رواية نحن معا للأبد
الفصل التاسع عشر 19
بقلم لوجينا إبراهيم
مراد:ايه يا ماما شكلك مبسوطه
راندا: عندى ليك خبر بمليون جنيه ( حتى اخبارها بالفلوس)
مراد. ،، خير يا ماما
راندا:ماهر جاى يوم الخميس
مراد وقف بسرعة من الفرحه انتى عرفتى ازاى يا ماما، هو جاى فعلا انا مش مصدق اخييييرا، الحمدلله
سديم: ايه يا جماعه متفرحونى معاكم مين ماهر،، وجاى منين
مراد: ماهر ده صاحب عمرى ، انا اعرفه من وانا عندى خمس سنين ولسة صحاب لحد دلوقتي وهو سافر علشان يكمل دراسته بره و مجاش من ساعتها ، بقاله سنين
سديم: باين عليكو صحاب اوى
مراد: انا بعتبرك زى اخويا انا مش مصدق فعلا انه جاى
سديم: وهو بيدرس ايه
مراد : طب هو دكتور زيك
كاميليا : وهو كمان ابن الدكتور يوسف صاحب جدك الله يرحمه
سديم: ماشاء الله العيلة كلها دكاترة
قاطع حديثهم تليفون مراد كان المتصل الدكتور يوسف
مراد،،، ابن حلال والله، لسه كنا بنتكلم عن حضرتك
يوسف بجدية،،، انت كويس يا مراد
مراد،،، الحمدلله، انا كويس جدا، خصوصا بعد ما عرفت ان ماهر راجع
يوسف: مراد ياريت نتقابل دلوقتى انا عايز اتكلم معاك
مراد،،، خير يا دكتور فى حاجة
يوسف،، لما تيجي نتكلم، تعالى بسرعة
مراد بقلق، حاضر سلام
مراد استأذن بالخروج ليذهب للدكتور يوسف
____________________
فى بيت جده لينا
لينا: انا مش عايزاه يا بابا ارجوك افهمني
كمال: انتى لازم تفهمي ده من عيله محترمه وكويس جدا ايه اللى مش عاجبك فيه بس
لينا:فعلا هو عيلته محترمه بس هو اللى مش محترم، انا مش طايقه اشوفه اصلا
كمال: لينا اتلمى مينفعش تقولى كده على خطيبك
اثناء كلامهم دخل عمار
(عمار صديق لينا وسديم من الطفولة وفى الاصل هو ابن خال لينا الوحيد اهلو ماتوا من زمان فهو عايش مع جدته وسديم ولينا بيعتبره اخوهم وبياخدوا رايه فى كل حاجه )
عمار، ايه مالكوم صوتكوا عالى كده ليه
كمال: لينا هتجننى يا عمار انا خلاص مش عارف اتصرف معاها
عمار،، موضوع سامى مش كده
لينا،، وهو فى حد منكد عليا غيره
عمار بضحك واللهى بحكم تجربته معاكى يا لينا انتى تنكدى على بلد 😂😂😂
لينا،، اه طبعا مهو مفيش حد معايا كلكو ضدى
عمار،، هو انتو بتتخانقوا ليه اصلا
لينا:سامى بيه عايزنى اروح معاه السينيما
كمال: وفيها ايه لما تخرجوا مع بعض انتو مش مكتوب كتابكم يا بنتى
عمار،، بصراحة انا مبحبش حكاية الخروج دى
كمال،، انت هتقف معاها وبهزار وبعدين هو احنا اخدنا رأيك ، لينا لازم تخرج معاه علشان يتعرفوا على بعض اكتر
ثم خرج من غرفة لينا
عمار،، انا مش مطمن لخروجك معاه لوحدك ، وفنفس الوقت مقدرش اروح معاكى
لينا، طب انا هعمل ايه ده عايزنا نخرج الليلة
عمار، ايه رأيك تكلمى سديم تيجى معاكى هى وجوزها على اساس بتعرفيهم على سامى وكد
مع انى مبطيقش الى اسمه مراد من ساعة اخر موقف عمله معايا بس يلا احسن متبقى لوحدك
