رواية نحن معا للأبد
الفصل الثالث عشر 13
بقلم لوجينا إبراهيم
وفعلا مراد عمل تحاليل وراح للدكتور
الدكتور: مراد انت اتعرض للصداع ده قبل كده اوى لاى حاجة تانية
مراد تذكر ذالك اليوم المشؤؤم الى اغمى عليه في النادى واخدوه على المستشفى ده كان نفس اليوم الى ابوه تعب فيه وكمان طلب منه يتجوز سديم
مراد: انا
مراد: طمنى يا دكتور يوسف
دكتور يوسف: بص يا مراد يا ابنى انت حفيد اعز اصدقائى واستاذى منصور السباعى ومش هخبى عليك مرضك بس انت لازم تعرف انك حتواجه مرحله صعبة
مراد بقلق وتوتر : ارجوك يا دكتور قولى الصراحة فى ايه ؟؟
الدكتور: بحزن ورم فى المخ للاسف
عمر: ايه طب ازاى
يوسف: كل التحاليل والاشعة الى عندى بتاكد ده
مراد لازم اهلك يعرفوا علشان يساعدوك ويكونوا جنبك وده هيفيدك جدا الفترة الجاية
مراد بصرامة : لا لا يا دكتور اوعدني ان ده هيبقا سر ما بينا اهلى مش لازم يعرفوا انت عارف دلوقتى حالة والدى الصحية وان جدو كمان لسة متوفى والجو عندى فى العيلة اصلا متوتر مش عايزة اضايقهم اكتر من كده
ارجوك يا دكتور مش لازم حد يعرف بالموضوع ده
يوسف: مراد انت مش هتقدر تستحمل الالم لوحدك لازم تتعالج يا مراد فى اسرع وقت لازم تتعالج واهلك لازم يكونوا معاك
مراد: ارجوك يا دكتور انا مش ضعيف واقدر استحمل
الدكتور : انت لازم تعمل عملية ضرورى يا مراد
مراد: لا مش هينفع انا بقولك يا دكتور مش عايز حد يعرف تقولى عملية ده كده كلهم هيعرفوا هو مفيش حل تانى
يوسف: فى انك تعمل علاج كيميائي بس ده صعب اوى يا مراد هو بس هيخفف الالم لكن مش هيعالجه
مراد: خلاص انا هعمل العلاج الكيميائي
يوسف: مش هينفع يا مراد انك تتحمل كل ده لو حدك العلاج الكيميائي ده المه صعب اوى لازم عيلتك تبقا جنبك وتقنعك انك تعمل العملية
مراد: قلتلك انا هعمل العلاج الكيميائي لكن العملية لاء!!!
يوسف: انا باباك كان قالى انك اتجوزت يعنى بتبتدى حياة جديدة وانا بقولك العملية فرصة نجاحها كبيرة اوى اكبر بكتير من العلاج الكيميائي لوحده فكر في الموضوع علشان مراتك على الاقل
مراد: حضرتك عارف لو بابا عرف هيفتكر انى ضعيف ويبصلى بنظرة شفقة
يوسف: لا يا مراد المرض مش ضعف وبعدين باباك محدش في الدنيا هيحبك او يخاف عليك قده
مراد: خلاص يا دكتور ارجوك اقفل على الموضوع ده واوعدك ان محدش يعرف حاجة
يوسف: خلاص ماشى يا مراد براحتك وعد انى مش هقول حاجة والمسكن ده تاخده لو الصداع جالك تانى هيخففلك الالم
مراد: شكرا يا دكتور مع السلامه
اما يوم سديم فعدى بطئ جدا رتبت كل حاجة في البيت بدل دلال وراندا كانت مبسوطة اوى من الى بتعمله فى سديم بعدها سديم طلعت على اوضتها
قعدت على النت شوية ورتبت حاجتها فى الدولاب وخدت بالها وهيه يترتب هقولها ان مراد شخص منظم جدا وهدومه كلها مترتبة بشكل معين وهيه بتحط الهدوم فى الدولاب لقت صور لعمر مع صديق عمره ماهر
ماهر تعريف سريع ( هو وعمر اصدقاء من الطفولة من وهما عندهم 5 سنين ماهر كان اشطر من مراد فى المدرسة وكانت درجاته عالية جدا علشان كده اهله سفروه بره علشان يكمل تعليمة هناك)
سديم اخدها الفضول انها تتفرج على الصور اول مره تنتبه لوسامة مراد وشكله الهادي وشخصيته الغامضة اللى باينة حتى فالصور في الوقت ده رهف خبطت على الباب
رهف: ايه يا سديم منزلتيش قعدتى معانا ليه
