رواية نحن معا للأبد
الفصل الثاني والثلاثون 32
بقلم لوجينا إبراهيم
مراد: انت تؤمرى يا ملكة قلبى
في الوقت ده سمعو دورة وصوت عالى من تحت
مراد: فى ايه
سديم: تعال نشوف
فى منتصف الصالة كان يقف ابراهيم ايوه زى مسمعتم كده ابراهيم كل ال فى البيت طلعو على صوته
ابراهيم بصوت عالي: سديييييم سديييييم
محمود بصدمة : ابراهيم
منى فى سرها: ايه ده ازاى ممتش
سديم نزلت جرى هى ومراد اول ما شافت باباها علطول جريت فى حضنو
ابراهيم حضنه جامد: يا روح قلبى انتى كويسة طمنينى عليكى
سديم: انا كويسة اوى يا بابا قول انت ايه الى عمل فيك كده فى ايه مين الى معورك كده
مراد بفرحة : عمو ازيك وراح علشان يحضن ابراهيم
ابراهيم: خليك عندك اوعى تقرب خطوة واحدة منى ولا من بنتى
مراد بصدمة : في ايه يا عمو حضرتك بتقول كده ليه هو انا زعلتك فى حاجة
ابراهيم : بعد كل الى عملتو انت وابوك وليك عين تتكلم انا مستحيل اخلى بنتى هنا يوم واحد
مراد بصدمة : حضرتك تقصد ايه
ابراهيم بصوت عالي دلال حضرتك شنطة سديم بسرعة
مراد: بس فهمنى يا عمو في ايه احنا غلطان مع سديم فى ايه
ابراهيم: وهو انتو لسة هتغلطو اكتر من كده
سما: اهدى بس يا استاذ ابراهيم
ابراهيم بعصبية: اهدى بعد كل ده، ال حصل ان ابوكم المحترم خطفنى انا ومى وتيم وحاول يقتلنا كل ده علشان ياخد الفلوس والورث
مراد: بابا مستحيل يعمل كده
ابراهيم: اهو قدامك اهو اسئلو، مترد يا محمود ولا خايف
محمود بحدة: انت اتجننت يا ابراهيم فلوس ايه وخطف ايه الى انت بتتكلم عنه انا مستحيل اعمل كده
فى الوقت ده جه صوت من بعيد كان عمار
عمار : لاء عملت كده يا محمود ورجالات شهدوا عليك
محمود : كدابين وبيتبالو عليا انا معملتش حاجة
ابراهيم: تعترف انك عملت كده او لاء خلاص معدش يهمنى انا من انهرده اصلا معنديش اخ اسمه محمود ولا عايز اعرفك تانى واحد زيك ميستحقش اللقب ده انا جاى اخد بنتى وامشى ومش هتشوفونا تانى ولا وصية ولا زفت تخلينى ارميلكم بنتى
دلال كانت جابت شنطة سديم
ابراهيم :يلا يا سديم
مراد: استنى بس يا عمو اكيد فى سوء تفاهم
ابراهيم بحدة : انا قولت يلا يا سديم
مراد: طيب يا عمى انا وسديم زنبنا ايه
ابراهيم: ذنبكو، لاء واضح انك نسيت نفسك على الاخر انت فاكر انك جوزها بجد، ده كان جواز تنفيذ لوصية مش اكتر وده كان اتفاق غير كده متحلمش يا مراد سديم عمرها ما هتكون ليك ولا هسمح لها انها تدخل العيلة دى اساسا، انا كنت غلطان من الاول انى وافقت على المهزلة دى
سديم كانت ساكتة لكن دموعها موقفتش مش عارفه تقول ايه هى مصدقة ان باباها عمره ما بيكدب وكمان الاتهام الى وجه لعمها صعب جدا هى مش عارفه تصدق مين
ابراهيم: سديم انا بكلمك يلا
سديم: بابا طيب بس ادى لعمو فرصة يشرحلك موقفو مش يمكن تكون فهمت غلط
ابراهيم: انتى لسة صغيرة يا سديم ومش هتقدري تعرفى الناس دول زى البيت ده كل الناس الى فيه ب100 وش كلهم كدابين
سديم: بس يا بابا......
