رواية نحن معا للأبد
الفصل الواحد والعشرون 21
بقلم لوجينا إبراهيم
سارة: شوفتى تجاهلتنا ازاى
منى: اصبرى يا سارة احنا اللى هنعملوا فيها انهرده مش قليل
سارة: وهنفذ امتة
منى بضحكة خبيثة: فى وقت تقطيع الكيك😈😈
البيت كله كان متزين بالورد بطريقة حلوة اوى وكان كله بلالين باسم چنى وسديم و چنى كانو بيلعبوا ويضحكوا مع بعض سديم و چنى كانت لابسة فستان ازرق منفوش كان بارز بياضها وشعرها الناعم و كانت لابسة تاج وحاطة زبدة كاكاو بمبى خفيفة و كانت طالعة زى الاميرات
راندا: مش عارفه كل مااشوف سديم مع چنى بتغاظ
سما: انتى مستقصدا سديم ليه يا ماما ديه شكلها طيبة
راندا: قولى بقا هيه لحقت تلحس دماغك انتى كمان
سما: الموضوع مش كده بس حاسة يا ماما ان سديم فيها حاجه مختلفة مش زى محنا فاكرين وخصوصا تعلق چنى بيها ده مأكدلى احساسى لان چنى مبتتعلقش باى حد منتى عارفه
راندا: لاء يا سما سديم مهما عملت عمرى مهقدر احبها ولا اتقبلها كنة ليا او للبيت ده انتى هتجيبي سديم لسارة بنت خالتك انا لو جاتلى الفرصة انى اطلعها من البيت مش هتردد ثانية
سما: خلاص بقا يا ماما خلينى نقفل الموضوع ده مش وقته
راندا : معاكى حق مش هبوظ مزاجك علشانها بس مشاءالله يا سما چنى طالعة حلوة اوى انا خايفه تاخد عين
سما: متقلقيش يا ماما طول ما الى اسمها سامية صحبه تيتا وبنتها ريم مش هنا مش هيحصل حاجة
راندا: عندك حق سامية دى واحدة حشرية و لسانها طويل وعليها عين 👀 فظيعة، فاكرة فى عيد ميلاد زين لما قعدت تقول الواد ذكى و درجاته دايما عاليه وايه العيد ميلاد الفخم ده و التورته التلات ادوار ديه ، وفى الاخر يعينى التورته وقعت على اخوكى زين وهو بيقطعها ، و جاله بعدها سخنيةوفضل فى السرير اسبوعين وسقط فى الامتحان
سما: ولا بنتها ريم فاكرة نفسها احلى واحدة فى الكون تناكتها مستفزة يلا الحمد الله انى انتى معزمتهمش
فى اللحظة دى دخلت سامية وبنتها ريم الفيلا
سما: ينهار اسود ، ايه الى جابهم دول انتى مش قولتى انك معزمتيهمش
راندا : مش عارفه انا معزمتش حد
سامية : ازيك يا كاميليا عاملة ايه وحشانى
كاميليا: الحمد الله ، انا مبسوطة انك قفلتى دعوتك وجيتى
ريم بتنادي: واللهى يا طنط ماما سابت جلسة الباديكير بتاعتها مخصوص علشانك
رهف بغيظ بتوشوش كاميليا فى ودنيا: لاء حاجه مهمة فعلا
كاميليا: بس يا رهف عيب
سامية : لاء بس الحفلة تجنن وحفيدتك طالعة زى القمر
فى الوقت ده چنى اتكعبلت ووقعت والتاج اتكسر
سديم جريت على چنى وقيمتها
سديم: انتى كويسة
چنى بعيط: انا كويسة بس التاج بتاعى اتكسر 😭😭
سما: مش مهم يا حبيبتى التاج
چنى بحزن: لاء مليش دعوه انا عايزة التاج بتاعى
سديم: نزلت لمستوى چنى خلاص يا چنى انا هتصرف بس ممكن متعيطيش انهرده اجمل يوم بالنسبالك مينفعش تعيطي كده ومسحت دموع چنى
چنى حضنت سديم جامد،، اوعديني انك هتجيبيلى تاج يا ملاك
سديم : حاضر،، يلا روحى العبى واتبسطى لحد هاجى
ريم بتناكة: اومال مين دى يا طنط
كاميليا: دى سديم مرات مراد
