رواية الاخ الاكبر الفصل الثالث والستون 63 بقلم حبيبه

رواية الاخ الاكبر

الفصل الثالث والستون 63

بقلم حبيبه

محمد بصدمه: اطلقك 

مريم: اه

محمد: مريم انتي اكيد تعبانه من كل  اللي حصل النهارده وبتخرفي صح روحي ارتاحي 

مريم: انا لا تعبانه ولا بخرف انا عارفه كويس انا بقول ايه وبالعكس اللي حصل النهارده فوقني من غيبوبه كنت هاسلم نفسي ليها... 

محمد: مريم في ايه مالك وايه خلاكي فجأه تقولي كده وبعدين مش احنا اتفقنا نبقى اصحاب وبعدين انتي عارفه اني متجوزك علشان واعد والدك الله يرحمه.. 

مريم وقد اخرجت كل مابداخلها: ماهو ده السبب اللي خلاني اطلب الطلاق هو ده السبب 

محمد: سبب اييييه 

مريم: انك متجوزني علشان وعد انك مابتحبنيش انك رضيت علشان بابا اتحايل عليك طب انا فين قلبي ده فين كرامتي فين 

محمد: انتي عارفه يامريم من زمان ان قلبي مابيحبش غير واحده بس 

مريم: ما تت ما تت يامحمد نور ما تت مابقاش ليها وجود 

اشار محمد علي مكان قلبه: بس موجوده هنا عايشه هنا مش قادر انساها فكرك ماحاولتش اقنع نفسي انها سابتني خلاص حاولت والله بس ماقدرتش بشوفها في كل مكان حتى في احلامي مش بتفارقني خالص 

مريم: علشان كده ارجوك طلقني يامحمد طلقني وسيبني في حالي  وانت خليك في حياتك

محمد: ليه يامريم بتقولي كده دا انتي الوحيدة اللي بتكلم معاها بصراحه وبرتاح معاها وخرجتيني من وحدتي بعد نور ليه عاوزه تسبيني ليه عاوزاني ارجع تاني 

مريم ببكاء: علشان مش عاوزه قلبي يتكسر علشان مااتدمرش علشان نفسي ابقى ام نفسي اعمل بيت وعيله عيله كبيره اوي انا اتحرمت من العيله وفضلت لوحدي وشكلي هافضل لوحدي 

محمد: طب مااحنا عيلتك امي هي امك واخواتي اخواتك 

مريم: وانت

محمد: انا ايه

مريم: انا ايه بالنسبالك

محمد: صديقتي 

مريم: بس

محمد: اه 

مريم: بس انت بالنسبالي غير كده يامحمد 

محمد: قصدك ايه 

مريم: قصدي اني بحبك يامحمد حبيتك غصب عني ماقدرتش امنع قلبي يحبك ماقدرتش احكمه حاولت اكرهك ماعرفتش حاولت اتجاهلك ماعرفتش حبيتك بقيت بغير من نور رغم اني عارفه انها ما تت بس غيرت من حبك ليه دا كله وبرضوا مقهوره قلبي مقهور شايف حبيبه مش شايفه وبيحب واحده تانيه 

#عشقتك ياقلب وانت تهوى غيري 

رغم علمي احببتك وانت لا تراني

اصبحت تتحكم به دون اراده مني 

واين تلك الارداه وانت بكل سهوله بنظره تأسرني 

محمد بصدمه: بتحبيني

مريم: اه بحبك يامحمد وعارفه انك مش بتحبني مش شايفه غيرك وعارفه انك مش شايفني اصلآ بحلم بيك هه وعارفه انك بتحلم بغيري 

محمد: بس... 

مريم: مش طالبه حاجه منك يامحمد مش طالبه حاجه والله الحب ده ليا انا هاتحفظ بيه مش عاوزه منك اي حاجه غير انك تطلقني... 

محمد: لاء 

مريم: محمد ارجوك انا بخليك من وعدك لبابا  

محمد: لاء 

مريم: محمد اذا سمحت طلقني انا والله مش عاوزه حاجه منك وياسيدي مش عاوزه مهر ولا نفقه عاوزه اتطلق بس.. 

