نبدأ بالصلاه على النبي صلى الله عليه وسلم 💙
زين: اداله بنيه مش عيب عليك يا محترم لما تمد ايدك علي بنت
وكمان بنيه ودي علشان تبص لحاجه مش بتاعتك ونزل فيهم ضرب
رهف: خلاص يا زين هيموتو في ايدك سيبهم
زين قلبه دق لما سمع اسمه منها: دا علشانك بس وسابهم ومسك أيدها ودخل الكليه
والكل عمال يتكلم عنهم
زين بصوت جهوري: كل واحد يشوف هو رايح فين ودي خطيبتي اللي يبصلها ما هيشوف الارض تاني
رهف فرحت بس دارت فرحها بغضب: انت بتقول ايه يبنأدم انا خطيبتك ايه بس
زين مشي ومردش عليها
وبعد يوم طويل في الكليه رهف راحت علي البيت
رهف: يا مامااا انا جيب
وفاء باستغراب: ماما البت دي فيها حاجه مبتقوليش ماما غير لما يكون فيها حاجه مالك يا رهف
رهف: مفيش يا ماما انا بس بعرفك اني جيت هدخل انام ومحدش يصحيني
وفاء: في سرها لا البت دي فيها حاجه هعرف بعدين بطريقتي لا هتنامي مستغرباكي لا وكمان مش هتاكلي فين رهف بنتي انتي مين
رهف بضحك: يا فوفه والله انا بس تعبانه انهاردة كان اليوم طويل وكنا في المعمل بنشرح
وفاء: ايوا فوفه كدا اتأكدت انك بنتي هههه طيب حبيبتي ادخلي نامي ولا تصحي هبقا اجهزلك الاكل ومتنسيش تبقي تجهزي شنطتك
رهف باستغراب: ليه يا فوفه من دلوقتي بكرا الخميس واحنا هنروح الجمعة
وفاء: هنروح بكرا يا حبيبتي وهنقضي يومين وآسر اخوكي خد إجازة بكرا وبعدو
رهف: ماشي يا فوفه ودخلت اوضتها
رهف: يلهوي هقابله ازاي دا مش قادرة انسى اللي حصل انهاردة ومش هقدر احط عيني في عينه
عقلها: فين رهف القوية الشجاعه اللي كانت هتوريه اسود ايام حياته
قلبها: متنسيش انه انقذك انهاردة من شباب كانو هيضيعو حياتك
عقلها: ومتنسيش أنه سابك ومرجعش علطول وعشمك علي الفاضي
قلبها: دا كان حبيبك وهو دايما اللي كان بيحميكي اديله فرصة تانيه واسمعي منه أتأخر ليه
وفي الاخر انتصر القلب علي العقل( ايوا هو العضو المهزق اللي مودينا في داهية دا💔😹)
رهف: ما خلاص بقا قرفتوني وهو دايما المهزق اللي بيكسب أما انام احسن
في بيت زين
زين: انا جيت يا ست الكل
روز دخلت وراه
روز: وانا كمان جيت يا سوسو
سارة: قلوبي ادخلوا غيرو وادو فرضكو لحد ما اجهز الاكل
زين: حاضر يا ست الكل
روز: حاضر يا سوسو
كل واحد دخل أوضته
زين بحزن: هتعملي فيا ايه تاني يا رهف اتمني تسامحني وتديني فرصة وتسمعيني انا تعبت بس هفضل وراكي لحد ما تسامحيني دخل الحمام خد شاور واتوضى ولبس ترنج بيتي مريح وصلى ونزل
زين: يا روايحك يا ست الكل
سارة: حبيبي يا زنزون
زين: يا ست الكل بلاش الدلع دا الهي يخليكي انا دلوقتي كبرت
سارة بضحك: هتفضل طفل طول عمرك في نظري
روز: صحكوني معاكو يا روايحك عامله اكل ايه يسوسو
سارة بضحك: مانت مش هامك غير كرشك عامله بشاميل وبط وجلاش وحمام (معلش بقا جوعتكو انا بذات نفسي جعت وعيلة غنيه بقا وكدا فمن حقهم ياكلو كدا🙂😹😹)
زين،روز: الله الله الاكل اللي بنحبه تسلم ايديك ويخليكي لينا
وهنا دخل احمد
احمد: ايه دا بتحبو في مراتي وانا موجود يا جزم
روز بضحك: الله الله حمو بيغير علي مراته
احمد بضحك: ايوا اغير مش حب عمري دي
سارة بكسوف وضحك: بس بقا احنا كبرنا
احمد: هتفضلي في نظري صغيرة
زين: ايوا بقا الله يسهلوو
سارة: ادخل غير يا حبيبي لحد ما احط الاكل
احمد: حاضر يا حبيبتي
الكل اتجمع علي الغدا