لينا: فكرة تجنن انت انقذتنى انا مش عارفه هتجوزوا ازاى ده
عمار،، وانا كمان مش مطمنلو بصراحة خالص، وحاسس انه نصاب ، متخافيش من اى حاجه انا معاكى ومش هخلى الحوازة دى تتم
لينا، ربنا يخليك ليا يا عمار مش عارفه من غيرك كنت هعمل ايه
عمار، وانا مليش حد غيرك انتى وسديم يا لولى اعمل ايه بس، يلا بقا كلمى سديم
لينا, الو وحشانى يا سوسييي
سديم:وانت كمان يا حبيبتي عاملة ايه
لينا:انا كويسة بس بصراحة عايزة منك خدمه
سديم:لااله قولى كده داخلة عليا بدلع وانا بقول برده فى حاجه غريبه 😂😂، قولى يا ستى
لينا: انا طول عمرى بدلعك على فكرة بس بقالى فترة مقصرة شوية😂😂، المهم سامى عايزنا نروح السينيما مع بعض انهرده وانا مش عايزة اكون معاه لوحدى
سديم، لينا مهو خطيبك وكاتبين كتابكو يعنى عادى لما تخرجوا سوه
لينا:المشكلة انا خايفه اخرج معاه لوحدى ،، فانا عايزاكى تيجى معايا انتى ومراد بحجة انى هعرفكوا عليه
سديم: بصراحة انا نفسى اوى اخرج وزهقت من قاعدة البيت بس مش عارفه مراد هيكون رأيه ايه
لينا بطفولة : حاولى تقنعيه علشان خاطرى ارجووووكى
سديم: انا مش هو عدك باى حاجه بس انشالله يوافق
لينا: يارب يوافق مرسى يا سوسييي
سديم: يااااه انتى لسه فاكرة الاسم ده
لينا: طبعا يا روحى ده من اختراعى انتى ناسية ولا ايه
سديم: لاء 😂😂
لينا: يلا قولى لمراد تكلمينى
سديم:حاضر يلا سلام
عمار هو الاستاذ مراد كمان هيتأمر
لينا: حرام عليك يا عمار متظلمهوش
عمار: ماشى يا ستى
فى عيادة الدكتور يوسف دخل مراد بقلق
مراد: خير يا دكتور قلقتني
يوسف:مراد اظن ان كلامى كان واضح لما قلتلك لازم ترتاح بعد العلاج الكيميائي ،،، ازاى تسافر فى نفس اليوم انت عاوز تموت نفسك، افرض حصلك حاجه وانت هناك
مراد: حضرتك عرفت ازاى
يوسف:ابوك اتصل بيا من شوية
مراد بضحكة ساخرة علشان يشتكيلك منى
يوسف: انت عارف ان انا ومحمود صحاب من زمان ابوك مش فاهم يا مراد ، ازاى عايزه يعرف وهو مش فاهم الى بتمر بيه
مراد،، هو طول عمره مش فاهمنى ولا حاسس بيا
يوسف: ممكن تقولى ايه ال حصلك فى السفر، ازاى استحملت التعب الشديد يا مراد
مراد:انا كويس متخافش
يوسف: متخافش ازاى انت زى ابنى وانا دكتور العيلة ودكتورك وعارف اللى بيحصلك ، ده فى ناس بتقعد بعد العلاج الكيميائي اسبوعين او اكتر ميتحركوش من السرير وانت سافرت فى نفس اليوم
مراد بعصبية وحزن،، هو بمزاجي، انا سافرت غصب عني ، بابا اصر انى لازم اروح مع العمال، ده انا كان هيغمى عليا وانا هناك بس ربنا ستر
يوسف: ايه الاعراض الى جاتلك
مراد، ولا حاجه شوية تعب
يوسف، مراد ارجوك متنساش ان انا الدكتور بتاعك اتكلم بصراحة
مراد بحزن : دوخه وصداع كمان مش قادر اكل حاجه
يوسف: علشان كده نمت في الصالة امبارح
