رواية هذا قدري الفصل الرابع عشر 14 الجزء الثاني بقلم حنين شريف
حسن
اسسسسر!!
اسر لف لقي حسن بيجري ناحيته ... وفجأة اترمي عليه
اسر
حسسسن!!
اسر قالها لما حسن اتصاب
اسر بلهفه
حسن انت كويس....دراعك بينزف
حسن بصله وابتسم بتعب
متقلقش .....ا اانا كووييس(قال كده واغمي عليه)
حد
اسر بخوف
حسن.... حسن....رد عليا...حسسسسسسن!!
الرجاله اتلمت علي صوت اسر
اسر بصوت عالي
انتو واااقفين بتتفرجو.....تعالو ودوه للمستشفى بسرعه
وهما بينقلو حسن للعربيه
اسر سال ظابط
هو خالد باشا فين
ظابط
مش لاقينوه
اسر
طيب خليهم ينقلو حسن للمستشفى وانا وانت نشوف خالد باشا فين
الظابط هز راسه بمعني ماشي
~~~~~~~~~~~~~~~~~~~~~~~
عند خالد ومنير في المخزن
خالد كان حاسس ان دي النهايه...وكان بيفتكر كل لحظه ليه هو وشهد
فلاااش بااااااااااااك
من سنتين
شهد
لا برده
خالد
هو ايه الي لا...هو انا بقولك هروح اتفسح...بقولك انا عندي مهمه
شهد بحزن
ايوه بس انا مش مطمنه
خالد ابتسم
ما انت كل مره بتبقي مش مطمنه... متقلقيش انا هقضل قاعد علي قالبك
شهد
وعد
خالد بابتسامه
وعد
باااااااك
خالد ابتسم وقال بصوت ضعيف
ا اسف يا ش شهد
وكان جمبه منير الي كان قاعد بيرتعش من الخوف
اسر والظابط وصلوا ولقو خالد مرمي علي الارض بيتزف و جمبه منير الي بيرتعش من الخوف
اسر بخوف علي خالد
خاالد
اسر وجه كلامه للظابط الي معاه
خد منير وانا هشيل خالد للعربيه
~~~~~~~~~~~~~~~~~~~~~~~~
عند عمر كانت مريم قاعده قدام المكتب
عمر
طيب والعمل...احنا كل ما نتأخر نسبه النجاح بتقل
مريم
مش عارفه... المشكله ان حياه مستسلمه تماما....
قاطع كلامهم لما الممرضه دخلت بسرعه
عمر وقف وقال
في ايه؟
الممرضه بتوتر
الحق يا دكتور عمر في ظباط كتير جم وهما مصابين
عمر بخوف
خ خالد
~~~~~~~~~~~~~~~~~~~~~~~
طبعا المستشفى كلها كانت علي بعضها،وشهد كانت بتدور بعينها علي خالد
لقيت عمر واقف قدام غرفه،جريت شهد عليه وقالت بدموع
عمر...في ايه!؟.... خالد فين...
عمر قال وهو بيحاول يطمنها
متقلقيش ان شاءالله ه...
شهد قاطعته بدموع
عمر ... لوسمحت قولي خالد ماااله
عمر وهو بيحاول يتماسك قدامها
خالد اتصاب اصابه خطيره..وهو دلوقتي في العمليات
شهد بدموع
ايه؟؟...
عمر حاول يهديها
شهد ان شاءالله هيبقي بخير متقلقيش
شهد ببكاء
انا خايفه اوي يا عمر
عمر وهو بيحاول يتماسك
ان شاءالله هيبقي بخير
مريم كانت متابعاهم من بعيد،وقالت ان هي تمشي وتسيبو دلوقتي وتجيله في وقت تاني
وهي بتمشي شافت اسر الي كان قاعد علي الارض وعيونه مليانه دموع وهدومه فيها د*م
مريم راحت له بسرعه وقالت
اسر ..ان انت كويس ؟
اسر بصلها من غير ما يتكلم ،بعد كده قال بصوت ضعيف
حسن
مريم
ماله
اسر
حسن اتصاب (تابع)كانت الرصاصه هتيجي فيا لكن هو ضحي بنفسه علشاني
مريم
متقلقش ان شاءالله هيبقي بخير....روح انت بس اغسل وشك وتعالي..قعدتك كده ملهاش لازمه
اسر هز رأسه وراح الحمام،في الوقت ده حياه رنت علي مريم
مريم ردت
الو
حياه
انت فين؟؟... اتأخرتي اوي
مريم
انا في المستشفى
حياه بخوف
ايه؟ ليه مالك...