احمد: عمك محمد اتصل وقال هيجو بكرا يقضو يومين
زين بفرحه لم يظهرها: ينورو يا بابا هاخد إجازة من الشغل
احمد: تمام يبني
روز: الله يعني هنسهر سوا انا والبنات هتبقي سهرة جميلة
سارة: وانا ووفاء يبت معاكو والرجاله لوحديهم
روز: طبعا يماما وفي سرها بس هتنطردو بدري بدري وضحكت
والكل نام بيفكر في بكرا
في الحزين وفي السعيد وفي اللي خايف وفي مفاجأت هتحصل
تاني يوم الصبح
في بيت رهف
رهف صحيت من النوم خدت شاور واتوضت وصلت ولبست بنطلون جينس اسود وبلوزة بيضة وجاكت جينس اسود وفاردة شعرها ولبست كوتشي ابيض و حطت ميكب خفيف فكانت جميلة جدا وطلعت من اوضتها
رهف: فووووفه انا جعانه
وفاء: بسم الله الرحمن الرحيم وصحيتي لوحدك كدا لا وكمان لبستي وبقيتي قمر وملاك ما شاء الله هي دي بنتي ولا انا جالي سخنية وبهلوس
رهف بضحك: لا انا عفريت رهف
وفاء: يلهوي انا قولت كدا برضو
رهف بضحك اكتر: انا رهف يا فوفه بس علشان نايمه بدري فصحيت لوحدي وبعدين اظبط نفسي كدا وفي سرها علشان زين الكلب انا يشوفني يندم علشان رايحين لعمو احمد
وفاء: ايوا صح الاكل حضرته روحي صحي آسر
رهف ابتسمت بخبث: حاضر يا فوفه
ودخلت بكوبايه ميه ساقعه ودلقتها عليه
آسر: يلهويي انا بعرف الحقوناااي
رهف ميته علي نفسها من الضحك: يااه من زمان معملتش كدا هموت ههههه
آسر: والله يا رهف لا ما وريتك وبعدين فتح عينه كويس مين المزة دي
رهف بغرور: انا يا حبيبي
آسر: امال انتي مزة ليه كدا
رهف: جهزت نفسي علشان رايحين لعمو احمد
آسر بضحك: عمو احمد برضو ولا وغمزلها
رهف بخجل: بس بقا
آسر بابتسامه: انتي سامحتيه
رهف بابتسامه وخجل: ايوا قررت اديله فرصة ولو غلط تاني يبقا ينساني خالص
آسر حضن أخته: ربنا يسعدك يا حبيبتي وراح قارص ودانها لسه مش حاسبتك علي كوبايه الميه اللي دلقتيها
رهف: آاه سماح بقا يا رجولة
آسر: علشان خاطر زين مش اكتر
رهف: حبيبي يا شبح
آسر: شبح!!
رهف: اه يا رايق
آسر: رايق!!
رهف: في ايه يا عمهم
آسر باستغراب: مين انتي وانا استغرب ليه مانتي رهف اختي
رهف: هههههه حبيبي يا زميلي
آسر: زميلي الله يكون في عون اللي هياخدك يبقى أمه داعيه عليه
رهف بتكبر: وهو يطول اصلا هه
آسر: اطلعي يبت اما اغير علشان نمشي
آسر خد شاور واتوضى وصلى ولبس كاجول كدا بنطلون جينس اسود وتيشرت ابيض وكوتشي ابيض بيحب هو ورهف يبقو توينز في اللبس
وطلع من الاوضة
وفطرو وماشيين
آسر نزل الشنط في العربية
ورهف مستنيه ملك تخرج هي ومامتها (ملك بيتها قدام رهف )
وفاء قفلت الباب بالمفاتيح ونزلت هي ومحمد
ملك: ابو الصحاب ايه الحلاوة دي يعم وغمزتلها
رهف بضحك: ع اساس انك وحشة مثلا
ملك: طب يلا يا بكاشه
رهف: يلا يا زميلي انا وملك هنركب في عربية آسر وغمزت لآسر
آسر: طول عمري بقول انك بتفهمي وضحك
محمد: ماشي يبنتي وام ملك هتيجي معانا في العربية تقعد جمب وفاء
وركبو ومشيو
في عربية آسر
رهف: آسر شغلنا مهرجانات الهي تنستر بدل جو الكسوف دا
آسر: حاضر يستي اهو وشغل مهرجان بنت الجيران ورهف وملك قعدو يغنو ويحركو بأيديهم محمد شافهم
محمد: عيال مجنونه وربنا وكلهم ضحكو
عربية آسر فضلت علي هذا الحال لحد ما وصلو
دخلو باب الفيلة
رهف: حموووو ، سوسووو انا جيت
(....): نورتي
رهف: انتي!؟
يا تري مين دي اللي استقبلت رهف ورهف اتفاجئت لما شافتها ونكمل بعدين