ابراهيم: انا مش عايز نقاش ومسكها من ايدها اليمين و شنطتها فى ايده الشمال وشدها علشان تمشى معاه سديم معرفتش تعمل حاجة غير انا تبص لمراد بعنيها البريئة المليئة دموع
مراد : عمو استنا ارجوك وبصوت عالى
مراد عموووووو انا بحبببب سديييييممممممم
لتنزل الصدمة على جميع من فصيلة المنزل لان زواج المصلحة شكله قلب بجد
ابراهيم: انت بتقول ايه
مراد : ايوة انا بحب بنتك انا بحب سديم يا عمو ارجوك متبعدهاش عنى
ابراهيم بتحذير : اسمع يا مراد لاول واخر مرة اسمعك بتقول الكلام ده تانى لانه من المستحيل انه يحصل وياريت ورقة طلاق بنتى تبقا عندى فى اسرع وقت
سديم: بابا انا .......
ابراهيم بعيون حمرة من كتر العصبية : اسكتى انتى خالص مش عايز اسمع صوتك يلا اتفضلي وشدها علشان يطلعو برة البيت
مراد راح يحاول يمنع ابراهيم انه ياخد سديم ، لكن فى اللحظة دى محمود مثل انه تعبان ووقع على الارض من الصدمة علشان يخلص من ابراهيم وبنته للابد ويبعد مراد عنهم
مراد: بابا....... بابا رد عليا
وبص علشان يشوف سديم ملقهاش كان ابراهيم خلاص اخدها ومشي
اخدو محمود طلعوه الاوضة
محمود بتمثيل : انا اسف يا بنى انا السبب في كل الى حصلك انت ومراتك
مراد: ولا يهمك يا بابا انا هروح لعمى دلوقتى وهتكلم معاه انا مستحيل اخليه يا خد سديم منى
محمود: مكنتش اعرف انك انت بتحبها اوى كده
مراد: بحبها اوى اوى يا بابا
فى الصالة
سما : انت اتهبلت ازاى توجه لبابا اتهام زى ده
عمار: بس دى الحقيقة يا سما انا مغلطتش فى حاجه
سما: لاء غلط لما سمحت لنفسك تتهم بابا اتهام زى ده
عمار: سما انا عازرك بس علشان الظرف الى انتى فيه، بس للاسف انتى باباكي راجل نصاب وخبيث وقاتل وده الواقع
سما اتعصبت جامد وضربت عمار بالقلم
عمار وهو يضع يده على خده : كده يا سما ماشى شكرا اوى انا بس كنت عايز احميكى واوريكى الحقيقة الى انتى للاسف معنية ومش شايفاها علشان بحبكك بس شكلى كنت غلطان ... وسابها ومشى
سما حسن بالندم انها ضربت عمار بس كمان الكلام الى قالو صعب اوى انها تصدقة عن باباها
فى البيت ابراهيم
سديم دخلت البيت علطول جريت على حضن مامتها الى اتحرمت منها بقالها ست شهور
مى : وحشتينى اوى يا نور ماما
سديم : انتى اكتر 😢😢
تيم شاف سديم وراح جرى عليها وحصنها جامد
سديم: وحشتنى يا تيمومى
تيم بطفولة : تيمومى تانى لاء انتى ترجعى لجوزك احسن
ابراهيم بعصبية : مفيش رجوع لحد سديم من انهرده ملهاش علاقة باى حد فى عيلة محمود ، مجرد ما مراد يبعت ورقة الطلاق سديم هتتجوز علطول
سديم بصدمة : اتجوز مين وازاى ايه يا بابا الى انت بتقوله ده
ابراهيم : هتتجوزى راجل محترم بيشتغل معانا ف الشركة بدل الصايع الى اسمه مراد
سديم: بابا لو سمحت متشغلطش فى مراد
ابراهيم: اسمعى يا سديم انتى مش عارفه مصلحتك بس انا عارفها وكلامى انا الى هيتنفذ و فى الاخر هتعرفى مراد على حقيقة مع الايام و هتعرفى ان ابوكى انقذك منهم ،اتفضلى اطلعى على اوضتك حالا
سديم بكسرة: حاضر
فى الوقت ده وصل مراد لبيت ابراهيم