سديم: انا كنت برتب حاجتى
رهف : انا عارفه انك متضايقة من معاملة راندا ليكى
سديم: انا مقدرة انها لغاية دلوقتى لسة مش متقبلة وجودى وبالعكس انا بعتبرها امى حتى لو هيه محبتنيش انا هفضل احبها واحترامها وعارفة كمان ان تيتا كاميليا متضايقة من وجودى بس انا بحاول على قد مقدرش ابعد عن اى مكان هيه فيه علشان كتتضايقش منى
رهف حطط ايديها على كتف سديم : تعرفى انتى بنت جميلة اوى وطيبة اوى يابخت مراد بيكى
بس عايزة اقولك حاجة كاميليا اطيب حد ممكن تشوفين فى حياتك وفي البيت ده وانا متاكده انها هتحبك علشان انتى شخص ياحب ويدخل القلب بسرعة بس انتى لازم تكسبى قلبها يا سديم
وبعدين انا عارفه كمان انك متضايقة علشان مراد مش معاكى وانتوا لسة اول يوم
سديم بطلاقة : لا خالص عادى بس هو انا ممكن اسألك سؤال
رهف : اكيد
سديم: هو ليه عمى بيعامل مراد بطريقة مختلفة عننا كلنا وعن زين وسما
رهف : للاسف انى اقولك ده بس علشان مراد مقدرش يحقق الى محمود بيتمناه مراد عمره مكان متفوق في الدراسة حتى انه كمل تعليم صناعى ومدخلش كليه
فدايما محمود فاقد الامل منة فبيحاول انه يقوى مراد ويخليه يبقا كويس فى الشغل علشان كده بيشد عليه
علشان يطلع راجل انا ساعات واللهى عمر بيصعب عليا ده مبيخليش مراد ياخد اجازة خالص ولايوم وسعات بيخليه يسافر يسلم شغل في مناطق بعيدة
سديم حسن بعطف وشفقة تجاه مراد
سديم: بس مراد راجل بجد
رهف: ايه ده انتى وقعتى فى دباديب مراد ولا ايه
سديم باحراج ها انا اصل يعنى
سماح: ههههه😂😂😂خلاص خلاص بجد يا سديم مراد هو الى دايما شايل الحمل عن محمود وشايل مسؤولية البيت ده حاولى تخف فى عنه يا سديم
سديم: انشاء الله
رهف: انا عايزاكى تعتبرينى مامتك وصاحبتك هنا
سديم: حاضر انا فعلا ارتحت بالكلام معاكى اوى
رهف : ايه ده الساعة واحدة الضهر اكيد رمزى ومراد رجعوا من الشغل دلوقتى يلا نروح نشوفهم
سديم حسن ان قلبها دق اوى لما سمعت اسم مراد بس نفسه الافكار دى من دماغها ونزلت مع رهف
رهف ايه ده يا رمزى اومال مراد فين
رمزى: محمود طلب من مراد يستنى هناك علشان فى بضاعة جايه
رهف: بجد ازاى يعنى ده بر ة البيت من الصبح وكمان مأكلش حاجة اكيد تعب اوى من الشغل
رمزى : انا حسيت كده برضه وكنت عايز استنى معاه بس محمود مرضيش
رهف: ده حتى متهناش مع مراته
سديم خاب املها لما ملقتش مراد معاهم وحسن انها بجد نفسها تخفف عنه الى بيعمله فى والدة حتى لو كان دورها فى حياته مجرد صديقه
وقررت انها هتحاول تعرف سر شخصيتة الغامضة
مراد كان سايق العربية وراجع البيت وبيفكر فى كلام الدكتور وهو بيقوله ان والده بيحبه او بيخاف عليه
مراد : ياريت كان يبينلى اى حب او حنان ده انا طول عمرى بعمل الى هو عايزه عمره مقال كلمة شكرا او حتى اهتم بيا زى زين وسما ولو عرف بمرضى اكيد هيقول ان مفيش منى فايدة لاء مش لازم حد يعرف حتى سديم لازم اخليها تكرهني اكتر علشان متتعذبش اكتر من كده لو حصلى حاجة لازم يارب ساعدنى اخليها تطلب الطلاق بنفسها
سديم استنت مراد لحد ما رجع من الشغل الساعة واحدة بليل
مراد،،،، سديم انتى لسه صاحية.......
كاااااااااات
ياترا ايه الى هيحصل ومين الى هينتصر رغبة مراد انه يكره سديم فيه ولا رغبة سديم انها تساعد مراد وهل عيله مراد هتكتشف الحقيقة