رواية هذا قدري الفصل التاسع 9بقلم حنين شريف
عند خالد في الشقه بتاعته
خالد بيتكلم في التيلفون
ايوه يا اسر وصلت لحاجه
اسر
لا والله يا فندم لسه بدور عليها
خالد
طيب علي العموم انا شكلي وصلتلها،قولي بس في جديد عن منير
اسر
والله يا باشا انا ملاحظ ان في حاجه مابين منير ومدحت وهما مخبينها
خالد
ليه بتقول كده
اسر
والله يا باشا انا بقالي فتره بحس ان منير ومدحت علاقتهم بقيت اوحش من الاول،الاول كان منير بيحترم مدحت وبيعملوا حساب ،لكن دلوقتي بحس ان مدحت كل ما يحاول يتكلم مع منير يقل منه،وكانه ماسك عليه حاجه
خالد
اسر انت عارف كويس انت قعدت قد ايه في المهمه دي علشان تعرف تقرب من منير ،ويثق فيك،اسر انا اديتك المهمه دي وانا واثق فيك جدا،متضيعش الثقه دي
اسر
ده شرف ليا يا فندم ،وانا اوعدك اني هكشف الاعيب منير قريب اوي
~~~~~~~~~~~~~~~~~~~~~~~~~
عند عمر في اؤضه
عمر لنفسه وهو نايم علي السرير
معقول تكون حياه دي البنت الي انا قابلتها قبل كده،لا لا مستحيل بعدين .......
افتكر عمر لما هي كانت بتعيط كانت بتقول
فلاش باك
حياه بعياط
ليه ليه يحصل فيا كده! ليه يارب تعمل فيا كده، يعني حرمتني من امي وقولت ماشي ،اهو بابا عوضني عن كل حاجه ،انما تحرمني من ابويا الي كان كل حاجه في حياتي،ط...طيب انا عارفه اني عملت ذنوب كتيير اووووي ،بس انا مش عارفه اعمل ايه؟؟! (قعدت علي الارض) انا تعبانه اوي ،حراام الي بيحصلي ده
بااااك
قام عمر من السرير
اه هي ،انا حاسس ان هي،بس يا تري ايه حكايتها،ده انت شكلك حكايتك حكايه،(كمل) انا لازم اكلم خالد واعرف هو عايز منها ايه
بص عمر علي الساعه لقي الوقت اتأخر
مش مشكله اكلمه بكره
نام عمر علي السرير تاني
ياتري حكايتك ايه؟؟...
~~~~~~~~~~~~~~~~~~~~~~~~~~
الفجر في الفيلا عند شهد
شهد وهي ماسكه التيلفون وبتقلب في صورها هي وخالد:معقول اكون غلطت لما قررت اني اسافر ،انا كنت فاكره ان لما اسافر واشتغل هنسي،لكن الي مكنتش اعرفه اني مش هعرف انسي،واهو عدي سنتين وانا لسه بفكر فيك ومش عارفه انساك
عند خالد وهو بيقلب في صوره هو وشهد
انت الي اختارتي البعد يا شهد،مع اني متأكد اني الي عملته هو الصح ،لكني برده مش قادر انساكي
بيعدي الليل علي ابطالنا وبيجي نهار جديد علي ابطالنا بأحداث جديده
~~~~~~~~~~~~~~~~~~~~~~~~~~~~~~~~
عند مريم وحياه في الكافيه
حياه بتعب
مريم انا هروح الحمام اغسل وشي واجي
مريم بقلق
حياه انت كويسه ؟؟...
