رواية قصص الحب الفصل الرابع 4 بقلم منال كريم
حسين: في عريس متقدم ليكي وأنا وحسن موافقين رايك ايه
شروق بصدمه: ايه
حسين: ايه مالك مصدومه ليه كده ،كل أصحابك اتجوزه.
شروق بعصبية: أنا ماليش دعوه بحد
حسن بهدوء: حبيبتي براحتك أحنا بس ناخد رايك ،خليكي متاكده أن عمرنا ما نغصب عليكي حاجه.
حسين بعصبية: بطل دلع فيها بقا.
حسن: بس يا حسين
شروق بهدوء: مين العريس
حسين : نفس العريس اللي تقدم اكتر من مره واحنا نرفضه
شروق باستغراب: ايه ده هو مبيفهمش ولا يزهق
حسن بهدوء: هو بيحبك يا شروق
شروق: وانا موافقه
أنصدم حسين وحسن
حسن: بجد ولا هزار
شروق: ايوه موافقه ، بس الجواز بعد نهايه السنة
حسين بسعادة: أنا متاكد أنه يوافق ده ما يصدق.
صعدت شروق إلى غرفتها،
تجلس على السرير وتفكر
هل قرارها صحيح أما خطأ؟
&&&&&&&&&&&&&
في مكان آخر
أول مره نذهب إليه
فى قصر كبير و جميل
هو بصوت عالي: أنت يا ابني عايزك تذبح عشر عجول و توزع على أهل البلد كلها، مش عايز حد ناقصه حاجه فاهم
الخادم: حاضر يا بيه
كاد يذهب الخادم ولكن قال بصوت عالي: استنا يا ابني أقولك خليهم ١٥ عجل
الخادم: حاضر
هو : استنا خليهم ٢٠ لا ٢٥لا ٣٠
الخادم بابتسامه: آخر حاجه ٣٠.
هو بابتسامه: اه وامشي بقا قبل ما ارجع فى كلامي.
رحل الخادم..
هو بصوت عالي: يا صالح أنت يا صالح
جاء صالح سريعا و قال : نعم يا بيه.
هو: عايزك توزع على كل الفلاحين اللي شغالين فى الارض وكمان اللي فى القصر هنا شهرين مكافاه.
صالح: حاضر يا بيه
أخرج الهاتف من جيبه وطلب رقم و قال شريف: ايوه يا فندم.
هو: عايزك تصرف لكل الموظفين فى الشركات مكافاه شهرين.
شريف: حاضر يا فندم ، بس فى سبب معين
هو بسعاده: ايوه بمناسبه أن ست الحسن و الجمال وفقت على الجواز مني.
شريف بسعاده: بجد الدكتوره شروق وافقت
تنهد بحب ثم قال: اه وأخيرا وفقت عليا.
شريف بسعاده: الف مبروك ، الف مبروك يا صحابي.
هو : الله يبارك يا شريف ،سلام دلوقتي.
اغلق شريف الهاتف..
وقف هو فى الشرفة ينظر إلى الطبيعيه الخلابة ، و الشمس تغرب و أخذ نفس عميق ، يدل على كم المرات التي تم رفضه من شروق، تعبر كم هو يعشقها.
هو بحب: اه لو تعرفي بحبك قد ايه يا شروق ، أنتي من النهارده بقيتي ، شروق الشمس، مرة واحدة شوفتك فيها ، خطفتي قلبي و عقلي.
تعالوا نتعرف على البطل الجديد
شمس محمود الصاوي: من الصعيد شاب عمرها ٣٢ سنة ، خريج كلية تجارة ، يستطيع التحدث باللغة الإنجليزية والفرنسية.
عائلته من كبار الصعيد و أبوه وأمه متوفين وليس له أشقاء
شخصيته عصبي مغرور متكبر بشده، لكن عندما يذكر اسم شروق تنهار حصونه لمجرد سماع اسمها.
هو من أغنياء الصعيد والعالم أيضا شغله بين الصعيد والقاهره وله شغل فى الخارج أيضا ، يعيش بين الصعيد و القاهرة...
يوجد شغل بينه وبين اخوات شروق وأول مره شافه كان فى بيت عائله شروق ومن اول نظره وقع فى غرامها وطلب من اخواته الزواج أكثر من مرة ولكن كل مره الرفض من نصيبه ولكن كان لم يياس واخيرا تحقق حلمه وافقت شروق الشمس زي ما يطلق عليها يجمع اسمه و اسمها فى جملة، لم يستطيع النوم طول الليل بل ينتظر الصباح حتي يأتي إلى منزل شروق.
