شاطورة يا قلب زين
ونزل عشان عشق تلبس
#الفصل_الخامس_عشر
لبست عشق دريس لونه ابيض وعليه طرحه بيبي بلو وكانت جميله ومكنتش حاطه اي مكياج ف وشها نزلت لقت زين مغير هدومه لبنطلون اسود وتيشرت ابيض
زين اول ما شاف عشق
زين:قمر والله قمر
عشق:وانت كمان قمر
زين بمرح:انا بتعاكس علي فكرة انا متجوز وبحب مراتي جدا
عشق:ما انا عارفه انك متجوز هو انت لوحدك الي متجوز ما انا كمان متجوزة الله
زين بضحك:انتي طفله أوي
عشق بمرح:نينينيني كل جاتوه
زين بضحك:بقي كدة ماشي حسابنا بعيدين
عشق:الحساب يوم الحساب يا زين بيه
زين:ماشي يا لمضه
لكن قاطع لحظتهم المرحه رن جرس الباب
عشق جسمها اترعش وخافت مرة واحدة وزين حس بيها
زين:حببتي متخافيش انا جنبك خليكي قويه
عشق هدت:حاضر روح افتح
راح زين يفتح ولما فتح لقي ياسين اخو عشق ف وشه
ياسين بخبث:جوز اختي الي منور الدنيا واحشني ياراجل
زين بقرف:اتفضل
دخل ياسين
ابو عشق:ازيك يا زين
زين ببرود:بخير اتفضل
ودخل ابو عشق
ام عشق:ازيك يا ابني
زين بحنيه وباس اديها:ازيك يا أمي متخافيش عشق جوه بخير طول ما هي معايا هتبقي بخير
ام عشق:ربنا يخليك يا ابني هي فين
زين:جوه اتفضلي يا أمي
دخلو كلهم وقفل زين الباب وقعدو ف الصاله
ام عشق:فين عشق
زين:حاضر وبدأ زين ينادي علي عشق
زين:حببتي عشق تعالي
دخلت عشق بطلتها بعد ما هدت واستقوت بوجود زين وطلعت تجري علي امها تحضنها وعيطت ف حضنها
ام عشق:وحشتيني يا عشق وحشتيني
عشف ببكاء:وانتي أكتر
ابو عشق كان قاعد وبيبص عليهم وحن علي بنته وكان عايز يقوم يقولها وحشتيني وياخدها ف حضنه وزين بص عليه وعرف من تعابير وشه ان عشق وحشته لكن ابنه ياسين بدأ يبخ السم ف ودنه وتعابير وشه اتغيرت للبرود والقسوة
ابو عشق:ما خلاص دي اتجوزت مش ماتت
عشق بعدت عن حضن امها وبصتله بحزن وزين انصدم من كلامه
عشق بحزن:ازيك يا بابا
ابو عشق ببرود:بخير
ياسين اخو عشق بتمثيل الحنيه:عشق وحشتيني وكان لسه هيحضنها
عشق خافت وقرفت ف نفس الوقت وبعدت عنه:معلش زين مانعني احضن رجاله
ياسين:بس انا أخوكي مش رجاله
عشق بسخريه:اخويه ااه وماله لاء زين جوزي وهمشي كلمته
ياسين:ما انتي بتسمعي الكلام أهو امال كنتي عوجه ليه ف البيت معانا
زين وقفله واتكلم ببرود:لما تتكلم مع مرات زين السيوفي اتكلم عدل
ياسين بسخريه:لا والله انا اخوها ويحقلي اتكلم معاها بالطريقه الي تعجبني
زين:مش ف بيتي ومش تكون مراتي لكن هي مراتي يعني الي يكلمها وحش انسفه
ياسين:انا ممكن زي ما جوزتك ليها اطلقك منها عادي جدا
زين ببرود:وريني ازاي
ياسين:يلا يا عشق لمي هدومك هتروحي معانا
عشق متحركتش من مكانها
ياسين بغضب:ايه مش سامعه
عشق:لاء مش سامعه
ياسين:والله وبقي للقطه ضوافر وبتخربش نسيتي يابت العلقه الي كنت بصبحك بيها ولا ايه تحبي اديكي واحدة زيهم قدام جوزك
عشق خافت لكن جاتلها الشجاعه:متقدرش تعملها
ياسين:اقدر ونص ورفع ايده ولسه هينزلها علي وشها عشق خافت لكن زين مسك ايده وقرب من ودنه واتكلم بصوت مسموع:لسه متخلقش الراجل الي يمد ايده علي مراتي طول ما انا عايش
سامع
ياسين حاش ايده واتكلم بغضب:بس لما تكتشف انها مش كويسه متجيش تطلقها فاهم
عشق بصتله بصدمه لان اخوها بيسوء ف سمعتها قدام جوزها ف عيطت
زين:اطلعو بره بيتي حالا ومش عايز حد منكوا يخطي مكان تبع السيوفي فاهمين بره
ابو عشق خرج بسكات واخو عشق طالع غضبان جامد وام عشق واقفه تعيط وواخدة بنتها ف حضنها
زين:متخافيش عليها يا امي عشق ف عيوني
ام عشق:انا لازم امشي وانا مش خايفه عليها طول ما هي معاك هحاول اجيلك يا بنتي قريب ماشي
عشق بدموع:ماشي
ومشت مامت عشق وعشق وقفت تعيط مكانها جامد وزين قعد يهديها
زين:اهدي يا حببتي
عشق ببكاء:عرفت ليه انا بخاف من كل الرجاله عرفت ليه انا كارهه حياتي زين انا زهقت من نفسي والله زهقت
زين سابها تطلع كل الي جواها وهو كان بيطبطب عليها بس لحد ما عشق نامت ف اخدها وطلع الاوضه خلعها الطرحه والكوتشي ونايمها
وهو بيقول ف نفسه:اوعدك يا عشق هعوضك عن كل الي فات ونام هو كمان.