حياه
اه متقلقيش ،خلي بالك بس من شنطتي وتيليفوني
مريم
ماشي يا حبيبتي
مشيت حياه ،وبعد شويه تيليفون حياه رن برقم غريب
مريم ردت
السلام عليكم
شخص
وعليكم السلام ورحمه الله وبركاته،هو مش ده برده رقم الانسه حياه
مريم
اه ،ممكن اعرف مين معايا انا اختها
الشخص
انا اسمي عمر وكنت عايز اقابل الانسه حياه
(طبعا عرفتوا ان عمر الي بيتكلم😁)
مريم
بخصوص ايه
عمر
انا كنت عايز اقابل الانسه حياه لاني عرفت مرض الانسه حياه ،وكنت حابب اساعدها
مريم حست ان حياه قربت تيجي
مريم بسرعه
طيب ممكن نتقابل في*******لاني مش عارفه اكلم حضرتك سلام
حياه جت
خير يا مريم ،كنت بتكلمي مين
مريم بتوتر
م مفيش ده رقم غريب
حياه بأستغراب
طيب
~~~~~~~~~~~~~~~~~~~~~~~~~~
في مكان مجهول
مدحت
بقولك ايه انا بقالي مده عايزك تخلص وانت مش راضي
مجهول
يا مدحت بيه اهم من الشغل تظبيط الشغل،بعدين متنساش انه الموضوع كبير مش صغير
مدحت بعصبيه
بقولك ايه بلا صغير بلا كبير انا عايز اخلص منه
مجهول
متقلقش قريب اوي
~~~~~~~~~~~~~~~~~~~~~~~~~
عند عمر وهو رايح المكان الي اتفق فيه مع مريم
عمر لنفسه
ياتري مين الي كانت بتكلمني دي وانا هعرفها ازاي اساسا ، بس مش عارف عندي فضول كبير اوي اعرف حكايه البنت دي
بعد ما عمر وصل للكافيه الي مريم قالتله عليه ،وشاف مريم وهي قاعده ،كان في الاول بيشبه عليها لغايه ما جتله وقالت
هو حضرتك استاذ عمر
عمر
ايوه
مريم بجمود
طيب احب اعرف حضرتك كنت عايز حياه في ايه،وعرفت مرضها ازاي
عمر حكالها عنه وعن شهد
بس هي الحكايه وكنت حابب اساعدها مش اكتر
مريم في نفسها
طيب اعمل ايه دلوقتي ،انا مش عايزه ان حد يعطف علينا لكن مش قدامي غير الحل ده،انا اسفه يا حياه لكن مش قدامي غير الحل ده
قالت
طيب بس احب ان حضرتك متقولش حاجه لحياه وانا هفهمها كل حاجه
عمر
طيب ياريت تفهيميها بسرعه وانا هبقي اكلمك
مريم
طيب ،واحب اشكر حضرتك
عمر
تشكريني علي ايه ،ده انتو زي اخواتي
مشيت مريم وهي مش عارفه هتقول ايه لحياه،هي عارفه ان حياه مش هترضي ان هي تتعالج بالطريقه دي لكن مريم مستعده تعمل ايه حاجه علشان حياه تتعالج من المرض ده
~~~~~~~~~~~~~~~~~~~~~~~~~~~~
بعد ما مريم رجعت من البيت لقيت حياه واقفه قدامها وحياه قالت بعصبيه خفيفه
مريم ممكن تفهميني انت بتعملي ايه،يعني استأذنتي من الشغل وقولتي انك عايزه تشتري شويه حجات ،وتصرفاتك الي مش طبيعيه،انا عايزه افهم
مريم
حياه لوسمحت انا حاسه اني تعبانه ومحتاجه ارتاح،نبقي نتكلم بكره الصبح
مريم مشيت وحياه بصتلها بغيظ
~~~~~~~~~~~~~~~~~~~~~~~~~
تاني يوم الصبح عند حياه لقيت التلفون بيرن
حياه
الو مين معايا
عمر
انا عمر الي كلمتك امبارح بخصوص مرض حياه
حياه بصدمه
ايييييييه
مريم راحت لحياه ،وفهمت ان هي عرفت كل حاجه
مريم
حياه انا كنت هفهمك
حياه بغضب
تفهمينيييييي ايييييه؟!!
ياتري حياه هتعمل ايه؟؟؟.....
~~~~~~~~~~~~~~~~~~~~~~~
عند شهد في المستشفى
شهد كانت بتمشي في المستشفي وبتكلم صاحبتها
شهد
طيب ماشي ه......
قاطع كلامها لما خبطت في شخص
قالت بعصبيه
مش تفتح يا....... ايه هو انتتتت؟؟!!
ياتري شهد شافت مييين؟؟؟....
~~~~~~~~~~~~~~~~~~~~~~~