رواية نحن معا للأبد
الفصل العشرون 20
بقلم لوجينا إبراهيم
كانت السهره جميلة وممتعة ولكن ماهر مكنش مركز فى الفيلم ولا اى حاجه غير لينا
ماهر: معقول فى بنات لسه بالرقة والالتزام ده..... لكن خطيبها ده دمه تقيل اووى
وبعد الفيلم قرر ماهر انه يكلم لينا
بعد خروجهم من الفيلم ذهبوا للعشاء فى احدى المطاعم الراقية المطلة على البحر، استأذن لينا للذهاب للحمام فقرر ماهر انه يروح وراها
ماهر: انسة لينا استنى لوسمحتي
لينا: فى حاجة يا دكتور ماهر
ماهر: بصراحة كنت عايز اعتذر منك على الموقف السخيف اللى حصل بدرى
لينا، لا مفيش مشكلة انا كمان كنت سرحان ومكنتش مركزة
ماهر،، انتى شكلك عصبية جدا علفكرة
لينا،، لا طبعا انا مش عصبية بس كانت فى حاجة معصبانى، ولوسمحت انا عايزة ارجعلهم
ماهر،، انا اسف والله مش قصدى اضايقك
لينا، انا مش متضايقة، انا بس عايزة ارجعلهم لوسمحت
ماهر،، حاضر اتفضلي
عادة الى الطاولة ومرت الامسية بسعاده ، مراد وسديم كانوا سعداء جدا بوجودهم مع بعض ، اما لينا كانت شارده تفكر فى حالها مع سامى، انهو فعلا انسان تافه وكان بيتحدث عن ساخافات الامور اما ماهر فكان ينظر للينا بتمعن و اعجاب واضح ولكنها كانت شاردة ولم تكن تلاحظ اعجابه بها
غادر الجميع بعد منتصف الليل🕛🕛
فى سيارة ماهر
ماهر اخد باله ان عمر مسك دماغه وبيحاول يدلكها ولكنه لم يقل شئ حتى لا يثير انتباه سديم ، لكن سديم انتبهت
سديم،، مراد انت شكلك تعبت من السهر
ماهر نظر لمراد بنظرة لها معنى انت كويس
مراد بتعب،، ايه يا جماعه انا بس عايز انام
سديم بضحك، قولى يا ماهر هو مراد بيحب النوم كده من زمان
مراد اتجرح من كلام سديم لانه طول عمره معروف عنه انه نشيط ومبيحبش الكسل ، اما ماهر احس بالشفقة على مراد
ماهر، بالعكس مراد طول عمره نشيط وبيحب الشغل والحركة
مراد بتوتر ماهر ممكن تسوق العربية بسرعة
ماهر،، بتفهم ،، خلاص احنا وصلنا اهو
سديم: وهيه نازلة من العربية تصبح على خير يا دكتور ماهر
ماهر: وانتى من اهله ممكن بس اخد منك مراد شوية
سديم،، ماشى انا هستناك فى الفيلا يا مراد
بعد خروج سديم
ماهر، مالك يا مراد ،، بصلى شوية مالك
مراد،، ازاح وجهه، مفيش يا ماهر خلاص
ماهر،، انا قولتلك بلاش نخرج انهرده ،، شكلك تعبت
مراد، صدقنى يا ماهر انا كويس بس دخت شوية
ماهر،، ماشى بس متنساش تاخد الدوا وطمنى عليك
مراد بضحك : ماشى يا سيدى حاسس ان انت اللى ابويا 😂😂😂😂😂😂
ماهر: ماشى يا خفيف روح ل مراتك
مراد،، تصبح على خير
**************************
دخل مراد اوضته لفه سديم قاعدة متوترة
مراد: مالك يا سديم
سديم: انا خايفه اوى يا مراد بكرة اول يوم ليا فى المستشفى
مراد،، متخافيش يا سديم ،، انت شاطرة وانا متأكد ان الكل هيحبوكى هناك
سديم،، و جايب الثقة دى منين
مراد،، انتى ناسي عملت ايه فى بابا ده انا كنت واقف بترعش من الى بتعمليه انتى لازم تثقى فى نفسك وموهبتك يا سديم
سديم: وانت كمان يا مراد لازم تثق فى نفسك وموهبتك
مراد: مش فاهم
سديم : انت موهوب اوى يا مراد بس انت مش مدى لنفسك فرصة
مراد : انا مش فاهم انتى بتتكلمى عن ايه يا سديم
سديم: انت شاطر اوى فى الحساب والفيزياء يا مراد ليه متديش لنفسك فرصة انك تحقق حاجة بموهبتك ليه حاصر نفسك فى دايرة الشغل وبس
