صفيه : انى نازله واتى انعسي وبطلي تفكري كتير وربنا امعاكى ومعاى ي خيتى ونزلت صفيه وتركت شهد مع دموعها وتفكيرها ولكنها سرحت بعد أن اغلقت الباب ربنا يجدرنى واعرف ارتب لهروبنا من اهنه بس مخبراشي كيف وشمردن مجمعز اهنه يارب خليك امعاى انى والي جوة دى إحنا ولايه ملناش غيرك يارب
وتقدمت للنزول ......
سامر : واقترب من الباب وبدأ يفتحه ونظر فلم يري احد وخرج وتواري خلف حائط حين استشعر بقدم احد وكانت صفيه تنزل السلم بجى هى دى الى كانت عتتحدت عليها شهد اياااك .......؟؟؟ والله بينه اكده انها نازله من عنديها ونظر مرة اخري فرأي رؤوف من خلال الشباك جالس وظهرة له خارج المنزل واقترب كى يستمع لاى شئ او يري ابيه ولكنه تصنم مكانه لما استمع له من رؤوف
رؤوف: ايوة انا خلاص اتفقت التسليم هيكون بعد بكرة وعم عاصم فاهم انه النهارده وده كمين ليه ويريت الرجاله تخلص على طول هو رايح بنفسه وانا هسافر بعد التسليم ويريت تامنو الطريق ليا كويس اوك تمام واغلق الهاتف وتحدث بصوت يااااااه وأخيرا هنخلص منك ي عاصم ده انت تقيل علي القلب فعلا..... بس كويس اوى وكمان اخلص من ابنه والجدع الي تحت قبل سفري وكده اي دفتر قديم هكون محيته تماما وطويت صفحه من حياه شهد
سامر: فى حاله صدمه معجول ده رؤوف عاوز يجتل بوى طب ليه وبوى عيشتغل امعاه هى ايه الحكايه دى .....؟؟ وهو خد الامر من مين انى اكده عتجن ونظر لاعلي السلم وأعاد النظر لرؤوف والذي اختفى ولم يراه وشب وحاول ان يراه ولكنه تحرك من مكانه فعزم سامر ان يرجع لمكانه واخبار يس بماحدث وقبل ان يتحرك فراي رؤوف امامه ففزع سامر وتراجع بضع خطوات للوراء
رؤوف: ايه مالك اتخضيت ولا ايه الف سلامه عليك ممكن اعرف انت واقف هنا بتعمل ايه وخدت الإذن بأنك تطلع من مين .....؟
سامر: بغضب انت تخرس عااااد واوعاك تتحدت امعاى اكده واصل واسمعنى زين انى رايد اتحدت مع بوى هو اهنه ولا همل الجبل
رؤوف: وضيق بين عينيه وتعجب لكلام سامر انت عرفت بأن والدك هنا وياترى عرفت ازاى ولا فى حد بيتواصل معاك من رجاله الجبل وامسك سامر من تلابيب جلبابه انطق انت عرفت ازاى
سامر: وامسك بيد رؤوف وازاحها بعيد عنه اوعاك تنسي حالك ي جدع انت ولما تتحدت امعاى اتحدت مليح فااااهم انى عاوز اتحدت ويا بوى فينه راح لفين
رؤوف: بغيظ من سامر وكبريائه شكلك مستعجل على موتك وعاوز نعشك يكون قبل ابوك
سامر: ههههههههههههههههه واااااه وانت الى عتحدت العمر اياااااك ونسيت ربنا ولو ليا في العمر بجيه يبجى لساتنى هعيش ولو العمر خلاص يبجى ربنا ارادته اكده مش انت الى عتجول