&&&&&&&&&&&&&
في منزل شروق
في غرفة شروق
مازلت تجلس مثل ما هي تفكر
لماذا وافقت على الزواج وهي حتي لا تعرفه أو تتذكر أنه قابلته قبل ذلك؟
حدثت نفسها بغضب شديد: ايوه كان لازم أوفق لان ده مش اي حد ده شمس الصاوي ، اغني أغنياء العالم مركز ومال علشان يعرف جاسر هو خسر ايه وكمان جميله تشوف انا مين وتزوجت مين ،مش زيها هي شحاته و خدت شحات لكن أنا شروق الالفي وأكون مرات شمس الصاوي، لازم انتقم منكم ..
و فقت شروق لأجل الانتقام فقط
ونسيت أنها كده تدمر نفسها وشخص ليس له أي ذنب إلا أنه احبها بشدة...
مر الليل على الابطال
منهما من يحاول يستمع بشهر العسل....
و منهما من يحاول يتعافي وينسي لأجل نفسه..
و منهما من يحاول تقبل الواقع أنهما أصبحوا ازواج...
و منهما من تخطط لاجل الانتقام..
ومنهما لا يستطيع النوم من كثرت السعاده ظن أنها أيامه القادمه تكون في الجنه و الحقيقة سوف يكون الجحيم من نصيبه...
🌞🌞🌞🌞🌞🌞🌞🌞
اشرقت الشمس تعلن عن يوم جديد محمل با الأحداث ل ابطالنا
فى القاهرة
في منزل يونس
لم ينام طول الليل و فكرة واحدة مسيطرة عليه ، ويحاول يمنع نفسه أن يفعل ولكن فى الاخير فعلها
رن على جميلة ، لا يعلم ماذا يقول لها، لكن يريد سماع صوتها.....
في شقة جاسر
تستيقظ جميلة بانزعاج على رنة الهاتف تفتح عيونها ، لتجد نفسها نائمه على يد جاسر
وهو يحضنها باليد الأخرى.
كادت تخرج من حضن جاسر لتجيب على الهاتف
لكن جاسر ضمها أكثر إليه وهو مازل مغمض عيونه
جاسر بصوت هادئ: على فين
جميلة: ارد على التليفون
يفتح عيونه وينظر إليها بابتسامة: سيبك من التلفيون دلوقتي عايز اقولك حاجه مهم
قالت بدلال: جاسر بس بقا اوعي
( جاسر با ابتسامه: بقولك موضوع مهم
ضحكت ضحكة بدلال و قالت: يولع التلفيون، طالما الموضوع مهم...
$$$$$$$$$$$$$$$
عند يونس
القي الهاتف على الأرض بعصبية
يونس بعصبية: كمان مش تردي ،طبعا تردي عليا ليه، زمانك مع جوزك دلوقتي
اغمض عيونه بألم لمجرد التخيل أن حبيته بين أحضان صديقه.
وصرخ صرخه عاليا و هو يكرر كلمة : ليه عملوا كده، ليه.
وللاسف اتصل على فتاة ليل ليشعر نفسه، انه ،مازل مرغوب وأنه ذات الشاب الذي كل الفتيات تتمناه اشاره منه.
ونتركه يفعل المعصيه رغم أنه كان يستطيع أن يذهب إلى الله كان افضل له..
$$$$$$$$$$$
فى شقه فارس
شقه فى إسكان الشباب لأن فارس رافض اي مساعده من أبوه فرح.
فى المطبخ
تقف فرح تحضر الفطار بكل حب وسعادة رغم أنها لم تدخل المطبخ إطلاقا فى حياته ، لكن تحاول لأجل من تحب..
ذهب فارس إليه و حضنها من ظهرها، وضع قبله على خدها و قال بحب: صباح الخير يا حبيبتي.
وضعت فرح قبله على خده و قالت بحب: صباح الورد والفل والياسمين على احلي فارس فى الدنيا
فارس بحب: قلب فارس والله
والقمر ده بقا يعرف يعمل فطار
فرح بغرور: اومال أنا اكون ست بيت شاطره واعرف اعمل كل حاجه
فارس با ابتسامه: والله طيب عملتي فطار ايه بقا
فرح بغرور: بص جبنه بيضاء وجبنه رومي و تونه و لانشون ومربي شوفت بقا أنا شاطره ازاى.
فارس با ابتسامه: طبعا انتي كفايه انك فضتي الحاجات دي فى اطباق تعملي ايه اكتر من كده تقطعي نفسك
فرح بدلع شديدة: عندك حق بس أنا قطعت السلطه لوحدي
وكمان سخنت العيش.