مراد: يعنى
سديم: ليه متقدمش فى كليه الهندسة يا مراد
مراد: لاء طبعا يا سديم مش هينفع انتى عارفه انى فاشل فى الدراسة وكنت في تعليم صناعى ويادوب خلصت بالعافية
سديم: انت كداب يا مراد انت مش فاشل انت بس بتحاول تقنع نفسك والى حواليك بكده وانت عملت كل حاجه بمزاجك لانك فقدت الامل من نفسك علشان باباك فقد الامل منك بس دى مش الحقيقة انتى ذكى جدا يا مراد ولو فعلا عايز تغير نظرة عمو ليك لازم تغير نظرتك لنفسك انت تقدر تعمل ده يا مراد ليه مترجعش تعمل الحاجات الى بتحبها يا مراد انت الدايرة الى محاوط نفسك فيها ديه لو مطلعتش منها هتخسر كتير
مراد،، مش عارف يا سديم هو كلامك مقنع بصراحة
انا هفكر فى الموضوع
فى الوقت ده رن تليفون مراد وكانت سارة
مراد اتردد انه يرد ، سديم اول ما شافت اسم سارة اتغيرت ملامحها وظهر عليها الضيق
مراد، الو عايزة ايه
سارة،، عايزاك تجيلى البيت دلوقتي
مراد،، انتى اتجننتى
سارة،، لو مجتليش انا اللى هجيلك وهخلص مراتك وعيلتك كلها تشوفني وهعملك مشكلة
مراد، ماشى يا سارة انا جاى
مراد, سديم انا نازل علشان...
قاطعه سديم بعصبية،، وانا مسألتكش رايح فين ولا عايزة اعرف
شعر مراد بحزن سديم لكن ما فى اليد حيلة نزل وكان لسه هيخرج من باب الفيلا
كاميليا : مراد انت رايح فين فى الوقت المتأخر ده
مراد: انا... اصل....
سديم نزلت فى الوقت ده
سديم:رايح معايا يا كوكى
كاميليا: انتو رايحين فين يا بنتى الوقت اتأخر
سديم: الدكتور كلمنى من المستشفى وقالى انه بيعمل عمليه مهمه لمريض و عايزنى اشوفها علشان اتعلم
ومراد جاى معايا يوصلني
كاميليا : طيب يا حبيبتي خلى بالكوا على بعض
خرج كل من سديم ومراد وركبوا السيارة تحت انظار كاميليا وانطلقوا حتى ابتعدوا عن البيت
مراد: امتى ليه عملتى كده ليه انقذتينى من والموقف ده
سديم بعصبية : ده مش علشانك ده علشان كوكى رد فعلها هيكون ايه لما تعرف ان حفيديها خرج يقابل واحدة فى نص الليل
مراد: سديم انا اسف، انتى فاهمه الموضوع غلط
سديم: وصلنا عند المستشفى وروح مشوارك ولما تخلص كلمنى علشان اروح
مراد: سديم انا .....
سديم بعصبية: وياريت متكلمنيش طول الطريق يا اما هنزل واروح لوحدى
التفتت سديم للجهه الثانية وقلبها محطم
مراد كان حاسس بيها وقرر انه مش هيروح لسارة مهما حصل مش هيقدر يكسر قلب سديم ولف ورجع بالعربية
سديم،، انت بتعمل ايه
مراد, مش هروح لسارة مش هكسر ثقة كوكى فيا
ورجعوا البيت والليلة دى كانت اسوء ليلة تمر على سديم ومراد رغم تعبه منمش كويس
فى الصباح الباكر خرج مراد من البيت لانه شعر بضيق
راح لا كتر مكان بيرتاح فيه البحر كلام سديم كان ليه اثر كبير عليه طلع الجيتار بتاعه وبدء يعزف عليه ويغنى كل كلمة حاسس بيها او الاصح كان بيغني عن سارة
مراد بغناء: ليه راجع وليه فى قلبك واجع هتقول ايه تانى خلاص انا مش سامع، خلاص مش سامع
كانت ذكرة قديمة، وعادى اهى جت سليمه، وبقت دلوقتى ماضى وخلاص ملهاش قيمة، خلاص ملهاش قيمة، مبقاش فى بينا حاجه تستاهل ابقا ليك، بطلت خلاص سذاجة انا حبى عمره مكان ليك، انا واحد نفسى اعيش، احلم وحياة بريئة، وانتى شكل وروح مفيش بالنسبالى مجرد صورة مش حقيقة، ايه جابك ارتحت انا فى غيابك معقول من تانى انا هرجع لعذابك، انا هرجع لعذابك، قولى عنى انانى غرورك قتلني ونسينى من امتا الى ماتوا بيعيشوا من تانى، اسمك فى حياتى ماضى مكتوب بقلم رصاص، بسهولة مسحته عادى ونسيته من الاساس، انا واحد نفسى اعيش احلم وحياة بريئة وانتى شكل وروح مفيش بالنسبالى مجرد صورة مش حقيقة