ريم بصدمة: معقول معقووول دى مرات مراد معقول مراد يسبب سارة ويتجوز دى،،،دى لابسة حجاب، لا يا طنط انتو كده ظلمتو مراد كان المفروض تجوزوا واحدة كده فرفوشة وبتلبس على الموضة
سامية : ريم عندها حق انتو عايزين تعقدوا الولد ده حتى راندا وسما مش محجبات، كان الاولى تجوزوه لسارة
كاميليا: اعتقد ان دى حرية سديم انها تلبس الحجاب ولا لاء وانا مش هجبرها على حاجة
سامية : انا المحجبات دول مبرتحلهمش دايما وراهم حاجة،معقول هتكررى نفس غلطة رمزى تانى اديكى جوزتيه واحدة محجبة وفى الاخر معرفتش تحافظ على بنتها وماتت واهو ابنك يعينك نص يومه فى الشغل ومش عايز يشوف وشها
رهف عنيها اتملت دموع رمزى اتدخل فى اللحظة دى
رمزى: انا بقضى نص يومى فى الشغل الفترة دى علشان بس شركتنا الجديدة الى بنجهزلها غير كده انا بستنى اللحظة الى اخلص فيها علشان ارجع لاحلى بنت فى الدنيا
سامية : سكتت ومقدرتش تتكلم
منى : انتو نسيتوا نفسوا فى الكلام ومشربتوش حاجه اتفضلو معايا
سديم طلعت الجنينة تقطف كام وردة تعمل بيهم تاج لچنى سارة استغلت انشغال سديم وسرقت موبايلها وبسرعة طلعت اوضة سديم من غير محد يحس بيها وقفلت على نفسها الباب علشان محدش يشوفها
وفتحت موبايل سديم واتصلت بعمار وطلعت من موبايلها تسجيل صوتى لسديم
عمار: الو سديم
التسجيل: ااااااااااااه الحقونى الحقونى حد يساعدنى
وقفلت سارة الخط بسرعة
عمار: فى ايه سديم مالها وجرى بسرعة علشان يروح ينقذها
سارة بخبث: سديم غلطت كتير وانا بقا الى هردلها الضربة اتنين وضحكت ضحكة خبيثة😈😈 فلاش باك
الصبح وسديم بتعمل اكل لچنى سارة حطتلها فار فى المطبخ وبسرعة فتحت التسجيل الصوتى
سديم: ااااااااااااه الحقونى الحقونى حد يساعدنى
وبسرعة جه العامل وشال الفار
نرجع تانى
سارة: دلوقتى بقا بدأت التسلية الحقيقة مراد وسديم وعيلة محمود السباعى كلها هينصدموا ومش هيعرفوا يقولوا اى حاجه وخصوصا لما تقع سديم فى الفخ الى انا نصباهولها ودلوقتى ورينى بقا هتعملى ايه يا سديم فى الحفلة انهرده ده انا هخليكي تتبهدلى قدام الناس كلها والعيلة كلها هتتفرج عليكى منغير ميتكلموا ولا كلمة من الى هيحصل فيكى، انا مش متخيلة اصلا الى هيحصل ليكى يا سديم وقت ميجى حبيبك عمار علشان ينقذك وبدل مينقذك هيكون سبب فى طردك من البيت
حطت تليفون سديم على السرير ورشت زيت لونه خفيف اوى قدام السرير بحيث اى حد يدوس عليه يقع على السرير وكسرت ازازة برفان نصين على جنب كده كأن الزيت برفان وخرج منها علشان محدش يشك فى حاجه
سارة :انتى غلطة اوى يا سديم لما بعدتى مراد عنى وغلطى لما سيبتى تليفونك بعيد عنك وانا قدرت اخدعك واوقعك فى الفخ انتى وعمار وهدفعكوا تمن اغلاطكم معايا سارة مبتسبش حد ينتصر عليها لانها هيه الى بتكسب دايما 😈😈😈
********************
فى الصالة
سديم عملت لچنى تاج جميل اوى من الورد واديتهولها و چنى شكلها بيه بقا احلى كمان من الاول
چنى : شكرا يا ملاك انا بحبك اوي
سديم: وانا كمان بحبك