مراد : سديم استنى
ابراهيم بعصبية : انت ايه الى جابك هنا
مراد: انا جيت علشان مراتى
ابراهيم: مراتك انت بتستهبل
مراد: عمو صدقنى انى بحب سديم ومش عايز حاجه منها غير انها تكون مبسوطة
ابراهيم: مراد الكلام ده تروح تضحك بيه على عيل اهبل فى الشارع مش عليا عايز تقنعني انك مش عايز حاجه من بنتى ازاى وبتحبها وانت وابوك خدتو منى واحد وخمسين فى المية من اسهم شركاتى علشان ابقو انتو المالكين عايزنى اصدقك ازاى وابوك خطفنى انا وعيلتى علشان يمينا على ورقة تنازل عن الاملاك وبعدين يقتلنا علشان يورثنا ويورث جدك عايزنى اصدقك ازاى بعد كل العذاب الى اهلك عملاه فى بنتى من اول يوم كتب الكتاب لحد مخدتها من عندكو مع انى شارط على ابوك شرطين الاول انك متقبل من سديم او الميهال والتانى انها تتعامل احسن معاملة وابوك ملتزمش باى حاجة لاء يا مراد سديم مش هترجعلك تانى مهما حاولت
مراد كان مصدوم من كلام ابراهيم الى اول مرة يسمعوا
مراد: انا مش مصدق انا ا لا مرة اسمع الكلام ده
ابراهيم: تصدق بقا ا متصلتش دى حاجة ترجعلك روح اسأل محمود وواجه وانا عندى شهود على كلامى عمار واخوك زين
مراد: بس زين مسافر
ابراهيم باستهزاء: ضحكو عليك وقالوك كده
مراد: لاء انت اكيد غلطان يا عمو
ابراهيم: طلق سديم يا مراد وده اخر كلام عندى يا اما هتشوف حاجة مش هتعجبك بنتى مش هترجعلك الا على جثتى هما يومين وتكون ورقة طلاقها عندى واتفضل بقا من غير مطرود
سديم كانت واقفة مصدوم من حقيقة عمها ومن شروط باباها وهل فعلا مراد كان عارف كل ده من الاول كانت الدموع نازلة من عنيها ومش فاهمه اى حاجة
مراد بعيون دامعة بص لسديم الى بادلته النظرات وخرج من البيت وسديم طلعت جرى على اوضتها
مراد راح لماهر العيادة بعد ماقالو كل الى حصل معاه على التليفون وصل مراد ليفاجأ بعمار يجلس مع ماهر
مراد: انت بتعمل ايه هنا
ماهر : اهدى يا مراد انا الى طلبت منه يجى علشان نفهم الحقيقة
ماهر : احكى يا عمار كل الى تعرفوا
عمار : انا هقولك الحقيقة كلها الى حصل
ان يوم كتب كتاب مراد وسديم عمو ابراهيم شرط شرطين علشان يقبل بالجوازة دى وال شرطين هما
1. ان مراد ميقدرش من سديم
2. وان سديم تتعامل كويس وتشيلوها فى عليكم
ومحمود كمان شرط شرطين
1. ان ابراهيم يكتب واحد وخمسين في المية من اسهم شركاته باسمك
2. والتانى ان سديم متكلمش دراستها
وطبقا للشروط دى تم جوازكم يا مراد بس الى حصل بعد كده خلف كل الشروط دى اهلك مالوش سديم فى عنيهم لا ده كانو بيكربونات وكل يوم بمشكلة لاء وكمان لما اتهموها فى شرفها وطردوها قدام كل الناس
والشرط التانى انك متقلقش من سديم لكنك قربت منها وحبيتها يا مراد بكده محمود خلف كل شروطه مع عمو ابراهيم لاء وكمان الى حصل انه لما كنت فى لندن انت وسديم اتصل بيا واحد من عمال شركة عمو ابراهيم وقالى ان عمو مبتجيش الشركة بقالو 3 اسابيع اروح اشوف فى ايه وراحة كل كاميرات المراقبه ولقيت ان مرة وعمو خارج بر الشركة فى حد خدره وخطبه وكمان كاميرات مراقب البيت كشفت انهم كمان خطفوا طنط مى وتيم ولما بلغنا البوليس وعملنا التحريات قدرنا نوصلهم والرحالة الى كانو خطفينهم اعترفوا على باباك لاء وكمان معاهم صورة لباباك وهو بيتفق معاهم