مراد ارتاح جدا لانه لاول مرة من وقت طويل عمل حاجه بيحبها وكل ده بفضل سديم واخد قرار انه خلاص هينهى علاقته بسارة وهيعترف لسديم بمشاعره وبكل حاجه هو حاسس بيها
فى الوقت ده
استيقظت سديم مبكرا ، وقررت انها هتنسى كل حاجه حصلت وهترميها ورا ضهرها كده او كده مراد مش هيبقا ليها فقررت انها هتركز على حلمها وبس
وجهزت نفسها لاستقبال يوم جديد ورحلة دراسة جديدة
عاد مراد للمنزل واجتمعت العائلة حول مائدة الافطار
مراد كان بيبص لسديم،، لكن سديم كانت بتتحاشى نظراته وكانت مش عايزة تبصله
محمود،، انهاردة الشركة الجديدة هيبعتوا المندوب بتاعهم وعايزاك تراجع معاه كل حاجه
مراد،، بضيق حاضر
محمود،، ومتنساش تروح المعرض تشوف العربية الجديدة الى طلبتها تأخرت ليه، ااااه كنت هنسى عادل بيه كان عايز يبعت البضاعة الجديدة، ابقى فضى المخازن علشان تحط البضاعة الجديدة بدل القديمة
راندا،، خلاص بقا يا محمود الواد مش عارف يفطر
محمود، هو انا بقولو مياكلش هو الى من ساعة مقعدها على الفطار وهو مش عايز ياكل
راندا: ايه يا مراد الاكل مش عاجبك تحب اعملك اكل غير ده ، مراد،، لاء يا حبيبتى شكرا انا بس مليش نفس
راندا: انت مش عاجبنى اليومين دول ، خاسس النص ووشك اصفر ، حرام عليك نفسك الشغل مش هيطير
سديم: طنط عندها حق يا مراد، انت مبتاكلش كويس وبتشتغل كتير اوي
رمزى:ده حتى فى الشركة مبياكلش معانا
مراد، انتو متفقين عليا ولا ايه، انا مبحبش اكل كتير اصلا
محمود،، هو انتو طول عمركو كده... هو لازم ياكل كتير يعني ده حتى الى زيه بيشتغلوا الضعف
مراد،، ماشى يا بابا انا ورايح الشركة دلوقتى بس هاخد سديم معايا اوصلها المستشفى فى طريقى
محمود بغيظ.. اه انا نسيت ان انهرده اول يوم ليها ، مش عارف بس ايه لازمة الدراسة ووجع القلب ده، هو مراد مقصر معاكى ولا ايه
كاميليا،، محمود مش احنا اتكلمنا فى الموضوع ده
سديم،، لا يا عمو مراد مقصرش بس انا عايزة اكمل دراسة
مراد بضيق من محمود،، يلا يا سديم علشان متتأخريش
راندا : اه صح لازم ترجع انهرده بدرى يا مراد علشان هنعمل حفلة فى البيت
مراد: بمناسبة ايه
راندا: عيد ميلاد جنى انت نسيت
مراد: اااه صح
كاميليا: كويس انها مش هنا كانت بهدلتك
مراد: حاضر هرجع بدرى
****************
مراد وصل سديم الشغل وقبل متنزل من العربية
مراد.. خلى بالك على نفسك
سديم: ببرود حاضر
مر يوم مراد بصعوبة ، كان لديه الكثير من الاعمال التى يجب انجازها ، ولكنه تذكر فى وسط انشغاله انه يبعت رسالة لسديم لكن سديم مشافتهاش
مر يوم سديم بسرعة لانه كان يومها الاول ورجعت البيت لقت ان الناس تقريبا كلهم وصلوا والحفلة بدأت وشافت منى وسارة كانوا موجودين فى الحفلة بس مهتمتش بيهم
سارة: شوفتى تجاهلتنا ازاى
منى: اصبرى يا سارة احنا اللى هنعملوا فيها انهرده مش قليل
سارة: وهنفذ امتة
منى بضحكة خبيثة: فى وقت تقطيع الكيك😈😈
كاااااااااات
ياترا منى ناوية على ايه...
لقراءة جميع فصول الرواية من هنا