مراد:ايوا انا حسيت انى مش قادر افتح عينيا خالص
يوسف، طب ممكن اكشف عليك
مراد:انا كويس مش محتاج كشف
ولكن يوسف اصر على فحص مراد
يوسف: ضغط واطى يا مراد ازاى قدرت تسوق العربية
مراد: انا..... انا..... وبدأ بالتقاط انفاسة بصعوبة
يوسف اخد باله ان مراد بيتنفس بصعوبة
يوسف بقلق انت مش عارف تتنفس مش كده
مراد بصعوبة ممكن تفتح الشبابيك
يوسف عرف ان عمر بيمر بأزمة نفس وبحاجة الاكسجين ضرورى ، عيادة يوسف كانت موجودة داخل مستشفى . فنقلوا مراد بسرعة لقسم الطوارئ ووضعوا له ماسك اكسجين ولكن مازال مراد يتنفس بصعوبة
يوسف: انت سامعة يا مراد
مراد : كان فى عالم تانى ، انه شعور مرعب فعلا ان تحاول ان تتنفس ولكن لاتستطيع ان تأخذ كفايتك من الاكسجين
كان مراد يتحرك كثيرا فى السرير يحاول ان يلتقط انفاسة بصعوبة ولم يهدأ الى ان سمع ذالك الصوت المألوف لديه ليطمئنه
مراد متخافش انا معاك هتبقا كويس بس لازم تركز وتهدى وتحاول تنظم النفس
هدأ مراد مراد بعد ذلك الصوت وحاول ان يعرف مصدره لكن الابرة المهدئة جعلته ينام قبل ان يعرف صاحب هذا الصوت
بعد ساعتين تقريبا فاق مراد ومكنش فى اى حد فى الاوضة ، ليه نفسه مربوط باسلاك كتير وحاول انه يفتكر اللى حصل بس كان لسه مش مركز اوى
دخل عليه بعد دقائق الدكتور يوسف
يوسف: ازيك دلوقتى يا مراد
مراد بعدم تركيز،، انا ايه الى جابنى هنا انا مش فاكر حاجه وياه ماسك الاوكسجين وكل المحاليل ديه
يوسف : للاسف الورم ضاغط على القصبات الهوائية وده الى سببلك ازمة فى النفس ، اما المحاليل ديه علشان جسمك تعبان جدا والظاهر انك مبتاكلش كويس
مراد: انا دايخ اوى
يوسف: ده من العلاج الكيميائي،،، كويس اننا قدرنا نلحقك خلاص اهلك لازم يعرفوا علشان الى حصل ده ممكن يتكرر تانى
مراد: محدش هيعرف حاجه خلاص انا كويس ارجوك يا دكتور
يوسف: متضحكش على نفسك يا مراد انت حالتك بتسوء ولازم تعمل العمليه
مراد،،، ارجوك انا مش قادر اتكلم دلوقتى
يوسف،، ماشى علفكرة والدك اتصل وانت كنت نايم وانا رديت عليه وقلتله انك عندى علشان تخلصى كام حاجه فى حسابات العيادة الجديدة
مراد،، انا مش عارف اشكرك ازاى انا هكلم بابا علشان اطمنو
لاحظ مراد ان سديم اتصلت اكتر من مرة بس قرر انه يكلم والده الاول علشان عارف اد ايه هو عصبى
محمود: انت لسه فاكر تتصل
مراد،، معلش يا بابا اصل كنت بخلص ورق مع دكتور يوسف
محمود: وحضرتك مردتش ليه وسبت يوسف هو الى يرد ولا انت مش عايز تتكلم معايا
مراد: لا ابدا يا بابا بس هو
قاطعه محمود ، مفيش بس انت راجع امتى
مراد: انا جاى حالا
محمود: بسرعة فى ناس مستنياك
مراد: ناس مين؟
قرر مراد ترك المستشفى رغم ان يوسف مكنش راضى عن القرار ده
في بيت مراد
دخل مراد البيت وقال بذهول ،،، انا مش مصدق عنيه!!!!! مش معقول!!!!!!!