( فارس بحب: حبيبتي شاطره كده ، نقفل على الفطار دلوقتي .
حملها وذهب بها إلى الغرفة
ولكن للاسف كانت فرح تسخن العيش فى الفرن و تركت الفرن وذهبت.
وهما فى الغرفة
فرح: حبيبي في حاجه تحرق
فارس: لا مفيش حاجة.
وصرخت عندما سمعت صوت شي ينفجر
$$$$$$$$$$$$$
فى فيلا سامر
و احرص سامر على عدم وجود أي خدم حتي يكون على راحتهم...
يسبح سامر فى حمام السباحة يرتدي شورت سباحه فقط
وتجلس سهر على الشاذ لونج
تضع نظاره شمسيه وتنظر إلى السماء وترتدي ملابس سباحة .
القي سامر عليا الماء
قلعت النظاره بعصبية و قالت: ايه ده سامر مش قولتك مش عايزه الماء تجي عليا
يستند سامر على حافه حمام السباحة و قال ببرود: اصل أنا رخم اوي.
سهر بغيظ: رخم جدا
سامر بحزن: كده يا سهر بدل ما تقولي لا حبيي مش رخم
سهر با ابتسامه: لا حبيي رخم جدا جدا جدا
نظر سامر الى الاسفل
سامر با استغراب: غريبه ايه ده
سهر : فى ايه
سامر بتوتر : مش عارف فى حاجة غريبه فى المياه
جاءت سهر و سألت بتوتر: ايه ده
جذبها سامر و سقطت فى الماء..
صرخت سهر و قالت بصوت عالي: قولتك مش عايزه أنزل المياه أنت غبي.
سامر اعجاب: ما هو ابقي مجنون لا سبت القمر ده يكون بعيد عني
سهر بخجل: احترم نفسك بقا
سامر بابتسامه : اصل أنا مش محترم اصلا.
سهر بابتسامة : اصلا
سامر با ابتسامه: اومال سيبك مني ايه الحلاوه دي
سهر بخجل: شكرا
سامر بعصبية: شكرا
ايه يا سهر انتي مراتي
سهر: يعني اعمل ايه
سامر: لا انت مش تعملي أنا اللي اعمل
و ضمها إلى حضنه بحب و امتلاك...
فهما يحبون بعض منذ الطفوله والان تحقق الحلم و أصبحوا كيان واحد
&&&&&&&&&&&&&&
في شقة فارس
فرح بصرخه: فى ايه
فارس بتوتر : اهدي اهدي
ارتداء فارس روب الحمام وخرج سريعا ،و ارتدت فرح روب الحمام وخرجت خلفه
وجدوا دخان يخرج من الفرن
قفل فارس الغاز سريعا وفتح شباك المطبخ
وفتح الفرن ليجد الخبز محروق
جلست فرح على الأرض وبكت
جلس فارس بجواره وأخذها فى حضنه، و قال بهدوء: خلاص يا حبيبتي مفيش حاجه بلاش العياط .
فرح بدموع: أنا فاشله وعمري ما أكون ست بيت شاطره ،وانت تطلقني صح .
فارس بابتسامة: اه
ضربته فرح على كتفه
فارس: بهزار ايه الكلام ده انتي اشاطر ست بيت فى العالم واللي حصل ده بيحصل عادي اهدي بقا.
فرح بدموع: كان ممكن نموت
فارس: الحمد لله احنا بخير
انا اللي غلطان
فرح بدموع: وانت مالك
( فارس) انا اللي جيت خدتك وانتي وقفه تعملي الاكل
فرح بدموع: لا أنا اللي المفروض كنت قفلت الفرن الاول
فارس بحنان : ممكن كفايه عياط بقا
فرح بابتسامه: حاضر
فارس بحب: حبيبتي اللي بتسمع الكلام
فرح بحب: بحبك
فارس بحب: اقسم بالله أنا بعشقك
حضنته فرح بشدة وهو بدلها الحضن فهما يحبوا بعض منذ سنوات طويلة
$$$$$$$$$$$$$$
جاء الليل
وذهب شمس ومعه عمه وزوجته إلى منزل شروق وهو ينتظر اللحظه الذي يراها فيها...
في غرفة شروق
تقف أمام المرايا وهي متوتره بشده
دلفت إلى الغرفه زوجه اخوها حسن .