مراد بصدمة : لاء مش معقول بابا يعمل كده لاء
ماهر : اهدى بس شوية يا مراد انت لسه تعبان
عمار:انا مبكلمش يا مراد انا معايا دليل على كل كلمة قولتها
مراد: بس بابا مصلحته ايه انه يعمل ده كله
عمار : انه يقضى على عمو ابراهيم ودمروا
مراد بعصبية: انت اتجننت ازاى تتكلم عن بابا كده
عمار: دى الحقيقة الى انت واختك محدش فيكو عايز يصدقها يا مراد محمود مش منتو شايفين او متخيلينو ابدا والى كان سبب فى مشكلة ال حصلت من 3سنين بين العالمين كان باباك يا مراد لما ظلم عمو ابراهيم وطلع صورته وحشة قدام جدك منصور
محمود ال خالتك تفتكر ان طنط مى وحشة وهى السبب فى ال حصل لخالتك ودخولها مستشفى الامراض العقلية ومحمود ال خلاك تفكر زمان ام سديم زى مامتها مش كويسة طيب انت فاكر موقف المطار
مراد افتكر فلاش باك
مراد: لاء بابا ارجوك انا عايز اشوف سديم ارجوك
محمود بخبث خلاص يا مراد تعالى نروحلهم المطار
مراد فرح اوى وفعلا احوا المطار لما وصلوا مراد شاف سديم قاعدة على كرسى وجنبها ولد وبيتكلموا والولد ده كان عمارر كان مراد واقف وراهم
عمار : انتى ليه عملتى كده
سديم: علشان بكرهه ومش عايزاه في حياتى انا مشوفتش حد مغفل زيه انت تعرف كمان انه فاشل فى الدراسة بعدين بص انا فين وهو فين انا ديما بطلع الاولى انا بجد بكره وبكره عيلته كلها كلهم فاشليين ومش من مستوانا
مراد سمع الكلام ده والدموع نزلت من عينه وقلبه اتكسر وطلع يجرى برة المطار وهنا ضحك محمود بخبث لان خططته نجحت وطلع ورا مراد
نرجع تانى
عمار: سديم مقالتش ولا كلمة غلط عليك احنا بس كنا بنلعب بلعبة محمود اداهلنا كان كاتب مجموعة ورق وحاطه فى علبة وانا كنا بنمثل شخصية على حسب الى مكتوب في الورق بس مش اكتر كان باباك السبب بردة انك تفهمني انا وسديم غلط وقلبك يتكسر فتكرهنا يا مراد وده برده نفس الى عملو مع سما وخلاها تكرهني
رغم انى
ماهر: انك ايه
عمار: بحبها
مراد بصدمة من كلام عمار عن سما وصدمة اكبر بعد ان بدء الشك فى التسلل لعقله عن محمود: انا لازم اروح اواجه انا عايز اعرف الحقيقة، بس عارف يا عمار لو طلعت كداب مش هرحمك وطلع بسرعة من العيادة
ماهر: مرااااااددددديا مراد استنى انت لسه تعبان
عمار: تعبان ازاى يا ماهر
ماهر بتوتر : 😧😧
عمار بحدة: منطق يا ماهر مراد ماله
ماهر:لو قلتلك هيفضل سر مابينا
عمار : اكيد طبعا مراد زى اخويا وامره يهمنى ومش هقول لحد
ماهر : ال حصل *******************
فى اوضة سديم
كانت واقفة قدام البرندة وبتكلم نفسها والدموع فى عنيها
سديم يمة من كل الى حصل: معقول معقول عمى عمل كل ده وحاول يقتل بابا لاء وكمان اخد نص املاكه وخلف كل شروطه الى انا معرفش عنها فى حاجه،طيب مراد معقول كان يعرف كل ده ومستغفلنى ولا هو برئ وملوش ذنب بس قلبى بيقول انه برئ طيب حتى لو كده انا هقدر اثبت ده ازاى