محمد: هههههههه بطلي عبط يابت 

مريم: طب طلقني 

محمد: قولة لاء 

مريم: ليييه

محمد: مزاجي كده كيفي كده 

مريم: افندم مزاج ايه ياابوا مزاج انت مابتحبنيش يبقى ليه نفضل مربوطين بالجواز وخلاص 

محمد: مش هاطلقك يامريم مش علشان وعد ذي ماانتي فاكره بس انا محتاجك في حياتي يمكن تطلعني من الدوامه اللي انا فيها دي حاولي تنسيني نور مش هاكدب عليكي واقولك مش شايفك لاء انا مشدود ليكي بس حبي لنور مناعني ذكرياتي معاها منعاني كل ماافكر فيكي افتكر نور ساعديني يامريم ساعديني 

مريم: اساعدك ازاي مش فاهمه 

محمد: خليني انسى نور خليني اعمل معاكي ذكريات جديده خرجيني من السجن اللي حبست نفسي فيه نوريلي حياتي اللي ضلمت عليا 

مريم: بس انا مش بديله يامحمد كلامك ده دليل على انك عاوزني بديله مكان نور وانا مستحيل اكون بديله لحد عاوز ذكريات تمحي ذكرياتك مع نور عاوزني انور حياتك اللي ضلمت بعد نور عاوزني اخرجك من حبسك اللي حبست نفسك فيه بأيدك من حزنك على نور دا كله دليل انك عاوزه بديله يامحمد بديله يااخي دا انت حتى ماكلفتش نفسك وقولتلي ساعديني احبك ههه

محمد: ليه يامريم فهمتي كلامي كده انا ماقصدش ده 

مريم بحزن: اومال تقصد ايه يامحمد تقصد ايه هو ده مقصد كلامك بس تعرف انت معاك حق خلاص يامحمد انا راضيه ابقى بديله بس بعد مااساعدك هاتطلقني لاني خلاص مش عاوزه اكمل معاك ياريت تحقق رغبتي  بعد اذنك هاروح هاتطمن على روان... 

#ياله من الم لا يحتمل تراني لما احببته هو الهذه الدرجه يؤلم العشق اشعر بقلبي يبكي حزنآ نعم اشعر به كأنه يتهمني بأنني تركته ينبض للحب الخطاء لما لما احببته ياليتني استطيع كرهه.. 

♡♕♕♕♕♕♕♕♕♕♡♡♡♡♕♕♕♕♡

أول مرة في حياتي يستوقفني قول الله تعالى: "حتى إذا ضاقت عليهم الأرض بما رحبت".. 

سبحان الله هو ده الإحساس اللي عندي لكن مكنتش عارفة أوصفه، الأرض دي كلها رغم كبرها واتساعها كأنها ضاقت فعلًا.

ثم اقرأ "وضاقت عليهم أنفسهم"، نعم يا رب نعم ضاقت  

  

ثم اقرأ : 

"وَظَنُّوا أَن لَّا مَلْجَأَ مِنَ اللَّهِ إِلَّا إِلَيْهِ ثُمَّ تَابَ عَلَيْهِمْ لِيَتُوبُوا" 

اللهم توبة، اللهم توبة.

♡♕♕♕♕♕♕♕♕♕♕♕♕♕♕♡

ذهبت مريم لغرفة روان وجدتها تبكي في احضان والدتها ذهبت بكل هدوء وجلست بجانبها واخذت تهدء روان ببعض الكلمات حتى غفت. 

ناديه: خلاص نامت الحمدلله روحي انتي يابنتي ارتاحي وانا هنام معاها هنا.. 

مريم: لاء ياماما روحي انتي نامي في اوضتك وانا هاقعد جنب روان.. 

ناديه: لاء ياحبيبتي روحي انتي اوضتك علشان جوزك مايقلقش عليكي 

مريم: خلاص بقى ياناديه انا قولة لمحمد قبل مااجي وهو وافق خلاص بقا كده يلا بقى 

ناديه: بس... 

