رواية نحن معا للأبد
الفصل السادس والعشرون 26
بقلم لوجينا إبراهيم
فى الطيارة
سديم: بص يا مراد الناس بتبصلنا ازاى
مراد : خليهم يبصوا هو احنا بنعمل حاجه غلط وبعدين انتى طالعة زى القمر فطبيعى يبصوا انا شخصيا مش قادر انزل عينى من عليكى 💕
سديم بكسوف:: مش هتقولى بقا محضرلى ايه
مراد: تؤ تؤ مفجأة
واول ما وصلوا وخرجوا من المطار وركبوا العربية مراد غمض عين 👀سديم علشان متشوفش الطريق
سديم: مراد مش هتقوله بقا احنا رايحين فين
مراد: هانت يا حبيبتى كلها عشر دقايق وهنوصل
وصلوا المكان مراد يا عد سديم انها تنزل من العربية بفستانها الكبير
مراد: يلا امشى معايا
سديم: طيب ممكن افتح عينى
مراد: قربنا خلاص، ودلوقتى فتحى عينك
سديم فتحت عنيها لقت بحر جميل جدا قدامها و لقت نفسها واقفة على شاطئ البحر الى كان متزين بالشموع والبلالين وكان فى قلب كبير مرسوم بالورد الاحمر ومكتوب جواه اول حرف من اسمائهم S&M بورود بيضاء و بعد القلب كان فى ممشى وفى اخره منصة كبيرة متزينة حلو اوى بالصدف واللؤلؤ وكان متعلق فيها صور سديم ومراد مع بعض من وهما صغيرين وصور من كتب كتابهم
سديم بصدمة وفرحة: الله يا مراد المكان تحفة، كل ده علشانى
مراد كان مبسوط اوى وه شايف كمية السعادة الى فى عنين سديم الى مشفهاش من زمان
مراد سحبها ليه وحط ايده على خصرها
مراد بحب: ايوه كل ده علشانك يا سديم، انا عارف من زمان ان فكرة الجواز قد ايه مقدسة بالنسبالك، وكان نفسك تلبسى فستان الفرح وتعملى فرحك على البحر فاكرة يا سديم
فلاش باك من ست سنين
كانوا قاعدين مع بعض فى الجنينه كالعادة
مراد: تعرفى يا سديم انا بحب البحر اوى
سديم: وانا كمان، تعرف انا نفسى اوى اعمل فرحى على البحر وفستانى وطرحتى يكونوا مطرزين باللؤلؤ
مراد: اه وتجرى انتى وعريسك زى المجانين وانتو حافيين على الشاطئ،مجنونة صح😂😂
سديم: تصدق ان انت قفيل اوى ، انا ماشية سلام
مراد: سديييييييييم.......... استنى بس انتى زعلتى 😂😂 يا مجنوووووونةةة استنى.... 😂😂
نرجع تانى
سديم: اه افتكرت، بس الكلام ده كان من زمان اوى
مراد: انا بقا منستش وحبيت احققلك كل تفصيلة انتى كنتى بتحلمى بيها و تصدقى طلعت انا العريس المجنون الى هيجرى حافى على الشاطئ 😂😂 ، انا عارف ان جوازنا جه بسرعة واننا حتى فى كتب كتابنا حصل مشاكل بس احنا دلوقتى خلاص بنحب بعض وعايزين نكمل مع بعض فانا قولت نبتدى صح من الاول ونعمل احلى فرح
سديم: انا بحبكك اوى يا مراد