مريم حكت لحياه كل حاجه
حياه
طيب أنا جايه دلوقتي
مريم
لا يا حياه خليكي ..
حياه قاطعتها
لا طبعا انا مش هسيبك لوحدك
حياه قفلت مع مريم وفعلا راحت المستشفى وفضلت حياه جمب مريم
بعد شويه الدكتور خرج
اسر راح للدكتور وقال بلهفه
خير يا دكتور ...حسن ماله
الدكتور ابتسم
متقلقش الاصابه مكنتش خطيره ...قدرنا نشيل الرصاصه
اسر قال بسعاده
يعني ينفع ادخله
الدكتور
اه ممكن
عند شهد وعمر الي كانو قدام غرفه العمليات
الدكتور خرج
عمر وشهد بلهفه
خير يا دكتور
الدكتور بأسف
للاسف يا دكتور عمر الاصابه كانت في مكان حساس
شهد بدموع
يعني خالد عامل ايه دلوقتي
الدكتور اتنهد
تقدري تتدعيله
شهد بدموع
طيب ينفع ادخله
الدكتور
ماشي بس متطوليش
شهد هزت رأسها بمعنى ماشي
عند اسر
اسر دخل لحسن
اسر
عامل ايه دلوقتي يا حسن
حسن ابتسم
متقلقش..انا كويس
اسر
عمري ما هنسالك الي عملته معايا ابدا يا حسن
حسن
يلا عد الجمايل...والله يا اسر انا مش عارف من غيري كنت هتعمل ايه في حياتك
اسر
تصدق انك عيل معندكش دم
عند شهد بعد ما دخلت غرفه خالد
بصت ليه بدموع وقالت
انا عارفه انك مدايق مني....ومدايق من كلامي....بس انت عارفني...عارف اني مقدرش اعيش من غيرك...انت وعدتني يا خالد...وعدتني انك عمرك ما هتسبني... مش انت دايما بتقول انك بتلتزم بكل الي بتقوله.... التزم بقي الي قولتهولي قبل كده...قولتلي انك عمرك ما هتسبني....(مسحت دموعها) اه..انت قولتلي انك هتفضل قاعد على قلبي.... علشان خاطري يا خالد... انا بوعدك اني مش هدايقك تاني بكلامي..ولا هستفزك تاني... وهسمع كلامك بعد كده..بس انت ارجع(قالت كده وقعدت تعيط)
يعني يا شيخه كان لازم اموتلك علشان تسمعي الكلام
شهد بصت لخالد بصدمه
خاالد!!
خالد ابتسم
اه
بره الغرفه
الدكتور بعد ما شهد مشيت قال لعمر
دكتور عمر..علي فكره خالد باشا كويس...هو قالي اقول كده قدام دكتوره شهد ...بس هو الحمدلله كويس
عمر ضحك
هههه...ماشي يا سيدي
عند اسر وحسن في الغرفه
الباب خبط
اسر
ادخل
مريم دخلت
السلام عليكم
اسر وحسن
وعليكم السلام ورحمه الله وبركاته
مريم بابتسامه
الف سلامه عليك يا حسن
حسن باستغراب
الله يسلمك....هو انت عرفتي منين؟
مريم
مفيش كنت في المستشفى وشوفت اسر...علي العموم ألف سلامة عليك
مريم قالت كده ومشيت
اسر كان بيبص لطيف مريم بحزن وحسن قال بغيظ
يا اخي خلي عندك شويه من الاحمر
اسر
ها ...اعمل ايه يعني
حسن
يعني قوم صالحها ولا اعمل ايه حاجه....