مريم: مابسش يلا على اوضتك بقى 

ناديه بأستسلام: حاااااضر والله ماعارفه مين ام مين ماشي نامي انتي كمان وارتاحي ياقلبي

مريم: حاضر ياست الكل 

ناديه: يلا تصبحي على خير 

مريم: وانتي من اهل الخير.. 

#استيقظ محمد الساعه 1.صباحآ تفاجاء عندما لم يجدها بجانبه ذهب سريعآ لغرفة والدته وطرق الباب 

ناديه بنوم: محمد خير يابني في ايه 

محمد: انا اسف ياماما زعجتك في وقت ذي ده بس مريم

ناديه: مالها مريم 

محمد: صحيت فجأه ملقتهاش جنبي 

ناديه: هي نايمه مع روان في اوضتها هي قالتلي انها عرفتك 

محمد بسرعه: اه اه هي صحيح قالتلي بس شكلي نسيت انا بجد اسف ياحبيبتي صحيتك من نومك وزعجتك 

ناديه: ولا يهمك ياحبيبي يلا روح ارتاح

#اخرجهم من حديثهم صوت جرس 🔔الباب 

ناديه: من جاي لينا الساعه دي سترك يارب 

محمد: مش عارف هاروح اشوف مين 

#ذهب محمد ليرى من وكان عز 

محمد: عز خير يابني في ايه 

عز بحرج: سامحني يامحمد بس والله ماقدرتش ماجيش اطمن على روان 

ابتسم محمد علي ذلك المحب لحبيبه وسرعان مااتت في باله مريم مما اثار استغرابه انه تذكر مريم لا نور.. 

اخرجه من تفكيره صوت عز 

عز: هي عامله ايه دلوقتي يامحمد 

محمد: بخير الحمدلله نايمه دلوقتي 

عز: طب الحمدلله هامشي وان شاءلله الصبح هاجي اتطمن عليها 

محمد: تمشي فين يابني احنا خلاص كام ساعه والفجر يأذن خش نام هنا دلوقتي 

عز: بس مش هاينفع روان نايمه مش هاقدر ازعجها 

محمد: لاء اتطمن ياخويا انت في اوضتي مريم معاها تعال تعال خش 

عز: ماهو.. 

محمد: بلا ماهو بلا بتاع خش يابني الجو تلج 

ناديه: ادخل ياعز يابني دا بيتك ياحبيبي 

عز وهو ينظر ارضآ: ربنا يخليكي ياماما 

ناديه: يلا ادخلوا انتم ناموا هاسيبكم انا بقى تصبحوا على خير 

محمد وعز: وانتي من اهل الخير 

#مع اقتراب الفجر استيقظت مريم على صوت بكاء روان وهي نائمه

مريم: روان روان ياروان 

#استيقظت روان فجأه واخذت تبكي بألم على فراق ابنتها.

احتضنتها مريم بحزن واخذت تهدءها 

مريم: اهدي ياحبيبتي قدر الله ماشاء فعل والله ربنا هايراضيكي انتي مؤمنه بالله ياروان وعارفه ان ربنا سبحانه وتعالى كاتبلك كل خير. 

#وتظن انك خسرت والحقيقه ان ماخسرته هو تمهيدآ لمكسب عظيم سيكافئ الله قلبك 💚به وتظن انك حرمت والحق انك رحمت وتظن ان الله ابتلاك والحقيقه انه نجاك وتظن ان الاوان قد فات ويكون الاجمل ماهو ات... 

مرت دقائق واذن اذان الفجر... 

مريم: اهو شوفتي دليل احلى من كده يلا بينا نصلي ونحمد ربنا سبحانه وتعالى زمانهم بره متجمعين علشان يصلوا. 

ازالت روان دموع عينيها: حاضر يلا بينا 

#خرجت روان ومريم ووجدت عز امامها 

روان: عز 

ركض عز اليها بلهفه ليطمئن عليها.

عز: حبيبتي انتي كويسه طمنيني عليكي 

روان بحزن: سامحني ياعز انا ماقدرتش احافظ على بنتنا انا مهمله 

تذكر عز حديث والده انه سبب ذلك الحادث.. 