كان شايفهم من بعيد كاميليا و سامية وصاحباتهم
الصديقة 1: بجد يا كاميليا عندك كنة جميلة اوى
الصديقة 2: لاء وباين عليها مؤدبه جدا
سما سقفت بصوت عالي،، يلا ياجماعة علشان هنقطع الكيك برة فى الجنينه
الكل خرج برة البيت وراح الجنينة
سما: سديم استنى نسيت اباركلك على رجوعك للدراسة وشغلك فى المستشفى
سديم: شكرا يا سما
سما: بس تعرفى حاسة ان مراد اتغير من ساعة مدخلتش على حياته,, صح هو اتأخر ليه، متكلميه تشوفيه فين وخليه يجى بسرعة
سديم بتوتر كانت لسه متضايقة من مراد
سما: بتفكري فى ايه يلا كلميه
سديم: كانت مش لاقيه تلفونها
سما: فى ايه
سديم : مش لاقيه تلفونى
سما: استنى هساعدك
منى : سما يلا چنى بتدور عليكى وانتى هنا
سما: استنى يا عمتو بدور على تليفون سديم
منى: تلاقيك نسيتيه فى اوضتك وا حاجة يا سديم روحى شوفيه
سما: استنى انا هاجى معاكى
فى الوقت ده جت چنى
چنى: ماما يلا تعالى معايا
سديم: خلاص روحو انتو وانا هشوفه وارجع علطول
لم يبقى غير منى بصت بخبث لسارة الى كانت مستخبية ورا الجدار علشان محدش يشوفها وهى نازلة من اوضة سديم واشارت لها ان تكمل باقى الخطة
فى الوقت ده دلال كانت مع الشخص الخفى الى مش عارفين راجل ولا ست وانا عارفين مين هو
الشخص : عينيك عليهم وخصوصا سارةمتغيبش عن عينك لحظة
دلال: حاضر، بس انت ناوى على ايه لما قولتلك حطى كاميرات مراقبه فى كل البيت وشيليهم بعد الحفلة
الشخص: هقولك بس مش دلوقتى يلا روحى نفذى الى قولتك عليه
دلال : حاضر
دلال: هو انت بتعمل كده ليه معاهم
الشخص : شوفى شغلك وانتى ساكتة وتفضلي ترجعى قبل محد يشك فيكى
دلال : حاضر
الكل كان متجمع فى الجنينه
سارة اخدت كباية عصير وكبت شوية على سامية
سارة: انا اسفه واللهى مكنش قصدى
ريم: ماما هتقعد ازاى دلوقتى
كاميليا : خلاص حصل خير
سارة: خلاص تعالى اوديكى الحمام تنضفيها
سامية : ماشى
ريم : وانا هاجى معاكوا انا مقدرش اسيب ماما لوحدها
سارة : اتفضلوا معايا
راندا: شوفتى يا ماما ذوق سارة وادبها مش سديم
كاميليا: راندا اخرسى سارة عمرها مهتبقا زى سديم
فى الوقت ده سديم كانت بتدور على التليفون ودخلت اوضتها ولسه داخلة الاوضة منى قفلت عليها الباب من بره وفجأة النور قطع سديم حاولت تخرج من الاوضة لقت الباب مقفول وهيه بتخاف من الضلمة فضلت تخبط على الباب و تنادى علشان حد يساعدها لكن كلهم فى الحفلة ومحدش سامعها فى الوقت ده عمار كان وصل البيت وبدور على سديم وسمع صوتها وراح لاوضتها بسرعة وفتح الباب لان المفتاح كان فيه من بره
سديم راحت تجيب موبايلها من على السرير علشان تكلم اى حد يساعدها فتزحلقت فى الزيت ورجليها اتعورت من الازاز ووقعت على السرير فى الوقت ده دخل عمار وكان بيدور على سديم ولكن اتزحلق هو كمان فى الزيت ووقع على السرير