فى بيت سارة
منى : ها ايه رايك فى الخطة دى
سارة : ممتازة انتى ازاى بتفكري بخبث كده انا كنت لايمكن حاجه زى دى تيجى فى بالى
منى: انا منى السباعي الى محدش يقدر عليا لما ببقا عايزة حاجة
سارة : بالطريقة دى محدش حتى هيبقا عايز يبص فى وش سديم
منى: انتى بس لازم الاول تحاولي تضايقيها وتخليها تتخانق هيا ومراد قبل الخطة علشان تظبط
سارة: سهله اوى بس مين الى هينفذ المطلوب من الخطة
منى بصت وضحكت بخبث : عمارر
سارة: ودى هنعملها ازاى
منى : هو هيساعدنا من غير ميعرفش ودى شطارتك انتى بقا 😈😈😈
فتح مراد باب الفيلا ليجد مفاجأة انسته كل ما كان يمر به ،، كانت مشاعر مراد مختلطة الفرحه والمفاجأةوالاستغراب ولم يستطيع ان يعبر عن ما بداخلة الابتلك الابتسامة العريضة ثم اطلق صرخةعالية، مش معقووول
بعد غياب سنين عاد ماهر صديق مراد من الطفولة ، كان الاستغراب مسيطر على مراد لانه كان يظن انه سيصل يوم الخميس
مراد انطلق بسرعة واحتضن ماهر بشدة، حمد لله على سلامتك ، انا كنت فاكر انك مش هترجع تانى
ماهر والدموع فى عينه،، مكنش ينفع استنى هناك اكتر من كده واحشنى يا مراد اوى اوى 😍
مراد،، وانت كمان جيت فى وقتك
ماهر بلماضة،، انا دايما باجى فى الوقت المناسب انت نسيت ولا ايه
مراد باحراج،، مش وقت احراج خالص
سديم تنظر لمراد،،، انا عمرى مشوفتو مبسوط كده
رمزى: محدش يعرف يبسطة كده غير ماهر ، عارفه لما كانوا صغيرين مكانوش بيسيبوا بعض الا وقت النوم
سديم: بس ماهر فعلا شكله طيب ومحترم
رمزى: اووه فوق ما تتخيلى وبتحب مراد جدا كأنه اخوه
ماهر ومراد ومحمود يجلسون فى غرفة المعيشة
محمود،، هو انت مش كنت عايش في لندن ومرتاح ال خلاك تنقل حياتك كلها هنا ودراستك هتعمل فيها ايه
ماهر: زهقت واللهى ياعمو ، كنت عايز ارجع علشان ابقا مع بابا واساعده فى شغله وكمان ناوى انشاءالله افتح عيادة
محمود: ربنا يوفقك يا ماهر
مراد، انا فى حاجه مش فاهمها انا كنت لسه عند دكتور يوسف ومقليش انك رجعت
ابتسم رمزى وماهر على الفور
ماهر: انا كنت عايز اعملهالك مفجأة بس عمو رمزى كان عارف هههه😂😂
رمزى: اااه انت بتورطنى بقا
مراد: المهم انك رجعت يا ماهر انا حاسس انى بحلم
ماهر: انا اه رجعت بس للاسف مقدرتش احضر فرحك يا مراد
مراد: اااه صح انا معرفتكش على سديم مراتى،، نادى مراد على سديم ودخلت لتسلم على ماهر
سديم: اهلا وسهلا فرصة سعيدة يا دكتور ماهر
ماهر: انا اللى اسعد، مراد كلمنى عنك كتير
سديم باحراج : انا كمان سمعت عنك وعارفة انكو صحاب اوى
ماهر: احنا اخوات كمان مش اصحاب
التفت رمزى على سديم ليسألها
رمزى: هيه رهف فين
سديم:نايمة فى اوضتها اصلها كانت تعبانة اوى الصبح
رمزى بقلق: ليه ايه الى حصلها
سديم: متخافش هى كويسة
رمزى: انا طالع اشوفها
محمود: خدنى معاك
مراد: سديم هو فى ايه
سديم: مقلقش هيه كانت بس تعبانة شوية الصبح ودلوقتى بقت كويسة
مراد،، طيب خلى دلال تجهز الاكل
