رواية هذا قدري الفصل الاول 1 بقلم حنين شريف
=ايه يا حياه اتأخرتي ليه؟؟..
-معلش يا روحي الطريق كان زحمه موت
=طيب يلا الشله مستنيانا
-اوك يلا
*واااااو ايه القمر ده يا حياه
-ده انت الي قمر
تليفون حياه رن
-يوووه
=ايه في ايه
-البنت الي اتعرفت عليها في الجامعه بترن عليا
=طيب ايه المشكله
-البنت دي مبحبهاش ،عامله فيها شيخه،دي مش بعيد تكون بترن عليا تقولي تعالي نروح نصلي التراويح
الكل ضحك
=هههههه يخرب بيت عقلك
*طيب اقفلي بقي علشان نتبسط
ستووووب
حياه عادل ٢٢سنه من عيله غنيه جدا،مامتها متوفيه من وهي صغيره وباباها هو الي رباها،شخصيه عنيده ومتكبره
الساعه ٢بليل
حياه كانت لسه داخله الفيلا
-انت كنت فين يا حياه
حياه اتخضت
ايه يا بابي في حد يخض حد كده
الاب بحده قوليلي كنت فين
ايه يابابا كنت مع صحابي
-اتأخرتي كده ليه
حياه قالت وهي بتتاوب مفيش الخروجه كانت حلوه ومحستش بالوقت
الاب بحده هو انا مش قولتلك...
حيات قاطعته بابا لوسمحت لو عايز تتكلم معايا خليها بكره انا مش قادره عايزه انام
الاب بحده ماشي يا حياه خشي نامي وبكره ليا تصرف تاني معاكي
الصبح
حياه قامت مخضوضه لانها سمعت صريخ الخدامه
حياه
اييييه في ايهه
الخدامه بخوف ال.....الباشا
حياه بقلق
مالو فيه ايه؟؟!
الخدامه بخوف
محمود السواق بتاع الباشا رن عليا وقالي انو الباشا اغمي عليه
حياه بخوف
ط طيب فين المستشفى دي
بعد. ماحياه راحت المستشفى وسألت علي رقم الغرفه
حياه بخوف
عمو منير بابا فين
منير
مش عارف والله يا بنتي فجاه دخلت عليه المكتب لقيتو مغمي عليه جبته المستشفى ودلوقتي الدكتور بيكشف عليه
ملحوظه
منير ده يبقي صاحب عادل وشريكو في الشغل
الدكتور خرج وقال بأسف
للاسف المريض عندو جلطه في المخ ومعرفناش ننقذو،
البقاء لله
حياه بصدمه
اااايه
وفجاه حياه حست ان الدنيا بتلف بيها وووو