فى اللحظة دى سارة كانت اخده سامية وريم على اساس توديهم الحمام لكنها عملت نفسها اكنها مش شايفه فى الضلمة واخدتهم اوضة سديم فى اللحظة دى النور جه فجأة سامية وريم شافو سديم وعمار فى الوضع ده سامية صوتت بصوت عالي كل الى كانوا فى الجنينه سمعوها وراحوا يشوفوا فى ايه سديم كانت متعوره جامد فى رجلها حاولت تقوم وعمار حاول يقوم قام اتزحلق تانى فى الزيت ووقع على سديم فى اللحظة دى كلهم كانوا طلعوا وشافوهم
سامية : ايه الى بيحصل ده لحد هنا وكفاية
الضيوف كلهم بدءوا يتكلموا على سديم
سديم: انتو فهمتو الموضوع غلط فى سوء تفاهم فى حد قفل عليا الباب من بره والنور قطع فجأة وكنت بدور على موبايلى واتزحلقت ووقعت هو ده الى حصل
سامية: طبعا طبعا فهمنا كل حاجه القصة واضحة ومش عايزة شرح،، احنا شوفنا كل حاجه بعنينا فيفي داعى انك تلفى وتدورى ابدا،، ايه يا كاميليا شوفتى كنتك المحجبة رفعتلك راسك اوى صح،، احنا كنا شاكين من اول مادخلنا البيت وحاسين ان فى حاجه غلط لان مفيش بنت بريئة كده ابدا ،، لكن انتى سكتينا وعملتينا هبل ودلوقتى ساكته ليه ولا مش قادره تتكلمى
سديم: ارجوكو صدقونى انتو فاهمين الموضوع غلط ،، كوكى كل كلامهم غلط انا اصلا مكنتش اعرف ان عمار هنا
عمار،، مفيش اى حاجه بينا نهائى سديم مجرد صديقتى واختى بلاش كلام فاضى بقا انا جيت هنا اصلا لان سديم اتصلت بيا وكانت بتصرخ وكانت عايزة مساعدة،، جيت وكانت الدنيا ضلمه فاتكعبلت ووقعت
سديم: استنى يا عمار انا امتى اتصلت بيك اصلا
عمار: انا جيت هنا علشان انتى اتصلتى بيا
سديم: لاء انا.......
سامية بستهزاء وسخرية: خلاص يا سديم تلاقيك اتصلتى بيه فى الضلمة
من غير قصد وكمان مكنتيش واعية انتى بتقولى ايه،، ولا ايه يا كاميليا كنتك بتكلم راجل غريب وبكل وقاحة وإلة ادب و فوق كل ده بتكدب كمان
كنتك الى بتحبيها ورافعة راسك بيها اوى شوفتى عملت ايه بتكلم راجل غريب على جوزها ومش سائلة فى حد
سديم انهارت من العياط
عمار: اخرسي بقا وكفاية كلام لحد كده هتفضلي تتكلمى علينا واحنا ساكتينلك،، انتى عارفه انتى بتقولى ايه سديم مستحيل تعمل كده ومسمحلكيش تشككى فى اخلاقها، سديم محترمة وهتفضل طول عمرها
ريم: اسكت بقا زودتها اوى اياك تتكلم مع ماما بالاسلوب ده مرة تانية
رمزى بعصبية: كفاية بقا كلكم سديم مش بس كنه البيت ده سديم زى بنتى وانا عارف كويس اوى انها مستحيل تعمل كده او تعمل اى حاجه ممكن توسئ لعيلتنا او تخلى حد يتكلم كلمة واحدة علينا،، كلنا عارفين ان سديم محترمة واخلاقها عالية
راندا: رمزى كفاية اوى كده لحد هنا وبس انت دافعت عنها كتير بتتصرف كأننا مشفناش حاجه بعنينا بس الواضح ان انت الى مقدرتش تشوف الغلط وهو قدام عينيك،،،،
لحد هنا وكفاية اوى البيت ده بيتى وهو مش فندق علشان اى حد يجى ويقعد فيه زى مهو عايز البنت دى لازم تسيب مراد حالا وتطلع بره البيت ده نهائيا وده اخر كلام عندى وبس
سديم: طنط راندا ارجوكى اسمعينى
كاميليا من الصدمة كانت هيغمى عليها بس رهف ورمزى لحقوها وودوها اوضتها
سارة ومنى كانوا مبسوطين اوى من الى بيحصل وبيضحكوا بخبث😈😈
راندا:ارجوكى يا سديم كفاية اوى لحد هنا ارجوكى سيبينى، وسيبى ابنى فى حاله ، وسيبي عيلتى فى حالها بقا