صباح: يلا يا شروق العريس قاعد تحت من بدري
شروق بتوتر: أنا خايفه اوي مش عارفه أنا اللي بعمله ده صح ولا غلط
صباح بحب: شروق انتي عارفه انك بنتي صح
شروق بدموع: طبعا انتي وابله سمر كنتوا زي امي والا كنت حسيت اني يتيمه فعلا
صباح بحب: يبقي تعرفي أن عمر ما حد فى اخواتك أو انا وسمر نزضي ليكي الاذي الخوف والتوتر طبيعي يا قلبي وشمس زين الشباب و بيحبك
شروق: طيب شكلي حلوه
صباح بابتسامة : قمر ماشاء الله
نزلت شروق مع صباح
( سمر زوجه حسين ) بسم الله ماشاء الله تبارك الرحمن عليكي يا شوشو
شروق: شكرا يا ابله سمر
سمر: يلا شيلي الصينيه وادخلي
شروق بلهفة: ايه ده أنا ادخل لوحدي
صباح: لا طبعا احنا ندخل معاكي بس لازم تشيلي انتي الصينيه
شروق بهدوء: طيب
حملت شروق الصينيه وكادت تسمع دقات قلبها من كثرت التوتر..
دلفت صباح وسمر وخلفهم شروق
شروق وهي تنظر إلى الأرض
قالت بهدوء: السلام عليكم ورحمه الله وبركاته
الجميع : وعليكم السلام ورحمه الله وبركاته
كان شمس دقات قلبه سريعا جدا..
اخذت صباح من شروق الصينيه.
صباح: اقعدي جنب اخواتك يا شروق
جلست شروق فى المنتصف بين اخواتها وتمسك ايدهم لتحاول تطمن..
نظر حسن وحسين فى نفس الوقت إلى شروق نظره حب وعيونهم ممتلئه با الدموع
نظرت شروق لهم
شروق بدموع : انتوا تعيطوا من دلوقتي اقوم اهرب ولا ايه
ابتسم اخواتها
وشمس أيضا الذي كان يسمع الحديث
( عم شمس) حسن أحنا جينا نطلب ايد شروق ل شمس و عايزين نقرأ الفاتحة النهاردة .
حسن: واحنا نتشرف إن كان عليا أنا وحسين موافقين، بس الرأي الاول والاخير لشروق
مرات عم شمس: رايك ايه يا عروسة
شروق بتوتر: الرأي راي اخواتي
شمس بسعاده: يبقي نقرا الفاتحه
ابتسم الجميع على سرعه شمس
أما شروق تريد رفع عيونها لتتعرف عليها لكن تشعر بالخجل...
حسين: نقرا الفاتحه
وبالفعل تمت قريت الفاتحه
وبعد الحديث فى الامور الماديه...
حسن: بقول نسيب شمس وشروق يتعرفوا على بعض
بدأ الجميع يخرج
لكن شروق مسكت ايد حسن وتهز رأسها بمعني بلاش تخرج
رتب حسن على رأسها بحنان و غادر..
شمس بابتسامة: على فكره مش أكلك يعني
لم تجيب
شمس بابتسامة : وعلى فكره ممكن ترفعي عينك و تشوفني دي رويه شرعيه
لم تجيب شروق ولا ترفع عيونها
شمس بهدوء : تمام تحبي تقولي حاجه
أومأت رأسها بمعني لا..
شمس: اكلم أنا،
أنا شمس محمود الصاوي من مواليد الصعيد عندي ٣٣ سنه وأبوي وامي متوفين و ماليش اخوات عايش بين الصعيد والقاهره علشان شغلي ,يعني بعد الجواز حياتنا تكون بين هنا والقاهره
أنا من أول يوم شوفتك هنا وانا بحبك ومش قادر انساكي علشان كده طلبت ايدك اكتر من مره وكل مره ترفضي كنت ازعل اوي ، بس الحمد لله وافقتي المره دي ، ممكن انا اسال سؤال ليه وافقتي المره دي.
مازلت شروق تنظر إلى الأرض
و سألت بهدوء: عايز الصراحه
شمس: طبعا
شروق بهدوء: أنا طبعا عمري ما شفتك ولا اعرف شكلك
قال بغرور : معلش استني مين مش عارف شمس الصاوي، اكبر رجل اعمال ايه مش شوفتي على النت فى المجلات غير اننا عايشين في نفس البلد.
أجابت بهدوء: أنا مش مهتمة بحياه رجال الأعمال علشان اشوف صورهم فى النت، او المجلات ممكن فنانين بس رجال أعمال لا
وبالنسبه أن احنا عايشين في نفس البلد اكيد انت عارف اني مش بخرج خالص اخواتي خايفين عليا وكمان انا طلعت من الثانوية ل طب يعني
حياتي كله مذاكره
مش عارفه حد من البلد تمام.