عز: الحمدلله ياحبيبتي الحمدلله قدر الله وماشاء فعل المهم انتي تكوني بخير ياقلبي 

محمد: يلا ياجماعه خلينا نصلي 

♡♕♕♕♕♕♕♕♕♕♕♕♕♕♕♡

طول عمرنا متربين علي اسس و كلمات بتتردد و بنشوفها حوالينا:

*كلمة راجل*: 

الراجل مش بالعضلات ولا بالصوت العالي، الراجل بمواقفه، بأخلاقه، بوقوفه جنب اللي محتاجه.

 • *خليك جدع*: 

الجدعنة مش ضعف، دي قوة، وهي اللي بتخلي الناس تحترمك وتحس إنك سند.

 • *احترم الي اكبر منك حتي لو بسنه*: 

دي تربية، وأصول، ولو ضاعت، يبقى مفيش قيم. احترام الكبير مش عشان هو دايماً صح، لكن عشان انت محترم.

 • *متتدخلش في أمور الناس*: 

ركّز في حياتك، وكل واحد عنده همومه. التدخل مش هيحل حاجة، لكن هيزود المشاكل.

 • *متتكلمش على حد من ورا ضهره*: 

الغيبة بتقلل منك، مش منه. لو عندك كلمة، قولها في وشه، ولو ما تقدرش، اسكت.

• *ماتتريقش علي حد*:

التريقة ضعف، مش قوة. اللي بيتريق هو اللي بيحاول يغطي نقصه.

 • *الصح صح والغلط غلط*: 

مهما حصل، الحق واحد. ما تخليش الظروف ولا الناس تلون المبادئ.

 • *عيب ومايصحش*: 

حاجات بسيطة زي الكلام ده هي اللي بتحافظ على المجتمع سليم. لو شلناها، يبقى كل حاجة تنهار.

 •*ربنا اللي خلقنا كلنا*:

 مفيش حد أحسن من حد، ولا لون ولا فلوس ولا أي حاجة بتفرق. القيمة عند ربنا بالأخلاق والتقوى.

 • *حط نفسك مكانه*: 

لو كل واحد عمل كده، المشاكل كلها هتختفي. التعاطف هو اللي بيخلينا بشر

مع الوقت، القيم و الأخلاق دي للاسف تلاشت و بقت عكسها الي بيحصل و بنشوفه كل يوم. قليلين قوي الي متمسكين بالكلام ده. 

♡♕♕♕♕♕♕♕♕♕♕♕♕♡

كالعاده مرت ايام ذلك الشهر الكريم بسرعه ولم يبقى منها الا اسبوع وامتلأت البيوت بروائح الحكك الذكيه بدري بدري والايام بتجري والله لسه بدري والله ياشهر الصيام.. 

ناديه: يارووووح بت يارووح

روح وهي مغطاه بالكامل بالدقيق والسمن: خييير خير ياست الحبايب ياحنينه ياطيبه عاوزه تمرمطيني في ايه تاااني عجن كحك والبسكويت ترويق بيت غسيل مواعين عماله اتشقلب في البيت من الصبح ياناديه... 

ناديه: افتحي الباب ياقلب امك 

كانت مريم وندى جالسين يساعدون ناديه في نقش الكحك يحاولون كبح الضحك ولكن لم يستطيعوا فاانفج روا في الضحك 

روح: اعااااااااااا 

ناديه: في ايه يابنت المجانين جوز اختك وابن خالتك عندنا 

روح: العيال دي سكتيهم بدل مااعجنهم بدل الكحك 

ناديه: بس يابت دول تعبوا معايا ياقلب امهم وعمالين ينقشوا من الصبح يلا روحي افتحي الباب 

هنا وذادت  ندى ومريم في الضحك اكتر واكتر 

روح: والله انا قولة انكم لقيتوني على باب جامع ماحدش صدقني صبرني يارب اما اروح افتح

#ذهبت روح لفتح الباب ولم يكن سواه فارس

روح: انت خير يااستاذ..

            الفصل الرابع والستون من هنا 

       لقراءة جميع فصول الرواية من هنا

تعديل المقال