فى اوضة كاميليا،
رهف: ماما انتى بتعيطى كل حاجه هتبقا كويسة صدقينى سديم مش من نوع البنات ده ابدا و مستحيل تعمل كده كلكم فهمتوا الى حصل غلط
فى الصالة
رندا رمت لسديم شنطة هدومها وحاجتها كلها على الارض
راندا: لو عندك لسه شوية كرامة تاخدى حاجتك تتطلع برة البيت ده ومتخلنيش اغلط اكتر من كده
عمار: يلا يا سديم سيبك من الناس دى
سديم: لاء يا عمار انا مش هروح لاى مكان انا لو مشيت هبقا بثبت كل اتهامتهم ليا انها صح،، بس انا معملتش حاجه ومش هسمحلهم انهم يثبتوا عليا التهمة
سديم عمار:لو سمحت امشى انت
عمار : بس
سديم: ارجوك
عمار سمع كلام سديم ومشى بس كان خايف عليها جدا
ونزلت تلم حاجتها الى على الارض فى الوقت ده مراد كان رجع البيت دخل وشافها بتلم حاجتها من على الارض
مراد: في ايه الى بيحصل هنا
سامية : مسكنا مراتك مع راجل غريب وكمان فى اوضتك معقول الكلام ده وانت مش حاسس بحاجة، الى بيحصل ده مش مقبول ، معقول تسكت لها
مراد بصدمة: ايه الى انتى بتقوليه ده ازاى
سديم قامت وقفت وبصت لمراد بعنيها الى مليانة دموع واحمرت من العياط ومراد بصلها عنيهم لاول مرة تلتقى ببعض كأنها كانت بتقول كلام كتير اوي كان نفس كل واحد منهم يقولو التانى فضلوا باصين لبعض تقريبا خمس ثوانى لان
راندا اول ملاحظت ده علطول زقت سديم من قدام مراد وبدأت التمثيل بنحنحة واستعطاف
راندا:مراد انا عايزه اطلب منك طلب ولازم تفهمني انت خلاص بقا لازم تسيب البنت دى وباسرع وقت انا مش هقدر اشوفك بتتخدع بالطريقة دى ولا هقدر اخليك تعيش معاها تانى مراد البنت دى مش مناسبة ليك
مراد طول ما راندا كانت بتكلموا كان باصص لسديم وعنيه اتملت بالدموع فى الوقت ده كاميليا ورهف ورمزى طلعوا الصالة
كاميليا بعياط: حتى انا مش مصدقه الى بيحصل ده
رمزى: ماما خلاص اهدى
كاميليا:خلاص اسكت انت
منى وسارة باصين لبعض ومستمتعين اوى بالى بيحصل
محمود متكلمش ولا كلمة لانه كان مبسوط نوعا ما من الى بيحصل لانه بكده بيكسر ابراهيم اخوه
سديم بعياط: مراد
الكل بصو لسديم
سديم بعياط: اما استنيت مراد لما يجى، بس شكله هو كمان صدق زيكم كل الاتهامات الى اتوجهتلى، علشان كده انا همشى من البيت ده ومش هتشوفوا وشى تانى ، خلاص مش هضايقكوا اكتر من كده واذا فى يوم غلط معاكم من غير قصد بتمنا انكو تسامحونى واذا فى يوم قعدتي مع نفسكم وفكرتوا كويس هتعرفوا انى معملتش
حاجة وانى مليش ذنب وانى فعلا بحب العيلة دى ومستحيل اجرحها ولو وقتها قدرتوا تسامحونى هبقا ممنونالكو قالت اخر كلمة وانهارت اكتر من العياط
رمزى: سديم يا بنتى.......
لكن سديم اخدت شنطتها وكانت ماشية لكن چنى كانت جاية جرى عليها من بعيد علشان تمنعها فزقتها بالغلط على مراد
كاااااااااات
ياترا ايه الى هيحصل هل فعلا خطة منى وسارة هتنام وسديم هتطلع برة البيت وهل حبها هى ومراد خلاص هينتهى بالطريقة دى ولا لسه فى امل ومين الشخص الخفى وليه طلب من دلال انها تركب كاميرات، هل ممكن فعلا سارة ومنى يكتشفوا