رؤوف: جميل اوى الكلمتين دول الي حافظهم بس حقيقي انا زهقت منك ومن اخوك وابوك حاجه تقرف ومد يده خلف ظهرة واخرج سلاحه واشهرة بوجه سامر ......؟
عدلي: اتمهلو اهنه احنا اكده وصلنا بس عطول واشوف شعبان اهناك ولا لع منشان اتصرف مع الحرس واتجه عدليى ونظر فرأي شعبان جالس وشخص اخر بجواره نائم فتقدم نحوة اكده امان ي خوى
شعبان : امان بس جولي وسط الصخر ده كلياته فين مدخل المغارة ده ولا لساتكم عتمشو كمانى
عدلي: لع المكان اهناك اهاااا ولو كنت انت متدليتش كنا عنلف مكان بعيد ياخد ويانا ساعه بس اكده انت وفرت علينا الوجت واشار لجاسر ومحمد كى يتقدمو
جاسر: كيفك ي شعبان وخبرنى عملت ايه ويا حسان وانت مجعمز اهنه ولا هملته يعمل ما بداله
شعبان: لع متخافش هو زمناته ماسك بطنه وعتدعك عليه بس يلا همو منشان الوجت
عدلي: امشي امعاى اهنه وانت ي سي محمد خليك ويا شعبان ومتهملوش المكان واحنا إن شاء الله هنعاود طوالي ومش هنعوج واتجه عدلي وجاسر ومشو بجوار الجبل وما هى الا ثوانى وراي جاسر باب المغارة وااااااا هى دى المغارة معجول محدش يعرف بيها اياااك
عدلي: بيعرفو فيها بس بيهملوها لو حوصل عليهم كبسه من المركز عيتدلو اهنه ويجعمزو فيها دولى شياطين وملهومشي امان عااااد....... هم خلينا ندخل جوة وبعد اقل من الثانيه نظر عدلي خلف جاسر وضيق بين عينيه واااااا انى حاسس إن امعانا حدا تانى
جاسر: ونظر خلفه ولم يري احد بجولك ايه بينك ي عدلي موسوس وكل ما عتمشي عتفتكر إن ويانا حدا هم وبلاها عطله خلينا نفوت لجوة وبداو يتحركون للداخل
حسان: واقترب من شخص ملثم لايظهر منه سوى عينيه وااااا مش هتعرف عليك ايااااك ومالك اكده عتخبي وشك من رجالتك ليه ولا اجولك انى ماليش صالح بايتها حدا بس خبرنى انت مين منشان اطمن ليك وادلك كيف تسلم البضاعه من غير ضرب نار وكمانى عدلكم علي طريج محدش يعرفه غيري انى وبس وكمانى تجدر تحمى رجالتك لو حوصل ايتها هجمه من المركز .....
الملثم: جولي ايه الطريج الي عتتحدت عليه وكمانى عاوز اعرف انت عرفت من وين الطرج دى الي عتتحدت عليها ورفع في وجهه سلاح ووجهه صوب راسه
حسان: بخوف وااااا انت عتطخنى اياااك انى واحد من رجالتك كيف ده وليه عاوز تعرف منى كل حاجه من غير ما انى اعرفك
الملثم : واااااا بينك اكده معتخافش علي عمرك انطج وينه الطريج ده والا هفرغ فيك الفرفر ده كلياته
حسان: بخوف اباااااا ي انى عنطج اهاااا وبدأ يشرح له الطريق ومداخله وما ان انتهى فصمت حسان نزل الفرفر ده انى جولت الي عندى خلاص بس هملنى لحالي