حطت ايديها على بطنها طيب الطفل الى فى بطنى ده مصيره ايه هتصرف ازاى بابا لو عرف انى حامل من مراد هيتكسر اوى 😭😭😭يارب ساعدني انا مش عارفه اعمل ايه
في الوقت ده دخلت مى على سديم و شافتها بتعيط
مى بخضة: مالك يا حبيبتى بتعيطي لى
سديم: ماما انا فى مصيبة
مى : فى ايه حبيبتى مالك مخضوضة كده ووشك اصفر
سديم بتوتر وعياط: ماما انا حامل ومش عارفه اعمل ايه
مى بصدمة : انتى بتقولى ايه
سديم: 😭😭😭
مى اخدتها فى حضنها جامد: طيب اهدى اهدى يا حبيبتى واكيد فى حل
سديم: ازاى
مى قامت بسرعة قفلت باب الاوضة وقعدت جمب سديم
مى : قوليلى ايه الى حصل يا سديم
سديم بعياط: انا بحبه يا ماما وهو بيحبنى واحنا الاتنين مكناش نعرف بشروط بابا خالص
مى : علشان كده مراد جه لحد هنا علشان ياخدك ،انتى متأكده انه بيحبك يا سديم
سديم: اه
مى: طيب وانتى
سديم: بحبه اوى اوى 😭
مى اخدتها فى حضنها جامد متقلقيش يا روحى كل حاجه هتتحل
مراد كان رايح يواجه محمود لكن قرر انه يهدى ويروح يزور مامته فى المستشفى الاول
جلس بجوار سرير والدته التى لاحول لها ولاقوة ولسه فى الغيبوبة
مراد: ماما ياريت كنتى جمبى دلوقتى انتى الوحيدة الى هتقوليلي الحقيقة ماما انا مش عارف اعمل ايه انا حاسس ان كل حاجه حلوة بتروح من ايدى وانا مش عارف اعمل ايه ولا اتصرف ازاى فضل مراد يتكلم مع راندا لحد ما راح فى النوم
تانى يوم الصبح استيقظ مراد على صوت هاتفه
مراد: الو
سارة : انت فاكر انك لما تسيب لندن وترجع مصر كده هتهرب منى يا مراد
مراد: كفاية بقا يا سارة امتى عايزة منى ايه انا فيا الى مكفيني
سارة : عايزاك تجيبى انهرده فى كلام بينا لسه مخلص ولومجتش انت عارف انا هعمل ايه وبعدين سديم دلوقتى حامل ومش هتستحمل صدمة موتك
مراد: انتى عرفتى منين حمل سديم
سارة : مصادرى الخاصة يا مارروو يلا مستنياك متتأخرش يا حبيبى
اركان : برافو عليكى يا سارة
سارة : انت الى طلعت سوسة لما ركبت جهاز التصنت فى اوضتهم وسمعنا كل حاجه وعرفنا حمل سديم
اركان: انتى برده مش قليلة
سارة: طبعا ده انا سارة سيبنا بقا علشان اروح اكمل باقى الخطة
اركان: وانا تجهز باقى الترتيبات 😈😈😈
بعد مكالمة سارة مراد كان مش عارف يعمل ايه دخل عليه ماهر
ماهر: كنت عارف انى هلاقيك هنا
مراد: ماهر انا هروح لسارة
ماهر: انت اتجننت مراد البنت دى مش كويسة وانت عارف
مراد: عارف بس هعمل ايه بتهددنى باكتر حاجه انا عايز اخبيها
عمار دخل فى اللحظة دى : بس انت مش مضطر تحبى اكتر من كده يا مراد
مراد بتوتر: انت بتتكلم عن ايه
عمار: انا عرفت كل حاجه يا مراد انت لازم تعرف اهلك الى بتعمله ده غلط
مراد: كده يا ماهر ماشى ياريت ملكوش بقا دعوة بيا دى حياتى وانا حر وخرج وسابهم
لينا اخدت سديم الصبح وراحو النادى علشان تغير جو وتفرفش سديم شوية
وفعلا سديم بداءت تخرج من جو الحزن لحد ما جت عليهم سارة
سارة : يا حرام الطفل اللى فى بطنك ده مش هيتربى بين مامته وباباه
لينا بعصبية : وبعدين معاكى بقا انتى مبتتهديش ابعدى عنا بقا
