رواية نحن معا للأبد
الفصل الخامس 5
بقلم لوجينا إبراهيم
جه صوت عالى من ورا وقفوا كل حاجه بتحصل هنا
نهال: يا لاهوى البوليس😱😱.............
الظابط: البيت كله محاصر محدش هيقدر يهرب
نهال بتوشوش منى بخوف
نهال: يالاهوى ليكون جايين يقبضوا علينا علشان الى عملناه
منى بتوتر: اسكتى متخليهمش يشكوا فينا هما الى هيعرفهم بالى احنا عملناه اكيد جايين علشان حد تانى
منى : خير يا حضرة الظابط
محمود: انت مش شايف ان فى فرح وانتوا كده بتعطلونا
الظابط: فى محاوله سرقة حصلت فى البيت ده والحرامى موجود بينكم
مراد: انت بتقول ايه احنا معندناش حد حرامي ومين الى بلغكوا بكده
جه صوت عال من ورا انا الى بلغتهم
راندا: سارة😱😱
سارة جريت بسرعة وحضنت مراد ومثلت انها بتعييط وكل ال جاى ده تمثيل
مراد بتوتر من الى حصل: سارة ايه الى انتى بتعمليه ده وليه طلبتى البوليس
سارة بمسكنة: مراد حبيبى انا طلبت البوليس لان خاتم خطوبتنا الالماس اتسرق انا الخاتم كان واسع عليا فاديته لخالتوا راندا علشان تشيلوا هنا فى الخازنة علشان ميضعش لحد ما نضيقه وفوجئت لما جيت علشان اخده ملقتهوش وقعدت تعييط
سارة بتمثيل : انت عارف الخاتم ده غالى عندى قد ايه ده الخاتم الى بيربطنا سوا
فى الوقت ده سديم كانت نفسها تعييط اوى بس لينا مسكت اديها
لينا: سديم اوعى تضعفى
سديم مسكت نفسها انها تعييط
الظابط : انسة سارة متقلقيش كل الموجودين والبيت كله هيتفتشوا دلوقتى
سما:بتمثيل وبصت لسارة : يا حضرة الظابط احنا ضيوفنا كلهم ناس محترمين مينفعش كده
الظابط: هنشوف وبدأوا يفتشوا الضيوف
ياترا وراها ايه البصة دى
فلاش باك سريع كده
سما: سارة ايه البرود الى انتى فيه ده بقولك مراد هيتجوز عليكى وانتى ساكته كده
سارة : انا عندى خطة هدمر بيها الفرح ده اسمعى الى هقولهولك ده كويس ومش عايزة ولا غلطة
سما: تمام
سارة : بصى هتروحى*******************
نرجع تانى
مراد كان محرج اوى من انه حط عيلته فى الموقف ده بسبب واحدة تافه زى سارة
مراد بيوشوش سارة: انا هجيبلك غيره مفيش مشكلة بس خلى البوليس يمشى وبلاش شوشرة
سارة بصوت عالى : صح هو ليه البيت متزين كده هو انتوا عندكوا حفلة ولا ايه وليه معزمتونيش
سما : اتفضلوا قولوها هتفضلوا ساكتين كده كتير
محمود: ابصراحة.......