مراد: وانا بموت فيكي، يلا تعال معايا وراحوا وقفوا على المنصة الى فى نص البحر
سديم: ايه ده دى صورنا مع بعض دى حلوة اوى
فى الوقت ده مراد نزل على ركبته وطلع من جيب الجاكيت علبه فيها خاتم
سديم بصت لمراد بدهشة
مراد: انا اسف يا سديم على كل دمعة نزلت من عينك كنت انا السبب فيها، انا اسف لو كنت ضايقتك فى يوم منى انتى بنت عمى وصديقة طفولتى ومراتى وكل حاجه حلوة فى حياتى، انا بحبك.. بحبك اوى يا سديم تقبلى تكملى بقية حياتك معايا
سديم والدموع فى عنيها بسرعة قومت مراد وحضنته جامد
سديم: انا كمان بحبك يا مراد
مراد مسح دموعها ولبسها الخاتم فى الوقت ده جت طيارة هيليكوبتر ونزلت عليهم ورد
سديم ومراد كانوا مبسوطين اوى وبيضحكوا والورد نازل عليهم من فوق
الطيارة الهيليكوبتر وقفت على الشاطئ ونزل منها ماهر ولينا
سديم : ايه ده مش مصدقه انتو هنا ايه المفاجأة الحلوة دى وجريت على لينا وحضنتها
ماهر: مراد بيه يا ستى صاحب الفكرة الحلوة دى، عشت وشوفتك عريس يا بروو وحضن مراد
ماهر: الف مبروك يا برو
مراد: الله يبارك فيك يا ماهر عقبالك
لينا : يلا بقا وقت السيلفى واتصورا مع بعض صور كتير وكانوا مبسوطين اوى كلهم
لينا وماهر مشيو وسابوا مراد وسديم يقعدوا مع بعض شوية
سديم: يلا بينا
مراد: يلا بينا ايه
سديم: نجرى على الشاطئ واحنا حافيين فى الهوا الجميل ده
مراد: ماشى يلا
وفضلوا يجروا على الشاطئ وهما ماسكين ايد بعض والضحكة مفرقتهمش
بليل
مراد وسديم اخيرا وصلوا للبيت الى كان مراد مشتريه فى لندن علشان يقعدوا فيه
مراد: ادخلى برجلك اليمين يا عروستى ، يالله اخيرا بقا بقيتى عروستى وبقينا بنحب بعض ومفيش اى عوائق بعد طول انتظار
سديم: اخيرا 😍
مراد: علفكرة انتى وحشتينى
سديم بتوتر: احم احم شكرا
مراد: نعم يعنى ايه شكرا انا جوزك علفكرة والله حتى لو مش مصدقه اجيبلك قسيمة الجواز بلى ريقى بقا كده بحاجة حلوة يعنى
سديم بكسوف: بس بقا انا هروح اغير هدومي علشان عايزة اتكلم معاك في موضوع مهم
مراد:موضوع مهم مهم يعنى لازم انهرده
سديم: ايه
مراد: ماشى روحى غيرى وانا كمان على ما اغير
هما الاتنين غيروا هدومهم ونزلوا الجنينه
مراد: ها بقا يستر كنتى عايزانى فى ايه
سديم:انا عاوزة اتفق معاك اتفاق وعارفة انك قدوا
مراد: اؤمرى يا ستى
سديم: العدنة انك هتفضل جنبى طوووووول عمرك مهما حصل وانا اى مشكلة تحصل بينا هتفضل جنبى ومعايا مهمه حصل والمشاكل الى مابينا نحلها مع بعض بس ومندخلش اى حد فيها و...