الملثم: عتريس خدالجدع ده من اهنه وبينه طلع واعر ومخه جميل وعيفكر مليح خليه ينعس هبابا وجيبه احداي من بكير لازمن اعرفه على حالى انى عحب الراجل الى راسه عتشتغل وميهابش ايتها حدا وربت على كتف حسان وابتعد عن المكان
حسان: وهو واقف وينظر اليه الى أن اختتفي وتحدث لنفسه وااااا مين ده وكأنى اعرفه بس ده مش عاصم واصل الحس ده انى سمعته وين افتكر ي حسان
عتريس: انت يا جدع انت هم انى مجدرشي اجف اكتر من اكده بطنى عتدعك عليا وممتحملش واصل
حسان: خلاص روح انت وانى واجف اهنه واديك واعي الراجل الكبير هيعرفنى علي حاله خلاص يلا روح انت وانى هجعمز اهنه في الخلا
عتريس: هتجعمز اهنه فى الخلا والله بينك مخبول........ انى ماشي مجدرش اتحمل وجع بطنى وغادر عتريس ايضا وترك حسان لحاله والذي كان واقف في مكان قريب من المنزل وهذة المقابله قصرت عليه نصف الطريق وبدأ يتحرك نحو المنزل لكى ياخذ ما وسوس له شيطانه بأن ياخذة من شهد وبدأ يتحرك في الظلام ولكنه راى بعض الحرس وانتظر لبرهه حتى ابتعدو وبدا يقترب اكثر حتى وصل لمكان يعرف يتسلق منه ويصل لشهد .......؟؟
جاسر: فاضل كتير ي عدلي ولا خلاص وصلنا انى موعيش غير للصخر فينه المدخل ده الي عيوصلنى لجوة البيت ....
عدلي : خلاص جربنا نوصل اهااا بس بس هملنى اكده منشان اسمع ايه الحس الي عتسمع عليه ده انى مش مخبول
جاسر: وجاء ان يتحدث فاستمع لخطوات خلفهم ولكنها سريعا ما اختفت ونظر خلفه وضيق عينيه وهمس بينه عدلي كان صوح انى سمعت حس خطوات يكون محمد حصلنا ولا ايه ولا يكون حدا وعيلنا .....
عدلي: واقترب من جاسر بجول ايه انى همشي من الجهه دى وانت خليك اهنه وطول مين ورانا وانى هلف من الجهه التانيه لازمن اعرف لحسن يكون حدا وعيلنا وممكن يخلص علينا وعلي خيتى كمانى وانى مجدرش افرط فيها عاااد
جاسر: امعاك حج هم يلا امشي من اهنه وانى هتوارب اهنه لو فى حدا ورانا هنعرف لو مفيش يبجى بنتوهم هم وابتعد عدلي بعيد عن جاسر والذي تواري خلف صخرة وانتظر ........؟؟؟
شهد: واقتربت من الشباك واااا مالى اكده جلبي تجيل ليه ومجدراشي اخد نفسي عااااد خير يارب انى اتوضي واصلي ركعتين منشان جلبي يرتاح ودخلت للحمام كى تتوضاء......
حسان: واقترب لمكان المواسير وبدا يتسلق بكل خفه الي ان وصل لغرفه باخر المنزل وظل يتجول بها وفتح الباب ونظر فلم يري احدا وبدا يلتف هنا وهناك الي ان وصل لغرفه شهد وفتح الباب ودخل ولم يجدها ولكنه استمع لصوت الماء فتأكد انها بالحمام وجلس علي اقرب كرسي ينتظرها ......؟؟؟
يس : وااااا فينه سامر معجول هملنى وخرج اياااااك والله بينه جن على الأخير وأسرع وخرج كى يبحث عنه ولكنه تصنم مكانه وهو يري رؤوف شاهر سلاحه بوجه سامر ....