اسر اتنهد وخرج لمريم
اسر
مريم
مريم بجديه
اتفضل عايز ايه
اسر بأسف
مريم صدقيني كان.....
مريم قاطعته وقالت بوجع
كان ايه....كان غصب عنك...كان غصب عنك لما تشوف راجل بيهني قدامك وانت واقف تتفرج.....كان غصب عنك...ولا كان غصب عنك لما كل شويه تأجل ميعاد خطوبتنا .....
اسر
انت بتقولي ايه...انت عارفه طبيعه شغلي ....وهي قد ايه صعبه....بعدين انت عماله بتتكلمي ومش حاسه بيا...انت مش عارفه انا كنت عامل ازاي وانا واقف ومش عارف ادافع عنك...(كمل بلين)مريم انت عارفاني كويس ...انا بعد الايام الي هنكون فيها مع بعض...وكل الي حصل بسبب منير الز*فت ده....بس انا اوعدك اني مش هدخلك في شغلي ابدا
طبعا كل ده حياه كانت شايفاه لانها كانت ورا اسر
حياه هزت راسها لمريم ان هي تسامحه
مريم بجديه
عن اذنك هروح لحياه
مريم قالت كده ومشيت راحت لحياه واسر خرج بره المستشفى
حياه بغيظ لمريم
ليه يا مريم...ليه تعملي كده وانت عارفه كويس انه مكنش بأيده حاجه
مريم
بعدين بس يا حياه....تعالي نشوف دكتور عمر
حياه
ليه
مريم
تقريبا ليه واحد صاحبه في العمليات...تعالي نطمن عليه
مريم وحياه راحو لعمر الي كان لسه واقف قدام غرفه خالد
مريم
دكتور عمر..
عمر استغرب لما شاف حياه
نعم
مريم
قريب حضرتك عامل ايه دلوقتي
عمر
كويس الحمدلله....(وجه كلامه لحياه) خالد الي قابلتيه في المستشفى قبل كده...فاكراه؟
حياه
قصدك الظابط الي كان بيدور علي منير
عمر
اه...لو عايزه ممكن تدخليله وتعرفي حصل ايه
قاطع كلامهم اسر
اسر بص لمريم الي تجاهلته،ووجه كلامه لعمر
دكتور عمر.. خالد باشا عامل ايه دلوقتي
عمر
الحمدلله كويس
اسر
اقدر ادخله
عمر
خليها بس وقت تاني ..ممكن بكره لانه لسه خارج من العمليات
اسر
طيب تمام(وجه كلامه لمريم)تحبي اوصلك
مريم
لا متشكره
تاني يوم عند خالد
حياه ومريم راحو لخالد
خالد
احب اعرفك يا حياه ان منير خلاص اتقبض عليه وهو اعترف بكل حاجه
حياه
اعترف بأيه؟
خالد اتنهد
منير هو الي ق*تل عادل بيه ...وهو الي زور الورق الي بيثبت ان عادل بيه ادي كل املاكه لمنير...بس الحقيقه ان كل املاكه مكتوبه بأسمك انت
حياه بصدمه
ايه؟؟...
خالد
انا عارف انك مستغربه لكن دي الحقيقه
عمر
اظن بقي مفيش اي حاجه تمنعك انك تعملي العمليه
شهد
وهو انت اساسا كنت رافضه؟
مريم لحياه
حياه كل حاجه اتحلت اهيه...حقك رجعلك وفلوسك بقيت معاكي...مش ناقص بس غير انك تعملي العمليه..وتفتحي صفحه جديده في حياتك
حياه كانت بتفكر لكن قاطع تفكيرها لما اسر دخل الغرفه
اسر
الف سلامه عليك يا باشا
حياه قالت مره واحده
انا موافقه اعمل العمليه...بس عندي شرطين.