رواية هذا قدري الفصل الثاني 2 بقلم حنين شريف
فتحت عيني بتعب بصيت حوليا، لقيتني نايمه علي سرير المستشفى ،مكنتش فاكره اي حاجه غير اني اغمي عليا لما عرفت ان بابا اتوفي.
عيني دمعت وانا بفتكر كل حاجه بينا،لما كان يزعل مني واجي اصالحه، فاكره مره لما كنت في المدرسه وزميلي اتنمرو عليا ، رجعت يوميها جري علي الاؤضه وقعدت اعيط، ولما بابا جه قولتلو الي حصل ،يوميها خرجني وقعد يلهيني علشان انسي الي حصل،بعدها راح المدرسه وزعق جامد في المديره.
مش قادره اصدق انو خلاص،بابا الي كان بالنسبالي كل حاجه مشي ومش هعرف اشوفو تاني.
علي فين يا استاذه؟
علي*****
قولتها بعد ما وقفت سواق تاكسي،مش عارفه ليه مكلمتش حد علشان يوصلني الفيلا ،يمكن علشان حاسه اني تعبانه لدرجه اني مش قادره اكلم حد
بعد ما حياه وصلت قدام باب الفيلا وكانت هتدخل لكن الحارس وقفها
_علي فين يا استاذه
=قولت بعصبية هو ايه الي داخله فين!! داخله الفيلا بتاعتي
_لا واضح انك غلطانه في العنوان،الفيلا دي بتاعت الباشا منير
=منير ده ايه!!بقولك ايه امشي من قدامي احسنلك
لقيت عمو منير جاي وقال بزعيق:
في ايه؟؟ ايه الي بيحصل هنا؟!
الحارس قال: والله يا باشا انا كنت واقف فجاه لقيت الاستاذه دي جايه وعايزه تدخل وبتقول ان الفيلا دي بتاعتها
لقيت عمو منير ابتسم بخبث وقال:
ايه يا حياه يا حبيبتي ،مش كنت المفروض تكلميني علشان اوصلك لبيت عمك،ولا انت متعرفيش ان عمك منير طيب ولازم يخدم الناس الغلابه
قولت بعصبية: انت بتخرف بتقول ايه ،الفيلا دي بتاعت بابا الله يرحمه
قاطعني وقال:اه كانت بتاعت بابا لما كان عايش ودلوقتي بابا مات، والفيلا دي بتاعتي
سكت بصدمه
اكمل :ولا انت متعرفيش ان بابا قبل مايموت كتب كل املاكه بأسمي
=ايه!! انت اكيد بتكدب،بابا مستحيل يعمل كده
ضحك وبعد كده طلع ورقه وقال:وياتري بقي الورقه دي كمان بتكدب
بصيت للورقه بصدمه!
فعلا الورقه دي بتقول ان بابا كتب كل املاكه لعمو منير
مستحيييل قولتها بصدمه
ضحك هو وقال: يلا بقي تقدري تمشي من هنا لاني الحقيقه مش فاضي اتكلم معاكي اكتر من كده لان عندي ميتنج مهم جدا،ياريت تتفضلي قبل ما اناديلك الامن
بصيتله بصدمه
قال بزعيق: يلا بقي امشي من هنا!! يا ابراهيم تعالي خدها من هنا!
كنت ماشيه وانا لسه في حاله زهول ،مش مصدقه ان كل حاجه راحت في يوم وليله، بابا مشي وكل حاجه راحت.
قعدت علي الرصيف مش عارفه اعمل ايه ،كلمت كل صحابي ، لكن كلهم لما سمعوا اني خسرت كل حاجه سابوني،في الي مردش والي قعد يبرر ويقول ايه كلام علشان مجيش عندو،
كنت حاسه اني لاول مره في حياتي تايهه ،مش عارفه اعمل ايه ولا اروح فين.
لغايه ما الليل ليل وانا تعبت من كتر المشي ،قعدت علي الرصيف ونمت
فجاه لقيت الي بيصحيني ووووو