مراد قبل ما سديم تكمل كلامها
مراد: هششششش يا سديم متقوليش كده انا عمرى مهعمل حاجه زى دى انا بحمد ربنا والله وبشكره انه قدر يجمعنا مع بعض انا الفترة الصغيرة الى قضيتها معاكى خليتني اعرفك بجد يا سديم انتى قدرتى تغيرينى خلتيني انسان تانى محب للحياة وواثق فى نفسه انا عمرى مهفكر فى اى حد غيرك ابدا وعمرى مهفكر بالطريقة دى انا عارف انك بتثق فيا بس خوفك ده مش هينفع كده والله العظيم بحبك بحبك بحبك ها بقا
سديم ابتسمت فى خجل
مراد: مش ناوية تانى عليا بقا وتقوليلي كده بقا
سديم: وانا كمان بحبك يا احلى حد فى حياتى كلها وابتسمت ببراءة
مراد: اه قلبى يا ناس ،، لاء ارجوكى بلاش الضحكة دى هيغم عليا
سديممراد بلماضة: عارفه عارفه
مراد اخد سديم فى حضنة اوى : انتى بجد احلى حاجه حصلتلي فى حياتى ، انا بجد لو لفيت العالم كله مش تلاقى زيك وبشكره ربنا فى كل صلاة انو بعتك ليا وانى هفضل اشوفك كل يوم بحبك يا احلى واجمل وارق سديم فى الكون كله
سديم: وانت ربنا يخليك ليا انا كمان مش مصدقه انك بقيت فى حياتى وانا عمرى مهلاقى زيك ابدا ولا فرجولتك ولافشهامتك انت بجد اثبتلى انو الدنيا لسه بخير بحبك اوى ياحبيبي
مراد:اداااااااا بقا انا شكلى هتغر فنفسى ولا ايه يا جدعان ده اللى بيقول الكلام ده سديم اه قلبى مش مصدق يا جماعه بقا الملاك بيشهدلى بكدا
سديم: مش ديه الحقيقة يا اخويا
مراد: نعم نعم اخوووكيييي مين ،،،ها اخوكيي احنا هنهزر
سديم بطفولة: واحلى اخ فالدنيا وطلعت تجرى
مراد: اه بقا تعاليلي هنا
سديم فضلت تجرى وهو يجرى وراها منظرهم كان حلو اوى لحد ما مراد مسكها : واخيرا مسكتك يا قطتى
وراح شيلها ولف بيها
سديم: خلاص نزلتى يا مراد
مراد: لاء قوليلى بحبك يا مراد الاول
سديم: لاء خلاص بقا يا مراد
مراد: متحاوليش مهما تعملى الدنيا ضلمة والمكان مقطوع وانا خاطفك
سديم: نزلنى يا مراد انا بخاف من الضلمة
مراد: قولى بحبك يا مراد الاول
سديم: حاضر بحبك يا مراد
مراد:لاء لاء مش سامع قوليها بنفس شوية
سديم:بحبببببببك يا مرااااااددددد
مراد: ايوا كده ناس متجبش غير بالعين الحمرا
سديم بعد ما مراد نزلها ابقا شوف هتمسكنى ازاى بقا ودخلت الاوضة وقفلتها
مراد:بقا كده يا سديم ماشى
سديم: علشان تبقا تجبرنى على حاجة تانى
مراد: طيب افتحى عايز انام
سديم:الكنبه عندك بره
مراد: علفكرة بقا الاوضة جو بتطل على البلكونة ومكن فار يدخل كمان علشان لسه فى فتحات متقفلتش لاء وكمان ممكن يدخل تعبان
سديم : يا ماااااااااامى لاا خلاص خلاص اهو فتحت الباب وجريت بسرعة تستخبى فى حضنه
مراد بضحك : احلى حاجة فيكى انك مشاء الله هبلة وبتصدقى بسرعة
سديم:انت كنت بتكدب عليا
مراد:اه شوفى بقا مين هيلحقك منى 😜.....