فاطمه: بتيهه وهى تنظر من حولها وبعدهالك ي فاطمه خلاص الزمام فلت من يدك اياااك بتى وينها اختفت اكده ومحدش اهنه وعيلها راحت فين دى حتى جاسر مخبراشي فينه
مني: وتقدمت نحو الحجه فاطمة انى دورت عليها وهى مش اهنه في السرايا بينها خرجت
فاطمه: وااااا خرجت فين ومن نغير ما تخبر أيتها حدا خلاص انى مبجاش ليا عازا ايااااك ولا البت معدتشي تشوفني
منى: مراه عمى بلاش حديتك ده ايناس تلاجيها طلعت لبرة وزمناتها معاودة وممكن كمانى تكون سرحت ومخدتش بالها انى خبراها زين بس خلينا اهنه نستناها
فاطمه: وجلست بقله حيله ولكن قلبها وصدرها بداو يضيقو عليها وناجت ربها بأن يحفظ لها اولادها وان يعودو سالمين اليها
ناهد: وهى تنزل السلم فرات أم ابراهيم جالسه علي كرسي متطرف بجولك ايه ي ام ابراهيم انى عاوزة منيكى ايتها حاجه حلوة انى فرحانه ورايده اكل كتير
أم ابراهيم: ونظرت اليها حاضر انى جايمه اجيبلك الى ريداه عاوزة ايتها حاجة تانى
ناهد: لع معوزاشي ولا اجولك عاوزة عصير اعمليلي عصير وهاتيه مع الحلو وتقدمت للجلوس فرات الحجه فاطمه ومنى جالسين في البلكون الخارجي للسرايا وتعجبت لجلوسهم خارج السرايا وااااا هما ليه جاعدين لحالهم اكده والنهارده كمانى وكلهم وفطورهم برة البيت يكونو عرفو ايااااك باننا بنتسمع عليهم ....؟؟
منى : مراه عمى بجولك ايه بلاش تبيني ايتها حاجه ناهد جايا يمتنا حاولي متتحدتيش بايتها كلمه ولا تجولي عن غياب ايناس لحسن بوى يروح الغيط ومش هيلاجى جاسر ولا احنا كمانى خابرين وينه
فاطمه: بقله حيله اااااه ي فاطمه والله وجه عليكى اليوم الى متعرفيش تتحدتى فيه في بيتك لع وكمانى مخبراشي بتى وينها ولا ولدى فينه
ناهد: مساء الخير مالكم جاعدين اكده مالك ي مراه عمى بينك متكدرة فيكى ايه طمنينى في حاجه ايااااك
فاطمه: ونظرت الى ناهد وهمست مفضلش غيرك اتى الي ناجصنى بس والله ر حوصل ايتها حاجه لعيالي معيكفنيش عمرك اتى وبوكى السهتان ده
منى: اجعدى ي ناهد مالك عتطلعي فينا اكده مالك في حاجه اياااك خبر ايه
ناهد: بتعجب انى عتحدت لمراه عمى وهى مش عترد عليا بس عتطلع فينى وكانها عتطخنى بعيارين هو انى عملت حاجه عفشه
منى: لع ي حبيتى بس مراه عمك مهمومه منشان سامر وكانت عتتحدت امعاي كيف هيعملو فرحك اتى وجاسر وهو مش موجود منشان اكده هى متكدرة ومهمومه
ناهد: بفرحه وجلست بجوار الحجه فاطمه متخافيش كل حاجه هتكون مليحه وسامر هيكون بخير بس روجى بالك من يمته منشان متتعبيش وتمرضي جبل فرحى
فاطمه: وهزت راسها ماشي ي بتى يلا انى جايمه منشان انعس هبابا وانتم كمانى جومو من بكير ورانا شغل كتير جوى
منى: حاضر وانى كمانى نعست وعاوزة انعس هبابا واتى ي ناهد جومى منشان من بكير هنرتب الاوضه الي هتتجوزى فيها وكمانى انى مخبراشي هتجعمزى فين
ناهد: وانى مخبراشي ....... ؟؟؟ ونظرت لزوجه عمها بجول ايه يا مراه عمى اتحدتى ويا جاسر منشان اتجوز في جناحه بالله عليكى
فاطمه: وتحركت من مكانها وماله انى عتحدت وياااه ويلا منشان تنعسي هبابا
أم ابراهيم: اتفضلي ي بتى العصير والكيك بالهنا علي جلبك ....
