رواية هذا قدري الفصل الثاني عشر 12 بقلم حنين شريف
عند حياه وعمر وخالد في الكافيه جنب المستشفى
حياه
خير يا استاذ خالد
خالد
خير ان شاءالله ،احب اعرفك بنفسي انا العقيد خالد الهواري
حياه بجديه
طيب هو حضرتك عايزني في ايه
خالد بجديه
حضرتك تعرفي منير الالفي
حياه بقلق
ل ليه
خالد
لوسمحت جاوبي بصراحه
حياه
اه ،كان صاحب بابا الله يرحمه
خالد
انا اعرف ان عادل بيه والد حضرتك مات من مده مش كبيره،بس عايز اعرف هو مش المفروض انك انت الي تورثيه
حياه
اه بس لما رجعت الفيلا لقيت منير بيقولي ان بابا الله يرحمه كتب كل أملاكه باسمه،وبعد كده (كملت بدموع )وبعد كده طردني من الفيلا
خالد
هو حضرتك متعرفيش عادل بيه مات ازاي؟
حياه
جلطه في المخ
خالد
طيب هو كان في اي عداوه بين منير وعادل بيه
حياه
لا ابدا ،بابا كان بيثق فيه جدا ،وكانو صحاب ،ومنير كان بيعاملني وكأني بنته ،لكن من ساعه ما بابا اتوفي وكل حاجه اتغيرت
خالد
تمام ،متشكر يا انسه حياة
حياه
لا ثانيه واحده ،هو انت عمال تسألني من الصبح وانا بجاوب ،دلوقتي بقي انا عايزه اعرف ليه كل الاسئله دي
خالد
والله الي اقدر اقولهالك اني حاطط منير تحت المراقبه
حياه بفضول
ليه ،هو انت شاكك في ايه؟؟؟..
خالد
والله لغايه كده كفايه
حياه كانت هتتكلم لكن قاطعها عمر
حياه دي اسرار شغل لغايه كده مينفعش يتكلم
حياه
طيب
خالد مشي وعمر وحياه راحو مكتب عمر
حياه
هو انت كنت عارف
عمر
الصراحه اه ،وانا الي قولتله انه يجي
حياه
نعم! يعني انت كنت متفق معاه
عمر
اه
حياه بغيظ
لا بس صريح
عمر بضحك
امال اكذب
~~~~~~~~~~~~~~~~~~~~~~~~~~~~
عند خالد كان ماشي من جنب المستشفي وشاف من بعيد شهد وهي بتتكلم و بتضحك مع طفله
خالد ابتسم وقال لنفسه
لسه زي ما انت ،ماتغيرتيش(كمل بحزن)،بس انت السبب في الي احنا فيه ده
فلاش بااااااااااااك
خالد
يا بنتي بطلي جنان بقي
شهد بغيظ
علي فكره انا عاقله جدا
خالد بضحك
اه ما هو واضح
شهد بتوتر
خالد مقولتش ايه رايك في الموضوع الي قولتلك عليه
خالد وهو بيسوق العربيه
موضوع ايه؟
شهد بغيظ
يووووه ،انت لحقت تنسي
خالد
اه قصدك علي السفريه الي ممكن تقعدي فيها سنتين
شهد بتوتر
اه
خالد بهدوء
لا
شهد
ليه
خالد
سنتين ايه ،سنتين دي هنتجوز فيها ونجيب عيال كمان،(كمل بجديه)شهد شيلي الموضوع ده من دماغك، سفر مفيش
شهد بصوت عالي
يعني ايه مش هسافر،خالد انا لو سافرت هكتسب خبره و ..
