رواية من أول لحظة
الفصل الثالث عشر 13
بقلم شيماء الجندي
قعدت شهور أقنع نفسي اني لازم ابعد عن طارق بس كنت كل مرة بفتكرة اكتر،، وفي يوم كنت قاعدة برتب الكتب في المكتبة ولاقيت حد بيقول:-صباح الخير
ملك:_ صباح ال...
(ببص ورايا لاقيته واقف ومبتسم الابتسامة اللي بتسرقني من الدنيا كلها فأبتسمت لا اردايا،)
طارق بمشاكسه:-طب كملي الصباح حتي
ملك:_ انت جاي تتخانق بقي!!
(ضحك علي طريقتي وقال بمودة:-لا والله مش جاي اتخانق انا جاي اعزمك علي الفطار عشان محتاج اكلم معاكي في موضوع مهم.
(رديت عليه وانا رافعه حاجبي باستنكار)
فطار!!! هو في فطار بعد الضهر!!!
طارق:-خلاااص ياستي خليها غداء وعشاء وسحور كمان حلو كده؟
ملك:- لا مش حلو عشان مشغولة اوي اتفضل بقي خد الوجبات بتاعتك دي وامشي من قدامي
( الحزن ظهر علي ملامحة وعينه دمعت وبصلي بحسرة وقلبي وجعني اوي لما شوفته كده)
ملك:- انا مش قصدي حاجه والله انا بهزر معاك يا طارق صدقني
طارق:- يعني انا اجي كل المشوار ده عشانك وانتي تطرديني؟؟ تمام شكرا
(رديت بلهفة) :_لا والله مش قصدي كده انا اسفه بجد.. خلاص انا هفطر معاك وهتسحر كمان بس لو سمحت متزعلش كده
طارق بحزن:- انا اسف يا استاذة ملك انا عارف وجودي غير مرغوب فيه.. انا ماشي
( طلع فعلا قدامي وانا طلعت اجري وراه وخدت شنطتي في ايدي ولاقيته ركب العربية معرفش ازاي فتحت العربية وركبت جمبه في ثانية ولسه هكلم،، جه قفل الباب اللي جمبي والحزن اتحول ضحكة عالية وقعد يصقف زي الاطفال، وانا ببص عليه ومش فاهمه حاجه
طارق:-ضحكت عليكي يا قطة يلا وريني هتهربي مني ازاي المرة دي؟
(اتعصبت جدا وقولت:-انت مجنون ايه شغل العيال ده!!
طارق:- اه يا ملك مجنون بيكي ومن اول لحظه شوفتك فيها وانا مش شايف غيرك وبحبك اوي
(كلامه صدمني وفرحني اوي بس حاولت بكل طاقتي اخبي فرحتي دي،، بس حتي لو خبيت فرحتي ازاي هخبي صوت نبض قلبي اللي فضح فرحتي بكلامه و مكنتش متخيلة انه هيقول كده وفضلت باصه في عيونه اللي كلها صدق وساكته كأن الدنيا وقفت حوالينا،، بس هو كسر الصمت ده وقال
طارق:- تقبلي تكملي انسان تعيس وتخليه اسعد انسان في الكون وتتجوزيني يا ملاكي؟