منى وفاطمه: يلا نهملك تخلصى وكلك وبعد اكده اطلعى انعسي تصبحي علي خير ....
فاطمه: بهمس لنفسها انى جلبي واكلنى علي بتى ومخبراش هى وينها بتى متهورة وممكن تعمل ايتها حاجه انى خايفه عليها وكمانى هى من عشيا ومن وجت ما سمعت بالحديت عن بوها والبت شردانه ومش عوايدها يا تري تكون هملت السرايا وراحت لفين استر ي رب وصعدت لغرفتها واغلقت الباب من خلفها
عزت: وامسك الصندوق وبكده عخلص عليكى ي فاطمه وبكفياكى عااااد تتحكمي اهنه وبتى انى الي عتكون موطرحك وانى هكون مكان خوي وهو غايب احكم البيت والي فيه لع وعتجوز كمانى بت اكده مليحه واعيش وياها يومين واخذ الصندوق وصعد لغرفته واخفاه بداخل دولابه حتى لا يراه احد واغلق دولابه جيدا وجلس على اقرب كرسي وفكر واااا طب انى ممكن اهمل الحيه دلجيت على فاطمه وهى نعسانه اكده خلينى اخلص منيها طب والحيه ممكن تسرح في البيت وكمانى الجدع الي خدت منيه الحيه مشي طب اتحدت امعاه واخليه يعاود فرصه وجاسر مش اهنه خلينى اخلصو منيها وامسك الهاتف واتصل بجولك ايه انى عاوزك تاجى للسرايا اهنه منشان اخلص الي عاوزة وكمانى انت عتاخد الحيه بتاعتك لحسن تسرح في البيت وتخلص علي بناتى جولت ايه
الطرف الآخر؛: وماله انى هعاود بس كل حاجه بتمنها امهلني ساعتين وهكون عنديك
عزت: وانى عستناك اهاااا واوعاك تعوج عليا سااامع وانى عستناك في اوضتى واول ما تاجى رن عليا منشان اعرف انك وصلت لاهنه يلا مع السلامه وتحدث لنفسه وبكده كل الي فى السرايا هياجو يصحوها هيلاجو السر الإلهي طلع حتى المركز مش عيتهم حدا فينا ولا حتى هيشكو كمانى الله عليك ي عزت مفيش منيك واصل ......
جاسر: وظل جالسا حوالى عشر دقائق ولم يرى احد والتف من خلفه فوجد عدلي خلفه ايه وعيت لايتها حدا ولا ايه
عدلي: لع موعيتش لايتها حدا ويلا هم بينا خلينا نلحج الي جينا منشانه وتقدمو سويا الي ان رأو بابا كبير
جاسر: وتعجب هى المغارة ليها باب ايااااك وكل ده باب طب عنفوت كيف لجوة ولا هنكسرة
عدلي: واااا تكسر ايه انت بس لو حدا حس بينا اهنه عيفجرونا ويخلصو علينا استنى انى امعاى مفتاح بس الخوف ليكون حدا من الحرس جوة ويسمع ويخلص علينا
جاسر: متخافش ربنا امعانا هم وخليك حريص وانت عتفتح الباب انى عاوز الحج مرتى وخوى هم ي عدلي مفيش وجت
عدلي : هز راسه حاضر وتقدم نحو الباب ووضع المفتاح بحرص حتى لا يسمعه احد ولكنه تفاجئ بان الباب مفتوح ونظر خلفه لجاسر وهمس الباب مفتوح بينه اكده خيتى فتحته وهملته بس الحارس فينه
جاسر: وابعد عدلي وفتح الباب ببطئ ونظر فرأي الحارس ممدد علي الارض فاشار لعدلي وتقدمو ودخلو
عدلي: وابتسم اكده خيتى الي عملتها ونيمت الجدع ده وكمانى هملت الباب مفتوح معناته إن جوزها اهنه وكمانى البيت فيه ناس كتير منشان اكده مستنتيش لما اجى
جاسر: طيب هم خلينا ندخل البيت ده ولا هنمشي كمانى جوة
عدلي: هنمشي هبابه اصغيرة وهنكون جوات البيت وكمانى هنتدلي للبيت وكلهم نعسانين ومحدش عيحس علينا وبداو يتحرك ومعه جاسر لداخل البيت ....