تانى يوم
مراد: صباح الخير يا احلى عروسة فى الدنيا
سديم: صباح النور، بس سيبنى عايزة انام
مراد: بقولك ايه انا مش عايز كسل ورانا بروجرام طويل
سديم: ماشى خلاص ادينى قومت اهو، صباح الخير يا حبيبى
مراد: طالعة من بوقك زى السكر
سديم: عارفه عارفه هو حد هيقولهالك غيرى
مراد بضحك : طيب يلا بقا عاوزين نفطر مش هنقضيها رومنسيات مش هقدر انا كده
سديم: ايه ده انت جبت الفطار لحد هنا
مراد: اهبعا يعنى لو مكنتش هجبهولك هجيبها لمين يعنى يا حبى
سديم: تسلملى يارب ، لاء انا كده شكلى هاخد على الدلع دا كدا ولا ايه
مراد: ومالوا خدى عليه براحتك يا ملكة قلبى ، يلا خلصى فطار علشان هننزل نعمل شوبيج زى منتى عايزة وبعدين هنتغدى ونروح السينيما
سديم بفرحة: بحبك بحبك يا مراد وباسته فى خده
وتمر الايام وعدا تلت اسابيع بين مراد وسديم وكلها سعادة وضحك مراد مبطلش يرخم على سديم وكمان تقريبا خلص كل حاجه فى الشركة الجديدة وكان بيتابع مع دكتور ماهر رشحهولو وكانت حالته الصحية في تحسن وقرر انه يسمع كلام سديم وانه يثق فى قدراته ويحقق حلمه هو كمان وقدم ورقه فى كليه هندسة بس لسه مردوش عليه وسديم كانت بتكمل دراستها وحققت تفوق كبير فى الجامعة وكانت دكتورة شاطرة فى الفترة دى كمان ماهر ولينا تقدروا تقولوا كده بقو اصحاب ومحمود ومنى نفذوا مخططهم الشرير ومحمود عين عمار مدير الشركة لحد ما مراد يرجع فى الفترة دى عمار اخد باله من سما الى كانت المديرة التنفيذية فى الشركة وكان بيراقبها من بعيد وحب قوتها واصرارها على النجاح وكمان اتعلق بچنى اوى اما راندا كانت بتعيد حسابتها فى كل حاجه حصلت في حياتها وقررت انها تغير من نفسها وانها تدى فرصة لسديم وتعاملها كويس اما سارة اكتشفت ان منى كدبت عليها وان سديم مش عند اهلها قررت انها هتنتقم منهم على اسلوبها وقالتلهم انها عايزة شيك ب 15 مليون علشان تسكت وفعلا ادوها الشيك وسافرت علشان تهرب منهم وتعرف تنفذ الى فى دماغها تقدروا تقولوا كده كل حاجه حالها اتغير
اليوم الحاضر لندن بيت مراد وسديم
فى الصالة
سديم وهى نايمة فى حضن مراد وبيتفرجوا على فيلم مع بعض وبياكلوا فشار
مراد: سديم
سديم: نعم
مراد: شكل الدنيا بتمطر بره ايه رايك ننزل
سديم : ننزل فين يا مراد الساعة 3 الصبح
مراد: وفيها ايه انتى مع جوزك واحنا محدش ليه عندنا حاجه, وبعدين انا عايز ابسط مراتى
سديم: تسلملى يا مارودتى وبسته فى خده وقامت تلبس
نجدهم بعد فترة قصيرة فى كورنيش المدينة المطل على البحر كانوا قاعدين فى العربية وبياكلوا ايس كريم
مراد : يلا انزلى نتمشى تحت المطر شوية
سديم: يا الله كل دى ناس، انا قولت مش هنلاقى حد فى الوقت ده
مراد:طبعا ناس كتير زينا بتحب المطر وبذات على الكورنيش انزلى وانتى هتعرفى بنفسك
سديم نزلت جرى من العربية تلعب تحت المطر في سعادة وفرحة بداخلها
مراد: ها ايه رايك
سديم: حلو اوى يا مراد انا فرحانة اوى
مراد: ربنا يفرحك كمان وكمان
صعدت على احد الصخور وظلت تقفز عليها بفرحة شديده وضحكاتها الجميلة ... بينما هو ظل ينظر إليها ينظر لتلك الطفلة التى غيرت حياته فى يوم وليلة وهى بهذه الحالة ... لاحظت نظراته لها واومأت راسها خجلا منه لكنه رفع رأسها لتواجهه اقتربت يده من وجهها وامتدت اصابعة على خدها الرقيق
مراد : سديم
سديم مع احمرار وجنتيها فى خجل : نعم
مراد : بحبك وباسها
_______________________
كان مراد بيسوق العربية وخلاص راجعين البيت
سديم: كانت ليلة حلوة اوى انا اتبسط جدا
مراد: مسك ايديها وحطها على قلبه وانا كمان اوى
وفجأة سديم بصرييخ: حااااااااااااااسب يا مرااااااااااااد،ااااااه
كاااااااااااات