سديم : كل حاجه جاهزة هخليها تجهز السفرة وانا دى عليكو
خرجت سديم ولم يبقى فى الغرفة سوى ماهر ومراد
ماهر،، بحزن ليه يا مراد مقلتليش
مراد بخوف،، اقولك ايه
ماهر،، ان انت عندك ورم في المخ
مراد،، انت.... انت.. عرفت ازاى
ماهر: بابا بعتلى التحاليل والاشعة بتاعتك علشان اعرضها على اكبر دكتور فى لندن
مراد بعصبية،، هو وعندى انو مش هيقول لحد
ماهر، وانا اى حد ، انت اخويا يا مراد ، ازاى متقوليش، انا قدمت الرحلة بتاعتى مش علشان اعمل مفجأة ، انا رجعت علشان كنت عايز الحقك ، انت بتموت نفسك يا مراد ، انت عمرك مكنت ضعيف ويائس كده
مراد،، انا كويس يا ماهر متقلقش
ماهر بحده... بس كفاية كذب بقا عليه وعلى نفسك، كويس ايه انت من ساعتين مكنتش قادر تتنفس ولا نسيت
مراد باستغراب هو دكتور يوسف لحق يقولك
ماهر: انا كنت رايحله المستشفى ولقيتك فى قسم الطوارئ ، انا كنت بكلمك مش فاكر انك شوفتنى ولا ايه
مراد..افتكرت انت الى كنت بتهدينى بس ملحقتش اشوف وشك
ماهر: انا مش مصدق انك سبت المستشفى، مراد انا مش هسيبك تأذى نفسك وانا بتفرج عليك
مراد،، انا مش عايز حد يعرف يا ماهر خاالص لحد مشوف هعمل ايه
ماهر: هتعمل العملية وبس يا مراد انا هنا مش علشان اوافقك على الى انت بتعمله ، يا اخى فكر فى الى حواليك شوية
مراد،،، افكر فى الى حواليا اومال انا بعمل كل ده ليه مش علشان اهلى ميتعذبوش .... انا مش عايز حد يشوفني وانا ضعيف
ماهر بعصبية : ليه بتفكر بالشكل ده يا مراد انت فاكر انهم لما يعرفوا انك بتتعذب لوحدك مش هيزعلو امتلئت عين ماهر بالدموع
مراد انا مش عايز اخسر صاحبى الوحيد مش هقدر اشوفك بتموت قدامى ومش عايز اشوفك وانت بتتوجع
مراد: انا كمان مش عايز ابويا بفتكر انى ضعيف. ده كل يوم معاملته ليا بتسوء
ماهر: كلمه يا مراد انت ليه بتستحمل معاملته دى ده لوكان اب تانى وعنده ابن زيك كان هيعاملوا احسن معاملة
قاطعت كلامهم سديم ليخبرهم بان السفرة جاهزة
اجتمعت العائلة حول المائدة, كانوا يتبادلون اطراف الحديث باستماع لان ماهر اجتماعى جدا ويحول كل جلسة عائلية الى مزاح وضحك ليقضي الجميع وقت ممتع
ياترا مش بيفكركوا بحد.......... الى خمن صح لينا ماهر كان شبه لينا جدا
بعد انهاء طعامهم اخبرت سديم مراد عن طلب لينا للذهاب السينيما
مراد،، انا بصراحة تعبان ومليش نفس اخرج
سديم: علشان خاطرى، اوعدك مش هنتأخر وبعدين اول يوم دراسة ليا بكرة اعتبر اننا بنحتفل بيه
مراد: بس انا تعبان انهارده وبعدين ماهر هنا مينفعش اسيبوا واخرج
سديم بتفكير،، خلاص قولوا يجى معانا اهو نخرج كلنا سوه وبعدين انا زهقانه اووووى يا مراد وانت علطول فى الشغل وانا قاعدة لوحدى
مراد،، بتأنيب ضمير ،، خلاص ماشى انا هقول لماهر وانتى بلغى لينا اننا جايين
سديم بطفولة وطنطيط : شكرا شكرا يا مراد وجريت تبلغ لينا
مراد بضحك،، اعمل ايه بس ياربى فى الطفلة دى ، دى غلبت جنى 😂😂
وذهب مراد ليخبر ماهر