شهد: وخرجت من الحمام بعد ان توضات وجاءت ان تلف طرحتها فرات حسان امامها ففزعت وتراجعت للخلف بزعر وبدات انفاسها تعلو وااااا انت كيف جيت لاهنه وصمتت للحظه ايوة صوح انت الهجامه اتدلت وفكتك فطبيعي انك هتكون اهنه بس انت طالع عندى ليه
حسان: بغيظ واختناق لما تحدثت به اتى كيف عتتحدتى امعاى اكده معتخافيش منى اياااك ولا فاكرة ان المحروس جوزك هياجى لاهنه ويحميكى بينك اكده مشيفاشي الي اتى فيه اتى اهنه جوات ملعبي واتى بجيتى لعبتى وربنا دبرها منشان تكونى معايا ونهمل الجبل ده ونبعد بعيد جوى
شهد: وضيقت بين عينيها وااااا وانى الي جولت انك جاي منشانى انى وخوك وتبعدنا من اهنه انت ايه مشيفش غير حالك حتى ربنا غفيان عنيه بعد عنى انى معوزاشي اصرخ وحدا اهنه يوعالك وانت خابر هما ممكن يعملو فيك ايه بطلعتك اهنه
حسان: وتقدم نحوها وبعيون تكاد ان تفترسها متخافيش ي بت عمى انى مليح اكده واتى امعايا وانى معخافش واصل اوضتك اخر اوضه في البيت يمه الجبل ولو صرختى محدش هيسمعك والكل اهنه مشغول منشان التسليم ومحدش فاضيلك تعالى عندى واقترب منها
شهد: برعب وخوف لم تظهرة لحسان وظلت واقفه ولم تخطو اي خطوة بل رفعت يدها وصفعت حسان فوج ي حسان انى عرضك وشرفك عاوز ايه لساتك كيف ما انت الشيطان بيتغلب عليك انى لما وعيتلك اهنه جولت ولد عمى مش عيهملنى ويطلعني انى وخوة من المكان ده ايه انت صنعتك ايه مفيش عنديك ايتها احساس انى خلاص لما بوعي ليك بتمنى الموت ولا اشوف طلتك دى
حسان: بغضب اتى عتضربينى ي عاصيه ولا نسيتى انك هروبتى ويا الجدع المصرواى وكمانى اتى جاعده وياه اهنه لحالك ويا عالم حوصل ايه وياكم واقترب منها وامسك ذراعها بغضب اسمعينى وافهمى انى بس الي عهربك من اهنه وهتكونى معايا في امان ومحدش راح يعرف مكانك بس طاوعينى وهملي حالك ليا انى مجدرش ابعد عنيكى وبدا يقترب منها الى ان حضنها
شهد: بصريخ بعد عنى اياك تجرب منى بعد ي حسان الله لايسيئك هملنى
حسان : وكانه فى عالم اخر وبدا ينزع ملابسه عنه وايضا عن شهد ولكنها تعافر وتحاول الابتعاد عنه الي ان شعرت بانها لاتقدر ان تتحرك اكثر واحست بدوار ولكنها لم ترد ان تستسلم للأغماء وحاوطها حسان بين ذراعيه حتى لا تعافر منه ونظر اليها واااا مالك فيكى ايه بطلى تعافرى وهماى حالك ليا وحملها ووضعها علي السرير اكده مليح جوى اخد انى منيكى الي رايده وشرع في خلع ملابسه واقترب من شهد والتى بدات تصرخ بعلو صوتها ولكن لا احد يسمعها .......؟