سما: خلاص يا بابا انا هقولها سارة حبيبتى باركى لمراد انهرده فرحه
سارة بتمثيل كأنها مش عارفه حاجة : سما انتى اكيد بتفرج
اايه الكلام ال بتقوله سما دا يا مراد رد عليا
مراد: مكانش عارف يقول ايه ولا يتصرف ازاى فى الوقت ده جه صوت من احد العساكر
العسكرى: يا حضرة الظابط لقينا الخاتم كان فى الشنطة دى
سديم ببراءة : دى شنطتى
فجأة كلهم بصولها
الظابط: قولتيلى بقا ان دى شنطتك
سديم: مال حضرتك بتبصلى كده ليه اه ديه شنطتى بس انا مسرقتش حاجة ولا يمكن اعمل زى كده
لينا: سديم عندها حق هيه لا يمكن تعمل حاجة زى كده
الظابط: وانتى الى مخليكى متأكده كده
لينا: سديم صادقة وعمرها مبتكدب
الظابط: عموماهنعرف كل حاجه فى القسم هتوها
ابراهيم: يجيبوا مين يا حضرة الظابط بنتى متربيه ولا يمكن تعمل حاجه زى كده
لينا: لا سيبوها سديم مستحيل تعمل كده
مى : لا متخدوهاش بنتى مظلومة
تيم ببراءةكان بيضرب الضابط فى رجله : لا واختى متعملش كده
الظابط: هنشوف اذا كانت مظلومة ولا لا فى القسم يلا هاتوها
ابراهيم : لا ارجوك بنتى متعملش كده ما تقول حاجه يا محمود
لينا بنظرة قاسية لمراد: متقول حاجة يا مراد مش انت جوزها متعمل حاجة
الظابط: انتو مسمعتونيش قولتلكوا هاتوها
سديم بعياط: لا سيبونى انا معملتش حاجة الحقنى يا بابا الحقينى يا لينا😭😭
فى الوقت ده اول ما ابراهيم شاف حالت بنته وهو مش قادر يعمل حاجة داخ اوى ووقع على الكرسى مغمى عليه
سديم: بابا😰😰
مى: ابراهيم فوق يا ابراهيم
لينا: حد يدينا مية بسرعة
سارة بصت لسما بانتصار وضحكوا هما الاتنين ضحكة خبيثة زيهم
مراد : اول ما شاف سديم بتعييط وشاف حالة عمو لا اراديا قال
مراد: استنوا ياحضرة الظابط انا عايزكوا تستنوا بس خمس دقايق انتو شايفين حالة عمى انا بوعدكوا هحل الموضوع ومسك سارة من اديها تعالى معايا واخدها جوه الفله يتكلموا
مراد: سارة انتى لازم تسحبى شكوتك
سارة : انت اتجننت وكمان ليك عين تتكلم معايا بعد الى عملتو عايزنى واتنازل عن القضية علشان حبيبة القلب
مراد : انتى فاهمه كل حاجة غلط انا مجبور على الجوازة دى انا هقولك على كل حاجه بس مش وقتها دلوقتى
مراد: سارة ارجوكى افهمنينى انتى خلاص لقيتى الخاتم ايه لزمتها بقا الشوشرة وانتى شايفة حالة عمى
سارة : ماشى يا مراد بس بشرط ليا عندك طلبين ولازم تنفذهولى مهما كان التمن
مراد : موافق ايه هما
سارة: الاول مش دلوقتى نفذهولى بعدين بس التانى انك متتجوزش سديم
مراد : انتى ليه مش عايزة تفهمي
سارة: افهم ولا مفهمش انا سارة البلاسى مقبلش انك تسيبنى وتتجوز عليا بالطريقة دى
فى الوقت ده سمعوا صوت ضرب نار من برة والناس بتصرخ
مراد وسارة طلعوا يجروا يشوفوا ايه الى بيحصل
فى الوقت ده فى الطرف التانى الشاب جرى بسرعة غلط فى تصويبه للهدفه مكنش قدامه حل لازم يطلع من البيت بسرعة من غير محد يشك فيه دفن المسدس بسرعة فى جنينة البيت وحط عليه قصرية زرع علشان محدش يشك ان فى حاجة مدفونة او ياخد باله وبسرعة قلع الجاكيت الاسود الى كان لابس تحتيه لبس الخدم وبسرعة شال صنية كان محضرها عليها عصير ودخل بين الناس كانه جرسون
فى الوقت ده كان مراد وسارة طلعوا برة
مراد اتصدم من ال شافوا
مراد: لااااااااااااء..................
كاااااااااات
يا ترا ايه الى حصل هل سديم هتتجوز وهل جواز سديم ومراد فعلا هيتم
ومين الشاب ده وكان عايز يقتل مين وايه السبب الى خلاه يعمل كده ومين الى اضرب بالنار..ك.