ماهر:ما بلاش يا مراد انت لسه كنت تعبان من شوية
مراد: معلش وبعدين انت لازمتك ايه ولا شاطر بس تعملى فيها دكتور
ماهر: انا هاجي معاكم بس علشان اطمن عليك لكن انت عارف انا مليش في جو السينيما والافلام ده
مراد: ماشى يا خفيف يلا سديم شكلها جهزت
ماهر،، انتو هتيجو معايا في عربيتى
مراد: ليه بقا
ماهر :ده شرطى بقا انت كمان مش هتسوق العربية وانت تعبان
مراد: ماشى يا سيدى يلا بينا
______________
فى سيارة سامى خطيب لينا
سامى،،، انتى عزمتيهم ليه، هو انا مش قولتلك انى عايزك لوحدك
لينا،،، و لوحدى ليه انا لسه مش مراتك
سامى :متبطلى الحركات القديمة دى يا موزة
لينا: موزه ايه انا ابقى خطيبتك مش صحبتك عيب تقولى كده
سامى،،، بقولك ايه متفكى شوية ومتبقيش معقدة كده
لينا،،، انا مش معقدة انا محترمة فيه فرق
سامى،،،،، يووووه متقرفنيش بقا من اولها
استدارت لينا للجهة الثانية بسرعة وضيق
__________________
فى السينيما تركها سامى ليحضر بطاقات الفيلم وشن لينا بخطوات بطيئة وهى شاردة تفكر فى علاقتها بهذا المستهتر وهى تحمل العصير فى يدها ثم فجأة اصطدمت بشاب وسيم فى اول العشرينات ، وقع العصير على ملابسها فنظرت الى ذلك الشاب بغيظ
لينا: ايه يا استاذ ده مش تحاسب
الشاب: انا اسف يا انسة بس انتى اللى خبطى فيا
لينا،،، انا هعمل ايه بأسفك،، انا همشى ازاى دلوقتى
الشاب،، لو تحبى انا ممكن اوصلك اى حته
لينا،،، نعم!!!! توصلني يعنى ايه انا معرفكش هركب معاك عربية ليه وازاى يعنى
الشاب: طيب انا اساعدك ازاى وانت مش راضية تهدى اصلا ومتعصبه عليا
لينا،، خلاص مش عايزه مساعدة تقدر تتفضل ، خطيبى معايا هنا
الشاب،،، انا هبقا فى الكافتيريا لو احتجتى حاجه
لينا،،،ايه يا استاذ انا قلت مش عايزه حاجه من فضلك وسيبنى لو سمحت
الشاب،،، انا اللى غلطان انى كنت عايزة اساعدك وتركها واختفى
فى ااكافيتيريا
مراد : هما اتأخروا ليه
سديم: انا لسه مكلمة لينا وقالت انهم بيشتروا تذاكر الفيلم
مراد: ايه يا ماهر مالك مبوز كده ليه
ماهر: مفيش حاجه
سديم: مراد بص لينا وصلت
سديم احتضنت لينا وسلمت على خطيبها ثم سلموا على مراد
ثم صرخت لينا.... انت بتعمل ايه هنا
فرد عليها ماهر، انتى بنت خال سديم؟؟؟
مراد: انتو تعرفوا بعض ولا ايه
لينا باحراج : لاء طبعا انا لسة شايفاه من شوية لما خبطنى
ماهر: حضرتك الى خبطيني يا انسه
سامى : هو فى ايه
مراد: خلاص يا جماعه حصل خير اعرفكوا الدكتور ماهر صاحبى ودى تبقا لينا بنت خال سديم و صحبتها من زمان والاستاذ سامى خطيبها
ماهر: اهلا وسهلا
لينا باحراج : فرصة سعيدة
كانت السهره جميلة وممتعة ولكن ماهر مكنش مركز فى الفيلم ولا اى حاجه غير لينا
ماهر: معقول فى بنات لسه بالرقة والالتزام ده..... لكن خطيبها ده دمه تقيل اووى
وبعد الفيلم قرر ماهر انه يكلم لينا
كاااااااااات
ياترااا ايه الى هيحصل هل هيكون فى حاجه بين ماهر ولينا ويا ترا منى وسارة ناوييين على ايه وهل خطتهم فعلا هتنجح