قال بهدوء: تمام نرجع لسؤال
أجابت بوضوح : مكانتك و مركزك الاجتماعي فى البلد
شمس بابتسامه: صريحه انتي اوي
أجابت بهدوء : اكدب يعني
شمس بحب: لا مش تكذبي لكن أن شاء الله تحبيني يا شروق الشمس.
واخيرا رفعت شروق عيونها من الأرض ونظرت له
وهو أيضا تسمر مكانه عندما نظر له من قريب ، وهي ايضا نظرت له لتجده وسيم جدا
قالت بهدوء: ايه شروق الشمس دي ،جو قديم اوي أنك تخلي اسمنا واحد
شمس بحب: بس دي الحقيقه احنا نكون كيان واحد من اللحظه دي
قالت بهدوء :أن شاء الله
ونظرت إلى الأرض مره اخري
قال بابتسامة :ليه بس كنا حلوين مع بعض
وبعد وقت ذهب شمس مع عمه وزوجته بعد الاتفاق على موعد الخطوبة..
أما شروق فتحت الفيس
وكتبت موعد خطوبتها هي وشمس محمود الصاوي
الجمعه القادمة
$$$$$$$$$$$
فى شقه جاسر
كان يجلس يتصفح الانترنت وجد هذا الخبر
قال بصدمه: ايه شروق وشمس
خرجت جميله من المطبخ
جميله بتوتر: فى ايه
جاسر بعصبية: شروق خطوبتها الجمعه الجايه
جميله بصدمة: بتقول ايه ازاي ومين العريس
جاسر بغيره: شمس
جميله: شمس الصاوي
جاسر بعصبية: ايوه هو ازاي شروق تعمل كده ازاى
جميله بحزن: شروق تنتقم منا
جاسر بصوت عالي جدا: بس هي كده تدمر نفسها مش احنا
جميلة بدموع: احنا السبب يا جاسر فى ده
جاسر بعصبية: احنا كنا مضطرين لكن هي
جميله بدموع: هي مصدومه فى صديقه طفولتها وحبيبها يا جاسر تخيل
جاسر : ادخلى يا جميله اعملي كوبيه شاي
جميله: حاضر
دخلت جميله و انهرت من البكاء
تبكي على صديقه طفولتها
تبكي لانها تعلم أن زوجها يحب فتاه اخري
تبكي حزنا على يونس
وحال جاسر لا يختلف عنها
فكيف لحبيتها تكون لشخص آخر
$$$$$$$$$$$$$
عند يونس
يجلس في حضن فتاه ليل
وهما سكرانين جدا
يونس بسكر: انتي بتحبني صح
الفتاه بسكر: طبعا مين مش يحب القمر ده، أنت مال وجمال وكل حاجه حلوه
يونس بدموع: اومال هي مش تحبني وتسبيني وتروح لصاحبي ليه ليه وانا بحبها اوي وتغيرت علشانه
الفتاه بسكر: هي مين دي
يونس بحب: جميله وهي جميله
الفتاه: هي اللي خسرانه مش انت, أقولك اقوم ارقص ليك علشان تفرفش
يونس بسكر: قومي
$$$$$$$$$$$$$
سهر تتحدث مع فرح على الهاتف
سهر: ايوه يا فرح شوفت الخبر وبرن على شروق مش ترد عليا
فرح: أنا خايفه على شروق اوي تكون علشان تنتقم تدمر نفسها
سهر: احنا نروح صح
فرح : اكيد انا بحاول ارن عليها مش ترد نفسي ترد اقول لها بلاش.
سهر: ربنا يقدم اللي في الخير
فرح: يارب, ويونس كمان رجع تاني لشرب
سهر بدموع : ايوه البواب كلم سامر وقاله وهو اتصل با فارس وراحوا يشوفه ربنا معه
فرح بدموع : يارب
***,,**,*
أمام منزل يونس
يدق فارس و سامر الباب و لم يجيب عليهم.
سامر بتوتر: يكون حصل حاجة له.
فارس بغضب: نفسي اروح أقتل الخائن و الخائنة علشان خاطر يونس يرتاح..
وللحديث بقية
🍒🍒🍒🍒🍒🍒🍒
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم صل على محمد وال سيدنا محمد
اللهم انك عفو كريم تحب العفو فاعف عنا
اللهم انصر اخواننا في فلسطين والنصر لجميع البلاد العربية والإسلامية
🍒🍒🍒🍒🍒🍒🍒