قاطع كلامها خالد بحده و وقف العربيه
شههد،صوتك يوطي،(بصلها) شهد هو انا لو خيرتك بيني وبين السفر هتختاري ايه
سكتت شهد وبصت الناحيه التانيه للشباك
باااااااك
فاق خالد من ذكرياته ،وشهد اخدت بالها منه ،وبصتله
شهد لنفسها
انا مش عارفه كان المفروض اعمل ايه،كان المفروض اختارك واسيب مستقبلي، ولا زي ما عملت اسافر واسيبك، واتخطب لواحد غيرك، مع اني عارفه اني مش هقدر
خالد بصلها شويه بعد كده مشي،وشهد بصت لطيفه بحزن
~~~~~~~~~~~~~~~~~~~~~
بليل في عربيه عمر ومعاه خالد قدام فيلا شهد
خالد
ادخل انت يا عمر وانا هستناك هنا
عمر
ازاي يا خالد ،انا لو دخلت لازم اقعد جوه
خالد بغضب
انا عايز اعرف ليه اساسا جبتني بيت شهد،احنا كنا متفقين اننا نخرج،ايه بقي ااي جبنا هنا
عمر
اعمل ايه يا خالد ،نسيت ورق مهم مع شهد ولازم اجيبه، بعدين انت ناسي ان خالتي اسما بتحبك اوي، متخليش علاقتك مع شهد تأثر علي علاقتك مع خالتي ، بعدين يا سيدي انت لو دخلت معايا هنمشي بسرعه ،بس لو انا دخلت هقعد واحتمال اطول
خالد بزهق
خلااص انت هتحكي قصه حياتك ،يلا ندخل
~~~~~~~~~~~~~~~~~~~~~~~~~~~~
في فيلا شهد من جوه كان العريس قاعد واسما وام العريس وشهد الي مش طايقه نفسها
اسما بأبتسامه لام العريس
طيب تعالي بقي نسيب العرسان مع بعض
خرجت اسما و ام العريس
العريس
ازيك يا انسه شهد
شهد بأبتسامه مزيفه
كويسه
العريس
مش حابه تعرفي اي حاجه عني
شهد بزهق
اتفضل
العريس
انا مروان و بشتغل في شركه بابا،والحقيقه ان مامي اول ما شافتك قالتلي انها عايزه اني اتجوزك
شهد بضيق
اممم، بقي انت من نوع مامي
مروان بابتسامه سمجه
اه ،ايه المشكله
قاطع كلام شهد لما عمر وخالد دخلوا
عمر بابتسامه
ازيك يا شهد
شهد بتوتر من خالد
ك كويسه
خالد بغضب وهو بيبص لمروان
مين العسل
شهد بقوه مزيفه
ده مروان ،و تقدر تقول خ خطيبي
خالد بعصبية
نععععععم
مروان بخوف
ه هو في ايه
خالد مسك مروان من ياقه قميصه
ولا ،انت جاي تخطبها كده بكل قله زوق
عمر وهو بيبعد خالد عن مروان
ايه المشكله يا خالد،سيبه
مروان بخوف من خالد
والله انا مش عارف مامي هي الي جابتني
خالد بسخريه
امم ،قولتلي مامي
خالد ضرب مروان بالبوكس في وشه
مروان بألم
اه
اسما وام العريس جم
ام مروان بقلق
في ايه يا حبيبي مالك
مروان بخوف
مشيني من هنا يا مامي
ام مروان بغضب وهي بتبص لخالد
انت ازاي تعمل كده انت....
قاطعها زعيق خالد
بقولك ايه !! خدييي ابنك وامشي من هنا!!...
ام مروان و مروان مشيوا بخوف من عصبيه خالد
اسما بغضب
في ايه يا خالد،ليه عملت كده
خالد
في ان بنتك مش هتتجوز الولا ده
شهد بقوه وهي مستخبيه ورا اسما
لا انت ملكش حكم عليا،اتجوز الي انا عايزاه
خالد بعصبيه
بت انت اسكتي احسن
عمر
خالد مش انت مش عايز شهد،سيبها بقي تشوف حياتها
خالد
لا (وجه كلامه لاسما) اسما انا طالب ايد بنتك شهد
اسما بفرحه
ايه بتتكلم جد
خالد
اه وكتب الكتاب والفرح الخميس الجاي
اسما زغرطت
لووووووولي،مبروك يا حبيبي
شهد بغيظ
ومين قالك اساسا اني موافقه
خالد بغيظ
بت انت مش عايز اسمع صوتك تاني
اسما
يا سلام دلوقتي مش عايزاه،امال انت كل شويه تعيطي علي مين،علي خيبتك
شهد بخجل
بقي كده يا ماما تفضحيني
اسما
انا بقول الحقيقه
عمر لصاحبه
مبروك يا خالد
خالد
الله يبارك فيك،عقبالك يا عمور
عمر
مبروك يا شهوود
شهد بكسوف
انا مش موافقه اساسا
خالد بأستفزاز
اه ما واضح
خالد
صحيح مش هتشوف الورق الي عايزه
شهد بأستغراب
ورق ايه انا معييش حاجه
عمر
اه ماهو الصراحه دي خطه انا واسما حطناها علشان ترجعو لبعض
خالد
ايه!!
اسما بضحك
مش مهم ،المهم دلوقتي انكم رجعتم لبعض،عقبالك يا عمر يا ابن اختي
خالد بأستفزاز
لا من الناحيه دي متقلقيش،قريب اوي
عمر بغيظ
قولتلك قبل كده انك معندكش دم
~~~~~~~~~~~~~~~~~~~~~~~~~
في مكان تاني
اسر وهو بيدور في مكتب منير علي ورق معين
اسر لقي الورق الي عايزه
اخيرا لقيتك
اسر كان لسه هيمشي لقي منير
منير بغضب
انتتتتت بتعمل ايييييييه؟!!
ياتري ايه الي هيحصل لأسر ؟؟؟...
~~~~~~~~~~~~~~~~~~