سديم: انا جوزى بيحبنى وبحبك ومحدش هيتدخل بينا انتى فاهمة
سارة:جوزك عمرو محبك وعلفكرة هو كان عارف بكل شروط باباكي مع ذلك اتقرب منك لسببين اولا علشان يتسلى ثانيا علشان يكسر باباكي بيكى، اما انا مراد حبنا بجد انا حبه الاول ومقدرش ينسانى رام انه اتجوزك
سديم : لو فاكرة كده تبقى غلطانه وبتعمل نفسك بحاجة مش هتحصل ، مراد لما سألته عنك قال انك صفحة من الماضى ونسيها واقفل انك واحدة تافه وسطحية وغلطان انه عرفك
سارة : طيب ماشى هصدق كلامك بس انتى تقدرى تقوليله ايه ده وطلعت من شنطتها شيك الى محمود كانت كاتبه لها علشان تسكت
سديم: ايه ده
سارة: ده شيك عمك كتبهولى بنفسة علشان مقولكيش حقيقة مراد وانه بمثل عليكى حبه علشان يستغلك ويكسر عمى
سديم: مسكت الشيك والدموع فى عنيها
سارة : علفكرة لا انتى ولا الى فى بطنك فارقين مع مراد فى حاجه ، جوزك هيموت عليا انا بصى كده ده كانت مكالمات بينى وبينه لما كنتو فى لندن ده حتى لسه مكلمني انهرده الصبح
سديم بصدمة : انتى كدابة
سارة : بصى كويس يا حلوة مش ده رقم جوزك ولا انا غلطانة وعلى العموم لو عايزة تتأكدي هو جايلى البيت انهرده بليل الساعة 8 اصلى وحشته اوى ومصدق ان باباكي جه اخدك علشان يرتاح منك ، والعنوان اهو ......
متنسيش تنورينى واطلقت ضحكات عالية وساخرة 😈
جعلت سديم غير قادرة على الوقوف ،، جلست على الكرسى غير مصدقة ما يحدث، هل فعلا مراد ضحك عليها طول الفترة دى واستغلها علشان يكسر باباها وهل هو فعلا كان بيكلم سارة طول الفترة دى وهروح بيتها انهرده صارع كبير دار بين عقل وقلب سديم هل تذهب وترى ما سيحدث ام لا تعطى فرصة لسارة لتوقع بينهم
لينا : اهدى يا حبيبتى بس علشان تعرفى هتصرف ازاى
سديم بحزم: انا قررت هروح بيت سارة
_________________________________________ فى الثامنة مساءا
دخل مراد لمنزل سارة وهو يتسبب عرقا ، كم يتمنى لو انه لم يلتقى بسارة او يخطبها يوما ، احس بالبذل لانه رضخ لطلبات تلك الحيه مجبرا
فتحت له سارة الباب وهى ترتدى ملابس نوم فاضحة وعارية جدا وتفتح منها رائحة العطر القوية و المكياج الصارخ
سارة، اهلا اهلا يا ماااارووودددى
مراد بأشمئزاز منها :ايه الى انتى عملاه فى نفسك ده
سارة : ده كلو علشان مارووو حبيب قلبى
مراد: ارجوكى يا سارة بلاش الحركات دى وقولى انتى عايزة ايه منى
سارة بدلع مصتنع:كده بتعامل وحش وانا اللى زعلتك خالص لما عرفت انك بتموت
مراد بضيق : انتى مالك اموت ولا اعيش عايزة انتقم منى ليه، انا بعد مسيبتك عرفتى غيرة كتير اوي عايزة منى ايه بس
سارة : انت الوحيد الى حبيتو يا مراد وفى الاخر سيبتنى وروحت اتجوزت زى دى كل ده علشان تغيظنى
مراد:اغيظك ايه و ليه انتى فاكرة نفسك ايه اصلا ، بصى انا ماشى دلوقتى وياريت متتصليش بيا تانى
قفزت سارة من مكانها واحتضنت مراد بسرعة وجلست على قدميه وهى تقبله، بحبك يا مارووو
ابعدها مراد بعنف لكنها التصقت به اكثر
فى هذة اللحظة دخلت سديم لبراهمة فى هذا المنظر ..........
كااااااااااااااااااااااااات